|
Re: عاين . الوجبة في المطعم ده بي 800 دولار (Re: motaz ali)
|
عزيزنا ود النيل سلامات المطعم مطعم فطاحلة المال والماركت والحلال . ( شايف حلال دي ) ؟؟ صاحبك اليهودي ابوطاقية قال : بيرتاد المطعم عشان في دكتور بيجي يدي الناس دروس عن تقنين سكر الجلكوز . الزول خايف من السكري وخايف علي ال 17 ناطحة سحاب حقاتو . تحياتي . ونشوفك يا محمد في لفة المطعم .
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
عزيزنا طارق سلامات وعيدك مبارك والله البامية فرك مفروض تكون بي 2000 دولار يا طارق . بس الزول يا طارق دعايتو قوية والناس الشبعانين ناس مطاليش ساكت . يا طارق الزول شابك البنات السمحات كلام عن وجباتو وعن كيف بيدخل في الوجبات مكملات أحماض أوميغا 3 . .. و كلام كبار يا أخوي زي كلام ناس السياسة . والله يا طارق حليل أمتكشو . تحياتي
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
Quote: ونشوفك يا محمد في لفة المطعم |
آى ممكن إحتمال تشوفنى فى لفة المطعم فى لفة الكلاكلة عندنا واحد قريب منو طلب الكوارع بتاعو شوية غالى لكن مطعمك دا لو انا جيت سلمت على واحد جمبو ساكت كنت ح أفلس بل إطلع مديون كمان دبل بيكون عندهم مغنطيس قوى بيشفط من الكردت كارد من بعيد هههههها
| |
|
|
|
|
|
|
Re: عاين . الوجبة في المطعم ده بي 800 دولار (Re: محمد النيل)
|
عزيزنا الفنان بكتاش سلامات وعيدك مبارك . يا بكتاش أخوي قالوا الشيف حق المطعم ده عامل دراسات كثيرة عن وجباتو وعن اضافة أحماض أوميغا3 للشوربة وعن مساعدة الشوربة للنمو العصبي . يعني قصة ال 800 دولار دي ما ساكت . غايتو صاحبك ود الصايم لو ضربت معاو اللوتري ماحيفوت المطعم ده تب . تحياتي
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
يا طارق جبريل تعال تعال شوف زولك سيد المطعم عامل سعر طلب البامية بي 1100 دولار . وكتوب في كتاب طلب البامية يا طارق : البامية بتحمي الأنسجة من الخلايا التالفة . يعني البامية بتكافح السرطان . يازول المطعم مطعم علماء . يعني لو جابك الشارع ساكت يا طارق . ما تسمع الا كلمات زي ( براءة ) و(بروتين ) و ( أحماض ) و كلامات عجيبة .
| |
|
|
|
|
|
|
Re: عاين . الوجبة في المطعم ده بي 800 دولار (Re: المر)
|
عزيزنا المر مرتضي سلامات يا المر مفراكة شنو ياخ ؟؟ ياخ الطباخين حقين المطعم ده عندهم عن دراسات وتجارب عن سبب الدهون الزائدة . وكلام كتير عن اختلال الوظائف وتراكم السكر وما السكر . وبعدين يا المر أخوي الجرسون يقعد معاك ساعة يشرح ويشطح . وكل صحن عندو كتاب بحالو . يازول المطعم قصتو عجيبة عجيبة .
| |
|
|
|
|
|
|
Re: عاين . الوجبة في المطعم ده بي 800 دولار (Re: محمد النيل)
|
عزيزنا محمد النيل سلامات عاين يا محمد الطباخين قالوا هم ماشين كويس شديد في طريق ضبط كميات جزيئات الحمض الريبي عشان وقاية الخلايا من الانتحار . وبعدين يا محمد بعد ما تضرب الصحن حقك ابو 800 دولار يقوم يظهر حجم النشاط البدني حق جسمك في شاشة قدامك . يا محمد . حكيت قصة المطعم ده لي عمي في البلد . قام قال : يازول المطعم ساهل الكلام طلوع القمر . الناس ديل مجانين
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
اسى عليك الله يا ود العم (800) دولا ر دى بتجيب ليها كم طلب فول من فول موسى اب كريع السمح داك والله حكم ... ( كل سنة وانت طيب وكيف حالك) .... وهاك الخبرية دى انا والله احتمال اجى امريكا على نهاية السنة ... اكان ما عزمتنى عند الزول ده عاد بلومك تب اها ومابرضى والله ... جهز حالك
| |
|
|
|
|
|
|
Re: عاين . الوجبة في المطعم ده بي 800 دولار (Re: BAKTASH)
|
عزيزنا بكتاش ألف شكر علي المجهود . وجلب صور مطبخ المطعم المدرسة . الناس ديل فاتو العالم كتير . الجرسون يا بكتاش يحاضرك 15 دقيقة عن ال Sodium و ال Carbohydrates الفي الصحن الطالبو . ياخ شطة تقلية مطاعمنا عملت لينا وجع فشفاش .
