بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 02:22 PM الصفحة الرئيسية

مكتبة معاذ حسن(معاذ حسن)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

وماذا ننتظر بعد الأمطار المزورة !!؟؟

04-12-2007, 09:21 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

وماذا ننتظر بعد الأمطار المزورة !!؟؟


    عرفت كغيري من سكان هذا العالم الثالث أنواع مختلفة من التزوير إبتداءاً من تزوير العملات وتزوير الانتخابات وتزوير إرادة الشعوب وتزوير الامتحانات ولم يثير أي نوع من هذه الأنواع أي حنق في نفسي ولم أتضايق منها, بل اعترف إنني قد مارست بعض الأنواع الخفيفة من التزوير التي لا تضر احد وتكون نافعة لي في بعض الأحيان.
    إلا إن المرء لا يملك إلا أن يشعر بالغضب والاستياء الشديد جراء بعض ممارسات التزوير الخطيرة التي طرأت مؤخرا على هذه الدنيا والتي ادخلها هؤلاء الخواجات الملاعين في حياتنا.
    ظللت طوال هذا الشتاء مستغربا ومندهشا من الأمطار الغزيرة المريبة والغير مألوفة التي هطلت على (ربا نجد) وبحكم إنني دائما ما افترض الأمور الجيدة حتى يثبت العكس فقد حسبت إن كل هذا الخير العميم ما هو إلا نتيجة استقامة الناس وتقواهم إلا انه نما إلى علمي مؤخرا ومن مصادر عدة إن كل هذه الأمطار عبارة عن أمطار مزيفة مصطنعة!! ,فقد إستجلبت الحكومة خبراء في هذا المجال وقاموا بحيلة ما باستجلاب السحب وتلقيحها واصطناع كل هذه الأمطار!! وقيل إن (المطرة) الواحدة تكلف مليون دولار.
    ومنذ أن عرفت هذه المعلومة لم تعد هذه الخدعة تنطلي ولم اعتد استمتع بهذه الأمطار المزيفة,خرجت صباح اليوم ورفعت بصري إلى السماء أرقبها بمكر ودهاء فقد انكش المستور ,أخذت أراقب السحب المزيفة وهي تتجمع وما هي إلا لحظات حتى لمع برق مزيف كإمضاء الشيطان أعقبه رعد أجوف كاذب وما هي إلا لحظات حتى هبت عاصفة ترابية مفبركة ومن ثم انهمر المطر المزور!!
    هذا التزوير في الأمطار والذي اعتبره ممارسة غير أخلاقية ذكرني بما قرأته مؤخرا من إن هؤلاء الخواجات قد ابتكروا شجرة تثمر خمسة أنواع من الفواكه في ذات الوقت فتجد احد قطوفها محلمة بثمار المانجو, وفوقها مباشرة تمتد عناقيد الموز وعلى يمينها القريب فروت وأسفلها الشمام.
    أما اخطر أنواع هذا التزوير فهو الدجاج المزور الذي تنتجه المزارع الكبيرة حيث يصنعون من البيضة وخلال أربعين يوما دجاجة مدغلبة تسر الناظرين!! إلا إنها في حقيقة الأمر ما هي إلا (سيوسيو كبير) عمره أربعين يوما, وإذا أردت أن تتأكد من ذلك فما عليك إلا أن تقترب من واحدة من هذه الدجاجات المفبركة وستجد الدليل في صوتها, من المفترض في الدجاجة الراشدة أن تصوت بصوت عريض ممتلئ كما كنا نسمعه عندما كنا نربي الدجاج في صغرنا هكذا (كااك كاااك كاك) أما هذه الدجاجة المزورة فستجدها تصوت بصوت ضعيف منخفض هكذا (سيو سيو سيو) تماما كما تفعل (السواسيو) الصغيرة وذلك لأنها في حقيقة الأمر ما هي إلا (سيوسيو) تلاعب الخواجات الملاعين في تكوينه حتى أصبح في حجم دجاجة.
    أما أكثر ما يثير الهلع في نفسي هو أن يقوم هؤلاء الخواجات بفبركة (قيامة) مصطنعة فهم يعلمون جيدا إننا ننتظر يوم اسمه يوم القيامة يختلط فيه الحابل بالنابل وتجفل فيه كل مرضعة عما أرضعت.أليس من الممكن أن يقوم هؤلاء الخواجات باصطناع كرة حمراء عظيمة تطلع علينا من مغرب الشمس مصحوبة بتفجيرات وفرقعات وغبار وفوضى عارمة حتى نعتقد إنها القيامة الحقيقية التي ننتظرها فنترك كل ما بأيدينا ونقف في صفوف طويلة في انتظار الحساب وفي هذه الأثناء يقوم هؤلاء الملاعين بنهب أموالنا وقصورنا ومزارعنا ونفطنا؟؟ أليس هذا السيناريو ممكنا في ظل هذا التمادي في تزوير الأشياء؟.
                   |Articles |News |مقالات |بيانات

