|
|
 شكرا بكري والاحباب
|
لم اتتظر اكثر من ساعات قليلة لكي اتلقى ردا بالموافقة على الانضمام للمنبر العام.. شكرا بكري على الاستجابة .. وشكرا للزملاء الكثيرين الذين بادروا بدعم الطلب.
ارجو ان اكون كماقلتم
شكرا ود رملية
شكرا صلاح شعيب
شكرا عصام محمد احمد البرلوم
شكرا نشأت الامام الفنان
شكرا مصطفى ودعكر رفيق الايام الجميلة
شكرا الصادق ود الرضي عالم الشعر الشفيف
شكرا "ابو محمود" عادل ود فضل المولى الودود
شكرا شكرا عبد الله عقيد فقد استجاب بكري
شكرا عثمان فضل الله الصديق الذي يعرف كم اوده
شكرا بخاري بشير 12 عاما من الحب والود والصداقة العامرة باذن الله
واخيرا شكرا لكل اعضاء المنبر فقد دعمتني ثلة تمثلكم جميعا
|
|
 
|
|
|
|
|
|
|
|
Re: شكرا بكري والاحباب (Re: حسن البشاري)
|
ألف مرحبا بك أستاذ حسن البشاري
وألف شكرا لك أخي المهندس بكري أبوبكر
ما قلت لك بستجيب؟
حبابك يا أستاذ ونرجو أن يطيب لك المقام
مع تأكيدنا بأن قلمك سيثري البورد.. بإذن الله.
ولك التقدير
| |
|
|
|
|
|
|
|
|
|
Re: شكرا بكري والاحباب (Re: حسن البشاري)
|
Quote: شكرا ود رملية
شكرا صلاح شعيب
شكرا عصام محمد احمد البرلوم
شكرا نشأت الامام الفنان
شكرا مصطفى ودعكر رفيق الايام الجميلة
شكرا الصادق ود الرضي عالم الشعر الشفيف
شكرا "ابو محمود" عادل ود فضل المولى الودود
شكرا شكرا عبد الله عقيد فقد استجاب بكري
شكرا عثمان فضل الله الصديق الذي يعرف كم اوده
شكرا بخاري بشير 12 عاما من الحب والود والصداقة العامرة باذن الله
|
أنتا بتعرف ديل كلهم وقاعد بره؟؟؟
و الله بالغتا ....
أبقى لى جوه ومرحب بيك فى ديار بكرى العامرة
| |
|
|
|
|
|
|
|
|
|
Re: شكرا بكري والاحباب (Re: بخاري بشير)
|
مراااااااااااااااااااااحب
تعرف يا بشبش انت اسرع زول في (سباق الركض) نحو الحساب
أكيد نسيبتك داعية ليك
ياخي سبعطاشر يتسابقوا عشان افتحو ليك الباب ..حاجة عجيبة!
تعرف بكري دا ما سيد الحوش..؟
أها لو قام حسابو جلىّ ساكت بي الغلط
مافي زول يفتح ليهو حتي يضرب الروراي
..
مبروك
أها شفت كيف خانتك كانت شاغرة ..؟
وكيف محمد واختو ايثار
....
..
.
يعني دايرين الايمش
بي إيثار ومحمد سوا
وعقبال البدوي
| |
|
|
|
|
|
|
|
|
|
بكري والاحباب (Re: حسن البشاري)
|
القردابي
مرورك اسعدني
بخاري
ايها الانيق الاصيل تبقى واحدا من اروع الناس .. شكرا للمؤازرة .. شكرا للدعم .. شكرا للمرور الزاهي
| |
|
|
|
|
|
|
|
|
|
شكرا بكري والاحباب (Re: حسن البشاري)
|
الاخ عادل
احسب نفسي محظوظا ان قيض الله لي اصدقاء ورفقاء درب كثر .. لا اشكرك على الدعم بل اشكرك على انك صديقي..
