دعواتكم لزميلنا المفكر د.الباقر العفيف بالشفاء العاجل
|
|
 لمصلحة من يا ناس النظام العام الحملات ضد محلات الشيشة بمحلية الخرطوم؟
|
- تقوم سلطات النظام العام بمحلية الخرطوم بين الفينة والاخري بتنفيذ كشات ضد محلات الشيشة بمحلية الخرطوم ومصادرة (الشيش)، في حين إن محلية بحري سمحت بذلك من خلال تصاديق سنوية.
- الدولة تسمح بزراعة وتصنيع التبغ (البرنجي-حجار) وتأخذ الضرائب على ذلك ، وتحارب البسطاء من أصحاب محلات الشيشة.
- التدخين ضار بالصحة باتفاق، ولكن المدخنين موجودين في كل مكان ومن كل الملل والنحل والطوائف.
- محلات الشيشة يرتادها قضاة وضباط وأطباء وصحفيين ومهندسين وعمال وآخرين في مواقع مختلفة.
- في كل مكان يوجد الذي يلتزم بالقانون، والذي لا يلتزم به فلماذا( تكشون) الجميع؟.
- قالوا: إن بعض محلات الشيشة تعمل على ترويج المخدرات. نقول : في هذه الحالة يمكنكم القبض على المروج وتطبيق القانون عليه.
- قالوا : إن التدخين ضار بالصحة. نقول: الكثيرون يعلمون ذلك ولكنهم يدخنون ولم يصدر قانون من البرلمان يحرم التدخين أو التجارة في التبغ.
- قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة.
- قالوا إن أصحاب محلات الشيشة خربوا طبع البنات فأصبحن يشيشن. قلنا: إن المسئول عن ذلك الأسرة والمجتمع، ولكن القانون يساوي بين الناس، فلا يصح للدولة إن تمنع الشيشة وتحلل تدخين السجاير، كما لا يصح للدولة إن تمنع النساء دون الرجال.
|
|
 
|
|
|
|
|
|
|
 Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عبد القادر حسن الحبيب)
|
الاخ عبدالقادر
بعملوا كده عشان يسكتوا السلفية الواقفين معاهم في باطل تزوير الانتخابات
ونظام احنا بنعمل حركات كده اسلامية ووهمات زي دي
هم ناس اكلوا مال الحرام وقتلوا النفس وبعذبوا في زول هسع بالنار
جات على الشيشه يعني
عارف هنا في السعودية في نظام، محلات الشيشه غير موجودة في وسط المدينة
او في المناطق السكنية، بعملوا محلات في مناطق زي ما بسموها الخواجات
out of city limits
يعني تاني لو داير تشرب شيشة وخصوصا بعد تمدد مدينة الخرطوم في كل الاتجاهات
يا تمشي ولاية الجزيرة لو كنت من سكان جنوب الخرطوم، او لو كنت في الشمال تمشي ولاية
النيل الابيض، اما لو كنت من سكان امدرمان الا تمشي ولاية كردفان المتاخمة لامبدة
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: أحمد ابن عوف)
|
الأخوان عبدالقادر واحمد ابنعوف ..
تذكرنى تلك الحملات الخائبة على محلات الشيشة والأنقاذ لسع جديدة لنج بألمدعو يوسف عبدالفتاح ايامها ماعارف هل كان محافظ او نائب محافظ على المنكوبة ولاية الخرطوم ولما كان يعتقد بأنه انسان رسالى وذو توجه حضارى وان السماء اختارته من دون خلق الله لهداية سكان مدينة الخرطوم السادرون فى الضلالة والجهالة فقد جمع اصحاب شركات انتاج وتصنيع السجائر وامرهم بزيادة اسعار السجائر زيادات خرافية وذلك حتى يمتنع المدخنون عن شراء السجائر ومن ثم الأمتناع عن التدخين.
ولكن اصحاب مصانع وشركات السجائر قالوا له بأن زيادة اسعار السجائر ستؤدى بنسبة كبيرة من المدخنين بالتحول للتمباك والشيشة, ولما كان محاربة التمباك من المستحيلات فى بلد كالسودان فقد اصدر سيادته قرارا آنذاك بقفل كل محلات الشيشة بالخرطوم وفرض رسوم جديدة على السجائر..انظروا للعبقرية التى حلت لنا مشكلة التدخين بنفس طريقة خالتنا البصيرة ام حمد... ومنذ ذلك الحين والأنقاذ تحل لنا كل مشاكلنا بطريقة طيبة الذكر البصيرة ام حمد.
