|
دعواتكم لزميلنا المفكر د.الباقر العفيف بالشفاء العاجل
|
|
 كامل تضامني مع الطيب في محنته ههههههههههههه (Re: الطيب عثمان يوسف)
|
هههههههههههه
والله يا الطيب حالتك صعبة شديد
بالله سلم لي على ناهد شديد وقول ليها
تكتر من حملات التفتيش بتاعتها دي
عفيييييييت منها والله
Quote: Quote: اذا ما كان عندها امر تفتيش فالبلاغ بنشطب ماتشيل هم
*** يا عمر أقول ليك البلاغ فى النظام العام ،،، تقول لى أمر تفتيش ؟
*** كدى بسرعة شغل مصادرك وورينا شطارتك . |
عمر عثمان دا من الأول طبزها ليك ماااااا تعتمد عليهو
قال أمر تفتيش قال هههههههههههههههه
يا عمر هو بقول لك بلاغ في النظام العام ياخ!!!!!
| |
 
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: يا سعادتك ياخ إنتَ ذاتك عد تبالِغ.. نحن في عصر المعلومات تقوم تشيل الصورة في الكمبيوتر؟
هسّا كان كُتّا شلتها في جُزلانك كان مالو؟؟ |
*** يا علاء الدين صالح يا أخوى جزلانى ده انا حلفت ما أشيل فيهو حاجة من السابقة الأولى ، أيام الخطوبة .
لقو فى الجزلان بدل صوره واحدة أربعة ...
... بس بتاعات واحدة كانت عايزه ليها ( جواز ) سفر و كده .... ما تمشى بعيد
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
الطيب عثمان سلامات للضمان كدا في البداية
| Quote: *** بعدين ياخ الصوره انت ما شفتها ما تحكم ساى . وبعدين ياخ أنا زول مسكييين لو شفتنى . |
ايوا يا الطيب كلنا بالحيل ما شفنا الصورة عشان كدا ما بنقدر نحكمعلي غايب...لهذا إنت نزل الصورة و بعدين نشوف نقيف معاك إنت و لا ناهد؟
الصور الصور مش ود الصايم بيقول كدا؟
بعدين إنت البوديك تخت صورة في الجهاز شنو؟ و قول ختيتها ما تعمل ليها هيدن.... و لكن معاك هيدن دي زاتها ما مضمونة عشان كدا ترفع الصورة دا في الاميل ولا ناهد بتشيل منك الباس ويرد؟
غايتو يا ود عمي أمانة ما وقعت ما سميت و لكن الي حين إنزال الصورة انا كامل تضامني مع ناهد....
زرزة الصور دي حلوه حلا (وش شمتان)
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: سعادتو .. تعظيم سلام وعيدك مبارك
اهو صورتك الخايف عليها .. جابت ليك الجلا .. وانت قاعد تقوقى ..
حبيبة قلبى تفشى الخبر .. وعم الكمرات واللابتوبات ..
كويس انك عيدت مع الشاكين ..
ماعليك تضامنا معاك انا متكفل بحق محامى الدفاع .. |
*** يا زوما.. المحامى فى النظام العام ما بعترفوا بيهو ، فمابالك مع واحده ارهابية زى دى ؟
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
ياجنابو ياخ انت بوليس قديم معقولة ماقادر تخارج روحك .؟؟
وبعدين هى عندها شهود ودى أهم حاجة .؟؟
زمان كان فى حرامى كل ما يتقبض فى بلاغ سرقة ويقبضوهو ناس المباحث
طوااالى يعترف انو سرق ويقول انو باع المسروقات فى سوق الله
اكبر يعنى الزول المستلم ما معروف النيابة تفصل الاتهام فى
مواجهة المستلم ويمشى المتهم لتدوين الاعتراف قضائيا طوالى
ينط ويقول انا ماسرقت حاجة يامولانا ناس المباحث دى دقونى
عشان كدة اعترفت .!! مولانا يرجع البلاغ للنيابة لمذيد من
التحرى ولمن ماتلقى دليل تشطب البلاغ وصاحبك يطلع منها ذى
الشعرة من العجين .!!
دا ياجنابو الحرامى قدر يخارج روحو انت ضابط مباحث قديم
وماقادر تتخارج .. تبقى دى عوجو والله .
