|
|
 الجـمل للجميع !! بمناسبة قدوم شهر رمضان!!
|
أول ما قدمت للملكة السعودية عملت في مدينة صغيرة إسمها (عنيزه) ولا اعتقد إني مع هذا الاسم المميز بحاجة لان اشرح لك إن المهنة الرئيسية لسكان المنطقة ليست صناعة المراكب بأي حال من الأحوال.
صاحب المؤسسة كان بدوي قح ينتمي للبادية الشاسعة المحيطة(بعنيزة). في زواج ابنه البكر إصر على حضور جميع الموظفين,قطعنا الفيافي إلى القرية وبعد أن (تجرعنا) قهوتهم البيضاء المرة بسطت الموائد ودعينا للطعام يحفنا كرم بدوي أصيل.
كان الطعام عبارة عن جمل ضخم وقد طبخ كاملا و(برك) في صحن ضخم وتحته مقدار ثلاثة أطنان من الأرز المسلوق,وتماما كما ترقد الدجاجة المشوية على صحن الأرز كان الجمل بكامله باركا في انتظارنا!! كانت أول مرة ابدأ طعامي بلا حول ولا قوة إلا بالله بدلا عن بسم الله !!تحلقنا حول البعير لا تعرف من أين تبدأ ولا الى أين تنتهي.
إذا كنت جالسا إلى المؤخرة وعنّ لك أن تتناول شيئا من لحم الصدر فيتطلب الأمر إن تغادر موقعك وتسير نحو ثمانية خطوات حول المائدة حتى تصير على الجانب الأخر.
وإذا رغبت أن تتذوق شيئا من لحم السنام فلا بد لك من سلم بارتفاع ثلاثة أمتار.
أما إذا كنت من محبي الكبد والكلاوي الرابضة بأعماق البعير المشوي فليس هناك سوى طريق واحد!! نعم للأسف انه هو ولا غيره!! ما عليك إلا أن تغمض عينيك... وتشمر عن كمك وتدخل يدك عبر هذا الطريق الوحيد إلى أعماق البعير الرابض لتنتزع ما تشتهي من أحشائه. أما إذا شئت أن تدردش مع صديقك الجالس على الناحية الأخرى من المائدة والذي يفصل بينك وبينه البعير المشوي فليس لهذه حل إلا أن تتصل على هاتفه النقال ربما تتم المكالمة وربما يحول البعير دون الشبكة بينكما.
لا اعرف الفلسفة التي يستند عليها النباتيون ولكنني اتفق تماما مع توجهاتهم في عدم استساغة أكل اللحوم لا استطيع أن امنع نفسي من الشعور بمزيج من القرف والخزي والعار كلما هممت بتناول قضمة من دجاجة فهي في نهاية الأمر عبارة عن طائر ميت ,كذلك الأبقار والماعز التي نلتهمها بشهية نحسد عليها فما هي إلا حيوانات ميتة بغض النظر عن طريقة الموت.
ومن ناحية أخرى – ويحلو لي دائما أن أزج بهذه العبارة في خطابات العمل فهي عبارة مريحة جدا- من ناحية أخرى فهذه الطيور الميتة وهذه الحيوانات المقتولة غدرا هي كائنات حية لها ذات الحق الذي نتمتع به في الحياة,فكيف نبرر لأنفسنا حرمانها من هذا الحق!؟ يجب أن نخجل من أنفسنا فربما لهذا الكائن الحي صغار يحتاجونه وأم عطوفة نتسبب في ثكلها .
حتى تستطيع أن تقف على الحجم الحقيقي لهذه الجريمة لك أن تتخيل مقدار الحيوانات التي استهلكتها خلال سنواتك الأربعون لا بد انه قطيع كامل من العتّان والثيران والدجاج,ولا بد انك استهلكت بجانب ذلك مساحة مائة فدان من القمح ,ونهر صغير من الحليب,ووادي من أم رقيقة .
رمضان كريم وكل عام والجميع بخير.
|
|
 
|
|
|
|
|
|
|
 Re: الجـمل للجميع !! بمناسبة قدوم شهر رمضان!! (Re: حيدر حسن ميرغني)
|
Quote: بس عاوز اعرف الجمل ده نجضوه كيفن وفى ياتو حلة
|
الاخ العزيز حيدر
رمضان كريم
لا ادري كيف يفعلونها ولكنها عادة معروفة
ويعتبرونها دلالة على المبالغة في الكرم !! تاكل لحدي ما تتعب وممكن ترتاح شوية وتجي تاكل تاني.
