|
|
|
 Re: لمن كنت بوليس نظام عام ........... (Re: omer osman)
|
منذ اليوم الأول لم ارتاح لهذا النقل ....... فا انا اهوي عمل الاقسام والمباحث وكانت امنيتي بعد ان عملت باقسام الشرطة ان نقل الى المباحث المركزية ..............وها انا الان في ادارة لم ارغب فيها ولم اتحمس للعمل بها لاعتبارات كثيرة لكن لابد من ما ليس منه بد وامر النقل تعليمات واجبة النفاذ ............
| |
 
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
الشهر الاول مر بدون مشاكل وبدون عمل كون ان الادارة وليدة ولم تكتمل قوتها بعد ........لم يخفف على الا وجود اثنين من ابناء دفعتي نقلا معي في ذات الكشف احدهم (محمد صلاح) كان يسلينا بسخريته وتعليقاته اللاذعة التى لا تنتهي .........محمد صلاح فور تخرجنا عمل بشرطة الاحتياطي المركزي وشارك في عدة عمليات نشطة وتميز فيها حتى اصيب مما استدعي نقله خارج السودان للعلاج ........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
كانت النقلة كبيرة جداً بالنسبة له ...... من وحوش وكاكي الاحتياطي الى ادارة العمل فيها بالزي المدني ونصف بص الترحيل من النساء ............قال لي في اول يوم جاهو بص الترحيل بعد إختفاء لوري الاحتياطي المركزي .... وشاهد الموظفات في الترحيل قال لي قلت لنفسي يارب نحن ما شين سيرة والا شنو ؟؟؟؟؟؟
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
مباني الادارة كانت جزء من مباني ادارة الشرطة الامنية جوار القيادة العامة ولدينا نجيلة وحديقة جميلة ...... ذات يوم كنا نقف انا وهو واغلب الذين يمرون امامنا اما موظفات او افراد يرتدون البدل السفاري ........ قال لي تعرف ياعمك انا مرات بتخيل لي نحن شغالين في شركة !!!!!!! لافي زول حالق صلعة لا في زول شغال طابور ذنب ...... دي شغلة شنو ياجماعة .........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
الشهر التاني اكتملت قوة الادارة من الافراد وان كانت لاتزال مشاكل الميزانية لم تحل ........ استفدت من خلال شهر العطالة ذاك اني اصبحت زبون دائم للمكتبة الموجودة بادارة الشرطة الامنية وهي مكتبة كبيرة وبها عدد من الكتب المفيدة .... فكنت اقضي اغلب وقتى هناك ......
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
| Quote: ذات يوم استدعاني نائب مدير الادارة وقال لي في شكاوي كتيرة جات بخصوص احدي الجامعات بان هناك تجمعات لشباب بالعربات او بدونها امام مباني الجامعة ....... والجامعة في الاصل مخصصة للطالبات فقط ..... وان كثير من الاختلاط والممارسات الغلط يتم من قبل هولاء الشباب وبعض طالبات الجامعة ..... |
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
واضح ياسعادتك .....
نحن من بكرة بنتحرك طوالي ........
كلفت صول الادارة بانتقاء عشرة افراد بمواصفات خاصة يراعي فيها الهندام والانضباط ...
جمعت القوة وابلغتهم بتعليمات نائب المدير ........
لكن .............
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
ليكون مفهوماً لديكم .......
هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو .....
واضح ياجماعة .......
واضح ياجنابو ........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
اليوم الاول ونحن في طريقنا الى مقر الجامعة ........
اتنين بكاسي وكلنا لابسين ملكي ...........
انا سايق واحدة من البكاسي ومعي دفعتي محمد صلاح .....
بالقرب من ميدان المولد ..........
واحد سايق عجلة ........ وبشاغل ليهو في بت ماشة في الشارع ........
محمد قال لي عليك الله اقيف نشو الزول ده قصتو شنو ؟؟
يجب على البوليس ان لايضحك اثناء ممارسة عمله في الضبط او خلافه ....
لكن اذا كنت تعمل مع محمد صلاح فلابد ان تضحك ........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
اسمع يامان تعال هنا ......
ده شنو البتعمل فيهو ده ؟
انت منو ذاتك عشان تسالني (ده عيب لبس الملكي) ....
انا منو كيف يامان ؟
اسه انت ما زول مفتح وعامل بتشاغل مش مفروض تنقش طوالي انا منو ؟
ناس لابسين سفاري وراكبين بوكس .... حيكونوا شنو ؟
اكيد حكومة ..........
طيب اها بعد ما نقشته نحن حكومة الفهم شنو ؟
ابداً ياجنابو انا بس كانت ماشي المولد ..........
