دعواتكم لزميلنا المفكر د.الباقر العفيف بالشفاء العاجل
|
|
 همـس الاحســــاس
|
صباحاتك فراشاتي البترقص فوق زهر نديان
صباحاتك عيون إنسان بتوهب لي أمل وحنان
صباحاتك غيوم الريد بتروي في قليب عطشان
صباحاتك فرح عاشق بيرسم في الضمير إنسان
صباحاتك صلاة راهب يرتل في خشوع وأمـــان
صباحاتك ودرب الشوق طريق ماشيهو لي زمان
*************************************
صباحاتك صباحاتي .. وتخيلي زول بيحلم بيــك
يحسك جوه في الاعماق وغلبو الشوق وهايم فيـك
ويغرق في بحور الريد وراجي السلوى من عينيك
يطرى الليل بذكراكي وقلبو رهيف ومايل ليــك
يفرح ليك ويزعل ليك وديمة عيونـو بتنــاديك
يعبر ليك جدار الصمت وبي احساسو يهمس ليــك
ديمة أقول صباحـاتك صباحاتي البتشرق بيـــك
|
|
 
|
|
|
|
|
|
|
 Re: همـس الاحســــاس (Re: هاشم أحمد خلف الله)
|
شاعرنا الكبير المتدفق الاحساس هشومي ...
| Quote: ما أجمل صباحاتك يا عمدة يا شفيف |
وما أروعك أشعارك يا أنيق ....
| Quote: ده كان وين زمان ؟؟؟ |
بعض مما عندكم ... فمنكم نتعلم ....
Quote: ياخي طيب ما تواصل في كتابة الشعر
ما دام عندك مقدرة زي دي ؟؟ |
هشومي ياخي دي ذي بيضة الديك .. تاني وييييين عااااد .. غايتو إلا تسلفني بالدس كده من غير من الممسوخ دااااك يعرف ....
شكراً لك هشومي على تشجعيك الذي أثلج صدري وشهادة فخر لي من شاعر كبير مثلك ...
| |
|
|
|
|
|
|
|
|
 Re: همـس الاحســــاس (Re: محمد عثمان)
|
صديقي النبيل محمد عثمان الراقي ....
الله يديك العافية يامحمد ... قلنا نحاول أن نصيب الهدف ونحن مغمضين وكده ...
| Quote: و بوست يستاهل ابو عركى... |
إنت يامحمد عثمان دح بريد أسعلك سعال ... أنت في زول محرضك علي ؟ يازول أنت مالك معاااي ؟ أنت أن كان ماكتلتني مابترتاح ؟ مالقيت غير الاغنية تجيبها لي ؟ غاتيو يامنى خوجلي إن كان سمعتيني مت وانا قاعد قدام الكمبيوتر ده عقي أخديه لي من الزول ده ... طارق بالليل وهو بالنهار ... غايتو الله في ..
والله سعيد جداً بمرورك يامحمد فأنت عطر يشجي كل بوست يدخله ولو لمجرد المرور ...
| |
|
|
|
|
|
|
|
|
 Re: همـس الاحســــاس (Re: عماد الشبلي)
|
معقووووووول ... ياجماعة أنا في حلم ولاّ فـي علــم ؟ عماد الشلبي بشحمه ولحمه هنا في هذا البوست ؟ أي شرف هذا !!! ياهلا ويامليون مرحبا ياعمده ... والله زيارتك بهجة عديل كده ياخ .. ياخي والله لو عارف الكلام ده بجيبك هنا كان زمااااان كتبته ويمكن كمان لحنته .... والله سعيد جداً بمرورك الالق وحرفك الجميل ...
| Quote: وانت صباحاتك دئما مشرقة |
يديك العافية ياعمده ياحبيبنا ياخ ... وانت صباحاتك دائماً بطعم الفراولة ونكهة القهوة ومشرقة إشراقات جمال تصويرك الباهي ....
الحمد لله الذي جعل كلماتي تاتي برجل مثلك ....
