بنغلاديش بلد تعيس صغير المساحة فقير من أي موارد يسكنه (120) مليون بنغالي وبنغالية تجتاحه الأعاصير والسيول سنويا والشعب البنغالي شعب قليل الحيلة وقد تساءلت في نفسي كيف استطاع هذا الشعب الضعيف أن يتخلص من الاستعمار الانجليزي بجبروته المعروف وبعد بحث عرفت الإجابة فقد أفادني مصدر لا أثق فيه كثيرا إن المناضلين البنغال أدركوا أن لا قبل لهم بمواجهة الانجليز فعمدوا إلى حيلة ماكرة لطرد الاستعمار الانجليزي أخذ المناضلون البنغال يقضون حاجتهم في الحدائق العامة وفي الطرقات وفي دواوين الحكومة وأمام منازل وثكنات الانجليز فكان المفتش الانجليزي يخرج من بيته ليجد القرف في كل مكان حوله, فلم يتحمل الانجليز بأنفتهم المعروفة هذا (النضال (فانسحبوا من بنغلاديش ومن ثم أعلنت دولة مستقلة. دعاني لهذه المقدمة المغرضة ثلاثة أسباب تنطلق من منطلقات شخصية بحتة أولها الرغبة في الانتقام لنفسي من الجالية البنغالية بالمملكة حيث يتداول هؤلاء القوم فيما بينهم مقولة مفادها (سوداني نفر وش أسود وقلب أسود!!!) وثانيا إنتقاما من عمايل الجنود البنقال التابعين للأمم المتحدة في جنوب السودان وكما يقول المثل الباكستاني ( ما حل البنغال بأرض إلا أفسدوا فيها) وثالثا إنتقاما لنفسي من بنغالي اسمه (كوثر مياه) بالله هل يوجد شخص عاقل يقبل ان يسمى (كوثر مياه) المهم ان كوثر كان يعمل معي قبل سنوات في مقر عملي القديم كان همه الأول والأخير هو التجسس وتلقف سقطات الموظفين ونقلها للمدير وقمة متعته عندما يكتشف سقطة لأحد الموظفين وقد تبرع سيادته بالوشاية بي للمدير وكيف إنني اقضي جل وقتي سابحا في بحور النت وتسبب بذلك في فصلي من العمل, وقد اضطررت للتنازل عن بعض حقوقي في سبيل حريتي وعلمت بعدها انه تسبب حقدا وحسدا في فصل موظف مصري وكما يقول المثل البنغالي(إن البنغالي إذا لم يجد ما يحسده حسد نفسه). هذا الشخص لم يكن يجني أية فائدة مادية من وراء هذه الوشايات فقط كان يكفيه أن يثبت للمدير أن هناك أناس سيئين !!! وطالما انه ليس من هؤلاء السيئين!!! فهذا يعنى انه جيد!! عندما أفكر في تعاسة دولة بنغلاديش التي لا أتمنى زيارتها على الإطلاق عندما أفكر إن هناك أناس يعيشون فيها لا اخفي إنني اشعر بالارتياح لأنني لست احد هؤلاء إذن المعادلة.... بنغلاديش تعيسة !!! أنا لا انتمي لهذه الدولة بل انتمي إلى بلد رائع يملك تاريخ ضارب وجغرافيا مذهلة !!! هذا يعني انه يحق لي أن ابتهج!! قبل أيام قابلت احد الأصدقاء ونقل إلي بسعادة غامرة كانت تطفح من وجهه كيف إن احد معارفنا (عبد الله) قد طلق زوجته (ابتهال) من المفترض إن هذا الخبر مؤسف إلا إنني لم المح أية لمحة أسف في حديث من نقل إلي الخبر رغم انه صرح بأسفه إلا انه كان يغالب ضحكاته.فاستخلصت المعادلة التقليدية : عبد الله فشل في زواجه وطلق ابتهال !!! صديقي (المبسوط) لم يطلق زوجته وزواجه لم يفشل !!! إذن صديقي المبسوط انجح واسعد من عبد الله!!! قمنا بعيادة مريض في المستشفى وبعد دقائق خرجنا من غرفة المريض إلى حديقة المستشفى لتبادل الحديث مع مرافقيه لاحظت إن جماعتي وزوار المرضى الآخرين يتبادلون الأحاديث بسعادة غير عادية وتتعالى ضحكاتهم بصورة (مريبة) قلت في نفسي لو إن هؤلاء الناس تقابلوا في النادي أو في البنك لما كانوا بمثل هذه السعادة : استخلصت المعادلة: ثمة أناس في هذه الغرف يعانون من أمراض مستعصية!! هؤلاء المقهقهين بصحة جيده ولا يعانون من أية أمراض !! إذن هم أفضل من هؤلاء المرضى ويحق لهم أن يفرحوا بذلك!! كلما أبديت تبرمي من أوضاعي المزرية لأحد من الناس يسمعني الاسطوانة المألوفة إنني يجب أن احمد الله فهناك أناس لا يجدون ما يأكلونه!! وهناك أناس مرضى!! وهناك أناس في السجون!! وكل هؤلاء يتمنون أن يكونوا مثلي !! هل نستمد السعادة في حياتنا بصورة أصيلة من الأشياء الجميلة في حياتنا؟ أم من الإحساس بان هناك من هم اقل حظا منا !! هل نستمد الرضا عن أشيائنا عن قناعة ورضي بأشيائنا؟ أم من الإحساس بان هناك من لا يمتلك هذه الأشياء !! باستقراء مواقفك الشخصية (بأمانة) ومواقف الآخرين من كثير من المصائب التي تحدث في هذه الدنيا ستلاحظ إن كثير من البشر وان أبدى حزن أو تأثراً لمصائب وآلام الآخرين إلا انه ولو للحظات معدودة يبدو سعيد طالما انه ليس معني بهذه المصائب! هذه السعادة لا يصرح بها احد بل يسارع الجميع لنفيها عن نفسه بإبداء مظاهر التأثر إلا إنها موجودة!! هل مرت بك تجارب تؤيد او تنفي هذه النظرية؟؟ هل نقلت خبرا مؤسف لشخص ما ولمحت لمعة غبطة في عينيه؟؟ رجاء احكي لنا تجاربك. واذا اتفقنا على وجود هذه الظاهرة هل مثل هذا السلوك من التفكير أمر طبيعي أم انه نوع من المرض النفسي؟؟ وعلى هامش الموضوع ترى هل يجدي أسلوب النضال البنغالي ؟؟
01-13-2007, 01:40 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا زول بدر الدين دا ما كنت بتشكرو لي !! خلاص قنعت منو ولا شنو !
تعرف يا معاذ بي طريقتك دي ما حا تقدر تاني تعيش في السودان ... الليلة العمالة البنغالية في السودان في أي حتة وشغالين أي شغل .. حلتنا بس هنا تشعرني إني قاعد في دكا مش في الخرطوم لمن أطلع الشغل بلقى البناقلة (جمع بنقالي) قدامي زي الألغام محل ما أقبل ألقاهم في وشي !!
غايتو أنا بفتكر الأحزاب بتاعننا النظمو مظاهرة زيادة الأسعار ومظاهرة الأربعاء الشهيرة الما سقطت النظام يقومو (بما إنهم رايحا ليهم حاجة) يدخلو يدهم في خشم البقرة (اللي هم البناقلة ديل) فأقترح يجربو النضال البنقالي دا .. أما المواقع المستهدفة فجناين وسرايا الأسياد والمولانات ومقار الشركات الوهمية ما تديك الدرب !! بس كترو ليهم من البيض المسلوق لزوم شحن البطن !!
