دعواتكم لزميلنا المفكر د.الباقر العفيف بالشفاء العاجل
|
|
 كَلِّمنِي بالنعـــــــيم ود حـــــــمد...
|
لا ادري ماذا تخـتار لو خيرت أن تكون من تشاء...أما أنا فلو عرض علي أن أكون نبيا أوتى ما
أوتي سليمان أو يوسف بن يعقوب لرفضت ذلك... فلماذا أتحـمل أذى وسخف وقلة أدب المشركين في
سبيل إنقاذهم من النار !! عنهم ما آمنوا... وعساهم يكبون جميعا في النار ,,,إبراء لذمتي
كنت سأدعوهم للإيمان يومين أو ثلاثة وبعدها فليذهبوا إلى الجحيم.. وأنا مالي!!
ولو خيرت أن أكون ملكا عظيما لما أبديت كبير اهتمام بهذا الأمر, فالواقع إن مسالة الملك هذه
عدا التقلب بين فرش الدمقس وأحضان الجواري الخنس فليس فيها ما يغري كثيرا..
أما الرجل الذي تمنيت من أعمق أعماق قلبي أن أحظى بحياة كحياته فرجل يقال له النعيم ود حمد
أنعم به وأكرم بسيرته الذاتية العطرة ,,,لا ادري أين ولد ,,,ولا أين عاش ,,,ولا كيف كان يبدو ,,
ولا ادري كم أنفق النعيم ود حمد من أموال ليحظي بهذا المجد ولكني على استعداد لان أنفق نصف ثروتي
التي جمعتها في سبع سنوات في سبيل أن تتطوع حكّامة ما وتقول فيّ شعرا كالذي قيل في النعيم ود حمد
وقد بدا لي أكثر من مرة أن ابدأ بالإنفاق ترقبا لظهور الحكّامة المنتظرة ,,,ولكني في اللحظات
الأخيرة كنت امسك وأقول لنفسي افرض يا ولد انك أنفقت الوراك والقدامك وما في زول هبب ليك!!!,
أحياناأفكر انه من الأفضل أن اسلم المال مباشرة للحكّامة نفسها واترك لها حرية التصرف به المهم
أن تطلق لمشاعرها العنان وتتغني بكرمي,,, ولكن ذلك أيضا غير مضمون العواقب فافرض إنها استلمت
المال وهبرت الحج واعتزلت الغنا ذاتو!!؟؟ ..
يا سيدي النعيم ود حمد.... لم يحظى ابن أنثى ممن مشوا على هذه الأرض السودانية بعشر ما حظيت به
من مجد وفخار فماذا فعلت حتى تستحق قول القائلة :
النعيمْ الشكُر ليهو ُقلتو
بسبلْ بتوب سترتو
زي القمرْ في ُبهرتو
باجور وبهلتْ ماسورتو
من سياق كلمات الأغنية الشهيرة التى تغنى بها المرحوم خلف الله حمد يبدو إن النعيم قد عاش في وقت
شدة ومجاعة وشظف وهي الأوقات التي تظهر فيها معادن الرجال,,
أتمنى أكون وفقت في كتابة كلمات الأغنية وأتمنى أن يأتينا من عنده خبر النعيم ويكلمنا بالنعيم.....
