دعواتكم لزميلنا المفكر د.الباقر العفيف بالشفاء العاجل
|
|
 النظام العام .. ما قلتو (سوط) عملتو موت ..؟
|
أعلنت حالة الطواري ، جاءت فرق الإنقاذ النهري ، حرس الصيد ، الغطاسين ،
اصطفينا بمحاذاة النيل .. نشهد الفصل الأخير لرواية .. ( موت العشاري )
نطل من شبابيك الفصل وجدران المدرسة على باحة المجلس البلدي أمدرمان لنرى ( الجلد ) اليومي لحد السكر الذي يصدر يومي من قضاة تم تعيينهم في محاكم العدالة الناجزة ..
الحصة الثالثة لا نستطيع أن نستوعب معادلات مدرس مادة العلوم يختلط فيها صوت الزغاريد ، مع ضربات السياط على مناطق متفرقة من الأجساد المخدرة .. العساكر يقومون بعملية ( الجلد ) بهمة عالية ونشاط ملحوظ ، ينعكس صدى ( السوط ) بفرندات المجلس البلدي ثم يعود إلينا بكامل مؤثراته عندها نفرز نوعية ( المجلود ) وسنه ودرجتة الوظيفية في المجتمع وشكل هندامه من موسيقى ( السوط )
( طاااخ ) .. جلابية فضفاضة ( سمسار ) ..
( لببب ) .. زول سمين ( جزار )
( طبج ) زول (عادي ) نحيف جدا.
( شبااااااااط ) .. هنا يصيح أحدهم من الصفوف الخلفية بالفصل .. ( ده بكون بتاع أكورديون )
تعددت الأصوات .. والسياط ...مدراء ، فنانين ، أطباء ، محامين ... واستمر البرنامج اليومي اختلفت ، الأدوات من سياط ( عنج ) خراطيش سوداء تستعمل لتوصيل المياه ، انتعشت تجارة أدوات المباني ، ارتفعت أسعار الخراطيش بشكل ملحوظ حلت مكان ( القزازات )..
متر من الخرطوش قادر على توصيل المزاج بعد معالجة ذكية بسده من ناحية ولفه بشكل دائري ..
عندما جن جنونه.. تمساح توتي في تلك الفترة بسبب التغيرات المصاحبة لزيارته منطقة حديقة الريفيرا وبعد أن اكتشف ( زي الناس ) أهمية تلك المنطقة لتعديل ( المزاج ) أصبح يتنقل مساءا من وإلى تلك المنطقة – تعود أن يقيم لياليه الحمراء وتعديل مزاجه بشكل يومي كما البشر يعبر المسافة من المقرن إلى الضفة الغربية في نشاط - يذهب ويتحصل على ( ألكوته ) المجانية من ( الدوخة ) بمختلف الأصناف ، وسكي ، كونياك ، جوني ووكر ، بيره ،..إلخ ..
كل هذه الأصناف يتحصل عليها مجانا .. حركة الرياح مع فعل الامواج تعمل على كشف كميات من ( القزاز ) بعد أن تم دفن ( نماذج ) منها عشوائياً في احتفال جماهيري ضخم يشبه احتفالات عرس الشهيد تم الدفن في تلك المنطقة أبان قوانين سبتمر ( وتم تخزين الباقي )، المنطقة بين الطوابي وحديقة الريفيرا .. كانت شبه محظورة تتخللها اصوات الضفادع الساكنة في علب ( الصايدر ) المفتوحة من الوسط .
كل من يشاهد خارجاً من المنطقة ليلا يا إما ( حفار للمزاج ) يا إما ( بتاع طين ) .. يمارس مهنته بتجميع اكبر كمية من (الطين) وينقلها ليلا إلى حيث مناطق الإنتاج والتصنيع الخاص لفاظات الزهور .. وازيار المياه .. هذا بعد تشكيلها وحرقها في أفران أعدت خصيصا لهذا الغرض ..
بعض النسوة كن يمارسن طقوس غريبة مع غروب الشمس ترسل فيها ( قرابين ) من ( اللقيمات ) والفول المدمس يلتهمها النيل بشهية وتتقاسمها ( القراقير .. والقراميط .. والشلبي ) ..
V
.
.
|
|
 
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
في نهارات الخرطوم الملغومة .. كنا أحيانا نلوذ ببعضنا كان نتبادل أكياس الفول المدمس كوجبه دسمة .. نتبعها (بكيزان) من الماء البارد من باعة الماء .. نقتسم آخر ما تبقى لنا من عملات معدنية هي فقط ما تبقى من مصاريف ربما ادخرتها من بائع (التمباك) الذي جادلته قبل ثواني وهو الفعل (المخدر) الوحيد المتاح لبرودة أعصابك وتحديك للواقع .. أو كمساري أشهرت في وجهه ما يثبت فصلك الدراسي قبل أن يضرب بعنف طالبا السائق بالتوقف قبل أن تصل إلى المحطة التي منها تقطع مسافة بعيدة سيرا على الأقدام لتصل إلى مقعدك الدراسي .. كنا أحيانا نستجدي بعض سيارات المارة بشارع النيل بعد أن نقطع المسافة سيرا من داخل الخرطوم.. وذلك عند المنطقة التي يتم فيها غسل الجرجير ويمارس فيها ماسحي الأحذية مهامهم بجوار بائعات الشاي ونحن نلاحظ إلى غليان الماء في حبيبات الجمر المتوهجة ..
عند طلبي للترفيه أو التخطيط السليم لمشوار يحتاج إلى بعض العملة النقدية كنت اقطع المسافة مسرعا متجاوزا كل فرندات الخرطوم وهي تكتظ ببائعي العملة وبواليص النظام العام الذين احتلوا كل منافذ وفرندات المدينة بهراواتهم الطويلة حتى أصل إلى (قريبتي) القانونية الجميلة في مكتبها ، اصعد بآخر ما تبقى من لياقة بدنية السلالم .. اقتحم عليها المكتب تقابلني بنفس الفزع خشية كارثة ما ... أحملها معي في اشتباك افتراضي مع تلك القوات.. لا تتأكد من غرض زيارتي إلا بعد أن أقدم لها كشف حساب نظيف ادعمه بأن أدخل كل يداي بجيوب بنطلون الجينز وأخرج لها ما تبقى من قشر الفول المدمس وأنثره على التربيزة .
أحيانا .. لا استوعب فكرة موكليها بقضاياهم المختلفة من شيكات بأرقام فلكية جدا تفتقد للمنطق مقارنة بحالي وجيوب الفول المدمس .. أحيانا امثل لها المظلة التي تهبط بها في سلام من زحمة مرافعة .. استهلكتها ذهنيا وتحتاج إلى كوب من عصير الليمون البارد من أحدى كافيتريات شارع الجمهورية .. وهي اللحظة الوحيدة التي أنوي فيها الاشتباك التعسفي وأنا مسلح قانونيا ..
V
.
.
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: حاتم كاهن)
|
والله ياتامبا اتخيلت شكلكم وانت بتفرزوا في مخاليق الله المجلودين بالخارج
مدرستنا برضوا كانت مجاورة لمحكمة من محاكم العدالة الناجذة ولا النافذة
ماعارف ـ المهم نفس الشخصيات جلست اتذكر فيها الواحد تلو الاخر .
