شخصياً ببداء يومي العملي بتصفح سودانيز اونلاين .. قول قهوة الصباح وفيها بلقى خبر ممكن استفيد منو في عملي الصحفى او تحقيق وكمان بجد بوستات خفيفة الظل من ناس خلقوا علشان يرسمو البسمة في وجوه البورداب ود الصائم وجنابو عمر امثلة وليس للحصر لكن اليلة بالجد يا استاذ طارق مظاهرتك مسخت علينا البورد وخلتو زي المهكر وبعدين بصراحة كدا (كويت البحر في صرتو)
وكدا بالمنطق اصلا الحكومة متهمة بانها بتهكر البورد دا ... يعني عامل ليها قلق نقوم برانا كدا ومن ضميرنا نخلي البورد كلوا مادة واحدة طاردة ومكررة (عدا بوست جنابو عمر) وصراحة كدا بقينا زي المعارضة السياسية في بلدنا الماعندها حيلة اسع عليكم الله ناس النظام العام قاعدين يدخلوا البورد دا ولا دايرين تبقوا لينا زي سيدي وسيدي البقدموه للحكومة هي نفسها ماقادرة تحققوا اقترح بدلا عن كدا تنظيم حملة ضد قانون النظام العام
وعلشان نكون عمليين ممكن ينظم صحفو البورد حملة اعلامية تتناول موضوع قانون النظام العام وكيفية تطبيقو من عدة جوانب يعني واحد يعمل خبر والتاني تحقيق والثالث تقرير وكمان أعمدة في كل الصحف ومقالات وبرضو السعي لمقابلة نواب البرلمان القومي ومجلس تشريعي الخرطوم وطرح الامر عليهم واكيد في افكار احلى ممكن يدلي بيها غيري بس ..................
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست