دعواتكم لزميلنا المفكر د.الباقر العفيف بالشفاء العاجل
|
|
 يا طارق الأمين ...ما كدة
|
حكاية انو الناس ترفع بوستات في شكل عناوين فقط لا اعتقد انها تصب في مصلحة الموضوع
ثم حكاية
Quote: الطريقه سهله وتشبه طريقه الهكر كاقرب تشبيه لها
كل متظاهر يفتح بوست بنفس العنوان
ويرفع البوست بدون كتابه الموضوع
|
الناس الكتبت بشكل واعي ومسئول كتابتها تروح مش؟؟
يا طارق دي ما مظاهرة ولا اي حاجة ..ده شغب وانت شكلك موجوع بشكل خاص
ندين الحصل في بيت الفنون مثله مثل آلاف الحوادث التي حدث في بيوت الاعراس،في مقاهي الخرطوم والجامعات وثكنات الطالبات
لكن شخصيا احساسي مختلف تماما من احساسك..والصباح قلت ليك انت مستعجل وانت هسة مستعجل
خلي البوستات الاترفعت ورفعوها الناس تكون في الصفحة الاولي حسب قرايات الناس..دون اتباع وسائل الاغراق القاعدة تتم بمباركة من سيد الحوش
تجربتك دي طارق ممكن تكون مفيدة ومفيده خالص وفي كل القضايا لكن ما بالطريقة دي ، ما تهزم الفكرة بالتشويش والتعجل.
خلي الناس تركز في حاجة مش كل نص ساعة عامل ليك خارطة طريق زي ما انت عايز..ما تجهجهنا معاك..قانون النظام العام ده ليه عشرين سنة مسلط فوق رقاب الناس انت عايز تجي تواجهه بمظاهرة في يوم واحد؟؟
خلاصته ادي الموضوع صنة شوفوا المصممين زي استاذ احمد المرضي وعزيز قيسان وغيرهم يصمموا،غيروا البروفايلات انقلوا البوسترات للفيس بوك ،خلي القانونيين يسلطوا الضوء بشكل كويس علي القوانيين والاختراقات خلي الجبهة مفتوحة ما تفتحها وتقفلها كدة..ياخي اقلاها خلي كتابات الناس تتقري لانو اخدوا فيها زمن وعايزين يغيروا في الموضوع..والتغيير عايز زمن وادراة ردود فعل للعملته،ببساطة كدة شوف بكرة او بعده نتيجة الحصل هنا وعلي ضوءه الناس تتصرف ، مش زي مظاهرة الثانوي جيتوا مارقين وكوركتوا فكو بمبان ضحكتوا رجعتوا وحكيتوا لناس الحلة.
|
|
 
|
|
|
|
|
|
|
|
Re: يا طارق الأمين ...ما كدة (Re: GamarBoBa)
|
بإمكاني ببساطة افتح 15 نافذة متصفح جديدة واكتب عناوين مختلفة وارسلها كلها في 15 ثانية من جهاز واحد
ده حل؟؟
طيب الناس الاجتهدت في الكتابة وعايزة اقلاها توصل فكرة مسئولة يعملوا شنو؟؟
لزاما عليه في الاسفير ده مافي سفير ولا ولاوزير واقف عشان يتسلم مننا مذكرة
دي حركة افتراضية الناس بترجي منها وصول رسالة بشكل هادف للواقع المعاش
عليه نرجو اتباع الادوات السليمة للوصول للغاية والمبتغي
هسة شايف القاب بين المداخلات فيه ستة سطور..هل بتفتكروا انو في زول عنده صبر قدر ده؟؟
يا اشتغلوها بشكل كويس وبروبر يا كمان خلونا نجيكم بعد ينتهي الاغراق ده
| |
|
|
|
|
|
|
|
|
|
Re: يا طارق الأمين ...ما كدة (Re: GamarBoBa)
|
قمر بوبا سلامات
قرات ايضا المداخلة في البوست الذي افترعته انا علي اساس قانوني
فهي فعلا لفتة جيدة فقد اعلنت انني ساضيف عدة بوستات في هذا الموضوع
انا اعلم ان الكتابة المتخصصة ستضيع في هذا الزخم لكن لدي وجهة نظر اخري
وهي ان تجربة التظاهر والتضامن بهذه الطريقة تجربة جديدة ربما تطورت في مرات قادمة الي
عدد من العناوين في المقدمة اضافة الي خمسة مواضيع تتناول الموضوع المعني من خلال هذه
الخمسة محاور. وبذلك ياتي ماتفضلت به في اطار تطوير هذه التجربة فالكل يعمل الان علي اساس
التجريب او علي الاقل حسب علمي.. فدعنا نري ..ربما يخلصوا من هذه الموجة العاتية الي اسئلة
جديدة تضيف الي الحوار المتخصص ومن خلال ما تحدثه من نتائج يمكن النظر الي الثقرات التي
لازمت التجربة..لكني في الاساس متفق مع فكرتك.
