|
|
|
 Re: سعر الدولار فى السودان يرتفع الى 7.400 (Re: معتصم محمد صالح)
|
يا معتصمان تحياتي وصباح الخير بتوقيت السعودية
صحيح البي بي سي عربي المذيع قال 7.4 ج ؟؟؟ قبل قليل ... المذيع أكمل الخبر بأن السودان فقد 70% من مداخيل البترول ....... والريال هنا بالسعودية حسب الكمية كلما زادت دفعوا أكثر طبعا سوق اسود ... وربنا يهون الأمور ...
شيء مؤسف ومحزن ما يحدث ...
الشفيع
| |
 
|
|
|
|
|
|
|
|
Re: سعر الدولار فى السودان يرتفع الى 7.400 (Re: Alshafea Ibrahim)
|
إذا فعلا وصل إلى 7.4 فهذا يعني أن قيامتنا الاقتصادية قد قامت، وإذا كان الرقم الفعلي هو 4.7 فهو كذلك من علامات الساعة الاقتصادية الكبرى، لأن الأصول داخل السودان ستفقد قيمتها والتجارة تصبح غير مجدية، والأسوأ من ذلك أن هذا الأمر دليل على إفلاس خزينة بنك السودان من العملات الصعبة، وأن التحرر من قيود الجنوب التي كانت تكبل انطلاقة قطار التنمية في الجنوب - كما كانت تدعي حكومتنا المعاقة فكريا - شبيه بتحرر القمر الصناعي الأمريكي الذي انتحر أخيرا في ضواحي كندا!!
هل يعقل أن يرتفع الدولار الأمريكي 100 جنيه (بالقديم) بوتيرة شبه يومية؟ أليست هذه لعنة أصابت الجنيه السوداني؟ لطفك يا رب.
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: الحاج حمد الحاج)
|
| Quote: أظن الرقم مقلوب ..فحتى ليل امس كان السعر 4600 الى 4700 |
لا حول ولا قوة إلا بالله..
شيء لا يصدقه عقل على الإطلاق.. من يوقف هذا النزيف المستمر؟؟
وهل حقاً فقدت الحكومة السيطرة على كابوس الدولار؟؟
وماذا سيكون عليه الحال غداً وبعد غدٍ..؟
أخي معتصم محمد صالح.. أرجو أن توافينا بأخبار السوق والدولار بصفة يومياً..
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: أيمن دياب)
|
Quote: وماذا سيكون عليه الحال غداً وبعد غدٍ..؟
أخي معتصم محمد صالح.. أرجو أن توافينا بأخبار السوق والدولار بصفة يومياً.. |
ايمن دياب
تحياتي
الظاهر لابد ليك بي دولارات ، يا زول البد ساكت ما تبيع هسع البتاع دا ماشي على الخمسة و يمكن اكتر!!! ربنا يستر
| |
|
|
|
|
|
|
|
 Re: سعر الدولار فى السودان يرتفع الى 7.400 (Re: أيمن دياب)
|
** الأخ معتصم ود الجبلابى.
** ســـلام وصباحك خير..
## فى بواكير الإنقاذ يوليو 1989 قالوا:- حــضــرنــا حـتـى لايـكـون سـعـر الـدولار "$"(20 جنيهاً) .
## بعد 22 سنه (2011) :- صار سعر الدولار 4700 جنيه والحبل على الجرار ,, البعيد شنو مايصل السبعه الف (7000).
(ودام الود بين الجميع)
(ابو محمد فؤاد)
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: بخاري عثمان الامين)
|
| Quote: والخمسة جنيه ح تجيب ليهو شنو يا الحاج ؟ |
تعرف يا بخاري المغتربين عندهم هاجس الأرض و البناء..بما انه لا توجد زيادة في قيمة الأراضي بنفس نسبة زيادة الدولار مقابل الجنيه في الحالة دي المفكر يشتري أرض بيكون الوضع أحسن ليهو
Quote: دا انهيار اقتصادي رأسه عديل والسودان موعود
بما هو اسوء ... |
كلامك صاح الوضع سيئ و لا يبشر بخير و ربك يستر من القادم.
