|
|
 الكويت تحتفل بمغادرة آخر بنـقـالي لأراضيها!!
|
على طريقة الأمم المتحدة في الاحتفال بآخر مصاب جدري والطاعون راجت في أوساط المنتديات العربية مؤخرا إشاعة مفادها إن دولة الكويت قد أقامت احتفالا (كتّاميا) بمغادرة آخر مواطن بنقالي لأراضيها وبهذه المناسبة - بحسب الإشاعة- فقد أعلنت الدولة عن جائزة مقدارها ألف ألف دينار لمن يعثر على أي مواطن بنغالي على الأراضي الكويتية.
وقد قوبلت هذا الشائعة بالاستحسان والقبول في أوساط المواطنين العرب بصورة غير عادية.لا أود أن اعلق على الخبر الذي تعذر علي تأكيده من مصادر موثقة ولكن لا بد من وقفة إزاء الفرح الجماهيري الغامر الذي قوبلت به الإشاعة في الأوساط العربية ,ووصل الحد بأحدهم أن أعلن انه إذا استجاب الله لدعائه واتخذت حكومة بلاده قرار مشابها أعلن انه سيستاجر أفخم قصر أفراح فيك يا (رياض) ولمدة ثلاثة أيام تنحر فيها الذبائح وتقام الأفراح والليالي الملاح, باختصار لا أحسب انه ومنذ انتهاء الحرب العالمية الثانية قد قوبل خبر ما بمثل هذا الفرح والاستحسان.
عن نفسي وكمشروع مثقف ليبرالي معتبر لا استطيع أن أساند أصحاب هذه الحملة الشعواء على إخواننا (البناقلة) رغم إنني لا استسيغ وجودهم المخيف في بلادي .لا أخفى عليكم شعوري بالسرور والرضا عن هذه الحملة ولكني لا استطيع مساندها علنا فأخون بذلك مبادئي, لعنة الله على هذه المبادئ والقيم الليبرالية التي تهبط عليّ المرء في آخر عمره.
أفسد على هذه الفرحة (الداخلية) خاطر ابن كلب انتابني في لحظة صحو ليبرالية ماذا لو إن حملة الفرح والشماتة هذه كانت موجهة ضد السودانيين!؟ ماذا كان سيكون شعوري حينها!؟
البناقلة فيهم الأخيار وفيهم الفجار ولكن أولاد الحرام ما سابوش لأولاد الحلال حاجة فقد فاحت أخبار السيئين وانزوي الأخيار وبمرور الزمن ارتسمت في الأذهان صورة نمطية للبنغالي هي صورة العامل الفاسد المخرب اللص ....
كليبرالي يتحتم علي أن لا أفكر بهذه الطريقة في التنميط وهب ان الليبرالي(الجديد) في داخلي استطاع ان يهزم التخلف الذي ظللت أفكر به لسنوات طويلة وتوصلت إلى قناعة انه لا يجوز أن أصم (البناقلة مطلقا) وعلى التعميم بهذه الصفات السيئة.إذا ما تمكنت من ذلك فمن يضمن لي إن العالم كله قد كفر بالتنميط منهجافي التفكير !؟.
الصورة النمطية التي في طريقها للارتسام في الأذهان عن بلادنا لا تسر إطلاقا حروب ومجاعات وتمرد وفساد حكام وانعدام للأمن ومعاهدات سلام وعودة للحرب,والصورة النمطية الاخذة في التكون عن عاصمتنا لا تسر احد والصورة التي في طريقها للاستقرار في وجدان الكثيرين حول العالم عن السوداني ايضا لا تبشر بخير .
أخشى عليكم من يوم كيوم (البناقلة).
أقول قولي هذا واستغفر الله العظيم لي ولكم.
|
|
 
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: حيدر حسن ميرغني)
|
((نحمدك يارب جوازنا فى ايدنا))
الاخ العزيز حيدر ميرغني
تحية ود
ما عارف جوازك لونو شنو
لكين لو (الاخيدر) ما تفرح شديد يوم بدخلك في مطب.
يا حيدر اشعر ان سمعة السودان كبلد اصبحت في خطر شديد
بالله تقدر تعد لي كم مرة نقلت شاشات التلفزة الى الناس حول العالم
احتشاد رؤساء العالم ومنظماته الاقليمية والدولية عشان يحنسو السودانيين ويخلوهم يتفقوا يعيشو مع بعض؟!
وكم مرة نشرنا غسيلنا الوسخان على العالمين؟.