شكراً للكتابة الشبعانه دي ياخ
ريحت دماغنا شديد
تسلم
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: خضر حسين خليل)
|
Quote: والله ياتامبا اتخيلت شكلكم وانت بتفرزوا في مخاليق الله المجلودين بالخارج
مدرستنا برضوا كانت مجاورة لمحكمة من محاكم العدالة الناجذة ولا النافذة
ماعارف ـ المهم نفس الشخصيات جلست اتذكر فيها الواحد تلو الاخر . |
نعمل شنو لكن يا خدر ما كان في اي أكشن في حياتنا دي غير إنو الواحد يشوف الدق دا .. ياخ مرة بالصدفة طلعته بره المدرسة في نفس التوقيت دا لي شنو ما عارف بس لي شلاقتي .. تتخيل لقيت واحد من الحلة زول محترم خالص بيجلدوا فوقو والموردة خطوات من المجلس البلدي .. ياخ انا غلبني البسويهو .. ودعيت الله إنو يكون ما شافني .. والهل كانت عملية ########ه خلاص .. والغريبة يا خدر الحاجة دي بالذات الواحد بيتذكره زي الكأنها حاصلة حسع دي قدامو .. لانها فعلا كانت عملية عجيبة شوية واحداثه راسخه جدا في الراس ..
شكرا يا خـدر الكتابات الواقعية الفيها المرارات دي بتكون شبعانه جدا شديد.
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
اليوم السابق لزيارتي لها اعترضني أحدهم وأنا في طريقي من أحدى المستشفيات الحكومية .. كانت وقتها (أختي) تعاني من موجه من موجات الالتهاب الشعبي الحاد الذي لازمها منذ الصغر .. اعترضني أحدهم وبكامل إصراره أن اللاحظ لما يضعه بالجانب الأيمن تحت قميصه وقد برز منه ما يدل على أنه سلاح ناري .. اعترضني بي استفزاز في ملامحه العجيبة دون أن أعرف سبب لذلك سوى أنني استنتجت أنه يمكن أن يكون رأي الشيطان الذي (يتالتنا) أنا وأختي أو اعتقدت وقتها أن طريقة مشيتي وأختي تتأبطني قد استفزت سلطته التنفيذية .. إلا أنني ما ذلت اذكر أوصافه جيدا ومن أين جاءوا بهم لتنفيذ هذا المشروع الاستثماري وقتها ..
في الطريق إلى عصير الليمون عبرنا إلى موقف حافلات بحري الذي اكتظ بالمرارة وعربات النظام ما زالت تفرغ العديد من العساكر الذين كانوا يبحثون عن النوايا بداخل المارة ويستفزون ما تبقى من صبر العباد .. لوحت بالعملة الورقية في وجه كمساري الحافلة ووعدته عند العودة بأن ادفع بعملة معدنية نصف القيمة .. عندها أشار لي بمعادلة بقبضة يده بطريقة خفيه بحيث افهمها وهي طايره .. ضحكنا وبعدها أصبحنا أصدقاء يزودنا أحيانا بحق الفطور .. وكنا قد أطلقنا عليه أبو الشباب ..
دخلنا بمحاذاة الجامع الكبير إلى عصير الليمون ازدادت الكثافة البوليصية عند فرندات شارع الجمهورية .. وزاد حنق المارين من المتابعة اللصيقة .. والعيون التي وصلت إلى حد حساب الخطوات وعد المارة بالواحد .. وتصنيفهم حسب النوع .. وتوزيع الهواء عليهم بالتساوي ، كمية الهواء المخصصة لنـا .. انتزعت (طرحـة) مرافقتي وانزلقت إلى حيث كتفها .. وكانت مادة خصبة للجلد فقد توفرت كل الشروط اللازمة .. من حيث الخلط ولون الطرحـة .. تبرع احدهم من اقرب نقطة بأعلى صوت بعد أن أشهر مقدمة (بسطونته) :
يا بت هوي ارفعي طرحتك دي في راسك ..
انتظرت ثواني استجمعت فيها كل ما تبقى من حراق روح .. مر أمامي شريط من ذكريات خروجي من المستشفى أضم أختي المريضة في قلق .. كل مؤشرات العنف سيطرت علي .. صعد الدم إلى أعلى منطقة محتملة في دماغي .. تنملت أطرافي عندها تضاءل حجم الصوت وصاحبه .. شدت الصبية ما تبقى من طرحـة بعنف نحو الأرض وشقت رأس شرطي النظام العام بعبارة قوية أختفى بعدها ووفر لي ما تبقى من دم حيث أن رمضان كان على الأبواب :
تعال ارفعه في راسي لو أنت راجل ..
ذكرتني الحادثة .. حادثة رفع الطرحـة بطالبة الثانوي عندما اقتحم علينا عساكر الاحتياطي المركزي ساحة المدرسة وتصاعدت دخاخين البمبان مع صراخ طلاب المتوسطة وكانوا قد ضربونا بغير رحمة .. وقتها زغردت طالبة الثانوي بطريقة مخيفة جدا من وسط دخان البمبان واشتبكنا بعنف غير قانوني في دفاع قانوني ضد الغير قانون.
V
.
.
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: Amira Elsheikh)
|
Quote: مـااشبه الليلةبالبارحـة...
مـابين قوانين سبتمبر وقانـون النظام,,
شكـرا ياتامبا.. |
سلامات يا أميرة ..
كل التفاصيل متكررة .. في سوداننا .. نفس الحكام ونفس دورة الحكام .. كل واحد بياخد دورتو بيلف وبيجي تاني من جديد .. ونفس القوانين وطريقة تطبيقه وتنفيذه ..
الناس لازم تتدقه .. وتقمع .. وتصادر كل حاجة كويسة فيها .. زي الكأنو في زول عندو تار مع الشعب السوداني دا ..
غايتو يا الترابي الله يخلصك لينا حقنا منك براحه كدا
وبهدوء ..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
يقطع التمساح المسافة ما بين المقرن إلى حيث الطوابي في شكل (بانطون) أو قارب شراعي ضخم لا يتأخر في مواعيد رحلته ، الذين يعرفون مواعيده من السماكه في مراكب الصيد البلديه كانوا وبغير مواعيد ه يعرفونه من رائحة (المسك) التي كانت تفوح في المنطقة التي فيها .. يتحاشاهم ويتحاشونه في اتفاقية صلح غير معلنة ..
مزارعي جزيرة النص التي تحت كبري النيل الأبيض اشتكوا من فقدان بهائمهم بشكل ملحوظ .. لم يحدد حجمه أو شكله أحــد كل الذين حاولو رصده لم يروا فيه غير مقدمة رأسه وعيونه التي كانت عادة حمراء .. تاريخ المنطقة لم يحكي عن وجود تمساح يقوم بمهاجمة قطعان الضأن ويترك من خلفه آثار لكائن ضخم ..
بعد الحادثة الأخيرة التي ظهر فيها بوضوح .. هجر سكان جزيرة النص الجزيرة بأكملها .. قام التمساح بمهاجمة أحد المزارعين على امتداد الجزيرة وكان شكله خرافي .. عندها جن جنون التمساح وأخذ يستعرض مقدراته في الصيد .. واستعرض حجمه الطبيعي في ساعات النهار .. واختلفت ساعته البيلوجية ربما بفعل ما كان يخزنه من رحلاته تجاه الريفيرا .. أو ربما الكحول تمكنت من جزء ما في عقله .. هجماته المتكررة تجاوزت الحد المعقول .. أعلنت المنطقة التي على ضفاف النيل من كبري أمدرمان إلى كبري شمبات منطقة طوارئ منع غسيل العربات فيها .. منع الاستحمام في النيل .. صيادي التماسيح من قرى مختلفة من السودان جاءوا بكميات كبيرة نصبوا شراكهم .. بدقة عالية .. كانت المحصلة أن كل شراكهم تختفي بشكل غريب ويظهر التمساح يستعرض بحركات بهلوانية على النيل .. بعد أن استولى على المنطقة بكاملها وجمد نشاط الصيد ..
