دعواتكم لزميلنا المفكر د.الباقر العفيف بالشفاء العاجل
|
|
 فنان وفرقته الموسيقية في قسم شرطة النظام العام
|
قبل مدة أقمنا حنة لبعض زملاء الدراسة ،، عند استخراج التصريح نصحنا
ضابط النظام العام بتغيير الفنانة بأعتبار أنها ستثير لنا مشاكل وذلك بطريقة
غناءها ورقصها ،، وكانت نصيحته بشكل ودي ، لم تمنعه من إعطاءنا التصريح ...
بعد دفع الرسوم المقررة .. ,. أعتذرت الفنانة في اللحظات الأخيرة (لم نعرف السبب)
حضرت أخري نيابة عنها ، بعد إنتهاءها من الغناء عند الساعة العاشرة والنصف
تقدم للغناء الشباب الجميل الفاتح جادين وهو من اصحاب الموهبة الحقيقة ،،،
غناء جميلاً من أروع ما غني أستاذنا الكبير ود الأمين ،،، لفت الحضور لهذا الشاب ،
حضور فرقة موسيقية معه ، علي العكس من الشباب الآخرين الذين لا يحضروا معهم سوي الأورقن
والسواند سيستم ،،، عند الحادية عشر تماماً توقف الفنان وفرقته الموسيقية
عن الغناء ،،، إلا أن الحضور أصر عليهم مواصلة الغناء الجميل ،، فالجميع
في شوق لسماع الطرب والكلمة الجميلة والموسيقية وتبرع أحد الحضور
وبحكم إنتماءه للقوات النظامية بحمايتهم من ناس النظام العام في حالة حضورهم
، وأستبعد هذا الاحتمال بحكم أن الحفل مقام في سطوح المنزل ...
عند الحادية عشر تماماً حضر بوكس تايوتا أزرق اللون يحمل أفراد النظام
العام يعضهم يرتدي زي الشرطة والآخر زي مدني ... توجهوا مباشرة نحو الفنان
وفرقته الموسيقية وأمروهم بالتوجه معهم لقسم الشرطة لتجاوزهم قانون النظام العام
الذي ينص علي أيقاف الحفلات عند الحادية عشر ... لم يستجيبوا لكل الرجاءات
والجوديات علي الطريقة السودانية ، ولا حتي رجاءات زميلهم ....
أصر رجال النظام العام بأن تحمل الفرقة آلاتها الموسيقية (المعروضات)
وهناك عرفنا أن هذه التهمة عقوبتها الغرامة حوالي المليون جنيه
لكل من فني السواند سيستم والفنان ....
وبعد مفاوضات حتي الساعة الثالثة صباحاً أقتنع الضابط بعدم فتح بلاغ ...
ولكنه أحتجز الآلات الموسيقبة لحين مقابلة الضابط المسئول عن القسم في الصباح
حضرنا حوالي الساعة الثامنة صباحاً ودخلنا (بأعتباري صاحب المناسبة) إلي الضابط
وللأمانة تعامل معنا الجميع بأدب وتعامل راقي منذ أول لحظة وحتي مقابلة المسئول ...
وجدنا الضابط المسئول في غاية الأدب أيضاً (لكن براي) مكثنا معه قرابة الساعة ونصف
يتحدث هو ونحن لا نملك سوي نؤمن علي كل ما يقوله ، حتي أفرج عن الجميع وآلاتهم ،،
علي وعد من الجميع أن لا يتكرر منهم هذا السلوك غير المسئول ، وخرق القانون ...
وإزعاج خلق الله بالغناء الجميل ....
لست بصدد إدانة أحد ....
أو تحريض احد علي خرق القانون لأي سبب ...
ولكن أتمني أن يسمح بالغناء بعد الساعة الحادية عشر ليلاً
ويجب أن لا نقتل الفرحة داخل الناس .. وأن يتم تنظيم الأحتفالات
بشكل أفضل من ذلك ،،، وأن يتم تعديل قانون النظام العام كلية
ففيه الكثير من العيوب
ولا أريد أن أقول كله عيوب ... وما عناوين الصحف ببعيدة عن الأذهان
ويجب علينا جميعاً الوقوف ضده حتي إلغاءه
زهير الزناتي
|
|
 
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
ألأخ/زهير
السلام عليكم..
الحمدلله على السلامة..أولآ..