يا الأحييت سنن البرامكة
عاجبني طول ايده سامكه
يا يا با قول النعيم درّاج المتابكة
***
النعيم يا فحل القبائلْ
كريم لمّام الهمايلْ
شيتا براك ما أظنو خايلْ
ايدو ام ِرويق والقِبلي شايلْ
****
النعيم يا قاصدين لبا
خشمو انطبع لي مرحبا
هو عزيمتو ما بردخا
والبتلبن للضيف بضبحا
***
أنا غنيت ِجب مسدارو
شوف النعيم كيف لاوي شالو
ما حسبوك في القالوا قالوا
العيش ِرخص والقمري طالوا
***
النعيم قادر وحدو
ما تكترو وتتقعدو
هو رب القدرة ساعدو
ختو لو الصحة ما فنتدو
***
أنا غنيت للولد
الاسمو النعيم ود حمد
وكت العيش ِبقى بالقِبض
ديوان النعيم ولا بنسد
***
غنيت لدابي الرجيمة
ما بحوى على البهيمة
هو لك الشكرات قديمة
ما بشيل المال الفي القسيمة
***
النعيم على كفو السخا
يقدل زي شمس الضحي
والبتتاوم للضيف يضبحا
***
غنت ليك أم رشوم
هو مو لها وطق خُشوم
وكت العيش بقى معدوم
فوق ضهرو الولية تنوم
****
يا الشرفت القضا
يا الحاكيت المن مكوار بدا
خدامتو القعدا
هيِ بتدرِش وقالت قضى
(عدل بواسطة معاذ حسن on 12-03-2008, 08:55 AM)
|
|
 
|
|
|
|
|
|
|
 Re: كَلِّمنِي بالنعـــــــيم ود حـــــــمد... (Re: معاذ حسن)
|
كيفك يامعاذ
بجيك بى مهلة
بس هاك دى عالطاير
| Quote: يا يا با قول النعيم درّاج المتابكة |
من أدب المشافهة سمعنا أن من كتب فى النعيم إسمه (بابا) وهو كان لوطى محترف من الذين لهم فركة وحفرةدخان وكبريت ودلكة.
لذا الصحيح فى البيت أعلاه يابابا قول وليس يايابا قول.
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
الاخ معــــــاذ
على الرغم من اننى لا اسطيع ان اعطيك الكثير عن العم النعيم ود حمد وكل ما استطيع ان افيدك بة الان
ان عمنا النعيم ود حمد من منطقة طيبة النعيم وهى منطقة او قرية تقرب بضع كيلومترات من الكاملين وناظر وشيخ قبيلة وبيت كرم وجاه والحمد لله مازال الابناء على عهد الاجداد وانا على علاقة وثيقة بكل افراد الاسرة
فالامر لا يتطلب منك الكثير لزيارة اهل النعيم وحمد وستجد الحكامة او الشاعرة صادقة فى كل ما وصفت بة العم النعيم ود حمد عليه رحمه الله
اما ما ذكرة الاخ من تعليق فاعتقد ان شخصية النعيم ود حمد بعيدة كل البعد من امثال هولاء
وللحديث بقية
| |
|
|
|
|
|
|
|
|
 Re: كَلِّمنِي بالنعـــــــيم ود حـــــــمد... (Re: Yousif A Abusinina)
|
دكتور بله
لم اسمع بالرواية اياها مطلقا
واستبعدها جدا فالواضح من كلمات الاغنية التي تغني بها خلف الله ان صاحبتها امراة وليس رجلا
Quote: غنت ليك أم رشوم
وكت العيش بقى معدوم
فوق ضهرو الولية تنوم
|
كما ان الجو العام للاغنية يوحي بان قائلتها امراة تفتقت قريحتها بهذه الكلمات في حق من اقال لها عثرة وسندها في وقت ضيق.
اما من اشاع ما سمعت فلا شك انه قد احس بالغيرة من كل هذا المجد الذي حازه النعيم .
تحياتي
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
| Quote: اما ما ذكرة الاخ من تعليق فاعتقد ان شخصية النعيم ود حمد بعيدة كل البعد من امثال هولاء |
الأخوان معاذ ويوسف
بابا فد غنى للفراس وشيوخ الطرق الصوفية فى منطقة أم ضبان..
كما أن أمثال بابا كانوا موجودين فى ذاك اازمان وقد غطاهم المجتمع السودانى بثوب سماحته وفرش لهم فروة الود والعفو وترك مايخص شخصهم لخالقهم.
فدودو الذى كان ملازما للجود وحميراء فى منطقة كبوشية كان له صيت فى تهبيك الدلوكة وله حظوة عند أهل المنطقة.
غناء هؤلاء ومدحهم لايعنى عيبا فى الممدوح أو مقاربة للمادح وكذلك كان الناس يخشون لسانهم عندما يطلفونه للهجاء.