تم استدعاء عساكر حرس الصيد فاخذوا يرصدون حركته لأيام معدودة .. ويدرسون مكان تواجده وحركته .. ونظامه الغذائي وحالاته المزاجية .. قرروا مهاجمته أخيرا .. اقتحموا النيل .. اصطفينا في (القيفه) الغربية للنيل .. توجهت قوارب الصيد محملة بعساكر أكثرهم خبرة في التنشين المظبوط .. أفرغت حمولة القارب الأول كل مخزونها من الذخيرة الحية على رأس التمساح الذي أصبح في مواجهة مباشرة مع الموت .. دافع عن نفسه بحركات هاجت لها المياه .. واختل ميزان قوارب الصيد .. استولى على النيل من جديد بعد أن غادرت القوات النيل .. بعد ساعات انتظار لثورة التمساح الذي أفرط في كمية شراب كل المخزون .. جاءوا بأكبرهم عمراً وأكثرهم معرفة بصيد التماسيح .. حمل معه كمية من الذخيرة بحجم كبير .. واتجه مباشرة إلى عمق النيل .. حيث ثورة التمساح .. ظهر التمساح ليعيد نفس المشهد من جديد .. التف من حوله العسكري الصياد .. ليصل لمنطقة ما في جسم التمساح يعلمها جيدا .. أطلق رصاصات بالعدد متفرقة .. ثم تحرك تجاه اليابسة .. دقائق انتظار طويلة مرت ولا أثر للتمساح الذي غاص داخل النيل في أشد المناطق هيجان للمياه في المنطقة التي يشتد فيها عرق النيل ..
ظهر التمساح مرة أخرى وارتفع إلى أعلى ثم اختفى لدقائق .. بعدها ظهر أكثر عنفا وهي المرحلة الأخيرة التي كانت روحه تفارق جسده .. ظهر هذه المرة وفي (فمــه) كمية من قزاز البيرة الأخضــر وعلب الصايدر .. وصاح بشدة :
ما قلتو ســوط .. عملتو مـــوووت ...؟
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: نوفل عبد الرحيم حسن)
|
| Quote: مزارعي جزيرة النص التي تحت كبري النيل الأبيض |
اسمها جزيرة التمساح ياتامبا
التمساح يتحمل كامل المسئولية في كل تصرفاته من قتل وتدمير وترويع المواطنين مالم يثبت ان سنسنته تمت بالاكراه . ياخي النيل ده ماكبير لماذا ركز التمساح على تلك المنطقة ماتقول لي الخمور مجانية
والمزة متوفره
تحياتي
زاتوووو
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: abubakr)
|
Quote: تعبير لخص بصدق الحالة النظامية العامة بمختلف اشكالهاومسمياتها لدينا ولدي غيرنا من العباد الذين ابتلو بها علي مر التاريخ..
شكرا علاء |
سلامات يا باشمهندس وصحتك وأخبارك ..
هي فعلا بلوووة يا باشمهندس وابتلاء .. لكن ليه وعلشان شنو ما عارف ..
ياخ نحن شعب مسالم وطيب وامورنا ماشة بي بسم الله والصلاة على سيدنا النبي ..
الناس البتعمل الحاجة دي .. ما عندهم نسخ في البيوت بيشوفو فيها انعكاس الحال دا ..؟
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: محمد علي شقدي)
|
| Quote: مالك معديها لينا عنقده ومشاكسات اكتب ياخي سردك هنا ممتع |
والله يا شقدي .. حسع كتابتك دي كان قريته قبال ما اشوفك كان عنقدت معاك ..
ياخ زول هادي جدا ومسكين وطيب زيك كدا ليهو اهتمامات سياسية ..؟ 
لما اللقاك في مكانات السياسة انا زاتي بتضاير ..
لكن لابد من العنقدة .. بالجوار من الكتابات بتاعت الحكي لانها بتوصل فكرة برضو ..
تشكر يا شقدي .
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: ALZOLZATOO)
|
شكرا يا نوفل .. للمساهمة معانا ..
..
الزول زاتووو ..
| Quote: اسمها جزيرة التمساح ياتامبا |
يازول إنت كورتك فكت في الغربة دي واللا شنـو..؟
الجزيرة دي بالذات احتمال كبير تكون مسجله بي اسمي واحتمال تدخل في التوزيع بتاع السلطة والثروة بالنسبة للعائلة .. العربسات الفيها ديل .. قربو يسجلو لي جرفين بتاعات عجور .. وجرف بتاع جرجير وخمسة جروف باتنجان .. من شدة ما عذبتهم في المحصولات دي الواحد يكن قاعد كويس .. في الطراوة ديك .. تضربو ليك الجوعه بتاعت البحر والجو يقوم بيهو .. تمشي تهاجم ليك حوض حوضين بتاعات جرجير .. لمن عيونك يطششن .. تهضم تديها نص ساعة تضرب ليك خمسة أحواض جرجير .. المسالة ما علقت معاك كويس .. تشيل ليك قفه بتاعت باتنجان .. تشويها بي عيدان الباتنجان زاتها .. يعني من دقنو وافتلووو لوووول
الجزيرة دي يا عمك ما جزيرة التمساح .. جزيرة التمساح دي قدام شوية كدا .. دي مسمنها بي اسم تاني ما قادر اتذكرو ليك .. بعدين ياخ تعال .. إنتو البجيبكم لينا شنو في بحرنا البي هنا دا ..؟
امشو ابروف .. امشو الحتانة .. أمشو السبلوقــة .. الفترة ديك كان لقيتك بتتضهب في الجزيرة دي .. احتمال كان ابيع ليك محصول العام بتاع الجماعة ديل .. واديك فوق للبيعة مركب شراعية من بتاعت الحلبه ديل.. .. عليك الله يا زاتووو ذكرني فيما بعد احكي ليك بي هاشم قرمبووو الله يرحمو كان بيعمل شنو مع مراكب الحلبه في خـور أبوعنجة ...
Quote: التمساح يتحمل كامل المسئولية في كل تصرفاته من قتل وتدمير وترويع المواطنين مالم يثبت ان سنسنته تمت بالاكراه . ياخي النيل ده ماكبير لماذا ركز التمساح على تلك المنطقة ماتقول لي الخمور مجانية
والمزة متوفره |
.. بالمناسبة دا ابلد تمساح اقابلو في حياتي .. ياخ المنطقة بتاعت الريفيرا دي (مجففه) عديل كدا .. والباقي نحن قضينا عليهو .. ياخ لما تكون بتشرك للسمك بتعمل ليها الصارقيل شمومة بس .. صارقيلايه واحده ممكن تملى بيها قفة من القراقير .. الصير بنجيب ليهو (ربع) عيشة قرقوش من الفرن بتاع ابودقـن .. ترميها في الموية وتكون مجازف ليك توب جارات من الحاجة قبال ما القرقوشة تتبله زي الناس .. تكون بي التوب دا مليت ليك قفتين بتاعات صيــر ..
تمساح وهم جدا .. هو ما كان يمشي الري المصري .. يا يمشي المقــرن .. المقرن كان الطشمة فيهو ولا عايزه ليها تعب زي دا .. يضرب ليهو كرتونة كرتونتين وينوم قبلو والله ماف زول يجيب خبرو ..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: عبد الناصر الخطيب)
|
Quote: تلك خضراء اللون ذات السفينة الشراعية بالون الذهبي
-----------------------------
*هي أشياء تبخرت من الخاطر لزمان مضي ولن يعود يا نديد |
.. عبد الناصر يا دفعه ..
والله لكن ذاكرتك ذهبية عديل كدا ..