صنفرة :
جماعتك ديل طلعم من النضال دا لأنهم بي مهنتم الشغالينها دي أكيد حا يكونو طابور خامس ويشتغلوا ضد ثورة (هراري)
01-13-2007, 02:57 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: الليلة العمالة البنغالية في السودان في أي حتة وشغالين أي شغل .. حلتنا بس هنا تشعرني إني قاعد في دكا مش في الخرطوم لمن أطلع الشغل بلقى البناقلة (جمع بنقالي) قدامي زي الألغام محل ما أقبل ألقاهم في وشي !!
والله يا زيزو لو الكلام دا صحيح تكون اديتني سبب اضافي لعدم العودة للسودان!! عليهو العوض ومنو العوض وكمان عملتو ليهم اسم ( البناقلة) وعلى وزن (الدناقلة) كمان!! طبعا يا زيزو في ناس بفتكرو انو دا دليل تطور وتقدم للسودان لكن صدقني يا دوب ما حجركم غتس!!
Quote: أما المواقع المستهدفة فجناين وسرايا الأسياد والمولانات ومقار الشركات الوهمية ما تديك الدرب !! بس كترو ليهم من البيض المسلوق لزوم شحن البطن !!
ههههههههههههه
يا لذيذ يا رايق انت يعني سؤالي مش بالضبط ثورة هراري دي!! لانو دي حا تطفش الحكومة والمعارضة وحا يفضل بس البنقال او البناقلة يا قولكم. لكن ممكن ندخل في النضال اي اسلوب (معفن) زي دا لانو كل الاساليب بقت موضة قديمة وما نفعة..
يعني مثلا ثورة بولندا او ثورة المحيط الباسفيكي او حاجة بالشكل دا.
01-13-2007, 01:56 PM
أبو الحسين أبو الحسين
تاريخ التسجيل: 11-07-2006
مجموع المشاركات: 7987
كان احدهم يستمع دوما لنشرة الساعه تمانيه مساء فى الاذاعه ليتسقط اخبار الوفيات ويستمع بانتباه شديد خاصه عندما يكون فى وسط مجموعه ولا يسكتون من الهرجله فيسكتهم غاضبا يا جماهه اسكتوا خلونا نسمع وعندما تنتهى نشرة الوفيات ولا يسمع خبر احد يعرفه يقول للجماعه بأسى ( النشره فاضيه ما فيها حاجه )
01-13-2007, 03:50 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: فيسكتهم غاضبا يا جماهه اسكتوا خلونا نسمع وعندما تنتهى نشرة الوفيات ولا يسمع خبر احد يعرفه يقول للجماعه بأسى ( النشره فاضيه ما فيها حاجه )
ود الزين الراجل الزين
في تقديري الشخصي انو كتير من مدمني نشرات الاخبار هم على شاكلة زولك دا والا فما الممتع في سماع نشرة الوفيات الجماعية في الاخبار. مية واربعين في انفجار في العراق وخمسطاشر في فلسطين ومية جراء السيول في الفلبين وعشرين في زلزال. وبما انو المجال مجال تقديرات برضو اسمح لي اقول ليك في تقديري ان تعاطي كتير من السودانيين مع قضية دار فور كان بهذا الفهم. المعادلة : دار فور فيها حروب وموت ومشاكل..نحن عايشين في منطقة امنة وبعيدة من دار فور اذن يحق لنا ان نبتهج طالما اننا بعيدين عن هذه المشاكل!!! لي صديق من مدمني قناة الجزيرة يسمع كل النشرات ولا يهنأ له بال ولا يستطيع ان ينام الا بعد ان يسمع نشرة الساعة حداشر التي تستمر ساعة كاملة. يستعد للنشرة ويجلس على الارض وثيرمس الشاي امامه وعلبة الدخان.وابتسامة عريضة على شفتيه لم اجد لها تفسيرا حتى الان. والله تلقا قاعد تقول بحضر في شارلي شابلن.
01-13-2007, 05:24 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
احسن حاجة انك ما بتثق في مصدرك دا،، لانه بطريقته دي بخرب عليك في المجالس القاعد تبرز عضلاتك المعرفية امامها،، لانه بنقلاديش اصلاً ما نالت استقلالها من الانجليز لانها كانت جزء من الهند و سنة 1947 جا المندوب البيرطاني بقرار حكومة بمنح الهند استقلالها و في الوقت دا كان قادة المؤتمر الهندي ناس غاندي و نهرو داخلين في مفاوضات مع المسلمين الهنود بقيادة محمد علي جناح و لمان ما اتوصلوا لاتفاق حصلت مذابح رهيبة بين المسلمين و الهندوس كانت قطارات تصل دلهي و كل ركابها المسلمين مذبوحين فبدل استقلال دولة واحدة نشأت دولتين مستقلتين في نفس اليوم الهي الهند و باكستان و بنقلاديش كانت جزء من باكستان و انفصلت لاحقاً عنها... لكن حكاية التبرز في العراء فعلاً كانت جزء من النضال السلمي و الكلام دا جابوا المهاتما غاندي جي لشبه القارة الهندية اللي كانت بلد واحدة و المصيبة لحد الان الهنود بيتبعوا العادة القبيحة دي عشان كدا في مثقفين هنود كتار بكرهو غاندي صاحب السمعة الجيدة خارج الهند.. حتي النساء الواحدة ماشية في امان ربها تشتح كرعيها و تتسير واقفة. ما بلسن حاجة تحت الساري و الحكاية دي كانت عاملا لينا مشكلة لان الهنود بعتبرونا مع الجلابية بنمشي علي اللحم و شوف يا ضحك لو شافوا واحد مننا لابس جلابية..
01-13-2007, 04:34 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: لكن حكاية التبرز في العراء فعلاً كانت جزء من النضال السلمي و الكلام دا جابوا المهاتما غاندي جي لشبه القارة الهندية اللي كانت بلد واحدة و المصيبة لحد الان الهنود بيتبعوا العادة القبيحة دي عشان كدا في مثقفين هنود كتار بكرهو غاندي صاحب السمعة الجيدة خارج الهند
العزيز نصار..سلام والحمد لله طلعتني ما كضاب ولا قاعد اتبلا علىالعالم دي الواضح ان المهاتما بعد ان اعيته الحيل لجأ لهذا الاسلوب النضالي الفريد والواضح ايضا ان الشق البنقالي من القارة الهندية كان الاكثر التزاما بهذا الاسلوب بس الظاهر مصدري اتلخبط في المسالة دي شوية. لكن ما نضال.. تسلم يا نصار
01-13-2007, 04:04 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
أول أياماتي في الهند كنت حايم مع سمسار هندي عشان أاجر لي بيت مناسب .. ماشين في الشارع وأنا بطنطن معاهو وهو بينقرط معاي فجأة إلتفت أعاين ليهو ألقاهو ما في !! تراهو فجأة كدة بدون أي سابق إنذار أو إستئذان قعد في ا وفتح سستتو وبدا يشرشر !! وأنا بعاين ليهو زي الأهبل !!
دا كلو في الشارع والغريبة ما في زول شغال بيهو وأنا الوحيد المستغرب للمنظر !!
01-13-2007, 04:38 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: كنت حايم مع سمسار هندي عشان أاجر لي بيت مناسب .. ماشين في الشارع وأنا بطنطن معاهو وهو بينقرط معاي فجأة إلتفت أعاين ليهو ألقاهو ما في !! تراهو فجأة كدة بدون أي سابق إنذار أو إستئذان قعد في ا وفتح سستتو وبدا يشرشر !! وأنا بعاين ليهو زي الأهبل !!
زيزو والله ذكرياتك مع الهنود دي حقو تعمل ليها بوست منفصل زي بتاع سامي عبد الوهاب مكي.نأنو كل يوم طالع لينا بحكاية جديدة.