| |
|
|
|
|
|
|
|
|
|
Re: يا طارق الأمين ...ما كدة (Re: على عجب)
|
ياقمر بوبا نحن بنتناقش من مده في بوست او اتنين عن اليوم دا
ووحتي الاستاذ علي عجب لما طرحنا الفكره اشاد بيها والرابط موجود
بعدين ياخ قلنا مظاهره يعني فوضي وثوره وكل شي
وقلنا تجريب واعتذرنا للناس الكل يوم قاعده هنا وبتكتب بنفس الطريقه من زمان
والمظاهره مابتخلو من الضجيج وممكن يتعوقو فيها ناس
يوم قلنا في مظاهره كان عندك خيار ماتمرق لينا من بيتكم في اليوم دا
وعندك خيار تجي وتجرب معانا او تتفرج
لكن ماتخش في نصها وتقول عفصتوني
قصدت اعبر بشكل هادئ اولا ثم صاخب لمده ساعه ودا كلام تم الاتفاق عليهو وقامو ناس وافقو بيهو بل ونفذوه فعلا
انت كونك مابتحب الصخب دا من حقك لكن ماتفرض علينا وصايه هنا
كفايه علينا وصايه الحكومه والنظام العام
البوستات الاتكتبت قاعده وماحتروح وممكن تستمر وانت عارف الكلام دا
شنو داخل في نص المظاهره وشابكنا ياطارق ماكده وعيب كده
ارفض وصايتك وافعل ماتريد واتركني لافعل ماتريد
من حقي برضو اكون شايف اسلوبك دا مامناسب معاي
راعي في خطابك انك تمرق لي لماتتكلم معاي من شخصيه الزول الكبير الوصي دي
انا راضي عن العملوها معاي الشباب ديل وانت قيمو بي طريقتك
سلام وتيك كير شويه
| |
|
|
|
|
|
|
|
|
|
Re: يا طارق الأمين ...ما كدة (Re: طارق الأمين)
|
بالله هي كدة؟؟
وصاية شنو واسلوب شنو الما مناسب معاك دي
يا طارق اقعد في واطة الله دي وافهمني كويس،انا ما وصي عليك وبالعكس انا اصغر منك اقلاه بسنين كتيرة..امرقنا من الحتة الضيقة دي
كلامي محدد ليك وقبليه كتر خير بكري الفكا حظر البوست دهيجلدن لأنهن يضعن أحمر الشفاه
الكان قبل تمنية سنة وممكن تقرا رأي فيه بوضوح بس مع ابدال حزب المؤتمر بالجبهة الاسلامية
شخصيا لست مستعدا لتكرار التجربة كثيرا واكون شغال في ساقية مدورة ساي
الموضوع ده متجذر..وانا مرقت معاك المظاهرة دي وراجي منها نتائج..