يا اخي نحن ناس راسنا ناشف ودماغنا جزمة قديمة.
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
ادانة رقم (1)
الاخ معاذ هل قرأت ما كتبته
ادين و بكل العبارات المناسبة طريقتك و اسلوبك و تفكيرك يا اخي
و يبقى الود
حامدQuote:
عن نفسي وكمشروع مثقف ليبرالي معتبر لا استطيع أن أساند أصحاب هذه الحملة الشعواء على إخواننا (البناقلة) رغم إنني لا استسيغ وجودهم المخيف في بلادي .لا أخفى عليكم شعوري بالسرور والرضا عن هذه الحملة ولكني لا استطيع مساندها علنا فأخون بذلك مبادئي, لعنة الله على هذه المبادئ والقيم الليبرالية التي تهبط عليّ المرء في آخر عمره.
أفسد على هذه الفرحة (الداخلية) خاطر ابن كلب انتابني في لحظة صحو ليبرالية ماذا لو إن حملة الفرح والشماتة هذه كانت موجهة ضد السودانيين!؟ ماذا كان سيكون شعوري حينها!؟
البناقلة فيهم الأخيار وفيهم الفجار ولكن أولاد الحرام ما سابوش لأولاد الحلال حاجة فقد فاحت أخبار السيئين وانزوي الأخيار وبمرور الزمن ارتسمت في الأذهان صورة نمطية للبنغالي هي صورة العامل الفاسد المخرب اللص ....
كليبرالي يتحتم علي أن لا أفكر بهذه الطريقة في التنميط وهب ان الليبرالي(الجديد) في داخلي استطاع ان يهزم التخلف الذي ظللت أفكر به لسنوات طويلة وتوصلت إلى قناعة انه لا يجوز أن أصم (البناقلة مطلقا) وعلى التعميم بهذه الصفات السيئة.إذا ما تمكنت من ذلك فمن يضمن لي إن العالم كله قد كفر بالتنميط منهجافي التفكير !؟.
الصورة النمطية التي في طريقها للارتسام في الأذهان عن بلادنا لا تسر إطلاقا حروب ومجاعات وتمرد وفساد حكام وانعدام للأمن ومعاهدات سلام وعودة للحرب,والصورة النمطية الاخذة في التكون عن عاصمتنا لا تسر احد والصورة التي في طريقها للاستقرار في وجدان الكثيرين حول العالم عن السوداني ايضا لا تبشر بخير |
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: hamid brgo)
|
((ادانة رقم (1)
الاخ معاذ هل قرأت ما كتبته
ادين و بكل العبارات المناسبة طريقتك و اسلوبك و تفكيرك يا اخي))
الاخ حامد تحية ود
اصدقك لدى عادة سيئة وهي القراءة بعد النشر!!
وهسي بعد قريت انا ذاتي اشجب وأدين و(أتندد) كمان.
لكن دا ما بغير حقيقة انو كلمة سوداني اصبحت مرادف لحاجات كتيرة ما تمام
ضيق الافق والدماغ الناشفة وعدم قبول بعضنا البعض واهدار وقتنا ومواردنا في النقار.
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
فاستغفروه انه هو الغفور الرحيم
معاذ كل عام وانت بخير
بقيت كل ما اسمع انو بنقالي عمل حاجه سيئة طوالي اقول معاذ حسن قال الكلام ده وانهم الناس ديل بتاعين مشاكل...
اما الصورة النمطية عنا فنسال الله ان تظل لسنين إقامتنا كالصورة القديمة عن السودانيين والتي بدأت تبهت وتتقادم ويعفى عليها الزمن...
لك التحية ومشتاقين
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: الطاهر عثمان)
|
((بقيت كل ما اسمع انو بنقالي عمل حاجه سيئة طوالي اقول معاذ حسن قال الكلام ده وانهم الناس ديل بتاعين مشاكل))
الاخ الطاهر .تحية طيبة وكل عام وانت بخير
عارف زمااان والكلام دا قبل ما ابقي ليبرالي
لما أتنبأ بمصيبة والناس ما يسمعوا كلامي
كنت بتمنى انو تقع المصيبة بس عشان الناس تعرف انو كلامي كان صاح!!
واشبك ليك الجماعة ما قلت ليكم... بس كلام القصير ما بنسمع.
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
الأخ العزيز معاذ حسن
تحياتي و تقديري
موضوعك يفتح أبواباً كثيرة على مصراعيها ...