صنفرة: تفتكر يا زيزو لما الناس دي تحتفل بذكرى الاستقلال ما هي نوعية النياشين والاوسمةالتي تمنح للمناضلين(أعلاه) الذين حققوا الاستقلال؟؟ سؤال تحريضي!!!!!!
01-13-2007, 05:00 PM
نصار نصار
تاريخ التسجيل: 09-17-2002
مجموع المشاركات: 11660
طبعاً بعد قدمت شوية شفت العجب العجاب،،، حالتك كنت في بنقلور احد ارقي و اجمل مدن الهند لو شفت مدراس و ترشي و اللازمن في ايامك الله كانت رجع السودان برضو ايامنا الاولي حايمن مع سمسار جلدة راكبين ركشة زولك المشوار كله مطلع راسه برة الركشة عشان ما يشوف العداد و كلما العداد يقلب و يعمل الرنة بتاعتو ديك زولك ياخد ليهو نطة الغريبة انه عارف انه ما ح يتفع لو كان ح يتدفع ما عارف كان عمل شنو
01-13-2007, 04:44 PM
Ahmed Abdallah Ahmed Abdallah
تاريخ التسجيل: 08-12-2005
مجموع المشاركات: 5193
Quote: وعلى هامش الموضوع ترى هل يجدي أسلوب النضال البنغالي ؟؟
معاذ سلااام اسلوب النضال البنغالي يا عزيزي يتبعه بعض المناضلون الجدد على صفحات المنابر حيث يأتون جماعات و يمارسون قضاء الحاجة في بوستاتهم والانصراف ...........
01-13-2007, 04:59 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
أحمد عبد الله..سلام عشان أغير الموضوع أهديك هذا البوست القديم بس انشاء الله ناذر ما يزعل مني
أتارني هندوسي وماني جايب خبر
ذهبت في صباح اليوم لجلب بريد المكتب ورغم انه نادرا ما تصلني رسائل باسمي إلا أنني اتكبكب وأنا افتح صندوق البريد والقي على الرسائل نظرة متلهفة مترقبا رسالة ستنقلني إلى بلاد بعيده. وطوال السنة الماضية كانت تصل على عنوان المكتب بانتظام رسائل من شخص هندي موجود في السودان مكتوب في العنوان نفس صندوق البريد والرمز البريدي وعنوان المرسل السودان- الخرطوم وبحكم إنني السوداني الوحيد في المكتب فسرعان ما تجد رسائل هذا الشخص طريقها إلى بعد أن يحار الآخرون في تصنيفها, استلمها باليمن وأرميها باليسار... لما الشغلانة كترت بقيت افتح الرسائل ألقاها ليك مكتوبة الكتابة المقلوبة ديك ,أحد أصدقائي الهنود تطوع بقراءة هذه الرسائل لقيت ليك الهندي إبن الكلب عامل فيها إني ماكل منو قروش وزايغ منو!!! مرات يهددني ومرات يحنسني يقول لي عندي سماية رسل لي القروش وكل يوم جاييني بعذر جديد. رسالة اليوم بالتحديد كانت بحجم اكبر فتحت المغلف وجدت صور غريبة جدا أسرعت بها إلى الصديق الهندي ليفتيني فيها ألقى عليها نظرة سريعة وجفل كأنما لدغه ثعبان قال لي: إنت معلوم مين هذا صورة؟؟ قلت ليهو: لا والله ...مافي معلوم. قال بلهجة خطيرة : هذا صورة هندي رب!!. عاينت لصور هذا الرب الهندي فوجدتها كلها شخص لا ادري رجل أم امرأة منجعص في كرسي عالي وعريان غير سروال ما لابس حاجة عندو كريشة ماديها قدامو مكحل ومحنن وممسح وعندو أربعة أيادي مليانات دهب و حوله زخرفات ونقوش وأشكال عجيبة كدا حتى لتحتار أرب هو أم عقرب. طلبت من الهندي أن يقرأ الرسالة ورغم انه مسيحي إلا انه بدا مرعوبا وهو ينظر إلى الصور قرأ ما معناه إن الشخص المرسل يهنئني بعيد هذا الرب الذي يقام يوم 30/12 ويتمني أن يحفظني ويباركني هذا الرب الأهبل ويطالبني في آخر الرسالة بالقروش الدايرا مني.!!! ورغم مضي نصف ساعة إلا أنني لا أزال انظر إلى صور هذا الرب الذي لا أعرف أهو رجل أم امرأة ولكنني سأتعامل معه كرجل إلى أن يثبت لي العكس انظر إليه واشعر بغضب وغيظ شديد وأتمنى أن أجده أمامي لأدق به الدلجة وأبعج كرشه وأملص الدهب اللابسو... والله مش لو عندو أربعة أيادي لو عندو عشرة ما هاميني!! وتذكرت برنامج شاهدته قبل فترة يعرض نفس هذا الرب الأهبل وأتباعه الرعاع بمئات الملايين وربما فاقوا عدد المسلين والمسيحيين مجتمعين وأكثر ما غاظني أن لديهم حج يقام كل عشرين سنة ويؤمه عشرات الملايين ويلبسون إحراما كالذي نلبس!! ويحلقون رؤوسهم عند انتهاء الحج !!ويشربون من نهر يزعمون انه مقدس!! ويعذبون أنفسهم بطقوس قاسية ينفق كثير منهم أثناء أدائها. أقول لهذا الصنم الهندي المدعو (كريشنا) إذا كنت تسمعني.. طظ فيك...وإذا لم تكن تسمعني فأتمنى أن يتطوع احد الشياطين مشكورا وينقل إليك ما اكتبه عنك الآن.
01-13-2007, 04:53 PM
نصار نصار
تاريخ التسجيل: 09-17-2002
مجموع المشاركات: 11660
ايوة الظاهر مصدرك اتخلبتت عليهو التخصصات،، و انت زول نجيض ختيت ليهو الكلام في زمته و هو بالتأكيد ملم بالتفاصيل بس خص بنغلاديش بما يعم شبه القارة الهندية (مخرج كويس ليهو موش؟)
Quote: وعلى هامش الموضوع ترى هل يجدي أسلوب النضال البنغالي ؟؟
في حالتنا الراهنة البحمنا فيها الذباب و ابو العفين الطريقة دي بتادي لنتائج عكسية يا دوب دا يكون عرس امهم القديم
01-13-2007, 05:14 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: المناضلين البنغال أدركوا أن لا قبل لهم بمواجهة الانجليز فعمدوا إلى حيلة ماكرة لطرد الاستعمار الانجليزي أخذ المناضلون البنغال يقضون حاجتهم في الحدائق العامة وفي الطرقات وفي دواوين الحكومة وأمام منازل وثكنات الانجليز فكان المفتش الانجليزي يخرج من بيته ليجد القرف في كل مكان حوله, فلم يتحمل الانجليز بأنفتهم المعروفة هذا (النضال) فانسحبوا من بنغلاديش ومن ثم أعلنت دولة مستقلة.
يعني النضال ما (عفن) في سودانيز بس ! ده في حد زاتو كلام معفن جدا..
بوست محتاج كمامة
01-13-2007, 06:26 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: النضال دا قالوا طرحوا المهاتما غاندي شخشيا!!!
معاذ سلامات
معليس جيناك داخلين تووش
البنطرح ده ما نضال.. ده شئ تاني عمنا كمال ..الله يرحمو كان شغال في السكة حديد مرة بالليل بيركبوا خوابير للقاطرات.. صاحبو كان بيفتش على واحد من الخوابير دي في الـواطة و الدنيا ضلمــــة المهم شاف ليهو حاجة مدببة و داكنة افتكرو خابور فطوالي مد يدو .. لقى ليك الشئ (نضال)! و بدأ يكورك يا كماااااال يا كماااال صابـــونة صابـــونة..و لو مافي.. سكينة!!