04-12-2007, 09:50 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    الجدير بالذكر ان الحديث عن هذه الامطار المزورة ظل متداولا طوال الايام الماضية لدى العامة ,وكتبت إحدىالصحف في العام الماضي عنه. وقد حدثني بالامس من التقى باحد هؤلاء الخبراء في تزوير الامطار وشرح له كيفية حدوث ذلك.
    يا اخونا فيكم زول سمع بالشغلانة دي؟
                   |Articles |News |مقالات |بيانات

04-12-2007, 10:18 AM

سامى عبد الوهاب مكى
<aسامى عبد الوهاب مكى
تاريخ التسجيل: 01-06-2005
مجموع المشاركات: 4963

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    لا دا موضوع خطير ماتخليه يمر ساكت!!


    كمان جابت ليها تقرير مصير وقيامة؟؟

    سلام يا مبدع..
                   |Articles |News |مقالات |بيانات

04-12-2007, 10:28 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: سامى عبد الوهاب مكى)

    Quote: لا دا موضوع خطير ماتخليه يمر ساكت!!


    عزيزي سامي
    تصدق كل الناس هنا عارفه الموضوع دا.ومتداول بشكل كبير
    والامطار الجاتنا دي ما امطار طبيعية على الاطلاق.
    وجازفت بالموضوع رغم انو في ناس ممكن يعتبروك مجنون لو اتكلمت في حاجات زي دي.
    دحين في سمعك من ناحية علميةيمكن الكلام دا يكون صحيح؟
    تحياتي.
    غايتو كان عملتوها يا الخواجات تكونوا بالغتو عديل.
    كمان جانا تزوير الهبوب والمطر!!
                   |Articles |News |مقالات |بيانات

04-12-2007, 10:30 AM

سامى عبد الوهاب مكى
<aسامى عبد الوهاب مكى
تاريخ التسجيل: 01-06-2005
مجموع المشاركات: 4963

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    فيما يخص الامطار الموضوع صحيح فقط على حيز ضيق اما عن القيامة اسأل الناس المختصين في تأجيج النيران..

    والله اعلم انا زول اطيقش ساكت ما بعرف قدر دا..
                   |Articles |News |مقالات |بيانات

04-12-2007, 11:46 AM

Ahmed Yousif Abu Harira
<aAhmed Yousif Abu Harira
تاريخ التسجيل: 10-19-2005
مجموع المشاركات: 2030

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: سامى عبد الوهاب مكى)