Quote: عن نفسي وكمشروع مثقف ليبرالي معتبر لا استطيع أن أساند أصحاب هذه الحملة الشعواء على إخواننا (البناقلة) رغم إنني لا استسيغ وجودهم المخيف في بلادي .لا أخفى عليكم شعوري بالسرور والرضا عن هذه الحملة ولكني لا استطيع مساندها علنا فأخون بذلك مبادئي, لعنة الله على هذه المبادئ والقيم الليبرالية التي تهبط عليّ المرء في آخر عمره.
أفسد على هذه الفرحة (الداخلية) خاطر ابن كلب انتابني في لحظة صحو ليبرالية ماذا لو إن حملة الفرح والشماتة هذه كانت موجهة ضد السودانيين!؟ ماذا كان سيكون شعوري حينها!؟
البناقلة فيهم الأخيار وفيهم الفجار ولكن أولاد الحرام ما سابوش لأولاد الحلال حاجة فقد فاحت أخبار السيئين وانزوي الأخيار وبمرور الزمن ارتسمت في الأذهان صورة نمطية للبنغالي هي صورة العامل الفاسد المخرب اللص .... |
دة كلام تمام .. فيهم و فيهم .. و السيئين أكتر ..
| Quote: أخشى عليكم من يوم كيوم (البناقلة). |
كل شيء ممكن و جائز ...
و لكن من الأنسب أن يكون ( يومنا ) بأيدينا و ليس بيد رهط عمرو ..
تخريمة : أعجبتني الكلمة التبداوية ( البناقلة ) .. فقلت في نفسي : أطلقها معاذ لعلمه بأن أحد البناقلة قد تزوج من إحدى كريمات الدناقلة قبل 3 شهور تقريباً .. و سيكون أحفادهم و ذريتهم من حملة إسم : البناقلة كنوع جديد من سلالات السودانيين.
دمتم
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: ابو جهينة)
|
| Quote: تخريمة : أعجبتني الكلمة التبداوية ( البناقلة ) .. فقلت في نفسي : أطلقها معاذ لعلمه بأن أحد البناقلة قد تزوج من إحدى كريمات الدناقلة قبل 3 شهور تقريباً .. و سيكون أحفادهم و ذريتهم من حملة إسم : البناقلة كنوع جديد من سلالات السودانيين |
يا أخوي السودانيين ناقصين !!!
انحنا بي بنقالتنا... ياهم ديلاك مالين باب شريف وشوارع جدة
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: Ahmed Yousif Abu Harira)
|
| Quote: ضيق الافق والدماغ الناشفة وعدم قبول بعضنا البعض واهدار وقتنا ومواردنا في النقار |
دا جميل
دي عجبتني
كدي يا معاذ خليك من الادانات و الميكروفونات: اسلوبك تحريضي لابعد الحدود ويستحيل جمعهما مع الليبرالية او اي فكر انساني معافى . كما اننا السودانيين يجب ان نكون اخر من يرفض الوافدين للعمل او اللجؤ.... اينما تذهب في هذه الكرة الارضية تجد عامل سوداني
قبل اسبوع واحد كنا نجمع التوقيعات لرفض قرارات الحكومة الاسترالية ضد السودانيين .... كيف يستقيم رفضنا لو ان المثقف الليبرالي منا يبطن مقاله بهذه الكلمات
( بعدين ياخي منعا للخلط انا لا مثقف و لا ليبرالي بس بقول رأي و انا ماشي).
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: hamid brgo)
|
| Quote: اسلوبك تحريضي لابعد الحدود ويستحيل جمعهما مع الليبرالية او اي فكر انساني معافى |
اخوي الدكتور حامد
اهو كدا نمطّني طوالي تحريضي وبجرة قلم!!
Quote: قبل اسبوع واحد كنا نجمع التوقيعات لرفض قرارات الحكومة الاسترالية ضد السودانيين .... كيف يستقيم رفضنا لو ان المثقف الليبرالي منا يبطن مقاله بهذه الكلمات
|
يا دكتور
يمكن كلامي اوحى ليك بحاجة انا ما قصدتها
انا قاصد الاتي
البنغال اصبحو ضحية لتمنيط شخصية البنغالي بالعامل السيء الفاسد الذي لا خير يرجي منه.