اما الصحون فتعرف باسم (بادية) ولها مقاسات فمثلا الصحن (بادية 4) التقول صاروخ!!
هذا الصحن يكفي لاطعام عشرة اشخاص.
والصحن (بادية 8) يكفي لاربعين رجلا بالغا
اما (بادية 12) فخاص بالبعران المشوية ويكفي لاطعام نصف اعضاء سودانيز اون لاين دوت كوم!!.
| Quote: اقعد باري لي كفبلك ده لحدي ما يأكلك ضب الخلاء الشين بتاعهم داك |
يا حيدر بقول ليك بهيمة الانعام دي مسخت علي
تقول لي الزواحف!!
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
| Quote: كانت أول مرة ابدأ طعامي بلا حول ولا قوة إلا بالله بدلا عن بسم الله |
لوووول يا معاذ
العبارة الفوق دي عجبتني وأضحكتني كثير
نحكي ليك النكتة دي:
قالوا في واحد كضاب.. في مرة من المرات وجد ليهو جماعة متلمين في مناسبة
ووقع ليك فيهم بري وكضب شديد..
قال ليهم: قبل أيام كنت في عزومة جابوا لينا خروف محشي.. الواحد فينا يدخل
يدو في بطن الخروف يطلع منها جدادة محشية.. والجدادة ذاتها محشية حمامة
محشية..
في واحد من الجماعة عارف الراجل كضاب وبكرهو عمى.. قام قاطعو علشان يسكتو
ويبطل بري في الناس وقال ليهو:
إنت قايل عزومتك دي عزومة؟
قبل فترة أنا كنت معزوم في وليمة جابوا لينا جمل بحالو محشي.. تدخل يدك
يطلع ليك خروف محشي.. حتى الخروف محشي دجاج.
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: عزيز عيسى)
|
قال ليهم: قبل أيام كنت في عزومة جابوا لينا خروف محشي.. الواحد فينا يدخل
يدو في بطن الخروف يطلع منها جدادة محشية.. والجدادة ذاتها محشية حمامة
محشية..
التمبلول لوووووووول
والحمامة برضو محشية زرزور محشي!؟
الاخ العزيز عزيز عيسى
كل عام وانت بالف خير وعافية
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
إتكاءة جميلة أخ معاذ ، ... وعشان الناس تبطل أكل لحم
وتخفف شوية فى الشهر الكريم ده وتدى الخضروات حقها ...
عادات أهلنا العروب ديل كثيرة ومتباينه وما خفى منها
عجيبوخاصة فى ممارسات طقوس الزواج ... لك الشكر ، وكل
رمضان وأنت طيب ..
محمد مختار جعفر
| |
|
|
|
|
|
|
|
|
 Re: الجـمل للجميع !! بمناسبة قدوم شهر رمضان!! (Re: معاذ حسن)
|
بسم الله الرؤوف الرحيم
ربي الله رب العالمين
والصلاة والسلام على الخاتم الأمين وعلى آله الطاهرين وصحبه الكرام
بمناسبة الشهر الفضيل ، شهر رمضان الكريم أقول للأحباب حول العالم في ديارهم ومهجرهم الاختياري والإجباري،
وإلى آل بندر وآل الكريل وآل غندور وأصهارهم وأرحامهم في كل مكان:
اللهم أشملنا فيه بالأمن والإيمان،
اللهم أشملنا فيه بالسلامة والحماية،
وأشمل سوداننا برايات السلام والديمقراطية والعدالة الاجتماعية،
اللهم بارك لنا في شهرنا هذا وأرزقنا عونه وخيره،
وأصرف عنا ضره وشره،
وأصرف عنا بلائه وفتنته.
أبارك لكم شهر الخير والعطاء والتوبة،
ونسأل الله ان يتقبل منا ومنكم صالح الأعمال.
