دعواتكم لزميلنا المفكر د.الباقر العفيف بالشفاء العاجل
|
|
 إذا كـان رب البـيت بالـردف راقـصاً!!
|
الأستاذة المحترمة صباح حسين.
أشكرك على السؤال عن غيابي في الأيام الماضية فقد عدت قبل يومين من رحلة إلى الديار المقدسة في مكة المكرمة (بالله عليك يا صباح هل هذا عنوان لأول بوست يفتحه شخص قادم من تلك الرحاب الطاهرة!!) المهم إنني عدت مصابا بنزلة برد حادة ألزمتني السرير فعادني صديقي المصري (ياسر) وبعد أن تبادلنا (القبلات) جلسنا نتسامر قليلا وتصادف في تلك اللحظة أن كان تلفزيون السودان يعرض تلك المقاطع الموسيقية المصحوبة برقصات شعبية من مختلف أنحاء السودان.فهذا يضع قرني ثور على رأسه ويتمايل كما تتمايل شجرة البان المغروسة على أرض سبخة وتلك تنداح بردفيها كما تنداح البطيخة الحمراء, وتلك تهز صدرها كما يهتز الثعلب النائم, وآخر يرقص بحربته وآخر بسيفه انتبه صديقي المصري لهذا المهرجان الراقص فقال: ايه دا يا عم!؟؟ دا انتو على كدا ولا بمبة كشر ذات نفسها!!
فكرت إن اشرح له انه ثمة شخص رسالي ملتح أشعث أغبر يجلس في تلفزيون السودان هذا الشخص كل ما فتح الله به عليه لعكس تنوع بيئة وثقافات أهل السودان هو عرض هذه الرقصات فكرت أن أقول له ذلك إلا إنني خشيت أن يتمادي في سخريته اللاذعة فحولت الموضوع سريعا إلى (بمبة كشر) التي ينتسب إليها المصريون ويكنون أولاد بمبة.
وقد كنت جاهلا بهذه البمبة وعادة إذا استعصى علي أمر اسأل صديقي بدر الدين مصطفي وهو رجل بعرف كل شيء في الدنيا ويعمل محاسب في مدينة جده وبلغ في المحاسبة شأوا عظيما لدرجة انه إذا تصادف وقابلتيه يستطيع بنظرة واحدة أن يخبرك كم يبلغ راتبك!! وكم تتقاضين من بدلات وكم يبلغ رصيدك في البنك.
قال صديقي إن بمبة هذه كانت راقصة مصرية ذات شهرة عظيمة وكانت ترقص في الحانات والمقاصف وكانت (رحمها الله) ذات جسد أفعواني تنتمي لفصيلة اللا فقاريات وكانت رحمها الله تتمايل وتتجوعص كقالب من الزبده المخلوطة بالجرجير الأخضر وتترجرج كما يترجرج الكاسترد إذا وضع عليه الفجل المنقوع في ماء الحنطة.
وقد قامت رحمها الله بزيارة السودان في خمسينات القرن الماضي ولم يصبح السودان في ذلك الوقت كما تعلمين أمة رسالية
فكانت لافتات المحلات تحمل أسماء مثل (خمارة المعلم زكي لجميع أنواع الخمور البلدية والمستوردة) وكتب تحتها بخط اصغر (مريسة عرقي جن كونياك) وغير بعيد منه ( محلات حسبو للبنقو والمخدرات) ورغم ذلك الجو الماجن إلا انه لم يعرف عن السودانيين أن لهم أدنى صلة بالرقص والعوالم.
أقامت (غفر الله لها) حفلا راقصا في مقصف (بريمو) وتخشلعت في تلك الليلة كما تتخشلع البقرة الضاحكة والبرسيم المخلوط بالسنمكة.وصفق الجمهور الساذج طويلا كما تصفق الحمامة المذبوحة بمنجل نحاسي وردحت إلى أن أدركها الصباح فوقفت عن الهجيج المباح.
ومن يومها أصبح المصريون أولاد بمبة.وأصبح السودانيون راقصون مهرة وأصبح رب البيت بالردف راقصا وشيمة أهل البيت الهلس والطرب.
|
|
 
|
|
|
|
|
|
|
|
Re: إذا كـان رب البـيت بالـردف راقـصاً!! (Re: Nasser Mousa)
|
معاذ (الوهم)!!!