أما مايحكى عن النعيم مشافهة أنه كان قد أرسل وفوده لتنادى فى الفرقان أن النعيم فتح مطاميره للجميع و قد كان ذاك فى سنة المجاعة..
فأتى الجميع يأخذون حاجتهم..
فرأى عماله أمرا غريبا نقلوه للنعيم مفاده أن بعض الجلابة(قبل أن تصبح مصطلح سياسى) يأخذون العيش ليبيعونه. فقال لهم كيف عرفتوهم,قالوا رأينا فلان وفلان وفلان.... على ضى الرتاين. فقال لهم أطفوا الرتاين وخلوا الناس..
العايز يشيل ياكل يشيل والعايز يبيع يبيع.
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: Balla Musa)
|
Quote: أما مايحكى عن النعيم مشافهة أنه كان قد أرسل وفوده لتنادى فى الفرقان أن النعيم فتح مطاميره للجميع و قد كان ذاك فى سنة المجاعة..
فأتى الجميع يأخذون حاجتهم..
فرأى عماله أمرا غريبا نقلوه للنعيم مفاده أن بعض الجلابة(قبل أن تصبح مصطلح سياسى) يأخذون العيش ليبيعونه. فقال لهم كيف عرفتوهم,قالوا رأينا فلان وفلان وفلان.... على ضى الرتاين. فقال لهم أطفوا الرتاين وخلوا الناس..
العايز يشيل ياكل يشيل والعايز يبيع يبيع |
دا الكلام ,,
تعرف يا دكتوروالله شدة ماني مبسوط من الزول دا
ناوي اسمي ولدي (النعيم ود حمد)حتة واحدة
ان شاء الله يطلع ربع النعيم سيد الاسم,,
يا اخي ما بتعرف ليك حكامة كااااااربة كدا
مستعد ادفع ليها 20 ملوين كاش داون بس تغني فوقي زي النعيم ود حمد
سعدت بالاضاءة
وفي انتظار المزيد,,
تحياتي
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
ازيك يا معاذ
و الله يا صحبي جوبكت الشغلة شديد اظنك
Quote: النعيم يا قاصدين لبا
خشمو انطبع لي مرحبا
هو عزيمتو ما بردخا
والبتلبن للضيف بضبحا |
الكلمتين التحتهم خط اعتقد انهن ( ذُوبا ) و ما تسألني معتاها شنو ؟
و التانية ( البتسبي ) و قيل هي ( الدارة ) اي العلى وشك الولادة و المعنى ما بعيد و الله اعلم
ممكن ناس الشعر و الموسيقى يفتوك في ايهما اكثر هارموني مع النص
***
Quote: أنا غنيت ِجب مسدارو
شوف النعيم كيف لاوي شالو
ما حسبوك في القالوا قالوا
العيش ِرخص ولقمري طالوا |
القصروا هم الطالو لانو وقت العيش بقى بالقُبض ديوان النعيم ولا بنسد
عموماً ما حصل قريت النص و هي خبرة سماعية و عليه ح اقوم انزل ليك الاغنية بصوت الصديق شرف فرح الشريف ( شرف الاهلية ) ممكن تخدم القراية هنا و تفيد
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
ممكن تسمح لي يا معاذ باعادة كتابة مدخل النص من وجهة سماعي - تحديداً لشرف - ؟
احيى سنن البرامكة
عاجبني طول ايدو سامكه
يا بابا قول النعيم درّاج المسامكة
***
النعيم يا فحل القبايلْ
درهم لمّلام الشمايلْ
شيتا براك ما أظنو خايلْ
ايدو ام ِرويق والقِبلي شايلْ
****
النعيم يا قاصدين ذوُبا
خشمو انطبع لي مرحبا
عزيمتو ما بردخا
والبتسبّي للضيف بضبحا
-------------------
لاني ماشي الاراضي المقدسة و ما في زمن اعتبرت الاجابة ممكن
ذاتو مش نحن اصحاب ؟
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: قيقراوي)
|
يا الشرفت القضا
يا الحاكيت المن مكوار بدا
خدامتو القعدا
هيِ بتدرِش وقالت قضى
يامعاذ ..ياخوى ماتخلى الدم يغلى فى عروقنا ساكت ؟
الشغلة دى صعبة ياخ ..