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: ناصر احمد الامين)
|
ابو محمد بطل جرسة وشد حليك
كدى اولا خذ دى كل سنه وانت طيبين
وثانيا شوف ابو رغيم خلية يدخل ببند اهل الحكمه
انت الصور ليك شنو ما تحترم نفسك والله مع ناهد قلبا وقالبا
والموضوع لو محتاج مستشارين نحن جاهزين ناس سيف موجودين
بطل فضائح واستنى الجاياك المصيبة هى مدعومة باهلها مليارات يا حبيب يعنى لو السودان كل كان معاك برضو رحته فى شربة مويه
وخليك من الاحتياطى المركزى المعاها فى البيت وانت يا دوب تطلع بمحمد وبس
تحياتنا للمقاتلة ناهد والعقد الفريد من خلفها
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
| Quote: غايتو يا ود عمي أمانة ما وقعت ما سميت و لكن الي حين إنزال الصورة انا كامل تضامني مع ناهد.... |
الأخوان : طلال و حافظ : وكل الشمتانين
*** أيواااا ... إنتو شمتانين مش ؟ و أعلنتو تضامنكم مع الإرهابية الكوزه دى ؟
*** طيب لما أنزل الصوره ما عايز إعتذارات ، و الله كان معاك حق و نحن آسفين و ما قاصدين و الحركات دى ... لأنو الزول المعاى
فى الصوره بستاهل مش تتصور معاه بس !! تتصور معاه و تاكلو كمان . بس أصبروا . و الفيكم اتعرفت .
*** قال ود عمى قال !!
*** و طلال يقول ليك مشتاقين !! و متضامن مع الكوزه دى ؟ ده شوق ولا شوك ده .
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
| Quote: فى الصوره بستاهل مش تتصور معاه بس !! تتصور معاه و تاكلو كمان . بس أصبروا . و الفيكم اتعرفت . |
والليله و الليله ... كدا يا الطيب والله لا دايرين صورة لا صوت بس شايف السطير الكاتبو فوق دا و بخط يدك عشان ما تجي تنكر ,,, و لمزيد من الحيطة و الحذر انا عملت كوبي و بيست لكل البوست عشان ما تجي تعدل و تكتب الجملة التافهة ديك (التعديل لخطأ املائي).... زي ما قلت ليك بس السطر المقتبس فوق دا بوديك التوج ....
و كامل التضامن مع المظلومة ناهد
و معاك حتي الموت يا ناهد
قال ما تصور معاهو بس كمان تأكل معاهو ....و بنفس فاتحه كما بدل تأكل تسمم لنفسك داير تأكل قلت لي
أما عمايل فارغة و يا ناهد لو انت خليتيهو نحن أولاد عمك ما بنخليهو و أبشري بالخير و الجنبو
وش عروقو طايرة من الزهج
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: يسرى معتصم)
|
Quote: ناهد دي مسكينة ولا شنو
قول ليها وجن قالت ليك أخدي حقك بيدك أوعك تدخلي زول
وكان ما بتعرف قول ليها تعالي أديك دروس عشان توريك النجوم في عز الظهر
قال صور قال |
*** يا أخوات الجندره و العنصرية شـنو ؟
..... إنتى الصوره شفتيها يا وجن ... ما إمكن تعجبك ؟ أدى نفسك فرصة أحسن ليك ، الصورة جاية .
*** بعدين ناهد هلالابية نجومك ديل سلفيهن لى ساره كرودى .
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: والليله و الليله ... كدا يا الطيب والله لا دايرين صورة لا صوت بس شايف السطير الكاتبو فوق دا و بخط يدك عشان ما تجي تنكر ,,, و لمزيد من الحيطة و الحذر انا عملت كوبي و بيست لكل البوست عشان ما تجي تعدل و تكتب الجملة التافهة ديك (التعديل لخطأ املائي).... زي ما قلت ليك بس السطر المقتبس فوق دا بوديك التوج ....
و كامل التضامن مع المظلومة ناهد
|
*** يا حافظ :
..... على الطلاق دى كتبها الهاكر ...
... يا زول أنا كايس الغدا هسى ...
... ده بدل ما تتجندر مع أخوك و تتسركن
ولا عشان قلنا ليك ما عندك نصيب فى سيد الصوره ؟ ولا تكون عرفتو ما بحب الشينين زيك ديل .
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: Muna Khugali)
|
Quote: ذكرتني نكتة ( الشا...)
قاعد جنب القيفة و في واحد بيغرق في نص البحر و قاعد يكورك (الحقوني .. يا ابو مروه .. وااا)
اخونا عاين ليهو و قال ليهو : يا اخوي استغفر ساكت .. دا ما يومك.
|
*** يا باشمهندس : أفهم من كده أنو أتمسح و أرجى الجلد و الفاضايح يعنى ...
... طيب الشفع المساكين الما أكلوا من الصباح ديل ذنبهم شنو ؟ و اتجلد مرتين فى شنو ؟
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: كسر الكومبيوتر بتاعك..
