|
|
|
 Re: السيسى ذلك الشاب الجذاب ذو الخطاب الجاذب !! (Re: Elhadi)
|
ظل الدكتور الحبيب التجاني سيسي فاعلا ومتفاعلا مع قضايا الوطن الحياتية والحيوية ومن يسال عنه لجهل منه بسبب ضعف متابعته السياسية وعدم معرفة برموز الوطن وقادته الذين وصلوا لسدة السلطة عبر الخيار والاختبار الشعبي ... فان هذا عيب في السائل لا املك معه الا ان اطالبه بمزيدا من المذاكرة
| |
 
|
|
|
|
|
|
|
 Re: السيسى ذلك الشاب الجذاب ذو الخطاب الجاذب !! (Re: عمر عبد الله فضل المولى)
|
| Quote: ظل الدكتور الحبيب التجاني سيسي فاعلا ومتفاعلا مع قضايا الوطن الحياتية والحيوية ومن يسال عنه لجهل منه بسبب ضعف متابعته السياسية وعدم معرفة برموز الوطن وقادته الذين وصلوا لسدة السلطة عبر الخيار والاختبار الشعبي ... فان هذا عيب في السائل لا املك معه الا ان اطالبه بمزيدا من المذاكرة |
يعني بالواضح كدا يادينا الزول دا قاليك الزول دا (حزب أمه) أو كان كذلك
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: محمد عبدالرحمن)
|
| Quote: ظل الدكتور الحبيب التجاني سيسي فاعلا ومتفاعلا مع قضايا الوطن الحياتية والحيوية ومن يسال عنه لجهل منه بسبب ضعف متابعته السياسية وعدم معرفة برموز الوطن وقادته الذين وصلوا لسدة السلطة عبر الخيار والاختبار الشعبي ... فان هذا عيب في السائل لا املك معه الا ان اطالبه بمزيدا من المذاكرة |
الأخ عمر
أنا يومياً اقرأ جميع الصحف السودانية ومداوم على المسألة دي من 8 سنوات لم أنقطع عنها
ومع ذلك اقول لك أن التجاني السيسي هو فعلاً كما قالت الأخت/ دينا
طلع فجأة كدة..
نعم.. المعروف عن الرجل أنه/ حاكم دارفور السابق عن حزب الأمة..
وقد تكون أنت ذو معرفة به من خلال نوافذ أتيحت لك عبر الحزب او غيره.. لكن عليك أن تسأل بقية
أعضاء المنبر عن الرجل، وخليهم يعطوك انطباع..
الأخت أثنت عليه وابدت اعجابها بخطابه.. - وكما فهمت - فإن جل تساؤلاتها كان يدور في اطار أن
الرجل ظهر فجأة وأصبح أحد رموز قضية دارفور.. وبرز له دور في الصراع، ولم يكن معروفاً
في هذا المضمار من قبل. فليس له جيش على الأرض بحسب ما هو متاح من أخبار..
يعني بالواضح.. الرجل ليس له وزن مثل بقية القادة الدارفوريين المعروفين
نعم في السابق هو كان جزء من منظومة حركة حركة التحرير والعدالة التي كان ينضوي
تحتها/ محجوب حسين.. لكن بعد فوضى الانشقاقات التي ضربت حركات دارفور لم نسمع أن للتجاني
السيسي عساكر وقوات على الأرض.
بل حتى لما كانت الحركة موحدة، لم يكن لحركة التحرير والعدالة أي أثر على الارض
في المراحل السابقة التي كنا نتابعها جميعاً، وفيما يخص ادارة الصراع في دارفور، لم يكن للرجل
دور معروف في الميدان مثل عبدالواحد ومني أركو وخليل وغيرهم.
وحتى الأعلام لاحظ ذلك.. ولا أشترط أن يكون اعلام رسمي أو منظم...فكثير من الكتابات دارت
حول هذا الظهور المفاجيء، حتى عده البعض (دسيسة انقاذية) بحسب تعبير المعارضين
كنت ارجو أن يتم الرد على التساؤل في اطار يوضح الحقائق يا أخ عمر
لكن يظهر أن الحساسية الحزبية تطغى أحياناً حتى انها قد تفوت علينا الاستفادة مما يطرح هنا
تحياتي
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: محمد عبدالرحمن)
|
Quote: هلا دينا ..