لا زلت اهفو الى تلك الجلسات .. وتلك الايام
سلام للاسرة وللبدوي .. واعتقد ان بخاري سيكون اسرع في توصيل التحية اليه
| |
|
|
|
|
|
|
|
|
|
Re: شكرا بكري والاحباب (Re: حسن البشاري)
|
سلامات
وعوافي
ياخلاصة الخير الفي الناس
ترياق الزمن المتعافي
"العالم الاكبر" الحبيب ابوايثار مراحب مراحب نورتا الفجة .. وعقبال دخول البدوي ابواحمد(رفيقك) في عضوية المنبر...
يالبدوي رسالتك قريتا طبعا هاهاهاهاها...
بالمناسبة دي مفروض نشات الامام وبخاري بشير شوية يتحركوا لينا مع ودالبطانة دا ويطلع لينا برا في سهلة سودانيزاونلان..
ويانشات بلغ عني هذا البدوي الرجل الجميل والصديق العزيز الذي احبه لطيبته ولنقاء سريرته وبهاء روحه بلغه عني شديد المحبة والشوق ..
ونتلاقا في العيد لو ربنا مدا في ايامنا..
| |
|
|
|
|
|
|
|
|
|
Re: شكرا بكري والاحباب (Re: ودرملية)
|
العزيز البشاري
ألف مرحب حللت أهلاً ونزلت سهلاً.. وشرف لنا ان تضعنا مع هذه الكوكبة التي تقدمت لها بشكرك.. فشكراً لك..
الغالي ود رملية
انا برضو قريت رسالة البدوي.. لكن البشاري يستاهل اكتر من المحلبية.. هاهاها
البدوي ان شاء الله سنحاول غوايته لدخول المنبر
يلا في امان الله.. وما قلت لينا حاجه بخصوص علي السقيد.. نرسل ليك المحاور يا حبيب؟؟
| |
|
|
|
|
|
|
|
|
|
Re: شكرا بكري والاحباب (Re: عثمان فضل الله)
|
سلامات
وعوافي
الحبيب نشات
(البشاري نستاذنك في التخريمة دي)
نشات :
المسالة ما مسالة محاور البتة لكن وقتي شوية صعيب يعني لاقيتم في الحفل اقصد مدني والسقيد وحقيقة طريقة حوار (صدرو فاتح) صعبة شوية في الوقت الحالي لانو برنامجم مزحوم وانا برنامجي مجلي المهم انا اتكلمت معاهم الاتنين بخصوص حوارات للصحف السودانية .. وكما تعلم مدني النخلي انسان صديق حدثته عنك وعن الحوار فابدا تجاوب تام ..وبوريك بعدين مواعيد وصولو السودان عشان تختطفوا من (دقشن بدري) ودي مربوطة بي ردك لي اتصالاتنا لاني تعبت من عدم ردك علي التلفونات ودا الرقم البتصل فيهو :0249912562161
لي اكتر من اسبوع بضرب مافي زول بيرد .. انشاء الله المانع خير..
المهم اذا الرقم خطا ارجو ارسال الرقم الصحيح يانشات ..موبايلي هو
009745327127
اسف الكلام شكلو جايط لكن اخوك في الشغل فعزرا وكدا ..
اها بلغ التحايا لي كل غبشنا الحلوين ..
بالمناسبة طبعا اخوك (جاي ناطي) في العيد ..
قول لي البدوي قال ليك برنامجي مع كمال الصادق ناقصك بس والله حاجة ماتخلص ..وقول ليهو برضو اشتري الشطة الخدرا من هسي لاني معيد العيدين هناك يعني ماعندو مشكلة في شطة بالدكوة وكدا..
وغزير محبتي..
