من قبل كنت قد فتحت بوست عن هل ابنك او ابنتك تابع ام متبوع والان ادق ناقوس الخطر لكل ام ولكل اب من هم صاحبي وصاحبتي ديل... السبب لكتابة هذا البوست الان في هذا الوقت حيث اتابع هذه الايام مآساة لام ضيع ولدها صاحب كما مشكلة تخص طلاب اجانب مع طالب سوداني. من هم اصحابي ديل والى اي مدى يمكن ان اضحى من اجل صاحبي دا؟؟؟ وماهي الحدود التي يجب ان تكون عليها اي صداقة؟؟؟؟ واين تبدا المساعدات واين تنتهي؟ وكيف نعلم اولادنا وبناتنا يقولوا لا لكل ما هو غير قانوني او قد يدخلهم في مشاكل؟
بعد حدوث المشكلة الاولى المتلخصة ان طالب من الصومال استيقظ من نومه يوم احد ليجد عشرات المس كول من صديقه وحين اتصل به عرف انهم في المستشفى في حادث حركة مروع هرع معه اصحابه لنجدة هذا الصديق في المسشتفى عرفو ان بالعربة كان هناك 6 اشخاص بما فيهم الطالب وتترواح الاصابات بين خفيفة و كبيرة طلبت المستشفى منهم التوقيع لضمان علاج الطلاب المصابين قاموا بكل اريحية بعد التشاور مع والد الطالب السوداني الذي كان يقود السيارة وهو سكران لط بالتوقيع واكد الاب بانه سيدفع كل الخسائر لعلاج واحدة من المصابات وهي طالبة اجنيبة المهم وقع الشباب ديل بعد ذلك بدا العذاب المبلغ المطلوب كأمنية 18 الف رنجت قد تزيد وقد تنقص ارسل الاب منها فورا 10 الف رنجت تم دفعها للمستشفى ثم وعد بارسال الباقي بعد 5 ايام بعد خمس ايام ارسل لابنه قروش تذكرة وهرب الولد تاركا "اصحابو" في وضع لا يحسدوا عليه حيث المستشفى تحتجز البنت لحين السداد وكل يوم العداد رامي وصار الاب لا يستقبل اي مكالمة من هؤلاء المساكين او من ماليزيا البنت تريد ان تفتح بلاغ في "الاصحاب" حيث المجرم الاسا سي قد هرب من البلاد الاصحاب منذ هذا الحادث لم يذهبوا الى الجامعة يترتب على ذلك منعهم من الجلوس للامتحان وربما الغيت فيزهم وقد دفعوا رسوم السمستر 6 الف رنجت او يزيد دا كل فقط لانهم عايزين يساعدو "صاحبهم" وفي النهاية توجهوا الى السفارة بمظلمتهم هذه حتى تبحث عن المواطن السوداني الذي ادخلهم في هذا النفق المظلم.. والحمدلله قد وافق القنصل على حل المشكلة مع الاب
حينما تحدثت للاولاد ديل كانوا يرددون هو صديقنا ويسكن معنا والده حضر كم مرة وبقي معنا ونحن كنا نظن انه مثل الاخ السؤال الما قدروا يجاوبوه لي ليه يتحملوا مسؤولية مالية وهم طلاب ؟
نجي للجلاجة ضحى ابنتي التي ظهر انها تقدس الصداقات جدا قدتنا ذلك اليوم باننا ما بنهفم العلاقات الانسانية واننا بنفكر بعقلية زول كبير وديل اولاد صغار بفتكرو تبداالدنيا وتنتهي بهذا الصاحب.. وقالت هي نفسها كانت حتوقع بكل ثقة بدون تردد لو لقت نفسها في حوادث مستشفى والناس مضربة بعد ان صبت جام غضبها على المستشفى وليه ذاتو عايزين ضامن في حادث ولعنت سلسفيل ماليزيا..
من ذلك اليوم وانا في حيرة من امري هل يوم ما سيسجن ولدي ولا بنتي نتيجة لثقتهم في صديق وهل ابدا نحنا فهمنا اولادنا ديل بانهم يكونوا حذرين في توقيع الاوراق وانه هناك شخيط طويل يجب انه يشخطوا فيما يجب عمله لصديق؟
ة
ا
07-11-2011, 09:34 AM
عماد حسين عماد حسين
تاريخ التسجيل: 06-11-2011
مجموع المشاركات: 7066
هذه الايام - وهنا في الغربة - أتابع مع أحد أقاربي قضية أسرة سودانية، هرب عائلها - بعد تورطه في قضية مالية - وتركهم في في بيت مستأجر.. لا أكل ولا شراب ولا مصاريف.. وكل يوم صاحب البيت يجي يفرج عليهم الدنيا
غايتو كتر خير قريبي.. وربنا يديهو العافية كل يومين يديهم طلة ويحاول يوفر ليهم اساسيات الحياة اليومية..
