|
|
|
 Re: خيبة أمل الصفيراب في الأمل ( شوفو الأهداف ) (Re: ابراهيم الصغير)
|
شكرا اخى ابراهيم على المرور اهديك ( فى سلك)
بسم الله الرحمن الرحيم
في السلك
الامل والمؤملين عليهو
* امس بعون الله
* وبفضل منه
* قضينا علي الامل وعلي المؤملين عليهو
* اجمل مافي المباراه
* انو الامل جاهو امل بعد ان تعادل
* والمؤملين في الامل جنوا
* ظنوا انو (القيم ) انتهي
* نسوا ايدكو
* وناس الامل نسوهوا معاهم
* الاخوه الاهله الاشقاءالاشقياء( وهذا قدرهم )
* كانت عندهم ندوه ثقافيه في ناديهم (بيت زرقان )
* ثقافه علي ضفاف الكسبره والشمار
* يتثفوا بالشمارات
* ولما تعادل الامل
* تركوا الثقافه
* والقيافه
* ورقصوا بكثافه
* واذا بايدكو يحول الرقصه الي (اسلو )
* كل واحد من الجماعه حضن واحد ورقدوا واطه
* شئ تشجنج
* وشئ هضربه
* وشئ غيبوبه
* واحدين قاموا جاريين
* ايها الاخوه الاشقاء الاهله
* قلنا ليكم المريخ ده بخلي المجنون يهبش والعاقل يطقع
* كان اخير ليكم تنتهي تلاته صفر
* لكن بعد ما الامل اداكم امل
* بقت احلي
* وهو في حلاوه الذ من نلقاكم مننطين عيونكم والحساده مولعه عيونكم جمر ؟؟؟؟
* ياحاسدين غرامنا
* المهم
* ساكواها تاني سواها
* اربعطاشر مره سواها
* وايدكو قضي علي الازرق واليابس
* ايدكو كده جاب كم قون؟
* قلت لي كنج كونج جاب اولادو ؟؟؟؟؟
* قالوا سادومبا ينافس ساكواها
* وهو ايدكو الجانا امس ده اظنوا لحق سادومبا
* ولحق ناس سادومبا امات طه
* اتأملي
* في قون ايدكو
* لكن ياتو قون فيهم ؟؟؟؟؟؟
* في قون رمضان
* لكن اقوان رمضان بتاعت ايدكو ماكتاااااار
* ياتو فيهن
* بعد الكوره سألت هلالابي
* قلت ليهو احلي قون ايدكو التاني ولا احلي قون ايدكو التالت ؟؟؟
* قال لي ايدكو الجن ده جبتوهوا من وين ؟؟؟
* قلت ليهو جابو العقيد صديق علي صالح
* شكرا سعادة العقيد
* وتاني جيب لينا واحد
* هلالابي زعلان قال لي ايدكو قدر عربية النفيايات
* قلت ليهو العربيه عندنا وقروش النفايات عندكم
* غايتو ياهلالاب
* اقوان ايدكو ديل
* واحد فطور
* وواحد سحور
* واتسحري
* ايها الناس
* قلنا ليكم مباراة الامل هي مباراة البطوله
* مبروك علينا الممتاز مع احترامنا للباقيين
* لكن اتمني ان يكون الامل كذلك طوالي
* واتمني ان اجد الامل في مباراة الجماعه مصرا علي الفوز
* واتمني ان تقتنع القاعده الرياضيه بان الامل يلعب لنفسه فقط
* واتمني ان يكسب الامل كل مبارياته المتبقيه بالذات داخل عطبره
* واتمني ان لاتنتهي صداقة ناس رمضان والرشيد بالامل
* ماممكن علاقه زي دي تنتهي بمجرد احراز ايدكو للهدف الثالث لفريقه والثاني له
* علي اليمين القون التاني
* حلف النيتو مايضربها بالقوه دي
* صديق علي صالح
* عافي منك يا اخوي
* ايها الناس
* الجماعه بقوا ناس ثقافه سااااااااااااي
* تاني رجعوا للندوه