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: الحاج حمد الحاج)
|
انها نهايتنا
المشكله انه كلنا كشعب سودانى على حكومه على تجار على مغتربين على اهل مغتربين بنساهم فى الانهيار الاقتصادى ده ومافى سكه نتفاداه لاننا كلنا ما عندنا وازع وطنى للتضحيه من اجل الوطن
اقول ليكم كيف؟ بنشجع الشراء من السوق الاسود
امسك عندك بس انت اللى عندك دولارات عاوز ترسل لى اهلك التعبانين ولا محتاجين تفتكر ح يمشوا البنك ولا انت بتوصيهم انه يصرفوها بسعر البنك؟ الا تكون شنو ما عارف
والسبب لانها خربانه من كبارها وهم سبب انهيار القيّم الوطنيه اولا والاخلاقيه فالطمع والجشع اصبح شىء طبيعى فى المجتمع يعمى عن ما يسمى وطنيه وما ادراك ليذدهر السوق الاسود والطرق الملتويه والرشوة والفساد
انه انهيار الدولة ذات القيم الوطنيه ومعانى القوميه الراسخه, بسبب سياسه اللا ديمقراطيه ولا حريه فى التعبير ولا تعدديه فى السلطه ولا وجود لمعارضه حره
اما التجار فأخر موضه انه بعد صعوبه الشراء من البنك للسفر والصرف بعد ومنه للطياره مبشاره اصبح التاجر بيشوف ليهو ارخص طيران ل دبى ويقطع عشره تذاكر لعطالى الحله
كل واحد يصرفوا ليهو 3500 دولار يعنى التاجر ح يستلم 35000 دولار بيرجع يدخل بهم ويبيعهم فى السوق الاسود بسعر مضاعف مرتين يعنى لا يشترى بضاعه ولا غيره
اما المسئولين فلا داعى للحديث لانهم يعلمون ولا يتحركون والسبب انه ح يسألوا منو ويخلوا منو
الانهيار الاقتصادى قادم لامحاله ولا بيفيدنا شىء ان دسيناها ولا مرقناها الدولارات ستتدهور كل الخدمات وتسوء سبل المعيشه وسيسود الغلاء والفوضى فى الاسعار, فما العمل قبل الطوفان؟؟؟؟؟؟؟
يا الله هونينى
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: محمد زكريا)
|
ما قلت الا الحق اخي محمد زكريا ..
بداية سعر الدولار الان في السوق الموازي 4850
وعودة لحديث الاخ محمد زكريا الذي ذكر الحقيقة المرة على الرغم من تواجده خارج البلاد الا ان ما ذكره كله حقيقي وخصوصا امر الصرافات التي اثرى منها التجار وبعض الناس على حساب موارد الدولة الشحيحة اصلا .. والمثال الذي ساقه الاخ محمد كان مهنة للبعض لفترة طويلة وفي النهاية تصب الارباح في جيب الممول الذي يتحمل قيمة تذكرة ومبلغ صغير للشخص المسافر فقط وكما قال فان الامر برمته يدل على عدم وطنية وعدم اخلاق سواء من الجهة التي تنظم عمل الصرافات و الصرافات والتجار وحتى الذين يسافرون وهذا الامر يعد من الاسباب الاساسية لزيادة سعر الدولار باستنزافها لاحتياطي البلاد من العملة الصعبة ..
الامر مؤلم وخطير والحديث فيه يطوووول وساعود مرة اخرى ..
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: معتصم محمد صالح)
|
| Quote: وفي السياق حذّر وكيل وزارة المالية والاقتصاد الوطني الأسبق الشيخ محمد المك من استمرار تدهور سعر الصرف حال لم يتم احتواء الموقف وتداركه، |
أها يا الشيخ الاحتواء دا يجي وزير المالية و معاهو محافظ بنك السودان و يجيبو ليهو دولار و يختوهو في الواطة و يعفصوهو شديد عشان ما يفر ؟ ياخي قوم فكنا قال يتم احتواء الموقف و تداركه!! اها ورينا كيف الاحتواء و التدارك؟ أو اقول ليك اكتب مقال بعنوان : الجنيه في تهالك كيفية الاحتواء و التدارك!!
| Quote: وخصوصا امر الصرافات التي اثرى منها التجار وبعض الناس على حساب موارد الدولة الشحيحة اصلا |
بالظبط يا معتصم الصرافات دي لابد من دراسة امرها و هي اصلا عندما تم فتحها كان الهدف أن تكون قنوات لتنظيم أمر النقد الأجنبي و التحكم فيهو لصالح قيمة الجنيه السوداني و الان أصبحت اهم القنوات التي يتم عن طريقها تسريب النقد الأجنبي بطرق ملتوية.
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: الحاج حمد الحاج)
|
أخي الحاج حمد ..
اغرب مافي الامر ان الحكومة ولاول مرة تقريبا لم تحرك ساكنا تجاه الزيادات المتلاحقة في اسعار العملات ولا اعني ترتيبات اقتصادية بل اضعف الايمان ترتيبات تنظيمية وضوابط او حتى الحملات التي تقوم بها الجهات الامنية .. الان تجار العملة ينتشرون في ميدان ابو جنزير في قلب الخرطوم ويبيعون ويشترون على عينك يا تاجر .