ونتيجة التنميط دا اصبحوا غير مرحب بهم في الخليج ومجرد ما طلعت الاشاعة دي -ما عارف صاح والا لا- المهم مجرد ما طلعت الاشاعة قوبلت بفرح شديد في الخليج واتقال كلام ما عايز اقتبسو هنا ولا اخت ليهم لنكات لانو كلام خارج عن الاعراف الانسانية.
بس امشي قوقل واكتب عنوان الموضوع دا وتشوف العجب.
يبقي انا ما جبت حاجة من عندي
انا ضد التنميط والتعميم ولكن الواضح انو التنميط منهج تفكير عالمي
والدليل الحملات القلت انت عليها في استراليا
مع الازمات الحالية في بلدنا يتم تنميطنافي اذهان كل العالم في صورة قد تجر علينا يوم كيوم البناقلة.
ولك كثير من الود..
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: ابو جهينة)
|
((أعجبتني الكلمة التبداوية ( البناقلة ))
الريس ابو جهينة
تحية ود..أول حاجة يطرشني ليلة الابداع ما سمعت بيها الا في المنبر بعد العيد
فاتتني جنس فوته.
أها ما كلموك !!البناقلة هو الاسم الشائع لرعايا دولة بنغلاديش الشغيغة في السودان
وفي الخليج يطلق عليهم (البنقال او البنقالية)
اما البنقال انفسهم فينطقونها (بنغلا)
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
Quote: لكن دا ما بغير حقيقة انو كلمة سوداني اصبحت مرادف لحاجات كتيرة ما تمام
ضيق الافق والدماغ الناشفة وعدم قبول بعضنا البعض واهدار وقتنا ومواردنا في النقار. |
تعرف مديرنا اماراتي مستغرب من مشاكلنا دي ...
وقالي يا اخي بتتناقرو ليه كدا ...
اقعدو سوا بنفوسكم الطيبة ...
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: Mohamed E. Seliaman)
|
Quote: الأخ حامد برقو
كلامك عنصري
كما أنه كذب |
الاخ العزيز محمدأ. سليمان
قبلت بوصفك لكلامي بانه كذب باعتبار كل الذي نقوله يحتمل الصدق و الكذب مالم ندعمه بادلة مقنعة( وهذه الادلة نفسها تخضع لمعايير مختلفة) قد لا يتفق الناس عليها..
مساهمة منطقة الخليج في الانتاج الفكري و العلمي والتقني للمجتمع البشري هو الذي سيحدد مااذا كانوا اذكياء ام لا
لكن ما موقع جملة( كلامك عنصري) من الاعراب
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: Mohammed Ibrahim Othman)
|
Quote: تعرف مديرنا اماراتي مستغرب من مشاكلنا دي ...
وقالي يا اخي بتتناقرو ليه كدا ...
اقعدو سوا بنفوسكم الطيبة ... |
الاخ محمدابراهيم
يا اخي كل العالم مستغرب من المشاكل الما ليها اول ولا اخر دي
وبقينا محل ما نمشي محاصرين بالاسئلة ومطالبين بالاجابة عن الحاصل الما فاهمين عنو حاجة.والله حيرتو البناقلة ذاتم.
الهندي عامل البقالة الظاهر عليهو متابع الاخبار كل ما امش اشترى منو يسألني ايش مشكلة دار بور؟؟ لسه مافي خلاص!!
الاخ الهادي
اشكر مرورك
الارباب ابو حريرة
مساك بالخير
حوش صاحبك حامد عني
.
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
| Quote: ما الذي يجعل الاخرين مثل البنغالة او الهنود بذكائهم و فهمهم ان يعملوا تحت الخليجيين بغبائهم المعروف |
شوف عيني معاذ حسن شحمو ليهو طيارتو
والسودان عدل ...
يازول اكان عندك شلوخ من هسي الغرب طوالي
واطلب حق اللجو السياسي
وقول الجماعه عملوها فيني ودي اثار التعذيب
معاذ انت حي
البصاص
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
ابو جهينة
وينك ياقريبك
| Quote: تخريمة : أعجبتني الكلمة التبداوية ( البناقلة ) .. فقلت في نفسي : أطلقها معاذ لعلمه بأن أحد البناقلة قد تزوج من إحدى كريمات الدناقلة قبل 3 شهور تقريباً .. و سيكون أحفادهم و ذريتهم من حملة إسم : البناقلة كنوع جديد من سلالات السودانيين. |
والله لو كلامك ده صاح يبقي سجم خشمناعدييييييييييييل... يااخي نحن ال...........! ماراضين بيهم تجي تقول لي بنقالي ماياها دي البقولوا عليها ... ميته وخراب ديار
تحياتي
هارون دياب
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: haroon diyab)
|
Quote: مؤسف قرار دولة الكويت لانه يضمر عنصريه
وبه عدم احترام لحقوق الانسان وتنميط شعب كامل بهكذا صفات به اجحاف. |
تراجي و اللفحي ..