ماشي المولد دي مكنتك والبتشاغل فيها دي قايله عروس مولد والا شنو ؟؟؟؟؟
لم اتمالك نفسي وضحكت بصوت عالي ........ وضحك بتاع العجلة نفسه ........
يازول فرتق تاني ماتعمل كده ....... وما تنسي اشتري ليك حصان يا قيس ..........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
يا محمد صلاح عليك الله تاني قدام الناس انت ما تتكلم خليني بتكلم انا ............
وصلنا مقر الجامعة ...........
ممكن تقول الجامعة مقسومة الى تلاتة اقسام اتنين بفصل بينم شارع وقسم اخر بعيد نسبياً .......
وزعت الافراد خمسة في الشارع الفاصل وخمسة في القسم البعيد .........
وكنا كل نصف او تلت ساعة نمر عليهم انا ومحمد صلاح ..........
الاجراء بدء غريب جداً على الطالبات واخذوا يتجمعون في حلقات رافضة لهذا الوضع ......
طلبت منهم الحديث ودخلنا في نقاشات طويلة عن الاجراء وسببه ........
البعض كان يكتفي بالمشاغلة من وراء حائط الجماعة ..........
مشاغلة ربما تصادف هوي في نفوسنا لكن يمنعنا العمل من التجاوب معها .........
منعنا وقوف اى عربة بها شباب امام الجامعة الا لسبب منطقي .......
تعاملنا مع الجميع بصورة حضارية ....... وكنا نطلب منهم الانصراف بكل احترام ......
البعض كان يستجيب بدون ملاوة والبعض الاخر كان لابد يعمل عنتر قدام الجكس ........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
Quote: هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو ..... |
نعم لان النفس امارة بالسوء ولابد من محاسبه مركبه
سلام اخونا( اظنها احسن من جنابو ) عمر واصل
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
مر الاسبوع الاول في هدوء .........
واعتادت الطالبات على وجودنا ............
بعضهم كان لايزال رافض للفكرة لكن مبسوط على الاقل من طريقة التنفيذ ......
حتى التى كنا نري ان ملابسها محل ملاحظة كنا نبلغها ذلك بكل انضباط واحترام ومن مدخل نحن اخوانك وليس بضباط شرطة .....
ظل حالة الهدوء تسيطر على الموقف الى ان دوت طلقة نارية في الشارع الفاصل بين القسمين ...........
امشي الفطور واجييكم ..........
| |
|
|
|
|
|
|
|
|
|
Re: لمن كنت بوليس نظام عام ........... (Re: محمد علي شقدي)
|
حبوبتي الزلال بت ابشنب من جزيرة الفيل .......... وابوي زاتو مولود في جزيرة الفيل
وعمي بروفيسر محمد عبدالحليم زوجته من جزيرة الفيل وهي بنت اخت حبوبتي الزلال ......
اسم شقدي ده سامع بيهو كتير جداً عندنا اهلنا لكن بصراحة ما عارف العلاقة شنو ؟
في كل الاحوال ......... سلام ياقريبي
| |
|
|
|
|
|
|
|
|
|
Re: لمن كنت بوليس نظام عام ........... (Re: محمد علي شقدي)
|
Quote: ليكون مفهوماً لديكم .......
هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو .....
واضح ياجماعة .......
واضح ياجنابو |
ياسيد عمر
ياخى ماتتبرع وتفضى نفسك ساعه فى اليوم وتحاول مع ناس النظام العام ديل
كل يوم تديهم محاضره بالكلام الفوق ده
خجلونا والله !!
| |
|
|
|
|
|
|
|
|
 Re: لمن كنت بوليس نظام عام ........... (Re: محمد علي شقدي)
|
Quote:
ليكون مفهوماً لديكم .......
هذه التعليمات انا المسئول عن كيفية تنفيذها ......
نحن ماشين نتعامل مع اولاد وبنات ناس ........
اى خرمجة اى تصرف فردي الواحد فيكم ما يلوم الا نفسو .....
واضح ياجماعة .......
واضح ياجنابو ........ |
ياجنابو كان رجعو أولاد الناس الزيكم وكفاءات وكوادر الشرطة المفصولة
لإنعدل حال الشرطة ونظامها العام
ولكن تبآ لهم !
وتبآ لذلك الضابط البلطجي حديث التخرج ! 
| |
|
|
|
|
|
|
|
|
|
Re: لمن كنت بوليس نظام عام ........... (Re: حمزاوي)
|
Quote: الصفوة صفوة في أي محل
عمر انت صفوة لمن كنت عسكري وانت تكتب هنا وانت رياضي مشجع نادي
البلد تفقد كوادرها الممتازة وللأسف لا يوجد بديل
مسكين بلدي |
شكراً والف شكر ياحمزاوي على حسن ظنك وربنا يقدرنا نكون دائماً كده ..........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
قبل الفطور وقفنا هنا .............