وحتى هذه اللحظة لا زلنا نناضل لسد ديونهم المترتبة على استئجار البيت
ربنا يدي العافية
07-11-2011, 06:46 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
سلامات يا د.نجاة... مفروض نعلم اولادنا انهم ممكن يعملوا اى شيء من اجل اصحابهم ....المهم ان الشيء ده يكون قانونى. و الموضوع ما بس عشان نحن خايفين عليهم ن الحبس و البشته...ابدا.... الموضوع انه مصداقيتهم و كرامتهم ح تكون فى المحك لو واحد فهم عمل حاجه ما قانونية لصديقه, او مضي على حاجه و ما بيقدر يعملها. الحاجه دى ما للاصحاب بس. حتى للاخوة. ما تتعهد بانك اخوك ح يدفع القروش العليه لو اخوك ما طلع القروش و ختاها فى الطربيزه...او انت عندك القروش فى البنك و مستعد تدفعها لاخوك حقيقى يا د. بيان دى ما قصة صحبى و صحبك بس. انا بعرف رجال فى الخمسينات و الستينات الواحد بيكون اختلس اخوه اموال فى الخليج و يتعهد الاخ باعادة كل الاموال نيابة عن اخوه. و يرجع الاخ المختلس السودان و يبقى الاخ (اللى مفتكر روحه شهم) لعشرات السنوات بيدفع فى ما اختلسه الاخ
07-11-2011, 11:54 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: من ذلك اليوم وانا في حيرة من امري هل يوم ما سيسجن ولدي ولا بنتي نتيجة لثقتهم في صديق وهل ابدا نحنا فهمنا اولادنا ديل بانهم يكونوا حذرين في توقيع الاوراق وانه هناك شخيط طويل يجب انه يشخطوا فيما يجب عمله لصديق؟ Dr Najat
لا حول ولا قوة الا بالله كلام مهم يا دكتورة نجاة ربنا يحفظ ابنائك و ابناء الجميع، و دي نقطة مهمة لازم توصل للكل قصة عدم الثقة و الحذر دي، انا امي بقيت اخاف عليها يا دكتورة و هي مسافرة في مطارات الخليج دي، من ثقتها بالناس و ظن الخير بهم و امي ما شاء الله امراة حصيفة، لكن ثقتها في الناس كبيرة يخيل لي القصة دي مرتبطة بثقافات معينة برضة، مثلا في انجلترا الناس حذرة جدا و ما ح تلقي زول يوقع ليك علي حاجة بالساهل
ربنا يعينكم يا عماد، و لكن مروءة في غير اهلها زي الشرا في القندول
يا سمارت، من الاشياء المخيفة الما حصل تعرضت ليها في مطارات اوروبا حكاية افتراض الناس انك حا توافقي تشيلي ليهم حاجات معاك ، و في مطارات الامارات انه يطلب منك شخص انت لا تعرفية ان تحملي ليه كرتونة او شنطة او موبايل، و لمن اعتذر بكل تهذيب عينك ما تشوف الا النور، انتي ما سودانية؟ مافي ثقة؟ انا ما زي اختك؟ و هكذا like I care
ربنا يكون في عون الجميع
07-12-2011, 00:48 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: سمارت، من الاشياء المخيفة الما حصل تعرضت ليها في مطارات اوروبا حكاية افتراض الناس انك حا توافقي تشيلي ليهم حاجات معاك ، و في مطارات الامارات انه يطلب منك شخص انت لا تعرفية ان تحملي ليه كرتونة او شنطة او موبايل، و لمن اعتذر بكل تهذيب عينك ما تشوف الا النور، انتي ما سودانية؟ مافي ثقة؟ انا ما زي اختك؟ و هكذا like I care
حقيقي يا رحاب انا اول مره اسافر بدبى صدمت من الحاجه دى. زول غريب فجاءة يقيف امامك...(يا اخت ممكن تشيلى لى الشنطة دى السودان. ?)و حقيقى قاعده اتماسخ...(ما فى ثقه?) . ردى :( ايوه ما فى ثقه...انا ما بعرفك و ما بقدر اشيل ليك حاجه ...معليش).
Quote: يخيل لي القصة دي مرتبطة بثقافات معينة برضة، مثلا في انجلترا الناس حذرة جدا و ما ح تلقي زول يوقع ليك علي حاجة بالساهل
سلامات يارحاب المشكلة الان التساهل والاريحية دي بقت مشكلة وبقى في مجرمين بنتهزوا غفلة وطيبة الناس اتمنى ان الاولاد والبنات يتعلموا يقولو لا حين يحسن ان يقولو لا حتى لا يقعون في مشاكل البتودي السجن دي
Quote: يا سمارت، من الاشياء المخيفة الما حصل تعرضت ليها في مطارات اوروبا حكاية افتراض الناس انك حا توافقي تشيلي ليهم حاجات معاك ، و في مطارات الامارات انه يطلب منك شخص انت لا تعرفية ان تحملي ليه كرتونة او شنطة او موبايل، و لمن اعتذر بكل تهذيب عينك ما تشوف الا النور، انتي ما سودانية؟ مافي ثقة؟ انا ما زي اختك؟ و هكذا like I care
قبل كدا واحد كتب هنا لاقته واحدة شايلها دبدوب قالت ليه بتي عيد ميلادها يوم كدا وعايزاك تشيلو لي عشان افرحها بعداك طلع الدبدوب مليان تلفونات قبضوه بيه في المطار وجننو جن
لازم السبهلليلة في الحاجات دي تقيف في الاجيال دي عشان الناس ما تستغلهم
Quote: مفروض نعلم اولادنا انهم ممكن يعملوا اى شيء من اجل اصحابهم ....المهم ان الشيء ده يكون قانونى
سلامات سمارتي عاملة كيف؟
تعرفي مشكلة قانوني دا ما بتجي لاي طفل سوداني لانه اصلا القانون لا يعني لهم شيئا شايفين اهلهم عمرهم كلهم حاليين مشكلهم بالرشاوي والواسطات
لما نزلت البوست دا في زولة حكت لي قصة العهدة عليها في اسرة سافرت خلت بتها في البيت عشان جامعتها فاتحة البت دي عندها صاحبتها جابتها البيت بموافقة الاسرة المهم البت الصاحبة دي بقت حامل اها كلمت صاحبتهاست البيت مشو سالو هنا وهنا المهم قامو قرروا يعملو عملية اجهاض للبت وجات داية البيت عشان تعمل العلمية دي البت دي حصل ليها نزيف وماتت في البيت وطبعا البوليس جا والاهل رجعوا لقو بيتهم مشمع وبتهم في السجن اها دي اسع مشكلة كبيرة جدا جدا وفي بنات كتار بمشوا مع صاحباتهم لحتت عجيبة جدا عشانتتحلى مشاكل ذي دي كيف نقدر نوري بناتنا ما يساعدوا في هذه الجرائم بحكم الصداقة؟
Quote: Îحقيقى يا د. بيان دى ما قصة صحبى و صحبك بس. انا بعرف رجال فى الخمسينات و الستينات الواحد بيكون اختلس اخوه اموال فى الخليج و يتعهد الاخ باعادة كل الاموال نيابة عن اخوه. و يرجع الاخ المختلس السودان و يبقى الاخ (اللى مفتكر روحه شهم) لعشرات السنو
موضوع الاخوة دا برضو موضوع خطر جدا وبينخر في عظم الاسرة السودانية وبيفرخ في اخوان غير مسؤولين يجدون دائما من يداوي فلقاتهم بحكم الاخوة ودي نابعة من مشاعية الملكية في الاسرة الواحدة لكل شئ مال اخوك مالك
Quote: هذه الايام - وهنا في الغربة - أتابع مع أحد أقاربي قضية أسرة سودانية، هرب عائلها - بعد تورطه في قضية مالية - وتركهم في في بيت مستأجر.. لا أكل ولا شراب ولا مصاريف.. وكل يوم صاحب البيت يجي يفرج عليهم الدنيا
سلامات يا عماد
بالله الناس بقت تفر من عيالها في الدنيا قبل يوم القيامة
ربنا يثبت اجر قريبك دا
شوف عدم المسوؤلية دا بعدين عارف انه في ناس حيشيلوا اولاده ليو
ودي الاتكالية التي اصبحت سمة من سمات السوداني
ربنا يحفظكم ما ينقلب الموضوع دا على راسكم
والبوليس يفتكر انكم متآمرين مع الاب
مودتي
07-12-2011, 06:28 AM
مدثر صديق مدثر صديق
تاريخ التسجيل: 04-30-2010
مجموع المشاركات: 3896
Quote: انا بعرف رجال فى الخمسينات و الستينات الواحد بيكون اختلس اخوه اموال فى الخليج و يتعهد الاخ باعادة كل الاموال نيابة عن اخوه. و يرجع الاخ المختلس السودان و يبقى الاخ (اللى مفتكر روحه شهم) لعشرات السنوات بيدفع فى ما اختلسه الاخ
Quote: حقيقي يا رحاب انا اول مره اسافر بدبى صدمت من الحاجه دى. زول غريب فجاءة يقيف امامك...(يا اخت ممكن تشيلى لى الشنطة دى السودان. ?)و حقيقى قاعده اتماسخ...(ما فى ثقه?) . ردى :( ايوه ما فى ثقه...انا ما بعرفك و ما بقدر اشيل ليك حاجه ...معليش).
