يعني محمود برااااهو البيسكر ؟؟؟ مع العلم إنو محمود عبد العزيز ما زوووول سكر .. معظم الفنانين بتاعين سكر ودي ما دايرة درس عصر ولا بيختلفوا فيها اتنين .. طيب ليي محمود عبد العزيز ؟؟ شطرة النظام العام لو عايزة تطبق النظام خليها تشيل سيطان العنج وتمشي جووووة الاتحاد .. كباااار الفنانين بتاعين سكر.. ايييي حفلة حضرتها في حياتي عرس طهور سماية الفنانين ديل كان ما وديتهم صالون الجيران وجبت ليهم العرقي ما بيغنو .. ما تقولوا لي بيسكروا لكن ما بيعملوها ظاهرة !!!!! كضبا كااااضب كبااارهم يسكرون ويترنحون ويسقطون في المسارح .. ياما حفلات تخريج تميناها بي واحد من اولاد الدفعة بعد ان سقط الفنان الكبير في المسرح .. فنانين بيغنوا بي النهار السااادة الامريكان ليكم تجهزنا وينشدون في المسيرات مالي اراك تكرهين الجنة ورأيتهم ليلاً واقفين لللللللط .. ياخ محمود ده زاااتو كان ما جانا مسطول ولااااا عايزين نسمعو .. روعة محمود وغناها السمح بيكون لمن يكون مسطول .. محمود يجيك مسطول يغني ليك للهادي الجبل لمن سرحتي ويخليك تسرح معاهو .. محمود يجيك مسطول ويغني ليك في ربيع الحب كنا وإنه الحب وثم ضااااع الامس منا وأنطوت في القلب حسرة فتتحسر على فنان زي ده بيغني في السودان وناس محمد عبده فنانين العرب.. محمود عبد العزيز يجيك مسطول ويغني ليك يا عمر خليني انسى واللي بنسى الريدة سيييبو وخلي عايش في خيالو بكرة دي الايام تجيبو ولا العذر بشفع اليه ولا الندم في يوم بفييدو ياااااااااا عمر ..تقول ياخ بركة المحمود بيسطل .. محمود عبد العزيز يجيك مسطول ويغني ليك بعد الفراق ما عدت تاني تهمنا وايه الحصل تكتب جواب مضمونو انت تذمنا وما قلت في ساعة الوداع مافي امل حا يلمنا ..فتتمنى ان لا يفارق محمود عبد العزيز البنقو .. محمود عبد العزيز يجيك مسطول ويغني ليك شذى الأيام وعاااد القلب يحلم بي الغنا رحل الغمااام ..فتتمنى ان يسطل محمود فوق الغمام محمود عبد العزيز يجيك مسطول ويمسك المايك بي يدو النحيلة وهو لابس فانيلة هاي نيك مع بنطلون جينز ويغني من ليك من جوووووووووة كده في نعيمك انت هاني يا البقيت سلطان زماني انت ليك حبي وحناني وماف غيرك ريدة تاني ما تسيب عنادك ما كفاني ..سيب عنادك ..فتقول في سرك ليت محمود لا يعاند هذه البنقو .. يجيك محمود مسطول وحالق الدقن الدائرية ومن خلفه فرقة النورس وناصر والكردفاني وكننة ودرماس مرة واسماعيل والقرقور وود الجاك وياسر ويضربوا ليك ابتسامة حبيبي تكفي نحن كان بينا الغرام ولما يوم انا قلت ليك خايفك انت تسيبني يوم ياتو لوم في الدنيا انت مااا رميتو علي نوم وقلت لي احلىى الكلام ابتسامة حبيبي تكفي نحن كان بينا الغرام ..فتبتسم للشخص الفكر في زراعة هذا البنقو وتقول في سرك ياخ مادام ديل بيضرو مزيكا زي دي خليهم يضربو البنقو ده ضرباً مبرحا.. يجيك محمود مسطول ويغني ليك برتاح ليك يا غيمة ظليلة غيمة حب في الزمن القاسي ..