لك أطنان من المودة ياعمده ....
| |
|
|
|
|
|
|
|
|
|
Re: همـس الاحســــاس (Re: هند محمد)
|
Quote: اتيت وعطر حرفك الارجـاء
هنيئاً للمعنى هكذا حرف |
هنــد محمــد ... شـاعرتنــا رقيقـــة الاحساس وجميلـــة الحــروف ... وانا أقول ياربي البوست بتاعي ده مالــه منـــور وبيشــرق جمالاً ... ســعادتي لا توصف بطلتــك البهيـــة هنــأ ، مجرد وجود أســمك يجعل من البوســـت طعـم خـاص ... حقـيقي أســعدني تسـطيـرك الـراقي في شـخصي الضعيف .. وحقاً هنيئــاً للمحبي الشعــر الـراقي بشــاعرة تحمل الجمـال مثلـك .... شكراً هنـــد فمرورك أثلج صدري .... كونــي بخيــــر ....
لك التقديـــر والاحتـــرام دومـــاً .
| |
|
|
|
|
|
|
|
|
 Re: همـس الاحســــاس (Re: عماد محمود علي)
|
Quote: دوماً بسال عليك ... حتى القمر ناديته بيك ..
قال الجميل في عرشه سارح ... منو البشبهه غير نفسه ديك
قلت ليه أغريه مني سلام ... قال لي ضوئي بتحرق لو وصلته ليك ...
مااصله نوره فات جمالي ... بس أحساسك بيهو نسمه حتماً ح يشعر بيك .
*********
والطير في سماه سألته لو لاقيتي بشرح ليك ... اسالي عن سؤالي عليك ....
شوقنا محيط من غير ساحل ... وزارتنا البركة وغشتنا النسائم وعطرنا شذى الجمال .
دوماً مرورك يشع الفرح والبهجة في نفسي وتزيح عني كل غموم التعاسة والهموم ... المردومة فيني كوم .
اليوم عيد بزيارتك يا الحبيب .... |
وعلشان كده انا بحبك من جوه قلبي..
لانك نقي ولأنك مؤمن بحمال الحياة....
ولأنك بتواحهها بضحكة ونكتة وغنوة..
وبتدينا درس كل يوم احنا الشكايين البكايين رغم صحتنا والنعمه العايشنها..
يا سلام عليك وعلي قوة عزيمتك وكبر قلبك وحيك للناس..
خليك دايما قدام..وأرميها الهموم وراك..
هي الحياه كلها قدر شنو علشان تتحكم فينا همومها؟؟
الله يعلم يا عمده انا بحبك قدر شنو..
انت زول ما هين..
لأنك مليان تحدي جميل..والحياة شنو غير مشاوير تحدي؟؟
تتحدي الفشل..تتحدي العقبات..تتحدي المرض وتتحدي الاستسلام..
صباحك انت حقو الناس...يجوهو يشيلو منه الفال..
.........
.........
| |
|
|
|
|
|
|
|
|
|
Re: همـس الاحســــاس (Re: Muna Khugali)
|
| Quote: وعلشان كده انا بحبك من جوه قلبي.. |
ويسلملي قلبك النقي الجميل ....
| Quote: لانك نقي ولأنك مؤمن بجمال الحياة.... |
ولانك أنت الجمال وسر نقائي ...
| Quote: ولأنك بتواحهها بضحكة ونكتة وغنوة.. |
لانني مؤمن بأنها لا تسوى عند الله جناح باعوضة ...
| Quote: وبتدينا درس كل يوم احنا الشكايين البكايين رغم صحتنا والنعمه العايشنها.. |
معقول بس يامنو .. وهل شفتي العين علت على الحاجب .... ده أنت مدرسة في حد زاتها ...
| Quote: يا سلام عليك وعلي قوة عزيمتك وكبر قلبك وحيك للناس.. |
وياسلام عليك وأنت بتقيفي بجنبي في محنتي وبقوة وبتسأءلي عني ليلاً ونهاراً .
| Quote: الله يعلم يا عمده انا بحبك قدر شنو.. |
والله أنا سعيد جداً بحبك ده ... وأنت بتعرفي مدى حبي ومعزتي لك ومكانتك الخاصة والكبيرة عندي .
أخجلتم تواضعنا ياستي ...
