|
|
 السودان ارض ( الشتارات ) .. ( الشتارة ) في السياسة السودانية ..
|
سمعتوا بالسودان ارض الحضارات ؟؟
سمتوا بالسودان ارض الفرص ؟؟ ( هي وينا الفرص دي ؟؟ )
سمعتوا بالسودان ارض المليون ميل مربع ؟؟ ( دا زمان طبعا )
الليلة اوريكم السودان ارض (الشتارات ) ..
أصلو قدرنا في السودان ان يكون المتنفذون فينا ( أشترنا )
ومن هم علي رأس الاحزاب السياسية هم اكثرنا ( شتارة ) ..
(شتارة ) مخلوطة بي حبة ( عوارة ) و ( رجالة ) .. و( الرجالة ) المقصودة هناهي ( رجالة الشفع ) ( انا أرجل منك .. وكان راجل طالعني الخلا ) ..
والسياسة هي ميدان (الشتارة ) الاول ..
والأشطر في مجالها فهو ( الأشتر ) ..
فإذا كانت تصريحاتك ( شتراء ) فأنت صاح ومن حقك ( تدوس الناس دي لما تجيب الزيت ) ..
وكلما كانت تصرفاتك ( شتراء ) فأنت المستحق دائما ان تكون مسؤلا عن اكثر الملفات تعقيدا ..
واذا اردت ان تتحدث عنك جميع الصحف بلا استثناء فكن ( أشترا )
و ( مشاترينا) في السياسة وتصريحاتهم ( الشتراء ) لم يسبقهم فيها الا القذافي بعد ان خرف ..
خلال فترة طويلة تابعت تصريحات كثيرة ( لمشاترين ) و ( مشاترات ) في اشياء تتوقف عليها حياتنا ..
تتحكم في علاقاتنا مع الدول .. تتصل حتي بصحن الفول الذي نتناوله ..
احاول ايرادها هنا حتي يعرف البعض ( البلد دي ماشة كيف ) ..
|
|
 
|
|
|
|
|
|
|
|
Re: السودان ارض ( الشتارات ) .. ( الشتارة ) في السياسة السودانية .. (Re: ابراهيم الصغير)
|
خلونا نبدأ علي مستوي الاحزاب قبل ما ندخل في تلك التي علي شاكلة ( سنبحث عنهم بالحصان (( كركور كركور )) و..
( ح نرجع للصاج والكسرة .. ) و .. ( ح نقلع العمم ونجيهم بالكاكي ) و .. ( قبل ما نجي للحكم التعليم كان بالقروش .. ) وطبعا ( الله اكبر ) ديل المتفرجين .. و( العلاج كان بالقروش .. ) ( الله اكبر ) ديل برضو المتفرجين و ..( لقينا الطلاب قاعدين في الواطة عملنا اجلاس لكل المدارس في السودان .. ) الله اكبر ( دي مني انا ) وبعدهابس في سري : ( عليك ) ..
اديكم ( شترة ) اليوم ..
تابعوا معاي ...
| |
|
|
|
|
|
|
|
|
|
Re: السودان ارض ( الشتارات ) .. ( الشتارة ) في السياسة السودانية .. (Re: ابراهيم الصغير)
|
الليلة انا احاول قطع الطريق بين الاف السيارات النازلة من كبري القوات المسلحة .. وفي انتظار اشارة الاستوب عاينت لقيت لافته لمنبر السلام العادل ..
مكتوب فيها ((نعم لاسقاط حكم الحركة الشعبية في الجنوب .. )) لقيت نفسي بردد .. ( انت مالك الناس ديل موش انفصلوا وخلوك ليك البلد الهم دي ؟؟ )
المهم ..
المنبر دا طبع موش ( اشتر ) دا المادة الخام بتاعة ( الشتارة ) لو عندها مادة خام ..
قبل يومين في جريتهم كاتبين ( 11 الف من المؤتمر الوطني ينضمون لمنبر السلام العادل ) ..
هو شنو المنبر وشنو المؤتمر الوطني ؟؟ مش هم واحد ؟؟
دا كنت اعتبرو ( شترة ) الاسبوع قبل اشوف لافتتهم دي ..
...
| |
|
|
|
|
|
|
| |
ابراهيم الصغير
Ridhaa
فيس بوك
تويتر
انستقرام
يوتيوب
بنتيريست