Quote: ظل حالة الهدوء تسيطر على الموقف الى ان دوت طلقة نارية في الشارع الفاصل بين القسمين ...........
|
انا ومحمد كنا في مرور على القسم البعيد من الجامعة ..........
سمعنا صوت العيار الناري من جهة الشارع الفاصل بين قسمي الجامعة .....
تحركنا سريعاً جداً الى مكان الصوت ..........
من بعيد شاهدنا جمهرة كبيرة في شكل حلقة ............
وصراخ وهستريا وبنات ببكو وبنات واقعين في الواطة ..........
المشهد كان يوحي بكارثة ............
ولم استبعد ان تكون هناك جثة ما في منتصف تلك الحلقة ..........
اذا حدث اى شيء من هذا القبيل فهو بشكل او باخر مسئولية قائد القوة ......
وكما تريد ان يطيعك الافراد والضباط الذين معك في القوة فعليك ان تتحمل عواقب تجاوزهم او سوء تصرفهم ......
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
حمدت الله مثني وثلاث انني لم اجد جثة ولا شخص مصاب ..........
وجدت شخص طويل عريض يتوسط الحلقة ويمسك بطبنجة يلوح بها في الهواء .....
ويهدد كل من يقترب منه بانه سيفجر رأسه بطلقة .........
ويبدو من قسمات وجهه بانه جااااااادي للحد البعيد ..........
ده ما خيارك ياعمر يوم خشيت البوليس وحلفت القسم ان تؤدي واجبك حتى لو ادي ذلك الى المجازفة بحياتك .........
اها جاك الاختبار لحدي عندك ياتجازف ...... ياتخاف وتتراجع وتبقي ليك فضيحة وسبة في حياتك العملية ..........
اها الضباط والعساكر المن قبيل عمل ليهم فيها زعيم بعاينو ليك ما انت اقدم زول والتصرف والكرة في ملعبك .......
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
الشجاعة والتكتيك مافي حل غير كده ..........
اول حاجة تدي رسالة للزول ده انت منو ؟
بعض العساكر من القوة المعاي الكانوا موجودين وجدتهم متحفزين حول ذلك الشخص ويجري بعض التلاسن بينه وبينهم .........
في حزم وقوة امرت كل العساكر بالتراجع وانصاعوا للامر .......
الرسالة وصلت واكيد عرف بانه يتعامل مع شخص مسئول .......... (شكلي دائماً كان بدخلني في مشاكل حيث ابدو اصغر من عمري كثير جداً)
طيب ياخي انا النقيب شرطة عمر عثمان انت منو ومشكلتك شنو ؟
انا الملازم اول ................. قوات الشعب المسلحة
طيب كويس ياجنابو كده نحن ح نتفاهم كويس خلاص ضابط لي ضابط ......
اول حاجة وقبل ما نتفاهم اديني الطبنجة دي .........
بداء عليه التردد والارتباك .........
ياجنابو انا كلامي واضح وانا المسئول هنا واى مشكلة بحلها لكن لازم تسلمني الطبنجة .....
في هدوء سلمني الطبنجة ........
وطلبت من الجمهور الواقف الانصراف ............
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
الحاصل شنو ياجنابو ؟
انا كنت قاعد في العربية مع خطيبتي وجاء الزول ده (آشر لي واحد من افرادي)
جاء الزول ده وبي طريقة مستفزة طلب مني انزل البت المعاي واتحرك من قدام الجامعة ......
حاولت اتكلم معاهو بطريقة كويسة قام جراني من قميصي ....... وانا مرقته بره العربية وضربت طلقة في الهواء .........
بعد كلام طويل عن سبب وجودنا وتعليماتنا للعساكر بعدم استفزاز الناس .......... الخ
قلت ليهو برضو ياجنابو الحاجة الانت عملتها دي غلط وغلط كبير جداً خصوصاً انو الشارع ده مزدحم والجامعة دي حقت بنات ....
واسه الخبر ده بكون انتشر وح تسمع مليون قصة في الطلقة دي (الزمان داك لو كان في سودانيز .......... عييييييييييييييييييك)
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
طيب ياجنابو شوف الموضوع ده لازم يكون فيهو اجراءات وممكن يعدي كده ساكت ........
لكن انا ح اكتفي بانو الاجراء يكون اداري بين الشرطة والقوات المسلحة يعني ما ح نعمل اجراء جنائي في القسم .......
دي الحاجة الاولي والحاجة التانية انت زول ضابط وانا بثق فيك تمشي تودي خطيبتك دي (كانت منهارة تماماً) البيت وتجينا في مكاتبنا في الحتة الفلانية .......
وانا واثق انك ما ح تزوغ ..........
وقد كان عندما رجعنا الادارة وصلنا بعدنا بخمسة دقائق ...........
