|
|
|
 Re: وعن المصاريف أنا بحكي ليكم ؛ مدارس وجامعات بس !!؟ (Re: صديق عبد الجبار)
|
ودالشايقى وزوجاته
د/ محمد بادي
يجيك الحول
وحول بى زول
والزول غول
ونحن ضهابة نحن تعابة
لا نقدا ولا محصول
يا قشارة ما معقول
يا فقاسة ما معقول
عليك عرزينك المبهول
تضربى الجملة بالميت
قداحة فول
وعيشة تقول
ضنيب ام سيسى عرض وطول
وجاز اللمبة فى غلبا
وحق الفطرة للطلبة
ركوب التكسي بالقلبة
ولو ما الروح بقت سلبه
نمص الصلصه من علبا
وكانت جاتنا فى الرقبة
دا كلو كوم
والوليه ام العيلة كوم
الوليه الفنجريه حلاوة نبق
الوليه الغجرية ودايره دق
البطن ديمه منفوخة طبق طبق
يجبها الحول
وحول بي زول
ومره تديها الهواده
وترمى زى زولين زياده
الله اريتو الزول يزاول
يا حكم صفر ده فاول
البطن بت اللذينة
عايزة تعمير القبائل
واب شنب تعبان وعرقه يسيل جداول
يلحس الكوع رغم انفه
وكان مزاول وديمه يشبع فى البشاتن
وديمه يشبع فى البهادل
شايله فوق الصفحه سوسو
واحد الله
باليمين مقيوده سيسى
مالو تانى
اب شنب شايل أمانى
تلاتة بركه وكل حركة معاها بركة
فى البطن بنجوسها فرفر
والقطر بوراها صفر
والله يستر
عينى باردة ومانى حاسد
وربنا يتم المقاصد
والله ما شقالو حنكا ضيعو
والله ما سوالو طفلاً ماسقاهو ورضعوا
الا الرباية خشم بيوت
والمعايش ماها توت
والمعذب اخير يموت
الوليد اكان مبرجل شن بسوى
زى كليب جربان يعوى
يصبح والمصران مهوى
ويمسى والمصران مهوى
لا يبهرج لا يضوى
الوليد كان يربى قوى
عمله استرلينى سايره
يبقى صاروخ ارضى جوي
النجاح مو من كتير
والبيطير من ارض جاعت كان اخير
والليلة جيتكم بى بشارة
وقولوا خير
ربنا يخلى الخواجة
ما تقيف قدامو حاجة
إلا يرطن فيها حاجة
يا خلق يا عقل صبه
تشربو الويسكى المعبا
وتلحسو الرز بالمربى
تبلعو عروق المحبة
وتلدو كبه وراها كبه
عشان تقيف ماتاخدو حبه
حبة واحدة في جوف الولية
حبة واحدة مع العشية
والمطايب هى هى ...
لا بطوناً كالخيام
ولا سماي ولا كرامي
قد تقولون حراما ..
لست أدري ..
لست أفتي ..
لستُ مفتى ...
ولماذا ؟
لستُ أفتى ... !
شيخنا ود الشايقي
خريج الخلاوى
يكتب البخرة ويداوى
يعشق الماحى وطارته
والمدائح وأبوكساوى
قافل اضانو من البلاوى
إلا فى عرس وطلق
قد يجيب بعض الفتاوى ...
حالته ساتره ونص ُكم
بيعه فى سوق السماسرة
بيعه رابحه وبيعه خاسرة
وهو حامد متشكر
ليس ملحد ليس منكر
يمشى ما بين السرارى
ونساوينه الحوارى
لا تغيب عن قلبو ابداً
حاجة سعدة
لجنة خردة
حاربت فى المهدية
ثم آلت لجلافيط وكراضيم
عن قريب ستزور الأبدية
وأحيلت للمعاش
فاراحت واستراحت
ثم تأتى سعدية !
وهى رهن الخدمات
ومفاخر ومباخر وعيون فاهمات
تعرف الوقت المناسب
لتحاسب وتحاسب..
ليس فى الدين حرج
آخر العنقود ليلى
اصغر الزوجات ليلى
شيخنا ودالشايقى افلح
اشترى ليلى مكعكع فتصلح
وتصبين وتنحنح
وهو شيخ
فى هجيع الليل يمدح
يا ليلى ليلك جن
معشوقك أوه وانى
وتجيب المدح ليلى
وتغرود غير هدنه
وتزيد الشيخ قرباً
قاب قوسين أو ادنى
أنها دنيا المقالب
بأسم ليلى من يطالب
ذات مره ..
والممرات كثيره
شيخنا صلى الصبح نافلة
وبآيات قصيره
وتحوقل وتعوذ
ودعا الله بأن لايتجوز
وتشهق وتمنطق
وبراس السبحه طق طق
ومضى يتلو الكتاب ...
مر بالمال والبنون
فتبسم ...
وترنم وبآيات الطلاق
فتجشم وتعثم
وإذا مالاقى مثنى وثلاث ورباع
وقف الشيخ طويلا
مثل فحل الضباع
وبكى ..
وهو يرخى من حبال وتريه
وجرى دمع الزراعة المطرية
وقال ؛
اين منى زوجة بكرا فتية !
اين منى المحلبيه ؟
اين منى السرتيه ؟
فى نقاء كبحيرة طبرية ..
ودعا الله عروسه ...
وخرج يحشش بعبايه
وزناد وكدوسه
خطفها خطفها ....
جاب ضحية هايله ومذهله
جزار وفالح فى تجارة القرصنة
خلف الكراع فوق الكراع
وكدوسو زى المدخنه
بالكفتين زى الخشب ..