وبعدين رسل ليها فايروس في الكومبيوتر بتاعها هي..
واول ما يبوظ كسرو ليها بخيت انه التفتيش الدقيق لا يمكن..
كده انت في امان.. |
*** يا منى خوجلى ... بى طريقتك دى بفقد الصوره و الصور المجاوره ... لكن برضو أحيى موقفك الشجاع ده . و ده من أصلك .
يا بت الأصول ( لووووول ) .
.............. تخريمه
...... قرييييييبة من صورة البروفايل دى .
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
سلامات يا الطيب,,
ريحة اللستك مارقة من هنا,,,, Quote: المشكلة إنو الصورة دى فى قصر الامارات .
...... فما فى داعى للجندره دى ، ووليع النيران. |
 والله البوليس لما يرقد قش بكون شكلو عجييييييييييييييييييييييييب!!!
ناهد يا كبير,,,
أمرق العندك كلو وأرفع يدينك ورجلينك فوق وقبل على الحيطة,,
ما قلتو بوليس!!
مودتى وتحياتى لك و لجنابو القاعد يدرش فيك فى البيت دا,,
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: ناصر احمد الامين)
|
Quote: يا فتح الرحمن
سلامات
لجنة التهدئة وصلت لحل وسط
انه ينزل الصورة و الحكومة تكتفي بإنذار شديدة اللهجة
و صاحبك عمل حميل ... و ماب تنزل .. و حجمها كبير
لكن طبعا الاخوان بخير و ان لم تنفع فضر
لكن الصورة التانية الا نشوف ليها واسطة الاخضر الابراهيمي |
لا كان دي كل المعروضات
براءة مع سبق الاصرار و الترصد
استندنا في حكمنا دا على مرجعيتنا من ذاكرة شعبية و بالخصوص الغناء و الشعر :
- شوف العين ما كتلو غزال
- ماذا علينا اذا نظرنا ؟!
براءة يا جنابو براءة
-----------------
يا رجال العالم اتحدوا لتثبيت ح الكشيف و لا عودة لحوش الرجال القديم
تقريع ساي ما فيهو حاجة و عقوبة عادلة يا عمك لكن الابراهيمي كان بدأ في شبك زي دي ح يكره الشرق الاوسط و الاقصى ذاتو و اي شي فيهو ( شرقي ) دي . . ما تشغلوا الراجل خلوهو للمشاكل البقدر عليها ياخ . . دمر الادلة يا عمك . . الراجل برضو اخونا ياخ !
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: ناصر احمد الامين)
|
أنا غايتو ومن خلال البيّنات الماثلة أمامي:
إنو الخواجية العاملة زي بِت اللُعاب دي كلُّما صفحة النوتة تنتهي كانت بتقول لسعادتو: Mr. Eltayieb, Please turn over
يقوم سعادتو يقلِب ليها الصفحة..
(يعني بالعقُل كدة بت الناس دي حتقلِب الصفحة كيف وهي مكنكِشة في العنقريب الماسكاهو دة؟؟)
وبرضو براءة يا سعادتك..
(أنا عاااارف.. المُحتجين من أنصار النظام العام حيقولوا ليك تعزيراً كدة حقو تفتح يدَّك وتاخُد ليك فيها خمسة جلدات.. ما تشتغِل بيهم ديل ناس حاقدين ساي)
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: وجن)
|
Quote: مافي أي براءه في الموضوع خليها تطلع عينك
بالله عندك نفس تأكل كمان
الله عليو يا ناهد شدي الهمه |
وجن أنا وقفتَ معاكي قبل كدة وقفة رجُل واحد ضد أفراح عصام في بوست صديق الموج وقُلنا حواجبينا عاملة كيف والما بعرفو داكا..
ياخ المرَّة دي بس أقيفي معانا في خندق واحد مع سعادتو ضد "وزارة الداخلية" بتاعتو.. الله يرضى عليكي.
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: د.نجاة محمود)
|
ابو الطيب سلام وكل سنة انت والاسرة بالف خير
الصورة ذكرتنى صورة اوباما وساركوزى فى بوست هدير الزين وطلع اوباما منها براءة
لما اعيدت اللقطة من زاوية تانية لكن ساركوزى عهملها شينة, دحين انت واقف براك
وماجنبك اى زول وانا الوحيد العرفت انت داسى يدينك فى جيوبك عشان شنو ياشفت هاهاهاها
بعدين الجرسة دليل ادانةبدون كلام, اركز شوية واتحمل الجاياك.
