|
|
|
 Re: ود أم زقدة (Re: mustafa mudathir)
|
الجدير بالذكر أن بوستا عنوانه علامة استفهام كان قد
شوهد في سماء البورد دون أن يتطرق له من اعتادوا التطرق
لاي شئ مما دعاني لتسمية من لم يتطرق له ب ود أم زقدة
كما يقول السودانيين في وصف المستنكف وهذا بدوره أدى
لثورة أم زقدة علي!
أيوه أم زقدة!
كان مكضبني أفتح المتواجدون الآن.
مصطفى مدثر
| |
 
|
|
|
|
|
|
|
|
Re: ود أم زقدة (Re: mustafa mudathir)
|
سلام ....
كدي قول لينا أول حاجة أخونا زقدة ده زاتوا وينو ؟؟؟ وهو عضو معانا في البورد ولا لا ؟؟؟؟
وكان عضو كلمونا وورونا اسمه شنو في البورد أصله كان زمان ساكن جارنا ورحل ولي زمن ما لاقيتو ومشتاق ليه كتيييييييييييييييييييييييييييييييير
وبعيدن نشوف موضوع أمه !!! الخاله أم زقدة الله يديها الصحة والعافية ويطول عميرها...
جار ود أم زقدة (سابقاً) ...
....
| |
|
|
|
|
|
|
|
|
|
Re: ود أم زقدة (Re: nazar hussien)
|
لا يا نزار.
معقول ياخي تكون في بت اسمها زقدة?
الشايقي صاح زقدة دا هي و ليس شى!
ولد ليهو ضل!
وبعدين أي زول يطلق عليه ود أم زقدة يبقى أخو زقدة و عنده مشكلة
بس أمه مصيبة!
قلت لي كنت جارم يا شايقى??
وين???
| |
|
|
|
|
|
|
|
|
|
Re: ود أم زقدة (Re: سجيمان)
|
الحسن البكري كثيرة هي الاشياء التي لا أعرفها لكن الونسة
بتحتاج لأقل مما تطلبه أنت، أو أنا!
عبدالله جعفر يا صيدنا الثمين أشتغل الآن على نص بخلفية
من احدى المدن السودانية. شفتا كيف؟ يعني فشلنا في أن
نتحول الى كنديين!
سجيمان عايز أتدرب على نوع كتاباتك. هسي أصلح البوست
دا كيف؟ أوعى تقول لي ما بتصلح!
مصطفى مدثر
| |
|
|
|
|
|
|
|
|
|
Re: ود أم زقدة (Re: mustafa mudathir)
|
الاخ مصطفى
كدى النلبس حجابى واغطى وجهى البوست دا بتاع عزابة
رحلتو وين عشان اعرف كتبتا شنو باقى خالتك فضولية وبترييييييد الشمار
والليلة ذكرتنى شندى فى بداية السبعينات لما كنا فى الابتدائى
ود ام زقدة ما سمعتها لى 30 سنة
رجعتنا بضفائر ياخى
ذلكم الزمن الجميل
اسع قاعدة ابكى وأجعر
الكلمة دى كلمة جعلية وما شايقية
التوقيع
شايقية عاشت فى ديار الجعلين
| |
|
|
|
|
|
|
|
|
|
Re: ود أم زقدة (Re: mustafa mudathir)
|
والله يا جماعة الكلمة دي شغلت بالي لمن سكيتا
سك شديد ولقيت انحنا بننطقها غلط وبنقول زقده
ولكن الصاح ود ام زقتَ ودي عاميه سودانيه جمعها
زقاقيت وهي تعني السمين او الضخم وقالو فوق الساقية
تيرانا زقاقيت والعهد على الراوي دكتور عون الشريف
ودي زي ود الجخس أو يا جخس يعني سمين وما ومنو فايدة
والله اعلم
ود الشيخ
| |
|
|
|
|
|
|
|
|
|
Re: ود أم زقدة (Re: الحسن بكري)
|
والله الكلمة دي كانت دارجة في بيوتنا وحتى لو ليها معنى
فاحش ما في ما يمنع شرحها مستخدما لغتك انت الما فاحشة.
ود الشيخ قال ليك وجد ما يظنو شرح ليها عند عون الشريف.
وبعدين منبر عام جدا أيوه لكن برئ دي تعني شنو؟
مصطفى مدثر
| |
|
|
|
|
|
|
|
|
|
Re: ود أم زقدة (Re: mustafa mudathir)
|
الاخت بيان
مافي داعي تلبسي حجابك البوست أصلا مخستك و كتبته في
حالة فتاق نفسي psychic hernia
لكن كويس أنو ذكرك صباك و بكيتي!
أسمعي كلام البيبكيك!!!
مصطفى مدثر
| |
|
|
|
|
|
|
|
|
|
Re: ود أم زقدة (Re: mustafa mudathir)
|
اتوكلت عليك يا مالك روحي
الحايي الله والكاتل الله....
ود ام زقدة.... اصلا هي ود ام زقدا.... كلمة زقدا مركبة من كلمتين...
وقسمو انتو براحتكم.... عشان انا برئ ومهذب
| |
|
|
|
|
|
|
|
|
|
Re: ود أم زقدة (Re: سجيمان)
|
زكاه لنا ود قسم السيد, التقاه ( قال) فى الحلة الفوق, حيث اشتركا سويا فى بناء بيتين متجاورين لبعض القادمين من الخليج حديثا.
