المجموعة الثلاثية(الفنانة آمال النور، الفنانة وفاء متولي ، الموهبة سارة النور ) تنطق الكلمة المفتاحية في الاغنية هكذا : اليوم نرفع راية استغلالنا , وهي الطريقة الشائعة في السودان لنطق القاف ما يغير المعنى تماما وربما أردن ما قلن ,,
01-03-2006, 10:12 AM
Rakoba Rakoba
تاريخ التسجيل: 02-05-2002
مجموع المشاركات: 5814
الدكتور عباس تحياتي وكل عام وانت بخير الغين والقاف المشكلة الأزلية وتتعاظم هذه المشكلة عندما تنتقل من المشكلة اللفظية إلى الكتابية! وده موال طويل جداً.
Quote: وربما أردن ما قلن
01-03-2006, 04:21 PM
Mohamed Abdelgaleel Mohamed Abdelgaleel
تاريخ التسجيل: 07-05-2005
مجموع المشاركات: 10415
الأستاذ راكوبة .. الغين والقاف لا مشكلة ولا حاجة .. ومافي داعي لقاف تقطع نفس الفنانات .. فلو قالن إستقلالنا لأنهار جدار الهارموني .. والانسجام العجيب الذي تمتع به هذا الثلاثي الرائع .. ثم يا أخي .. والله لو لم تذكروا هذا الأمر لما فكرنا فيه .. كان أستاذ اللغة العربية يشرح لنا قصيدة محمد أحمد محجوب (الفردوس المفقود) .. وعند البيت الذي ورد فيه: والعقد جال على النهدين ظمآنا .. طلب منه أحد الطلبة أن يشرح له هذا البيت .. فرد عليه الأستاذ ده ما بشرحوه ده بحسوه يا ...
01-03-2006, 10:11 AM
Sakotaweya Sakotaweya
تاريخ التسجيل: 06-07-2003
مجموع المشاركات: 539
سيظل العملاق محمد وردى شموخ إهرامات البجراويه..وهو ترهاقا.الوطن..وهو الرمز ابادماك..وانسام رياح مملكة كوش العظيمه وحضارة مروى وعبق نبته... وظلال قوات الامام المهدى وهى تجتاح الخرطوم..ومواكب الشهداء فى كررى.وفى اعراف السوابق.وعلى عبد اللطيف والماظ وفرسان 1924.وفى تمدد النيل العظيم..وفى جنوب بلادى وشرقها وغربها...وفى زمن الاعزاز والسطوه ذلك المد الامتداد...
الاستاذ عصمت، تحياتي ذلك هو وردي كما ذكرت ، بتلقائيته وصراحته المعهودة، نحبه رغماً عن كل شيء، فهو رمز وعلامة في زمن اختفت فيه الرموز والعلامات التي يمكن أن يحتذى بها. شكراً على مرورك الكريم
كنت بعيد عن مكان اقامتي لما هاتفني أحدهم وقال لي الحق السهرة مع الهرم الاستاذ محمد وردي وحظي الكعب ده خلاني الحق فقط الأغنية الأخيرة " شن بتقولوا " وانبهرت شديد بريشة الاستاذ احمـــودي وبتناغم أصوات المبدعات آمال و وفــاء و ســارة واندهشت لصوت العملاق وردي كيف لا يزال بهذه الروعة ..وطبعا تحسرت شديد لأنو السهرة فاتتني .. ووالله أول ما خطر على بالي هو " راكوبة " قلت الزول العجيب ده ما بتفوتوا نفائس زي دي بس قلت اديها صنّة شوية وبعد كام يوم اطلبها منو واحدة واحدة ..قمت انت فاجأتنا باهدائنا الاغاني دفعة واحدة... البرية دي كلها عشان بس تقدر تحس ( كمية ) الشكر العاوز اوصلها ليك..... ياخي اقول ليك .. اشكرك حتى تستغيث
.
01-04-2006, 00:21 AM
Rakoba Rakoba
تاريخ التسجيل: 02-05-2002
مجموع المشاركات: 5814
أخونا حاتم سلام السهرة دي كانت متأخرة جداً، شايفك حايم في رأس السنة دي ، وفعلاً ظهر وردي بصورة جيدة، ومازال صوته الطروب في قوته وجماله. والشكر ليك يا حبيب على المتابعة، ودايماً خليك قريب. وكل عام وانت بخير.
01-04-2006, 00:54 AM
Sakotaweya Sakotaweya
تاريخ التسجيل: 06-07-2003
مجموع المشاركات: 539
تلفزيون الحكومة عندو هيبتوا برضو ، على العموم الصوت أيضا لم يكن بالمستوى المطلوب، ودائماً تأتي الأعمال الموسيقية عبر التلفزيون القومي ليست بجودة نظيراتها المسجلة بقناة النيل الأزرق، ناهيك عن الديكور والإضاءة وتقنيات الإخراج.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Rakoba
Mohamed Abdelgaleel
Sakotaweya
عصمت العالم
فيس بوك
تويتر
انستقرام
يوتيوب
بنتيريست