01-14-2007, 07:45 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
بالله ما تمشي تجيب لينا الكلام الفرينا منه قبل كده وضقنا منه الويل زي ما قالو ليك نصار وناذر تعرف كنا في الهند لمن تصب مطرة بنتحير نمشي الكلية كيف طبعاً النضال بكون مالي الشوارع خالص وعلى فكرة ناذر البشكي ده كان في ارقى وانظف مدن الهند على الاطلاق لكن أنا وصديقي نصار الله لايوريك بس نحن كنا انظف من ناس نصار شوية كدة ولا رايك شنو يانصار
تحية لكم جميعاً
معاذ بالله عليك قفل على الموضوع ده ما اسمعك جبت طاريه تاني
01-14-2007, 01:41 PM
نصار نصار
تاريخ التسجيل: 09-17-2002
مجموع المشاركات: 11660
شكلنا كدا اختطفنا البوست دا من سيدو و العاقبة عنده في المسرات
و الله يا الشيخ نحنا سكنا في حتات في مدراس تأهلنا نمشي في اخطر حقول الغام في العالم كأننا ماشين في الشانزليزه ÷÷÷÷÷÷ البركة في شغل الاتحاد كنا بنجي عندكم نزهات لكن شفت مناطق في جنوب الهند الله لا وراك. لكن مدراس حصلت فيها نهضة خرافية و طبعا هي و حيدر اباد و بنقلور اصبحن من عواصم السوفت وير في العالم لكن بالتأكيد السواها فيهم غاندي ما بتمرق الحكاية بقت جزء من الثقافة و التراث، تلقي مجموعات بناضلوا و داقين حنك زيهم و زي الناس الفي المقاهي و المسارح.....
01-15-2007, 09:04 AM
الشيخ إبراهيم الشيخ الشيخ إبراهيم الشيخ
تاريخ التسجيل: 11-02-2006
مجموع المشاركات: 705
Quote: و الله يا الشيخ نحنا سكنا في حتات في مدراس تأهلنا نمشي في اخطر حقول الغام في العالم كأننا ماشين في الشانزليزه ÷÷÷÷÷÷ البركة في شغل الاتحاد كنا بنجي عندكم نزهات
الله يكون في العون تعرف مدراس ده الحياة فيها كلها نضالات مرة مشينا حفلة الاستقلال كانت هناك لمو فيني جماعة زملاء دراسة اصحابي قالو إلى امشي ابيت معاهم ديل ساكنين في حتة أظن اسمها (تامبرم ) ما متاكد كويس لكن عشان نصل ركبنا ثلاثة باصات ورقشتين لمن وصلنا البيت قلت ليهم باصاتكم ده كان مشت في اتجاه بونا كان وصلنا قبل بيتكم .. تعرف مرقنا من هناك بعد يومين وطبعاً نص البروفات فاتتنا وصلنا دار الاتحاد وشنا ينعل قفانا طبعاً قطعت العلاقات الدبلوماسية معاهم على طول قلت ليهم أنا جاي هنا عشرة أيام وضيعت منها ستة في المواصلات معاكم على فكرة ديل ناس عاطف أمان أظن بتتذكروا
مودتي
01-14-2007, 12:46 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: وعلى فكرة ناذر البشكي ده كان في ارقى وانظف مدن الهند على الاطلاق لكن أنا وصديقي نصار الله لايوريك بس نحن كنا انظف من ناس نصار شوية كدة ولا رايك شنو يانصار
بالمناسبة فعلا بنقلور هي من أجمل مدن الهند وجنوب شرق أسيا لكن في نفس الوكت الهنود الساكننها من أسخف هنود الهند وجنوب شرق أسيا برضو .. المدينة جميلة والطقس فيها منتهى الروعة بس زي ما قلت لمن تصب المطرة وتفوح روائح النضال الواحد إلا يلبس كمامات !!
أما مدراس حدث ولا حرج لمن جينا جداد السناير القدامنا ناس عماد كوبرا وعبد الباسط ومبارك غشونا قالو لينا أجمل جكس في الهند موجود في مدراس ونحنا ما كضبنا أول إجازة أنا ومعاي صحبي مدثر ركبنا البص وطوالي على مدراس وبنتخيل في شكل الجكس .. أول ما نزلنا من البص قعدنا نتلفت كايسين للوجه الحسن وحاتك غير الشنا والسواد والقبح ما لقينا حاجة.. قدر ما ركبنا الركشة ونتلفت في الطريق البلد تذداد قباح والهنديات شغالات طلبة في العمارات تحت التشييد .. مدثر قال لي يا أبو النيز دي مدراس ولا ملكال ؟ الحاصل شنو ؟ قلت ليهو الظاهر وقعنا في كمين يا عمك .. مشينا دخلنا قهوة بعد ما فترنا ونحن سابين للشباب وزهجانين قعدنا طلبنا إتنين شاي الجرسون ولد صغير ووجيه من شمال الهند وما بيشبه ناس مدراس نهائي قبل ما يمشي مدثر قبضو من يدو وقال ليهو بالعربي وبي كل جدية : أعمل حسابك كويس .. إنت أحلى زول في البلد دي أوعى يغشوك وتجي بنقلور
01-14-2007, 12:58 PM
الشيخ إبراهيم الشيخ الشيخ إبراهيم الشيخ
تاريخ التسجيل: 11-02-2006
مجموع المشاركات: 705
Quote: أما مدراس حدث ولا حرج لمن جينا جداد السناير القدامنا ناس عماد كوبرا وعبد الباسط ومبارك غشونا قالو لينا أجمل جكس في الهند موجود في مدراس ونحنا ما كضبنا أول إجازة أنا ومعاي صحبي مدثر ركبنا البص وطوالي على مدراس وبنتخيل في شكل الجكس
هي مدراس ده كان سمحة كان سرديفي مشت منها .. دايماً شلاقتك رامياك في البلاوي قلت لي لقيتو الجكس الماشين ليه شغالين طلب كان مفروض ترجعوا باول باص متحرك لاي جيهة بس تتخارجو من الكمين .
تحياتي وكيف أخبار الوالد اتمنى أن يكون قد بلغ الصحة
01-14-2007, 01:48 PM
نصار نصار
تاريخ التسجيل: 09-17-2002
مجموع المشاركات: 11660
بس جيت مدراس بعد ما مرقنا منها و ما لقيت البعرف بالجوانب المشرقة بتاعتها ههههههه بمناسبة القهوة تصور ناس تملنادو بالذات ما بعرفوا يحركوا الشاي بالمعلقة عشان يذوبوا السكر زي ما شفتهم بتاوتوهوا بين كوز و كباية و بتفننون في الشغلانة دي،، الواحد يرفع الكوز ماطي يده قدر ما الله اداهو و ينزل الكباية برضو لادني نقطة تصلها يده التانية و يكب الشاي و يكرر المسألة دي كم مرة، قال ليك واحد خواجة بتفرج في المشهد دا بتاع القهوة سأله عاوز شنو الخواجة قاليهو عاوز متر شاي........
01-14-2007, 04:04 PM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: طبعا كل واحد حا يدوهو ( قصرية) الجدارة من الطبقة الأولى !!
شنكل :
أما صغارهم فحا يوزعو لي كل واحد فيهم (بامبرز) الشجاعة من الطبقة العاملة !!