Quote: لازم السبهلليلة في الحاجات دي تقيف في الاجيال دي عشان الناس ما تستغلهم
د . نجاة طيب التحايا لك ولزوارك الكرام أولاً : الأخلاق تشكلها الظروف وليست ملكاً ذاتيّاً ملازماً في كل الأحوال ، وهي تتكون من عنصرين لا ثالث لهما ، الجينات الوراثية ( مجبول ) والظروف التي تحيط بالمرء ( مكتسب لا يتحكم به الاجتماعي منفرداً ) والإنسان عبر سيرورته الممتدة من سحيق الآماد حاول جاهداً ضبط سلوك تجمعاته بمختلف الوسائل والآليّات حتى عصرنا الحالي وتقدمنا في علوم الأنسان ووظائف الأعضاء وعلم النفس مازال يجاهد في سبيل هذه الغاية التي بغيرها يفتقد أمن المجتمع وتكثر الجريمة والمفاسد، وتقل فعالية التعاون والتكافل وقيم الأخوة في الرحم والإنسانية جمعاء التي هي آليّات ضرورية لتحقيق الأمن والسلام . ثانياً : أمراض المجتمع كأمراض الجسد يستحيل علينا التخلص منها، فهي التحدي والآليّة التي أوجدها الناموس ليتطور بها الإنسان كدحاً في سيرورة لا نهائيّة غايتها المطلق ( الله ) ومن أهم وسائله لتسريع وتخفيف هذا الكدح أن يفيد من التجربة والخبرة والتراكم حتى لا يسير في دائرة مكرراً أخطاءه ، ،فإن أردنا إستخدام وصفة علاجية علينا أن ندرس آثارها الجانبية في من سبقونا والتي قد تتعارض مع غاية أمن المجتمع آنفة الذكر، ثم علينا أن نفيد من تجاربهم الإيجابيّة والسالبة ، وفي هذا الصدد لا بد من تحديد موقفنا من سيرورة الغرب لأنه أمامنا ونحن نتحدث لغته الفكرية والاجتماعية !!!؟ هل بها ما نقبله وما نرفضه !؟ أم أننا نقبلها كلها !؟ وإذا قبلنا أو رفضنا ما هي آلياتنا لتحقيق أو تجنب ما نقبل وما نرفض ؟. مثالاً ، الترابط الأسري كأقوي آليّة قد تفوق العلم والدين كثيراً في تحقيق قدر كبير من الفضائل والقيم التي تصورناها ، فهل نحن مستعدون لهدمه وتحمل كل تبعاته التي أوقعت الغرب في إشكاليّات يحاول جاهداً البحث لها عن حلول !؟ وهل نحن مستعدون في الوقت الراهن لتقديم الضحايا والقرابين ثمناً للحرية الجنسية !!!؟ وهل نحن مستعدون الآن لمنح أبناءنا إستقلالاً ذاتياً عند بلوغهم السادسة عشرة ليواجهوا النظام والقانون !؟ وهل نحتمل أيضاً الوقوف في مواجتهم بعاطفة جامدة أمام القضاء والمحاكم !؟ هل نحن مستعدون لتقبل ثمرات أخطائهم الجنسيّة ؟ أم أننا سنزيد من أعداد المشردين واللقطاء الذين يفتقرون ضبط الأسرة ؟ وهل يتوفر لمجتمعاتنا القضاء المستقل وسيادة القانون وهما أهم آليتين لتحقيق العدل !!؟ وهل الأنظمة التي تحكم بلداننا قادرة ببنياتها الحالية أن تفعل ذلك !!؟ . ثالثاً : لا يمكن لنا في آن أن نكون مؤمنين وعلماء ،أن نكون غربيين وسودانيين ،وأن نكون محليين وعالميين ،ومتكافلين وأنانيين ، ومستنيرين وظلاميين ،ذوي مروءة وشهامة ومنكفين على أنفسنا ، نؤمن بالترابط الأسري ونثمنه كآليّة للأخلاق ثم نكفر به ونتجاهل دوره وقيمته ، ننادي بسيادة القانون ونمارس المحسوبية والرشوة ونؤيد من يضطرون الناس إليها .......الخ هذا الكم المهول من المتناقضات التي تمر بكل أنواع المناهج والأفكار الدينية والسياسية والإنسانية والنفسية والاقتصادية التي يتشكل منها نظام إجتماعي ما .