قيقراوى دا كان لقى ليهو صوت عنج بريحو..
الجعلية دى غايتو اظن حدها القبر ..تقول ماتت
وتم ترويضها نقرة واحدة تصحيها تانى من جديد ..
غايتو ...
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: محمد عبدالرحمن)
|
الأخ العزيز/ معاذ حسن
سلامات
أغنية النعيم ود حمد من كلمات رجل اسمه بابا ، وكان النعيم عمدة للمعيلق ....
بعد مدح بابا للنعيم غضب أهل بابا نسبة لبعض الخلافات بينهم والنعيم ود حمد فاشتكى أهله للشيخ الجيلى ود العباس ود بدر ناظر الخط الخامس جهة الكاملين فقال الشيخ الجيلى لأهله ( انا بابا دا وسمتو وطلعتو) فمدح بابا الشيخ الجيلى ود الشيخ العباس ود بدر بأغنية ( البشيل فوق الدبر ما بكل ) والتي يتغنى بها الفنان مبارك حسن بركات. .. هنالك بعض المعلومات عن اغانى الحماسة فى بوست ( اغانى الحماسة محاولة للتوثيق ) اتمنى ان تكوت مفيدة ..
أغاني الحماسة والسيرة .. محاولة للتوثيق
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: Ahmed al Qurashi)
|
Quote: هنالك بعض المعلومات عن اغانى الحماسة فى بوست ( اغانى الحماسة محاولة للتوثيق ) اتمنى ان تكوت مفيدة ..
|
الاستاذ العزيز/ احمد القريشي
احترامي
زرت بوستكم العامر وقضيت فيه وقتا طويلا
وعدت وساعود كرات ومرات لذلك السفر التوثيقي الهام
شكرا على المجهود المقدر
لك التحية وللاخ خالد محجوب المنسي
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: قيقراوي)
|
فتح الرحمن
حجا مبرورا وذنبا مغفورا ان شاء الله
قلت :
يا اخوي دا ما الجوبيك ذاتو
انت الليلة فاطر سمك الا شنو؟
بالمناسبة دي
مرة واحد قريبنا كان قاعد يفطر سمك في سوق شندي وما ادراك ما سمك شندي
أها جاء ماري بالمطعم واحد تاني قريبنا وكان قد فطر لتوه فول ,
الاول عزم التاني :- يا زول اتفضل وتعال افطر و.......
التاني وقد تسمرت عيناه الى السمك المحمر:- ( ما بختشي والله سمكتا هسع)
( طبعا يقصد فطرت هسع)
.
شكرا على رفع الاغنية.
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
Quote: فتح الرحمن
حجا مبرورا وذنبا مغفورا ان شاء الله |
و الله دعواتك سمحة
مش قالو في منافع في الحج ؟ اها نحن بتوع المنافع
انت يا اخوي داير تبقى زي النعيم ود حمد ملح ساي ؟
ما تتحرك شوية يا اخوي النعيم ما كان بدي الناس دعوات هم الكانو بدعوا ليهو
كدي حاول العشرين مليون بتاعتك دي لزها لينا في حسابنا باقي نحن بنشيل المال الفي القسيمة ما عندنا قشة مرة تب
حباب المال . دا ما الخلانا نقرأ تمويل ذاتو
و بنشوف ليك واحد " بابا " يقطع فيك قصيدة ، الزيو راقدين بس ما عارفهم كان بقرضوا الشعر زيو و لا هم هناي ساي من الباب للطاقة بس
بالمناسبة بعد قول استاذنا / احمد القرشي ما في قول و كان لقيت زمن زور بوستوا الشحمان داك
محمد عبد الرحمن
و الله مشتاقين لحكي زمان ياخ
تتذكر الكنا بنحفر ليهو و ندفنوا قبلوا داك - لكن دفن النهار الكلوا بره - داك زمن ما فيهو اسرار
شغلة البطان دي صعبة خلاص . . . في العرس كنت خايف من الجماعة يقوموا لعوارتهم دي لكن ربك ستر بس
كان لقيتك في فرقة بحكي ليك العملوا فينا شرف في كوستي بالغنية دي . . .