هههههههههههههههه
الشيخ ابراهيم الشيخ ناذر نصار اولاد الهند الحلوين البوست مبروك عليكم ومستمتع جدا بمناكفاتكم وذكرياتكم. اصلو ما تلقو ليكم فرقة تشبكونا بنقالور وهماريا لاركي.
01-14-2007, 04:48 PM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
Quote: ريحتكم ما بتقابل من (النضال) عندي سؤال (سغير) ومارق منكم انتو عمكم الاديب الطيب صالح مش عندو مقولة فيها نضال زي ده؟!
أظن الاديب الطيب صالح لمن كان بكتب في مقالات من أين أتى هولاء في المجلة تطرق للموضوع ده ونسبه للمهاتما غاندي كسلوك نضال ( نضال حقيقي ياسفيان) ضد المستعمر .. وده كان في معرض حديثه لمحاربة النظام بكل السبل المبتدعة وتحفيز للصبر على ذلك .ده إذا ما خانتني الذاكرة الخربة دوماً.. والله أعلم
بعدين ياحبيب مارق وين... وتسيبنا في النضال ده برانا
مودتي
01-14-2007, 05:12 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: تلقي مجموعات بناضلوا و داقين حنك زيهم و زي الناس الفي المقاهي و المسارح.....
أي والله دي شفتها بي عيني يوم كدة في إستراحة على الهاي وي بين بنقلور وميسور دخلتا الحمامات لقيتا عبارة عن حوش كبير والدبلوسيهات على الجنبات مفصولة بس بدون أبواب جيت داخل ألقى ليك ناس بيطنطنو بعد شوية لقيت ليك إتنين قاعدين (خلف خلاف) يعني فاتحين علي بعض ، يعملو زي الناس وهم قاعدين في المقاعد البلدية !! طبعا إتخلعت لكن قلت إلا أجيب نهايتا جيت ماشي في نصهم وهم بيرطنو وقلت ليهم HI وبدون أي تردد ردوا سوا وقالو لي HI SIR WELCOME قلت ليهم NO THANKS ومشيت أخر حمام بعد ما إتاكدت إنو الحمام القصادو فاضي وما في زول حا يكون بيعاين لي !!
شنكل :
سوري يا معاذ .. بوستك بقى زي بوست خريجي الجامعات الهندية
01-15-2007, 06:12 AM
الصادق خليفة الصادق خليفة
تاريخ التسجيل: 12-13-2003
مجموع المشاركات: 2351
Quote: أي والله دي شفتها بي عيني يوم كدة في إستراحة على الهاي وي بين بنقلور وميسور دخلتا الحمامات لقيتا عبارة عن حوش كبير والدبلوسيهات على الجنبات مفصولة بس بدون أبواب جيت داخل ألقى ليك ناس بيطنطنو بعد شوية لقيت ليك إتنين قاعدين (خلف خلاف) يعني فاتحين علي بعض ، يعملو زي الناس وهم قاعدين في المقاعد البلدية !! طبعا إتخلعت لكن قلت إلا أجيب نهايتا جيت ماشي في نصهم وهم بيرطنو وقلت ليهم HI وبدون أي تردد ردوا سوا وقالو لي HI SIR WELCOME قلت ليهم NO THANKS ومشيت أخر حمام بعد ما إتاكدت إنو الحمام القصادو فاضي وما في زول حا يكون بيعاين لي !!
تعرف يا ناذر ويا نصار و الشيخ ناس مدينة بارودا كانوا من ارقى الناس ، زي النضال ده ما حصلت شفناه على الاطلاق ، بعدين الوجه الحسن و الخضرة موجودة عندنا بكثرة وبالردوم . النضال الجد جد في بومبي الله لا يوريك من دخولك لصحاري اير بورت لحدي ما تطلع كمية من النضال و الله انا في عام 89 قربت ارجع من المطار من ريحة النضال .
تحية للاخ صاحب البوست معاذ
01-14-2007, 05:26 PM
AlRa7mabi AlRa7mabi
تاريخ التسجيل: 08-15-2002
مجموع المشاركات: 1343
طريقتك في الكتابة تحاكي كثيراً تلك التي نطالعها يومياً في ( أعمدة ) ثابتة بصحف تعتمد في ريعها على أولئك الصحفيين المميزين ، والذين- إذا حُجبوا أو احتجبوا – تُتصدر مسببات غيابهم ( لمنشتات ) الرئيسية ، حيث تكمن صعوبة الكتابة على هذا المنوال في كيفية إيجاد الفكرة والتي يتخللها بعض ( الوخز ) المشبّع بالمكر والدعاء وبعض المناكفات وإشارات تبرق في مكامن الظلمة ..
شكرا معاذ
عبدالرحمن
01-14-2007, 06:47 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
Quote: لكن بالتأكيد السواها فيهم غاندي ما بتمرق الحكاية بقت جزء من الثقافة و التراث،
في ذمتك يا نصار? أنا مر علي الكلام ده قبل كدا .. لكن ما اتأكدت الا منك هسة! اتاريهو كان ربنا غضب عليك و سكنك معاهم يقولو ليك سيب باب الحمام فاتح الشغلانة دي ما لقيت ليها تفسير خالص مشتاقين لي ريحة الوطن و النضال اولاد اللذين! الشئ دعاش??
و أنا أقول ابوالنيذ ده مالو مستاء و مادي بوزو لي اليلة
01-15-2007, 05:29 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: هاك دا لنك لي بوستك بتاع الاوف لاين السنة الفاتت الكبيت الزوغة من النقاش معاي لمن عصرتك وجبت الزيت
زيزو مرات يا مان لازم تكب الزوغة من البوست. بعدين انا اكتر حاجة خوفتني من البوست دا انو واحد من الشباب نزل صورة الاله كريشنا اب كريشة.فجأة يازيزو الصورة انقلب صورة جردل!!!!!!! ما عارف دي بركات كريشنا والا غضب الهي. بالله ياناذر جرب نزل لينا صورة الاخ كريشنا هنا نشوف البحصل شنو؟؟
01-15-2007, 07:21 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
معاذ واحد من أقرب أصدقائي هنا في أوسلو هندي متدين راجل محترم و خلوق و طيب يعتقد في كرشنا هذا يذهب للمعبد كل أحد صدقني يا معاذ يا أخوي عليك أن تحترم معتقدات الغير كي يحترموا معتقداتك
01-15-2007, 08:51 AM
مجاهد عبد الرحمن مجاهد عبد الرحمن
تاريخ التسجيل: 08-30-2006
مجموع المشاركات: 1190
Quote: سفيان بشير نابري..سلام وشكرا على التشريف رغم النضال.
Quote: انتو عمكم الاديب الطيب صالح مش عندو مقولة فيها نضال زي ده؟!
يطرشنا ما سمعنا بيهو!!
الله يسلمك .. بس يا معاذ أنا بتذكر مرة قريت أنو عمك (الطيب صالح ) ((نحن من قوم لا يتحرجون من التبول علي قارعة الطريق ويردون السلام)) أو حاجة قريبة لي دي (ما متذكر كويس) بس قريته.
اها لو ده صح يبقي رايك شنو يا اخينا؟!! وماهي علاقة النضال ده بي داك؟!! وهل من زمان العولمة دي حاصلة؟!!
Quote: أي والله دي شفتها بي عيني يوم كدة في إستراحة على الهاي وي بين بنقلور وميسور دخلتا الحمامات لقيتا عبارة عن حوش كبير والدبلوسيهات على الجنبات مفصولة بس بدون أبواب جيت داخل ألقى ليك ناس بيطنطنو بعد شوية لقيت ليك إتنين قاعدين (خلف خلاف) يعني فاتحين علي بعض ، يعملو زي الناس وهم قاعدين في المقاعد البلدية !! طبعا إتخلعت لكن قلت إلا أجيب نهايتا جيت ماشي في نصهم وهم بيرطنو وقلت ليهم HI وبدون أي تردد ردوا سوا وقالو لي HI SIR WELCOME قلت ليهم NO THANKS ومشيت أخر حمام بعد ما إتاكدت إنو الحمام القصادو فاضي وما في زول حا يكون بيعاين لي !!