    Quote: دمرت الأمطار الاصطناعية في الصين قسماً من خط السكة الحديد بين بكين وكولون وسط هطول غزير للأمطار في بكين ومقاطعة جيانغشي بشرق الصين. وذكرت سلطات السكة الحديد في نانتشانغ عاصمة المقاطعة ان ما لا يقل عن 30 مترا من الجدار بين خط السكة الحديد والجبال بالقرب من مركز قرى قوانشي انهار وانجرف حوالي 5 آلاف متر مكعب من الحجارة والتربة.
    وبعد ساعتين من الاصلاح العاجل تم استئناف حركة المرور ناحية الجنوب وحمل عمال السكة الحديد 1500 متر مكعب من الحجارة والتربة لتدعيم الجدار، على أمل استئناف عمل قطارات الركاب والسلع المتجهة إلى بكين قريبا. وكانت أمطار صناعية قد هطلت على بكين في ليلة الاربعاء الماضي أدت إلى تعطيل حركة السير لان الامطار لم تذع في نشرات الأخبار لعدم توقعها. وتتميز هذه الأمطار انها لا تصاحبها رعود أو بروق ولا تدخل في حالة الطقس المتوقعة ففي وقت الحاجة اليها تتم عن طريق طلعات جوية يتم خلالها ضرب السحب بالصواريخ الصغيرة لتحدث تفاعلات ثم ينزل منها المطر. وتلجأ الحكومة الصينية لهذه الطريقة بسبب الجفاف في بعض المناطق وبسبب التلوث في العاصمة الصينية بكين وذلك للتقليل من آثارهما


    اتصنتو !! شفت يا معاذ ناسك القلت ما بتريدهم فعايلهم كيفنها ؟ يضربو السماء بي صاروخ عشان ينزل المطر ونحن نفك مجموعة كاملة في 1000 من طائر القطا وما ينزل لنا إلا ريشو..!!

    إذن مهارة التصويب هي الفرق !!

    غايتو نحن اكان جانا جفاف تاني إلا نتلهم السماء دا عكاكيز بس !!

    ----
    بالمناسبة الموضوع ده قديم خلاس يا معاذ...وفي ناس زرعوا منو وحصدوا كمان لكن لا أدري هل حصدوا ثمارا ام حصرم..
                   |Articles |News |مقالات |بيانات

04-12-2007, 11:49 AM

Ahmed Yousif Abu Harira
<aAhmed Yousif Abu Harira
تاريخ التسجيل: 10-19-2005
مجموع المشاركات: 2030

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: Ahmed Yousif Abu Harira)

    Quote: عشرة ملايين ريال تغرق الرياض بالأمطار الاصطناعية!



    د. محسن الشيخ آل حسان



    ما زلت أتذكر الإقتراح الذي إنتشر على شكل إشاعة بين السعوديين قبل سنوات ليست بالقصيرة عن مشروع الأمير محمد الفيصل لجلب المياه لبلادنا وذلك عن طريق سحب جبال ثلجية من المناطق الباردة مثل ( سيبيريا ) الروسية أو القطبين المتجمدين الشمالي والجنوبي.

    واليوم تطالعنا الصحف بخبر ليس للإشاعة فيه أية تدخل بل حقيقة ملموسة ( وممطرة ) عما حدث في عاصمتنا الحبيبة قبل أيام من هطول أمطار غزيرة ولكنها لم تكن طبيعية بل نتيجة ( لاستمطار السحب ) حيث لم يكن أحد من أهالي الرياض يدرك أن ما هطل فوق رأسه من أمطار خلال الأيام الماضية من فصل الشتاء، بل إن الأمطار التي غسلت شوارع الرياض وروت المزارع والحدائق وأعطت جوا شتويا رومانسيا، كان بعض منها ( مطرا صناعيا ) بحسب ما أعلن عنه المشرف العام على برنامج دراسة ( استمطار السحب ) في المملكة الدكتور أحمد عاشور الذي صرح بعد انتهاء تجربته الناجحة: إنها تدخل ضمن دراسة فيزياء السحب واستمطارها التي تجري حاليا في المملكة العربية السعودية ووصف الدكتور عاشور في تصريحه لوسائل الإعلام السعودية النتائج المبدئية للدراسة التي بدأ العمل عليها منذ عيد الفطر الماضي، بالمشجعة وقال عاشور: أنها فاقت توقعنا، وأفضل من النتائج التي تمت في وقت سابق في منطقة عسير، مشيراً إلى أن كلفة برنامج دراسة استمطار السحب في الرياض حاليا بلغت عشرة ملايين ريال موضحا ان الدراسة تنتهي بعد ثلاثة أشهر، ومن بعدها تحدد فترة شهرين للاطلاع على المعلومات والخرائط وصور الأقمار الاصطناعية والرادار ودراستها والعوامل المؤثرة على تكون السحب الركامية.