زمن الضحكة بقت معدوم وكل الكون للفرحة ينادي ..فترتاح انت في كنكوجك وترتاح في حنان حنانك .. يجيك محمود مسطول ويغني ليك لو يزور طيفك خيالي يبقا وعد اللقيا قرب واصلي مغرم بي عيونك قلبي في بعدك معذب ..فيتعذب قلبك وتقول يا ريتني لو بسطل.. لمن محمود غنا اغنية ما بلومكم في ظنونكم ..انا اصلي زول من قمت طيب اسألوا العرفوني فيكم ..وما جنيت على زول حبيتو وهبت فني وروحي ليكم ..جنيت على قلبي المسالم وليي ما حنت يديكم .. يبدو إنو ناس النظام العام فهموها غلط وحاولا يحنو عليهو بي ايدهم فانهالوا عليه ضربابالسياط .. لا تلومهم يا محمود فهكذا هي محاربة الابداع والمبدعين .. يسطل محمود ويجيك يغني ليك الوادع يانسمة الروح الوادع ..بعد هوانا بعد سنينو المرة ضاع ..انا من زمان حاسس معاك هي دي النهاية ..شاعر بانك ما فهمتي من البداية ..بتمنى ليك كل السمح لا تضوق عذاب لا تنجرح ..لكن مع الايام لقيت ريييدك خداع ..الوداع .. ودع البلد دي يا محمود فريدها كلو خداع .. امشي جاميكا.. جاور بوب مارلي .. ولفها وانت بتغني ...: كاياااا ..كاياااااا.. الجلد ما جديد في المدرسة دقونا وشدونا وجابو اربعة عنقالة من كنبة ورا .. لا عليك يا حوتة فالمشهد مشابه تماما لي مشهد واحد غلط في الاسبلينق بتاع بايسكل وكتبها بي البي التقيلة فقرر الاستاذ جلده عشرة جلدات مرددا :إيدك قدام,,إيدك قدام .. لا عليك يا حوتة اكل الجلدات دي في حنانك زيك زي طالب قلبو قوي كنا بنصفق ليهو بعد ما الاستاذ يحكم عليهو بالجلد 30 جلدة لانو شاغل بت الثانوي في المدرسة المجاورة بعد عمل طابور اضطراري اثناء فسحة الفطور والطالب ده ما قال بغم اكل السيطان وبكرة شاغل بت تانية .. لا عليك يا حوتة فانت فنان ونحن نحبك تسكر تشرب بنقو تشرب شاي تشرب كازوزة انت محمود عبد العزيز ..
ساب البلد ..سافر بعيد ..بكت الدموع ريدنا النبيل.. خلاني ..خلاني ..خلاني في عمق الجرح ..عايش وحيد..وحاير دليل.. لكنو سافر يا حليل...يااااااااا حلييييييييييييل...
دي اغنيتك يا محمود ساب البلد مش؟؟؟؟ سيب البلد يا حوتة سيبا خلاص..
مع تحيات : عمر الفاروق .. عاشق محمود ومككجن شروق ..
03-28-2009, 12:01 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
محي الدين يا حبوب: خففففففففج سااااااي يا اخوي الحبببة ما بتجيك .. انا اصلا بكتب البوست وبعد داك ما بجيب خبرو :) شحدت ربي زولتك ديك ما يكون ادوها الباس وورد وخليها تكسب زمنا تشوف ليها شغلة في كويين ولا المك نمر :) تخريمة : مغروووض لي في فير اند لوفلي يا استاذ خلونا نستفيد من معارفكم ياخ
03-28-2009, 12:42 PM
محي الدين جبريل محي الدين جبريل
تاريخ التسجيل: 11-05-2007
مجموع المشاركات: 1848
Quote: مع تحيات : عمر الفاروق .. عاشق محمود ومككجن شروق ..