شرحت لنائب المدير الموضوع واقترحت عليه انو نعمل خطاب للشرطة العسكرية بالوقائع ونسلمهم الضابط والطبنجة ........
وبعد ذلك هم بتصرفوا معاهو بمعرفتهم .................
بعد عدة سنوات التقيته صدفة وعرفت انه ترك القوات المسلحة واظنه يعمل الان خارج السودان ..........
كان لايزال يحفظ لي تعاملي الجيد معه ولم يكن غاضب ابداً على الاجراء الذي قمت به وتفهم تماماً بانه كان لابد منه ......
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
العسكري سبب المشكلة .........
حقيقة لم استغرب تسبب في هذه المشكلة فهو من النوع المتحفز دائماً للمشاكل .........
قمت بايداعه الحبس وقدم للمحاسبة .......... واستبعدته تماماً من القوة التى تذهب معي الى الجامعة ........
| |
|
|
|
|
|
|
|
|
|
Re: لمن كنت بوليس نظام عام ........... (Re: سالم أحمد سالم)
|
Quote:
يا ريت المهندس بكري يرفع هذا البوست مع العناوين ..
ويا ريت السرد يتواصل بمنتهى التجرد والأمانة ..
تحياتي |
يا استاذ سالم ........
والله الليلة بي زيارتك بيتنا نور ...........
فترتي في تلك الادارة كانت قصيرة وبالتالي لم تكن هناك قصص كثيرة .........
قصة المدرس وقصة اخري سترد لاحقاً .........
لا اخفي الا اسماء اشخاص واماكن حفاظاً على خصوصيتهم ....
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
Quote: ماذا كان يفعل المدرس في الزقاق ؟؟؟؟؟؟؟؟؟؟؟؟
|
وقفنا بالبوكس تحت شجرة نيم جوار القسم البعيد من الجامعة .........
جلست في صندوق البوكس انا ومحمد صلاح نراقب الاوضاع .......
الافراد منتشرين على مقربة مننا ...........
حركة الطالبات بين هذا القسم واقسام الجامعة الاخري لا تنقطع ..........
يمرون عبر طريق عام ويدلفون الى شارع ضيق اقرب الى زقاق ......
ويمرون اما عربتنا في طريقهم الى باب الجامعة .......
كنا بعيدين من لفة الزقاق او الشارع الضيق ......
لكني لاحظت حركة غريبة وهرج في كل مرة يمر فيها فوج من الطالبات ......
واصوات مخلوعة واخري ضاحكة .........
امعنت النظر ودققت فيما يجري .........
فماذا رأيت ......
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
ربطت من خلال مشاهدتي بين الشخص الواقف عند لفة الزقاق والفوضي التى تحدث هناك .......
ناديت واحد من العساكر ...... امشي هناك راقب وشوف لي الزول ده بعمل في شنو ؟
خمسة دقائق جاني العسكري راجع وهو يمسك بتلابيب الرجل ........
ده زول قليل ادب ياجنابو ....
كيف مالو ؟
والشخص ينظر الى الارض في خجل وخوف ........
ياجنابو الزول ده بقيف هناك بعمل فيها زي عاوز يتسير .....
ولمن يشعر انو في بنات قريبين منو بتلفت عليهم من غير ما يقفل السستة بتاعتو ....
لاحول ولاقوة الا بالله ...........
ليه كده وانت راجل كبير انت ما زول صغير عشان تعمل كده ....
دي عملية ########ة جداً ........
انت اسمك منو وشغال شنو ؟
طلع لي بطاقتو الشخصية .........
كانت الكارثة انه (مدرس) ..........
حقيقة مرات ما تعرف تشعر بالغثيان والا بالرثاء للزول القدامكم ده .......
عمره ما اقل من 45- 50 سنة على ما اذكر ..........
تذكرت محاضرات كلية الشرطة وامراض الشذوذ الجنسي والاحساس باللذة نتيجة لتصرفات غريبة .......
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
ايقنت بانني اتعامل مع شخص مريض قبل ان يكون متهم او مجرم ........
وقررت انه يجب ان يعامل كذلك دون التفريط في توفير الحماية لبنات الجامعة من تصرفات هذا الرجل المريض .......
قمت باقتياده الى اقرب قسم شرطة طلبت منه ان يوقع تعهد بعدم تكرار مثل هذه التصرفات في تلك الجامعة او في غيرها ......
تكلمت معه انت رجل كبير ولديك اسرة قد تقع المرة القادمة في شخص لن يتعامل معك بهذه الطريقة .......
انا شخصياً لا اعرف اين يمكنك ان تجد العلاح ........
لكن عليك الله عشان خاطر سمعتك وسمعة اسرتك ابحث عن العلاج وتذكر بانك ان عدت عاجلاً ام اجلاً ستقع في قبضة الشرطة .......