ثانيآ على قولك(ولكن أتمني أن يسمح بالغناء بعد الساعة الحادية عشر ليلاً )والله أجمل شىء عملوا هذا النظام..أن تكون الحفلة للساعة 11مساء....وليس هناك قتل للفرح..ولكل شىء حدود.....وأى شىء يزيد عن حده سوف ينقلب إلى ضده.....فيا أخى الوقت من 6 مساء حتى 11 5ساعات ومن 12 حتى الفجر 5ساعات يعنى الوقت مناصفة بين الطرفين....وبالأضافة لذلك الطرف ألأخير متضرر لسماع أصوات فنانين تشمئز منهم ألأذن.........
قبل أيام جيراننا عندهم حفلة ووالله كأنها داخل البيت..وماتقدر تتكلم مع زول إلا تصيح..سألت زوجتى قلت لها شوفى بالله الزول البغنى ده شوه صوت محمود عبدالعزيز كيف..أيدتنى بالرأى.وخلصنا الحفلة ونحن فى بيتنا وعلى مضض..ثانى يوم جات واحدة من أهل العرس تسلم فى البيت..وقالت سمعتو أمس محمود عبدالعزيز غناه بايخ كيف....عجب وكان.........................الله يستر علينا..
أتمنى أن لايسمح للغناء بعد 11 عند كل الظروف..
مودتى..إسماعيل محمد احمد عباس.........
| |
|
|
|
|
|
|
|
|
 Re: فنان وفرقته الموسيقية في قسم شرطة النظام العام (Re: zuhair zenaty)
|
سلامات يا زهير
....
Quote: وتبرع أحد الحضور
وبحكم إنتماءه للقوات النظامية بحمايتهم من ناس النظام العام في حالة حضورهم
، وأستبعد هذا الاحتمال بحكم أن الحفل مقام في سطوح المنزل ...
|
شفت نوعية الزول الفوق دا البيعمل فيها ولا لواء في النظام العام أنا عانيت منو معاناة لا توصف وتكون النتيجة إنو لمن تحصل الكبسيبة بتاعت النظام العام هو أول زول يكب الزوغة وتقعد تفتش ليهو للساعة عشرة صباحا تاني يوم وما تلم فيهو لأنو أساسا بيكون غرضو معاك إنتهى وإنت قضيت ليهو حفلتو ، تاني بعد دا إنشاء اللة يدوك مؤبد وهو ولا هاميهو ..
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: ناذر محمد الخليفة)
|
| Quote: شفت نوعية الزول الفوق دا البيعمل فيها ولا لواء في النظام العام أنا عانيت منو معاناة لا توصف وتكون النتيجة إنو لمن تحصل الكبسيبة بتاعت النظام العام هو أول زول يكب الزوغة |
يكب الزوغة يا ناذر مع انه يحمل رتبة لواء ركن ... عشنا وشفنا ..
اعتقد ان الساعة 11 هي مواعيد مناسبة لانهاء اي حفل ....
ود الباوقة
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
تقديرى لا تستحق هكذا قصه ان يفرد لها بوست واحد من اثنين انت
1-طالت بك الاسفار والترحال وغبت عن هذا البلد الحدادى مدادي ولا تعلم
سياسات هذه الحكومة (الرشيده) منذ عام 1989 التى لم تحفظ (عام)ولا(نظام)
2-ام انك لم تسمع قصة العريس وعروسة بتوب (الجرتق) في قسم الامتداد
هذا يا سيدى برنامج قديم نجحت فيه هذه الحكومة نجاح باهر قصص كثيرة يمكنها
ان تكتب لكن...... فى قصتك هذه هل نزل العريس نزيل عندهم ...هل شتم الضابط
الفنان (يا ود فلانه الكانت.....)امام الناس هل همس الضابط للفنانه
(انت شبه حراسه ) هل حرقوا جهاز الصوت وضربوا صاحبه .....
ان لم يحدث ما سبق تكون قصتك عادية يمكن ان تحكي تفاصيلها كلها لبنت الجيران
ودمت
العزبز/ ناذر
هل شدهدك شدهات الدنيا وعويلها وابعدتك زمان عن هذا المكان ارجو ان تكون
بخير وفى احسن حال كثيرون قال لن تعود من قفصك الذهبي ...فقط طل ان سنحت
لك سانحه او امهلتك ظروف
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
كيفك يا سليمان ..
يا ولدنا ...