بس طوالي خاشة شمال و عايزة تتأسفي .. و تسكلبي ..
إنتي رايح ليك أسف ؟؟
و هسع القال ليك الكويت عملت كدا منو ؟؟
ياخي أنتي ما عندك راس و لَ ما عندكم تلفزيون !!
أهبطي يا تراجي ..
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: عصام دهب)
|
عليك الله يا معاذ في بنقاله أكتر مننا نحن السودانيين؟؟
بالمناسبه استغربت جدا انو مافي واحد من علماء اللغه قاليك : ياخي هي : بنغاله وليس بنقاله... والله أعلم !!! ناس قريعتي راحت طوالي جو بفرمالاتهم الجاهزه : ناس تنميط وتقيط.... ولا حتي قرو الموضوع من الأول !!! تقول لي بنقاله.؟؟.. نحن أولا نحاول نحتفل بمغادرة بنقالة المنبر ده !!! يعني نشوف بنقالتنا أول بعدين نشوف بنقاله غيرنا !!!
كل عام ونحن أكثر بنقالة !!!
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: mohamed osman bakry)
|
Quote: السودان الجديد يحتفل
بخروج آخر جلابي من الخرطوم
ــــــــــــــــــــــــــ
مندوكورو في جوبا
بل راسك. |
محمد عثمان
يا اخوي الظاهر انت ما فاهم ذاتو السودان الجديد يعني شنو؟
السودان الجديد - حسب معلوماتي البسيطة جدا- فكرة انو السودان للجميع كلنا مواطنين نتساوى في الحقوق والواجبات فكرة لا تنادي بخروج جلابي من جوبا ولا غير جلابي من الخرطوم
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: محمد البشرى الخضر)
|
يا معاذ تحياتي وإحتراماتي، ولا فض فوك فى كثير مما جاد به يراعك. إلا أنني أختلف معك قليلاً فى كون وصفك لظاهرة التخلص من البنغالة فيه عنصرية، وبمناسبة العنصرية، والله العظيم وعلى الرغم من إنو حواء والدة، إلا أنني أشد الناس مناهضةً للعنصرية، والنوع اللي جسمو بتتضرس عند مطالعتي أو سماعي لأي كلام عنصري ضد أي إنسان (عرقي، ديني، جهوي ... إلخ) بس خبر إحتفال الكويتيين بخروج آخر بنغالي من أراضيها لايُعد عنصرية إطلاقاً. والرسول (ص) قال:"فر من المجذوم كما تفر من الأسد" أو كما قال.
البنغالة يامعاذ شعب قمة التخلف ووسخان جداً - أتكلم عن الوسخ الجسدي - والواحد بتلقاهو مريض بمرض معدي، وتلقاهو مُصر على الإحتكاك بالناس، ولايراعى بأنه سوف ينقل مرضه إلى الآخرين، وبتذكر أول إحتكاك لي مع هؤلاء الناس فى السعودية داخل مسجد، والله يكرمك ويكرم القارئين، والله المسجد عبارة عن سيفونية مخاخيط، وكل المسجد يعزف هذا اللحن المقرف، ورائحة المسجد كريهة جداً، وكأنني فى مخازن شولات بصل معفن، وقررتُ ألا أصلى بجوار بنغالي فى مسجد أبداً، ومشيت مسجد أغلبه من السعوديين، ووجدتُ رائحتهم عطرة جداً، بس المشكلة الواجهتني، إنو الجمبك بتلقاهو بتسحسح، وبطقطق فى إصابعينو، أو بلعب بي موبايلو فى الصلاة ويشغلني عن صلاتي، وبعديها فارقتُ المساجد فراق الطريفي لي جملو .
مشكلة البنغالة يامعاذ ليست فى البنغالة أنفسهم، المشكلة فى البلد المستضيفة لهم، كان من المفترض توعيتهم، وعدم المجاملة فى الأشياء البديهية مثل النظافة، والتصرفات الرعناء، فمثلاً الأمريكان لو لقوا زول ريحتو عفنة أو بتصرف تصرف عنطج، طوالي بثبتوه وبقولوا ليهو أمشي إستحم أو أفعل كذا وكذا، وعلى الرغم من أنها محرجة لهذا الشخص، إلا أنها تفيده وتنظف المجتمع من أمثاله، ولا حياء فى العلم، فهو جاهل ويحتاج للتعلم.