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عبد القادر حسن الحبيب)
|
عبدالقادر حسن الحبيب ...
كيف حالك؟ علك طَيِب
| Quote: قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة. |
علشان نفهم بس ... والله علشان نفهم ما أكتر مِن كِده ... إصلي طَولت مِن السودان ... يا حليلو ... أها يا خوي النجي للسؤال الدايِر أسألو ليك :
لو لِقيت أُختك يا عبدالقادِر أو مرتك أو بِتك في قهَوة عامة في السوق ، بتْشَيِش ... حيكون مَوقِفك شنو؟
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عزام حسن فرح)
|
كتب السيد عزام حسن فرح:
Quote: عبدالقادر حسن الحبيب ...
كيف حالك؟ علك طَيِب
Quote: قالوا إن بعض البنات يشيشن. قلنا إن القانون في بلدنا لا يفرق بين الرجل والمرأة، وماهو حلال للرجل، حلال للمرأة.
علشان نفهم بس ... والله علشان نفهم ما أكتر مِن كِده ... إصلي طَولت مِن السودان ... يا حليلو ... أها يا خوي النجي للسؤال الدايِر أسألو ليك :
لو لِقيت أُختك يا عبدالقادِر أو مرتك أو بِتك في قهَوة عامة في السوق ، بتْشَيِش ... حيكون مَوقِفك شنو؟ |
مع احتراماتي: المسألة ما مسألة اختى واختك!، المسالة مسالة حريات وقانون.
انا لا امانع ابدا ان تفعل اختى او بنتي الراشدة او زوجتي ما افعله، لان مبدائي يقول - لا تحرم على الاخرين ما تحلله لنفسك.
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عبد القادر حسن الحبيب)
|
الغريبة حاجتين
انو قبل التتار ديل ما يجو، في الخرطوم كان في محل واحد بعمل شيشة
فاتح في صينية سانت جيمس
الحاة الغريبة التانية
انو نفس الحكومة الدايره تمنع الشيشة دي هي نفسها من تعتقل الداعية الاسلامي حسن الترابي؟؟؟!!!
فحكومة تعتقل حسن الترابي حري بها ان تفتح البارات وليس تقفيل محلات الشيشة
لكن يا عبد القادر، وقت الموضوع طلع فيهو قروش، دي معناها اتاوات تفرض خارج القانون
وهي جزء اصيل من مسلسل الفساد
الوالي ينهب، الوزير يرتشي، المعتمد ينصب، فبتاع القسم والعساكر المساكين ديل
اهو يلقوا ليهم محل يسترزقو منو
_______________________________
الناس تستغرب لماذا يحمل المعارضين السلاح
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: سالم أحمد سالم)
|
كتب قلقو :
Quote: الأخوان عبدالقادر واحمد ابنعوف ..
تذكرنى تلك الحملات الخائبة على محلات الشيشة والأنقاذ لسع جديدة لنج بألمدعو يوسف عبدالفتاح ايامها ماعارف هل كان محافظ او نائب محافظ على المنكوبة ولاية الخرطوم ولما كان يعتقد بأنه انسان رسالى وذو توجه حضارى وان السماء اختارته من دون خلق الله لهداية سكان مدينة الخرطوم السادرون فى الضلالة والجهالة فقد جمع اصحاب شركات انتاج وتصنيع السجائر وامرهم بزيادة اسعار السجائر زيادات خرافية وذلك حتى يمتنع المدخنون عن شراء السجائر ومن ثم الأمتناع عن التدخين.
ولكن اصحاب مصانع وشركات السجائر قالوا له بأن زيادة اسعار السجائر ستؤدى بنسبة كبيرة من المدخنين بالتحول للتمباك والشيشة, ولما كان محاربة التمباك من المستحيلات فى بلد كالسودان فقد اصدر سيادته قرارا آنذاك بقفل كل محلات الشيشة بالخرطوم وفرض رسوم جديدة على السجائر..انظروا للعبقرية التى حلت لنا مشكلة التدخين بنفس طريقة خالتنا البصيرة ام حمد... ومنذ ذلك الحين والأنقاذ تحل لنا كل مشاكلنا بطريقة طيبة الذكر البصيرة ام حمد. |
في ظني ان افكار البصيرة ام حمد وفعلها افضل من افكارهم. هي اجتهدت، وهؤلاء لم يجتهدوا ! وهي عملت ، وهؤلاء عاوزين الجاهزة.