فعلا التجانى السيسى كان واحد من قيادات حزب الامة ..اتى
به حزب الامة من جامعة الخرطوم حيث كان استاذا للادارة بكلية
الاقتصاد فى الثمانينات ليتقلد منصب حاكم دارفور ..وعندما
جاءت الانقاذ كان من اشد المعارضون لها ..وكان من اوائل
نزلاء بيوت الاشباح ..طاردته الانقاذ ولاحقته ..وخرج للقاهرة
وشارك فى تاسيس التجمع ..اختلف مع البعض وترك القاهرة
وذهب ليعمل موظفا فى الامم المتحدة ..شخصيا كنت اتمنى
ان يرشحه حزب الامة للرئاسة فى الانتخابات الاخيرة التى
لم تكتمل ...حاليا لااعتقد ان الدكتور التجانى السيسى تربطه
علاقة تنظيمية مباشرة بحزب الامة ...فالمتابع لتحركات الرجل
السياسية الاخيرة يفهم انه ذهب لمربع جديد ..بعيدا
عن الاتفاق الاخير ..الرجل مؤهل تاهيلا جيدا ليكون رئيس
لكل ا لسودان ..ويمتلك روح قومية وفهم متقدم لم اجده
عند سواه ..حضرت له ندوة هنا فى الدوحة خرجت مزهوا
به تماما ..واكثر مااعجبنى النظرة القومية التى ينظر
بها لقضايا السودان ..رجل صقلته التجارب والتاهيل
الاكاديمى ..واعتقد ان الحل فى حكومة قومية تضم كل
القوى السياسية لتضع الحلول والاسس لدولة حديثة بدلا
عن الدولة العاجزة القائمة الآن ..وارشح الدكتور السيسى
ليكون رئيسا لها ...اولا لانه مؤهل لذلك وثانيا لاعادة
الثقة بين مكونات الدولة السودانية واثنياتها المختلفة .
لما فى هذا الترشيح من دلالة ... |
وكان اخر حاكم لولاية دارفور في حكومة الصادق المهدي
واناايضا اعجبني خطابه السياسي
ولكن ما فعله سيسي
لايمتلك قوة عسكرية
| |
|
|
|
|
|
|
|
 Re: السيسى ذلك الشاب الجذاب ذو الخطاب الجاذب !! (Re: محمد عبدالرحمن)
|
Quote:
ظل الدكتور الحبيب التجاني سيسي فاعلا ومتفاعلا مع قضايا الوطن الحياتية والحيوية ومن يسال عنه لجهل منه بسبب ضعف متابعته السياسية وعدم معرفة برموز الوطن وقادته الذين وصلوا لسدة السلطة عبر الخيار والاختبار الشعبي ... فان هذا عيب في السائل لا املك معه الا ان اطالبه بمزيدا من المذاكرة
|
كنداب حربة ما بتتسلخ كان الييدين من المسك تتملخ
-----
دينا ما تحرجينا ياخ!
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: قيقراوي)
|
الدكتور الحبيب التجاني سيسي
من قال (لست خير الناس كلهم) لا يعرفك فجهله بك عند الناس عاذره
البيت هذا لصاحبة البوست
بخصوص الصحف الصفراء والاذاعة والتلفزيون فهذه في مثل هذا العهد الغابر والكالح كانت قد نعت الراحل الازهري باعتباره مدرس رياضيات
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: عمر عبد الله فضل المولى)
|
| Quote: ظل الدكتور الحبيب التجاني سيسي |
عمر المولى .. يبقا كلام ابوى صاح الراجل كان حزب امة .
واكد ذلك العزيز محمد عبد الرحمن .
بصراحه انا لم اخف اعجابى بالرجل وبحديثه وبلفتاته فى الخطاب
حتى وان اختلفت معه فى شكر سيمبويا ولا اسمو منو باسولى دا
او ال محمود ..
الرجل صاحب كاريزما لا ينكرها الا مكابر
رغم انى وكما قلت صادقه لم اره الا لحظتها ..
ومن الاول سالت من هو واين كان ؟
لا اشك فى اى كلمة سطرها محمد عبد الرحمن
لكن من المفترض انو هذا المنبر كان للتفاوض مع الحركات
المسلحة ! فقط
فاذا كان المنبر مفتوح للتفاوض مع اصحاب المواقف الكبيرة
والمعارضين من جم .. كانو يقولوا ..
لكن تفتح تفاوض باسم الحركات المسلحة ..
وتنتهى بالتوقيع مع احد المناضلين والمثقفين المدنيين ..
هذا هو الشىء الغريب جدا ..