الله يقرفك يا ناذر اتاريك معتاد خيران، تاني ما ترد علي في مداخلة الا يكون بيني و بينك سبعين متداخل.
01-15-2007, 10:14 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: بس يا معاذ أنا بتذكر مرة قريت أنو عمك (الطيب صالح ) ((نحن من قوم لا يتحرجون من التبول علي قارعة الطريق ويردون السلام))
سفيان بشير نابري..سلام
غابتو البول على قارعة الطريق دي نحن والبنقال فيها سواء. مرة واحد قاعد يناضل في الشارع جاء العسكري قال لي دا شنو دا؟ ما شايف مكتوب هنا ممنوع البول يا حمار. قال لي : انا كنت فاكر اليافطة دي للحمير بس. بايخة مش.
01-15-2007, 09:29 AM
نصار نصار
تاريخ التسجيل: 09-17-2002
مجموع المشاركات: 11660
Quote: كلما أبديت تبرمي من أوضاعي المزرية لأحد من الناس يسمعني الاسطوانة المألوفة إنني يجب أن احمد الله فهناك أناس لا يجدون ما يأكلونه!! وهناك أناس مرضى!! وهناك أناس في السجون!! وكل هؤلاء يتمنون أن يكونوا مثلي !! هل نستمد السعادة في حياتنا بصورة أصيلة من الأشياء الجميلة في حياتنا؟ أم من الإحساس بان هناك من هم اقل حظا منا !! هل نستمد الرضا عن أشيائنا عن قناعة ورضي بأشيائنا؟ أم من الإحساس بان هناك من لا يمتلك هذه الأشياء !!
قلت::
إن النفس المثقلة بالمشاعر السالبة والمثبطات تكون أفتك بالإنسان من الأمراض وأثقل عليه من آلام الابتلاء بفقدان بعض الأطراف أو الأبصار .. ذلك أن المشاعر السالبة تكون مهيمنة على الإنسان وبطغيانها على حركاته وسكناته الحسية والمعنوية فيصبح المرء جسداً خاملاً غير منسجم مع مجتمعه وغير متفاعل مع الأحداث التي تدور حوله فيكون كالآلة المعطوبة ..
لذلك كان النبي صلى الله عليه وسلم يهتم بسلامة النفوس ويحرص على بقائها متقدة متوثبة معافاة من الإحباط .. فكان يحث المرء على النظر إلى من هو دونه في شئون الدنيا (الرزق والصحة والولد ..) حتى لا يقع فريسة الإحباط، فرضاء المرء بهذه المقارنة ليس من باب أن وضع من هو دون أسوأ فهو إذاً أفضل منه لأنه أقل سوءاً .. ولكن في غياب المعيار الثابت للبؤس والسعادة يرى المرء أن وضعه ليس سيئاً وإنما كان يتوهم ذلك ويخيل إليه، وبذلك يرضى ويطمئن فيتحرر روحه وجسده من قيود الإحباط .. وقد حدث أن قابل النبي صلى الله عليه وسلم صاحبيه أبا بكر وعمر رضي الله عنهما ذات ليلة فقال ما أخرجكما قالا أخرجنا الجوع .. وكشف كل منهما على حجر مربوط إلى بطنه فقال لهما (ما أخرجني إلا ما أخرجكما وكشف عن حجرين مربوطين على بطنه) .. فبالتأكيد لم يشعر أي من الصحابيين أنه أفضل من الرسول صلى الله عليه وسلم لأنه يربط حجراً واحداً والنبي صلى الله عليه وسلم يربط حجرين .. ولكنهما بكل تأكيد شعراء بدفعة معنوية أنستهما ما يقاسيا من عضة الجوع ..
والمستوى (دونه) لا يمثل المعيار الأدنى لحظوظ الناس في الحياة، إذ ليس فيه نقطة دنيا تمثل حداً لا يزيد بعده بؤس الإنسان .. فقد يطلب ممن يقف عند مستوى (دونه) أن ينظر إلى مستوى آخر دونه وهكذا .. فكما لا حدود دنيا للبؤس فلا حدود عليا للسعادة (لو كان لابن آدم وادياً من ذهب لتمنى ثانياً) ..
وكذا حثه صلى الله عليه وسلم المسلم أن ينظر إلى من هو فوقه في أمور الآخرة لا يراد به تحقير النفس ولكنه يرمي إلى شحذ الهمم وإعلاء النفوس .. إذاً ففي الحالتين يحث النبي صلى الله عليه وسلم على السمو بالنفس وتفجير طاقاتها ووقايتها من أسباب الانهزام والضعف المفضية إلى الموت البطيء ..
ولي عودة ..
الأخ الوريف معاذ حسن .. تحية طيبة .. وكل عام وأنت بخير .. مواضيعك جاذبة تستفزني للمشاركة ولو بالقليل .. شكراً لذلك البنغالي .. ومزيداً من البنغالة حتى يتفجر مداد قلمك الجميل ..
خالص الود ..
جاد
01-16-2007, 06:51 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
صديقي المحترم جاد لك الود والمحبة أحد التكتيكات الاوتوميسفيرية للكتابة في المنبر التي (أحسب) يا قول الجماعة انها فاتت على ناذر.هي رفد البوست باكثر من خيط نأنو شنو ممكن أحد الخيوط ما ينجح, أها شايف الشباب هنا ركزا على موضوع النضال,وبمداخلتك الجميلة انقذت الباقي. كلامك عميق وعجبني جدا..وساعود اليه مرة اخرى بالقراءة.
اكتر ما اعجبني قولك: فكان يحث المرء على النظر إلى من هو دونه في شئون الدنيا (الرزق والصحة والولد ..) حتى لا يقع فريسة الإحباط.
وكذا حثه صلى الله عليه وسلم المسلم أن ينظر إلى من هو فوقه في أمور الآخرة لا يراد به تحقير النفس ولكنه يرمي إلى شحذ الهمم وإعلاء النفوس .. إذاً ففي الحالتين يحث النبي صلى الله عليه وسلم على السمو بالنفس وتفجير طاقاتها ووقايتها من أسباب الانهزام والضعف المفضية إلى الموت البطيء.
01-15-2007, 10:22 PM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
Quote: زيزو والله ذكرياتك مع الهنود دي حقو تعمل ليها بوست منفصل زي بتاع سامي عبد الوهاب مكي.نأنو كل يوم طالع لينا بحكاية جديدة.
!!!!!!
خلاص عاوز تقبل علي يا مناضل..
تعرف يا معاذ أنا واحد من الناس كنت غير محظوظ لسكني في بعض الفترات في واحدة من مناطق تجمع المناضلين الكبيرة وأظنها المكان الرئيسي لاجتماعات النضال..
