دعواتكم لزميلنا المفكر د.الباقر العفيف بالشفاء العاجل
|
|
 صـديـق المـــوج ـــ سحروك ولاّ أدوك عيــــن ....... ولاّ مدردق
|
أخونا وحبيبنا .. صاحب القلب الحليب .. والقفشات والنكات .. صاحب الدردقات الخطيرة صاحب السريرة النقية صديقنا ود الموج ... غائب عننا من قبل التهكير ... مكانه شااااغر بالمنبر .. ياربي يكون سحره ولا أدوه عين ... ولاّ يكون ياربي مدردق خارج المرمي قصدي المنبر المرة دي .... صديق رجيتك وفي إنتظار عينك كملت الصبره كله ... تعال لينا وتعال لينا وتعاااال ..
بالجد كده مشتاقين وفي إنتظار عودتك يادردقه .
أها مشتاقين إنت متين تجينا ؟
|
|
 
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: محمد عثمان)
|
محمد عثمان ياشفيف ...
مشتاقين ياخ ...
| Quote: و نتمنى عودة كل الناس المختفية |
إنشاء الله .. يارب يرجعوا ... سلمى صبحي ... خالدة البدوي وصال عالم ومن لف لفهم ...
Quote: صاحبك دا اعمل ليهو بوست بتاع رحلة
بيجيك ناطى هسى.. |
قرقرقرقر ... غايتو دي بالغت فيها يامحمد ... قلت لي نظام رحلات وكده ... أها ياود الموج عندنا رحلة الجمعة دي وانت معزوم سااااكت من غير شيرن وكده .... ( يارب الشرك يقبض ) ...
ويديم عليك أنعامه يامحمد أخوي
مودتي
عماد
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: طارق ميرغني)
|
طارق ميرغني يا أمير ...
سلام ومحبة ...
ياخي القلوب شواهد .. الراجل ده زول عسل عديل كده بس لسانه متبرئ منه إضافة إلى دردقته الكثيرة ، ياخي قلنا ليهو بيع لينا من براميلك ده كم برميل كده ندردق بيهو رفض أها لما جاته في نفسه حسع .. غايتو قلنا نعمل حسنه ونسأل منه إن كان ينفع فيهو وتشفع لينا بي برميل برميلين كده لزوم الدردقه وكده ....
شكراً لك على المرور وسؤالك عن حبيبنا ود الموج ...
عماد
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: خالد المحرب)
|
ياسلام ياسلام ... طلتك بهية وزيارتك هدية ...
مرحبتين ومليون مرحب كمان بالرجل الالق ود البطاحين ود المحرب ... الرجل المضياف ...
زارتنا البركة وهلت البشاير وأنورت الانوار ....
| Quote: الاخ عماد كيفك ياجميل متعك الله بالصحه والعافيه . |
الله يسلمك ياغالي واصيل طول عمرك وأنا بحمد الله بخير ودائم بسأل عليك .
| Quote: اخونا الصديق دا بتلقاهو فى دكة البدلاء امام احد المطاعم فى مدينة الرياض وحوله الامم المتحده كل الوان الطيف السياسى والشعوب القبايل وهو منتظر صفارة الحكم عشان يدخل المعركة لكن صفارة الحكم دى متين مامعروفه . زى ماقال محمد مسكين يبحث عن الحريه .. ربنا يجمع |
غايتو ياود المحرب شوف عيني قاعد يدردق هنااااااك ، الظاهر صفارة الحكم ضربت ... 
سعدت أيما سعادة بطلتك هنا ... كل أمنياتي بلقاءك ياالحبيب ... وتسلم .
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: بدرالدين يعقوب)
|
الرجل الجميل خلقة وأخلاق بدر الدين ... صديقي الرقيق ..
زارتنا البركة وكده ..
| Quote: انت برضو ياود محمود حبيب الكل مختفي |
عاد ياولدي ما كبرنا والمرض كمل الباقي ...
| Quote: طبعا انت من زمان سحروك وادوك عين |
الله يجازي الكان السبب ..
| Quote: اشاء الله عين الحسود ترجع لي سيدها السحرك ده |
معليش الله يسامحه وأخاف يكون حبيب ...
| Quote: اصهر وبان يا أصيل ليك الامان |
تسلم يا أصيل ... وشرفتنا كثير ولوجودك هنا طعم خاص .