ختاماً :الموضوع له علاقات شبكيّة جدليّة معقدة ، وأزعم أن الفقرات أعلاه لم تراع هذا التعقيد وإنما صدرت من أصحابها بعفوية تشابه في مثالها تماماً براءة وعفوية أهلنا في تعاملهم مع أكثر القضايا خطورة عند غيرهم !! الحكمة الهادية : ( أفتؤمنون ببعض الكتاب وتكفرون ببعض فما جزاء من يفعل ذلك منكم إلا خزي في الحياة الدنيا ويوم القيامة يردون إلى أشد العذاب وما الله بغافل عما تعملون )
أبو حمـــــــــــــــــــــــــــــــــــــــــــــــــــــــــــــــــــــد
07-12-2011, 05:57 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
عثمان عبدالقادر سلامات لانك اخترت فقرتين كتبتهم انا و وبعدها بدات تتكلم عن:
Quote: تحديد موقفنا من سيرورة الغرب
Quote: الترابط الأسري
Quote: وهل نحن مستعدون في الوقت الراهن لتقديم الضحايا والقرابين ثمناً للحرية الجنسية !!!؟
Quote: وهل نحن مستعدون الآن لمنح أبناءنا إستقلالاً ذاتياً عند بلوغهم السادسة عشرة ليواجهوا النظام والقانون !؟
و بعدها عن اشياء كانها متناقضات ذى:
Quote: لا يمكن لنا في آن أن نكون مؤمنين وعلماء ،أن نكون غربيين وسودانيين ،وأن نكون محليين وعالميين ،ومتكافلين وأنانيين ، ومستنيرين وظلاميين ،ذوي مروءة وشهامة ومنكفين على أنفسنا ، نؤمن بالترابط الأسري ونثمنه كآليّة للأخلاق ثم نكفر به ونتجاهل دوره وقيمته
انا شخصيا ما عارفه "سيرورة الغرب" دخلها شنو بزول انا ما بعرفه يلاقينى فى مطار يدينى حاجه اوديها السودان...خاصة وانى سمعت بقصص كتيرة انتهت بان الامانة طلع فيا ممنوعات و مصايب. اذا اذا كنت شايف ان زول يتحمل نتيجة سرقة اخوه ده "ترابط اسرى"...فده رايك. انا بسميها "ثقافة الفقر". لان الاخ السارق و للاخ اللى شايف روحه شهم و اطفالهم ح يدفعوا نتيجة فعل "حرام". الترابط الاسري انك تساعد اخوك لو محتاج. و تعلم اولاده و تكسيهم و تطعمهم ذي اولادك. لو مان اخوك فى السجن او خارج السجن. اخوك شخص بالغ عاقل مفروض يتحمل نتائج اخطاءه. اما كلامك عن "الحرية الجنسية" فى هذا المقام...اظن انها محاولة منك بس عشان تحاول تربط بين المحاسبة الشخصية و الحرية فى الغرب ليه ما ممكن نبقى مؤمنين و علماء....ما هو وجه التناقض بين الدين و العلم?
باين ان فهمنا للترابط الاسري و التكافل مختلف تماما. انت شايف تحمل اخطاء الغير ترابط اسرى.. و انا بسميها عدم مسؤلية تجاه اطفالك. انت شايف تعليم الاطفال المسؤلية و عقبات افعالهم بيودى للحرية الجنسية....و انا شايفه انه بيقوى شخصيتهم و بيخليهم يعتمدوا على روحهم و بيطمنى( كوالد) انهم ما ح يورطوا روحهم فى مشاكل ما ليها حد. و صدقنى احسن حاجه تعلمها لبناتك (و اولادك) انهم ما يثقوا فى زول....حتى يثبت الزول ده انه جدير بالثقة..... مساعدة الناس شيء تانى. لو لاقانى زول فى مطار دبى قاشر اكتر منى وقال محتاج مساعده مالية ممكن اديه (لو كان عندى )...لكن مستحيل اشيل ليه حاجه السودان. و ده الفرق بين التكافل و السبههلة
شكرا د. نجاة لفتح الموضوع ده
07-17-2011, 12:59 PM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
Quote: انا شخصيا ما عارفه "سيرورة الغرب" دخلها شنو بزول انا ما بعرفه يلاقينى فى مطار يدينى حاجه اوديها السودان...خاصة وانى سمعت بقصص كتيرة انتهت بان الامانة طلع فيا ممنوعات و مصايب. اذا اذا كنت شايف ان زول يتحمل نتيجة سرقة اخوه ده "ترابط اسرى"...فده رايك. انا بسميها "ثقافة الفقر". لان الاخ السارق و للاخ اللى شايف روحه شهم و اطفالهم ح يدفعوا نتيجة فعل "حرام". الترابط الاسري انك تساعد اخوك لو محتاج. و تعلم اولاده و تكسيهم و تطعمهم ذي اولادك. لو مان اخوك فى السجن او خارج السجن. اخوك شخص بالغ عاقل مفروض يتحمل نتائج اخطاءه. اما كلامك عن "الحرية الجنسية" فى هذا المقام...اظن انها محاولة منك بس عشان تحاول تربط بين المحاسبة الشخصية و الحرية فى الغرب ليه ما ممكن نبقى مؤمنين و علماء....ما هو وجه التناقض بين الدين و العلم?
باين ان فهمنا للترابط الاسري و التكافل مختلف تماما. انت شايف تحمل اخطاء الغير ترابط اسرى.. و انا بسميها عدم مسؤلية تجاه اطفالك. انت شايف تعليم الاطفال المسؤلية و عقبات افعالهم بيودى للحرية الجنسية....و انا شايفه انه بيقوى شخصيتهم و بيخليهم يعتمدوا على روحهم و بيطمنى( كوالد) انهم ما ح يورطوا روحهم فى مشاكل ما ليها حد. و صدقنى احسن حاجه تعلمها لبناتك (و اولادك) انهم ما يثقوا فى زول....حتى يثبت الزول ده انه جدير بالثقة..... مساعدة الناس شيء تانى. لو لاقانى زول فى مطار دبى قاشر اكتر منى وقال محتاج مساعده مالية ممكن اديه (لو كان عندى )...لكن مستحيل اشيل ليه حاجه السودان. و ده الفرق بين التكافل و السبههلة
السيدة الفضلي /smart_ana2001 طيب التحايا بسبب ما كتبتِ أعلاه قلت أنا هذه العبارة :
Quote: ختاماً :الموضوع له علاقات شبكيّة جدليّة معقدة ، وأزعم أن الفقرات أعلاه لم تراع هذا التعقيد وإنما صدرت من أصحابها بعفوية تشابه في مثالها تماماً براءة وعفوية أهلنا في تعاملهم مع أكثر القضايا خطورة عند غيرهم !!