Quote: العزبز/ ناذر
هل شدهدك شدهات الدنيا وعويلها وابعدتك زمان عن هذا المكان ارجو ان تكون
بخير وفى احسن حال كثيرون قال لن تعود من قفصك الذهبي ...فقط طل ان سنحت
لك سانحه او امهلتك ظروف |
تسلم كتاير يا أبو إبراهيم ..
دايما مداخلاتك بتذكرني بي شجن عظيم ...
قبل فترة كنا في صالة سندباد في الخرطوم بحري (صالة أفراح ) العريس واحد من مدراس هسي ما متذكرو والله لكنو كان (بارطنة) ياسر كسلا وهم الإتنين في أمريكا وحضرو مخصوص للمناسبة .
كانت لمة هندية لا توصف حضرها رهط من الديناصورات ..
عماد بانقا ، ياسر كسلا ، إيهاب بنقلور ، دكتور راشد ، جاد الله مدراس وكتيييييييييييير كتيييييييييير ما إشتغلو بالعرس وقعدو برة الصالة يسترجعو في الذكريات ....
أنا كويس والحمد لله ولسع متشعبط بي أهداب الدنيا وزي ما أنا رغما عن العرس والزواج ..
إنت أخبارك شنو يا سليمان ؟!!!!
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: ناذر محمد الخليفة)
|
الأخ زهير...
صحيح أن الاحتفالات مناسبة للفرح لا نحب أن تنتهي سريعاً.. لكن أنا أؤيد قرار تحديد الحفلات بالساعة الحادية عشرة لأنها فعلاً تسبب إزعاج لسكان الحي وبالذات إذا كانت في يوم عمل week day حيث يحرص الكل على النوم مبكراً وبالذات الطلبة..
في المقابل أعتقد أنه من الواجب السماح بتمديد الحفلات المقامة في النوادي البعيدة من الأحياء السكنية أو في الصالات المغلقة.. ولكن كم من هذا النوع موجود في الخرطوم؟؟؟؟؟
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
فى نهاية التسعينيات حضرنا حفل فى حى (المطار) وكان الحفل ب نادر خضر
المهم الحفل كان للصباح المهم زى الساعة 3 صباحا جو جماعة دقو الباب
وقالو لو سمحتو وقفو الحفل لانو السيد اللواء الزبير جاى من سفر قبل شويىة
وعايز ينوم وما قادر من الازعاج بتاع الساوند بتذكر سيد البيت نهرهم ليك
وقال ليهم امشو خلو الزبير يجى بنفسو يقول لى الكلام دة
وحاتك الحفلة مدورة لى 6 صباحا وانا شاهد على الحفل دى
تقول لى ناذر بخاف
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: عمر سعد)
|
هنا في السعودية الكلها صلاة ووضوء وتيمم الحفلة لحد الصباح
يعني الجماعة مابيقيفوا الا في صلاة الصبح
يصلوا ويرجعوا يواصلوا تاني
لكن لا ازعاج ولايحزنون لأن كل الحفلات داخل صالات مغلقة
ولو الجماعة اياهم اصدروا قرار بفك الحفلات مع التزام الجميع بالصالات المغلقة فالرماد كال حماد
والعوانس والعزابة حايكونوا بالكوم
لأن أحد الإخوان قال قبل مدة انه حضر حفلة لصديق جارهم
كانت في صالة مغلقة وتكلفتها 22 مليون !!!!
لكن لو علي انا الحفلة تبدأ الساعة 8 وتنتهي بالكثير الثامنة والربع
يعني ربع ساعة كافية جداص مع بعض الفنانين الأصواتهم زي اصوات ال00000 ـير
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
فى بداية التسعينات جاء الفنان زيدان ابراهيم فى حفله فى الحيصاحيصا , بعد الساعه حداشر بشويه جوهو ناس الامن ونزلوهو وكان اليوم خميس ، بيتوهو فى الحراسه ليلة الجمعه وليلة السبت ويوم السبت جابوهو للقاضى عثمان متى حكم عليهو بالجلد قدام الناس فى صالة المحكمه.