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: baha eassa)
|
الرجل الباهي والودود بهاء عيسى
أولاً مشاقين ياخي ... وشوقنا مطر ...
| Quote: يااخوي كل دة منو.؟ |
هيثم طمبـــل . 
| Quote: دردقات وبس تاني كل البعده والقبله دة فيك انت .. .. |
صدقني ده زيو وااااحد ....
| Quote: عمدة ان شاء الله بخير وبصحة تمام .. |
يسعدني سؤالك عني يا أمير ... الحمد لله في أحسن حال بس كثر لي من الدعاء خاصة هذه الايام .
| Quote: الزول دة فعلا اختفي فجاة .. عساه بخير .. |
جاب ليهو برميل جديد لنج قاعد يضربه بوهية علشان يجي يدردق بيهو ... على نظام الموضه وكده ..
سلم لي على الجنبك ديل أصلهم فطونا سطر وبقوا ما بسألوا علينا ... الله غالب .. الله في .
شكراً لك أيها الصحفي الكبير والقدير ... ونلتقي ...
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: azhary awad elkareem)
|
أزهري صباحك ورد ...
| Quote: يا خ بلاى خلى يفرتق كدة ولا كدة.. |
مالو معاك يا أزهري الزول ده مكجنه كده ؟ خرت الدامة بالولد ولا كيف ؟
| Quote: هو ذاتو ما قدرنا.. |
معقووووووول !
| Quote: ومخوف لينا الجكس.. |
| Quote: بالله من ما غاب المنبر إتملأ بلوم.. |
غايتو دي يا أبو الزهور صدق فيها ....
| Quote: بالله يا عمدة كلم بكرى يسحب البوست دة سريع قبل ما يشوفوا الزول دة يقوم يصدق يجينا ناطى.. |
ما تخاف يا أبو الزهور ... بوستات الضكور ما بجي فيها خاشي ولو جاء بجي على إستحياء ويرمي ليهو كلمة كلمتين تافهات كده ويتخارج وما برجع تااااني .
Quote: على هامش المرور..
ود الموج نشتاقك..
فهلا ظهرت.. |
اها شفته كيف !! ده الكلام البجنن بوبي زاااتو ... 
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: Tabaldina)
|
تبلدينـــا ياراقـــــي
ياخي شوقنا بقى محيط عدييييل كده ...
Quote: يا عبدالله ياخى انا جوليا روبرتس دى
لمن اشوفها فى فلم ساى يومى كل ببقي وردى |
ياتبلدينا ياخي تشوفها شنو !!! ياخي نحن شالين صورتها في المحفظة عدييييييل كده ، لما بتاع الدوريات يجي يقول لينا الهوية بنطلعها ليك لامن يآمن زاتو .... ياخي دي فيها كمية بتاعت جمال ورقة كده لامن تخليك تعرف حاجة زااااطو .. ياخي دي مفروض يعلقوا صورها في البيت الابيض عديل كده .. ويوزعوا صورها في كل بلدان العالم يختوها في المطارات والطرق المهمة وكده ...
أحييييي انا منك ياجوليا إن كان مولعه النار في قلب تبلدينا ده . 
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: عماد محمود علي)
|
أخونا وحبيبنا .. صاحب القلب الحليب .. والقفشات والنكات .. صاحب الدردقات الخطيرة صاحب السريرة النقية صديقنا ود الموج ... غائب عننا من قبل التهكير ... مكانه شااااغر بالمنبر .. ياربي يكون سحره ولا أدوه عين ... ولاّ يكون ياربي مدردق خارج المرمي قصدي المنبر المرة دي .... صديق رجيتك وفي إنتظار عينك كملت الصبره كله ... تعال لينا وتعال لينا وتعاااال ..
بالجد كده مشتاقين وفي إنتظار عودتك يادردقه .