آآآآآ زول وين إنت؟؟؟ فقدناك والله...
سبقتني بي شوية..لو إتأخرت كمان شوية كنت ح أفترع ( على قول البعض منا) بوست خاص بأسم "أبحثوا معي عن معاذ الوهم" ...
لكن يا زول بركة الحتلت وقلَعت براك...
على كل حال ، حجاً مبرورا وسعيا مشكورا ...كان ما يبقى زي مكنات ناس السعودية المعهودة
| |
|
|
|
|
|
|
|
|
|
Re: إذا كـان رب البـيت بالـردف راقـصاً!! (Re: Ahmed Yousif Abu Harira)
|
كل سنة و أنت طيّب يا وهم
| Quote: عدت قبل يومين من رحلة إلى الديار المقدسة في مكة المكرمة |
ليه ما كلمتنا عشان نضرب باب المنبر جير
حجا مبرورا و سعيا مشكورا
افتكرنا غبابك لأسباب شربوتية محضة .. حمد الله على السلامة
Quote: صديقي بدر الدين مصطفي وهو رجل بعرف كل شيء في الدنيا ويعمل محاسب في مدينة جده وبلغ في المحاسبة شأوا عظيما لدرجة انه إذا تصادف وقابلتيه يستطيع بنظرة واحدة أن يخبرك كم يبلغ راتبك!! وكم تتقاضين من بدلات وكم يبلغ رصيدك في البنك.
|
 و لى صاحب له مثل كرامات صديقك .. و لكنّها فى شأن آخر لست له علاقة بالمحاسبة .. أتحفط عن ذكرها حتّى لا يذهب بوستك للخور و وباسوردى للمجهول
| |
|
|
|
|
|
|
|
|
|
Re: إذا كـان رب البـيت بالـردف راقـصاً!! (Re: Ali Alhalawi)
|
الصديق علي الحلاوي
كل سنة وانت طيب وبالف خير وعافية.
وانشاء الله السنة الجاية نحج سوا.
واحد صاحبي حج معاي وكان اول مرة ليهو.
شاف الجماعة يتزاحموا في الموية الداخل الحرم ديك.
قال لي : شوف بالله الزحمة دي التقول موية زمزم!!
طلعنا بره نقعد في صحن المسجد الحرام لقيناجماعة بنعرفهم سلمنا عليهم
اتفضلوا صاحبي قال ليهم: جلسة في الحرم!!
نكت بايخة تم تاليفها الان اثر نزلة برد سخيفة.
| |
|
|
|
|
|
|
|
|
|
Re: حجاً مبروراً و سعياً مشكوراً (Re: Adel Sameer Tawfiq)
|
واحد فى لمه من اللمات اياها فى الساحه الخضراء قال ( يا جماعه ما ترقصوا لينا الرئيس ده خلونا النمش )
هسع بعد ما الرئيس حجه تانى برجع للرقيص ولا بخليهوا
زمان قالوا فى منتصف السبعينات قام نميرى حجه طلعت اغنيه بتقول ( الحاج حج وجا شراب البيره ما خلا )
| |
|
|
|
|
|
|
|
|
|
Re: حجاً مبروراً و سعياً مشكوراً (Re: معاذ حسن)
|
حاج معاذ ( حذفنا كلمة موهوم عشان ما بتتماشي مع كلمة حاج)
حجاً مبروراً مقبولاً إن شاء الله
كسرة/
حجك دة ذكرني نكتة كنا بنغيظ بيها واحد صاحبنا إسمو عباس : النكتة : قالو في واحد إسمو عباس مصاحب الشيطان عديل كدة الشيطان بقول ليهو يا عباس يلا نسكر يمشي معاهو طوالي , يقول ليهو يا عباس يلا نزني يمشي معاهو أصلو ما برفض ليهو طلب قام عباس في يوم من الأيام تاب و بقي زول مستقيم صلاة و جامع و كدة و بعد فترة قام مشي الحج أها برمي في الجمرات كدة قام الشيطان عاين ليهو شديد و قال ليهو : حتى أنت يا عباس!!
أها أسه مافي زول ناداك في رمي الجمرات ؟
| |
|
|
|
|
|
|
|
|
|
Re: إذا كـان رب البـيت بالـردف راقـصاً!! (Re: معاذ حسن)
|
| Quote: ما عارف "فور صم ريزون" تشبيهاتك الليلة كلها مصرجة .. شنو "شجرة البان المغروسة على ارض سبخة" دي يا اخوي .. |
اخوي عبد الرازق
كل عام وانت بخير
وانشاء الله السنةالجاية تكون بخير وعافية
وصلعتك العاملة زي خور ابو عنجة دي تكون قامت.
| |
|
|
|
|
|
|
|
|
|
Re: إذا كـان رب البـيت بالـردف راقـصاً!! (Re: معاذ حسن)
|
Quote: قام الشيطان عاين ليهو شديد و قال ليهو : حتى أنت يا عباس!!
|
ههههههه
كل سنة وانت طيب يا خالد
الجدير بالذكر وهذه واقعة حقيقية ان احد الحجاج السودانيين قد خلع الاحرام واستبدله بالجلابية والعمة ورفض رفضا باتا ارتدائه لاسبابه الخاصة.
حاولنا نقنعوا حلف ستين يمين بالله ما يلبسوا.
غايتو خليناهو وانشاء الله ربنا يتقبل منو.
| |
|
|
|
|
|
|
|
|
|
Re: إذا كـان رب البـيت بالـردف راقـصاً!! (Re: معاذ حسن)
|
Quote: اخوي عبد الرازق
كل عام وانت بخير
وانشاء الله السنةالجاية تكون بخير وعافية
وصلعتك العاملة زي خور ابو عنجة دي تكون قامت. |
معاذ
يديك العافية و انشاء الله النزلة تكون فكت
الصلعة دي مشكلة و بالذات لمن تجي للوآحد على كبر لانو الوآحد بكون يادابو عايز يجكس و يحب و... هييــــيه لعنة الله على التساقط .. نهايتو
سلم لي على صاحبك بدر الدين مصطفى .. و قول ليهو حارسل ليك صورة واحد صاحبي عايز اعرفو مدكن كم.. و"حي موت" متين .. (ساي حب استطلاع بس)!
| |
|
|
|
|
|
|
|
|
 Re: إذا كـان رب البـيت بالـردف راقـصاً!! (Re: عبدالرازق نقد)
|
Quote: الصلعة دي مشكلة و بالذات لمن تجي للوآحد على كبر لانو الوآحد بكون يادابو عايز يجكس و يحب و... هييــــيه لعنة الله على التساقط .. نهايتو
سلم لي على صاحبك بدر الدين مصطفى |
عبد الرازق سلام
بالله طلع عندك صلعة بالجد!!!!!!!!
يا زول الصلعة ذاتا بقت موضه ووجاهةعند الشباب.
وبدر الدين تلقاهو حايم في اوف لاين ومنتديات الراكوبة.
تصدق الزول دا عارف اي شيء في الدنيا ويا ريت نشوفو هنا قريب.
| |
|
|
|
|
|
|
|
|
|
Re: إذا كـان رب البـيت بالـردف راقـصاً!! (Re: معاذ حسن)
|
Quote: بالله طلع عندك صلعة بالجد!!!!!!!!
يا زول الصلعة ذاتا بقت موضه ووجاهةعند الشباب. |
الحاج
سلام
معاذ ياخي ما عندي صلعة .. عشان ما تتحسس و تحاول تبقي الصلعة حاجة سمحة .. و مافي داعي تعمل لينا سمعة ساي .. و كفاية لحد هنا كلام عن الصلع .. انت نسيت نحن وين ولا شنو!
| |
|
|
|
|
|
|
| |
معاذ حسن
محمد أبوالعزائم أبوالريش
Ahmed Yousif Abu Harira
Adel Sameer Tawfiq
wadalzain
خالد عبد الله محمود
عبدالرازق نقد
Sabah Hussein
ناذر محمد الخليفة
jini
فيس بوك
تويتر
انستقرام
يوتيوب
بنتيريست