تقول لى فن وفنانين
ديل عندهم الفنانين والشعراء يتبعهم الغاوين والغاوين ديل لزيكم
ديل وقفوا الغناء العاطفى من الاجهزه الرسميه
ديل حرقوا الاشرطه وفرغوا مكتبة الاذاعه والتلفزيون من كل ما يتماشى فى عرفهم مع المشروع الحضارى
ديل مدير الاذاعه جابوهو من منظمة الدعوه الاسلاميه وعلاقتو بالاذاعه زى علاقتى باللغه السنكريتيه
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
استاذنا الباقر
اتفق معك إنه المسألة
ما حكاية الساعة 11 بس والأزعاج
المسألة أشمل من كده ،،،
والقيود علي الفنانين في البلد كثيرة
لكن الناس ممكن تفكها واحدة واحدة
وأعتقد بأن الظروف مناسبة
الأخ عمر سعد
الناس حينما تعرف بأن حفلة فلان أنتهت الصباح
وعلان إنتهت الساعة ثلاثة صباحاً ، بتحس بالغبن
يعني القانون لازم يمشي علي الناس كلها
والزول البيخلي حفلته مستمرة بعد 11
معناها متأكد إنه الزمن ده ما كفاية لحفلة
وهو في موقع أتخاذ القرار كان يجب عليه
العمل علي تعديل هذا القانون حتي يجنب نفسه
مسألة أنتهاكه ، وتمييز نفسه عن الباقيين
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
يا زهير إنت جبت خبر
( حلو مر بس )
فرتيق الحفلات ما معانا
والهرش لى خلق الله بدون لازمه
برضو ما معانا
والفاتح جادين الوريف حته واحده كدا .....!
يا ســــلام
يا ســــلام
إتفارقنا من 14 ســنه
أشهــد لك بالجمال
الفنان الفاتح جادين
زميل دراسـته
وصديق جميل
وغناااى غنا
ما سمعناهو عند غيرو
بالله ســلم عليهو كتير
قدر دا ....
يا حليلك يا الماسنجر
كان قلت ليك أدينا تلفونو
نضحك معاهو ضحكتو العجيبه ديك
لك الود
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
ونحنا وكمية كبيرة من الزملاء الموسيقيين..
المرقنا من السودان شنو?ماياهو جنس دا..
ياما وقفونا وشمشمونا ودخلونا الحراسات
وقطعوا ارزاقنا.. ونبزونا باسوا الالغاب
وطلعوا زيتنا زاتو ياخ.. حقد مؤسس ومدروس
ومقصود...وكانوا بختو لينا العساكر النوع الماتفاهم
داك.. ياخى اتشلتنا واتنبزنا واتمرمضنا.. الكلام دا كلو
كان شئ انا عشتو شخصيا يعنى مافى زول قالوا لى ولامجرد
خبر....
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
أخي زهير :
الغاية والسبب الرئيس في منع الحفلات بعد الساعة 11 لا راحة وسلامة المواطن ولا يحزنون .. السبب هو الغرامة المالية فقط .. أصبحت محاكم النظام مصدر من مصادر دخل الحكومة الرشيدة وخاصة المحليات منذ العام 1989 م .. ولا علم لي إن كانت المصادر موجودة أم لا .. فهي كانت مصدر خصب لجلب المال الحلال الطيب للحكومة الرشيدة ولو كانت تلك المعروضات (براميل) وعدد صناعة الخمور البلدية .. وكنت شاهدا لمدة خمس سنوات لما يجري في تلك المحاكم السماة (النظام العام) بولاية الخرطوم على تلك الممارسات .. وكنت شاهدا وحاضرا على بيع كل ما تتم مصادرته عن طريق تلك المحاكم الكارثة والنكية .. لا وألف لا لتقيد حريات المواطنيين في أفراحهم وأتراحهم ..
الشفيع إبراهيم
| |
|
|
|
|
|
|
|
|
|
Re: فنان وفرقته الموسيقية في قسم شرطة النظام العام (Re: zuhair zenaty)
|
يا الشفيع أخوي
الحاجات الأتباعت دي ،،،، قاعد تتباع لي منو ؟؟؟؟
أوعي للناس الصادروها منهم ؟؟؟؟
طيب ما كان في داعي للمصادرة من الأول ...
يعني يعملوا غرامة طوالي ... وكل زول يغرموهوا حسب
عدته اللقيوها في بيته ...
وبي كده كل زول يكون حافظ علي عدته ....
واحتمال تاني تكون الجهات دي عايزة يكون في تداول
في العدة عوضاً عن التداول في السلطة ...
مع محبتي
| |
|
|
|
|
|
|
| |
عبدالكريم الامين احمد
ismeil abbas
ناذر محمد الخليفة
suliman ibrahim
Elbagir Osman
عمر سعد
ابوحراز
wadalzain
سمندلاوى
فيس بوك
تويتر
انستقرام
يوتيوب
بنتيريست