ــــــــــــــــ
يعنى هسه اى زول عنده المواصفات الذكرتوها
عن السيسى دى يمشى المفاوضات يخلوه يفاوض !!!
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: أمير فتحي)
|
فعلا هو شخصية نموذجية ...
سمعت عنه كثيرا ولم اراه الا في خطابه في الدوحة
وجه سوداني مشرف ...
انيق جدا (على عكس اغلب الساسة السودانين) نضيف جدا (وللأسف مظهر السودانين وان كانو نظيفي الظواهر والبواطن يشير الى انهم اتو من قبور بالوى والدكادك)
لغته فصيحة وخطابة جميل وان دل على شيء فإنما يدل على انه متعلم جدا ومثقف جدا
اذا ترشح لرئاسة السودان في انتخابات حقيقية فسوف انتخبه
.......
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: عمر عبد الله فضل المولى)
|
| Quote: فان هذا عيب في السائل لا املك معه الا ان اطالبه بمزيدا من المذاكرة |
صدقت يا عمر فالرجل فعععلا يحتاج لمزيد من المذاكرة
لانو فى المذاكرة العادية دى ما عترنا بى .
ولا فى العناويين ولا مع القاده ولا فى ما ظهر من اخبار
ولا حتى فى المعلوم من السياسة بالضرورة !
صدقت فهو يحتاج لمزيد من البحبته والتقصى ..
اذنـــــــــــ لم نظلم الرجل فهذا ما قلناه !!
يا عماد حسين سلامات ياخ
شكرا لدفاعك عنى .. ما تعصر على الحبيب عمر دا
فهو راجل صاحبنا بس بعصب شوية لما تدوس على ناسو فى الحزب
لكن الما ناسو ديل والله الحزب ما يحلهم منو .. لووووب
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
يا فايز يا ود القاضى
ياود يا بتاع ما تحت السطور انت !
يعنى هو حزب الامة قدرى انا ؟ ما قدر ابوى
| Quote: وهل الدوحة ساحة حرب ام دارفور تعنى المسلحين فقط ؟!!! |
والله اخير انا ..
الدوحة منبر تفاوضى توسطت فيه دولة قطر والاتحاد الافريقى والامم المتحده
ممثله فى يوناميد توسطوا لايجاد حل ووساطة بين الحركات المسلحة التى تحارب
على الارض وبالسلاح وبين الحكومة لايجاد حل سياسى بدلا عن الحل العسكرى
بقا اسمو منبر الدوحة
التفاوض فيه انحصر بين الحركات المسلحة وفى دارفور بس وبين الحكومة ..
يعنى ما نادوا ناس الادارات الاهلية فى دارفور
ولا نادوا ناس المنظمات ولا الاحزاب فى دارفور ..
خلاص ايدى وجعتنى بقا ..
دا طبعا بدل اقول ليك امشى ذاكر ذاكرت ليك انا ..
شفت الخفة دى ... دا بس لانك فايز .
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
اضافة:
عبدالواحد محمد نور+الدتور خليل إبراهيم + مني اركو مناوي
هم اعمدة الفصائل العسكرية
ومسيطرين على ذمام الامور في جميع ولايات دارفور الثلاثة
والاخطر من ذلك ملشيات الحكومة ايضاً لهم الدور الاكبر في تعطيل بناء عملية السلام
مالم يتفق الحكومة من البقية فلا يكون هنالك سلام
والسلام الاساسي مع هؤلاء القادة الثلاثة
هم ركيزة السلام
تيجاني سيسي وحاشيدته قد يكونوا اضافة فقط للاكاديمين والافندية العاطلين عن العمل
اما الحماية فهم اكثر حيرة
فلا وجود لهم في حواكير دارفور الا انهم ابناء دارفور
فصاحة لسانه قد جعله خطيب امام المجتمع الدولي
لك خالص شكري
اختي دينا
| |
|
|
|
|
|
|
|
|
|
Re: السيسى ذلك السقوط المعيب !! (Re: ذواليد سليمان مصطفى)
|
سلام
د. السيسي له كفاءته الاكاديمية المشهودة.. لكن سياسيا لم يحالفه الحظ أن يكون يوما رقم في المعترك السياسي كغيره من قادة دارفور..
فحتى رئاسته للاقليم في التمانينات لم يكن هو أفضل الموجودين بل كانت سياسة ترضية الاطراف المتنافسة في الحزب للفوز بمنصب الحاكم..