* بقروش النفايات
* بالفي
* بالمافي
* السنه دي اقلبوهوا ثقافي
* اسلام قالت لي الكوره وين ؟؟
* قلت ليها في الشرق
* قالت لي في همشكوريب ؟؟؟؟
* قلت ليها يابت نحنا بتاعين همشره وكريب كمان ؟؟؟؟؟
* ايها الناس
* كانت مباراه صعببه جدا
* ولكنها ممتعه
* واحد قال لي كوره تلاته ساعات ؟
* قلت ليهو الكوره دي لاعبه عشره يوم
* تلاته ساعات شنو
* المهم
* قضينا علي آخر امل
* وعلي كل المؤملين عليهو
* اتأملي
* شفت المريخ ده جميل كيف ؟؟؟؟
* تاني اتأملي
* ايها الناس
* دي تصبيره
* بكره الكلام
سلك كهربا
ننساك كيف والجماعه ايدكو رقصهم ( اسلو)
والي لقاء
سلك
| |
  
|
|
|
|
|
|
|
|
Re: خيبة أمل الصفيراب في الأمل ( شوفو الأهداف ) (Re: هجو الأقرع)
|
لان الاخوة الصفيراب بتاوقو لعمود مزمل قبل صحفهم
اهه العمود موجود هنا كبد الحقيقة
عافى منك يا مزمل
ضاع أمل الأمل.. وأمل من وضعوا آمالهم في الأمل!
* عفواً هذا المريخ القوي لا يمكن الوصول إليه مطلقاً!
* صدارة بجدارة.. والفارق أكثر من مازيمبي!
* ناكل حارة ما نضوق باردة.. عشان متعتنا تزيد.. وصدارتنا تقيد!
* مريخ أديكو شديد!
* مريخ صعب.. ضد اليأس والتعب!
* عفواً يا وصيف دنيانا.. قطار الصدارة الأحمر لا يعرف التوقف في المحطات الصغيرة!
* من ينتظرون تعطله سينتظرون طويلاً!
* أديكو يصنع الفرق!
* أديكو يكيل العين!
* والرماد كال فريق الطاهر حماد!
* مسكين البدأ يأمل.. أملو يغلبو تحقيقو!
* أضاع المريخ الأمل.. وقضى على أمل من وضعوا آملهم في الأمل!
* يا حسرة.. فرحتهم لم تكتمل!
* نقاط الولايات كاملة غير منقوصة داخل الجراب الأحمر!
* لن تسقط منا نقطة ولايات واحدة!
* زعيم الصدارة الأحمر أحضر 9 نقاط من الميناء لا رسوم.. لا جمارك لا أرضيات!
* في الربيع.. في الشتاء.. في الصيف.. في الخريف.. المريخ رافض يقيف!
* في بورتسودان.. في أفغانستان.. في طاجيكستان.. في أوزبكستان.. الزعيم فنان!
* والضرب ألوان!
* عاوزين الكورة الجاية في جدة!
* ماكوك الفضاء ديسكفري استكشف مرمى شلبي!
* باكر يقولوا شلبي بايع!
* كل حراس الممتاز باعوا للمريخ!
* من المعز لي شلبي.. إلا من رحم ربي!
* البيع بالجملة.. والضرب قطاعي!
* جيب من جوة يا شلبي!
* أديكو الما خيب ظني!
كلو بالراس.. أهداف بالمقاس
* أفعى زامبية.. وكوبرا إيفوارية!
* كلو بالراس.. والأهداف بالمقاس!
* شبال من سكواها الذي سواها.. وشبالان من أيدكو الذي حلاها!
* لا أمل ولا يحزنون!
* أديكو سواها.. وسكواها ختاها!
* لبس الأمل الأزرق.. ونال المعلوم!
* ثلاث حبات.. قبل النوم!
* بندول سكواها حبة عند اللزوم!
* وبندول أديكو.. حبتين عند اللزوم.. وواحدة قبل النوم!
* ضاع أمل الأمل.. وضاع أمل الهلال!
* أو كما قال سعودي الحواتة: في البرد في السخانة أو في المطر.. مريخنا خطر بمن حضر!