فلذلك أسمحي لي أن أجيب على التساؤل الأقل تعقيداً وهوالتناقض بين الإيمان والعلم لأني لم أستخدم مفردة الدين ، فالإيمان سيدتي يقوم على مبدأ التصديق بالشيء قبل اختباره وتجريبه والعلم عكس ذلك تماماً فهو يقوم على مبدأ الشك والتجريب ثم التصديق بعد ذلك فنحن نؤمن بالحساب يوم القيامة ولا نملك عليه دليلاً وستيف هوكنج يشك في وجود إله لأنه يملك دليلاً على شكِّه ولا يملك دليلاً على يقين بوجوده !!!!. هلا تفضلت بإجابة هذا التساؤل : ما هي العلاقة بين الكرم وسيرورة الغرب !!!؟
الايمان ( عندي أنا) هو الايمان بالله و وجوده و قدرته. الايمان بزول ما بعرفه في مطار ( عندي أنا) اسمه سؤ تصرف و براءة غير حميدة. اسيقف هوبكنس ما مؤمن بوجود اله لانه شايف ان الكون ممكن يتخلق بنتيجة لسلسة من الصدف و الاحتمالات. و في علماء كتار جداً زيه. ذي ما برضو في علماء آخرين شايفين ان الكون ما ممكن يقوم من غير خالق. انت اللي جبت سيرورة الغرب دي. أنا اصلاً ما عارفه معناها شنو. لكن اذا كنت بتتكلم عن العادات و التقاليد في الغرب و الكرم و الشهامة. فانا و علي حسب معرفتي بالغرب أظن بانهم ذيهم ذي اي أمة غيرهم. فيهم الكريم و فيهم البخيل و فيهم الشهم الشجاع و فيهم ال########. و فيهم الأحمق اللي ممكن يضيع مستقبل اسرته عشان اخوه ما يدخل السجن. صدقني في الغرب لو حصل ليك حادث في شارع مقطوع مليون زول ح يقيف عشان يساعدك. و لو حصل ليك شي في البيت جيرانك بيسالوا منك. الناس في الغرب بشر ذي اي بشر. ذقنا تماما بجاملوا في العرس و في الولادة و في البكا. و يمكن بجاملوا بطريقة عملية و افيد من طريقتنا. الناس في الغرب بيسالوك ( او بيحاولوا يعرفوا براهم )انت محتاج لشنو و يقدموه ليك هدية
07-18-2011, 10:19 AM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
Quote: الايمان بزول ما بعرفه في مطار ( عندي أنا) اسمه سؤ تصرف و براءة غير حميدة.
أختي الفاضلة أجمل التحايا والود لا أريد الدخول في مواضيع الفيزياء الاجتماعية وعلاقاتها المتشعبة تحسساً مني لأشياء خاصة بالحوارات أكسبتني إياها التجربة الطويلة غير أني أستميحك عذراً في قليل من الإزعاج بحكاية بسيطة ذات صلة بالمقتبس أعلاه أرجو أن يصلك المغزى منها دون شرح حتى أطمئن على جدوى الحديث معك : تتلخص الحكاية في منافسة حقيقية شهدتها وشهدها الكثير من عشاق الرياضة في العالم ،أربعة متزلجين يتنافسون بقفزة من منحدر عال جداً ، الأول قفز وأرتطم بأسفل المهبط ومات في التو واللحظة فتبعه الثاني ومات أيضاً ثم الثالث ولحق بهم كذلك ، جاء الرابع وهو شاهد بعلم اليقين على موت زملائه أمام عينيه ولكنه تقدم وعدل زلاجاته ووقف على الحافة إستعدادا للقفز مما حدا بأحد أقربائي بالهجوم على شاشة التلفزيون والصياح بوجهه ( هوي يا المغبِّي ده ! ماش وين !!؟) وقفز ذلك الرياضي الشجاع ونجح !.
أبو حمـــــــــــــــــد
07-18-2011, 11:35 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
أنا اللي بعد ذكرك للقصة دي بدات افكر في جدوي النقاش معك. القصة دي مناسبة في حالة تكون بتشجع في زول ما عاوز يجرب حاجه لانه الاخرين قبله فشلوا. و في النهاية ممكن تقول ليه كل زول بمهاراته و تجاربه و نصيبه. اما في مقامنا ده، فالمقولة المناسبة هي: قول الشاعر الحارث بن كلدة في هذا المعنى: "إن السعيد له في غيره عِظَةٌ وفي الحوادث تحكيم ومُعْتبرُ" او ببساطة : العاقل من اتعظ بغيره. الرياضي ده عاوز يثبت مقدرته الرياضية و عشان كده قرر يجازف بحياته. أنا لما اجازف بحريتي ( لو دخلت السجن بسبب شيل ممنوعات) اكون عاوزه اثبت شنو؟ ان البشر كلهم كويسين؟ بس ده ما صحيح و التاريخ بيقول كده. و قصة د. نجاة اكبر مثال.
07-19-2011, 09:15 AM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
تعرف يا قيقراوي أنا بندهش جداً لما واحد ذيك ( نصير الديمقراطية ) يستشهد بافلاطون او أستاذه سقراط الاتنين ديل كانوا من اكبر اعداء الديمقراطية و قالوا عنها انها ديمقراطية الغوغاء. و قالوا بانه يجب ان يحكم الدولة الفلاسفة ( فقط الفلاسفة ). و اي ناس غيرهم ما صالحين .