إنني قصرت في حق الكتاب ..
فإنني لا أملك غير تلاتي !
حرق شباب السوسنة ..
وتفوت سنه
وتمر سنه
وشيخنا عجز وانتنى
بقى فى الحرد والطنطنه
وهو ذاتو عجز وانتى
شيخنا يا شيخ السجم
خلف زرازير السجم
واحدين اساميهم عرب
واحدين اساميهم عجم
بدأ بمحمد
ثم زوجات الرسول العشرة
وكل الذين تجمهروا فى البيعة تحت الشجرة
طلحه الخير والزبير
ثم سعد وسعيد
ثم ستة مبايعين ،
كمل اسماء الصحابة والتابعين
واتباع التابعين
ثم عبد مايشاء من البنين
عبدالرحيم
عبدالمعين
ثم تفنن في القوافي
وتبحر في تراكيب المضافي
سيف الدين
وسعد الين
وشمس الدين
وقمر الدين
وقمر صناعي الدين
وعاد لامتين ...!!!
ثم سمى فى الختام
عبد مالك الملك ذوالجلال والإكرام
الراجل تقول مسحور
وما بخليلو مرةً بور
وزرعتو ما بتقع واطة
بقت الطلبات بالدست
حتو درج الخزنة حت
الوليه تنبح ما انكست
كان أصبحت وان كان مست
خرائط ولفايف
ومحزق ومنمق
أنها نكبة روما والمتمه
إن طعم العرس حلو ولذيذ
وهو كاسات افراح ونبيذ
ثم تأتى انتفاخات القرنتى
وبطاناً كالنتمتى
لا يقاوم بالدي أن تي
هي تصرخ حنى حنى ...
وتتى تتى ....
ويا سلام !!!
| |
 
|
|
|
|
|
|
|
|
Re: وعن المصاريف أنا بحكي ليكم ؛ مدارس وجامعات بس !!؟ (Re: محمد قسم الله محمد)
|
Quote: أخونا صديق عبد الجبار
السلام عليكم
قصيده جميله جداً ..
ومُعبِّره جداً ..
لكن ..
ده كلو ما بيحلك ..
علي الأقل معانا .. لو قريت قصة سهام..
كشكش جيبك .. وجيب الساهله للشفع السغار ديل .. |
يسلمك الله أخي محمد قسم السيد ...
وانحنا أصلنا دافعين ..دافعين ... حنروح وين ونقبل وين ؟؟
علا بس بندور نفضفض ... !!
كل الود والتحايا ،،،
| |
|
|
|
|
|
|
|
|
|
Re: وعن المصاريف أنا بحكي ليكم ؛ مدارس وجامعات بس !!؟ (Re: صديق عبد الجبار)
|
ولكننا ... أخي محمد قسم السيد ...
لن نتبرأ من السودان أبداً ...
ننضرب في راسنا في اليوم مليون شاكوش حكومي ... ولا نصرخ واي ..!!
ندفع دم قلبنا الذي تمتصه دولة الجبايات والخوازيق ... ولا نقول أخخخ ...!
نطعم أولادنا بالفي والمافي .. ولا نمَل ...
نعالجهم .. ونكسوهم ... ونعلمهم ... بالغالي والغالي ... ولا نتبرم !
ولكننا لم ولن نتبرأ من السودان أبداً ...
بل نحن نبرأ من حكومة فاسدة جابية فاشلة ...
ونبرأ من من يواليها ، أو يمشي في ركبها ...
كل الود ،،،
| |
|
|
|
|
|
|
|
|
|
Re: وعن المصاريف أنا بحكي ليكم ؛ مدارس وجامعات بس !!؟ (Re: صديق عبد الجبار)
|
إنني شخص مستور الحال والحمد لله ...
لست من الأغنياء ... ولست من الفقراء ...
ولم تبقى هنالك طبقة وسطى ، لكي أقول إنني منها ..!!!!!؟
فلا توجد منطقة وسطى مابين الترف والفاقة ...!!!
....
....
.....
وإنني أعاني الأمَرَّين ... كما يعاني كل سوداني ليس من أولاد المصارين الجبهجية ...
والله المستعان !
| |
|
|
|
|
|
|
|
|
 Re: وعن المصاريف أنا بحكي ليكم ؛ مدارس وجامعات بس !!؟ (Re: محمد قسم الله محمد)
|
صديقي (م.م.م.) معاشيي في العقد السادس من عمره ...
إبنه تم قبوله في إحدى الكليات بجامعة السودان (قبول عام) (جامعة حكومية) ...
معاشه يخجل المرء عن ذكر مبلغه ... !!
طلبت لجنة المعاينات من إبنه إحضار شهادة دخل أو شهادة مرتب لتحديد الرسوم الدراسية !
أضطر الوالد للذهاب معه ومقابلة اللجنة ..
قال لهم أنه غير قادر على دفع أي رسوم للأسباب المذطرورة أعلاه ..
قيل له ؛ إذهب إلى اللجنة الشعبية وأحضر لنا شهادة عدم مقدرة (شهادة فقر).
إستخرج الشهادة من اللجنة الشعبية ، مختومة بخاتم اللجنة وممهورة بتوقيع رئيس اللجنة.
إجتماع لجنة المعاين بالجامعة وقررت أن الرسوم الدراسية للطالب ، إبن صديقي الذي قدم شهادة فقر :
500 جنيه سوداني في العام ...
وذلك حسب قرار اللجنة هو الحد الأدنى ..!!!
| |
|
|
|
|
|
|
| |
صديق عبد الجبار
محمد قسم الله محمد
فيس بوك
تويتر
انستقرام
يوتيوب
بنتيريست