يا عمر الفاروق مع احترامنا لاختلاف الازواق لكن زولك محمود ده انا مكجنه صحيح انو لو فى قانون مفروض يطبقوه على الجميع وصحيح انه حتى عند التطبيق الزول ده ما مفروض يشهرو بيه لكن كمان هذا المحمود زودها ياخى كم حفلة باظت بسبب الطشمة؟؟ انا شخصيا بعرف اكتر من حفلة هنا فى القاهرة الناس قطعوا تذاكرهم واتهندموا وما مرقتهم الا رجليهم من البوليس البفرق تجمهر الغاضبين خليك من الفاشر اذا كان محمود بطشم فى بيته او وسط اصحابه هو حر لكن كمان احترام الجمهور واجب بعدين ياخى لفت انتباهى انك ربطت الطشمة بالابداع ودللت على ذلك بكذا اغنية ما شايف انه معظم الاغانى دى حقت فنانين تانين ؟؟ وانو الفنانين التانين ديل لما وصلوها لينا وصلوها من غير طشمى ؟؟ فى تقديرى الزول ده ما هو الا مجرد طشمجنى مغرور عايش على ابداع من سبقوه من الفنانين ولو فى فعلا حقوق ملكية ومنعوه يغنى اغانى الاخرين ما كان طشميه ده خلق منه حاجة اخيرا مافى مقارنة بين شروق ومحمود على الاقل بتحترم جمهورها واذا انت بتقول نصا (ياما حفلات تخريج تميناها بي واحد من اولاد الدفعة بعد ان سقط الفنان الكبير في المسرح) يكون فى علمك شروق دى كانت زميلة دراسة وكان لما الفنانين الكبار الزى المسطول محمود ده يتعاوروا فى حفلاتنا كانت هى البتسد لحدى ما بقت نجمة لو اتفقت او اختلفت فى غناها ما بتقدر تقول ما احترمت الجمهور مع ودى
03-28-2009, 01:12 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
عاطف زكريا : اجيك من ورا في الاول .. شروق ما نجمة وانا ما عارف انت استند على ياتو سند في نجومية شروق دي .. بس اوعا تقول لي غنت في الاوبرا البقت تغني فيها عوضية عزاب ونجاة كركربة لانو قبل كده حضرت لي لقاء لي شروق قالت فيهو انها بتفتخر بي الغناء في دار الاوبرا ونست تقول للناس انو المسرح مأجر تأجير وإنو اي زول بقا بيغني في الاوبرا .. حكاية احتارم الجمهور دي وقصة الفنان طقم كامل دي انا ما واقعة لي ..انا شخصيا حاليا بتكلم عن محمود المبدع محمود صاحب الصوت الجميل والغناء الرصين .. الاغاني البتقول انا استدليت بي معظمها وانها حقت اخرين فبقول ليك كضبا كاضب تلاتة بس استدليت بيهم في ربيع الحب للارحل سيد خليفة ولمن سحرتي لي الهادي الجبل وابتسامة حبيبي ( ما مستحضرها) والباقي كلللو حق محمود ومحمود من اكتر الفنانين امتلاك لي اغاني خاصة وبيرددها الجمهور يعني ما خاصة ساي خاصة وخالدة .. بعدين موضوع الاحترام والجمهور ده جانب تاني وما اختلفنا فيهو لكن اسة لو في حلتكم في ود مؤدب وبيصلي ومهذب ممكن يبقا فنان ؟؟ ما بين محمود وشروق فرق السما والواطـــــة وشروق دي تقعد تاني زي 20 سنة لي قدام وحا تكون فييي حتتها دي بيسمعوها 7 انفار انت وبروف معز وخمسة تانين (مع تحياتي للبروف )
03-28-2009, 02:00 PM
عاطف محمد أحمد زكريا عاطف محمد أحمد زكريا
تاريخ التسجيل: 12-09-2005
مجموع المشاركات: 574
Quote: ما بين محمود وشروق فرق السما والواطـــــة وشروق دي تقعد تاني زي 20 سنة لي قدام وحا تكون فييي حتتها دي بيسمعوها 7 انفار انت وبروف معز وخمسة تانين (مع تحياتي للبروف )
شوف يا اللخو انحنا لما كانت شروق دى زميلتنا وبنشجعها ونغنى معاها فى كورالات التخريج اظنى بروف معز ما سمع عنها لسة وهى الطالبة الوحيدة الكانت بتعزف على الاورغ وبتغنى فى نفس الوقت ...يعنى ماخدة الفن هواية لا سطلى ولا تجعيير مسطولين ( يمكن نختلف معاها فى اللونية البتقدمها وممكن نتفق...لكن ما شفنا جمهورها قطع تذاكره والغيت الحفلة نتيجة سطلى ولا سكر وفرقوهم بالبوليس) انا كلامى ما كان دفاع عنها او تفضيل ليها عن هذا المحمود وقصدت بنجوميتها انها اصبحت معروفة لدى الجميع من خلال وسائل الاعلام المختلفة (راجع تعريف النجومية) ولو انت ما ذكرتها فى البوست ما كنت انا تحدثت عنها (راجع كل البوستات الموجودة فى سودانيزاونلاين واتحداك لو تلاقى انى ذكرتها مدحا او زما) انا فقط بضرب ليك مثل عن احترام الجمهور بين اتنين انت ذكرتهم فى البوست ما علينا لانه ده اصلا ما موضوع البوست وانحنا هنا ما لعقد مقارنة بين محمود وشروق باختصار ما بتقدر تنكر انو محمود احرج الكثيرين من منظمى