كان جاوبه الدموع ولاشيء غير الدموع غير بعض كلمات شكر خرجت محشرجرة بصوته المخنوق بالبكاء .....
| |
|
|
|
|
|
|
|
|
|
Re: لمن كنت بوليس نظام عام ........... (Re: علاء الدين صالح)
|
Quote: السنة الفاتت كنت بقول
الما بيقرا لجنابو..
نُص عُمرو ضايع
ولمَّن مشيت السودان وقابلتو
واتعرَّفتا عليهو عن قُرب
بقيت أقول
الما عِرِف عمر عثمان..
عُمرو كلُّو ضايع
تحيّاتي وأشواقي يا سعادة |
علاءالدين .......... ياخي ما تبالغ
مشتاقين والله ياعمك ........
الاجازة متين ماقربت ............
| |
|
|
|
|
|
|
|
|
|
Re: لمن كنت بوليس نظام عام ........... (Re: عزالدين خضر)
|
Quote: سرد ممتع ياجنابو
وتعامل متحضر وواعى
وهذه هى بالضبط الشرطة التى نحلم بها
ولكن !!!
|
شكراً عزالدين على الكلمات المشجعة ........
حواء البوليس ولود ياعزالدين لم تعقر بعدنا ..........
ستجد يوما ما الشرطة التى تحلم بها ..........
| |
|
|
|
|
|
|
|
|
|
Re: لمن كنت بوليس نظام عام ........... (Re: بكري عباس علي)
|
Quote: والله يا عمر عثمان وبدون كسير تلج
البوليس دا خسر ضابط عظيم ما احوجهم اليوم اليه
واصل يا عمك |
وين ياعمك غاطس ليك زمن ........
لسه ساكي موضوع الكهرباء داك والا شنو .......
اشتغلنا يابكري بضمير واجتهدنا على قدر علمنا ...........
نأمل في اخوة لنا لايزالون على عهدنا بهم ...............
| |
|
|
|
|
|
|
|
|
 Re: لمن كنت بوليس نظام عام ........... (Re: omer osman)
|
عمر عثمان
Quote: تكلمت معه انت رجل كبير ولديك اسرة قد تقع المرة القادمة في شخص لن يتعامل معك بهذه الطريقة .......
انا شخصياً لا اعرف اين يمكنك ان تجد العلاح ........
لكن عليك الله عشان خاطر سمعتك وسمعة اسرتك ابحث عن العلاج وتذكر بانك ان عدت عاجلاً ام اجلاً ستقع في قبضة الشرطة .......
كان جاوبه الدموع ولاشيء غير الدموع غير بعض كلمات شكر خرجت محشرجرة بصوته المخنوق بالبكاء ..... |
نعم هكذا يطبق شعار "الشرطة في خدمة الشعب" وتصبح الشرطة الذراع التي تعالج الخلل بالحكمة المسنودة بالقوة، لا البطش والقهر فحسب.
نحتاج رجل الشرطة الذي يمرر كل نصوص القنون عبر ضميره الانساني ويشتغل "بضمير"
لك التحية وخالص المعزة
| |
|
|
|
|
|
|
|
|
|
Re: لمن كنت بوليس نظام عام ........... (Re: اشرف السر)
|
Quote: نحتاج رجل الشرطة الذي يمرر كل نصوص القنون عبر ضميره الانساني ويشتغل "بضمير"
|
صعبة وساهلة يا اشرف السر .........
الامر في كثير من الاحيان يحتاج الى ايمان قوي بهذه الفكرة وشجاعة تمنعك من التفكير في عواقب تصرفك هذا
زي قصة العسكري البمشي يشتكيك دي ........
دائماً كان شعاري اعمل الصاح واليحصل يحصل ..........