كل البطلبه منك انك تكون عارف كيف تقدم رسالتك وتصر عليها وتطلع منها بنتائج ونحن ما نكون شغالين معاك بنرفع في بوستات والنتيجة ياها نفس النتيجة القبل تمنية سنوات
تاني بكرر ليك..لا شي شخصي،الموضوع عام الاختلاف في الوسائل وطريقة التعبير
ولو انت مارق لفوضي زي ما قلت شخصيا ظنيتك زول عندك كاريزما وعايز تغيير في حياة المغلوبين علي امرهم
مش تجي تقول لي انا راضي وانا شنو كأنو الموضوع بخصك انت وحدك
هسة دي يا طارق الامين الموضوع ده موضوع عام وله موجه لحادثة بيت الفنون؟؟عشان لو خاص صدقني تاني ما بجي في البوست حقي ده ذاتو..ولو عام عندنا الحق ننظر في شكل الحملة كعضوية قاعدة هنا.
تحياتي
| |
|
|
|
|
|
|
|
|
|
Re: يا طارق الأمين ...ما كدة (Re: Salahaldeen Nadir)
|
| Quote: خلاصته ادي الموضوع صنة شوفوا المصممين زي استاذ احمد المرضي وعزيز قيسان وغيرهم يصمموا،غيروا البروفايلات انقلوا البوسترات للفيس بوك ،خلي القانونيين يسلطوا الضوء بشكل كويس علي القوانيين والاختراقات خلي الجبهة مفتوحة ما تفتحها وتقفلها كدة..ياخي اقلاها خلي كتابات الناس تتقري لانو اخدوا فيها زمن وعايزين يغيروا في الموضوع..والتغيير عايز زمن وادراة ردود فعل للعملته،ببساطة كدة شوف بكرة او بعده نتيجة الحصل هنا وعلي ضوءه الناس تتصرف ، مش زي مظاهرة الثانوي جيتوا مارقين وكوركتوا فكو بمبان ضحكتوا رجعتوا وحكيتوا لناس الحلة |
تحياتي ياقمر
ازيك يازول
الاقتباس الفوق ده يا موسي افتكر انو ما بتعارض علي الاطلاق مع التظاهرة الكانت قبل شوية علي العكس بيدعم الفكرة في اتجاهها السليم ـ المظاهرة حد زاتها افتكر انها جات بعد نقاشات كثيرة وهو نوع من لفت الانتباه تجاه هذه القضية ـ كان عندي اقتراح بتسويد الصفحة الرئيسية كنوع من الاحتجاج وللفت الانظار ـ التم الليلة في رأيي ياموسي شكل جديد وأدب جديد في التعبير عن القضايا .
العشرين سنة الفاتو ديل ياموسي راحوا حق الله بق الله لانو الناس كانت ساكتة وما بتقول بغم
كدي نشوف باكر صدي القصة دي علي الاقل في صحافتنا المقروءة .
| |
|
|
|
|
|
|
|
|
|
Re: يا طارق الأمين ...ما كدة (Re: خضر حسين خليل)
|
تحياتي يا بوبا
أنا أؤيد ما ذهب إليه الأخوان طارق وخضر وجموع المؤيدين
الموضوع متفق عليه ولن يستغرق سوى ساعات - قل أيام- وبعد ذلك يمضي المنبر
وحال البلد إلى مآلاتهما الأكيدة، فما الضير في هذه التظاهرة؟
بعدين أنا مع كلام خضر الأخير دا: خلونا نشوف باكر صدى القصة دي
من زمان عايز أسأل عن صدى سودانيز أونلاين داخل السودان وتأثيره
أم هل هو صدى يدق في جدران الأعضاء فقط ككرة التنس
شكرا للفكرة المجنونة يا طارق الأمين وشكرا للمتضامنين
حتى لو ظللنا نتقاذف الكرة هكذا (دواليك)
| |
|
|
|
|
|
|
|
|
|
Re: يا طارق الأمين ...ما كدة (Re: GamarBoBa)
|
دخلت المنبر لم أجد أشياء جيدة يمكن قراءتها !!
كل شيء عن النظام العام .. وكأنه لم يصبح سيئاً الا بعد الحادثة الأخيره..!