الحفلات بسطليه داخل وخارج السودان وتعليقا على كلامك الورد نصا (لكن اسة لو في حلتكم في ود مؤدب وبيصلي ومهذب ممكن يبقا فنان ؟؟) ارد ليك بانه ولا حتى لو كان فى ولد سكير وعربيد ممكن يبقى فنان ... ويسكر الزول او لا ده شئ ما بخصنا لكن البهمنا انو الفنان يحترم جمهوره وعلى فكرة فى ناس كتار بفتكروا انه السكر والسطل ملازمان للابداع انا شخصيا بشوف الفنان الابداعو ما بجى الا وهو طاشم زى لاعب الكورة الباخد منشطات ، بحقق انتصارات وهمية تتوقف بتوقف المؤثر والا كنا كلنا ناخد منشطات ونبدع اسماعيل حسن قال فى ناس تظن انه الفن عوالم يخلقها الشيطان وزول الفن يكون عربيد شارب بنغو يترنح مقطع كارب الدلقان اكيد زى ديل كضابين لانو الفن خلق واخلاق وزول الفن يكون خلاق وعالم كله زوق واشراق زولك ده وين من كلام سماعين ود حسن ده؟ اخر نقطة انا ما بتكلم عن محمود فى فنه (صحى ما بطيقه) لكن بحترم البحبوه بس احترام الجمهور خالق النجومية نفسها واجب ثم واجب ثم واجب مع ودى
03-28-2009, 02:07 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
اول حاجة يا عمر اسحبوا الصورة المهينة دى تانى حاجة محمود فنان فنان فنان فنان لمن غلط ورب العزة بكيت لمن جاتنى حالى هستيريا يا عمر الفاروق بالله عليكم اسحبوا الاذية دى محمود فنان وانسان محمود عبد العزيز اجمل صوت جاء الى الوسط مؤخرا منذ اوائل التسعينات والى الان لم ينافسه احد بالله عليكم احذفوا هذه الاهانة لفنان نحبه احبه على مستوى شخصى كفنان ومطرب يعز مثله تانى لو سمحتو احذفوا صورة الاهانة لفنان وانسان اولا فان كان السودان لا يحترم انسانية فنانينه فعلى الدنيا السلام لو سمحت ارفعوا هذه الصورى المخزية واليد الضربتك يامحمود بالشلل
03-28-2009, 02:35 PM
saif massad ali saif massad ali
تاريخ التسجيل: 08-10-2004
مجموع المشاركات: 19127
لو سمحتو ارفعو هذه الصورة الغبية فهى مؤذية لو سمحتو بالله عليكم فهذا فنان وليس سارق قوت شعب هذا فنان وليس من مفسد فى النظام هذا فنان ونحن نحبه رجاءا ارفعوا الاذى عنه فهو لا يستحق هو لم يسرق اموال بترول السودان وباعها فى عرض المحيط هو لم يخرب البنية الاساسية للتعليم او الخدمة المدتية او الديبلوماسية السودانية او من الغى مجانية التعليم او العلاج هو انسان اولا واخيرا يخطئ ولكنه ليس بقاتل للابرياء فى دارفور هو ليس مطلوبا للعدالة الدولية هو فنان فى دواخلنا سيبقى ان ضربوه او مافعلو به فالخزى لمن فعل ارفعوا هذا القيح هو قيح فى وجه من اراد الى اذلاله كن قويا يا محمود بفنك وانسانيتك التى نعرف
03-28-2009, 02:38 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
يا سيف العزيز بحق جاه النبى ترفع هذا القيح استحلفك بالله الان فى طريقى للمستشفى حقيقة لان ضغطى ارتفع وازدادت الام القلب على عليك الله ياخ لا اريد منك سوى رفع هذا القيح ساعود بعد ساعة من الطبيب رغم انه اليوم السبت لكنى مضطرة حيث الدواء عندى لم يعد قادرا على استعادة هدوء ضريات قلبى لاننى احب هذا الفنان ارجوك
03-28-2009, 02:52 PM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 11025
Quote: ا سيف العزيز بحق جاه النبى ترفع هذا القيح استحلفك بالله الان فى طريقى للمستشفى حقيقة لان ضغطى ارتفع وازدادت الام القلب على عليك الله ياخ لا اريد منك سوى رفع هذا القيح ساعود بعد ساعة من الطبيب رغم انه اليوم السبت لكنى مضطرة حيث الدواء عندى لم يعد قادرا على استعادة هدوء ضريات قلبى لاننى احب هذا الفنان ارجوك
ياستي دون حليفه سحبت الصورة ولم اقصد بها اذي الفنان
03-28-2009, 03:00 PM
مصطفي سري مصطفي سري
تاريخ التسجيل: 03-07-2007
مجموع المشاركات: 2339
عمر الفاروغ يا عمكـ زمان عندنا عرس في الحلة و قبل الحفلة ما تبدأ جاء واحد من أولاد حلتنا لقي الجماعة قاعدين بره ما سألهم الفنان منو سألهم قال ليهم الفنان وين؟؟ قالو ليهو الفنان بصلي في العشاء قال ليهم السلام عليكم أنا ماشي !! الجماعة قالة ليهو ماشي وين ما حتحضر الحفلة؟قال ليهم والله لو قلتو لي الفنان قاعد يسكر و لا قاعد يشرب بنقو كنت قعدت لكن فنان بصلي العشاء ده أكيد ما نافع !!!!