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
أشكرك بحرارة أخي معاذ وقد فتحت باباً لنعيد إلى الذاكرة بعض رحيقها ، فأمثال النعيم ودحمد جديرون بالاحترام على الأقل باجترار ذكراهم العطرة لتكون حاضرة لأبناء زماننا هذا ...
أعرف " النعيم ودحمد " من خلال معرفتي بحفيده الشاب الرائع الخلوق " موسى مامون موسى النعيم ودحمد" والذي أحسب أنه قد أخذ عن جده الكثير وخصوصاً الأخلاق الفاضلة والهدوء الأخاذ والكرم وسعة الأفق وغيرها من صفات ...
وموسى هذا يقيم معنا هنا في دوحة الخير ونفخر بوجود أحد أحفاد "النعيم ودحمد" بيننا .
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: محمد ميرغني حسين)
|
الزميل الكريم / معاذ حسن
تحية طيبة
قبل مداخلتي
النبوة اصطفاء من الله تعالى آتاها من شاء من عباده و قفل بابها
فضرب المثل بها غير لائق بمقام الله عز و جل و بمقامات الأنبياء عليهم السلام .
أما المداخلة فهي :
أشكرك جزيلاً على فتح الباب لتعريفنا بهذا الرجل الجواد ( النعيم ود حمد )
و قد استمتعت جداً بالشعر الذي قيل فيه و سأحتفظ به للتلذذ بترداده .
اتصل بي أحد الأخ الهادي بخيت المقيم معنا بقطر ، و عرفني بأنه على صلة
صداقة بحفيد النعيم ود حمد المقيم بالدوحة أيضاً ( موسى مأمون النعيم حمد )
و موسى يود التعرف بك ، و يشكرك ، و لولا أنه سافر السودان لكنت حلقة الوصل
بينك و بينه لنقل معلومات أكثر عن جده النعيم ود حمد .
أفادني الأخ الهاديبأن عائلة النعيم ود حمد تسكن الآن بقرية ( طيبة النعيم 12 كم من الكاملين )
و قد عرف أفرادها بالكرم الشديد ، فبيت موسى بالدوحة مفتوح للضيوف و الزوار
و كذلك أبناء عمومته بقطر ( جمال و عبده و عبد العزيز ) ، و هذه مناسبة طيبة
أن أتعرف بهذه الأسرة الكريمة التي يضرب بجدها النعيم المثل في الكرم ،
فرحمة الله على النعيم و د حمد و جزاه خير الجزاء على أياديه البيضاء على
المحاويج و الأرامل و اليتامى و الضيفان و الزوار و الأقارب و الأباعد .
عبد الرحمن الطقي .
** الزميل القديم و الصديق العزيز أحمد القرشي سلام و مشتاقين
أتوقع منك اتصال ، تلقى الجوال في البروفايل ..
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
الأخ / معاذ ، تحياتى .....
كغيره من الشخصيات السودانيه البارزه
التى لم تحظى بإلقاء الضوء عليها بصوره أوضح
وهذا يرجع لتاريخنا المغلوط فى أشياء كثيره
فالنعيم ود حمد كان مثالا للكرم النادر ، كما
تم وصفه فى قصيدة بابا المشهوره والتى نحن بصددها
فى بوستك هذا ، والشىء الذى حبيت أن ألفت له
الإنتباه هو كرم الخدامه ، وهذا المدح الذى قيل فيها
يوكد كرم النعيم ود حمد ، فإذا كانت خدامته القعده
تدرش العيش وتوكد إن الأكل قضى ، فما بالك بالنعيم نفسه
قصيده جميله ، وشخصيه تستحق أكثر من بوست.
خدامته القعده هى بتدرش وقالت قضى
بوست جميل ، مع ودى وتحياتى ....