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: Dr Salah Al Bander)
|
Quote: بسم الله الرؤوف الرحيم
ربي الله رب العالمين
والصلاة والسلام على الخاتم الأمين وعلى آله الطاهرين وصحبه الكرام
بمناسبة الشهر الفضيل ، شهر رمضان الكريم أقول للأحباب حول العالم في ديارهم ومهجرهم الاختياري والإجباري،
وإلى آل بندر وآل الكريل وآل غندور وأصهارهم وأرحامهم في كل مكان:
اللهم أشملنا فيه بالأمن والإيمان،
اللهم أشملنا فيه بالسلامة والحماية،
وأشمل سوداننا برايات السلام والديمقراطية والعدالة الاجتماعية،
اللهم بارك لنا في شهرنا هذا وأرزقنا عونه وخيره،
وأصرف عنا ضره وشره،
وأصرف عنا بلائه وفتنته.
أبارك لكم شهر الخير والعطاء والتوبة،
ونسأل الله ان يتقبل منا ومنكم صالح الأعمال. |
أمـــــــــــين
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
كلما رأيت الجمل طافت بذهنى هذه الكلمات
الم ترى الى الابل كيف خلقت(قرآن كريم)
ألجمل وعدم تناسق أعضاء ه ,كأنه من صنع لجنة (دعابة انجليزية) ويقابله مثل مصرى (قالوا للجمل رقبتك معووجة قال يعنى ايه فى اللى عدل)!
لن تنالوا البر حتى تنفقوا مما تحبون
غايتوا البدوى اكرمكم حد الاكرام
مع تحياتى الى البلدية!
جنى
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: jini)
|
(قالوا للجمل رقبتك معووجة قال يعنى ايه فى اللى عدل)!
لن تنالوا البر حتى تنفقوا مما تحبون
غايتوا البدوى اكرمكم حد الاكرام
الاخ الحبيب جني
رمضان كريم
شكرا على اللقطة البديعة
البدو لا يتوصون باكرام الضيف حد الترف وحد القرف احيانا.
| |
|
|
|
|
|
|
|
|
 Re: الجـمل للجميع !! بمناسبة قدوم شهر رمضان!! (Re: معاذ حسن)
|
معاذ يا لذيذ..
رمضان كريم وتصوم وتفطر على خير..
بجد ضحكتا براي لما دمعتا وأنا بقرأ في وصفك.. يعني حكاية تتكلم مع زول من الناحية التاني بالموبايل دي ما حصلت..
والعجب لما تدور تاكل الكبد والكلاوي..
طبعا يا معاذ أنا لا نباتية ولا يحزنون.. لكن أصلو ما من الناس مدمني أكل اللحم..
وعندي نظرية. إنو البني آدم إستضعف الحيوانات دي عشان كده بياكل الوديعة منها.. كان حمل كان حمامة..
ليه ما قدر على الأسد..؟
يا جني أنا المحيرني الصينية دي زاتها بيكونو صنعوها وشالوها كيفين..؟
ودي للجميع..
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: Raja)
|
وعندي نظرية. إنو البني آدم إستضعف الحيوانات دي عشان كده بياكل الوديعة منها.. كان حمل كان حمامة..
ليه ما قدر على الأسد..؟
رجويه رمضان كريم
وكل سنة وانتي بالف خير وعافية
نظريتك في محلها (ابو كراعين) حقار بس
البغلبو يقول ليك ذو ناب وذو سباع ومش عارف ايه!!
(ابو كراعين) اسم تسخر به الحيوانات من الانسان في السر طبعا.
رجاء مرورك يسعدني جدا.
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
الحبيب معاذ والله الليله ضحكت ضحك لامن دمعاتي جرو
والزادني ضحك ..عمر عبدالله وحيدر حسن مرغني
صور مبالغه ...
الكبده وديتوها وين ؟؟؟ يامعاذاخوي الكبده دي اللذ حاجه ..
وبعدين اكل اللحم ما بنقدر نخليه لو نيه ولا نجيضه ..
لكن اخوك اليومين ديل قلب فواكه ساااااكت (فواكه البحر)
اللهم اني صايم ...
لك حبي وودادي
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: عماد شمت)
|
Quote:
يا جني أنا المحيرني الصينية دي زاتها بيكونو صنعوها وشالوها كيفين..؟
ودي للجميع.. |
الصينية دى دايرة ليها قافلة عشان تشيلها يا رجاء!
لا حظى خلو المائدة من الخضروات والسلطة!
كولسترول ضغط سكر مرارة قولون بواسير ازمات قلبية قاوت...الخ
والطريف بعد طشت الرز دا الواحد يقول داير دايت بيبسى عشان رجيم السكر!
المسكين ما عارف طشت الرز بصفى شوال سكر!
جنى
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
معاذ ازيك
شخصي الضعيف من قدامى اكلي الجمل
كنت اعمل مديرا لمسلخ نضبح في اليوم ما يقارب المئة جمل ونيف
الجمل قاعدين ينجضوهو في حلة قدر الفنطاظ...... حكو انو مرة في تباخ يمني.... طلع يضوق المرقة نجضت واللا لا.... وقع اتشنقل جوا الحلة النصيبة دي ومات غرقا وحرقا.... رحمه الله.... لكن اصحاب الولئمة زعلو ودفقو المرقة واضطرو يضبو جمل تاني....
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: سجيمان)
|
Quote: معاذ ازيك
شخصي الضعيف من قدامى اكلي الجمل
كنت اعمل مديرا لمسلخ نضبح في اليوم ما يقارب المئة جمل ونيف
الجمل قاعدين ينجضوهو في حلة قدر الفنطاظ...... حكو انو مرة في تباخ يمني.... طلع يضوق المرقة نجضت واللا لا.... وقع اتشنقل جوا الحلة النصيبة دي ومات غرقا وحرقا.... رحمه الله.... لكن اصحاب الولئمة زعلو ودفقو المرقة واضطرو يضبو جمل تاني.... |
دكتور سجيمان
طيب وكت من قداامى اكلي الجمل الضعفة لي شخصك شنو!!
غايتو يا اخوي اعمل حسابك قالوا الجمل بطنو حارة وما بخلي حقو كلو كلو
| Quote: نضبح في اليوم ما يقارب المئة جمل ونيف |
قول 100 جمل في اليوم النيف ما حسبناها ليك
يعني في السنة (36,000) جمل
يعني بالميت يكون في الف جمل يفتشو ليك الكتلت اخوهو والضبحت ولدهاوالضبحت راجلا
تيك كير مان.
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
Quote:
Quote: . حكو انو مرة في تباخ يمني.... طلع يضوق المرقة نجضت واللا لا.... وقع اتشنقل جوا الحلة النصيبة دي ومات غرقا وحرقا..
دا ما شهيد معركة الجمل!
جنى |
هههههههههههه
بالغت يا جني!!
اما شهيد معركة الجمل الحقيقي وقصته
فساقص عليك طرفا من حكايته بعد رمضان.
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: معاذ حسن)
|
والله يا معاذ كنت قايلك زول دجال وبتاع جاكات وجلكسات لمن حكيت القصة دي ، لأني سألت واحد صحبي عايش ليو سنين وسنين في بوادي السعودية عن الجمل البيجيبوهو كامل ومحمر في صحن قدر الضربة !! قام قال لي حاجة زي دي أصلو ما لاقتو وقال لي ما تدقس وصحبك يفكها فيك !!
لكن بعد الصورة الجابا سوباجو دي إقتنعت عديييل كدة ! تراكا زولاً مبروك وحاشاك الكضب !!
صنفرة :
دا طبعاً لو ما سوباجو مدبلج الصورة دي وعاملا براو !!
| |
|
|
|
|
|
|
|
|
|
Re: الجـمل للجميع !! بمناسبة قدوم شهر رمضان!! (Re: ناذر محمد الخليفة)
|
| Quote: دا طبعاً لو ما سوباجو مدبلج الصورة دي وعاملا براو !! |
لووووووووووووووووووووول ....
أشان افاناتك دي يا ناذر ...
امشي فوق .... الصورة دي جابها هيدر ...
بطل دجل ...
و حاشاه معاذ من الجاكات ...!!
صنفرة الصنفرة:
أخير انا البدبلج ياخوي....
و افرض معاذ بتاع جاكات ...
انت شغال شنو ... طلب (بضم الطاء) ...
حفرت قديت الخور خليتو كابي في البورد ....!!
و رمضان كريم ...
| |
|
|
|
|
|
|
| |
معاذ حسن
حيدر حسن ميرغني
عزيز عيسى
محمد مختار جعفر
Omer Abdalla
Ahmed Abdallah
الزوول
عفاف أبو حريرة
Dr Salah Al Bander
Mohamed Abdelmotalib Hassan
jini
Raja
عماد شمت
شهاب الفاتح عثمان
سجيمان
Sobajo
ناذر محمد الخليفة
فيس بوك
تويتر
انستقرام
يوتيوب
بنتيريست