لم يجد موطأ قدم مع قيادة التجمع بعض انقلاب الانقاذ.. ول يرمي بنفسه في المكان المناسب لبناء كاريزمة سياسية يفتقدها مع أنداده في حزب الامة أو حتى وسط أبناء دارفور..
وكان الاغرب أن لا يشفع له الزمن الطويل الذي قضاه في ضروب السياسة ويأتي أرجوزا في يد النظام الذي لا يعرف العهود ولا المواثيق ويوقع اتفاقا ليس له اي وزن في قضية أهل دارفور..
لم يتعظ من تجربة مناوي الذي جاء عن طريق القوة ولم يجن الا الهشيم..
فجنى السيسي ظهورا اعلاميا وتصفيقا لبعض الوقت بما ساقه من كلمات تطفلية تمدح عمل باهت لا يمس المشكلة لا من قريب ولا من بعيد..
سقط التجاني السيسي كما سقط من قبله في بركة الانقاذ الآسنة.
وأحرق نفسه.. وأراح أهل دارفور من أراجوز آخر اسمه السيسي..
تحياتي
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: محمد الامين محمد)
|
ياجماعة دينا دى مزاكرة كويس وقراية شديد وكسارة لامن غلط
لم تتعرض لشخص التجانى السيسى ابداً ..بل على العكس معجبة بيهو كمان
البوست بقول انو الاتفاق الاطارى طلع حنك ساى وايو كلام فلا هو سيضمن سلام لدارفور
ولا هو تم مع المعنيين بالامر وهم الحركات المسلحة التى تصنع الواقع الاليم على الارض هناك بمشاركة الحكومة طبعاً
لكن لا بأس من بعض المنافع هنا وهناك فناس الدوحة دايرين يشوفو شغلهم ويستعدو لكاس العالم
وناس بشبش دايرين يعملوا ايو حركة فى شكل اتفاقية بدل الشرب مويتا نافع ديك
والبلد بقت ضيقة والسخانة الف والمطر ما جا و..و..و
النجيضة ماكتبه عماد :-
زول ما عندو قوة عسكرية..
ليس له أثر على الأرض البتة
الآخرون من القادة معروفون أكثر منه
ظهر فجأة ليصبح من رموز القضية..
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: احمد الأمين على إدريس)
|
يا امير فتحى سلامات
سمعنا بى زول اسمو ابوقرده وشهرتو اصلا كانت من
وجوده فى جيش العدل والمساواة .. لما مرق
مرق بى رااااااسو ما سمعنا لى بى حركة ..
اما محجوب حسين زماااان سمعتو نابذ السيسى وفات
وهو ذااتو عندو شعر طويل لكن ما عنده حركة ..
مرق من وين دخل مع منى لما عايز يوقع ابوجا
جاء الخرطوم وانشق على منى رجع مرق دخل مع ديل
ومرق اها دا نطيط زول معاه حركة ؟ فى حركة بتقدر تنطط
ذى دا ؟ بكامل عدتها وعتادها ؟؟
واااااى البفكنى من فايز دا شنو الليلة ؟
زول يدى قروشو خلى ينزل ,, هسه فى حركات اكبر من حقتك دى ؟
يكون الزول دا عامل لى حركة من ديل ؟
نحن ما بنتكلم عن قضية دارفور ..
الحديث هنا عن منبر الدوحاااااااااا خلاس !!
احمد امين
انت فهمت القصة
هم وقعوا اتفاق مع احد ابناء دارفور الاوفياء
حسب م عبد الرحمن .. لكن
التفاوض كان مقصود بيه ايجاد حل سياسى مع
من حملوا السلاح من الحركات
والتوقيع تم مع السيسى .. دى الفزورة هنا !
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
الهادى تراجى دى انت قايلها ما عارفه ؟
عاااارفا اى شىء .. وعارفه السيسى
كان عنده حركة ولا ما عنده ...
ود الباوقة ..
بسسسسسس البعجبنى فيك طواالى بترد باسم
الحكومة لا بتتردد لا بتتلفت لا بتخاف من نافع
قلت لى الباب مفتوح ؟
والسونكى وراء والطبنجه قدام ؟
لووووووووووب ..