07-19-2011, 10:30 AM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
يبدو أنك تعانين من مشكلة إدراك العلاقات مع أنك تسمين نفسك بهذا الإسم الغربي smart!؟ ألا توجد علاقة أخرى مهمة مع مقولتك أعلاه !!!!؟ طبعا توجد علاقات ولكنك لم تدركيها فقررت بمنتهى القطعية سبهللية من يفعلون عكس ما فعلت !!!؟ لدينا سائق سوداني بجهة عملي قابلته بالأمس وطرحت عليه إشكالية إن جاءك أحدهم بالمطار وطلب منك حمل حقيبة إلى أهله بالسودان وأنت لا تعرفه؟ فاجاب : سوف أعمل بأصلي وما نشأت عليه لكني سأطلب إليه أن يفتح الشنطة ويطلعني على كل محتوياتها .....أنتهي . فسيرورة الغرب وصلت إلى ما تغنت به مادونامستنكرة i am a material girl in a material world ،ألا تحبين الاتعاظ بغيرك !!!!؟ لأنه كما قلت لك سابقا عليك أخذ المنهج لنهاياته المنطقية وأشرت لذلك بالآية الكريمة : ( أفتؤمنون ببعض الكتاب وتكفرون ببعض ............الآية)، فالذين تتلمذوا في المدارس وأهلتهم شهاداتهم للحصول على وظائف مارسوا الجانب السيئ من طبعهم المجبول ولكن مقولة هوبز المجتمع المدني في مقابل الطبيعة لم يعملوا بها ولم يعملوا لها ، أنت دخلت المدارس وغيرك لم يفعل ، فلا أنت محمودة ولا هو مذموم لأنها مجموعة ظروف لم تكن تحت إدارتك بنسبة واحد في المائة ومع ذلك تمتلكين الشجاعة والجرأة بوصف الآخرين بالسبهللية !!!!!!. أتعرفين مالذي جعل دولتنا تتعثر في أسفل الوادي وقد عبرت قوافل السيرورة البشرية بين كل دول العالم المضيق وخرجت إلى السهل المنبسط !!؟ لن أجيب على هذا السؤال ولكن سأحيلك لمقال كتبته قبل ست سنوات عنوانه : ( الخطأ في التربية والتعليم ).
أشكر لك صبرك وأتمنى عليك أن تعودي وتقرأي مداخلتي الأولي مرة ثانية وأنسي إننا مختلفين في الرأي .
أبو حمـــــــــــــــد
07-19-2011, 10:31 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: تعرف يا قيقراوي أنا بندهش جداً لما واحد ذيك ( نصير الديمقراطية ) يستشهد بافلاطون او أستاذه سقراط الاتنين ديل كانوا من اكبر اعداء الديمقراطية و قالوا عنها انها ديمقراطية الغوغاء. و قالوا بانه يجب ان يحكم الدولة الفلاسفة ( فقط الفلاسفة ). و اي ناس غيرهم ما صالحين .
سبب الدهشة شنو!؟
من ذكريتهم لا يمكن تجاوزهم اصلاً ... اما كونهم ما ديموقراطيين فالمشكلة شنو يعني!؟ ممكن قولك ينسحب على ماركس و انجلز ( القالوا بدكاتورية البلورتاريا ) .. برضو!
و عييييييك من الاسماء الضخمة .. و بحسب زاوية شوف الرآي .. او الراوي ايهما ادنى
هل دا بعني انو كل القالوهو ما صحيح!؟
مع ذلك و برغمه .. يسرني و بل ويشرفني الاعتراف باني كنت مخطئ .. و الفكرة هي لي سيدنا ( ارسطو ) .. ابو المنطق و من ثم العلوم كلها ...
اتفضلي:
Quote: إن الصلة بديهية مع المفهوم الأخلاقي للمدينة باعتبارها جماعة أخلاقية غايتها الحياة الطيبة، والخير، ويحكمها القانون الذي هو تعبير عن هذه الغاية: القانون الذي لا يشكل إلّا شيئاً واحداً مع الالتزام الأخلاقي. القانون الذي هو القاعدة الأخلاقية للجماعة. بهذا المعنى يُسمَّى عادلاً مَن يخضع للقانون، ويعرَّف العدل بأنه الشيء المتفق مع القانون: أي الشرعية، أمّا الظلم فهو اللاشرعية. وأن الصداقة ترافق العدالة، فهناك، في كل جماعة، عدالة وبنفس الوقت صداقة. إن الفضيلتين، على ما يبدو، تختصان بنفس المواضيع، وتتعلقان بنفس الأشخاص، إن الفضيلة تكبر، بالطبيعة، مع الصداقة، ولهذا فإن لهما نفس التوسع. إن أرسطو يضع العدالة كما يفهمها في مظاهرها المختلفة، في أساس التجمع السياسي. ولكن حيث تكون العدالة، توجد أيضاً الصداقة. ويذهب الفيلسوف في "علم الأخلاق"، لحد القول بأن الناس إذا اتحدوا برباط الصداقة فلن يكون لديهم حاجة للعدالة،في حين أنهم، لو كانوا عادلين، سيحتاجون زيادة على ذلك للصداقة. ويلحّ على قيمة صلة الصداقة في المدينة،ويعلن أنها تشدّ اهتمام المشرّعين أكثر من العدالة نفسها، لأنّ هؤلاء يسعون جاهدين لجعل الوفاق ينتصر على الخلاف: إلّا أن الوفاق يشبه، إلى حدّ ما، الصداقة. ويكرّر أرسطو في " السياسة " بأنّ الصداقة هي الخير الأكبر، لأنها تخفّف للحد الأدنى بالضبط، احتمالات الفتن.
[ حول تاريخ الفكر السياسي ] *
اها!؟ شن قولك دام فضلك؟
المجرم منو في القصة الاساسية هنا!؟
الاب و لّ ( الصداقة )!؟ هل للإبن همسلف أي ذنب في انحطاط قيم و معايير ابوه!؟
تحياتي و احترامي
-----
للاسف الرابط محجوب عندنا لكن يمكنك البحث عن مقال بالعنوان دا.