03-28-2009, 03:02 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
(حــــد الـــجــلـد) **** هـــو فى شــريعة من اساسو؟؟؟ محمود مظلوم مظلوم مــظلـــوم وماجرى له اصابنا نحن كزملاء مهنة فهو وصمة عار على جبين جلاديه ^^^^^^ ـــــــــــــــــــــــــــــ لاشك ان محمود عبدالعزيز شاب فنان بمعنى الكلمة واثبت وجوده بمجهودات خارقة; يتمتع بصوت قوى وثابت; -قدم من الفن ماقدم واصبح له طابعه المميز وجمهوره ومعجبيه...... فى تقديرى انه يمر بظروف عصيبة قد تتطور الى نفسية وجب علينا الوقوف معه ومساعدته لنرد اليه بعض جمائله علينا, فقد اطربنا وافرحنا.......وقدم فنا جادا ناصعا
ـــــــــــــــــــــــ اتمنى ان نتفهم ظروفه التى يعيش فيها
تحياتى للأخ الفاروق
03-28-2009, 05:15 PM
خدر خدر
تاريخ التسجيل: 02-07-2005
مجموع المشاركات: 13188
Quote: ياخ محمود ده زاااتو كان ما جانا مسطول ولااااا عايزين نسمعو .. روعة محمود وغناها السمح بيكون لمن يكون مسطول .. محمود يجيك مسطول يغني ليك للهادي الجبل لمن سرحتي ويخليك تسرح معاهو .. محمود يجيك مسطول ويغني ليك في ربيع الحب كنا وإنه الحب وثم ضااااع الامس منا وأنطوت في القلب حسرة فتتحسر على فنان زي ده بيغني في السودان وناس محمد عبده فنانين العرب.. محمود عبد العزيز يجيك مسطول ويغني ليك يا عمر خليني انسى واللي بنسى الريدة سيييبو وخلي عايش في خيالو بكرة دي الايام تجيبو ولا العذر بشفع اليه ولا الندم في يوم بفييدو ياااااااااا عمر ..تقول ياخ بركة المحمود بيسطل .. محمود عبد العزيز يجيك مسطول ويغني ليك بعد الفراق ما عدت تاني تهمنا وايه الحصل تكتب جواب مضمونو انت تذمنا وما قلت في ساعة الوداع مافي امل حا يلمنا ..فتتمنى ان لا يفارق محمود عبد العزيز البنقو .. محمود عبد العزيز يجيك مسطول ويغني ليك شذى الأيام وعاااد القلب يحلم بي الغنا رحل الغمااام ..فتتمنى ان يسطل محمود فوق الغمام محمود عبد العزيز يجيك مسطول ويمسك المايك بي يدو النحيلة وهو لابس فانيلة هاي نيك مع بنطلون جينز ويغني من ليك من جوووووووووة كده في نعيمك انت هاني يا البقيت سلطان زماني انت ليك حبي وحناني وماف غيرك ريدة تاني ما تسيب عنادك ما كفاني ..سيب عنادك ..فتقول في سرك ليت محمود لا يعاند هذه البنقو .. يجيك محمود مسطول وحالق الدقن الدائرية ومن خلفه فرقة النورس وناصر والكردفاني وكننة ودرماس مرة واسماعيل والقرقور وود الجاك وياسر ويضربوا ليك ابتسامة حبيبي تكفي نحن كان بينا الغرام ولما يوم انا قلت ليك خايفك انت تسيبني يوم ياتو لوم في الدنيا انت مااا رميتو علي نوم وقلت لي احلىى الكلام ابتسامة حبيبي تكفي نحن كان بينا الغرام ..فتبتسم للشخص الفكر في زراعة هذا البنقو وتقول في سرك ياخ مادام ديل بيضرو مزيكا زي دي خليهم يضربو البنقو ده ضرباً مبرحا.. يجيك محمود مسطول ويغني ليك برتاح ليك يا غيمة ظليلة غيمة حب في الزمن القاسي ..زمن الضحكة بقت معدوم وكل الكون للفرحة ينادي ..فترتاح انت في كنكوجك وترتاح في حنان حنانك .. يجيك محمود مسطول ويغني ليك لو يزور طيفك خيالي يبقا وعد اللقيا قرب واصلي مغرم بي عيونك قلبي في بعدك معذب ..فيتعذب قلبك وتقول يا ريتني لو بسطل.. لمن محمود غنا اغنية ما بلومكم في ظنونكم ..انا اصلي زول من قمت طيب اسألوا العرفوني فيكم ..وما جنيت على زول حبيتو وهبت فني وروحي ليكم ..