| |
|
|
|
|
|
|
|
|
|
Re: لمن كنت بوليس نظام عام ........... (Re: بكري عباس علي)
|
| Quote: من الشمالية - جلاس |
كما قبضت شقدى فى مدنى بالثابتة قبضناك بالزلال فى الشمالية وكما تدين تدان
وفى اطار البوست واصل متابعينك وحقيقى ما تتصور سعادة المواطن العادى لمن يلقى زول مهنى داخل دوائر الشرطة
بتكون كيف ؟؟
واذا اتسع المقام من ملاحظتى فى تقديرى كل خروقات الشرطة بتحصل بسبب الرتب الصغيرة فى الغالب وتحديد الملازمين
لو صحت ملاحظتى يا ريت تورينا الاسباب .. فى آخر الصف طبعا عشان الجماعة المتابعين ديل ما يقولوا لى زح لينا من قدام الشاشة
----
سردك ممتع جدا
| |
|
|
|
|
|
|
|
|
|
Re: لمن كنت بوليس نظام عام ........... (Re: ود العجمى)
|
| Quote: كما قبضت شقدى فى مدنى بالثابتة قبضناك بالزلال فى الشمالية وكما تدين تدان |
Quote: واذا اتسع المقام من ملاحظتى فى تقديرى كل خروقات الشرطة بتحصل بسبب الرتب الصغيرة فى الغالب وتحديد الملازمين
لو صحت ملاحظتى يا ريت تورينا الاسباب .. |
كلام سليم يا ودالعجمي .......... خليهو في النهاية بنجيهو
| |
|
|
|
|
|
|
|
|
|
Re: لمن كنت بوليس نظام عام ........... (Re: عبدالمجيد المقابل)
|
Quote: جنابو عمر
سلام
المسئول الذي قبل إستقالتك من الشرطة إرتكب جريمة كبيرة في حق هذا الوطن
مرحبا" بالنظام العام , إذا كان القائمين علي أمره بمستوي تفهمك و حنكتك و نباهتك و حضورك . |
ربما أنا الذي اجرمت في حق نفسي وحق الشرطة وحق المواطنين يوم قررت الرحيل ؟!
على العموم الخيرة فيما اختاره الله ...........
شكرا والف شكر ياعبدالمجيد ...........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
Quote: ((عشان عندنا عيد))
منو القال كده وليه ..........
انتظرونا ........... |
خرجت في طواف ليلي لتفقد احوال الاداب في الشارع العام على حسب التعليمات الصادرة بذلك المرور ......
كنا انا والسائق وثلاثة افراد .........
شوارع الخرطوم لم تكن بهذا الشكل وقتها .........
الان تبدو احسن حالا من حيث الاضاءة والاسفلت ..........
المهم ونحن مرور شرق سور مطار الخرطوم ..........
شاهدت شاحنة قندران (هذه العربات اختفت الان وحلت محلها الشاحنات الحديثة) تقف في الظلام ......
وقوفها في ذلك المكان لابد من يثير انتباه اى شرطي يعرف عمله ......
طلبت من السائق التوجه نحوها في هدوء وان يطفي انوار العربة ويجعلها تتحرك بالتقسيمة فقط .......
على بعد مسافة معقولة طلبت منه التوقف ......
نزلت من السيارة وطلبت من احد الافراد ان ينزل بدوره .....
وعلى الباقين البقاء في حالة تأهب في السيارة ......
عندما نصل الى الشاحنة اتجه انت نحو باب السائق وسا اتجه انا نحو الباب الاخر
ونتسلق ونعاين من خلال شباك السيارة اذا لم نسمع صوت داخلها .......
وصلنا وبسبب حركة الهواء الشديد لم نسمع اى صوت من داخل السيارة ....
وانتقلنا الى الشق الثاني من الخطة .......
نظرت من خلال شباك السيارة مستعملاً نور البطارية التى احملها في يدي .....
وشاهدت منظر ربما لم يشاهده الكثيرون من قبل او من بعد ........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
حيث شاهدت المرود في المكحلة كما يقولون في كتب الفقه ....
وهو امر صعب الحدوث .........
لكن هذا ما قد كان .............
رجل وامرأة .............. من الجنسية الاثيوبية ........
كانا عاريين كيوم ولدتهما امهاتهما ............
طلبت منهما النزول بعد ارتداء ملابسهما .......
حقيقة كنت اظن أول الامر ان هناك جريمة قتل أو مخدرات ...... هي سبب وقوف القندران في ذلك المكان
لم يكونا صغيرين في السن ويبدو ان الرجل هو صاحب القندران وهذه صديقته ......
المرأة كانت ترتجف لدرجة ان اسنانها تصطك ......... حقيقة اشفقت عليها ......
بعد مراجعة بطاقته وتفتيش العربة وخلوها من اى ممنوعات .......
سالته ياخي انت عملت كده ليه ...........
قال لي والله ياجنابو عشان عندنا عيد ...........
ياخي معقولة ده عيد شنو البعملو فيهو كده ......
واحد من العساكر قال صاح ياجنابو الحبش ديل اليومين دي عندهم عيد ........
قلت ليهو اقول ليك حاجة : كل عام وانتم بخير ...... دور عربيتك دي امشي من هنا ........
وواصلت مروري ............
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
تاني يوم لم يقصر احد العساكر في كتابة شكوي ضدي الى مدير الادارة ......
بتهمة التقصير في إقامة حداً من حدود الله !!!!!!!!
لم اتردد في الاستدلال بقصص سيدنا عمر بن الخطاب وعن وجوب السترة والامر ليس تشجيع بل هي فرصة ثانية نمنحها للشخص المخطيء
وفي النهاية انا ضابط وهذا تقديري وتقييمي للحالة ........