والله يا معاذ عااااااااااااااااادي تحت البناية السكنت فيها في منطقة اسمها فاليجيري اصبح من الصباح على صوت المناضلين وعلى (ريحة النضال إذا عملت فيها ثقيل) ..واول منظر اشوفوا من الصباح هو مجموعات المناضلين وهم (يلقون بنطالاتهم) ولونقيهاتهم(ليرموا بكميات من النضال..تحرر المخرة..اقصد المجرة)
وكلام نصار صاح نحن الواحد كراعو بقت زي كاشفة الالغام يعني عادي بقينا نتجنب الالغام..واكتسبنا حصانة من الالغام التي ندوسها غصباً عنا..والالذ من كدا انطبقت علينا نظرية الحيوانات البرمائية البتتنفس جوه الموية وبره الموية..قول كيــــــــــف؟؟ يعني لو جيت ماشي جنب واحد مناضل نظامك التنفسي يقلب (اتومتاكي) لتتنفس بفمك بدلاً عن انفك والموضوع ده ممكن يتكرر في اليوم مئات المرات ...انا شخصياً بقى عندي(خياشيم) و زعانف..ولو قعدتها شوية كان ممكن يطلع لي ضنب وقشور..
والله قد اعياني النضال...
لكن ايضاً من حسنات النضال اني قبل الذهاب للهند كنت اعاف اي شي حتى الصابون الذي يستعمله غيري فاصبحت لا اعاف اي شي حتى اسقاطات المناضلين (الاخرار)
اسوأ منظر نضالي:
في مطعم في منطقة (ديفينس كولوني) بعد ان طلبنا (مسالا دوسا) وقف صاحب المطعم يهبب في النار وال(اكل) بلباسو...اااي والله واللباس لين مويتو تشر وهاك يا رش...يعني لو ما الله ستر كان يا ماكان...
الموضوع طويل ومعظمة مذكور في مذكراتي هاكم الرابط...اهي فرصة للنضال.
سامي عبد الوهاب كل سنة وانت طيب بالطبع تابعت بوستيكم العامر في وقته واشكرك على وضع الرابط فذلك الحديث لا يمل وطريقة السرد في ذلك البوست مدهشة وتجبر القاريء على المتابعة للنهاية.
01-16-2007, 07:34 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
معاذ باشا: ياخ انا بتكييف شديد من ونسة البنات المحبطة بطريقة غير مباشرة بالرغم من انو الواحدة بتكون عايزة تطمن صاحبتها.. تكون بتتونس معاها وبتوصف ليها في زولة شينة ..تقوم تقول ليها : والله يا سلافة هناية ديك شينة شنا مباااااااااااااااااالغة ..ياخ والله انتي اسمح منها !!!!
وطبعاً سلافة تتهلل اساريرها بي إنو في زولة قالت ليها انتي سمحة لكن لو تمعنت سلافة جيداً لوجدت انو صديقتها المفضلة قالت ليها وااااااا شناتك يا سلافة ..
من المفارقات العجيبة كمان في عامل المقارنة شكلة أولاد الحِلّة .. يكون قبل كده حصلت شكلة بين النعيم والطاهر والغريبة إنو النعيم ده كسر ليك الطاهر كسرة سنينك وتشاء الظروف بعد كم يوم إنو الطاهر ده يتشاكل مع وليد يقوم وليد وفي بداية الشكلة يقول لي الطاهر: هووووووووووووووي اعمل حسابك والله انا ارمي ليك سنونك ديل بي هوك واحد ..انت قايلني انا النعيم ولا شنو ؟؟؟؟
ده نوع من المقارنات محبط جداً يعني زي النعيم ده وبالرغم من إنو كسر الراجل لكن بي كلام وليد ده كل الحاضرين حا يجيهم احساس إنو النعيم ده قبل كده الطاهر كسرو كسرة شديدة ..
أما المقارنة المفرحة المبكية في نفس الوقت لمن يكون في شيرنق عاملنو اصحابك ويكونوا حددو الشيرنق مثلاً 500 ريال لي كل شخص.. اها لمن يجي دورك يقوموا كللللهم يقولوا لي الزول البيجمع القروش : لالالالا ياخ معاذ ده ما تشيل منو 500 الزول ده ظروفو صعبة ياخ بس شيل منّو 100 ريال .. واللذيذة يقوم واحد تاني ينط يقول ليك : يا معاذ يا زول ال100 زاااااااتا ما تدفعا هاكم يا شباب دي ميّة معاذ
وطبعاً ده نوع من المقارنة الضمني وبالجد بتحس اليوم داك لو الارض تتشق وتبلعك وتلعن اليوم الجابك فيهو فقران ..لكن ما ان تعدي المناسبة تحمد الله إنك ما دفعت فيها هذا المبلغ لأنها ما كانت بتستاهل..
ياخ بالمناسبة انا والله بالجد جد بتزهجي كلمة بيقولوها السودانيين كتير خلاص : ياخ الزول ده مسكين خليهو !!!!!!!!!
تخريمة : اجمل مصطلحات النضال بتاعكم ده خريكاوف وبولندا حرير .. بالمناسبة انا ما عارف ليه بيقولوا حرير دي ..
01-16-2007, 10:17 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
وطبعاً سلافة تتهلل اساريرها بي إنو في زولة قالت ليها انتي سمحة لكن لو تمعنت سلافة جيداً لوجدت انو صديقتها المفضلة قالت ليها وااااااا شناتك يا سلافة ..
عمر الفاروق حمدا لله على السلامة بالله يا عمر لو عايز تتاكد زيادة من النظرية لاحظ لمان تمشي زيارة لاي مستشفى وشوف زوار المرضي في حوش المستشفى مبسوطين كيف؟ والله اخر قرقرات التقول في المسرح القومي!!
01-16-2007, 10:40 AM
امير عوض الجمري امير عوض الجمري
تاريخ التسجيل: 04-25-2006
مجموع المشاركات: 2560
Quote: قبل أيام قابلت احد الأصدقاء ونقل إلي بسعادة غامرة كانت تطفح من وجهه كيف إن احد معارفنا (عبد الله) قد طلق زوجته (ابتهال) من المفترض إن هذا الخبر مؤسف إلا إنني لم المح أية لمحة أسف في حديث من نقل إلي الخبر رغم انه صرح بأسفه إلا انه كان يغالب ضحكاته
Quote: ثمة أناس في هذه الغرف يعانون من أمراض مستعصية!! هؤلاء المقهقهين بصحة جيده ولا يعانون من أية أمراض !! إذن هم أفضل من هؤلاء المرضى ويحق لهم أن يفرحوا بذلك!!
تشوف مصيبة غيرك تهون عليك مصيبتك
Quote: بنغلاديش بلد تعيس صغير المساحة فقير من أي موارد يسكنه (120) مليون بنغالي وبنغالية تجتاحه الأعاصير والسيول سنويا والشعب البنغالي شعب قليل الحيلة وقد تساءلت في نفسي كيف استطاع هذا الشعب الضعيف أن يتخلص من الاستعمار الانجليزي بجبروته المعروف وبعد بحث عرفت الإجابة فقد أفادني مصدر لا أثق فيه كثيرا إن المناضلين البنغال أدركوا أن لا قبل لهم بمواجهة الانجليز فعمدوا إلى حيلة ماكرة لطرد الاستعمار الانجليزي أخذ المناضلون البنغال يقضون حاجتهم في الحدائق العامة وفي الطرقات وفي دواوين الحكومة وأمام منازل وثكنات الانجليز فكان المفتش الانجليزي يخرج من بيته ليجد القرف في كل مكان حوله, فلم يتحمل الانجليز بأنفتهم المعروفة هذا (النضال (فانسحبوا من بنغلاديش ومن ثم أعلنت دولة مستقلة.
وتشوف مصيبة بنغلاديش تهون عليك مصيبة السودان
Quote: وعلى هامش الموضوع ترى هل يجدي أسلوب النضال البنغالي ؟؟
يجدي ونص بس نقوم نطورو شوية ونجيبو جاهز ومعبأ في اكياس او نعلبو او (نخللوا) وعشان كمان نقي الناس تكلفة وتعب المشوار للوزارات .. ونشوف متطوعين يقوموا بالعمل ده ..