الأخ/ عماد (أبو حسام)
أول حاجة سلامات وينك ما ظاهر
ثانيا : ود الموجو شنو البسحروه ده بسحر ما بسحروه
ثالثا : إنت ما عارف الحجب صديق من الظهور شنو؟ يا حبيب صديق الموج
مردخ من كثرة الأعواد الكلو يوم على رأسه في تربيزة الجنقور.
وآخر عود أخذه أول أمس ..
المهم نحنا الليلة في رجاك يا عماد ولا نأخد ليك الإذن من وزارة الداخلية؟؟؟؟؟؟
مع تحياتي
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: سيف الدين علي محمد الفاضل)
|
| Quote: أخونا وحبيبنا .. صاحب القلب الحليب .. والقفشات والنكات .. صاحب الدردقات الخطيرة صاحب السريرة النقية صديقنا ود الموج ... |
أنت متأكد من أنك بتكتب عن صديق الموج ؟ ولا عادل جبارة ؟!!!
| Quote: بالجد كده مشتاقين وفي إنتظار عودتك يادردقه . |
متـــأكــــد إنت ؟
| Quote: ود الموجو شنو البسحروه ده بسحر ما بسحروه |
آأأهاااا قمنا خلاص !!!
Quote: يا حبيب صديق الموج
مردخ من كثرة الأعواد الكلو يوم على رأسه في تربيزة الجنقور.
وآخر عود أخذه أول أمس .. |
وإذا عرف السبب بطل العجب .... أتاريهو !!!
| Quote: المهم نحنا الليلة في رجاك يا عماد ولا نأخد ليك الإذن من وزارة الداخلية؟؟؟؟؟؟ |
أحيييي أنا شوف العائز إذن منو ياجعر ... أها قلت لي الداخلية مشت بقى ليك لسان تتكلم ، عالم جبانات .
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: مصطفي سري)
|
Quote: انا عارف دي تمثيلية من عماد والعجوز الموج قال ليهو ياخ البنات ما سالن علي اعمل ليك بوست
حركة قديمة |
غايتو جنس حسادة .. ياخي مالك هسه كاشف الخطة دي .. أها كده الجكس طار .. يعوضك الله ياصديق ...
| Quote: وهن الجكس كان ما سالن عليك سلم الباسورد بتاعك للمهندس بكري |
ياخي أنت الزول ده أكل سمايتك ؟ مالك معاه ياخي !! إن كان خائف على جماعتك ماتخاف أنا بعمل الواجب وبغير مجرى الدردقة في إتجاة الغرب علشان برميله دي مايجي بي جنب بابهم .. عالم جبانات .
| Quote: لا سالت عليك وكنت مرتاح جدا لانك مافي .. عامل زي الكابوي الحصانو مات |
أها كده كشفت لينا المستور .. ياود الموج يازول إدردق ذي ما عايز إنشاء الله تدردق جنب جكسيهو ظاطو .  ده زول حاقد ساااكت وخائف على الحمام بتاعه يطير ... طيار أب ريش للدريش .
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: صديق الموج)
|
| Quote: الى كل الاوغاد الذين سالوا عنى هنا |
بركة الجيت .. بركة الجيب ... أأأي عسل أنت وبسكويت ..
حمد لله على السلامة ...
يعني أنت إلا يشركوا ليك بي جوليا دي حتين تجي ؟
| Quote: غايتو الا ما يغيب عنكم زول مغترب طوالى تسالوا عنه!!! |
سجم إغترابك يا يمـــه ...
| Quote: غايتو جنس تملق هو.. |
إشتغفرتك يامالك روحي .. يتملقولك إنت في نان شنو ؟ من مال الوفير ، ولا سيارتك اللكزز ولا من فيلتك المتل البيت الأبيض ولا من سماحتك ياشين .
قاعد ولاّ مدردق ...
| Quote: سلفيه،دين، هبه، مستعدين،،،، |
سلافه دي منو ؟ ولا دينا دي كمان تطلع شنو ؟ وهبه دي بت منو؟
غايتو جنس دردقة .......