مع اعتراضي على المثل الموضوع والمنحول والمحسوب على الثقافة السودانية.
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عبد القادر حسن الحبيب)
|
قبل فترة أصبحت صاحبة (السروال) بطلة بفعل خطأ ضابط من هؤلاء جيء به من (البدو) ليقيم النظام والعدالة في العاصمة الخرطوم. لقد انتصر يومها احدهم لمبادئه وعقيدته الخاصة، ولم ينتصر للقانون والنظام. لقد فسر ذلك الضابط يومها القانون على طريقة احد المتداخلين (أعلاه) والذي يتحدث عن أختي وأختك، ونسي انه في بلد متحضر تجاوز بالقانون المكتوب قيم التقليد والبداوة، ويسمح للناس بممارسة حقوقهم ما لم يشتكي المجتمع من ذلك ، وليس شخص فرد قد يكون متزمت أو متطرف أو بدويا متعصباً( كما قال بمعنى ذلك بن خلدون ذات يوم).
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عزام حسن فرح)
|
كتب السيد : عزام حسن فرح
Quote: شُكرًا عبدالقادِر حسن الحبيب على الإجابة وأسفي كبير علَيها ، أسفي على فهمك لِلحُرِيات ، أسفي على إلغاءك لِكُل التقاليد والأعراف -خليهو الإسلام- الإتْواضعو عليها أهل السودان ...
المقاهي عامةً و التي تُقدِم < الشيشة > خاصةً يرتادها < الشباب > والشباب في بِلادي مثلهُم مِثل الشباب في < مِيامي > حماس ... نضارة ... حَيوِية ... رغبات ... إلخ. كَيف ترضى أن تجلِس أُختك/زَوجتك/بنتك في بيئة مِتِل دي ...
وبعدين هو كُل البتقدر تسويهو يا عبدالقادِر مُمكِن ويجوز أُختك/زَوجتك/بنتك ، تسويهو ... يعني إنت مثلاً بتْسِف ... بتسبح في النيل ... بتمشي السينما الدور التاني مع شِلتك ... بتسافِر للسياحة ... بتجلِس تحت عمود الكهربا الفي زاوية شارعكم لغاية نص الليل ... بتلبس أردِية ... بتفتح زرايِر القميص ... إلخ ده كلو مُمكِن أُختك/زَوجتك/بنتك تسويهو ...
وبِالمُقابل ممكِن نقول < أي فعل بتقوم بيهو أُختك/زَوجتك/بنتك مُمكِن تقوم بيهو إنت > نحنا لسه بتكلم طبعًا عن الحُرِيات وكِده ... أها على كِده مُمكِن تلبس ليك حلق في إضْنينك ... سلسلة في رقبتك ... تكبِر ضُفرك ... تعمل لشعرك سيشْوار ... تستعمل عطور فواحه ... تفتيح بشرة ... غسيل وجه ... إلخ.
الظاهِر فعلاً أنا قعدت بره السودان أكتر مِن اللازِم شوَية ... لأنو إذا كان في زول سوداني ، برضى لأُخْتو/بتو/زوجتو إنها ترتاد قهوة في السوق العربي مثلاً وتطلب شيشة بنكهة التفاح وكوب شاي أحمر سكر خفيف وتكمِل ليها حجر أو حجرين ، يبقى فِعلاً حقو ما أرجع السودان الشقيق نهائِيًا ...
ـــــــــــــ
Quote: لقد فسر ذلك الضابط يومها القانون على طريقة احد المتداخلين (أعلاه) والذي يتحدث عن أختي وأختك،
في ردك علي كتبت السيد عزام ... هسع مالي يا كافي البلا بقيت < أحد المتداخلين أعلاه > بس ... ما علينا ... أها أنا ما مِن < البدو > وعُمري كلو في المُدُن وإتربيت بره إفريقيا زاتا بكره في الدُنيا دي أكتر مِن الكيزان والمُتشدِدين ، المُتكَوْزِنين ... ورأي ما قد كتبتهُ (أعلاه) ... إذا كُنت إنت بِإسم < الحُرِيات > بترضى لأُختك/زَوجتك/بنتك إنها تشرب ليها شيشية في قهوة في السوق ... حقو ترضى برأي البعترِض فوقو على هكذا فِعل ، طالما أنا واقِف عِند حدود حُرِيتك ... |
شكرا للسيد عزام حسن فرح على المرور،ولك العتبى حتى ترضى في كلمة(أعلاه)، مع اختلافنا الكبير معك في فهمك للحريات وربطها بتقاليد بالية تتاكل يوما بعد يوم بخلاف تلك التقاليد التي تتناغم مع القانون، مع العلم بانني لا ادعو البنات لتدخين الشيشة، ولكن اذا كنت انا ادخن فما هو المبرر لمنع الاخرين، والامر حينها لا يعدو ان يكون مجرد تفرقة وتمييز، ولا يقر القانون ذلك.