Quote: لأنك مليان تحدي جميل..والحياة شنو غير مشاوير تحدي؟؟
تتحدي الفشل..تتحدي العقبات..تتحدي المرض وتتحدي الاستسلام.. |
وذلك من فضل الله عليّ .. واية صمودي والتحدي أمام صمودك ووقفوفك في وجه الطفاة والظالمين .
| Quote: صباحك انت حقو الناس...يجوهو يشيلو منه الفال.. |
وأنا دائماً بتفائل بك ... أيتها الملك لك مني كل المحبة والوئام والســلام ....
منــــو حـقيــــقي إنــــــــي أحـبـــــــــــــــــــــــــك .
* عمـاد عـوض خـوجلــــــــــي *
| |
|
|
|
|
|
|
|
|
 Re: همـس الاحســــاس (Re: ismeil abbas)
|
حبيب الناس ... الكله إحساس ...
حبيب الكل ... شبيةالفل ....
حبيب القسا .... عازمنا عشا  
| Quote: همس ألأحساس...بطعم ألأناناس |
وانت كل الاحساس والجمال ياسمعة ..
| Quote: جمال مخصص بس لناس وناس |
وانت التخصصية في أبها معانيها وجمالها ...
وياروعتك وبهجة طلتك ... ياسيد الناس ياالمتدفق إحساس .
لك مؤنة من المودة والمحبة ..... وسعيد ايما سعادة بمرورك الحلو مثلك .
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
| Quote: ديمة أقول صباحـاتك صباحاتي البتشرق بيـــك |
ياريسنا والله كلام ... حقيقي النصف الثاني للقصيد جميل وموزون
كيفكـ ياعمدة والصحة انشاءالله تمام تحية لكـ وضيوفكـ الاعزاء
وتحية خاصة لدفعتي المدرسية هاشم خلف الله ... وكل الشباب .
........................................................حجر.
| |
|
|
|
|
|
|
|
|
 Re: همـس الاحســــاس (Re: الرفاعي عبدالعاطي حجر)
|
صاحبي الرجل النقي الرفاعي ....
ياده الهنا ياده النور .... الرفاعي ....
يسعد صباحك ياعسل وينور مساءك
سعيد جداً بمرورك هنا وإشادتك ورسم القوافي العذبة من الكلام.....
وشوقنا ياخي بحر ولو ربنا سهل مضحين معاكم هنااااااك ... فهي حقاً غير ....
مودة كبيرة ليك ياكبيرنا .....
| |
|
|
|
|
|
|
|
|
 Re: همـس الاحســــاس (Re: الطيب شيقوق)
|
يعرس ركبيك .... يا الممسوخ ....
| Quote: نفتش ليك وسط اللعوت والكتر والعدار وكمان تحت عروق التبر |
ده شنو ده ؟ أنت بتهبب في شنو ؟ يازول أنا ود بندر أسعلني من الايس كريم والفيتي فورت والشوكالاته والزبدة والكولا والمارتاديلا وكده ... الهنايات البتكتبن ديل اسعل منهم ود البشرى يمكن يوريك أياهن .... قال عدار قال ...
| Quote: اتاريك بهنا مع همس الاحساس |
عليك الله بس كيفن ما بتحكر وأقعد بي جاي وقاعدات معاااي هنـدويـــة ومنـويــــة ... أنت قوم سوق معاك ود البشرى وود الصائم ديلاااااك وقوم لف معاهم بي هنااااك . أنا مرتاح بي هني ..
| Quote: يا اخي احساس يقدك تعال مارق علينا بهناك |
غايتو جنس حساتاً .. حد يشعر بالسعادة يمشي يختار البعاد ؟ حكمة والله وحكاية تزهل اذهان العباد ..
أقول ليك حاجة ... قوم لف .... 
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
ياعمده ياحبيب
اجمل صباح
Quote: صباحاتك فراشاتي البترقص فوق زهر نديان
صباحاتك عيون إنسان بتوهب لي أمل وحنان
صباحاتك غيوم الريد بتروي في قليب عطشان
صباحاتك فرح عاشق بيرسم في الضمير إنسان
صباحاتك صلاة راهب يرتل في خشوع وأمـــان
صباحاتك ودرب الشوق طريق ماشيهو لي زمان |
يارائع
تسلم
ياجميل
| |
|
|
|
|
|
|
|
|
 Re: همـس الاحســــاس (Re: haroon diyab)
|
حبيبنا المريخابي الاصيل هارون دياب
مرحبتين هارونا حبابه بوستينا بي طلتك زادت شهابه
لاجمل مريخابي عرفته ..... وسعدت بمعرفته ...