- هو بناء ماهر
قال بانقا ود قسم السيد, وهو يمصمص فمه عند الحنفية فى طرف الحوش من بقايا الصعوت الذى التصق باسنانه العلوية.
قال حسن الفتاة, جارنا, الذى تطوع للاشتراك فى مناقشة التكاليف.
- نحن لانريد بناء ماهرا, هذا مكلف .. نريد من يعرف كيف يبنى حائطا بطول مترين بدلا عن حائط المرحاض الذى رماه السيل!!
صاحت امنه عطا, زوجته, من فوق الحائط وهى تمد صينية عليها بعض الاكواب الممتلئة بالشاى الاحمر, وتناولها زين العابدين, شقيقى الاكبر, متمتما بعبارات الشكر المعتادة ثم راح يقدمها لنا واحدا واحدا
- تفضل يا... قلت اسمك من؟
تطوع بانقا ود قسم السيد بالاجابة:
- الضو.. ود ام زقدة
- ود من؟؟!
تسائل حسن الفتاة مندهشا بينما احسست بان فكى الاسفل قد لامس اسفل صدرى.
- زقدة هذه اختى الكبرى من امى .
قال الرجل فى نبرة من اعتاد على شرح الامر مرات ومرات, فسأله حسن الفتاة:
- زقدة؟ هل انتم فى الاصل فلاتة؟
- لا. جدتى لامى نوباوية.. من الجبال, وكانت جارية لجدى وهو جعلى من الشقالوة شرق النيل, شمال شندى وقد سمى امى- ابنته- مستورة. وقيل ان والد زقدة كان هو الاخر مملوكا لجدى فزوجه امى ثم سمى وليدتهما زقدة, قيل لانها رفضت الرضاعة من صدر امى, وقيل لانها ولدت وزبد ما يخرج من فمها وقيل.. وقيل.. الشاهد ان امى كنيت بام زقدة حتى نسى الناس اسم مستورة. وانت.. لماذا سموك حسن الفتاة؟ رغم انه لايبدو عليك- لاسمح الله - علامات الخنوثة؟!
ضحك زين العابدين, وتابعته انا فى الضحك وهو يشرح لود ام زقدة:
- خنوثة؟! تعرف ياود ام زقدة, حسن الواقف امامك هذا, يمسك الثور من قرنيه ويلقى به على الارض ويذبحه وحده دون مساعدة!! اظنك لاتعرف انه من شيوخ الجزارين.
- اصدقك. فمثل هذا الطول والعرض لايمكن الا ان يكون جزارا او ... رباطا
ضحكنا جميعا, حتى حسن نفسه ضحك
- ولكن لماذا يقولون له الفتاة؟
-ايييه.. ان هى الا اسماء سميتموها..
زفرها حسن بعد تنهيدة طويلة
- ان جدتى لامى هى الاخرى كانت جارية مملوكة لجدى النور ود التلب, من كبار تجار الرقيق فى كوستى. وعندما وضعت جدتى ابنتها الوحيدة- امى - سماها( الفتات) يعنى البقايا, وجدها فى القرآن قال, وعندما جئت انا الى هذه الفانية نادانى الناس اول الامر ب(حسن ولد الفتات), ثم لما استثقلوا الاسم فى افواههم قالوا (حسن ولد الفتاة ) ولا اذكر منذ متى اختفت كلمة ولد من اسمى وصار السائد عند الناس قول (حسن الفتاة) مباشرة.
بعد اسبوع جلس حسن الفتاة يشوى لنا بعضا من طيب اللحم الذى انتقاه بنفسه, بينما انهمكنا نحن فى ضحك متواصل من طرائف ود ام زقدة, والتى لا تنتهى. ونحن نشرب العرقى البكر الذى جائنا هو به, من اين؟ لا ادرى, احتفالا - قال - بانتهاء بناء الحائط.
منعم الجزولى
| |
|
|
|
|
|
|
|
|
|
Re: ود أم زقدة (Re: Gazaloat)
|
تعرف يا منعم أنا سألت سجيمان البوست دا أصلحو
كيف و ما خطر ببالي أنو سمكرجي بوستات بقامة ع الجزولي
موجود.
وريني التصليحة دي بكم و كان ما دفعت أبقى ود أمي
كنينة!!!
مصطفى مدثر
| |
|
|
|
|
|
|
|
|
|
Re: ود أم زقدة (Re: Gazaloat)
|
منعم يا ايها الرائع فينا
يوم بتكتل ليك زول من الاعجاب
بالله ما تغيب
مدثر
اها هادى سماع كلام
انا حأكون مقيمة فى هذا البوست
ونتمنى ترجع ما مسحت
| |
|
|
|
|
|
|
|
|
 Re: ود أم زقدة (Re: الحسن بكري)
|
| Quote: أما الزقدة فهي ما يفرز مهبل الأنثى إن أتاها الشبق ولفتها الشهوة، والله أعلم!!!!!!!!!! |
الواحد ندمان ما دخل مدارس الألسون او الدايات
| |
|
|
|
|
|
|
| |
mustafa mudathir
Al-Shaygi
سجيمان
bayan
HOPEFUL
Gazaloat
فيس بوك
تويتر
انستقرام
يوتيوب
بنتيريست