تعرف انا من ايام الابتدائي .. وتنوم لينا في الحصة التالتة قلت الزول دا ما براهـو .. حتى العلب الكنت بتجيبه معاك في الشنطة ما كنت لاقي ليها تفسير .. لكن دي من محاسن الانترنت
ياخ انا اكتشفت إني زمان كنت مريش جدا .. عندي زبون بتاع حمــار الله يكرمك .. النوع البجي بكورك المعا قزازززز ..
يللا دا كان بيخلي اي زول ويجيني ليك كزول مستثمر وطفيلية صغيرة .. .. اعمامك في الحلة كلهم كانو بتكيفو لي .. الواحد طالع الشغل بيتكل لي الكراتين الفيها القزاز الاخـدر داك .. والحلة كانت كلها ارستقراطيين ..
للمفارقات العجيبة جدا ..
عربية اللبن .. البورمال بتاع حلة كوكو .. عندي كرسي بطلع بيهو للحيطة أرفع بيهو القزاز حق اللبن الفاضي .. يجو يشيلوهو من راس الحيطة .. ويختو ليك قزاز مليان حليب ما مغشوش بي موية ..
والله حسع دي تخت ليك قزازة شامبيووون في راس الحيطة .. احتمال كبير ينادو ليك ناس النظام العام ويجلدوك جوه بيتكم بي تهمة الثراء الفاحش .. ..
ما بتدي حريف يا عبد الناصر .. ما بتدي حريف ..
بالمناسبة دي ..
ياتخ الصورة بتاعت سنة أولى ابتدائي بتاعتي راحت .. اشرف حسين كان عندو نسخه .. وسافر السودان .. ياريت تكون عندك نسخه منها ترسله لي والله تكون ما قصرت معاي ..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: saif massad ali)
|
Quote: .. عبد الناصر يا دفعه ..
والله لكن ذاكرتك ذهبية عديل كدا ..
تعرف انا من ايام الابتدائي .. وتنوم لينا في الحصة التالتة قلت الزول دا ما براهـو .. حتى العلب الكنت بتجيبه معاك في الشنطة ما كنت لاقي ليها تفسير .. لكن دي من محاسن الانترنت
ياخ انا اكتشفت إني زمان كنت مريش جدا .. عندي زبون بتاع حمــار الله يكرمك .. النوع البجي بكورك المعا قزازززز ..
يللا دا كان بيخلي اي زول ويجيني ليك كزول مستثمر وطفيلية صغيرة .. .. اعمامك في الحلة كلهم كانو بتكيفو لي .. الواحد طالع الشغل بيتكل لي الكراتين الفيها القزاز الاخـدر داك .. والحلة كانت كلها ارستقراطيين ..
للمفارقات العجيبة جدا ..
عربية اللبن .. البورمال بتاع حلة كوكو .. عندي كرسي بطلع بيهو للحيطة أرفع بيهو القزاز حق اللبن الفاضي .. يجو يشيلوهو من راس الحيطة .. ويختو ليك قزاز مليان حليب ما مغشوش بي موية ..
والله حسع دي تخت ليك قزازة شامبيووون في راس الحيطة .. احتمال كبير ينادو ليك ناس النظام العام ويجلدوك جوه بيتكم بي تهمة الثراء الفاحش .. ..
ما بتدي حريف يا عبد الناصر .. ما بتدي حريف ..
بالمناسبة دي ..
ياتخ الصورة بتاعت سنة أولى ابتدائي بتاعتي راحت .. اشرف حسين كان عندو نسخه .. وسافر السودان .. ياريت تكون عندك نسخه منها ترسله لي والله تكون ما قصرت معاي .. |
خلينا ياعلاء نكوت الكلام ده ونجي نرد ليك بمزأأأأأأأأأأأج عالى
*تصدق الصورة دي عند ابو الحسن ( أشرف حسين ) من زمن بعيد كنت عوز أخد منو نسخة ...
حاحاول أشوف لو عندوا طريقة يرسلة ... أكيد حارسل ليك منها نسخة ... غايتوا مرات بقي الواحد ينسي حتي انو كان في يوم زول صغير وبمشي المدرسة
وبتصور ... ياخي الايام ديك كانت عهدي الذهبي مع أنو الواحد كان بشوف العلب دي شوف ويقول يا الله يكبر بتين عشان يبقي بتاع علب وزجاجات
كبرنا لقينا المولد شطب  وبقي فيها جلد
جايك بمزاج يانديد
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: عبد الناصر الخطيب)
|
Quote: عارف بعد ده محظوظين على الاقل شفنا في الزمن داك نفحة , خلتنا جيل رغم انو عاني بس زاد ذكرياتوا حلو
الاجيال الزاد زكرياته مّر وحاضرة معاناه ما ظن يكون عندهم حته امنه في نفسهم يأخدوا فيها جمه .... ويحسوا
أنو الدنيا دي ما وش صارى وبس ... |
فعلا يا عبد الناصر عشنا لحظات جميلة جدا ما عانينا إلا في كبرنا دا .. ولو الواحد كان عارف بيعاني كدا ما كان كبر زاتو ..
ان طبعا ما عايز ابقى زي اعمامك البشبكوك والله زمان الخرطوم دي كانو بغسلو ليك الحيطان بتاعته والشوارع بالموية والصابون ..ولا عايز احكي ليك عن زمن الطحنية الكانت بتتباع بالمتر المكعب ..
لكن الواحد يعني شم فيها شوية عافية بي كل درجاته ..
الحاج الله يديهو العافية ما شفتو يوم واحد جا داخل يدينو فاضيات .. كانت العربية بتنزلو في ميدان أبوعنجة كنا بنجري ليهو علشان نشيل الحاجات منو في الطريق .. اكياس فيها عنب .. وموز وتفاح دا غير الفاكهة الاساسا بتكون موجودة الاناناس والقريب فروت البجيبوهو ليهو اولادو أو طلبتو من الجنوب بي شكل دوري .. المنقة الكانت بتجينا من البلد .. يعني عادي بتكون بتلعب في الدافوري يا بتخترع ليك في عربية وتكون خاتي جمبك قندول بتاع عنب أحمر بتقزقز بيهو كان محدد لي ما لا يقل عن لترين من الحليب الصافي تتخلص منهم خلال اليوم صباحا ومساءا ..وأحيانا تحت الضغط الشديد جدا ..
كنا بنطلع شلة نحن من أولاد الحلة من حوض السباحة بتاع الاتحاد العام .. وندخل سوق الخرطوم للفاكهة .. عادي جدا الواحد يكون متأبط ليهو كرتونة تفاح والتاني كرتونة عنب .. ونمشي نضرب حليب من محل كدا كان بيفتح على القبة الخضرا .. بعداك نمشي محل الحلويات السورية الجمب محلات ميرزا والخطوط التونسية.. وبالمناسبة هنااك كان في بــار لكن الواحد سنو ما كان قانوني شديد كدا ..
المهم .. لحدت الثانوي كنت بمشي المدرسة وشايل معاي ساندوتشاتي من البيت وشايل معاي مصاريفي البتكفيني لحدت اليوم واليوم التاني .. مرات بجي راجع بيها زايده من وين ما عارف ؟
قبل يومين كنت بحضر في برنامج عدد خاص حق البوني .. ومنى أبوزيد .. ياخ جابو حلقة مع بتاعين المعاشات والجري والطيران وراء الفتافيت البيدوهم ليها .. والله حاله تحنن وتجنن ما قدرت احتمل الحاصل . قفلت التلفزيون .. البقوليك شغال كم وأربعين سنة في جامعة الخرطوم .. والبتقوليك شغاله في دار الهاتف كم وعشرين سنة .. كل دا ما شفع ليهم .. في الفتافيت البياخدو فيها دي .. وحق الشهر يجرجروهم فيهو تلاتة شهور لي قدام ..