العلاقات مع بكري وأصدقائه تدخل كعامل اساسي في العناوين التي تتصدر المنبر وفي المحاولة لتوجيه الرأي العام هنا والتي غالباً ما تكون عاطفية بحته ...
أود أن اسال سؤال بسيط .. ما الذي سأستفيده أنا عندما أجد عشرة بوستات بنفس العنوان؟؟!
تري لم لم يحدث نفس الشيء عندما برزت قضية الطفلة التي القي القبض عليها لزيها الذي ترتديه؟؟
هل المهين أن يقبض علي رجل أم أن تحاسب طفلة ويلقى القبض عليها؟؟!!
هنالك الكثير من القانونيين هنا بما فيهم طارق الأمين وأظن أن الصراخ ليس وسيلة للتغيير وإنما وسيلة للتعبير عن الفكرة التي لا يحتاج الشعب السوداني أن يعرف كم هي مهينة وغير إنسانية ولكن يريد أن كيف ينعتق منها !!!
| |
|
|
|
|
|
|
|
|
|
Re: يا طارق الأمين ...ما كدة (Re: معاوية الزبير)
|
خضر سلامات
مافي تعارض ولا شي بس الموضوع وما فيه ما يحصل انفعال زايد
...
الاخوان مدثر و الاخ معاوية...شكرا للمرور وما ظنيت في داعي للغلات
...
تبارك مشكور برضو لمداخلتك
...
يا صلاح الدين تسلم وعساك طيب
| |
|
|
|
|
|
|
|
|
|
Re: يا طارق الأمين ...ما كدة (Re: عبدالعزيز حسين عبدالرحيم)
|
الأخ عزيز
تحياتي وجمعتك مباركة
حقيقي تداخلي بوستات النظام العام كان لهدف محدد هو أن اري ولما قلنا رأينا كان قصدنا الترتيب ليس الا
فكما تري
خرجت الناس غزوة اسفيرية ليوم واحد وعاد للمنبر هدوءه ونشاطه المعهود حيث المشاكسات اليومية واخبار السياسة والرياضة والمنوعات والمساجلات الشخصية مع ان العناوين المثبتة لا زالت تحكي عن معركة انتهت.
المستفاد في رأيي الشخصي ان الناس اقامت الدنيا واقعدتها ليوم واحد ضد قانون يجب ان تتناوله الناس لفترات طويلة،فالنتيجة النهائية مهمة،خلاصة التجربة مكتبة اسفيرية مثلها مثل مكتبة شهداء كجبار وحتي الان محلك سر والقضية في ادراج وزارة العدل مثلها ومثل جرائم بورتسودان وغيرها.
التساؤل؟؟
1.هل كان بالامكان اكثر مما كان؟؟ في اعتقادي الاجابة نعم ان كان هنالك ترتيب افضل
2.هل هذه التجربة يمكن ان تكون مفيدة؟؟في اعتقادي بهذه الطريقة فقط ستفرخ التجربة مكتبة اضافية تشكل عبء اضافي في تصفح المنبر ومن ثم تختتم بحضور فيلم وثائقي عن اي قضية يتم تناولها ويحضرها 30 شخص...وكفي الله المؤمنين شر القتال.
أخيرا شكري لطارق الامين للاقتراح وعفينا ليك عفيص المظاهرة،وكلامك عن انو يا نتفرج يا نشارك وانو خياراتك وهي ذاتا بتشبه عقوبة النظام العام الجلد والغرامة وفي حالة ما عندي قروش الغرامة اتسجن شهر اضافي
هذا ولا زلت اتمني تعميم الفكرة علي كل القضايا وادارة الحملات بشئ من التأني والتنسيق حتي تجد حظها في الاعلام الداخلي والخارجي مما يساعد في تغيير الواقع.