    وأشارت إحدى الصحف المحلية التي تلقت تصريح الدكتور عاشور عن استمطار السحب قائلاً: إن الدكتور عاشور أوضح أن التجربة الحالية نفذتها أربع طائرات تحلق في الجو، لتحديد أماكن السحب الركامية، إضافة إلى التوسع في المشروع استمطار السحب الذي استؤنف السنة الماضية في منطقة عسير استهلاك المياه الجوفية في أراضي السعودية بنسبة خمسين في المائة، وعدم الاستفادة من الأمطار الساقطة القليلة، وتزايد الكثافة السكانية، والاستخدام الجائر: ( أرجو ألا تكون هذه الأمطار الاصطناعية بها أي مواد كيماوية ).

    والآن وقد استطعنا صناعة الأمطار من استمطار السحب، فهل نستطيع أن نحقق تلك الإشاعة القديمة عن تثليج أو تجليد الرياض بالثلج أو الجليد؟... العلم بحر والله على كل شيء قدير.
    ---------
    دي مطرتكم زاتها!!
                   |Articles |News |مقالات |بيانات

04-12-2007, 12:01 PM

هاشم أحمد خلف الله
<aهاشم أحمد خلف الله
تاريخ التسجيل: 01-16-2007
مجموع المشاركات: 6441

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: Ahmed Yousif Abu Harira)

    والله يا معاذ أخوي الشئ البيحصل ده غريب فعلآً خاصة أنو مناخ السعودية حار جاف صيفاً دافئ ممطر

    شتاء , لكن بيني وبينك كده تزوير يستاهل قلت لي كلف كم مليون ؟؟؟ طيب عليك الله حكوتنا دي

    ما تحن شوية علي الغلآبة وتعمل مطرة زي دي والله قالوا الحر في السودان جهنم عديل كده .

    مشكور علي المعلومة العلمية دي وقالوا البيعيش في الدنيا يا ما تشوفه تشقيه بفرق العزيز

    بالمطرة بيته تخربه .
                   |Articles |News |مقالات |بيانات

04-12-2007, 02:07 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: Ahmed Yousif Abu Harira)

    الارباب أبو حريرة
    حتى هذه اللحظة لا تزال الامطار المزورة تنزل!! وهذا امر اصبح برنامج يومي !!
    مشكور يا ابو حريرة على المعلومات القيمة والله كنت اشك في الموضوع.
    بس د. عاشور المشرف على البرنامج دا يا دوب فتح النار على نفسو كان يشتغل كتامي كدا.
    لانو اجارك الله هنا اناس لا هم لهم الا النظر في مثل هذه المسائل من الناحية الشرعية وما هو حكم الاستمطار؟ وهل هو حرام ام حلال؟
    عموما توقع في الايام القادمة ان تسمع فتاوى تحرم الاستمطار وفتاوى تحلله بشروط .
    تسلم ومشكور على المعلومة
    .
                   |Articles |News |مقالات |بيانات

04-12-2007, 02:00 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: سامى عبد الوهاب مكى)

    Quote: فيما يخص الامطار الموضوع صحيح فقط على حيز ضيق اما عن القيامة اسأل الناس المختصين في تأجيج النيران..

    والله اعلم انا زول اطيقش ساكت ما بعرف قدر دا..


