العزيز راكوبه غايتو اتذكرت كلام سجيمان قال الزول ده بعد كدا ما فضل ليهو الا يشترى رمضان كفر وأوتار ودولار يعنى يشوت ويعكس براهو قروش وصلها حدها كوره دخل فيها مذكره تفاهم جده بين على عثمان والمرغنى وراها شعر بكتب تلحين بلحن صحافه بجضم الهم زيد وبارك للأرباب الحاوى ملحوظه عشان مافى زول يشب لى رقبتى آى حاسد وبغران أو حاسد وبقران عشان ما عارف بتكتب بالغين ولا بالقاف
02-05-2004, 00:20 AM
Tumadir Tumadir
تاريخ التسجيل: 05-23-2002
مجموع المشاركات: 14704
يا لهذا الابداع رهيب مدهش وخلاق,سبق فى تاريخ الاغنيه السودانيه...يمكن الراجل يعصر لينا حاجه الحان وكلمات صلاح ادريس ,بالله ما غناها كمان؟؟ طبعآ الصوت لايمكن شراؤه,انا كنت بفتكر الراجل بأجر ناس يعملوا ليه الحاجات,لكن بؤس الكلمات و رداءة اللحن تنم عن تدنى فى القدرات يناسب الرجل او من نفذ هذا العمل... يا تماضر خليك شجاعه زى منتصر واعترفى بالحسد والبغران والقطران كمان....
ويا دينق معاك حق كلما/اينما ذكر اسم هذا الشخص قفز هذا السؤال الى ذهنى "من اين له هذا؟؟؟" انا خايف الراجل يتعدى خيال سجيمان وبعد مده يكتب عن روحه "على كل شئ قدير" الطحالب التى طارت من الطبقات نحو العرش لتفسد كل شئ حتى الهواء والغناء
02-05-2004, 03:35 PM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
-عادل مسلّم من فنّاني بورتسودان الشباب، صوته جميل وقويّ، وهو الذي يتغنّى بالأغنية الشهيرة "بلدنا نعلّي شانها، سودانّا نادانا" -من الأغاني الجميلة التي لحنها صلاح إدريس "أو هكذا قيل" أغنية "يا الراقي إحساسك" ويؤديها الفنان "الراقي" حسين شندي أحمد الريح
02-07-2004, 05:42 PM
Elmosley Elmosley
تاريخ التسجيل: 03-14-2002
مجموع المشاركات: 34683
فضلت ان اقرأ هذا البوست فقط ولكن الاخ احمد الريح اجبرني بان قال بان عادل مسلم هو فنان بلدنا نعلي شانا لا يا احمد بلدنا نعلي شانا هي تنويعات موسيقيه وشعريه للاغنيه الشعبيه الجمعه الكان معانادكدأبي دوما في عمل تنويعات علي الغناء الفولكلوري قمت بذلك وكانت من بنات افكاري وسجلتها بالتلفزيون والكاست ثم تلقفها عادل مسلم وكعادة ناس النظام في الاجهزه اي فرصه للتمويه عن اصحاب الحقوق المعارضين من الفنانين تم التمويه عليها ببث تسجيل عادل برغم ان وزيرهم الطيب ابراهيم قد اشاد بتجربتي ثم استفادوا من التجربه بتحويل معظم الاغنيات الحرة والعاطفية الي اغنيات دينيه مثل الشعب حبيبي وشرياني اما عادل فهو صوت راق وحسنا فعل راكوبه بحذف الاغنية الاولي فلا اللحن ولا المقام يتاسبان صوته الدافئ وانصحه بعدم التورط قبل التأكد واعتقد ان لحن صلاح ادريس الثاني بسيط جدا وموفق مع صوت فرفور هذا من المنظور النقدي واقول ان هذه الالحان تجتر الماضي ولا تستشرف افاق المستقبل ولكن بصراحة فأن اللحن الثاني موفق حتي في اداء الاوركسترا له والذي يحيرني ان لعادل مسلم الحان غايه في الجمال فما الذي ورطه في ذلك العمل؟ تحياتي لكل المشاركين
(عدل بواسطة Elmosley on 02-07-2004, 05:46 PM) (عدل بواسطة Elmosley on 02-07-2004, 07:20 PM)
ألعزيز والأستاذ حمزة سليمان أوجزت فعبرت ...دي يا الله نفس لجنة النصوص التي رفضت أغنيتين الهمباتة وباب الروح ؟؟..لو كانت نفس لجنة النصوص أقترح أنه يرجعوا الكتاب(بضم الكاف) لأنه الفرق بين الكلام الميت ده وكلام القصيدتين بعيد ... يمكن أشترى لجنة النصوص ..ولا شنو يا نقيب الفنانين ؟؟؟؟؟
02-06-2004, 10:29 PM
bushra suleiman bushra suleiman
تاريخ التسجيل: 05-27-2003
مجموع المشاركات: 2627
شكراً لكم جميعاً على المداخلات ، والرجل مازال محط سؤال حول إمكانياته التلحينية، وأدناه عمل ثالث أيضا لعادل مسلم، أعتقد بأنه أفضل من السابق بمراحل، والحكم لكم. http://www.bayanit.com/upload/protected/kefak.ra
الأخ الكريم راكوبة انت ما عارف الناس هنا عندها ناسات والآراء جاهزة و"متوارثة"؟ واليومين ديل كمان بقينا في "دي أجازوها كيف"!!! ومالك ما جبت سيرة المريخ والعباسية؟ درون ولا شنو؟ الاستاذ الموصلي كل عام وانت بخير ذكرت أغنية "بلدنا نعلى شانا" لتذكير الناس بعادل مسلّم، ولم أحاول "طمس أي حقيقة" شكرا على التنوير أحمد الريّح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Rakoba
Tumadir
jini
Deng
HAMZA SULIMAN
bushra suleiman
ASAAD IBRAHIM
Elmosley
سمندلاوى
الفاتح يسن
الليندي
فيس بوك
تويتر
انستقرام
يوتيوب
بنتيريست