|
الترابي ده ويش ده دينو ؟
|
الترابي ده ويش ده دينو ؟ زول يخون العيش وزيتو صنع البارود في بيتو . وكان بيعجن في عجينو الترابي ده ويش ده دينو ؟ فرتك البلد الجميلة وبرضو يدفق في خرافاتو وطنيو .
( نتابع )
|
|
|
|
|
|
|
|
Re: الترابي ده ويش ده دينو ؟ (Re: Osman Musa)
|
البلاوي الجات دي منو زول بشرع لينا جنو كان يحلل وكان يحرم وكان يعيين وكان يرقي وكان يكاجر وكان يخطط شان يهد النيل وساسو شان يحش الموج ورأسو . خان بلادو والعجين العجنو عاسو . البلاوي الجات دي منو .
| |
|
|
|
|
|
|
Re: الترابي ده ويش ده دينو ؟ (Re: Osman Musa)
|
يا ترابي . البلد كان كلو سالم وبالسلام اكان مسلح الجنيه اكان مصلح والرغيف اكان مملح .. الجهاد ماهو التبجح الجهاد فهم المصاحف الجهاد رفع المناجل القطار اكان مدور والعجل في نهزو عاجل راح بلدنا وأنت في الشيطان تجادل . ..
| |
|
|
|
|
|
|
Re: الترابي ده ويش ده دينو ؟ (Re: Osman Musa)
|
جالب الفتنة جالب النار مولع لينا في دارفور مولع لينا في توريت مولع لينا دأخل الجيش ورأفع لينا سعر العيش تجند في الوليدات ليش ؟؟؟؟ بتجلد في البنيات ليش ؟؟؟؟ من ما جيت أو وأقع في المساكين نيش فصلتو جنوبنا يا ثعلب وباكر تاني نلبس خيش . ..
| |
|
|
|
|
|
|
Re: الترابي ده ويش ده دينو ؟ (Re: Osman Musa)
|
بلد كانت براح وجمال تمد الكسرة والكسوة وتمد الزين . وفي عين البيطمع يوم تسل من الجفير الشيين . بلد كانت بتدفع كاش ولا كان في البلد بترول ولا كان في الوطن دباب وست من نمولي لا حد حلفا ناس أصحاب . وفي ذات ليل ظهر في الوأدي زول كضاب . وفتح النار علي الاحباب ..
| |
|
|
|
|
|
|
Re: الترابي ده ويش ده دينو ؟ (Re: Osman Musa)
|
كالك رماد الانفصال يا طاغي يا سجم الرجال مين الحسود العلمك الفتنة أيه ؟ .. أيه النضال ؟؟ في أي حتة تشوف سلاح ؟ في أي حتة يشب قتال ؟ والله عال . والله عال . قول : شن حصدنا الي الزمان ؟ قول : شن تركنا الي العيال ؟
| |
|
|
|
|
|
|
Re: ده ويش ده دينو ؟ (Re: Ahmed al Qurashi)
|
عزيزنا أحمد القرشي سلامات .. الرجل سرق انتفاضة الشعب . وحطم الديمقراطية قبل تحقيق أهدافها . وجلب لنا جيش الدنيا والعالمين . وادخل الوطن العزيز في ما فيه من ( جكنان وخبوب وضهبان ) . تحياتي
| |
|
|
|
|
|
|
Re: ده ويش ده دينو ؟ (Re: Osman Musa)
|
قصص يازول أسرائيل علي عهدك عيان وبيان من دهبك تخم وتشيل تضم نهر الفرات والنيل وتتجسس علي الأناناس . علي المنقة . علي الجرجير . علي البلطي . علي التقلية . وأنت تغني في التكبير وفي التهليل وايه ردك علي التقتيل . نحاكمك كيف ؟؟؟
| |
|
|
|
|
|
|
Re: ده ويش ده دينو ؟ (Re: Osman Musa)
|
كل الذنوب مدروعة فيك لي الله كلنا نشتكيك ترابي يا عاجن السمؤوم أنت العجنتو الليلة ديك . هاك الرماد . من تاني بيعود الجنوب ياهو الجنوب ومن تاني بيعود الشمال ياهو الشمال بس تاني ما حنشوف وشيك . كل الذنوب كل الذنوب مدروعة فيك
| |
|
|
|
|
|
|
Re: ده ويش ده دينو ؟ (Re: Osman Musa)
|
يا معشكب كان تكون في الوادي مافي وكان يكون لاهاي مكانك ياخ . أكعب الازمان زمانك يفصلوا السودان عشانك يا عمالتك . يا عمالتك . ويا هوانك . و يا هوانك .
| |
|
|
|
|
|
|
|