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: سالم أحمد سالم)
|
..
.
Quote: هدف الحكومة هو منع التجمعات الاجتماعية
لمنع الناس من النقاش وتبادل الآراء والاخبار .. والتفكير ..
هذا ما لا تريده الحكومة فعلا وحقا من هذه الحملات
محلات الشيشة منتديات اجتماعية .. لذلك لابد من زعزعتها
|
والله يا سعادة لو الغرض زعزة الاندية وحملات الشيشة
هو الحفاظ على الاخلاقيات والمثل _ او ما تبقى منها_ فوالله
حبابو بس ما يكون الغرض لامر اخر ..
-------
يا جماعة والله انتو ماعايش بين
دهاليز هذه المدينة لتروا اى مرحلة
من الانحطاط والتدهور الاخلاقى ال اليه الاسر
والبيوتات السودانية والمجتمع ..
ما تقولو لى بسبب الحكومة عليكم الله ..
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: سناء عبد السيد)
|
لمصلحة صحة المواطن ، لأن حياة المواطن مهمة جدا في تطور وتقدم البلاد.
قد يسبب استعمال الشيشة في المقاهي نقل أمراض معدية مثل التهاب الكبد والسل مما يساعد في انتشار الأمراض المعدية.
اعتقد أن من يعشق الشيشة يجب عليه استعمالها في منزله ويتحمل المسئولية الصحية وحده .
شيئ غريب ..العالم المتحضر يصدر القوانين المتعلقة بمنع التدخين من أجل المحافظة على صحة الإنسان لأهمية الإنسان ونحن في بلادنا نقف ضد منع الشيشة في الأماكن العامة بحجة الدفاع عن الحريات !!!
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: سناء عبد السيد)
|
غباء الحكم فى السودان كان من اخر طبظاته التفرقة الواضحة بين النساء والرجال
تناقض اهبل ظاهر بين الدين الذى يدعونه وبين مخالفتهم الواضحة لنفس الدين
الله سبحانه وتعالى لم يفرق فى العقوبات والتحريم بين النساء والرجال
نعم وكما قيل من اين اتى هؤلاء؟
دى مصيبة شنو دى؟
يدعون الدين ويعملون ضده
لو التدخين ممنوع يجب ان يحظر على الجميع سواء بسواء
وحقيقة الكشة عملوها ليس خوفا على صحة المواطن
الغرض هو التراخيص والجبايات كالعادة
دى بجاحة عينك عينك نصت نهار كدا
لا حولة ولاقوة الابالله
| |
|
|
|
|
|
|
|
|
|
Re: لمصلحة من يا ناس النظام العام الحملات ضد محلات الشيشة بمحلية الخرطوم؟ (Re: عبد الرحمن خليل)
|
عزام
أضرب لك مثلا لترى غياب المنطق في سؤالك لصاحب البوست (ماذا إن وجدت أختك أو غيرها تدخن الشيشة)
في الإسلام هناك عورة مغلظة و أخرى غير مغلظة
و اتفق ما يسموا بالعلماء على ذلك التعريف
فهل يمكن أن أرى عزام أو غيره من (أهلي) يمشي في الأسواق بحجة أنه أخفى العورة المغلظة فقط
و لا حرج (دينيا) في إخفاء الغير مغلظة و (الحوامة) بها في الأسواق؟
يا عزام
يجب أن تفرق بين الحق الأصيل و بين قبول أو رفض الفعل نفسه
و الأمثلة كثيرة و لكن أعدك بنقاش هذه النقطة عند أخذ إجازتي السنوية (قربت)
| |
|
|
|
|
|
|
| |
أحمد ابن عوف
قلقو
عزام حسن فرح
سالم أحمد سالم
Faisal Mohammed Abdalla
بكرى ابوبكر
سناء عبد السيد
Gaafar Ismail
محمد النيل
malik_aljack
Abureesh
حاتم كاهن
علاء الدين صلاح محمد
فيس بوك
تويتر
انستقرام
يوتيوب
بنتيريست