مودتى
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
والله النظام العام عليك شــــــــــــويه
دائما مصايبك ومحنك مخالفة للناس
ما خاتين عليك الجماعة لما هكروك
ما تخليك زى اخونك وتمشى جنب الحيط وعيب لىالمثل البقول من خاف سلم
وخلى ابو رغيم فى حالة الراجل خايف عليك وخت ليك صورة يعمل اكثر من كدة شنو
غايتو عالم تحير
شدى حليك يا ام محمد والله نحن معاك للامم المتحدة ومجلس الامن
وان شاء الله تقوم فى راس الطيب عثمان يوسف ما دام نحن بعدين هههههههههههه
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: علاء الدين صالح)
|
وجن أنا وقفتَ معاكي قبل كدة وقفة رجُل واحد ضد أفراح عصام في بوست صديق الموج وقُلنا حواجبينا عاملة كيف
والما بعرفو داكا.. ياخ المرَّة دي بس أقيفي معانا في خندق واحد مع سعادتو ضد "وزارة الداخلية" بتاعتو.. الله يرضى عليكي.
والله كان بودي وطلبك على العين والرأس لكن ضميري ما بكون مرتاح حاجه جوه كده بتكون ممغساني كان خليت زولك دا ينفد بجلدوا
لازم لو ناهد عاوزه تعفي عنو بعد ما تكرهو حياتو ويقدم كل فروض الطاعه والولاء بعد داك تتعزز ليها كم تعزيزه كده وبعد داك كم فكيره كده وبعد داك تحاول تسامحو وغايتو
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: وجن)
|
Quote: دحين انت واقف براك
وماجنبك اى زول وانا الوحيد العرفت انت داسى يدينك فى جيوبك عشان شنو ياشفت هاهاهاها |
*** الغريبة إنو عمر محمد عثمان فى الماسنجر قالى نفس الفهم المغلوط ده .
*** بس يا أبو خليل أنا هين كعبين إنت و صاحبك الشغالين بالمساعدات الطبية
و البركه فى الدكتوره .
..................... جانبية
برااكم تجيبو لى رقبتكم
| |
|
|
|
|
|
|
|
|
 Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: والله كان بودي وطلبك على العين والرأس لكن ضميري ما بكون مرتاح حاجه جوه كده بتكون ممغساني كان خليت زولك دا ينفد بجلدوا
لازم لو ناهد عاوزه تعفي عنو بعد ما تكرهو حياتو ويقدم كل فروض الطاعه والولاء بعد داك تتعزز ليها كم تعزيزه كده وبعد داك كم فكيره كده وبعد داك تحاول تسامحو وغايتو |
*** يا علاء الدين : أول شي كتر خيرك .
*** بالله يا أخونا الكلام الفوق ده ، ما كلام الكوزات الشينات ديلك ،البكونو سنونن القداميات
طالعات لى بررررره و فيهن صفار كمان .
*** حقد غريب !!! و الأغرب إنو دى بى جاى كمان سامعه كلامها . و أمبارح مرقدانى فى الواطة لى
الصباح .
*** ألم .. ألم !! وجع .. ظلم .. دكتاتورية العصور الوسطى .
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
كوزه شينه سنوني صفر ما بحلك كلو كلو
و الأغرب إنو دى بى جاى كمان سامعه كلامها
أشد من أزرك حبيبتي وانا معاك وقلبى كمان مابي زولك دا كلو كلو
بس اوعى يكون راقد في الواطه في نفس غرفتك
بره بالله يا ناهد في الصاله ومن غير اي فرش ولا مخده وشغلى المكيف على اعلى شي وكل ما تجيك صحيه كبي في وشو الشين دل مويه من الفريزر
واقفلي عليك باب غرفتك بالمفتاح وشيلي جوالو واقامتو خليو يطلع الشارع من غيرن واوعى لم يجي راجع يلقى ليو غداء فى التلاجه
والحصة الجايه بديك ليها بالتلفون
يلا باى يا حبيبتي
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: التعليق
بالله شوف الخواجية دي ضهرها نضيف كيف!!
ناهد نحنا معاك في الموضوع دا
الجلد علي.. |
*** و دى إنتى يا بيان كمان ؟ كتر خيرك !!
*** عمرك كلو بتنادى ( بالعدل و المساواه ) وهسـى تجى أول حاجة تفترضيها سوء الظن
و التأليف من عندك ؟ البخلينى أعاين فى الضهر شنو و قدامى فاكهة جناين روما .
.... جنس جندره !!! بالله ده جزا وقفتى معاك فى دكانك لما فتحتى و قعدتى تنوحى و تصوتى ؟
*** وينك يا خالد شطه ؟
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
Quote: لا كان دي كل المعروضات
براءة مع سبق الاصرار و الترصد
استندنا في حكمنا دا على مرجعيتنا من ذاكرة شعبية و بالخصوص الغناء و الشعر :
- شوف العين ما كتلو غزال
- ماذا علينا اذا نظرنا ؟!
|
*** قيقراوى ... ينصر دينك
*** بالله عليك الله هســى الصوره دى فيها شنو ؟
*** واحده قاعد أعلم فيها كيف تعزف على البتاعه دى ، و برفع فى روحها المعنوية . بدل يقولوا
ليك شكرا يجن الارهابيات ديل و يتعاملوا معاك بوصلة الكمبيوتر و دايره تجيب ليها فضايح فى
النظام العام كمان . سبحان الله .
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
| Quote: *** إنتى ما تقوليها أرخى عدييييل كده ؟ |
شوف تستاهل ودة من عمايلك السوداء - والمسكينه لو عرفت ملفاتتك السابقة ممكن توديك وراء الشمس .
وانا شخصيا مع الاخت ناهد ومتضامن معاه -- اما الشباب الشابات المتضامنين معاك لايعرفون شيئا ملفك السابق صورا واحداثا وكان راجل افتح خشمك - عشان اكشف المستور .
لكن عموما الشافعة حلوة وانت ضعيف --- وانشاء ماتنفعك
ودبرى
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: وجن)
|
قايتو كتبتة من البيت او من المكتب حل نفسك
الصقر كان وقع كثرت البتابت عيب
وشيل شيلتك وانا شردتا
ابو رغيم بالله ما عندك صور من بيت الكلاوى ........ ارسل وانا اخوك خلينا النشوف التحدى وصل طريق التحدى او لسع
فى ناس يا ابو رغيم بتجيب المصائب لنفسها
اخونا سيف بخيت خلى الراجل يكب الجرسة شوية
وكان عندك فزعة خليها بعدين والله ما بنقصر بنقيف معاكم
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: osman righeem)
|
Quote: وانا شخصيا مع الاخت ناهد ومتضامن معاه -- اما الشباب الشابات المتضامنين معاك لايعرفون شيئا ملفك السابق صورا واحداثا وكان راجل افتح خشمك - عشان اكشف المستور .
لكن عموما الشافعة حلوة وانت ضعيف --- وانشاء ماتنفعك ودبرى |
*** يا ود برى أنا خشمى ده لى دكتور الأسنان ما قاعد أفتحو أجى أفتحو فى المنبر ده كمان ؟ تلقاها عند الغافل هههههه
*** بعدين لى لعلمك الشافعه دى بتتكلم برتقالى .. يعنى لو أديتك رقم تلفونها ، إزيك ما حتعرف تقولها ليها ههههههه
| |
|
|
|
|
|
|
|
|
|
Re: ناهد تهددنى بفتح بلاغ فى النظام العام ... أرجو المساعدة (Re: الطيب عثمان يوسف)
|
| Quote: يبدو انك داير ترسل الصورة التانيه للرغيم وغلطت رسلتها لي في الخاص بتاعي .. وجبت لي مشكلة في حناني .. هسي البقنع حكومتي منو بانها جات بالغلط ... وانت لو نظام عام انا هيئة الامر بالمعروف والنهي عن المنكر ..سجن وترحيل ...الله يسامحك نهيت غربتي قبل موعدها بتلاتين سنة ... |
*** ود القاضى حكومتك ماخده بالمذهب ( الوجنى ) برضو ؟ الله يكفيك شر الفقرا
| |
|
|
|
|
|
|
| |
الطيب عثمان يوسف
omer osman
محمد عبد الماجد الصايم
سيف بخيت موسي
معتز القريش
ياسر بيناوي
انعام عبد الحفيظ
Sidgi mattar
نجلاء سيد أحمد
علاء الدين صالح
قيقراوي
حافظ حسن ابراهيم
أحمد الصديق
مزمل خيرى
طلال جبير جابر
وجن
ناصر احمد الامين
Yousif A Abusinina
يسرى معتصم
Muna Khugali
osman righeem
أيمن الطيب
Nazar Faisal
برير احمد إبراهيم
ياسر عبدالكريم محمد
Elsanosi Badr
عبد الرحيم محمد عبد الرحيم
فايزودالقاضي
نعمات حمود
معتصم الطاهر
فيس بوك
تويتر
انستقرام
يوتيوب
بنتيريست