|
|
|
 Re: غـايـتـو بـس، الله يـلـزمـنـا الـصـبُـر !!! ... (Re: معاوية المدير)
|
الظروف والأوضاع المتردية أجبرت السودانيين ان يمشو
مرغمين في مناكب الأرض. يهيمون في كل وادٍ طلباً للرزق
وبحثاً عن وضع أفضل، بينما آخرين منّ الله عليهم برزقهم
من غير ان يهاجرو خارج الوطن.
الكل يحمل هم البلد سواءً كان بالدآخل أو الخارج. المساحة
المتاحة لنا للتواصل بين الدآخل والخارج هي هذا المنبر.
في إعتقادي ايّ موضوع مطروح في إطار الوطن يمكن
ان يؤدي لنقاش إيجابي ووجهات نظر مختلفة ربما تؤدي
إلي حُلول لبعض المشاكل التي تعاني منها البلد.
بعض الناس لا يحسنون حتي الآن ان يفرقوا بين مصلحة
الوطن والولاء للحزب، ويعملون المستحيل لإقصاء الآخر
بإستعمال سُبُل ووسائل عقيمة مثل نعت المغتربين بأنهم
يعيشون في ابراج عاجية ولا يحق لهم الحديث فيما يخص
البلد، وايضاً حصل هجوم علي حاملي الجوازآت الأجنبية،
واليوم ظهر ماهو أدهى وأمر من الإتنين انفات الذِكر، الآ وهو
محاولة النيل من الذين يعيشون في دول امريكا الشمالية
واوروبا.
غايتو العايشين في الدول دي ليهُن الله...
| |
 
|
|
|
|
|
|
|
|
Re: غـايـتـو بـس، الله يـلـزمـنـا الـصـبُـر !!! ... (Re: معاوية المدير)
|
Quote:
يا زول دا كلام شنو؟
اقعد محل ما يعجبك في عين اتخن تخين و البيقول ليك عب قولو افعل و اترك لأمك
امهاتنا ولدننا احرار و وكان للون كمان عندهم راي في خلقة رب العالمين |
سلآمات يا ود البشرى.
وحاتك يا ود البشرى ما وجدنا منهم إلا كل خير،
وعهدناهم محترمين ولا يعاملون الغريب في
اوطانهم علي إنه غريب، بل يحسبوه وآحد منهم
بلآ فرق.
نحن يا ود البشرى جاتنا من الدآخل، وظُلم ذوي
القربى أشدّ مضاضةَ علي النفس من وقع الحُسام
المُهنّدِ.
تحياتي، ورمضان كريم...
| |
|
|
|
|
|
|
|
|
|
Re: غـايـتـو بـس، الله يـلـزمـنـا الـصـبُـر !!! ... (Re: معاوية المدير)
|
مفاهيم غريبة جداً!!!؟؟؟
تصوروا بعض الناس عندهم فهم إنو العايشين في اوروبا وامريكا الشمالية
يعاملون كمواطنين مُش درجة تالتة، إنما ما عندهم درجة زاتو، يعني كده
مضطهدين وممسوحا بيهم الوآطة، وبُناءً عليه هم يعاملوهم كمواطنين
عديمي القيمة ويحجروا عليهم حتي أرآهم. يعني ما تقول رايك يطلع ليك
وآحد ويروح مدوّر فيك: إنت الخواجات طالقين فوقك شفعهم طول اليوم
مسيرِنّك العبد، العبد، وجاي هنا تعمل لنا فيها وطني يا..... ويروح
رادمك شتائم تجعل الحليم حيران!!!!!!!!
يا جماعة ده كلآم ده؟؟؟
من وين عرفتو إنو السودانيين في بلآد المهجر يعاملونهم بهذه الطريقة؟؟؟
هي محاولة لإقصاء الآخر ليس إلا، ومحاولة غير اخلآقية، وبصرآحة
اللقيناهو من حكومات الغرب من حكومتنا التي تدعي رفع شعارات الإسلآم
والعمل بها ما لقيناهو. بس هذا لا يعني إننا نحن مستكينين للوضع العايشنو
ده، إنما برضنا بنسعى لوضع أفضل لبلدنا وأهلنا.
| |
|
|
|
|
|
|
| |
معاوية المدير
محمد البشرى الخضر
اسماء الجنيد
فيس بوك
تويتر
انستقرام
يوتيوب
بنتيريست