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: sumah)
|
الحبيب عمده الصفوى
العزيز ود الموج صاحب القلب النقى و الاصيل اصالة السودان له تفرد لا يدانيه فيه احد
له مقدرة عالية على السخرية و الاضحاك قلما تتوفر فى هذه الايام انظر ادناه لرده على الاخ يازول يازوبل ( هشام شيخ الدين ) فى احد البوستات :
Quote: هشام يا اخوى كان بتسمع نصيحتى اقعد قبلك
اولا ناس فى عمرك وعمرى بعد ده الا يشتغلوا بوابين لانو
اى وظيفة تقرأ اعلانها يقول ليك ان لا يزيد العمر عن 32 عاما
حتى لو دايرين جدود يقولو ليك كده.
بعدين جنا تعرفوا اخير ليك من الجن الما بتعرفوا.
تلاته افتكرت مناشدتك كايس معاشك والا حقوقك قلت اساعدك.
هشام لا اريد ان ازعزع يقين القانع.
لكن خلى نبراس وصهيب يخلصوا امتيازاتهم وقراياتهم
وسوى ليك فروة كبيرة وكل جمعه على مكه صلى فى الحرم
وارجع حرف الكسرة بتلقاه عندهم لاننا فى عمر زى ده
ما دايرين غير شوية كسرة ونبلع وراهم الحبوب.
انا خايف السيرلاك يغلت علينا بعد ده.
ودعتك الله يا اخوى ان شاء الله عجبتك نصيحتى،،، |
ضحتك حد الدموع النزلوا ... و دعوت الله ان يحفظ لنا هذه الشخصية المتفردة.
و بأمر من يحبوك هنا يا ود الموج نقول ليك :
قرّب تعال ما تبتعد
شكرآ يا عمدة على " تفقدك" و "افتقادك" للشخصيات " المهمة " بالبورد!!!!
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: KOSTA)
|
كـوســـتا يازعيـــم
| Quote: العزيز ود الموج صاحب القلب النقى و الاصيل اصالة السودان له تفرد لا يدانيه فيه احد |
صدقت يا كوستا رجل ما ندر أن يجود به الزمان ...
| Quote: مقدرة عالية على السخرية و الاضحاك قلما تتوفر فى هذه الايام |
هي سخرية سااااكت ، والله ياكوستا عنده لسان سليط خلااااااص أكعب من لسان المشاطات .. ياخي ده لو غفل ثانية نفسه زاتها مابريحها ... غايتو لو عايز تموت من الضحك تعال دار الصحافة يومي الخميس والجمعة من كل أسبوع ... مع ود الموج .. مش ح تقدر تغطي إذنيك ... .
| Quote: و دعوت الله ان يحفظ لنا هذه الشخصية المتفردة. |
آآآمين.
| Quote: و بأمر من يحبوك هنا يا ود الموج نقول ليك : قرّب تعال ما تبتعد |
ياكوستا ياخي ده لو قرب تاااني إلا نكسر الثلج في أم الحمام ...
| Quote: شكرآ يا عمدة على " تفقدك" و "افتقادك" للشخصيات " المهمة " بالبورد!!!! |
وشكراً لك على مرورك الجميل ومداخلتك الرائعة ... مع أمنياتي لمريخ العزة والشموخ بتحقيق كل بطولات الموسم والذي يليه ....
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: عماد محمود علي)
|
العزيز عماد وكل الاحبة
الزول دا قبل يومين كان زاريهو واحد اخونا اسمو عمر الجبل زرة كلب في طاحونة
ومنها الزرة اختفي من كل احياء الرياض الشعبية وتلفونو مقفل وما برد اول كان بيجامل
في الافراح والاتراح واخر مرة شوهد في تابين د/ عبد النبي ومن ديك اللحظة مختفي وحصلت
كذا مناسبة تهمه ولم يشاهد فيها ...... علي العموم وعلي كل من يجده يخبره بان الاخ عمر الجبل
قد عفا عنه بشهادة رفيق دربه المهندس عبد المنعم عمر ....
اظهر ياجبان وليك الامان بالمناسبة المصري كشحا لينا .....