* أمل أيه اللي انت جايي تقول عليه؟
أديكو فنان وضربو في المليان!
* فاز المريخ عنوةً واقتداراً ورفض الاستلام لانتفاضة الأمل وعاد من بعيد في الزمن الصعب وحصد أغلى ثلاث نقاط في الدوري الحالي.
* ما عاناه المريخ أمام الأمل أمس لم يحدث له حتى أمام الهلال!
* لكنه قاتل قتال الأبطال.. وانتزع الفوز رجالة وحمرة عين.
* ليس هناك خصم قادر على إيقاف المريخ القوي.
* في الميناء أو في شندي الحنينة.. نجمتنا زينة!
* وأديكو ثابت مغطينا!
* الوصيف مضروب.. وثالث الترتيب مغلوب!
* من أيدكو لسكواها.. من سكواها لأديكو دبل شبال.. مريخنا عال العال!
* والمؤملين.. ناموا حزنانين (مع تحيات إيهاب رفاعة).
* المحرش ما بكاتل!
* أديكو ريمي الفنان.. ضرب في المليان!
* قول معاي يا الرشيد.. أديكو عاجي.. نسانا راجي!
مساعدا الحكم كادا يصيبا المريخ في مقتل
* كاد مدرب المريخ حسام البدري ارتكب أخطاءً فادحة في إدارته للقاء الأمس وكاد يضيع النتيجة على فريقه بتبديلاته الغريب والعجيبة في الحصة الثانية.
* كان المريخ متقدماً بهدفين نظيفين ومسيطراً على اللقاء بالكامل ولم يكن بحاجة إلى تبديلات هجومية، ومع ذلك أدخل البدري العجب وسحب وارغو المتحرك، ثم سحب سكواها وأدخل كليتشي، بدلاً من الاهتمام بتعزيز خطه الخلفي بتبديل دفاعي يحفظ به النتيجة ويعزز به الترسانة الخلفية!
* أنقذ أديكو ماء وجه البدري وجنبه وضعاً محرجاً للغاية.
* ويجب على مدرب المريخ أن يضع حلاً لمسلسل الأهداف التي تلج مرمى المريخ من الكرات العكسية التي تلعب خلف المدافعين!
* اهتزت شباك المريخ خمس مرات في الدوري الحالي بالطريقة نفسها.. والبدري لا حس ولا خبر.
* صحيح أن حكم اللقاء الدولي هاشم آدم أدار اللقاء بطريقة أكثر من متميزة، لكن المساعدين أثرا على النتيجة بصورة واضحة وارتكبا أخطاءً فادحة تضرر منها المريخ بشدة.
* نقض المساعد الثاني محمد إسماعيل هدفاً صحيحاً أحرزه أديكو في الحصة الثانية براية خاطئة كادت أن تضيع على الأحمر فوزه الجميل.
* وغض المساعد الأول الطرف عن حالة تسلل واضحة سجل منها الطاهر حماد هدفاً غير شرعي عادل به النتيجة للأمل في الزمن الصعب.
* فوز المريخ على الأمل ينبغي ألا يعمي مجلس المريخ عما فعله المساعدان المذكوران في لقاء الأمس!
بمبان خصوصي!
* قال الأخ الفاتح إبراهيم التوم سكرتير النادي الأهلي الخرطومي إن جمهور شندي لا علاقة له بكرة القدم ورئيس الأمل عاقل لأنه رفض إقامة مباراة الأمل والمريخ في شندي!
* وادعت إحدى الصحف أن ستة من لاعبي الأهلي الخرطومي نقلوا إلى المستشفى جراء إصابتهم باختناق عقب إطلاق الغاز المسيل للدموع داخل الإستاد بعد نهاية لقاء الأهلي شندي والأهلي الخرطوم!
* الفاتح معذور في حنقه على شندي، لأن فريقه خسر أمام أهلي شندي رايح جاي!
* نعم تم إطلاق عبوة واحدة من البمبان بقرار متسرع من أحد رجال الشرطة، إذ لم يكن هناك ما يستدعي إطلاق البمبان أصلاً!