الحمد لله الواحد حضر زمن الطرادة .. والريال .. وكان بيشوف الالعاب النارية أيام احتفالات خمسة وعشرين مايووو .. وسلم علي.. محمد علي كلاي .. والزعيم الكوري كيم ايل سونغ .. .. وحضر تحية زروق من المسرح القومي
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: عبد الناصر الخطيب)
|
والله ياتامبا الكلام ده امس قلتوا لي واحد في البحر
قلت ليهو ياخي الطعم (الصارقيل) بنقبض بيهو كم سمكة. والغريبة برضو في الخليج يوجد سمك قريب للقرقور يسمى ابو شنب للخليجيين والكات فيش بالنسبة للخواجات وقندولي بالنسبة للفلبينيين ونفس العواره بتاعة القرقور يبلع ليك السنارة عشان تطلعها عايز ليك عشرة دقائق حسوما ماعارف لو قلت ليهو القراميط ايام الفيضان كنا بنقبضها بي يدينا كان عمل شنو
ياخي المنطقة دي منطقتي برضو جنوب الكوبري قصاد جزيرة تمبس ياخي سمعت كم مره قالوا في قرنتيه كملت ليهم الجرجير هاهاهاهاه بس طبعا بعد داك رحلنا لي الثورة شمال امدرمان وانت مشيت القفيلاب جنوبا
انا برضو قلت كده انو التمساح عوير ومعاند يعني يسكر اخر ايام نميري خلف قاعة الشعب ومسجد النيلين وكلية القران الكريم ده لا احترم الدين ولا الدولة لووووووووووووولز
زاتوووو
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: ALZOLZATOO)
|
| Quote: إلا أنني ما ذلت اذكر أوصافه جيدا ومن أين جاءوا بهم لتنفيذ هذا المشروع الاستثماري وقتها |
شكلو كيف يا سيد تمبس ...كان لابس سفنجه ...ولا بيشبه جارتكم القلت كنتو بتسموها (تليسه) ديك ...
_________________________________________________________________
ما اشبه الليله بامس واظن بكره ...فقط الاختلاف وقوف المشجعين
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: Elsanosi Badr)
|
| Quote: شكلو كيف يا سيد تمبس ...كان لابس سفنجه ...ولا بيشبه جارتكم القلت كنتو بتسموها (تليسه) ديك ... |
.. | Quote: ما اشبه الليله بامس واظن بكره ...فقط الاختلاف وقوف المشجعين |
والله يا السنوسني السمين .. لو كان كتبت كلامك التحتاني دا ومشيت كان احسن ليك لكن شكلك عايز تصطاد في جزيرة النص .. ودي زي ما قلت ليك مسجلة بي اسمنا يعني عادي جدا يا السنوسني السمين ممكن نربط ليك حجر في كيس .. ونعمل برقية لي جماعتكم .. يتلقوك في شلال السبلوقـة .. دا طبعا لو تعديت السد .. السـد 
شكلو كيف ..؟
شكلو سمين زيك كدا دا .. وبي نظريتك بتاعت الناس السمان .. طبعا جريت طوالي لي التصنيف العرقي بحكم إنك ناشط وكدا .. لكن ابشر بالخير .. ولو كنت في البلد الوكت داك وفي جوه الخرطوم كان عرفت بالضبط شكلو شنو وماليين ليهو راسو بي شنو وعشان يعمل شنو .. وديل ما كانو هنا بس في النظام العام .. كانو في المعسكرات الاتعملت وقتها برضو علشان يزلو بيها الطلبة ويكسرو بيها نخيرنم .. يللا دي ما عندك بيها معرفة شديدة .. معرفتك بي الحاجات دي إنت وغيرك حدها البورد دا .. والناس الكانو شايلين هراواتم وسيخم ... وبجلدو في بنات واولاد الجامعات وتلبو ليهم بالحيط في الداخليات وفي البيوت .. اهنديل معظمم الآن مناضلين ..
روق في علبك يا زول هوووي .. كلامك الكتبتو بي هناك لحدت الآن قاعد .. برد ليك ليهو بي طريقة تانية ما بتشبه طريقتك ولو عايز بي طريقتك .. والله احتمال كبير تقفل نخرينك اوان الرد ...
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: ALZOLZATOO)
|
Quote: والله ياتامبا الكلام ده امس قلتوا لي واحد في البحر
قلت ليهو ياخي الطعم (الصارقيل) بنقبض بيهو كم سمكة. والغريبة برضو في الخليج يوجد سمك قريب للقرقور يسمى ابو شنب للخليجيين والكات فيش بالنسبة للخواجات وقندولي بالنسبة للفلبينيين ونفس العواره بتاعة القرقور يبلع ليك السنارة عشان تطلعها عايز ليك عشرة دقائق حسوما ماعارف لو قلت ليهو القراميط ايام الفيضان كنا بنقبضها بي يدينا كان عمل شنو |
.. والله يا معلم طبعا في سمك مفتح .. تخت ليهو الصارقيله نتشه كدا .. يجيها ليك من بي ورا يمص ليك الصارقيلة زي عصير التانك والفلة تلقاها ولا اتحركت .. تزهج بعد مسافة تطلع الصنارة تلقاها يااابسة ولا الحبه .. .. طبعا دا السمك البكون في الحتات بتاعت الناس المفتحة شويه .. والسمك الزي دا زاتو بيكون مستنير لوووول بي صورة أوضح بيكون عايش في الحتات الواصلة ضو شمس .. لكن الظلاميين ناس القراقير .. والبررد والقراميط والكبروسات.. ديل بيكونو عايشين في مناطق شدة وبياكلو من سنامم .. بس التقال بتاع الرماي يقع كدا .. يجازفو ليك الصارقيل قبال ما التقال بتاع الرماي ينزل تحت ، تلقى العصب بيعافر .. يللا الشفقانين ديل زي ما قلته بيضيعو ليك كمنك كلو في المعافرة علشان تطلع السنارة .. علشان كدا كنت بمشي شايل معاي العدة مفكات زردية .. إلخ .. يا كمان بكون شايل لي كمية من السنارات الجاهزة احتياطي تقطع السنارة القديمة في خشم السمكة .. وتربط الجاهزة طوالي ..
بالنسبة للسمك المستنير دا .. طبعا مرة رسلو لي كمية من السنارات الفيها الطعم الجاهز دا .. قاشر بيها وقال عايز اقبض بيها سمك بدون أي خسارات .. وحيات ابتسامتك ندموني ليك على اليوم الشلت فيهو السنارات دي .. ما قبضته أبو النوم .. يظهر أنهم شغالين بي شعار .. ناكل مما نزرع لوووول ..
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: ALZOLZATOO)
|
| Quote: ياخي المنطقة دي منطقتي برضو جنوب الكوبري قصاد جزيرة تمبس ياخي سمعت كم مره قالوا في قرنتيه كملت ليهم الجرجير هاهاهاهاه بس طبعا بعد داك رحلنا لي الثورة شمال امدرمان وانت مشيت القفيلاب جنوبا |
.. المنطقة المذكورة دي يا معلم سجلوها ليك متين ..؟ لانو الجزء دا بالذات خاص بي السيد الوالد .. يعني بي اختصار كدا المسالة دي ماخدنها بي وضع الرماي ههههههه ..
المنطقة المذكورة دي يا زاتوو بعد الكبري .. ما عندنا معاها اي قضية .. نحن حدنا بعد الكبري وبي جاي .. بي الجيهتين جوه الجزيرة وبره الجزيرة ..