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
الدكتور الحبيب التجاني سيسي لحركته جيش وقوة ضاربة ولو اراد النجومية السياسية على حساب المواطن ودارفور لفعل ذلك .... ولكن لانه قرر الحل السلمي وصبر عليه سنتين مع الاحتفاظ بجيش الحركة وسلاحه عكس الحركات الاخرى التي قررت الانتقام اولا وتقديم المطالب التعجيزية من ناحية ومن ناحية اخرى امرها في يد غيرها لهذا تجد دعما اعلاميا اكثر .... واذا لم تنفذ الشمولية الانقاذية الاتفاق حرفيا فحينها سيرى الجميع جيش هذه الحركة الكبيرة في عددها وعتادها .
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
سلام دينا خالد
والضيوف الكرام
Quote: فعلا التجانى السيسى كان واحد من قيادات حزب الامة ..اتى
به حزب الامة من جامعة الخرطوم حيث كان استاذا للادارة بكلية
الاقتصاد فى الثمانينات ليتقلد منصب حاكم دارفور
|
عفواً للخروج عن النص
لكن الزول دة كان أستاذ جامعي في الثمانينات
كما هو موضح أعلاه
وتجي دينا خالد تقول
Quote: السيسى ذلك الشاب الجذاب ذو الخطاب الجاذب !!
|
يعني يكون شاب كيف بس؟
---------------------------
الموضوع جميل يا دينا
وتحليلك أجمل
شكراً لكـ
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
Quote: وحركة السيسى امرها هنا فى يد السيادة .. امرها فى يد
النظام وليس لقوى البغى والعدوان !!!
ذو اليد
100 % |
حركة التحرير والعدالة امرها ليس في يد النظام اطلاقا بل هذا افك وكذب يروج لها خصوم الحركة ولو كان ذلك كذلك لما استغرق التفاوض هذه المدة الطويلة..... نعم هي حركة تفضل خيار الحل السلمي مقدمة في ذلك مصلحة انسان دارفور في المقام الاول الا انها حركة قادرة ومقتدرة ولها وجودها .... بخصوص الحركات الاخرى فان امرها في يد غيرها قصدت مثلا حركة الدباب خليل ابراهيم امرها في يد المؤتمر الشعبي وهي حركة قائمة على الانتقام مستغلة قضية دارفور حيث كان الدباب خليل وزيرا في دارفور وكان دبابا يقاتل من يطالب بحقه البسيط في الجنوب رافعا في ذلك شعارات الاسلام ..... وكانت دارفور وقتها تعاني فلماذا سكت عن معاناتها وذهب للقتال في الجنوب ثم عاد وزيرا ..... الخ . هذه الحركة الترابية وجدت احتضان من تشاد باسم القبلية من ناحية ولان النظام التشادي كان له عداء مع الشمولية الانقاذية ....
ارجو جادا ومناشدا ان لا تحاولي متعمدة ومترصدة النيل من الكبار قادة او مؤسسات
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: عمر عبد الله فضل المولى)
|
سؤال الى مندوب السيد ابو كلام في المنبر الاخ عمر فضل المولى :
هل عاد الدكتور التجاني سيسي الى الخرطوم ام مازال يقبع بالدوحة ؟
و سؤالي الثاني : هل قرأت مسودة اتفاق الدوحة ؟
طفقت تستخدم كلمة الشمولية في مواجهة الانقاذ كثيرا في هذا المنبر
من هو حامي الشمولية الان ؟ الشاويش بشرى الصادق المهدي ام الدكتور خليل ابراهيم ؟
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: فايزودالقاضي)
|
Quote: أثني كلام محمد عبد الرحمن
حركة التحرير والعدالة مؤهلة لقيادة دارفور
واسمحي لي بالبروفايل |
انا لم اقل حركة التحرير والعدالة مؤهلة لقيادة دارفور ..
اطلاقا لم اقل ذلك ..قلت ان دكتور تجانى سيسى مؤهل لرئاسة
السودان فى ظل حكومة انتقالية تحل محل النظام القائم الآن
لاقامة دولة العدالة والديمقراطية والتعايش بدل عن دولة الرؤية
الواحدة والثقافة الواحدة التى سوف تقضى على ماتبقى من سودان
..هل تتفق معى على ذلك ؟ ..فى انتظار ردك ...