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: مهدى الصادق السيد)
|
| Quote: الزول دا قبل يومين كان زاريهو واحد اخونا اسمو عمر الجبل زرة كلب في طاحونة |
قلت لي مزرور .. وااااشريري ... إنت مزنوقي ....
| Quote: علي العموم وعلي كل من يجده يخبره بان الاخ عمر الجبل قد عفا عنه بشهادة رفيق دربه المهندس عبد المنعم عمر .... |
بخـتـــــك ... ياللا تعال إتجـدع ... عالـــم جبـانـات ...
| Quote: اظهر ياجبان وليك الامان بالمناسبة المصري كشحا لينا ..... |
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: khaleel)
|
أبـو خليــل
مســاءك ســعيد ...
| Quote: ياخي صديق الموج شديد ولضيض |
شدة الحرامي السرق الفيديو والشريط شغاااال ..
Quote: جاني اول امبارح في بوست العروس السودانية عشرة مرات /QUOTE]
ياخي ده أي حاجة في كلمة ( جكس ) تلاقيهو محشور ... ياخي ده حيرني في رأسي الكعب ده ...
| Quote: واخر حاجة قال عائزاعرس البت الفي البروفايل بتاعي |
يعرس ركابيك ياود الموج ... ياخي ده يحير بلد بي حالة .. جنس دردقة حتى في البروفايل بدردق .
| Quote: اها وين اصحابنا الزمان سلم عليهم وقول ليهم كل سنة وانتو طيبين |
ياخي ديل حيروني أكثر من صديق زاااتو , قاطعوني بلا سبب كده وعملوا لي طناش وشتتوا . الله معاهم .
| Quote: واحسن ليهم عيد الدوحة بدل جليد كندا دها |
ياريت لو يجوا الدوحة ياخي كان على الاقل جينا زرناهم وبقى عيدنا عيدين ..
بالله لو لقيتهم في أي مكان بلغهم كثير ســـلامي وقول ليهم ماكان العشم ...
وشكراً لمرورك ......
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: Deng)
|
أخي وصديقي الذي لم ألتقيه دينق :
تحياتي واحترامي عزيزي ......
| Quote: ده بوست مدفوع الأجر ولا شنوا? |
يادينق صديق ده عمرك شفته دفع في حاجة ؟ ياخي ده بس فلاحته يشيل .. دفع ده لا !!!!!
| Quote: في زول نصيح وعاقل بسئل من ود الموج. |
يادينق قلنا نطمئن نفسنا شوية .. قلنا نشوفه مشفر ولا مباشر علشان نطمئن وكده ، عندنا كلام كثير عايزين نكتبه بس من غير ما يجينا رد منه ، أها قلنا في الأول كده نجس النبض بس للاسف طلع مباشر .. وخابت ظنونا .... الله غالب .
| Quote: خليهوا يغيب من البورد ويريحنا اصلو مضايق الناس فوق كل شئ. |
ومين سمعك !! ياخي أنا بالذات الزول ده قاعد لي في زوري ده ... ذي شوكت الحوت لا بتتبلع ولا بتفوت ... ياخي مضايقني جنس ضيق .. الله يفكنا منه ...
لك المحبة والتقدير ,,, وشكراً لمرورك العذب .... .
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: بابكر التوم)
|
بابكر التوم يافردة ...
ياخي مافي حتى رسالة واحدة ... بيها نتصبر شوية ... ولو مسكول ياخي .
تمام ياسيدي ...
| Quote: التحية ليك ولود الموج اظرف ظرفاء البورد |
ياخي ما تقول كده .. دينق ده حسع بيزعل منك .... !!!
| Quote: واحرف من يدردق على وجة الارض |
ياخي ده درديقه يحير زاااتو ... براميله دائماً جديدة وبتلمع غايتو نحن الله لينا بس .
مشكور عزيزي على مرورك الحلو زيك .... ( رغم أنك رشاشة ) ..
أرقد عافية ..
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: عماد محمود علي)
|
ياعماد.