جنيت على قلبي المسالم وليي ما حنت يديكم .. يبدو إنو ناس النظام العام فهموها غلط وحاولا يحنو عليهو بي ايدهم فانهالوا عليه ضربابالسياط .. لا تلومهم يا محمود فهكذا هي محاربة الابداع والمبدعين .. يسطل محمود ويجيك يغني ليك الوادع يانسمة الروح الوادع ..بعد هوانا بعد سنينو المرة ضاع ..انا من زمان حاسس معاك هي دي النهاية ..شاعر بانك ما فهمتي من البداية ..بتمنى ليك كل السمح لا تضوق عذاب لا تنجرح ..لكن مع الايام لقيت ريييدك خداع ..الوداع .. ودع البلد دي يا محمود فريدها كلو خداع .. امشي جاميكا.. جاور بوب مارلي .. ولفها وانت بتغني ...: كاياااا ..كاياااااا.. الجلد ما جديد في المدرسة دقونا وشدونا وجابو اربعة عنقالة من كنبة ورا .. لا عليك يا حوتة فالمشهد مشابه تماما لي مشهد واحد غلط في الاسبلينق بتاع بايسكل وكتبها بي البي التقيلة فقرر الاستاذ جلده عشرة جلدات مرددا :إيدك قدام,,إيدك قدام .. لا عليك يا حوتة اكل الجلدات دي في حنانك زيك زي طالب قلبو قوي كنا بنصفق ليهو بعد ما الاستاذ يحكم عليهو بالجلد 30 جلدة لانو شاغل بت الثانوي في المدرسة المجاورة بعد عمل طابور اضطراري اثناء فسحة الفطور والطالب ده ما قال بغم اكل السيطان وبكرة شاغل بت تانية .. لا عليك يا حوتة فانت فنان ونحن نحبك تسكر تشرب بنقو تشرب شاي تشرب كازوزة انت محمود عبد العزيز ..
ساب البلد ..سافر بعيد ..بكت الدموع ريدنا النبيل.. خلاني ..خلاني ..خلاني في عمق الجرح ..عايش وحيد..وحاير دليل.. لكنو سافر يا حليل...يااااااااا حلييييييييييييل...
دي اغنيتك يا محمود ساب البلد مش؟؟؟؟ سيب البلد يا حوتة سيبا خلاص..
والله احييكـ يا عمر , كلامكـ ده اجمل ما كُتب دفاعا عن محمود شكرا ياخي
03-28-2009, 07:39 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: انحنا لما كانت شروق دى زميلتنا وبنشجعها ونغنى معاها فى كورالات التخريج اظنى بروف معز ما سمع عنها لسة وهى الطالبة الوحيدة الكانت بتعزف على الاورغ وبتغنى فى نفس الوقت ..
والله كونها الطالبة الوحيدة الكانت بتعزف وتغني في نفس الوقت فيبقا دي مشكلتكم انتو ومعناها انتو كنتو طلبة بيض ومافيكم زول موهوب لانو نحن في دفعتنا كان في زي طفشطاشر زول بي مواصفات شروق وإن تفوقوا عليها بالجمال .. بعدين شنو قصة شروق تحترم جمهورها دي؟؟؟ ياخ قلنا ليك شروق ما عندها جمهور جمهورها كللللو من معارفها اصحابها زملائها اولاد وبنات الحلة اهلها واصحاب اصحابها لكن زول كده عنقالي ساااااااي وما بيعرف شروق يجي يسمعا اتحدااااااااك تلقى ليك زول كده .. مقياس النجومية ده لمن انا اكون واقف في محل الشرايط ويجي زول بعام ساي ويقول لي بتاع الاستريو عندك شريط لي شروق!!! مقدار النجومية عندي لمن يقولوا السهرة الليلة مع شروق وتلاقي البلد كلها من الساعة 9 اتلبدت جوة البيوت .. مقدار النجومية عندي لمن شروق تختفي من الساحة الناس تفقدا وتقول وييين شروق.. مقدار النجومية عندي لمن اكون قاعد بحضر في ما يطلبه المشاهدون ويضرب زول من شنب البعوضة ويقول ممكن اسمع اغنية الفنانة شروق واهديها للخال بالسعودية والعم بي المانيا .. مقدار النجومية عندي لمن الاقي شباب قاشر ومتشنط وواقف في المحطة راجي الدفار عشان يمشي نادي الضباط ويقول الليلة ماشين حفلة بي شروق.. النجومية لمن شروق تمشي الفاشر ويقولوا هيييييييي ديييك شروق.. النجومية لمن شروق تعمل حفلة في جوبا ومجوك يقول لي شول شوفت شروق دي نهن نهبو شديييد .. النجومية لمن شروق دي ادروب يقول ليها لاااااااااااااااا إله الا الله جبنة نجيب شروق نسمع..