الحاج عندو طلعات بحرية في المنطقة دي وخابر ليك دروبه كلها .. وعندو صاحبو ربنا يرحمو كانو بينزلو بالليل خالص .. بعدين قالي الحتة دي فيها وهمات عجيبة جدا بالليل .. ولو ما قلبك باليمين ما بتقدر تتحرك فيها والله بيحكي لي عن حاجات كدا قرب يمسخ علي البحر زاتووو .. عشان كدا ما عندي معاها اي شريعة حدي جزيرتي دي وكان جات اي وهمة البحر قريب والبجيك في البحر يا غطستو يا غطسك ..
طبعا القرنتيه دي كانت حاجة عجيبة جدا .. تعرف دي لما مواعيد الوجبه بتاعته تجي ، بتطلع ليك بالليل تقش ليك مساحة كم فدان كدا من فدادين مشروع الجزيرة بتضرب ليك البرسيم دا ضرب عجيب خلاص .. وتخلي ليهم (السماد) لوووول تجي الصباح تلقى اثار الكرعين حقته في الطين وتلقى السماد الطبيعي مكووم ..
المهم القرنتية دي استمتعت ليها فترة كدا ماكله وشاربه ومتفسحه واتخارجت .. يظهر إنو لقت البرسيم بتاع المنطقة ديك ما فيهو نكهـة .. العجيبة كانت بتتعشى حسب المينيو بي صورة أوضح .. تقبل ليك يوم على البرسيم وتقط الجرجير ... تجي راجعه ليهو بعد يومين .. يعني يوم جرجير .. ويوم برسيم ..
تعرف القفيلاب دي ما ناقش ليك فيها اي حاجة لحدت الآن .. انا صرتي مدفونه في الموردة .. وقيل تحت مسجد النيلين يعني الواحد احتمال كبير يوما ما يجي يفتح ليهو بوست يأذن ليكم هنا دا ..
مشيتي الاخيرة دي .. كنت عامل فيها قندولي راكب في الكرسي القدامي وأخوي الكبير حايم بي لمدة تلاتة ايام في الشوارع بيوري فيني الحتات .. تخيل بلاي انا بقو يوروني الشوارع .. المهم بعد اليوم التالت زهجته من البرنامج دا .. وقلت ليو يازول بعد كدا انا باكل ناري ..
ياخ صطت ليك الشوارع دي صواطه .. اللقى ليك شارع اتجاه واحد ادخل ليك لي نصوووو بعد شوية يكابسوني ليك الجماعة من الاتجاه العكسي .. اديها ليك خلف من هنا لحدت الدمام .. انا جاري وهم جاريين وراي
أول يوم قيادة يازول جيت داخل الحلة بالليل من الكبري الجديد ونزلته ليك وتعال شوف الصواطة .. اللف واجي راجع تاني قلت الليلة اصلو ما بتصل علي زول يف البيت عشان ما يمسكوني بيها الاجازة دي كلها .. المهم اكلتها ليك بالكرباوي كدا لقيت نفسي قربت ادخل الجماهيرية العربية الليبية الاشتراكية العظمى .. أقر بواحد سالتو قلت ليهو عايز شارع دكتورة سلمى .. قالي ايييييييك .. قلت ليهو يازول بس قررض على كدا انا بوصل براي .. المهم ركب معاي دليل وصلني لحدت أول الشقلة .. عشمتو حق الكارتية .. واستلمت ليك الشارع .. المهم لفلفت ليك لفلفته ليك .. لقيت نفسي جمب صالون حلاقة فوقو كمية من الشباب حلوين كدا .. وقفته عربيتي بعيد منهم ونزلته بي رجليني .. سالته واحد براحه كدا قلت ليهو ياخ في الحتات دي في ناس فلان وفلان .. ديل طبعا اخواني .. عاين لي كدا واخد ليهو ضحكة .. ساقني ليك من يدي خطوتين قالي اهنداك بيتكم يازول وانا بكلم ليك اخوانك شان ما يفكوك لينا ساي تجيب لينا رقبة في البلد دي أرجع بلدك الجيت منها والله متعني ليك متعة .. قلت ليهو والله تلحق تكلم زول من ناس البيت بالحصل دا .. بكرة الصالون بتاعك دا ما تدق فوقو مقص هنا دا .. قالي يازول لالا ياخ دي حاجة بتكلمو بيها .. بعداك رقعتو ليك بي علبة مارلبورو .. طبعا ملاوز لي قلت الزول دا لو لحق فتاني .. إلا آآجر لي شقة مفروشة
يازول ركبته عربيتي .. واخدته اللفة بي راس الشارع واستعدلته .. خشيت البيت برااحه خشت زول بيعرف بيتم وشارع بيتم وخشم بابم ..
يازول لقيت ليك الجماعه منتظرني ليك ..
أول واحد فتح خشمو قالي ..
جابك البيت عصام بتاع الصالون مش كدا ..؟
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: عبد الناصر الخطيب)
|
Quote: خلينا ياعلاء نكوت الكلام ده ونجي نرد ليك بمزأأأأأأأأأأأج عالى
*تصدق الصورة دي عند ابو الحسن ( أشرف حسين ) من زمن بعيد كنت عوز أخد منو نسخة ... |
وينك يا عبد الناصر ..؟
مزاجك دا بجي في نص رمضان .. ما تعال اكتب ياخ .. استلم الجزء الخاص بالمدرسة دا .. متذكر حاجة زهراء بتاعت الفول وأم الحسن الساندوتشات .. وعمي النو وعم عبد الله ..؟ والحيطة المقبلة على مسجد النيلين الرامسين فيها صورة نميري كبيررررة ..؟
متذكر وراء الفصول بي وراء الدافوري .. واستاذ بشارة بتاع الحساب .. وست نجاة .. وست حياة ؟ أستــاذة نجــاة .. على رصيف الذاكرة ..
تخيل في مشيتي دي .. جيت ماشي بي جمب المدرسة .. شكله بقى عجيب خلاص .. لكن شجر النيم لسة قاعد والشجرة الكان بتربط فيها الجرس ..
ياخ ركز لي على الصورة دي .. عشان الناس دي تعرف حاجة .. شوف تلفون اشرف وووين .. الزول دا مشى نهائي السودان على حسب علمي .. Quote: مع أنو الواحد كان بشوف العلب دي شوف ويقول يا الله يكبر بتين عشان يبقي بتاع علب وزجاجات
كبرنا لقينا المولد شطب وبقي فيها جلد |
.. يعني عايز تقنعني إنك ما ضربت ليك حاجة كويسة الفترة ديك ..؟ ولا بالغلط ..؟ .. غايتو أنا يوم اتجلدته اسبوع كامل .. لاني طشمته بالخطأ لوووول .. دي عايزه ليها قصة براها ..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
Quote: متذكر حاجة زهراء بتاعت الفول وأم الحسن الساندوتشات .. وعمي النو وعم عبد الله ..؟ والحيطة المقبلة على مسجد النيلين الرامسين فيها صورة نميري كبيررررة ..؟
متذكر وراء الفصول بي وراء الدافوري .. واستاذ بشارة بتاع الحساب .. وست نجاة .. وست حياة ؟ أستــاذة نجــاة .. على رصيف الذاكرة ..
تخيل في مشيتي دي .. جيت ماشي بي جمب المدرسة .. شكله بقى عجيب خلاص .. لكن شجر النيم لسة قاعد والشجرة الكان بتربط فيها الجرس ..