في انتظار تلفونك ..
| |
|
|
|
|
|
|
|
|
|
Re: شكرا بكري والاحباب (Re: ودرملية)
|
Quote: ارجو ان اكون كماقلتم
شكرا ود رملية
شكرا صلاح شعيب
شكرا عصام محمد احمد البرلوم
شكرا نشأت الامام الفنان
شكرا مصطفى ودعكر رفيق الايام الجميلة
شكرا الصادق ود الرضي عالم الشعر الشفيف
شكرا "ابو محمود" عادل ود فضل المولى الودود
شكرا شكرا عبد الله عقيد فقد استجاب بكري
شكرا عثمان فضل الله الصديق الذي يعرف كم اوده
شكرا بخاري بشير 12 عاما من الحب والود والصداقة العامرة باذن الله
واخيرا شكرا لكل اعضاء المنبر فقد دعمتني ثلة تمثلكم جميعا |
برغم التمييز ضدنا انا واخواتى الطالبوا بكرى مطالبة جسورة بوجودك بيننا الا انك على العين والرأس ايها الرجل الكبير القامة ..وليطيب لك المقام بيننا .. والف مرحب
شكرا لكى سلمى التيجانى
شكرا لكى نادية بت عثمان
نشكر روحنا براانا نسوى شنو عاد ؟!!
| |
|
|
|
|
|
|
|
|
|
Re: شكرا بكري والاحباب (Re: نادية عثمان)
|
سلامات
وعوافي
والله يابشاري اتلومت في نادية عثمان وسلمي التجاني
دحين الحق بت عثمان دا ماتقوم تصرها ليك ..
واكيد يانادية مامقصودة فحسن حدثني عنك وعن سلمي التجاني حديث طيب جدا جدا ..
ياابو ايثار يازول تعال مارق لي برة..
| |
|
|
|
|
|
|
|
|
|
شكرا بكري والاحباب (Re: حسن البشاري)
|
الصحفية اللامعة
نادية
برغم التمييز ضدنا انا واخواتى الطالبوا بكرى مطالبة جسورة بوجودك بيننا الا انك على العين والرأس ايها الرجل الكبير القامة ..وليطيب لك المقام بيننا .. والف مرحب
شكرا لكى سلمى التيجانى
شكرا لكى نادية بت عثمان
نشكر روحنا براانا نسوى شنو عاد ؟!!
نادية انت ست الدار وست الشكر ..
لكن غيابا طاريء هو ما ادى الى هذا الموقف .. ومع ذلك اشكر هذا الغياب الذي اتاح لنا عتابكم الجميل .. اتابع اخبارك وبوستاتك المتألقة التي تجتذب الاعضاء من كل حدب وصوب .. ويكفيك ايتها الصحفية اللامعة كل هذا القبول .
ودمت
| |
|
|
|
|
|
|
|
|
|
شكرا بكري والاحباب (Re: حسن البشاري)
|
سلمى التجاني
من بين عشرات بل مئات الصحفيين الذين التقيتهم او عملت معهم او قرأت لهم ، كانت قلة منهم من اجبرتني على احترام اقلامهم .. وانت لاشك واحدة من هؤلاء الذين برعوا في التحقيق السياسي وهو اصعب انواع التحقيقات قاطبة لانه مثل السير فوق الغام متفجرة..
لك التحية .. والاحترام
| |
|
|
|
|
|
|
|
|
|
Re: شكرا بكري والاحباب (Re: حسن البشاري)
|
الاستاذ حسن البشاري
مرحب بيك
واشكرك كثيرا علي كلماتك بحقي
وافخر بها فأنت صاحب قلم متميز ومقتدر
ويلا ننتظر اسهاماتك
ما تبقي زي عثمان فضل الله لامين يزعل لي زول حتي يدخل المنتدي
ولا زي عبد الحميد عوض,, داك ما في زول بشوفو خاصة بعد ما
الود بقي موظف في الامم التحدة
الف مرحب الاستاذ البشاري
| |
|
|
|
|
|
|
|
|
|
شكرا بكري والاحباب (Re: حسن البشاري)
|
الاستاذ صلاح شعيب
كم اسعدني هذا الاحتفاء وهذا الدعم .. وانا ممتن جدا للمنبر الذي اتاح لنا اللقاء بعد طول انقطاع .. يا ايها الرجل العظيم التواضع
| |
|
|
|
|
|
|
|
|
|
Re: شكرا بكري والاحباب (Re: WadAker)
|
الاخ مصطفى ود عكر
لست ادري لم كنت الاقرب الي من بين كل الزملاء الذين رافقونا في تلك الرحلة التي لا تنسى .. اين هؤلاء الاخوة صديق العاقب .. ود الزين المصور .. ود الاعلام المركزي الذين ينصب نفسه قائدا للركب .. يالها من ايام يا ود عكر
لك محبتي
| |
|
|
|
|
|
|
|
|
|
Re: شكرا بكري والاحباب (Re: حسن البشاري)
|
الأستاذ حسن البشاري
تحياتي
مرحب بيك تاني ..ونأمل أن نرى من قلمكم الكثير
,,,,,,,,شكرا على زيارة البوست التاني بـ هناك
وأرجو أن تزوره ثانيا...........مع محبتي
بالمناسبة نتمنى أن، ينضم إليناالرقيق والشفيف دوما مالك محمد طه...كيف حاله أبلغه عني السلام...ياريت لو انضم الينا,,سيساعدني كثيرا في الأشعار والدوبيت والمسادير فهو رجل شاعر وشفاف ويعشق الكلمة الحلوة.....