    سامي مكي
    يا اخوي ابو حريرة جاب ليك الخبر اليقين قالوا الشغلانة على على نطاق واااسع.
    اما القيامة الوهمية تصدق لو الناس ديل عايزين يوهمونا اسهل حاجة خاصة انو معظم العلامات قالوا تمت.
    بس كم سرب كدا من الطائرات الصواريخ والغبار والفوضي وخلاص.
    يا اخي سنة 98 يوم الزلزال الخفيف دا الجاء في الخرطوم والله انا اول ما صحيت ولقيت الارض تحتي تهتز اول حاجة خطرت ببالي انو دي القيامة والله خفت خوفة لحدي الان ما مرقت مني..
    يا اخوي الناس دي كلها على الهبشة
    .
                   |Articles |News |مقالات |بيانات

04-12-2007, 02:16 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    Quote: طيب عليك الله حكوتنا دي

    ما تحن شوية علي الغلآبة وتعمل مطرة زي دي والله قالوا الحر في السودان جهنم عديل كده


    اخوي هاشم..سلام
    مبلغ اجتهاد حكومتها في هذا الشان ان تقوم بعمل هبوب مفبركة وامطار مزورة وتستخدمها لفض المظاهرات وقمع العالمين.
    اكتر من كدا ما اظن.
    جزي الله خيرا حكومة خادم الحرمين
    والله اليومين دي ما تعرف نفسك في الرياض والا في القدمبلية من شدة الامطار.
                   |Articles |News |مقالات |بيانات

04-12-2007, 02:32 PM

محمد مكى محمد
<aمحمد مكى محمد
تاريخ التسجيل: 10-13-2006
مجموع المشاركات: 4082

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    الاخ معاذ
    تحية وسلام
    موضوع الامطار الاصطناعية والتحكم بالاحوال المناخية موضوع قديم ويرجع الى القرن الماضى....للمزيد يمكنك البحث في الانترنت عن طاقة الاورقون.وتم فعلا اجراء الكثير من التجارب لاثبات وجود هذا النوع من الطاقات الكونية التى يمكن تسخيرها لمنفعة الناس مثلا لامطار المناطق المتأثرة بالجفاف ...ولكن هناك الجانب الآخر من المعادلة وهو استخدام هذا النوع من الطاقة للاغراض العسكرية او لخدمة استراتيجيات بعض الدول لارضاخ اخري بافتعال كوارث (طبيعية) ..للاضرار باقتصادها..
    اكتب كلمةORGON ..
    REGARDS
    MOHAMMED
                   |Articles |News |مقالات |بيانات

04-12-2007, 03:02 PM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: محمد مكى محمد)


    معاز اخوى

    موضوع مطرتك المزورة دا خلينى برا منو
    لكن عندى اخوى كان شغال مدير لمزارع دواجن
    قال بتشرو الكتكوت عمر يوم..وبعلفوه لمدة 22 يوم
    حتى بزن كيلو ونصف..وبعد كدا ببيعوه للزبائن..
    لكن خبر مطرتك ام مليون دولار دى....حقيقة طب..
    حدثنى سودانى شغال فى قصر عن طباخ القصر عن زوجته صاحبة صاحبة السمو
    ام الوليد ..ان المطرة القبل الفاتت كانت مشتريها ولدها صاحب العمارة العالية
    ويوم هطولها صعدت معه فى برجهم العالى فوق المسطبة البين القرنين..وهم يستمتعون
    بعليلها البارد..لانهم اصحاب المطرة ...
    وقالت ولدها حالف يعمل فى ليه نهرين...زى الازرق والابيض ودجلة والفرات..
    وبما انو العماره ايها سوف تكون مصب النهرين
    فعليك اخى صاحب البوست وصديقك مخلص الرحول من حى الورود الى غبيره قبل مجى الكسارات لحيكم العامر حيث هنالك المشروع المرتقب .
    ودمت
    ابقوتة فى الويك اند
                   |Articles |News |مقالات |بيانات

04-12-2007, 04:28 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: abuguta)