ومن المفارقات يامعاذ، ذهبتُ للسودان ووجدتُ الكيزان يحتفلون بدخول البنغالة السودان، خلاص الأولاد بقى عندهم بترول، وبقوا عربان كمان، وكبوا فى السودان عشرمائة لوري مليان بنغالة أسوةً بأسيادهم العرب، خلاص يعني نحنا بلدنا فاقدة أيادي عاملة؟! علشان نجيب ناس زي ديل؟! الواحد فى اليوم من الجلدنة بيأكل وجبة واحدة دا ح يقدر يشيل جركانة الخرسانة كيف؟! والله الجكس السوداني أقوى منهم! ولك الله يابلدي المستلبة ثقافياً
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: معاذ حسن)
|
Quote: يا اخوي الظاهر انت ما فاهم ذاتو السودان الجديد يعني شنو؟
|
والله يا معاذ , الحاجة ال أنا فهمتها من البورد ده والكتابات الفيهو
والكوراك والعوة القايمة كل يوم إنو مشاكل السودان القديم ده وبلاويهو
و مصايبو كلها وراها الجلابي ده ـ مندوكوروـ.
لذلك الناس قالوا دايرين سودان جديد خالي من المشاكل والمصائب والبلاوي.
طيب عشان تخلق سودان زي ده مش حقو تفرغو اولا من السبب ال وراء بلاويهو
ومصايبو دي?
ــــــــــــــــــــــــــــــــــــــــ
الناس في الكويت لو عرفوا إنو مشاكلهم كلها ما وراها البنغالي
ما كان إحتفلوا بخروج آخر بنغالي من بلدهم. في كويتيين أسوأ من البنغلا.
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: نيازي مصطفى)
|
الأخ معاذ المتعهد البنقلاوي علي وزن بقلاوة حقت الشؤام
جد قرأءة كل كلمة جميلة منك راسمه في حد بنقالي أو بنقلاوي دي من بيت الكلاوي.
وبس تعريجه كده ممكن وما داير أنزل بجوكرين وكده!!!
ممكن تحوًر لينا كلمة (عنصرية دي) وتبقي جلسة (عصرية أنس) والناااس تتلمه وتتشاور
حول رحيل البناقلة أو الإبقاء عليهم كعمالة مطلوبة في كل الدول النفطية حتي ناااس
قرعتي راحة أستجلبت هذة النوعية من العماله ولكن هذا لا ينفي وجود طبقة جيدة منهم
متعلمه وبل مطوَرة كمان في مجالات عديـــدة (وحتي أسأل ناااس عديدة البشاقرة)
مجرد رأي ماينطووو لي في الكلمة القاعدين تحت ظلهـــا ديييييييييييك.
،،،،أبوقصى،،،،
| |
|
|
|
|
|
|
|
|
|
Re: الكويت تحتفل بمغادرة آخر بنـقـالي لأراضيها!! (Re: mohamed osman bakry)
|
Quote: الناس في الكويت لو عرفوا إنو مشاكلهم كلها ما وراها البنغالي
ما كان إحتفلوا بخروج آخر بنغالي من بلدهم. في كويتيين أسوأ من البنغلا |
الاخ محمد عثمان بكري تحية طيبة
عذرا لم افهم مداخلك الاولى استفزتني المداخلة ولم اتوقف كثيرا حتى اقف على ما ترمي اليه.
الان اتضحت لي الصورة شكرا على التوضيح .
وكما تفضلت كثيرون لا يمتلكون شجاعة الاعتراف ويبحثون عن شماعات وما اكثرها.
| |
|
|
|
|
|
|
| |
معاذ حسن
حيدر حسن ميرغني
الطاهر عثمان
ابو جهينة
Elhadi
Ahmed Yousif Abu Harira
Mohammed Ibrahim Othman
Mohamed E. Seliaman
أبو عبيدة البصاص
Tragie Mustafa
haroon diyab
عصام دهب
Mohamed Abdelmotalib Hassan
محمد البشرى الخضر
النذير حجازي
نيازي مصطفى
مجدي عبدالرحيم فضل
فيس بوك
تويتر
انستقرام
يوتيوب
بنتيريست