تتخيل في العيد الفات, كنت بضرب تلفونات لبعض الاصدقاء لزوم المعايدة وكده. تصدق كل الارقام اللي حاولتها رفضت تجمع معاي, وكل مرة في النوتة كنت بمر بي اسم ود الموج واقوم افطوا. في النهاية قررت اضرب ليهو تلفون, على الاقل اكون قمت بالواجب وكنت متوقع تلفونو ح يكون مثل البقية, ان قلت لنفسي تلاتة رنات فقط وأقفل الخط, وحياتك من اول رنة زولك رفع السماعة. بعد ماسلمت عليهو وهنيتوا بالعيد قام طوالي قال لي: ليه يا دينق ما انتظرت شوية? الساعة 11 صباحا ليه ما اديتني فرصة اعيد على الناس الحلوين في الاول, كان تضرب لي متأخر شوية. وطبعا انا نزلت فيهوا وقلت ليهوا والله قدر ما حاولت اخطا تلفونك ده ما قدرت, وانا حاولت اضرب للناس الحلوين كلهم تلفوناتهم ابت تجمع إلا تلفونك الشين ده الجاني ومن اول رنة.
دينق
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: Deng)
|
صديقي دينق ...
لك المحبة والاحترام ...
| Quote: وكل مرة في النوتة كنت بمر بي اسم ود الموج واقوم افطوا. في النهاية قررت اضرب ليهو تلفون, على الاقل اكون قمت بالواجب وكنت متوقع تلفونو ح يكون مثل البقية, ان قلت لنفسي تلاتة رنات فقط وأقفل الخط, وحياتك من اول رنة زولك رفع السماعة |
ياخي ده زول شليق خلاااااص .
| Quote: قال لي: ليه يا دينق ما انتظرت شوية? الساعة 11 صباحا ليه ما اديتني فرصة اعيد على الناس الحلوين في الاول, كان تضرب لي متأخر شوية |
ياخي ضحكتني لامن قربت أقع ... قلت لي قال ليك تتأخر ؟ ده راجل ممسوخ ومسنوح ذي شيقا .. ياخي ديل لو ما صبحوا على الجكس مابقدروا يمشوا الشغل ... الله يجازي شياطينهم وهم زاتهم شياطين ..
| Quote: وطبعا انا نزلت فيهوا وقلت ليهوا والله قدر ما حاولت اخطا تلفونك ده ما قدرت, وانا حاولت اضرب للناس الحلوين كلهم تلفوناتهم ابت تجمع إلا تلفونك الشين ده الجاني ومن اول رنة. |
ده بس من سوء حظك المنيل وحظه السمح ... تاااني ماتكررها ياالحبيب ولو بالهظار ...
وكل عام وانت بخير ....
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: عماد محمود علي)
|
يا عماد أخوي وكل البورداب الذين تداخلو
صديق الموج يوم الأحد وبعد مباراة الهلال والمريخ الأخيرة
جانا الدار والله مكسوف وشو يلعن قفاه لأنو طبعا سولي شريق
وإيفياني خلوه زي المرة المات راجلها المهم والله دخل علينا في دار الصاحقة وشو
يلعن قفاه لكن والله الإخوان ناس إسحق وكمال فضل وطارق خضر وسيف البشيرما قصروا معاه
زادوا الطين بله لما أدوه عود في الجنقور ومن هنا نعلن عن إفتتاح محلات الموج للعود الجنقوري
الكمية محدودة يا جماعة ومن يود كمية أكبر فليسارع بالإتصال بالأخ/ صديق الموج صاحب محلات العود الجنقوري
مع تحياتي
| |
|
|
|
|
|
|
|
|
|
Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: سيف الدين علي محمد الفاضل)
|
ياعماد كيفنك ياخى ,, والله مشتاقين ,,
حقيقة والله صديق الموج وحشنا شديد ,, وطبعا أنا كشفت ليكم لعبتو ,
فالرجل لايظهر الا مع ظهور وجه صبوح جديد فى البورد من الجنس اللطيف
وبما ان البورد مغلق للتحسينات ولم يظهر أى وجه حسن فى الشهور الماضيه
فهو فى بيات شتوى تام , وللتأكد من صحة حديثى أرجو مراجعة الارشيف
والتأكد من آخر مشاركاته .