* عبوة واحدة أطلقت على المدرجات الشرقية وحملتها الرياح بعيداً عن الملعب في ثوانٍ، ولم يكن لها كبير تأثير على حتى على الجمهور الموجود داخل الإستاد!
* لكن لاعبي أهلي الخرطوم تفننوا في السقوط على الأرض مدعين أنهم تعرضوا للاختناق سعياً إلى عدم إكمال المباراة التي كانوا متأخرين بنتيجتها حتى ما قبل نهايتها بثوانٍ معدودة!
* والغريب في الأمر أن الاختناق المزعوم لم يحدث للبرازيلي إيلتون بتري مدرب أهلي الخرطوم، ولا مساعديه، ولا أفراد الجهاز الطبي ، ولا للاعبي أهلي شندي ولا لأي فرد من الجمهور الذي شهد المباراة!
* لاعبو الأهلي الخرطومي وحدهم استنشقوا الغاز المسيل للدموع واختنقوا به دون غيرهم ويا للعجب!
* بمبان خصوصي ده يا الفاتح؟
* يبدو أن بمبان شندي مبرمج لتجنب أنوف جمهور شندي ولاعبي شندي واستهداف أنوف الضيوف وحدهم!
* المحاولة المضحكة لم تنطل على أحد، وقد انتظر حكم المباراة الزمن القانوني على أمل أن يكف لاعبو أهلي الخرطوم عن تمثيلهم غير المتقن وينهضوا ويكملوا المباراة ولكن هيهات!
* شاهد كثيرون بعض من أصابهم هدف محمد عوض بالوجع وهم يطالبون لاعبيهم عدم النهوض من الأرض سعياً إلى إلغاء المباراة التي خسروها داخل المستطيل الأخضر وتفوق فيها نمور الأهلي عنوة واقتداراً!
* وهي محاولة فاشلة ولن تثمر شيئاً لأن حكم المباراة ومراقباها وقفا على حالات التمثيل المضحكة التي استهدفت إلغاء المباراة وتخليص الأهلي الخرطومي من ورطة الهزيمة المرة أمام النمور.
* إن مساعي الإساءة لمدينة شندي لن تثمر ولن تنطلي على أحد، والحقيقة تؤكد أن أهلي شندي هزم خصمه بجدارة داخل الملعب بثلاثية مثلما هزمه في الخرطوم بثلاثية أيضاً!
* ثلاث حبات في الخرطوم، وثلاثة حبات في شندي يا الفاتح!
* الفاتح فيها كم نقطة؟
آخر الحقائق
* صححني أحد الأصدقاء مؤكداً أن معتمد عطبرة الأستاذ حسن سليمان علي لم يشهد التدريب الأخير للأمل قبل سفر الفريق إلى بورتسودان.
* وذكر لنا أن التدريب المذكور شهده معتمد الدامر حسن عمر الحويج والذي حض لاعبي الأمل على تحقيق الفوز وأعلن عن تحفيزهم بالمال!
* دوافع الأخ الحويج معلومة لكل من يعرفون انتماءاته الرياضية.
* ترى هل سيحرص الحويج على تحفيز لاعبي الأمل قبل مباراتهم المقبلة أمام أهلي الخرطوم؟ أم أن حوافزه حصرية على مباريات المريخ؟
* وهل سيحفز لاعبي الأمل قبل مباراتهم الدورية مع الهلال؟
* الحويج هلالي الهوى، وتحفيزه للاعبي الأمل قبل لقاء الأمس معروف السبب!
* لا تحفيز ولا يحزنون.. المريخ غالب في كل الظروف.
* نرجو من الحويج تحويل حافزه لتحسين إضاءة إستاد الدامر!
* لا ندري ما سبب الانفعال الأرعن الذي أدى به لاعبو الأمل لقاء الأمس؟
* لماذا كل هذه العدوانية ولماذا كل هذا العنف والتهجم على لاعبي المريخ؟
* هل كانوا يبحثون عن الفوز أم الحافز أم ماذا يا ترى؟
* المريخ غالب في كل الظروف!
* الزعيم في القمة!
* الأحمر قطار يجر من خلفه بقية العربات.