    Quote: ان المطرة القبل الفاتت كانت مشتريها ولدها صاحب العمارة العالية

    ابو قوته
    سلام يا حبيب
    بالله مطرة نص كم كدا في مساحة عشرة فدان تكلف كم؟
    بيني وبينك الواحد بدأ يفكر في الشغلانة دي اقتصاديا نمشي نزرع الصحراء بتاعة الشمال ديك بدل الاغتراب. والا رايك شنو؟
                   |Articles |News |مقالات |بيانات

04-12-2007, 03:56 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: محمد مكى محمد)

    Quote: للمزيد يمكنك البحث في الانترنت عن طاقة الاورقون.وتم فعلا اجراء الكثير من التجارب لاثبات وجود هذا النوع من الطاقات الكونية التى يمكن تسخيرها

    الاخ محمد مكي محمد...تحياتي
    لك الشكر على المعلومة والخيط كدي نمشي نقوقل الاروقون دا نشوف الحاصل.
    لكن يا محمد دي طاقة مصيبة!!

    { إن الله عنده علم الساعة وينزل الغيث ويعلم ما في الأرحام وما تدري نفس ماذا تكسب غدا وما تدري نفس بأي أرض تموت إن الله عليم خبير }

    الان يمكن بالعلم يمكن معرفة ما في الارحام
    واصبح يمكن انزال الغيث
    شخصيا فهمي للاية بمعنى ان علم هذه الاشياء عند الله ولكن يمكن للناس اذا ما اتبعوا الوسائل العلمية المناسبة الوصول لهذه الامور.وهو فهم عكس القائلين بان علم هذه الاشياء حصري عند الله وليس متاح لاحد من الناس.
    رايك شنو يا محمد.
                   |Articles |News |مقالات |بيانات

04-12-2007, 03:06 PM

علوبه
<aعلوبه
تاريخ التسجيل: 07-27-2002
مجموع المشاركات: 1037

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)


    ارجو ملاحظة فترة هطول الامطار يوميا ؟؟؟؟؟؟؟؟؟؟؟
    لسكان مدينة الرياض وكذلك الاماكن ؟؟؟؟؟؟؟؟
    الخوف من باكر !!!!!!!!!!!!
    ماهى الاثار الجانبية الضارة لهذه الامطار !!!!!!!!!!
    ياناس افتونا بفتوى فى هذه الغلوتية ؟
                   |Articles |News |مقالات |بيانات

04-12-2007, 04:35 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: علوبه)

    Quote: ماهى الاثار الجانبية الضارة لهذه الامطار !!!!!!!!!!
    ياناس افتونا بفتوى فى هذه الغلوتية ؟


    الاخ علوبة تحياتي..
    والله سؤالك في محلو لانو اي حاجة في الطبيعة تدخل الانسان وعمل فيها تغييرات زي دي كان عندها نتائج سالبة ومدمرة.
    غايتو عملية استحلاب دي السحب دي احتمال تعمل نضوب في مناطق تانية
    واتوقع احتجاج بعض الدول بانو في دول سرقت الامطار حقتهم وحلبوها عندهم.
                   |Articles |News |مقالات |بيانات

04-12-2007, 03:18 PM

امجد محمد الأمين
<aامجد محمد الأمين
تاريخ التسجيل: 03-21-2007
مجموع المشاركات: 350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    معاذ برلومي ...
    و الله طاب ما سمعت بي كلامك دا ...
    هسي يعني المطرة المغلبانه و حميانه النوم ليلها تلاته يوم دي اصطناعية ساكت ..
    سبحان الله ..
    و تعيش كتير تشوف اكتر ...
    بعد شويه ...
    تجي تعرف روحك في جلسة تقول فلان الفلاني ...
    مواليد افطس العوامرة ...
    خريج جامعة الدلجن ..
    و تسكت ..
    الناس تقول ليك طبيعي و لا اصطناعي ...
    حكم ..
    مدد يا الفكي الأغبش ..
    و القطر القطر يا أبوفطانه هي جيب المطر الطبيعي ..

    تسلم
                   |Articles |News |مقالات |بيانات

04-12-2007, 05:00 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: امجد محمد الأمين)

    Quote: هسي يعني المطرة المغلبانه و حميانه النوم ليلها تلاته يوم دي اصطناعية ساكت ..