ياخ ركز لي على الصورة دي .. عشان الناس دي تعرف حاجة .. شوف تلفون اشرف وووين .. الزول دا مشى نهائي السودان على حسب علمي .. |
يا علاء تحية وكتير السلام
ياخي الحاجات دي كلها تتشاف في البعيد طابور الصباح واستاذ بشارة بموتروا الفيسبا , وعم النور كيف ما بتذكروا لو في المدرسة ولو عصرية الجمعة بجبت الدروايش في الشيخ حمد النيل يضرب النوبت ضربا فتائن وترنوا ... يأخي ذكرتنا زمن الواحد في كان مع الأحباب نجموا شارق
في البال جامع النيلين لسه ببنوا في والمحطة البنزين الجمبو الحرقوها ايام المظاهرات والحديقة الكنا بنمشيها عصرية الهسه بقت جامعة القران الكريم
لو ما عجبنا الدافوري ولا الفرجة في الرابطة في خور أبو عنجة تكون بين الشباب وقلب الاسد ... ياخي زمن ... يازول جايك قبل رمضان بإذن الله
----------------------
*أبو الحسن مشي نهائي بس العارفوا انو جاى تلفونوا الفي السودان اكيد عندي
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: عبد الناصر الخطيب)
|
Quote: في البال جامع النيلين لسه ببنوا في والمحطة البنزين الجمبو الحرقوها ايام المظاهرات والحديقة الكنا بنمشيها عصرية الهسه بقت جامعة القران الكريم
لو ما عجبنا الدافوري ولا الفرجة في الرابطة في خور أبو عنجة تكون بين الشباب وقلب الاسد ... ياخي زمن ... يازول جايك قبل رمضان بإذن الله |
تخيل قبل كم يوم يا عبد الناصر كنت بحكي لي زول في المسالة بتاعت مسجد النيلين البقى اطلال حسع دي .. وأيام الافتتاح الكان شكلو عجيب جدا .. ومحمد علي كلاي وكمية الماشية والانعام الاتضبحت طيلة الفترة بتاعت الاسبوع الأخير للافتتاح .. لو متذكر مدرسة المؤتمر الوكت داك اتحولت لي سلخانة كبيرة جدا عادي جدا تجي ماري بالشارع الجواني البجيبك من المدرسة تلقى ليك اتنين .. جارين ليهم رجل تور خلفية يا شلة متشالبين ليهم حاشي
يوم جيت داخل علي الميدان حق الكورة لقيت ليك طشت كبير جدا .. دا مليان كمية مبالغة يها من (أم فتفت) وطشت كبير جدا جمبو مليان (كبـدة) وطشت تاني جمبو دا مليان شطة بي دكـوة وبصل
تخيل المناسبة افتتاح مسجد .. وجايبين محدقات زي دي ..
دا ذكرني ليك واحدة جارتنا في الحلة .. جات من الحج عملت ليها كرامة بي حنان بلو بلو
عمك النور كنت قاعد اللاقيهو طوالي في الشيخ حمد النيل .. شايل مبخرو وحايم .. واستاذ بشارة بقى مولانا كبير في القسم الجنوبي .. بالصدفة لاقيت استاذة نجاة جمب المجلس البلدي وانا في تالتة ثانوي .. بعدما شفتها آخر مرة وأنا في سادسة متوسطة .. دا كان حدث عالمي عديل كدا ..
حاول شوف لي طريقة اتصال علي اشرف اديني رقمو ..
بعدين جاييك قبل رمضان دي متين يازول .. مع رمضان الدخل العضم دا .. ؟
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
| Quote: وبي نظريتك بتاعت الناس السمان .. طبعا جريت طوالي لي التصنيف العرقي بحكم إنك ناشط وكدا .. لكن ابشر بالخير .. ولو كنت في البلد الوكت داك وفي جوه الخرطوم كان عرفت بالضبط شكلو شنو وماليين ليهو راسو بي شنو وعشان يعمل شنو |
قلت لي ناشط يا سيد تمبس ... يا زول كتر خيرك الحشرتني في زمرة الناشطين وما بعيد تعملني مناضل وماسك طبشيره اقصد كـــــــلاش ...
يا زول تنصيف شنو وعروق شنو ... ده ما ياهو كلامك ... داير (تنط) منو وتشيل صنارتك وتخت فيها صارقيل وتعمل رايح اصلو ما في مشكله !!!. ولو عايز تدق راس حدي معاك حجر (ود كونا) ولو بديتها من (اللبخ) ولا الطابيه برضو معاك... بس اربط ليك لستك كويس . ...
_______________________________________________________
وبعدين يا سيد تمبس شنو النون الزايده (الحاشره) في اسمي دي ... وما تعمل لي فيها زي ود عمتي جمال دقلش كمان .
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: معاذ حسن)
|
Quote: يا تمبس ما أروعك حين تكتب مكتمل المزاج
تعرف من الدافوري بتاع ناس اب لمبة داك
انا قلت تمبس كورتو فكت
لكن ما شاء الله لقيتك ..زي ما كنت زمان.. |
معاذ والله اقوليك حاجة بتصدقه ..؟ ياخ انا عندي نادي بتاع قصة في البورد دا .. عندي ناسي البدخل ليهم وبقرا يللا بعداك بحس إني عايز اكتب .. وعندي ناس كدا لما اللقاهم ساي أونلاين .. بحس إنو لازم الواحد تتعارض ليهو في حلقو .. لانهم مستنكحين وعايزين يكتبو اي كلام بس يمشو بيهو حالم ..
المهم ما تعتبره تكسير تلج .. لكن والله لما اللقاك كاتب برضو بستمتع شديد .. وراسي بيبدأ يشتغل عكس الجماعة البخلو ليك راسك اتجاه واحد واكان كتبته اي حاجة غير البتكتبو ليهم .. يعني تعتبر حاجة كويسة .. يجوك يقولو ليك دخلك شنو بالحتة السمحة دي يا معفن .. إلخ
اب لمبـه قاعد ساااي طبعا .. يللا دا من الجماعة الكل ما اللقاهم مطرفين .. لازم اعمل ليهو شوية بتاعت حركات كدا علشان نساعدو بيها ونهيج بيها اشجانو ..
شكرا للمتابعة يا معاذ ودايما قاعد تشجعني إني ابقى زول كويس
| |
|
|
|
|
|
|
|
|
 Re: النظام العام .. ما قلتو (سوط) عملتو موت ..؟ (Re: Elsanosi Badr)
|
| Quote: ولو عايز تدق راس حدي معاك حجر (ود كونا) ولو بديتها من (اللبخ) ولا الطابيه برضو معاك... بس اربط ليك لستك كويس . |
تخيل يا السنوسني نوعيتك دي كنا بنطلع منها كم واحد في خـور ابوعنجة كل سنة فيضان ..؟
طبعا ما بتقدر تصدق ,,
الواحد يكون راسم ليهو ماسورة وسمكة يف الاوضـة يجي يقوليك اللبخ والطابية وادق راس .. يا بوي راس شنو التدقو هو ساي دقان الراس دا ...؟
بالنسبة لي ناشط دي انا بعتذر .. لكن بي حركاتك دي والله نشاطك ملحوظ عديل كدا ..| Quote: يا زول تنصيف شنو وعروق شنو ... ده ما ياهو كلامك ... داير (تنط) منو |
من متين كتبت لي كلام هنا دا نطيت منو .. يا جيت مسحتو .. ؟ دي حركات جديدة كمان ..؟
غايتو لو في حاجة واحده بتشفع ليك .. هي نظريتك بتاعت الناس السمان دي .. لانها بتبين مدى عجز منطقك .. يعني حسع دي لو الواحد فكر يشتمك زاتووو .. والله شتيمتك بتكون حلال ..