والروعة في مرورك هنا والجمال جمال كلمتك ... وتسلم من كل شر يارب ....
بي زيارة بوستنا نور وبقى كله زينة .....
| |
|
|
|
|
|
|
|
|
|
Re: همـس الاحســــاس (Re: Alsa7afa_30)
|
الله .. الله .. الله .. ياســلاااااام
حبايبي الحلوين أهلاً جوني وأنا ما قائل
حلوين ذي ديل بزورني ....
حســـــام .... حبيب الناس ... الشال الكأس ...
ياهلا وغلا ومليون مرحبا .....
سعيد حد الاندهاش ... الصحافة 30 يغمرني بهذه الزيارة ...
رحمتك يارب ....
| Quote: انت بتذاكر من ورانا ولا شنو ؟ |
ياخي أنت من غير ما تذاكر بتنجح ، خلينا نحن نذاكر لينا كم شهر ولا قول كم سنة علشان نجيب حاجة تسترنا من ناس ود الصائم ديلااااااك ...
والله سعيد بوجودك هنا ياحسام .. وخليك قريب علشان نسعد بوجودك ويمكن كمان نستلم من الاورغن ده ونقعد نلحن في الشغلانه دي .....
ولك عبق المودة .
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
صباحاتك فراشاتي البترقص فوق زهر نديان
صباحاتك عيون إنسان بتوهب لي أمل وحنان
صباحاتك غيوم الريد بتروي في قليب عطشان
الأخ/ عماد (أبو حسام)
نضر الله وجه ذلك البنان الذي خط هذه الدرر
ونتمنى أن تسير على الدرب وتتحفنا بمثل هذه الروائع
مع تحياتي
| |
|
|
|
|
|
|
|
|
 Re: همـس الاحســــاس (Re: سيف الدين علي محمد الفاضل)
|
رفيق الدرب والمحبة سيف الدين ...
يسعدني ويشرفني تواجدك هنا في عالم الهمس والاحساس ...
| Quote: نضر الله وجه ذلك البنان الذي خط هذه الدرر |
تسلم أبوي وخضر الله طريقك وسهل أمرك .
| Quote: ونتمنى أن تسير على الدرب وتتحفنا بمثل هذه الروائع |
لله درك أيها الصديق الغالي ...ونسأل الله أن نكون عند حسن ظنكم فينا ....
وخليك قريــــب .......
وموعدنـــا الخميس القادم هناك إنشاء الله .....
| |
|
|
|
|
|
|
|
|
 Re: همـس الاحســــاس (Re: الطيب شيقوق)
|
العريريب ... الكترااااابة ....
| Quote: ما بلف يلفك بتكة يا سجم الرماد |
ياأخوي قلنا ليك نحن ناس بندر يعني أولاد عاصمة ... بتكة دي تطلع شنو ؟ يبتكك ود البشرى قول إنشاء الله ... قال بتكة قال ... العالم دي بتجيب الكلام ده من ياتوا قاموس ؟ أتحداك تعرف لي يعني شنو قاموس يابتاع البتكة أنت !!!!!
أقول ليك : برضو قوم لف مع جماعتك كم لفه كده وبعدين تعال .... يابتاك إنت .
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
| Quote: يعني شنو قاموس يابتاع البتكة أنت !!!!! |
قاموس يا الحبيب هو الملاح الذى نقمس ( نغمس) فيهو الكسرة ولا هيك؟
يعني ممكن تكون مهوي شدييييد ويجيبوا ليك المارتدلا السجم بتاعتكم دى وما تسد رمقك يا سجم الرماد وتقوم تطلب من بتاع المطعم لوبيااو روب او ام تكشو او حتى قرع عشان تكون قاموس .