* نصوم بمزاج.. ونفطر على أهداف أديكو الرأسية.
* صدارة بجدارة.. في الفطر والصوم!
* أقلهم ثمناً أكثرهم أهدافاً!
* أديكو الممتاز.. مسخ الممتاز!
* المريخ منتصر.. المريخ بطل.. أفرنقعوا!
* إنذار الحضري غير مبرر ويستحق عليه خصماً كبيراً من الراتب والحافز.
* يا حضري خليك كبير.. والكبير كبير مهما يصير.
* لم يكن هناك أي داع لإشراك العجب طالما أن المريخ متقدم والأمن مستتب.
* يا بدري فتح عينك تاكل ملبن!
* ويا شلبي فتح شبكتك تاكل أديكو!
* راهنت على الجوكر الإيفواري والعقرب الزامبية ولم يخذلاني.
* اديكو لمسة حنان!
* دي الجنني حير فكري.. ده الشغل بالي!
* اديكو ريحني في حناني!
* سيف أديكو الصقيل قطع الأمل!
* أمل الهلال ضاع شمار في أديكو!
* انتهينا من مسلسل (ضاع الأمل)!
* مين اللي بعدو؟
* صفوة بروتسودان آخر حلاوة.
* أحمر بورتسودان جميل جمال.. مالوش مثال!
* شجعوا بحرارة.. وتابعوا المريخ حتى سلم الطيارة.
* مبروك يا صفوة.
* نطالب الاتحاد بنقل لقاء النيل إلى بورتسودان!
* ونرجوه إقامة لقاء التتويج في الثغر الجميل.
* مريخاب بورتسودان نعم المريخاب.
* الزعيم ملك الزمان والمكان في شندي.. في أم درمان أو في بورتسودان!
* انقطع الأمل وضاع العشم!
* ما حك ظفرك مثل جلدك!
* أضاعوها بأمر سكواها وفتشوا عنها عند الأمل!
* مريخ الميناء أحلى من العسل وأطعم من السكر!
* مريخ صعب ضد التحكيم والتنجيم!
* في عز الحر والسخانة والرطوبة.. مرطبين وفرحانين!
* سخانة المريخ أعلى من سخانة بورتسودان!
* صورة القناص الإيفواري أعلى العمود مطلب شعبي!
* أديكو يكيل العين!
* سكواها الذي سواها في صدارة الهدافين!
* دقر يا عين!
* ثلاث نقاط رجالة وحمرة عين!
* مريخ عفيف شريف.. لا يتعثر لا يقيف!
* سنسترجع حلاوة أهداف أديكو وسكواها حتى العيد!
* لعب الأمل الحصة الولى بالأصفر اديناهو قون!
* ارتدى الأزرق أخد خبطتين!
* بالبلو قونين.. أديكو ضرب اللون مرتين!
* أكدت مباراة الأمل أن المريخ ينتزع النقاط عنوةً ولا يجيد اللعب خارج الميدان.
* خمسة أهداف بالرأس، لكن هدف المريخ الأول (دبل هيد)!
* والثالث (دبل لوعة.. ودبل وجعة)!
* نمة زهانا محمدانا: هلال عطبرة القدامنا نفاش ريشو.. عافين سببو محفوظ في الدواخل فيشو.. اطروا كلامي في هلال عم ميشو.. يلعبوا بي أدب وباكر نشوف تفتيشو!
* تم دفن أمل الأمل وأمل من أملوا في الأمل في البحر الأحمر!
* معركة حربية حسمناها برؤوس نووية!
* مريخ الرجال لا يخشى النزال!
* وبورتسودان حمرا وشرارة!
* حتى البحر فيها أحمر!
* قلنا لكم إن الزعيم قادر على تحقيق الفوز حتى ولو لعبت المباراة بجوار كوبري عطبرة الجديد!
* آخر خبر: اديكو يا ثقيييييييييل!
| |
|
|
|
|
|
|
| |
هجو الأقرع
OSMAN SAYED MOHAMED
محمد البشرى الخضر
البحيراوي
abas
ابراهيم الصغير
فيس بوك
تويتر
انستقرام
يوتيوب
بنتيريست