|
(عجبوني أولاد الكيزان)!!
|
ﻋﺠﺒﻮﻧﻰ ﺍﻭﻻﺩ ﺍﻟﻜﻴﺰﺍﻥ
خلوا الغنم والخرفان
ﻟﺒﺴﻮا ﺍﻟﺒﺪﻝ ﻭﺍﻟﻘﻤﺼﺎﻥ
ﺭﻛﺒﻮا ﺍﻟﻜﻠﻴﻚ ﻭﺍﻟﺘﻮﺳﺎﻥ
ﺳﺮﻗﻮا ﺍﻟﺒﻠﺪ ﻣﻦ ﺯﻣﺎﻥ
ﻣﻦ ﻧﻴﺎﻻ ﻟﻰ ﻗﻴﺴﺎﻥ
ﻋﺠﺒﻮﻧﻰ ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮ...ا
ﻋﺠﺒﻮﻧﻰ ﺃﻭﻻﺩ ﺍﻟﻮﺍﻟﻰ
ﻧﺒﺸﻮﻧﻰ ﻭﺷﺎﻟﻮا ﺣﺎﻟﻰ
ﺳﺮﻗﻮﻧﻰ ﻭﺭﻓﺪﻭا ﺧﺎﻟﻰ
ﻃﻮﻝ ﺍﻟﻠﻴﻞ ﻻﻓﻴﻦ ﻃﻮﺍﻟﻰ
ﻧﻬﺒﻮا ﺍﻟﺒﻠﺪ ﺑﺎﻟﻠﻮﺍﺭﻯ
ﻭﺩﻗﺴﻮﻧﺎ ﺑﺎﻟﻜﺒﺎﺭﻯ...
ﻋﺠﺒﻮﻧﻰ ﺍﻟﻠﻴﻠﻪ ﺟﻮا
ﻧﻬﺒﻮا ﺍﻟﺒﻠﺪ ﻧﻀﻔﻮا
عاجبني اب عينا شراره
ساس الناس بالحقاره
يوم دخل للبيت زياره
شال وداد وشال عياله
حرق ابوهم بالطياره
ﻋﺠﺒﻮﻧﻰ ﺍﻟﻠﻴﻠﻪ ﺟﻮ
ﺳﺮﻗﻮ ﺍﻟﺒﻠﺪ ﻧﻀﻔﻮ...
ﻋﺠﺒﻮﻧﻰ ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ ﻧﻀﻔﻮا
...
...
عجبوني
ﻋﺠﺒﻮﻧﻰ ﺍﻟﻠﻴﻠﻪ ﺟﻮا
ﺳﺮﻗﻮا ﺍﻟﺒﻠﺪ وقسموا
عجبوني النفخوا الجيوب
عجبوني الفصلوا الجنوب
يوم الحاره بقولوا ووب
في لاهاي ليهم دروب
ﻋﺠﺒﻮﻧﻰ ﺍﻟﻠﻴﻠﻪ ﺟﻮ
ﺳﺮﻗﻮ ﺍﻟﺒﻠﺪ ﻧﻀﻔﻮ...
عجبوني اولاد الضهاري
خلوا المنجل والطواري
نهبو الطرق والكباري
وشالو المال باللواري
ﻋﺠﺒﻮﻧﻰ ﺍﻟﻠﻴﻠﻪ ﺟﻮ
نهبوا ﺍﻟوطن قمحو...ا
|
|
|
|
|
|
|
|
Re: (عجبوني أولاد الكيزان)!! (Re: munswor almophtah)
|
العزيز منصور المفتاح
رمضان كريم وكل العام وانت والاسرة بالف خير
عارف دي حاجات اصبحت متداولة بين الناس في الوطن وقد وردت الى عبر بريدى الالكتروني وهذا ضرب من شعر المقاومة الساخر جدا وهو امر من تاليف اناس وطنيين مجهولين بالتاكيد ولكنهم استطاعوا من خلال هذا الضرب من الابداع الشعري العامي ان يوصلوا رسالتهم الفاضحة للطغمة المجرمة في الخرطوم......لهم المجد والرفعة مع خالص التحايا لاسرتك الكريمة
| |
|
|
|
|
|
|
Re: (عجبوني أولاد الكيزان)!! (Re: هشام هباني)
|
وأنت وأسرتك بألف خير أيها الهشام وأصدقك القول قدرة الناس على إستنساخ التراث وإخراج تناص من نصوصه كفصوص العقد النضيد فأنظر إلى ما كتبه ذلك الإنسان وأنظر ما يحويه وماوما يحتويه من إبداع.
ولك السلام
منصور
| |
|
|
|
|
|
|
|