ما تزعل يا سيدي جمهور شروق بدل ما هو 7 نقول 7+زملاء شروق في مصر.. اها وبعدين ؟؟؟ يا اللخو نحن ما عايزين شروق تصلي بينا ولا عايزنها في شهادة ميراث ولا عايزين نسألها من ود الجيران العايز بت خالتنا عشان تقول لي محترمة جمهورها والفنان يكون محترم !!! عايزنها تغني..تغننننننننننننني ..تغغغغغغغغغغغغغغغغغننننننننننننننننننننننني.. يعني تمسك المايك وبس... الحبر نور الدايم محترم كفاية جدا.. عشة الغبشاوية محترمة كفاية خاااالص.. ماردونا بيضرب المخدرات دي لمن قال بس ولحدي اسة ولحدي بعد مليون سنة ماف زول بيعرف غير انو مردونا ملك الكفر والعب زول ماف زول بيتزكروا بي انو بتاع مخدرات .. باقي ليك دافنشي ده لو كان بيسكر دحين بيكون ما رسام ؟؟؟ جورج وسوف يظل سلطان الطرب الى يوم يبعثون اها شن داير بي احترامو.. يا اخوي ده غنا .. ومحمود غناي وانا هنا ما عشان اقارن بين محمود وشروق لانو كده بكون اديت شروق شأن فني لا تستحقه لانه شروق لا تصلح ان تدخل في قائمة المبدعين ولا تستحق لقب فنانة ممكن تسموها مرددة اغاني عازفة اورغن دي حاجة بتخصكم ..
كدي قولي بسم الله شكلو ضغطك ارتفع لحدي ما بقيتي تطعني في ضل الفيل:) عموما انا ما لحقت الصورة الموجودة هنا دي لكن حتى لو بقت موجودة فدي صورة حا تخليني احب محمود اكتر .. حا اعاين ليها واتخيل محمود واقف صنديد كده وهو بيغني : فروة جدي..وسبحة جدي..لامن جيت امد يدي ..جدي اديني تعريفة .. بتقرا الحمدو يا المبروك ؟ بقراها وعشان تعريفة القاها بجوود في القراية كمان .. وإيييييه يا يمة والله زمان ...
خليها تكون موجودة وحا تخلينا نحب محمود اكتر.. ما عليك يا سلمى فامثال محمود ابداعهم في حنجرتهم وعليه فلن يسلبوه موهبته مالم يتم سن قانون في النظام العام بكي الحنجرة 30 كيية .. لا عليك يا سلمى فالشاب النحيف النحيل احتمل جسده السياط .. ليتني كنت موجود وليت السياط اوجعت محمود حتى اسمع اهاته التي تخرج من حنجرته لاستمتع بهذ الصوت .. اهات محمود التي قد تخرج من السياط عليهم ان يسمعوها حين يردد: منو القال ليك .. بنتحمل فراق عينيك .. وحات الريدة يا اسمر.. فراقك ثانية ما بنقدر.. ولكن غايتو نتصبر..
لا عليك يا سلمى الظروف وحدها هي التي وضعت اوقفت محمود في هذا الموقف والظروف وحدها يا سلمى عاكست محمود وخزلته وهو الذي تغنى لها: سمحة الصدف ..حلوة الظروف.. وانا يا جميل يا سيد الحروف.. دايما بقول ..سمحة الصدف حلوة الظروف..
لا عليك ياسلمى وتعالي نردد معاً ما يردده محمود : اصلي ما قادر اصف كل الحصل.. اصلو الحصل ما بتوصف لا بي حرف ولا بي غنا.. صابر سنة ..وفي لحظة بس نلقاك هنا.. بالله شوف.. سمحة الصدف حلوة الظروف..