غايتو لو بقيت جاهز للشتيمة اديني خبــر .. امشي اشتمك في البوست البي هناك .. على الاقل نرد ليك شوية كدا من الحاجات القاعد تدينا ليها كل شوية دي ..
وتاني ما تجيب سيرة البحر يا زول .. كل شي ولا البحـــر .. امشي امسك ليك سلكين كهربه راسك عديل .. لكن ما تجي تجيب سيرة بحر هنا دا .. حاجه ما عندك بيها شغله ما تتدرعه..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
حبيبى علاء
رمضان كريم ونشوفك على خير
لكن فعلا دا شجن صادق
علاء واللة انا اصلا ما افتكرتك بتكتب بالطريقة دى
بس كنت فاهماك بتاع مشاكل والذى منو !!
لكن كلماتك رصينة ...لغة سليمة ..عبارات جزلة ...سلسة
افكار مترابطة ومرتبطة ..
اعجاب ...اعجاب...اعجاب
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tahani abusin)
|
| Quote: لحمد لله الواحد حضر زمن الطرادة .. والريال .. وكان بيشوف الالعاب النارية أيام احتفالات خمسة وعشرين مايووو .. وسلم علي.. محمد علي كلاي .. والزعيم الكوري كيم ايل سونغ .. .. وحضر تحية زروق من المسرح القومي |
تامبا ياخي التحية كميات بقينا زي الرجال الكبار لما يقعدوا في الضل ويتزكروا زمنهم
و الحمد لله الحضرنا زمن الطرادا الحمره وزمن ابعاج ونصبناهوا كشاف أعظم في غابة السنط والواحد لى هسه ما يعرف يلبس القميص الاكمام الطويلة الا يكفوا ... وحضرنا إحتفالاتوا وألعابة النارية ماليه سماء الخرطوم وشفنا مكي سنادة وتحية زروق و........... كان زمن بى خيروا
طبعا الزعيم الكوري كيم ايل سونغ في الزمن داك الزعيم ده لزوم قصر الشباب والاطفال لانوا بنوهوا الكوريين كهدية , زي ما الصنيين بنوا قاعة الصداقة , مسجد النيليين بنيناهوا برانا قالوا نميري شاف التصميم في تخريج كلية الهندسة وعجبوا ... بس ياخي البتذكروا ببنوا فيهوا سنين طويلة خلاص ... من ما بدوا لحدى ما خلصوا فترة ما عادية من الزمن بس الحمد لله خلصوا ... مظاهر الأيام ديلك الفي الخاطر كمية من تلاميذ الخلاوي حشدوهم للافتتاح من كل نواحي السودان ... والمشهد المابتنسي دخول نميري وهو فرحان ينطط في السلالام بتاعت المسجد وعترتوا الشهيرة اليوم داك .. يأخي زعلتني كيف ... نميري يعتر والله حكاية , ممكن في زمن داك يا نديد كانت الشريعة جديدة , وبعد الأخبار طوالى أحكام محاكم العدالة الناجزة ما عارف سموها الناجزة ليه وأحكام القضاه ناس المكاشفي الكباشي والمهلاوى وحاج نور يأخي كان في الأيام ديك كمية من الجلد ما عادية , جلد وسجن وغرامه أو بكل الأحكام دي معا ... حتى لو الواحد ما ملم بالتفاصيل لكي نحاسه انو فعلا دي الأيام الكانت كحد فاصل بين سودان .......... وسودان , ماهو الفي ذاكرتنا وخصوصا لما الواحد يمش يشوف البلد الجديدة الحلت محل البلد القديمة وحاجاته البقت كل يوم تتلاشي وتبهت قدم بلد تاني تمشي لى وتجي منو فاتح خشمك مقي وما فاهم حاجة
-------------------------------------------------------------------------------------
بالنسبة للتلفون أبو الحسن ..... كدى رأجع الماسنجر
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: داليا الكباشى)
|
Quote: في زول وصاني اقول ليك :
(ما تنجلـد يا جـابر , أدفـع الميـه) |
.. . ود القصــاص مش كدا ..؟
غايتو الحمد لله وقفت علي ما تنجلد يا جابر بس ما قام غرق لي جوه شوية .. ياخ زول هو ما بيسف مع الناس ولا بيعمل اي حاجة راسو دا ما مستفيد منو اي حاجة انا بستغرب كيف يتوزع ليهو كيس مع الناس .. وقاعد يوديهو ووين ما عارف ..
غايتو خليني استجمع ليك الذاكرة .. وبعض القوة شان اوريك قصة جابر دي شنو ..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tahani abusin)
|
Quote: حبيبى علاء
رمضان كريم ونشوفك على خير
لكن فعلا دا شجن صادق
علاء واللة انا اصلا ما افتكرتك بتكتب بالطريقة دى
بس كنت فاهماك بتاع مشاكل والذى منو !!
لكن كلماتك رصينة ...لغة سليمة ..عبارات جزلة ...سلسة
افكار مترابطة ومرتبطة ..
اعجاب ...اعجاب...اعجاب |
توتا ياااخ .. حبيبة الملايين .. والمليون ميل مربع
والله ان لو بتاع مشاكل كان عرفتي حاجات كتيرة خلاص .. اليوم داك جيتي متأخرة ما سمعتي الجماعة غنو لي السمح ولدي (مرتين) على التوالي ..؟
عندي شنطة في البيت يا توتـا .. لو عايده ادتك فيها فرصة .. بتلقي كتابات كتيرة جدا قاعده من زماااان في جظء غير صالح للنشر تقريهو وترجعيهو .. زميلة البورد قبل كدا وبي تواطؤ مع جهات داخليه عملت هجمة مرتدة وتم ابتزازي ببعض الصور .. لكن أنا طبعا لو قمت لي حق جدودي .. عادي جدا اشفر اي ورقة في الشنطة دي .. اي ورقة تفتحوها تلقوها عبارة عن ورقة بيضاء ساااي ما تتقري إلا بي باص وورد من عندي هنا دا ..
من ناحية أخرى
صاحبتك زهرة فتتك لي .. قالت لي توتـا ماشة معاها باسطة اليومين ديل .. وبالمناسبة دي حاولي شوفي لينا اي حاجة كدا على خفيف .. فيزا .. عقد عمل .. استثمار سريع كدا .. عمارة ناصية .. المهم اي حاجة كدا على السريع ..
تصومي وتفطري على ألف خير يا توتـا ..
| |
|
|
|
|
|
|
|
|
|
Re: النظام العام .. ما قلتو (سوط) عملتو موت ..؟ (Re: tmbis)
|
Quote: قرررّّّّط على نوعية الكتابه دى !
تمسبكو
زي ما قال مصدق قرط لينا علي كدا..
زارني قبل فترة صديق من الشرقية (عديلي) تقريبا!! لا تعرفه انت على الاطلاق
جات سيرة سودانيز وسالني منك بشدة وسأل عن نوعية كتاباتك الاختفت دي...
وكنا حا نتصل عليك بس الوقت كان غير مناسب ..برضو تقريبا ..
الوصية في الذمة... عمك السنوسي بهديك السلام ويدعو ليك دائما..
| |
|
|
|
|
|
|
|
| |
tmbis
عمر صديق
حاتم كاهن
محمد زكريا
خضر حسين خليل
عمران حسن صالح
محمد إبراهيم علي
طلال جبير جابر
نوفل عبد الرحيم حسن
ALZOLZATOO
abubakr
محمد علي شقدي
saif massad ali
Elsanosi Badr
معاذ حسن
طارق جبريل
osman abdala
داليا الكباشى
فيس بوك
تويتر
انستقرام
يوتيوب
بنتيريست