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: بشير حسـن بشـير)
|
هذه صورة للأخ موسى ، حفيد النعيم ودحمد ، والذي يقيم في الدوحة كما أسلفت في مداخلتي السابقة، والصورة في شهر مايو من العام 2008م ويتوسط الصورة السفير الدكتور علي قاقارين ويظهر الأخ موسى في أقصى يمين الصورة وف يالصورة الأستاذ محمد السني دفع الله والأخ الهادي بخيت والصحفي معتصم عيدروس بجريدة العرب القطرية
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: معاذ حسن)
|
يا الأحييت سنن النعيم
زي ما النعم أحيا سنن البرامكة
الأخ معاذ
سلام عليك ومشكور والله
انا برضي متلك ما بعرف حاجة عن النعيم ود حمد غير الغنية دي
لكنها حببت لي شخصية النعيم ود حمد..
في بعض الفترات كنت أحس بصلة قربى لهذه الأغنية وأغنية أخرى لأحمد المصطفى
لأني (ود حمد برضو).. فأغنية خلف الله (ود حمد) في النعم ود حمد تجعلني أشعر بأخوة
مع هذا الرجل الكريم..
وكذلك أغنية العميد (يا بنت النيل) عندما يقول (ود حمد يا زعيم الحلّة)..
كان صديقي عوض بابكر علي سلام يرددها لي دائما.. الله يطراهو بالخير..
أتمنى أن يكتمل مرادك يا معاذ وتجد حكّامة تشكّرك.. وانا زاتي ما دام عندي علاقة تسمية
بالنعيم برضو ما بابا لو لقيت لي بابا غنى لي..
نعود لي (درّاج المتابكة أو المتامكة):
أجمل أبيات القصيدة في رأيي هو قول الشاعر
غنيت لدابي الرجيمة
ما بحوى على البهيمة
هو لك الشكرات قديمة
ما بشيل المال الفي القسيمة
ودي فيها رمزية كبيرة على ترفع الرجل وغناه عن كل ما يتمسك به الفقراء..
وتاني عجبتني:
وكت العيش بقى معدوم
فوق ضهرو الولية تنوم
والله يا معاذ الراجل البتنوم فوق ضهروا الولية المسكينة الما عندها زول يعولها
دا يا هو الكريم.. ومن عداه فلا ..
دحين نصيحتي ليك.. اكان داير الشكرة البصّح شوف الولية العدمانة
وطمنها وخلي بالا يرتاح..
وقول لي جماعتك المغتربين يسوو جمعية باسم (النعيم ود حمد) تخصص لطالبات الداخليات
عشان ينومن
ومشكور تاني
| |
|
|
|
|
|
|
|
|
|
Re: كَلِّمنِي بالنعـــــــيم ود حـــــــمد... (Re: عبد الله عقيد)
|
Quote: اتصل بي أحد الأخ الهادي بخيت المقيم معنا بقطر ، و عرفني بأنه على صلة
صداقة بحفيد النعيم ود حمد المقيم بالدوحة أيضاً ( موسى مأمون النعيم حمد )
و موسى يود التعرف بك ، و يشكرك ، و لولا أنه سافر السودان لكنت حلقة الوصل
بينك و بينه لنقل معلومات أكثر عن جده النعيم ود حمد . |
أولاً طيبة النعيم وطيبة حسب الله كلهم أهلنا ، والهادي بخيت ( ود الزعيم ) ، شيخ عرب ومن بيت كبير..مشكور أخونا معاذ وابن عمنا الرد العركي القرشي وكل أحبابنا في هذا المليون ميل مربع ... كثير من التاريخ الشفوي يحتاج لتوثيق وتحقيق ... بلغ تحياتنا للإخوة في قطر أيها الطقي وكل عام وأنتم بخير.
| |
|
|
|
|
|
|
| |
معاذ حسن
Balla Musa
Yousif A Abusinina
قيقراوي
Adil Osman
محمد عبدالرحمن
Ahmed al Qurashi
عبد الرحمن الطقي
ابو جهينة
بشير حسـن بشـير
عبد الله عقيد
عبدالرحمن الحلاوي
فيس بوك
تويتر
انستقرام
يوتيوب
بنتيريست