03-29-2009, 07:33 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
وليد يا مبارك : يديك العافية يا حبوب .. ناس الكورة ديل احسن ناس بيعرفو يسمعو اغاني.. تزكر يا وليد لمن تكونوا راكبين الحافلة ي اشبال المريخ وماشين ليكم رحلة تلعبو مباراة ودية مش كنتو بتغنوا؟؟؟ انا متأكد بيكون في واحد في اللاعبين غناااي وصوتو جميل ..قال شروق قال:)
خالد الطايوق: مرة واحد من الفنانين قال لي اصحاب المناسبة جهزوا لينا قعدة السكر قبل ما نبدا نغني ..الراجل هااج وماااج وقال ليهو يا زول انا اتفقت معاك تغني لي مش تجي تسكر .. الفنان سكت سااااي ولمن طلع المسرح بقا يغني في الاغنية تنتهي يعيدا تنتهي يعيدا تنتهي يعيدا .. الراجل قال ليهو يا زول ده شنو ده نحن دافعين ليك عشان تغمي لينا غنية واحدة ؟ قال ليهو انا قلت ليكم بغني ليكم بس ما حددت ليكم حا اغني شنو ..
سمندلاوي يا راقي:
Quote: فى تقديرى انه يمر بظروف عصيبة قد تتطور الى نفسية وجب علينا الوقوف معه ومساعدته لنرد اليه بعض جمائله علينا,
ده الكلام ..انا واحد من الناس احاول رد بعض جمايل محمود الغنائية امكتعني ولا يزال يمتعني هذا المحمود بكل الظروف التي يمر بها من تدهور في الاداء وتعب في الصوت لظروف نعلمها تماما ولكن يبقا محمود هو محمود ومعاك يد بي يد نشيل محمود
03-29-2009, 07:49 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
إن كنتُ أرغب في تغييرك، فلا بُدَّ أن أكونك، لا أُفنيك.
------------- عمر إزيك ومشتاقين، سلام وود أهااا كلو شيء ولا دق حوتة دا، بوجعك عااارفو. مثلك أعتبر أنّ للرجل عليّ جمائل لا حصر لها من تطريب. دا علاوة على الموقف الجذري باتجاه ضرب الإنسان. متمني لي ونسة معاك في الغناء ذات يوم. وداير أتونس معاك عن رشأ شيخ الدين، شايفك فاتح ليها وكدا! متمني أسمع رأيك فيها. ياخي شروق دي أرخيها شوية، عذبتها عذاب يبقالي، والموضوع كدا تجاوز حد الرأي الفني أو المعرفي، وبقى يسفّه الإنسان في تولاه، ودا ما كويس، أو بالأحرى لا يحترم الاجتهاد، السمح والكعب من بعد الاجتهاد، ببقى شارع تاني وبراهو من المحطة دي. محمود ولد مبروك، وغرقان، أدانا غناء سمح، ولا بُد نشكروا، بدل ندقوا. غناهو حقو براهو، ما سمح، ودا لامن أجيك للونسة عن الغناء نبقى نتكلم فيه. كن بألف خير، وبالله خت معاك بوسة على خد الطفل الحليوني الفي البروفايل دا، ما تنسَ. ---------- الشتاء والصيف وربيع وخريف هاااااهي دنيتنا الجمييييلة، وشوووووفوا دنيتنا الجمييييلة
في اعتقادي انه الفنان محمود عبدالعزيز لا يستحق كل هذه المهانة وان تنشر صوره بهذه الطريقة المهينة هناك من هو واهم بان يعاقب في هذه البلد المليئة بالفساد
اندهش جدا من الاستمرار في نشر هذه الصور
لماذا تنشر بالاساس ؟؟
هل هو شيء غريب ان نجد من يسكر في السودان ؟ هناك من هن يقومون بافظع من ذلك ورغم ذلك لا احد يدري عنهم شيء
فلنهتم بما هو اهم من امر بلدنا المنكوبة والمجهجهه وضعها
ولنترك هذه الاشياء التي من الممكن ان تؤلمنا جدا
03-30-2009, 06:51 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
محي الدين جبريل
عاطف محمد أحمد زكريا
علاء الدين يوسف علي محمد
saif massad ali
سلمى الشيخ سلامة
محمد سنى دفع الله
مصطفي سري
خالد عبد الله محمود
سمندلاوى
خدر
حبيب نورة
ahmed haneen
محسن خالد
ناذر محمد الخليفة
بكرى ابوبكر
فيس بوك
تويتر
انستقرام
يوتيوب
بنتيريست