يلا احسن افحط وألف اختاك اصلك مقطوع طارئي
| |
|
|
|
|
|
|
|
|
|
Re: همـس الاحســــاس (Re: الطيب شيقوق)
|
| Quote: قاموس يا الحبيب هو الملاح الذى نقمس ( نغمس) فيهو الكسرة ولا هيك؟ |
إجـابـــة صـحيحـــة 100% ...
| Quote: يجيبوا ليك المارتدلا السجم بتاعتكم دى وما تسد رمقك يا سجم الرماد وتقوم تطلب من بتاع المطعم لوبيااو روب او ام تكشو |
يسألكم الله في زول فاهم حاجة ؟ يا أخوي أنت بتجيب الكبسيبات دي من وين ؟ ياخي حيرتنا في مخنا ده ؟ قال أم تكشو قال ... دي يا أخوي في كل قواميس الارض في كل بلدان الله ما لقيت ليها مكان ... تكون فاتح ليك مطعم وبتمسي في المصائب دي براااك ؟
| Quote: يلا احسن افحط وألف اختاك اصلك مقطوع طارئي |
الليلة وووووووب ، كده تعالي يا أميرة الشيخ شوفي لينا السجم ده ... مابفهمنا الاولى جاب لنا مصيبة تاااانية ... قلت لي مقطوع طارئي ... ده أنجليزي ده يامرسي ؟ يا أخوي انت الظاهر عليك ما قاعد تمشي تلف مع ناس ود البشرى وود الصائم ... بتغش في اللف ... ياخي أمشي لف ليك كم لفه كده وتعال بتكون إستعدلتا ..... قال تكشو وشنو كده ما عارف .... عالم تحير ...
| |
|
|
|
|
|
|
|
|
|
Re: همـس الاحســــاس (Re: haroon diyab)
|
عماد
Quote: صباحاتك صباحاتي .. وتخيلي زول بيحلم بيــك
يحسك جوه في الاعماق وغلبو الشوق وهايم فيـك
ويغرق في بحور الريد وراجي السلوى من عينيك |
أما بعد
جعل الله كل صباحاتك بنفس الإحساس
إنت فيك ( عِرِق ) شعراء و نحن ما عارفين ؟ إذن فليحتفل الغاوون بشاعر رقيق يتبعونه...
كن بخير
| |
|
|
|
|
|
|
|
|
|
Re: همـس الاحســــاس (Re: ابو جهينة)
|
ياأرض احفظي ما عليك ويابدر أوعك تسحره ...
الريس أبو جهينة بنفسة .. اشرقت الانوار وهبت النسائم ...
مرحبتين ياريس بزيارتك البوست نور وبقى كله زينه ...
| Quote: جعل الله كل صباحاتك بنفس الإحساس |
وجعل صباحاتك كلها إشراقات وجمال يفوق الفل جمالاً والياسمين عطراً ...
| Quote: إنت فيك ( عِرِق ) شعراء و نحن ما عارفين ؟ إذن فليحتفل الغاوون بشاعر رقيق يتبعونه... |
شكراً ياريس على هذا الاطراء الذي لا أستحقه ... ويسعدني أن أجد هذه الشهادة لتكون وساماً على صدري . سعدت كثيراً بمرورك الشيق ياريس .
ولك مني كل الاماني الطيبة ياوجه الخير ...
| |
|
|
|
|
|
|
|
|
 Re: همـس الاحســــاس (Re: haroon diyab)
|
ده صباح منور إنشاء الله ... هارون دياب مرة أخرى ؟
ياصباح الفل .. ياصباح الورد ....
| Quote: احلي صباح ياعمدتنا |
وأحلى وأجمل تحية ليك ياجميل ...
| Quote: صباح العيد باين من ليلو |
وليلنا قشطة وصباحنا عسل بمرورك يا أنيق ...
شكراً عزيزي وشوف ثابت محمد هنااااك جايب كارثة للرشاشات ....
أحلى صباح .....
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
المسنوح
ام تكشو الانسب لمواجهة الاذمة الاقتصادية
العناصر المكونة عبارة عن بصلة - ملوخية يابسة مثلا ربطة واحدة - ملح - بهارات - وطبعا الماء.
الطريقة:-
نضع القدر على النار ونضيف علية الماء والبصلة مقطعة صغيرة والملح ونتركها تغلى الى ان تستوى
البصلة - واخيرا نضيف الملوخية اليابسة ونتركها لدرجة الغليان وقبل ان ننزلها من على النار نضع
قليل من الشمار والكزبرة وتؤكل طبعا بالكسرة .