    تخيل يا امجد طلعت مطر اي كلام!!
    لو لاحظت ليها فعلا مطر مسيخة كدا والهبوب حقتها برضو بايخة ومزعجة.
    غايتو السنة دي احذر من البطيخ الذي سيطرح في الاسواق في الايام القادمة.
    سلام يا عزيز ..
                   |Articles |News |مقالات |بيانات

04-12-2007, 04:06 PM

الطاهر عثمان
<aالطاهر عثمان
تاريخ التسجيل: 03-09-2007
مجموع المشاركات: 141

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    Quote: وتتميز هذه الأمطار انها لا تصاحبها رعود أو بروق ولا تدخل في حالة الطقس المتوقعة ففي وقت الحاجة اليها تتم عن طريق طلعات جوية يتم خلالها ضرب السحب بالصواريخ الصغيرة لتحدث تفاعلات ثم ينزل منها المطر. وتلجأ الحكومة الصينية لهذه الطريقة بسبب الجفاف في بعض المناطق وبسبب التلوث في العاصمة الصينية بكين وذلك للتقليل من آثارهما


    اخوي معاذ

    والله الخاطر ده جاني قبل كم يوم وانا في الطريق بدون اي مقدمات المطر صبت وبراي قلته في نفسي سبحان الله مطر البلد دي ماله غريبة كده لا احم لا دستور.

    معاذ ما جوجلت عن الـ ORGON

    مع خالص تحياتي
                   |Articles |News |مقالات |بيانات

04-12-2007, 05:20 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: الطاهر عثمان)

    Quote: معاذ ما جوجلت عن الـ ORGON



    الطاهر عثمان
    اديها صنة أمانة ما اقوقلو ليك قوقيل
    بس الترجمة عليك اتفقنا.
    ..سلام
                   |Articles |News |مقالات |بيانات

04-12-2007, 04:35 PM

محمد مكى محمد
<aمحمد مكى محمد
تاريخ التسجيل: 10-13-2006
مجموع المشاركات: 4082

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    اخى معاذ
    مساء الخير..
    بالرجوع لما كتبت ارجو ملاحظة انى لا اتطرق لمناقشة الامور العلمية على اساس دينى حتى يختلط الحابل بالنابل....في فترات سابقة كنت مهتم بهذا الموضوع (طاقة الاورقون) وقرأت الكثير فى هذا السياق...
    .1الباحثون فى هذا المجال هم منظمون فى جمعيات علمية شبة سرية..
    2تمت تجارب فى تسعينات القرن الماضى بمبادرة من احدى هذة الجمعيات في احدى دول الجوار لمساعد تها فى اجتياز محنة الجفاف ...ولكن تدخلت احدى الدول الكبرى لوقف هذة التجارب...
    regards
    Mohammed
                   |Articles |News |مقالات |بيانات

04-12-2007, 05:25 PM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: محمد مكى محمد)

    Quote: بالرجوع لما كتبت ارجو ملاحظة انى لا اتطرق لمناقشة الامور العلمية على اساس دينى

    الاخ محمد مكي محمد..مساء الخير
    وبالرجوع اعترف ان مداخلتي لم تكن في محلها اعتذر على الزج بالامور الدينية في تعليقي على ما قلت. بس الموضوع خلاني اتخيل انو ممكن يجي يوم الناس الماسكة في التفسيرات الجامدة المن سنة دو والبتتعارض مع العلم يلقو نفسهم في مازق حقيقي .
    مشكور يا محمد على المشاركة المفيدة.
                   |Articles |News |مقالات |بيانات

04-12-2007, 04:52 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 28866

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    Quote: اتصنتو !! شفت يا معاذ ناسك القلت ما بتريدهم فعايلهم كيفنها ؟ يضربو السماء بي صاروخ عشان ينزل المطر ونحن نفك مجموعة كاملة في 1000 من طائر القطا وما ينزل لنا إلا ريشو..!!