01-18-2007, 08:35 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: وتشوف مصيبة بنغلاديش تهون عليك مصيبة السودان
ابو عثمان ..سلام هل تعلم ان اسم السودان وبنغلاديش ظلا متلازمين في السنوات الاخيرة في احصائيات الفساد المالي والفقر لدى المنظمات العالمية . يعني الحال من بعضو..
01-18-2007, 01:07 AM
Omer Abdalla Omer Abdalla
تاريخ التسجيل: 01-02-2003
مجموع المشاركات: 3083
معاذ ازيك بستمتع كثير بقراءة اندفاقاتك اللماحة ، خفيفة الظل ، لكن ما أدس عليك أنه أصابني شيء من الإحباط وحز في نفسي كثيرا ما كتبته هنا في حق "شعب" بأكمله وفي حق "ديانة" يدين بها الملايين .. أنا واثق من أنك تكتب ما كتبت بسبيل من الدعابة والمزاح ، لكن تصور لو أن شخص من جنس تاني (مثلا مصري أو لبناني أو حتي بنغالي) استخدم منبرا عاما ينسب لبني جنسه للإساءة للشعب السوداني أو للإسلام ووصفهما بما وصفتهما به في هذا البوست أو سخر منهما كما فعلت .. تخيل ماذ سيكون رد فعل السوداني العادي (ما ضروري يكون جعلي) اذا قرأ الكلام دا ؟!! أنا اعتقد انك عندك موهبة لا تخطئها العين في الكتابة والسرد الجذاب بل والنقد التحليلي الجيد للظواهر السالبة في مجتمعنا مما خلق لك شعبية جيدة في هذا المنبر (وأنا منها) فهل نطمع في الابتعاد بها عن موارد الإساءة والتجريح المعممين .. هذا عشمي فيك فإن قبلت نصحي فخير وإن رأيت فيه تطاولا على حقك في التعبير فامسحه في وجهي .. ويبقى الود بيننا عمر
01-18-2007, 08:43 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: لكن تصور لو أن شخص من جنس تاني (مثلا مصري أو لبناني أو حتي بنغالي) استخدم منبرا عاما ينسب لبني جنسه للإساءة للشعب السوداني أو للإسلام ووصفهما بما وصفتهما به في هذا البوست أو سخر منهما كما فعلت .. تخيل ماذ سيكون رد فعل السوداني العادي (ما ضروري يكون جعلي) اذا قرأ الكلام دا ؟!!
عمر عبد الله أشكرك على حديثك المهذب الراقي ولكن يا ابو عبد الله هؤلاء القوم اساؤا لنا فعلا بعمايلهم في الجنوب ويسيئون لنا يوميا في الخليج بمقولتهم( سوداني نفر وش اسود وقلب اسود) اي ان السوداني لا خير فيه فقلبه اسود مثل لون بشرته!! وهذه المقولة يتدالونها يوميا علاوة على انني عرفت عنهم عدم احترامهم لاي شعب حتى الشعوب العربية التي يقمون على ارضها يلعنونها ليل نهار. يمكن تعاملت برد الفعل وبالغت قليلا. واللي يرشنابالمية نرشو بالدم . والا شنو!! سلام يا عمر وسامحني ودرسني بس قانون هواك..
01-18-2007, 01:55 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
شكرا أخي معاذ على طيب حديثك وطيب نفسك فلم تخيب ظني فيك أتفهم احباطك تماما ولكن .. ألم تسمع قول المتنبي: ولم أرى في عيوب الناس شيئا كنقص القادرين على التمام
سر أبوح به: هل تعلم - أطال الله عمرك - أن صورتك (الأختفت) تشبه فيها شقيقي الأصغر الراحل حسن هواري والذي اختطفته يد المنون عام 1981 وهو لم يبلغ العشرين .. عليه رحمة الله ورضوانه .. ودمت في الحفظ والرعاية ..
عمر
01-28-2007, 08:07 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
الله يسامحكم...فتحت البوست وأنا قاعد أتغدي عين في الصحن قدامي وعين في البوست..أعوذ بالله من القرفة القلبت بطني..صدقوني ما قدرت أبلع لقمه والبلعتها كست أرجعها مالقيت طريقه..لأنه إتذكرت مدراس وروائحها في المطر..مشيت سنة 97 لحضور كورس لمدة 8 أسابيع في IIT في مدراس وهناك عانيت معاناه غير عادية من حكاية الأكل لأنه الواحد لما يجي راجع الهوتيل(ليبرتي هوتيل) بيكون طرش لبن أمه في السكه وما يفدر يشرب حتي مويه..لكن عارفين حكاية النضال الهندي دي نفعت..لأني خلصت الكورس في 3 أسابيع وجيت راجع من هناك جلد على عضم..ومن ديك وعيك...أما مسألة الشنا فحدث ولا حرج..الهوتيل جنبو سينما(ليبرتي ثيتر) وقفت قدامها يومين أفتش في الروائع الكنا بنشوفها في الأفلام الهندية..وأخيرا إكتشفت بأني أحلي واحد في الشارع كله..وإنه الأفلام الهندية بفتشو جكسها بالفتاشة وسط المليار نسمه بتاعتهم دي.. المهم جروا السايفون على التواليت ..سوري أقصد البوست دا.. لكم كل الود والتقدير
03-06-2007, 10:05 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
Quote: أما مسألة الشنا فحدث ولا حرج..الهوتيل جنبو سينما(ليبرتي ثيتر) وقفت قدامها يومين أفتش في الروائع الكنا بنشوفها في الأفلام الهندية..وأخيرا إكتشفت بأني أحلي واحد في الشارع كله..وإنه الأفلام الهندية بفتشو جكسها بالفتاشة وسط المليار نسمه بتاعتهم دي..
الحبيب nile1 سامحنا على كل هذا البوست المقرف. بس عرفنا حاجات كتيرة من حكاويكم. تعرف باعتبار اني اصلا وهم واعاني من حالة استلاب ثقافي حادة كنت زمان مغرم بالافلام الهندية رغم انها قصص ساذجة ومكررة ومتشابهة. بس هسي (رغم انو حالة الاستلاب الثقافي ما زالت معاي ) الا انو بقيت اشوفا ليك وهم كبير.
تحياتي.
03-06-2007, 10:08 AM
معاذ حسن معاذ حسن
تاريخ التسجيل: 11-14-2006
مجموع المشاركات: 3353
سعد الدين..مشتاقون وحمدا لله على سلامة العودة يا اخوي وين انت؟ ناذر حا يسيب البوردي الحقو سريع. تعرف يا ابو السعود مرات بحس انك قاصدني عديل كدا لانو المرة الفاتت كنت عامل فيها شاعر ومنزل قصيدة ولا جميل بثينة فاذا بك ترفع هذا النضال عاليا وتغتال شاعريتي. وهسي ناذر متهمني بمعاداة الجنس الاصفر في البوست خاصتي عن الصين.فاذا بك ترفع النضال مرة اخرى لتؤكد معاداتي للشعوب الاسيوية .
حمدا الله على السلامة.
04-03-2007, 08:59 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاذ حسن
ناذر محمد الخليفة
أبو الحسين
wadalzain
Sabah Hussein
نصار
Ahmed Abdallah
saadeldin abdelrahman
الشيخ إبراهيم الشيخ
سفيان بشير نابرى
الصادق خليفة
AlRa7mabi
fadlabi
مجاهد عبد الرحمن
JAD
ابو عثمان
عمر الفاروق
امير عوض الجمري
Omer Abdalla
nile1
فيس بوك
تويتر
انستقرام
يوتيوب
بنتيريست