لقيتني كيف ؟
| |
|
|
|
|
|
|
|
|
|
Re: همـس الاحســــاس (Re: الطيب شيقوق)
|
الممسوخ :
| Quote: ام تكشو الانسب لمواجهة الاذمة الاقتصادية |
والله حيرتنا في مخنا القليد ده ...
| Quote: العناصر المكونة عبارة عن بصلة - ملوخية يابسة مثلا ربطة واحدة - ملح - بهارات - وطبعا الماء. |
امانتاً في ذمتك الغريقة دي شفت ليك حلة بسووها بي بصلاية واحدة ؟ أنت ما سمعتة مقولة الحلة بصل ...
| Quote: ونتركها تغلى الى ان تستوى البصلة |
هي ح تستوي كمان ؟ دي ح تنهرد عديل كده وتتعدم... قال تستوي قال ..
يلقاك ود البشرى في زقاق إنشاء الله ... ممسوخ .
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
يا عمده .. صباح الورد ..
يا عزيزي انا ما بفهم في الشعر ... انسي ودالبشري البارد ده .. وخليك مع هشومي والبقيه . وصدقني لوجاك كمان د/ معز بخيت هنا
ادي ود البشري شلوووت
| |
|
|
|
|
|
|
|
|
|
Re: همـس الاحســــاس (Re: عبدالله كع)
|
| Quote: يا عمده .. صباح الورد .. |
صباح الفل والياسمين على الناس الحلوين ...
| Quote: انسي ودالبشري البارد ده .. |
أنساه كيف أقدر أنا والشوق معاي عدى السنة ...
| Quote: وخليك مع هشومي والبقيه |
البقية ممكن ،،، هشومي لا لا لا ... ده زول بكااااااااي .... صيوانه في ظهره ...
Quote: وصدقني لوجاك كمان د/ معز بخيت هنا
ادي ود البشري شلوووت |
ياخي الدكتور ده قدر ما شركنا ليهو بي هنا وهنااااك ماعتر في الشرك .. نجيض خلاااااص . وود البشرى ده بحرض ليك ليهو طمبـل بشلته تماااااام .
| |
|
|
|
|
|
|
|
|
|
Re: همـس الاحســــاس (Re: sudania2000)
|
أهلـيـــــن يــا دكـتــــــورة ....
أشـــرقت شـمس وجـــدي ، ونـــورت طلـــتك دربــــــي
زارتنــــا البركة .. ياأرض أحفظــــي ماعليــــك ويــا ود البشرى أوعك تسحـــره ....
Quote: حلاة الإحساس
وحلاة التعبير
وحلاة الغنوة
وحلاة الصورة
وحلاة البوست |
وحـــلاوة طلــــتـــك وجمال لقيـتـــــــــك ....
| Quote: وهمسة : كن كما أنت فراشة الفرح وأبيض القلب وشفافية البوحِ |
وكــونــــي كما أنـت ... زهـــرة فـواحــــة وقمــر منيــــر وشـمس مشــرقة بالجمال والمحبة ....
وفــــي إنتـــظار زيـــارتــــــك يادكتـــــــورة ... الــرياض تنـتـظــــر ...
| |
|
|
|
|
|
|
|
|
|
Re: همـس الاحســــاس (Re: عماد محمود علي)
|
هلا بالعميد العمدة عماد
يعني مساك ده كلو خمسة سنين
بس يا دوب اتحركت من مقعد الوصيف
كبيت الحروف كب
والله الشعر ما عندك
موزون ومقفى
اها كمل السنة دي كلها في كتابة الشعر عشان الصوم جاي تاني
حقيقة قصيدتك جميلة يا جميل
كثر لينا من زي ديل
عشان تجمل لينا بوستات الشعر
| |
|
|
|
|
|
|
| |
هاشم أحمد خلف الله
محمد البشرى الخضر
هند محمد
عماد الشبلي
ismeil abbas
Muna Khugali
الرفاعي عبدالعاطي حجر
الطيب شيقوق
haroon diyab
Alsa7afa_30
ابو جهينة
عبدالله كع
جمال السنوسي
osman righeem
فيس بوك
تويتر
انستقرام
يوتيوب
بنتيريست