08-01-2011, 11:40 AM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
السلام عليكم يا ناس البوست فاتني البوست و ما فيه، لظروف انشغالي، كالعادة
******************** الاخ الكريم عثمان اعجبتني ملاحظاتك عن تعقيدات الموضوع، و لكن بصراحة للان لم اخلص بماذا كنت ستنصح الطلبة ديل؟ في انتظار مقالك عن التربية و التعليم
******************** سلامات يا قيقراوي كيف مافي هناك ما يعيب يا فتحي في سلوك الاولاد ديل؟ كان خلينا قصة الثقة و ما الثقة دي، في فهمي اول غلط وقعو فيه الاولاد هو توقيعهم علي ضمان يشمل مسئوليات مادية ليس باستطاعتهم الالتزام بها، و في نظري انهم كذبو في توقيعهم علي الضمان ده حسب ما فهمت انهم طلبة، يعني ما عندهم اصلا مصدر مالي، يضمنو علي اي اساس علاج زميلهم و لا قدر الله لو توفي نفقات ترحيل جثمانة؟ و اتضح انهم فعلا ليس لديهم اي اموال، و الدليل انهم داخلين في مشاكل مع ناس المستشفي و احتمال يطردوهم من البلد كمان اين مسؤوليتهم تجاة انفسهم و اهلهم و مجتمعهم قبل صاحبهم ده؟
و لا تعتمد علي قصة انه المستشفي اعتمدت توقيعهم، لانه المستشفي فيها من القانونين ما يضمن ليهم انه قروشهم دي طالعة طالعة، كان من الطلبة كان من اولياء امورهم كان من الحكومة زاتها او شركة تامين المستشفي
******************** يا دكتورة نجاة هي سبهللية نصاح؟ الطلبة الاتعرضو لحادث ديل ما عندهم تامين صحي كطلبة؟ سؤال ضحي ابنتك عن لماذا تحتاج المستشفي لضامن سؤال في محله
الاجابة السهلة، الما ح تساعد اي شخص في موقف مشابه، هي انه المسئولية تقع علي اطراف عديدة
الموضوع يستحق النقاش بالتاكيد
08-01-2011, 01:02 PM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
Quote: اعجبتني ملاحظاتك عن تعقيدات الموضوع، و لكن بصراحة للان لم اخلص بماذا كنت ستنصح الطلبة ديل؟
الأخت الفاضلة /رحاب أجمل التحايا والود أشكر لك إطرائك . لا أستطيع أن أعبر عن مدى فرحي وسروري بإعادتك هذا الخيط إلى الواجهة مرة أخرى ،فظروفي العائلية لا تسمح لي بالبقاء أمام الكمبيوتر إلا لفترات قصيرة جدا وقد حزنت وأسفت كثيرا على آخر مداخلة كتبتها للأخت الفاضلة سمارت 2011 فقد لمست فيها الكثير من غلظة وخشونة التعابير بعد أن أعدت قراءتها الآن فلها مني طيب التحايا وأرجو أن تقبل اعتذاري وتصفح عن ذلك كماهي أهل لهذا الصفح . أما بخصوص الأبناء فازعم أن الحوار الذي يستفز عقولهم ويحفزهم للتفكّر وإدراك أكبر قدر من علاقات الموضوع المتشعبة وترك الخيار لهم هو الأفضل في مرحلتنا الراهنة ،لأن النصح هو أسوأ وسائل التربية والآليّات العملية أفضلها وبما أننا لا نسيطر على حياتنا إلا بنسبة ضئيلة فلن نتمكن من معرفة نطمئن إليها إلا بما يعادل هذه النسبة فنحن نعلم أن أحد أهم فلاسفة أميركا جون ديوي يقول أن العقل هو إستعداد للتعلم وليست لديه معرفة مسبقه فنحن نتعلم من الخبرة والتجربة غير أن الناموس وضع لذلك قانونا وهو لا معرفة بدون ثمن مقابل لها وهذا الذي توصل إليه جون ديوي يقابله عندنا قول النبي الكريم ( إن لم تخطئوا وتستغفروا فسيأتي الله بقوم يخطئون ويستغفرون فيغفر لهم )و ( من عمل بما علم علمه الله علم ما لم يعلم )، لذلك فخوض أبناءنا للتجربة ضرورة يحتمها العلم وقانون الطبيعة، ومن هذا العلم أيضا أننا نخاف على فلذات أكبادنا ولا نستطيع حمايتهم من الأمراض والحوادث والموت !!أليس كذلك !؟
أبو حمــــــــــــــــد
08-02-2011, 08:30 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
Quote: يبدو أنك تعانين من مشكلة إدراك العلاقات مع أنك تسمين نفسك بهذا الإسم الغربي smart!؟
انا مسمية روحى شنو و انت رايك فينى شنو ما مهم.
Quote: فسيرورة الغرب وصلت إلى ما تغنت به مادونامستنكرة i am a material girl in a material world ،ألا تحبين الاتعاظ بغيرك !!!!؟
بالجد? ما دونا? يا اخى انا بتكلم ايام و ايام عن عن "الحرام" و ضرورة ان شخص بالغ عاقل "يتحمل نتيجة اخطاءه"....و وتجى انت تقول مادونا??? ما عشان ان مسمية روحى اسمارت تفترض انى من قاع المجتمع الغربى. يا سيدى الرسول قال لو سرقت فاطمة بنت محمد لقطع محمد يدها. صحيح الحديث كان بمناسبة تفضي الشريف فى القوم عن الباقين...لكن...من ناخد منه برضوا ان كل زول يتحمل مسؤلية افعاله. و ح اكرر تانى...المجتمع الغربى ذيو ذي اى مجتمع تانى...فيه الكريم وفيه البخيل ... ح اعيد وجهة نظرى العامة تانى.... انا ما ضد مساعة الناس لبعض....و ما ضد التضحية بالمال (و النفس حتى) من اجهل هدف نبيل. لو اخوى قال لى الان انه دخل فى مشاكل مالية (و ح يدخل السجن) لان البزنس بتاعه فشل ح اساعده بكل اللى بقدر عليه....لكن لو جاء قال انا اختلست قروش و عشان كده ح ادخل السجن...للاسف ما ح اساعده. اكيد ما ح اقصر مع اولاده. لكن هو...ما عندى ليه مساعدة. موضوع المطار ده (بصراحة) بالنسبة لى صعب جدا...و الله حاولت فكرت فيه اكتر مرة خلال البوست ده...و ما قدرت ابلعه. ممكن لو جاء زول شايل دواء لزول فى السودان و ورانى الرشته و فتح لى صندق الدواء...ممكن اشيله ليه. لكن هدايا للسودان....ما اظن فى يوم اعملها.
Quote: فالذين تتلمذوا في المدارس وأهلتهم شهاداتهم للحصول على وظائف مارسوا الجانب السيئ من طبعهم المجبول ولكن مقولة هوبز المجتمع المدني في مقابل الطبيعة لم يعملوا بها ولم يعملوا لها ، أنت دخلت المدارس وغيرك لم يفعل ، فلا أنت محمودة ولا هو مذموم لأنها مجموعة ظروف لم تكن تحت إدارتك بنسبة واحد في المائة ومع ذلك تمتلكين الشجاعة والجرأة بوصف الآخرين بالسبهللية !!!!!!.