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: معتصم محمد صالح)
|
Quote: ايمن دياب
تحياتي
الظاهر لابد ليك بي دولارات ، يا زول البد ساكت ما تبيع هسع البتاع دا ماشي على الخمسة و يمكن اكتر!!! ربنا يستر |
أقسم لك بالله ما بفكر في نفسي..
بس ياخي حال البلد بالمستوى دخ بخلي الواحد في حالة إحباط وقلق مستمر ودائم..
لأنو تأثير المسألة دي بنعكس على كل حاجة في حياتنا..
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: طارق زروق)
|
| Quote: اغرب مافي الامر ان الحكومة ولاول مرة تقريبا لم تحرك ساكنا تجاه الزيادات المتلاحقة في اسعار العملات ولا اعني ترتيبات اقتصادية بل اضعف الايمان ترتيبات تنظيمية وضوابط او حتى الحملات التي تقوم بها الجهات الامنية .. الان تجار العملة ينتشرون في ميدان ابو جنزير في قلب الخرطوم ويبيعون ويشترون على عينك يا تاجر . |
الأخ معتصم
تحياتي
هي فعلا حاجة غريبة عدم التحرك و لكن يبدو ان هناك صدمة من نسبة الزيادة اليومية لسعر الدولار اخرت التحرك الحكومي و لكن يا معتصم أتوقع رد فعل قوي خلال الأيام القادمة ، في النهاية اذا لم تكن هناك قرارات تصب في صالح زيادة الانتاج و دعم الزراعة و تشجيع الصادرات فأي قرارات لن تؤدي الا لنزول مؤقت للدولار.. ربنا يستر على الوطن.
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: الحاج حمد الحاج)
|
Quote: أقسم لك بالله ما بفكر في نفسي..
بس ياخي حال البلد بالمستوى دخ بخلي الواحد في حالة إحباط وقلق مستمر ودائم..
لأنو تأثير المسألة دي بنعكس على كل حاجة في حياتنا.. |
الأخ أيمن
تحياتي
ياخي مجرد دعابة نخفف بها عن الألم ، أكيد كلنا محبطين لما يحدث لحال الاقتصاد السوداني و كلنا متضررين بصورة مباشرة من تدهور قيمة الجنيه السوداني..ربنا يستر من مزيد من التدهور.
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: طارق ميرغني)
|
Quote: السعر الان 4650 ..
وهناك توقعات كبيرة بتراجع السعر .. |
وهنا مكمن الخطر
تراجع ليه هل الانتاج زاد
طبعا لا ولكن شوية نفس وهجمة جديدة
اشد شراسة
لان الحكومة ستطبع عملة
وسيكون الارتفاع ساعة بساعة
ومع الارتفاع المستمر للدولار
قريبا ستنهار البنوك المحلية لان المواطنبن
سيسحبون ودائعهم لشراء ذهب او دولار
يتردد الكثيرين فى تحويل اموالهم الصعبة داخل السودان
ووضعها داخل المصارف خوفا من الاستيلاء عليها بواسطة الحكومة باى مبرر
سترتفع فاتورة الاستبراد وتصورو ا لو بلغ الدولار
عشرة جنيهات كم ستكون سعر حبة الاسبرين
او الادوية المنقذة
| |
|
|
|
|
|
|
|
|
|
Re: سعر الدولار فى السودان يرتفع الى 7.400 (Re: معتصم مصطفي الجبلابي)
|
النظام بقى قاعد أباطو والنجم :)
بعد انفصال الجنوب بقى ما عندهم أي موارد تدخل ليهم عملة صعبة
البشير مشى يشحد الملك السعودي ومن الواضح انو جاء راجع بخفي حنين..
الملك عبد الله ممكن يرصف ليك شارع، يرسل ليك باخرة خيم ولا بطاطين ، لكن يديك قروش.. نهيييييييي، اللهم إلا تكون رفيق الحريري غايتو
محافظ بنك السودان مشى شايل القرعة في الدوحة وطلب ودائع من الدول العربية، وشكلو برضو ما في نتيجة
غايتو أحمدي نجاد ده كان ما أداهم حاجة، بدخلوا في أمراً ضيق بالحيل
| |
|
|
|
|
|
|
| |
معتصم مصطفي الجبلابي
معتصم محمد صالح
محمد الأمين موسى
Abdlaziz Eisa
الحاج حمد الحاج
خالد حاكم
عبدالكريم أحمد الامين
بخاري عثمان الامين
محمد زكريا
طارق زروق
الطيب شيقوق
جمال ادريس
حمد عبد الغفار عمر
Elhadi
Elbagir Osman
فيس بوك
تويتر
انستقرام
يوتيوب
بنتيريست