ياصديق الموج والله قضيت أيام جميله فى اجازة العيد الماضى فى منزل ناس امين فى
ال 12 والجماعه كانوا متوقعين حضورك لزواج شقيقك , لكن خزلتهم , عموما استمتعت
شديد بحكاية السيك الفى قبولك ,, لكن اسديتها ليك ,,
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: كمال سالم)
|
كيمـــو ســــلامات ياشفيف ...
ياخي شوقنا مطر .....
Quote: حقيقة والله صديق الموج وحشنا شديد ,, وطبعا أنا كشفت ليكم لعبتو ,
فالرجل لايظهر الا مع ظهور وجه صبوح جديد فى البورد من الجنس اللطيف |
ياخي مالك على الراجل ماتخلي القالب مستور ......
| Quote: وللتأكد من صحة حديثى أرجو مراجعة الارشيف والتأكد من آخر مشاركاته |
ينظــر ويـــفاد ....
| Quote: عموما استمتعت شديد بحكاية السيك الفى قبولك ,, لكن اسديتها ليك ,, |
برضو؟!! ياخي ده مابتعظ ولا كيف ؟ هنا بجي دار الصحافة ويلعب لعبة كده أسمها الكنجور .. أها كل مرة يدوه عوووود يعني بكون قاااعد بلاااااااطة مامعاه ولا كرت واحد كسبه .. ياخي ده فضيحة خلاااااص .
تسديدة :
تعرف ياكيمو السبب الحقيقي في إختفاءه شنو ؟ قبل عام من هذه الايام كان صاحبك مشنوق بـ ( آمنة عبد الكريم ) أها طلعت ولد ، وجاته نفسيات وتداوى منها في حينه فقط وها هي تعاوده مرة أخرى بعد مرور عام كامل على هذه القصة الحزينة .... وذي مابقولوا ( الولف كتااااال ) .
شكراً كيمو على مرورك وتوضيح حقيقة ود الموج ...
| |
|
|
|
|
|
|
|
|
 Re: صـديـق المـــوج ـــ سحروك ولاّ أدوك عيــــن ....... ولاّ مدردق (Re: سيف الدين علي محمد الفاضل)
|
صديق الغربة والمحن سيف الحبيب ...
كيفنك ياأخوي ، كده أول قول لي العشرة الشالها منو ؟ أنا مسكتها لي مصطفى .... طبعاً أكيد لطشوك أوعك تنكر !!!!
Quote: صديق الموج يوم الأحد وبعد مباراة الهلال والمريخ الأخيرة
جانا الدار والله مكسوف وشو يلعن قفاه لأنو طبعا سولي شريق
وإيفياني خلوه زي المرة المات راجلها |
ليــــة ؟ شــالوا منـــه الدوري ولا كيف ؟ .....
| Quote: لكن والله الإخوان ناس إسحق وكمال فضل وطارق خضر وسيف البشير ما قصروا معاه |
| Quote: زادوا الطين بله لما أدوه عود في الجنقور |
ياسيف الكورة لسه مواعيدها بكره إنشاء الله ، مالك بتهضرب من هسه !!! ديل بس يتلموا كيفن عاد !!!
أركز يامان .... والكأس للمريخ بإذن الرحمن ......
ونلتقي .....
| |
|
|
|
|
|
|
|
| |
العوض المسلمي
الطيب شيقوق
علاء الدين حيموره
هاشم أحمد خلف الله
بدرالدين يعقوب
Mohamed Abdelgaleel
خالد المحرب
انعام عبد الحفيظ
طارق جبريل
baha eassa
Abd Alla Elhabib
عبدالله كع
صديق الموج
مصطفي سري
سارة علي
عواطف ادريس اسماعيل
الفاتح يوسف جبرا
sumah
KOSTA
Zomrawi Alweli
khaleel
Deng
بابكر التوم
كمال سالم
فيس بوك
تويتر
انستقرام
يوتيوب
بنتيريست