                   |Articles |News |مقالات |بيانات

04-12-2007, 05:38 PM

ود الباوقة
<aود الباوقة
تاريخ التسجيل: 09-21-2005
مجموع المشاركات: 43562

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: ناذر محمد الخليفة)

    فعلا يا معاذ المطر دي مزورة لانو بعد ما وقفت جاتنا ( كتاحة )



    ود الباوقة


                   |Articles |News |مقالات |بيانات

04-14-2007, 05:57 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: ود الباوقة)

    Quote:
    فعلا يا معاذ المطر دي مزورة لانو بعد ما وقفت جاتنا ( كتاحة )

    الريس ود الباوقة..سلامي
    هسي الواحد لومشى الباوقة والا حلتنا ود العقيد وقال جنس الكلام دا باقيلك غير يمرق جري عندو حل؟
    قال ليك الكتاحة الواحدة بمية الف!!
                   |Articles |News |مقالات |بيانات

04-12-2007, 05:38 PM

ناذر محمد الخليفة
<aناذر محمد الخليفة
تاريخ التسجيل: 01-28-2005
مجموع المشاركات: 28866

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    !!!!!

    Quote: شخصيا فهمي للاية بمعنى ان علم هذه الاشياء عند الله ولكن يمكن للناس اذا ما اتبعوا الوسائل العلمية المناسبة الوصول لهذه الامور.وهو فهم عكس القائلين بان علم هذه الاشياء حصري عند الله وليس متاح لاحد من الناس.



    يعني تاني بعد دا نقول ليك (شيخ معاذ) !!!
                   |Articles |News |مقالات |بيانات

04-14-2007, 06:20 AM

معاذ حسن
<aمعاذ حسن
تاريخ التسجيل: 11-14-2006
مجموع المشاركات: 3303

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: ناذر محمد الخليفة)

    Quote: يعني تاني بعد دا نقول ليك (شيخ معاذ) !!!

    ابو النيز سلام
    ما تستهين بأخوك والله في حاجات كتيرة بطلع فيها فتاوي لنفسي .يعني الناس البتفتي ساكت دي احسن مننا في شنو. ومفكر اجمع الفتاوي بتاعتي دي في كتاب عشان نفيد الامة.
    لو عايز اي فتوى رسل ماسنجر لدينا الحل.
                   |Articles |News |مقالات |بيانات

04-12-2007, 05:57 PM

محمد مكى محمد
<aمحمد مكى محمد
تاريخ التسجيل: 10-13-2006
مجموع المشاركات: 4082

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: معاذ حسن)

    Quote: ممكن يجي يوم الناس الماسكة في التفسيرات الجامدة المن سنة دو والبتتعارض مع العلم يلقو نفسهم في مازق حقيقي .

    That's the point
    thanks Muaaz .
    kind regards
    Mohammed
                   |Articles |News |مقالات |بيانات

04-12-2007, 06:13 PM

نهال الطيب
<aنهال الطيب
تاريخ التسجيل: 03-14-2007
مجموع المشاركات: 1606

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: محمد مكى محمد)

    معاذ حسن

    عاد الحمد لله نحنا هنا فقرانين ويشيلوا ويشحدوا في نا سكم ساي ويعملوا ليهم في مؤتمرات الدعم اها الله مدينا المطرة من عنده لينا شهر كل يوم المطرة داقانا ومغرقانا لكن الواجعني الشغل في المطرة بالله ترجع البيت مستحمي
                   |Articles |News |مقالات |بيانات

04-12-2007, 08:00 PM

ودالسافل


للتواصل معنا

FaceBook
تويتر Twitter
YouTube

كيف احذف مداخلة من بوستى

Re: وماذا ننتظر بعد الأمطار المزورة !!؟؟ (Re: نهال الطيب)

    الالخو معاذ..
    يعنى صلاة الاستسقاء...بعد دا..موضوعها كيف؟؟؟؟
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de