وتحياتي الى الرائع دوما ودرملية..وكأنني إلتقيت هذا الرجل
دمتم جميعا
(عدل بواسطة بخاري بشير on 09-27-2005, 09:20 AM)
| |
|
|
|
|
|
|
|
|
|
Re: شكرا بكري والاحباب (Re: بخاري بشير)
|
سلامات
وعوافي
يااحباب الروح ..
لكم المودة ..
بخاري بشير سمعت عنك الكثير من الحبيب البشاري فدائما ما يتحدث عنك بالفة (وللعالم الاكبر اسلوبه الخاص حينما يشتد به حنين الحكي) وحدثني عن كل الذين مروا في حياته ثم تركوا بصماتهم الوضيئة في ذاكرته فكلما (هبشته) وعثاء الغربة (ركن) اليهم ليستريح .. والذكريات (هنا في المنافي المالحة) زاد اقوي من الزاد..فقدر كيف يكون حالي وانا اسمع كل هذه الذكريات النبيلة ...
وانا طامع في لقاءك اخي العزيز اذا مد الله في ايامنا..
تقبل غزير ودي ..
عبدالرحيم ودرملية ..
| |
|
|
|
|
|
|
|
|
|
Re: شكرا بكري والاحباب (Re: ودرملية)
|
الاخ ود رملية
كيف ما تكون الصورة التي انطبعت في ذهنك عن بخاري فهي لا شك دون روعة الرجل ودماثة خلقه وتهذيبه .. آمل ان تلتقيا في اجازتك المقبلة..
قبل قليل نامت ايثار وانتهزت فرصة الهدوء لاداعبك قليلا .. ارجو لك سهرة طيبة مع دوام العمل.
| |
|
|
|
|
|
|
|
|
|
Re: شكرا بكري والاحباب (Re: حسن البشاري)
|
سلامات
وعوافي
العالم الاكير - البشاري ..
| Quote: كيف ما تكون الصورة التي انطبعت في ذهنك عن بخاري فهي لا شك دون روعة الرجل ودماثة خلقه وتهذيبه |
ياسلاااااااااام .. شكرا البشاري والف شكر بخاري بشير ... (كوني) بينكم..
محبتي العالية..
| |
|
|
|
|
|
|
|
|
 Re: شكرا بكري والاحباب (Re: ودرملية)
|
الاخ والصديق
حسن ود الفكى
اولا حبابك ألف..انا كنت متوعك شوية ,,ولكن منبرنا نور بوجودك...المهم عايز اكرم مثواك ...لكن يازول اعمل ليك شمطة فى المنبر وأبعد لى منها..
يااخى حبابك ورمضان كريم
مع مودتى وتقديرى
| |
|
|
|
|
|
|
� Copyright 2001-02
Sudan IT Inc. All rights
reserved.
| |
حسن البشاري
عبد الله عقيد
ALGARADABI
بخاري بشير
عادل فضل المولى
ودرملية
nashaat elemam
عثمان فضل الله
صلاح شعيب
محمد عكاشة
فيس بوك
تويتر
انستقرام
يوتيوب
بنتيريست