This has nothing to do with our discussion
Quote: أتعرفين مالذي جعل دولتنا تتعثر في أسفل الوادي وقد عبرت قوافل السيرورة البشرية بين كل دول العالم المضيق وخرجت إلى السهل المنبسط !!؟
طبعا عارفه....السبهللية و عدم تحمل المسؤلية...و الغتته (و الكضب كمان) عشان نحمى الغلطان و نعفيه من المسؤلية.
Quote: لن أجيب على هذا السؤال ولكن سأحيلك لمقال كتبته قبل ست سنوات عنوانه : ( الخطأ في التربية والتعليم ).
خت لينا المقال هنا...و اوعدك انى ح اقرا بعقل متفتح و من غير اراء مسبقة
08-02-2011, 08:42 PM
smart_ana2001 smart_ana2001
تاريخ التسجيل: 04-17-2002
مجموع المشاركات: 5695
قيقاروى...كل سنة وانت طيب ما قصدت قوله ان افلاطون و معلمه ارسطوا كانوا عايشين فى برج فكرى عاجى. و الفقرة دى اكبر دليل على كده:
Quote: إن أرسطو يضع العدالة كما يفهمها في مظاهرها المختلفة، في أساس التجمع السياسي. ولكن حيث تكون العدالة، توجد أيضاً الصداقة. ويذهب الفيلسوف في "علم الأخلاق"، لحد القول بأن الناس إذا اتحدوا برباط الصداقة فلن يكون لديهم حاجة للعدالة، في حين أنهم، لو كانوا عادلين، سيحتاجون زيادة على ذلك للصداقة. ويلحّ على قيمة صلة الصداقة في المدينة، ويعلن أنها تشدّ اهتمام المشرّعين أكثر من العدالة نفسها، لأنّ هؤلاء يسعون جاهدين لجعل الوفاق ينتصر على الخلاف: إلّا أن الوفاق يشبه، إلى حدّ ما، الصداقة. ويكرّر أرسطو في " السياسة " بأنّ الصداقة هي الخير الأكبر، لأنها تخفّف للحد الأدنى بالضبط، احتمالات الفتن.
يا اخى الاخوة قابيل و هابيل لم تمنعهم خوتهم من الاقتتال. و اكيد المجرمة ما الصداقة....لكن ليه شباب زيهم يمضوا و يتعهدوا على دفع اموال لا يمتلكوها.? يا اخى لو كان بيقدروا ينفذوا ما مضوا عليه ما فى مشكلة...لكن كونهم يمضوا بس لانهم واثقين من اب صديقهم فده عدم مسؤلية. و الله لو كانوا عشان اصحابهم مضوا انهم ح يشتغلوا طوال العام الدراسي و يضحوا بتعليمهم...ما كان ح يكون فى مشكلة...لانهم ممكن يعملوا كده
سلامات جميعا شكرا لكم لهذا النقاش الراقي ورمضان كريم متاسفة لاني لم ارد في حينها حيث فقدت باسوردي
سادلف الى هذا الحوار من مدخل
Quote: الاب و لّ ( الصداقة )!؟
الاب خطأه لا يحتاج الى نقاش كثير حيث انه استثمر الصحوبية بين ابنه وزملائه وتعهد بالدفع وبعدها ارسل لولده ليهرب..ليجد الاصحاب نفسهم في هذه الورطة
الابناء يجب ان يعرفوا حدود الصحوبية وما يمكن عمله وما لا يمكن عمله
قبل فترة ارتكب طالب خطا في الطريق حيث ان الحركة هنا شمال هذا الخطأ قلب سيارة بها اربعة طلاب ماليزين وكان قرب جامعة ما.. الطالب الذي يقود السيارة لا يملك رخصة فما كان منه الا ان اتصل بصديقه الذي لديه رخصة حضر قبل البوليس والاسعاف وتحمل الموضوع كاملا والحمدلله لم يمت اي من الطلاب الماليزين... هذا باسم الصحوبية
قبل فترة اوقف البوليس سيارة بها 6 ركاب وربط يد السائق بالدركسون وقال له توجه الى المركز في هذه المسافة كان هناك طالب لا اقامة له تركوه يهرب عندما وصلت السيارة الى مركز البوليس اكتشف البوليس ان هناك واحد غير موجود طالبهم باحضاره والا لن يخرجوا من هنا بالفعل احضروا صديق آخر بحمل اقامة سارية المفعول لاحظ هذا الصديق لا يعرف لماذااوقف البوليس الطلاب. واتى وحل محل الهارب..بكل بساطة هذا كله باسم الصحوبية
الصداقة لها حدود واضحة جدا جدا
وانا اقولي قولي هذا ولا اعرف متى سيقع احد ابنائي في مشكلة من اجل صديق لان في مناقشتي معهم الصديق اوالصديقة مقدسين اكثر من اي شئ ىخر واكثر من اسرهم
فكيف نقدر نعلمهم الفصل بين الاشياء وان صديقك يجب الا يدخلك في محنة.. وادعو الله ان ينير بصائر الابناء
أذكر أن أحد السودانيين من المقيمين الجدد في المملكة العربية السعودية تحصل على وظيفة محترمة في أحد مدن المملكة بعد فترة إنتظار ليست بالقصيرة في تلك المدينة قابل أحد أصدقائه القدامى (غير مقيم) ويريد العودة إلى السودان عن طريق ميناء جدة فطلب من المقيم الذهاب معهم لمكتب النقل الجماعي لشراء تذكرة إلى مدينة جدة بإسمه لأن غير المقيمين غير مسموح لهم بإستخدام النقل الجماعي صديقنا هذا وبكل أريحية ورحابة صدر ذهب معه في اليوم المحدد للسفر لمكتب النقل الجماعي وإشترى التذكرة بإسمه وسلمها لغير المقيم في هذا اللحظة كان أحد رجال المباحب يراقب الموقف وبمجرد من توجه (غير المقيم) إلى باب المغادرة تم القبض عليه ، وعلى صديقه (المقيم) المنتظر في الصالة حتى يتأكد من نجاح العملية .. النتيجة :- وبكل حزن وأسى وألم .... تم حبس المقيم لعدة شهور ومن ثم تم عمل خروج نهائي له ، والاخر تم ترحيله حسب النظام (ما فارقة معاه أصلاً رايح السودان) ماذا نسمي مثل هذا التصرف ؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عماد حسين
smart_ana2001
Rihab Khalifa
مدثر صديق
عثمان عبدالقادر
قيقراوي
فيس بوك
تويتر
انستقرام
يوتيوب
بنتيريست