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
يا عثمان أخوي شكلك عايز تعمل bank bankruptcy البدخلك مطعم زي ده شنو !! يا سيدى أنا من عشاق TGI friday والمانيو المفضل عندي الكاريبيان جكن مع أل cooked shrimps والرز المضافة إليه أل tomato sauce.. والأبتايد مشروم و بروكلي عليهم أل jack Danial sauce.. والتحلية آيسكريم أل chocolate buff.. يا أخي دي وجبة بدفع فيها 12 دولار فقط تبقيني نشطآ بكامل الطواقي لأسبوع تمام .. والعجب لو كان ال NFL مدور والقيم بتاع الكاردينال ,, والغريبة نفس الوجبة في مانهاتن نيويورك دفعت فيها 32 دولار ...! أما بخصوص مطعمك هذا فلا يسعني إلا أن أقول TGI Friday wayeeeeeeeee
| |
|
|
|
|
|
|
Re: عاين . الوجبة في المطعم ده بي 800 دولار (Re: عادل نجيلة)
|
عزيزنا عادل نجيلة سلامات يا عادل لو الدرب جابك فايت بشارع المطعم العجيب ده . حتشوف أي زول طالع منو يسوي في ال WAYeeeeeee . حتي ناس عدنان خاشقجي . ياخ قالو المطعم ده قادي جيب مدير شركة ال NISSAN . الزول خايف من بلاوي ال FAT . يا عادل أخوي والله العظيم السودان هو الحل . يا عادل قرقوش الفيتريتا بالرشوشة . 30 يوم يمسح ال FAT مسح السنين .. الأمريكان يا عادل لو عرفو سر الفيتريتا دي كان السودان يكون الولاية ال 51 .
تحياتي
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
ولاد...... انت ما سمعته بقصة الراجل العزم صحابو رحلة لاديس ابابا ولما مشى يجيبو من المطار لقى ام العيال نازلة معاهو من الطيارة فأنتحى به جانبا وقال ليهو ده شنو يا (.....) فى زول بعزمهو فى هيلتون يقوم يجيب معاهو ساندوتش ... ساندوتشات لا يا ود العم
| |
|
|
|
|
|
|
Re: عاين . الوجبة في المطعم ده بي 800 دولار (Re: Osman Musa)
|
يا عثمان مطعمك دا من إسمو خطير
الظاهر اللوندري دي قاصدين بيها نضافة الجيوب
بالمناسبة خليها كالفورنيا بلد الأثرياء والنجوم قادرين يدفعوا أي ثمن. لكن خرطوم السجم فيها مطاعم أسعارالوجبة للشخص الواحد تزيد علي ال 100 دولار والغريب مليانة زبائن
| |
|
|
|
|
|
|
Re: عاين . الوجبة في المطعم ده بي 800 دولار (Re: أسامة البلال)
|
على ذكر الفتريتة يا عزيزنا كان لدي عميل في البنك بتجيهو إعتمادات من ألمانيا لصادر الفتريتة والشركة المستوردة بتدفع 50% من الإعتماد مقدمآ والصادر حوالي 150 ألف طن تشحن على 3 دفعات 50 ألف لكل شحنة anyway سألت صاحبنا العميل عن سر إستيراد الألمان لهذه الكمية فرد على الفتريتة الألمان ديل بعملوا منها البيرة و النشا و الجلكوز .. الغريبة إنو نسبة النشويات عالية جدآ في الفتريتة من بقية العيوش الأخرى ولا أدري لماذا لا تصيب آكليها بالسمنة .. في النيل الأزرق يستعمل معظم سكانه كسرة الفتريته ذات اللون الأحمر الداكن .. ولاحظت أنو السمنة لا تصيبهم البتة .. ولك مودتي.
| |
|
|
|
|
|
|
|