| |
|
|
|
|
|
|
|
|
|
Re: يا طارق الأمين ...ما كدة (Re: GamarBoBa)
|
الاخ قمر بوبا صباحك زين
تحياتي وتقديري لمجهوداتك في الرصد والتقييم محاوله للاستفاده قدر المستطاع
نعم كان لدي اعتراض علي توقيت هذا البوست
فقد كنت ياسيدي بذلك التوقيت كمثل من يمسك متظاهرا من طرف القميص
ويجره الي الخلف
ويحاول ان يهمس في اذنه بخطه جديده
رغم ان ذلك كان متاحا قبل تلك اللحظه
حيث تم اطلاق بوستات لمناقشه مقترح الهتاف لمده ساعه
وتداول المتداخلين فيها مقترحات للهتاف الموحد
وتم تغيير ساعه الهتاف ثلاث مرات
في المره الاولي قبل3 ايام من التظاهره كان الزمن المقترح الواحده ظهرا
في اليوم الاخير تحول الي الساعه السابعه مساء
اقتراح الثامنه جاء بعد اقتراب حلول الساعه 7 دون اتفاق علي الهتاف
ثم تحول الزمن الي الساعه 8 بتوقيت السودان
كل ذلك تم ولا الومك ان لم تكن تتابعه
وعليه فان ظهورك في وسط المتظاهرين المتفقين مسبقا علي فعل معين ببوست مخالف
رغم احقيتك في ذلك
قد اخل بمشهد الجميع وهم يخطون عنوانا واحدا لتنفيذ هذه التجربه الجديده
نعم تداخلت معك في هذا البوست بقليل من السخونه
فقد كنت مغتاظا من عنوان البوست المغروس في صف البوستات المتظاهره
كنت اعتقد ان عليك ان تتريث قليلا حتي نكمل ما اتفقناعليه
دون مشاتره
وكلها ساعه زمن
بعدها يمكن لنا العوده للحوار والتقييم
مثل مانفعل الان وبكل هدوء
اقدر مجهوداتك ومواقفك
وارجو ان تطمئن
فالامر ليس يوما والسلام
وسنتحاور اكثر عن مستقبل هذه الحمله وعلي الهواء
وستكون شاهدا علي ذلك
مودتي وتحياتي والاحترام
| |
|
|
|
|
|
|
|
|
|
Re: يا طارق الأمين ...ما كدة (Re: طارق الأمين)
|
شكرا طارق
معليش لو اخدتك علي جنبة كتير لكن صدقني دي اخر مداخلة وانت انصرف للمهم وخلاص
لو كنت قلت لي بشكل واضح انو توقيت البوست ما سليم كنت قفلت الموضوع وطلبت من بكري يحذف البوست
الشفته انا وقريته انو حسب تقييمي الموضوع كان فيه تعجل وكان همي التعديل في الاشياء بحيث انو الموضوع يجيب عائد اكثر ليس الا.
عموما للفائدة العامة كتبنا ولا شيء شخصي واتمني انو الناس ترتب تاني حملات بالتعاون مع بكري في كثير من القضايا مع حفظ الملكية الفكرية ليك في مسألة المظاهرة الاسفيرية فقط اتمني:
1.الناس تكون مجهزة وسائلها الاعلامية من صور بروفايلات وبوسترات يسهل التعامل ونقلها للمواقع الاخري.
2.المادة العلمية وكشف الثغرات في المواضيع المستهدفة بواسطة مختصين.
3.وضع تايم تيبل يحدد تناول المواضيع عشان ما تحصل مشكلة توقيت زي الفاتت دي.
4.التنسيق مع الجهات الاعلامية خارجية وداخلية عشان الموضوع كون مواكب اكثر.
تسلم يا حبوب ولا شيء شخصي كما اسلفت فكل علاقتي بك كيبورد حتي الآن اتعامل به معك من هذا المنبر
| |
|
|
|
|
|
|
| |
GamarBoBa
Salahaldeen Nadir
خضر حسين خليل
معاوية الزبير
مدثر محمد عمر
تبارك شيخ الدين جبريل
فيس بوك
تويتر
انستقرام
يوتيوب
بنتيريست