|
|
 مغصوني… اولاد الكيزان.. ديل القسموا السودان .. في الشارع دقوا النسوان
|
ما عجبونى مغصوني أو مغسوني بالسوداني
مغصوني… اولاد الكيزان
خلوا الغنم والخرفان
ﻟﺒﺴﻮا ﺍﻟﺒﺪﻝ ﻭﺍﻟﻘﻤﺼﺎﻥ
ﺭﻛﺒﻮا ﺍﻟﻜﻠﻴﻚ ﻭﺍﻟﺘﻮﺳﺎﻥ
ﺳﺮﻗﻮا ﺍﻟﺒﻠﺪ ﻣﻦ ﺯﻣﺎﻥ
ﻣﻦ ﻧﻴﺎﻻ ﻟﻰ ﻗﻴﺴﺎﻥ
ﻋﺠﺒﻮﻧﻰ ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮ…ا
مغسوﻧﻰ ﺃﻭﻻﺩ ﺍﻟحواري
ﻧﺒﺸﻮﻧﻰ ﻭﺷﺎﻟﻮا ﺣﺎﻟﻰ
ﺳﺮﻗﻮﻧﻰ ﻭﺭﻓﺪﻭا ﺧﺎﻟﻰ
ﻃﻮﻝ ﺍﻟﻠﻴﻞ ﻻﻓﻴﻦ ﻃﻮﺍﻟﻰ
ﻧﻬﺒﻮا ﺍﻟﺒﻠﺪ ﺑﺎﻟﻠﻮﺍﺭﻯ
ﻭﺩﻗﺴﻮﻧﺎ ﺑﺎﻟﻜﺒﺎﺭﻯ…
مغسوني ﺍﻟﻠﻴﻠﻪ ﺟﻮا
ﻧﻬﺒﻮا ﺍﻟﺒﻠﺪ ﻧﻀﻔﻮا
ماغسني اب عينا شراره
ساس الناس بالحقاره
يوم دخل للبيت زياره
شال المره وشال عيالا
حرق ابوهم بالطياره
مغصوني ﺍﻟﻠﻴﻠﻪ ﺟﻮ
ﺳﺮﻗﻮا ﺍﻟﺒﻠﺪ ﻧﻀﻔﻮ…
مغصوني الهدو الابقار
وشالوا تمنا بالدولار
في الاسواق هم التجار
وبنو للناس مسجد ضرار
مغصوني ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮ…اا
ماغسني الدارس الخلاوي
النهب مال التقاوي
الطبيب الكان بداوي
دخل السوق سوى البلاوي
ماغسني الحقق مرادو
ركب الهمر والبرادو
مغصوني ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮا
مغصوني الباعوا الارض
مغصوني الهتكوا العرض
مغصوني الخلوا الفرض
شرعوا الزنا بس ما تلد!!…عجبي
مغصوني ﺍﻟﻠﻴﻠﻪ ﺟﻮا
جابوا الواقي وقننوا
ماغسني العرس تلاته
وجاب الرابعة ياحلاته
للعروس الفي السباته
جاب الفيلا زي اخواتا
اربع فلل ما شاء الله
كتبوا فيها ما شاء الله
مغصوني ﺍﻟﻠﻴﻠﻪ ﺟﻮا
ما شبعوا وما استحوا
شرعوا الزنا وحللو.ا
مغصوني السكنواالفلل
وخلوا المو يه الفي القلل
ساعة الناس فاقدا الامل
هم في الملهى وفي السفر
على حساب الغلابا
مغصوني ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮ…ا
مغصوني الفتنوا الرعية
عصبية وجهوية
وكت الناس في الحر مقليه
فوق الحر زادوا البليه
دينهم دين جاهلية
النفاق والقبلية
مغصوني ﺍﻟﻠﻴﻠﻪ ﺟﻮا
جابوا ابليس بايعوا
من اين اتى هؤلاء؟
مغصوني… اولاد الكيزان
ديل القسموا السودان
فرزوا الناس كيمان كيمان
في الشارع دقوا النسوان
ما خايفين من الرحمن
ما خايفين من اي حاجه
الجنائية تحت جزمتي
مغصوني ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ وقسموا
مغصوني النفخوا الجيوب
مغصوني الفصلوا الجنوب
يوم الحاره بقولوا ووب
في لاهاي ليهم دروب
مغصوني ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮ…
يمهل ولا يهمل
مغصوني النهبوا البلاد
مغصوني الذلوا العباد
ديل النشروا الفساد
وكتين الله علينا جاد
نهبوا الخير خلوا الرماد
بتروناس رامي العداد
البترول ليهم بس
مغصوني اولاد الضهاري
خلوا المنجل والطواري
تركوا السفه والعماري
نهبوا الطرق والكباري
وشالوا المال باللواري
مغصوني ﺍﻟﻠﻴﻠﻪ ﺟﻮا
نهبوا ﺍﻟوطن قمحو…ا
ماغصني اب رايا سديد
العمل عرس الشهيد
ساعة الناس نارا بتقيد
في الفراش عزف النشيد
يعرض فرحان شديد
مغصوني الليلة جوا
ليه اولادهم ما مشوا
زي اولادنا استشهدوا
ماغسني فقه الضروره
وكت الناس ضايقه ومقهوره
وصحن الفول بقى بالجروره
في قصرو سوى النافوره
وجاب اليخت وشال عموله
قولوا ما شاء الله
مغصوني الليله جوا
نهبوا البلد نضفوا
مغصوني السووا السمح
مغصوني الزرعوا القمح
اولاد بمبه ضبح سلخ
شالوا السودان ملح
خلو خشمنا ملح ملح
مغصوني الليله جوا
حصدواالقمح صدروا
مغصوني الحرقوا الخلاوي
وفي دارفور سووا البلاوي
سووا الناس شية وكلاوي
بوخا زي الحلة لاوي
مغصوني الليلة جوا
وللغدر يوت بدروا
مغصوني الدكوا الجبال
خلوا النوبة حالا حال
قصفوا العجز والعيال
والمدارس والمحال
مغصوني الليلة جوا
سلبوا البلد طرطروه
ماغسني الساق الطيارة
دك فاطنة بي عيالا
والجنايز بي تلالا
ولع الجاز للإزالة
ولا في اكياسو شالا
مغسوني الليلة جو
كل يوم ليه بسعروا؟
ماغسني الهتك الصبايا
وهد حيلنا بي الجباية
رامي وفي الناس الرماية
وللخواويج باقي داية
دولة دولة بلا نهاية
قال الكرسي اليّ غاية
وفي القصر أصبح برايا
مغصوني الليلة جوا
وبكرة يومهم نحضروا
ماغسني السوا الجناية
وفي البلد قاصد النكاية
وفي الدمازين ليه حكاية
كل يوم رافعلو راية
ولينا ساقو المولى آية
مغسوني الليلة جوا
والاله ما بقدروه
|
|
 
|
|
|
|
عمر عبد الله فضل المولى
فيس بوك
تويتر
انستقرام
يوتيوب
بنتيريست