المدير تفهم الامر وحفظ الشكوي فوراً .............
| |
|
|
|
|
|
|
|
|
|
Re: لمن كنت بوليس نظام عام ........... (Re: محمد عبد الماجد الصايم)
|
ما أجمل ما تكتب يا جنابو !!!
وما أنبل ما أدّيت ... وما أروع ما تقص ،،،
لولا التواريخ والشواهد لقلت أنك من ذلك الجيل الذي إنقرض ،
ولكنّك إمتداد لتلكم الكوادر العفيفة الطاهرة (التي - رغم وجودها - يصعب مصادفتها الآن) ...
_______________
.... وبرضو من جلاس !!؟ طيب فضلت شنو !
إنت عاااارف مشكلتي معاك ... نفسي أعرف ال لمّاك مع (الكفوة) شنو ؟
يا سعادتك خليك مع الأسياد (حقيقي بتشبهم)
كل الود ليك ولضيوفك
| |
|
|
|
|
|
|
|
|
|
Re: لمن كنت بوليس نظام عام ........... (Re: أمين يحيى)
|
Quote: ما أجمل ما تكتب يا جنابو !!!
وما أنبل ما أدّيت ... وما أروع ما تقص ،،،
لولا التواريخ والشواهد لقلت أنك من ذلك الجيل الذي إنقرض ،
ولكنّك إمتداد لتلكم الكوادر العفيفة الطاهرة (التي - رغم وجودها - يصعب مصادفتها الآن) ...
_______________
.... وبرضو من جلاس !!؟ طيب فضلت شنو !
إنت عاااارف مشكلتي معاك ... نفسي أعرف ال لمّاك مع (الكفوة) شنو ؟
يا سعادتك خليك مع الأسياد (حقيقي بتشبهم)
كل الود ليك ولضيوفك |
هناك من بين الجالسين على رصيف المعاش من هم احسن مني يا امين ...
مشكلتهم ما عندهم باسويرد في منبر بكري ..... او هم موجودون معانا ويؤثرون الصمت ......
خلينا مع الكفوة يا امين يمكن نحسن النسل ..............
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
Quote: علاءالدين .......... ياخي ما تبالغ
مشتاقين والله ياعمك ........
الاجازة متين ماقربت ............ |
شُغلي الجديد مع خواجات
كل 3 شهور عندي إجازة 16 يوم
يادوب حتكفِّيني أغطّي فيها مؤمن ولذيذ وأمواج وجاد وعوضيّة وقندهار
| |
|
|
|
|
|
|
|
|
|
Re: لمن كنت بوليس نظام عام ........... (Re: سارة كرودى)
|
عمر عثمان
سلامات
تعرف بعض التصرفات الغير مناسبة للمنتسبين لقوات الشرطة تعمل على رسم صورة ذهنية خاطئة لدى المواطن عن هذا الجهاز المُهم والحساس والضروري
والتسييس ياعمر هو أُس البلاء
الإستقطاب الحاد لضباط الشرطة لدعم وحماية النظام
دمج مفهومي الدولة والنظام الحاكم كارثة كبيرة
ضباط الشرطة هم أبناء هذا الشعب ( ولد عمك ، ود الجيران ، أخو مرتك ، صديقك )
ولكن الفجوة الأمنية تحول الجميع إلى وحوش ، يخاف رجل الشرطه على وظيفته وترقيته إن لم يبد الحزم والذي هو رديف الظلم في ظل الأنظمة القمعية .
رأيت رجال الشرطة كثيرا في مواقف مُخجلة
إلا أنني رأيتهم أيضا في مواقف تتناسب وشرف هذا الجهاز واهميته للناس
ذاكرتي ملونة بشرطي إلتقيته في مدخل باب المايقوما يحمل بحنو شديد طفلا حديث الولادة ويضمه إلى صدره بعناية شديدة
كان متأثرا جدا ...وعندما سلمه لإدارة الدار لم يتحرك مباشرة وأخذ يتابع بإهتمام شديد تعامل الممرضة مع الطفل
وملونة أيضا بكثير من القضايا التي توصلت فيها الشرطة لحل غموض الجرائم التي أقلقت مضاجع الناس وأخافتهم ...بوصولها لهذا هدات ثائرة الناس الذين ذُبح أبنائهم وقتل أزواجهم وسرقت أموالهم
إلا أنها ياعُمر - أعني ذاكرتي - ملوثة بذكريات إهانة كرامة السودانيين وضربهم وقتلهم في بعض الأحيان كما حدث من قبل
ذاكرتي حاضرة - وانا أشهد - واقعة تحطيم معدات عمل إمرأة مسنة تعمل على بيع الشاي والقهوة في شارع النيل بطريقة مذلة أخذ الشرطي يركل الأواني ويحطمها ولا زلت أذكر أبنائها الصغار تحلقوا حولها وإنخرطوا في بكاء مرير
يبكون تعرض أمهم للمخاطر ...ويبكون ذهاب ( إستثماراتهم الضئيلة ) التي منها ياكلون ويشربون ويواجهون الأمراض
تقدمت للشرطي أراجعه في ذلك ( قال لي انت شنو ؟) فذكرت أنني مُحامي
ضحك من ذلك وحاوطني مجموعة من الجنود طالبين مني أن أذهب لحال سبيلي
وسمعت تهكمات على شاكلة ( إنت قايل دي المحكمة )
وحدت بيني وبينها المذلة وهوان الإنسان السوداني
نعلم انا وهي أن قصة قانون ومحاماة وكلام زي ده ...عوارة ساي ..في ظل هذه الدولة
كانت تردد...معليش معليش ...خلاص ياولدي ..مامشكلة
أنا آثرت السلامة وصمت حتى رحيلهم ...ثم دفعت ثمن جبني مالأ لهذه الأم السودانية
الحقيقة ...دفعت هذا المال حتى أشتري راحة ضميرى في المقام الأول ...
