|
Re: عيدية للصديق البحيراوي: صغير القمه ، عميرا ما بهما..! (Re: Kabar)
|
العزيز الصديق كبر
رمضان كريم وعيدأً بخيت وسعيد وتتعلى ما تدلى ويزورك وجه المصطفي يا لها من هدية لا تدانيها إلا مقالدة الحاجة في صبيحة يوم العيد السعيد وتقول ليك عافية منك يا وليدي ثم تقالد حاج يوسف شخشياً ويقول عيد مبارك عليك
والله يا كبر كان ما الصيام كان الواحد لبس المركوب ودبل الواطة لمن ترابها إطاير
وليبيا إنشاء الله تعقري وتعدمي الشيك الخدري
خاف يا كبر دعوة زولتنا دي وقتها جي
بحيراوي
| |
|
|
|
|
|
|
Re: عيدية للصديق البحيراوي: صغير القمه ، عميرا ما بهما..! (Re: البحيراوي)
|
السلام عليكم الاخ كبر وعيدتك لحقتنا نحن ايضا ومشكور عليها كثير وعبرك العيد مبارك مقدما على الاخ العزيز عبدالله يوسف البحيراوى .. وبمناسبة هذا الفيديو فهو من مدينة خماس الدونكى (شرق النهود) ويبدو انك من محبى التراث فلا ضير من تبادل المعلومات عن التراث فيما بيننا لاننى انا الاخر من الذين يعشقون التراث حد الوله .. ولك وللبحيراوى كل معزة واحترام خليفة موسى حمدان من ولاية فرجينيا
| |
|
|
|
|
|
|
Re: عيدية للصديق البحيراوي: صغير القمه ، عميرا ما بهما..! (Re: خليفة موسى حمدان)
|
صديقي البيحراوي..حبابك كل سنة و انت طيب..
يا اخوي زولتنا نقية و دعوتها وصلت تب..
سعيد بمرورك و ان الهدية البسيطة عجبتك.. و اهو يا صديقي انسان كردفان ذكي للغاية..و بيوثق للحاجات التي لا يهتم بها تلفزيون هنا امدرمان.. غايتو الزول الإخترع الشبكة العنكبوتية ده سوى فينا حسنة و اجر..و كذا من اخترع التلفون الموبايل.. و التحية لأهلنا في خلاهم..عساهم طيبين
كبر
| |
|
|
|
|
|
|
Re: عيدية للصديق البحيراوي: صغير القمه ، عميرا ما بهما..! (Re: Kabar)
|
خليفة..حبابك يا صديق عيد سعيد و بخيت.. و كتر خيرك على المرور من هنا.. و التحية من عبرك لأهلنا في خماس الدونكي..و هي محلات شروطناها في الزمن البهي..سرحنا كي لمن عينا في حوافيها.. حينما رأيت هذه الفيديوهات (الأول و الثاني) ..كنت بستغرب لناس البنادر و هم مبهورين باغنية اندريا..و كدت ان اقول في الأصالة ابداع اعمق.. و كل ما القى لي فرقة قاعد اراجع مثل هذه الأشياء..في جنوب كردفان عندنا تراث الدرملي و هو غناء جماعي برضك..و حينما يصل البندر بيكون اتحور كثيرا.. و مرحب بيك حول المشاركة في الإهتمام بالتراث..خصوصا الكردفاني..ولو ملاحظ دايما فيهو الجماعية..في حين أن الأغنية السودانية الرسمية مشهورة بانه يقدمها فرد واحد سواءا كان رجل أو امرأة..ليه ؟..و ليه الحاجات الأصيلة ما قاعدة تجد طريقها للإعلام..؟ التحية لمن قام بتصوير تلك الفيديوهات و رفعها الى اليوتوب..و هو لا يدري انه وضعها في مصاف العالمية..و ناس العالم دايما بيحبوا يشوفوا الحاجات على اصولها.. و تحية لأخواتنا و اخوانا الذين سرقوا لحظة من عنت الزمان و مساغبه ليقدموا لنا هذه اللمحة الجميلة..
و لي قدام يا خليفة.. كبر
| |
|
|
|
|
|
|
|