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: محمد عبدالرحمن)
|
| Quote: .هل تتفق معى على ذلك ؟ |
لا يا محمد
| Quote: تجانى سيسى مؤهل لرئاسة السودان |
نعم
| Quote: حركة التحرير والعدالة مؤهلة لقيادة دارفور |
دي اضافة من عندي، ولم احرف كلامك واقتبست ما اتفق معك به
انت معارض وانا مؤيد للحكومة
و لا باس أن (تتقاطع) آراؤنا (أحياناً) ....ولّ رايك شنو؟
تحياتي
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: الشفيع وراق عبد الرحمن)
|
يا فايز
تصدق هو ما لمجمل القضية ؟ لانو ذى ما قلت انت
فى مداخلتك الاووولى ديك للقضية جوانب اخرى وفى
ناس ما حاملين السلاح وفى وفى وفى الخ
بس منبر الدوحة ببحث فى جزئية ايجاد حل سياسى بدلا
عن العسكرى لحملة السلاح فقط . باقى الناس بتكون قضيتهم لسه
قايمة ، باقى الناس ديل بالمناسبة فيهم كل السودانيين
بى احزابهم وتكتلاتهم البشوفو قضية دارفور دى قضية قومية ..
خلاص قلتا الرووووووووووب انا ... سمح ؟
ابراهيم قناوى
ما تحكها مع الراجل شديد
الشباب شباب الروح والقلب والشكل ياخ !!
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: الشفيع وراق عبد الرحمن)
|
الصادق ضرار !
Quote: هل عاد الدكتور التجاني سيسي الى الخرطوم ام مازال يقبع بالدوحة ؟
و سؤالي الثاني : هل قرأت مسودة اتفاق الدوحة ؟
طفقت تستخدم كلمة الشمولية في مواجهة الانقاذ كثيرا في هذا المنبر
من هو حامي الشمولية الان ؟ الشاويش بشرى الصادق المهدي ام الدكتور خليل ابراهيم ؟ |
اسئلتك فى الصميم
اين هى هذه المسوده فى زول شافها ؟؟؟
باقى كلامك الاخير دا نحن حذرونا غايتو بان لا نطال
الكبار ... انت مخيير !!
يا عمر
Quote: .ارجو جادا ومناشدا ان لا تحاولي متعمدة ومترصدة
النيل من الكبار قادة او مؤسسات |
هل تقصد كبر السن ؟
القادة قادة راى وعمل عام
والمؤسسات مؤسسات عمل عام ما الذى يمنع من ابداء الراى حولها
او حول افعالهم ؟ او حتى النيل منهم ؟
هم بعملوا الحاجات البتسمح لغيرهم بالنيل منهم ليييه ؟؟
لو الزول قاعد فااالح ح ينالو منو كيف ؟
طيب الصغار قادة ومؤسسات ... عااادى ممكن ننال منهم ؟؟
| |
|
|
|
|
|
|
|
|
|
Re: السيسى ذلك الشاب الجذاب ذو الخطاب الجاذب !! (Re: دينا خالد)
|
والله أظنهم بطبّزوا من صلح الحديبية
(ثم أسرعت قريش في إرسال سهيل بن عمرو لعقد الصلح، فلما رآه النبي قال:
قد سهل لكم أمركم، أراد القوم الصلح حين بعثوا هذا الرجل،
فتكلم سهيل طويلاً ثم اتفقا على قواعد الصلح.
فدُعي علي بن أبي طالب فقال: اكتب: بسم الله الرحمن الرحيم
فقال سهيل: أما الرحمن، فما أدري ما هو؟ ولكن اكتب: باسمك اللهم كما كنت تكتب.
فقال المسلمون: والله لا نكتبها إلا بسم الله الرحمن الرحيم
فقال : اكتب: باسمك اللهم
ثم قال: اكتب: هذا ما قاضى عليه محمد رسول الله
فقال سهيل: والله لو نعلم أنك رسول الله ما صددناك عن البيت، ولكن اكتب محمد بن عبد الله
فقال: إني رسول الله، وإن كذبتموني اكتب محمد بن عبد الله
ثم تمت كتابة الصحيفة على الشروط التالية:) قوقل
مع الاعتذار عن أي لبس عشان ما يقوموا علينا الناس في يوم الجمعة دا
| |
|
|
|
|
|
|
| |
دينا خالد
Elhadi
عمر عبد الله فضل المولى
أمير فتحي
محمد عبدالرحمن
عماد حسين
ذواليد سليمان مصطفى
قيقراوي
فايزودالقاضي
حذيفه ابراهيم الكباشي
Abdlaziz Eisa
محمد الامين محمد
احمد الأمين على إدريس
الشفيع وراق عبد الرحمن
ابراهيم قناوي
الصادق ضرار
Kostawi
معاوية الزبير
Hololy
الطيب شيقوق
فيس بوك
تويتر
انستقرام
يوتيوب
بنتيريست