ياعمر الآن
وجود الشرطة في كثير من الحيان يصحبه شعور بعدم الإرتياح وعدم الأمان ...وهذا الأمر أسبابه معروفة ولايمكن معالجتها بمعزل عن معالجة الأوضاع بصورة عامة
المهم قد اطلت عليك إلا أن ذكرياتك أرجعتني لأيام وأيام
ودهمت أنفي رائحة البنبان في جامعة الخرطوم
سلاحنا الطوب وسلاحهم معمر برصاص حي ...
لم نكن دعاة فوضى ...ولم يكونوا حراسا للحق
كانوا مع النظام ...وليتهم كانوا مع النظام
لم تكن تلك شرطة طيبة
شكرا ياعمر أنك تعهدت ضميرك بالعناية اللازمة وتخلقت بمهنية رفيعة حببت إلينا رجل الشرطة
ولو في لحظات قراءة هذا البوست
سعيد بمعرفتك ياصديقي
| |
|
|
|
|
|
|
|
|
|
Re: لمن كنت بوليس نظام عام ........... (Re: عمر عشاري)
|
عشاري ........
ضربت اوتار الوجع ...... ومواطن الداء .......
نأمل ان ينصلح الحال وتسود صورة الشرطي الذي يحمل الطفل حديث الولادة عند مدخل دار المايقوما ......
على تلك الصورة القبيحة التى يرسمها شرطي يفرد عضلاته على بائعة شاي مسكينة .....
على ذكر اطفال المايقوما وانا ضابط بالقسم الاوسط (الجنوبي سابقاً) ......
كنت عندما يعثر على طفل ذكر حديث الولادة في نبطشيتي وقد حدثت عدة مرات ......
اطلب منهم تسميته (عمر) ..........
| |
|
|
|
|
|
|
|
|
|
Re: لمن كنت بوليس نظام عام ........... (Re: omer osman)
|
بعد ثلاثة او اربعة اشهر .........
تعثرت امور الادارة الوليدة ولم تحظي بالميزانية الكافية لتسيير عملها ........
وصار الهمس جهراً ....... حلوها وفكونا من الشغلانة دي ........
وفتح باب النقاش والشوري .........
وكان رأي ياجماعة الشغلانة ما مستاهلة ادارة متخصصة ......
ناس الاقسام او ناس المباحث في اطار شغلهم ممكن يشتغلوا الحاجات دي زي ما الوضع كان ماشي من زمااااااااان
واخيراً صدر القرار بحل الادارة وتوزيع الضباط والافراد على ادارات (مكافحة المخدرات أو المباحث المركزية أو الشرطة الأمنية)
طلب منا كتابة ثلاثة رغبات بالترتيب فكتبت :
1- المباحث المركزية.
2- المباحث المركزية.
3- المباحث المركزية.
نادني مدير الادارة ........ وهو يضحك انت اول زول ح نعمل ليهو خلو طرف واجري من هنا جري على المباحث المركزية ........ وقد كان
| |
|
|
|
|
|
|
| |
omer osman
Mohammed Awad
محمد علي شقدي
أسامه الكرور
Hadeer Alzain
Salahaldeen Nadir
ashraf mukhtar
محمد عبد الماجد الصايم
سالم أحمد سالم
Hassan Bakri Nugud
علاء الدين صالح
ود العجمى
SHIBKA
doma
بكري عباس علي
وليد محمد المبارك
اشرف السر
طارق جبريل
عبدالمجيد المقابل
أحمد الصديق
أمين يحيى
عمر عشاري
محمد فرح
فيس بوك
تويتر
انستقرام
يوتيوب
بنتيريست