دعواتكم لزميلنا المفكر د.الباقر العفيف بالشفاء العاجل
|
|
 في ذكـرى رحيل " هاشــم ميرغني "
|
هـسه خــايف من فـراقك لما يحصل يبقي كيف
زى ورد فـى عـز نداهــو خـوفـى بكره يزورو صيف
مـن عــرفـتك كـنتا حـاسـس الزمن لى ما بسيبك
وكـنـــتـا حاســس رغــم ريـدى إنـى زى الما حبيبك
والـحـنــان الـبـيـنـا ولف لا نـصــيبى ولا نصيبك
والـزمان عارف مصـيرنا حقو لى ما كان يجيبك
والـفرح فـى دربى عــارفـو اصـلو ما بطول كتير
زى غــمــام فى سـمــايـا عـدا سابنى فى عز الهجير
كـم فـراش عـلى ورده طلّ اصـلـو مـا قـايــلاه بيطير
فات وراح شايـل هـناه خـوفى من نفس المصير
حـقو يا عـينى تـوالفـى الـصـبر قـبال فراقها
انتى عارفه الجــاى بكره برضــو تزهدى فى اشتيـاقها
كم عيون فى الريده غرقــت والزمـن من ريـدها ساقـها
ما كتير القلـبـو حـبه ياما كم فـى هـواه لاقاها
يا زمـن عـلـمنى انـسى الـمحال نسيانه عيونه
حتى لـو أيامى طالــت ما اظـنى اعيــــش بـدونه
ما اظــن ايامـى تانى زى حـنانه تكـون حنونـــه
انتى خـونى زمانى كلو إلا اوعـك يوم تخونه
|
|
 
|
|
|
|
|
|
|
 Re: في ذكـرى رحيل " هاشــم ميرغني " (Re: طارق جبريل)
|
رحم الله أخي الحبيب هاشم
فقد كان إنساناً بمعنى الكلمة
نسال الله أن يتغمده بواسع رحمته
ويسكنه فسيح جناته مع الصديقين والشهداء .
لما نتعب من سؤالك .. ما في زول رادك متلنا ..
تلقى العمر ضاع في انتظارك .. إحنا بي صدك كتلنا ..
ضميت قليبي علي العليهو .. من قبلك ما ضميت جراحه
أصلي قبلك ما بكيت على الغوالي المني راحو ..
عن ناس في الدنيا زينا .. لما من الريدة ناحو ..
بدلو الريد بالفيه .. من عذاباتو إستراحو ..
لو سألت عن إنتظارنا .. وصبرنا على لحظات حزينه ..
كان عشمنا تحس بينا .. مرة بالأفراح تجينا ..
تفرح الأوتار تغني .. تطلق الأغنية السجينة ..
إحنا ما بكمل صبرنا .. ما إنت مننا وإنت فينا ..
فداك أيامنا وسنينا .. فداك أيامنا وجريها ..
حتى لو تكمل سنينا .. ما بنتعب من سؤالك ..
مافي زول رادك متلنا .. ما بدل الصد في شعورنا ..
ما إحنا ناسك أصلنا ..
********
لو كنوز الدنيا راحت .. صدقيني روحتا ما بتقسى ..
أنا إشتريت بيك عمري كلو .. ومافي غير فقدك بخسر ..
لو عجزت النظرات تعبر .. خلي الغنا البكاي يفسر ..
لو وهبتك عمري كلو .. تلقيني في ريدك مقصر ..
أصلي من شوفتك وحاتك .. ناوي أبنيلك خميلة ..
لي جمال ما شفنا زيو .. لي عيون نادرة وجميلة ..
خوفي تبقى زي ندرة عيونك .. للوداد دايما بخيلة ..
تنسجي الأزهار عقودك .. تبقى شوفتك مستحيلة ..
أصلي من عايشت ريدك .. السنين مرت بطولا ..
العيون ماشايفه غيرك .. كفيفة لمن يفوتا زولا ..
الغنيوة الحلوة ضاعت .. والحروف يصعب أقولا ..
بقيتي في عيني دمعة .. من عيني ياما وراك نزولا ..
********
مودتي ،
( ليمو )
| |
|
|
|
|
|
|
|
|
|
Re: في ذكـرى رحيل " هاشــم ميرغني " (Re: AmroKamal)
|
يا زمـن عـلـمنى انـسى الـمحال نسيانه عيونه
حتى لـو أيامى طالــت ما اظـنى اعيــــش بـدونه
ما اظــن ايامـى تانى زى حـنانه تكـون حنونـــه
انتى خـونى زمانى كلو إلا اوعـك يوم تخونه
هسه خايف من فراقك من أجمل ما غنى شجنا وطربا ومزجها الراحل بإحساسه الرائع
ليه الرحمة والمغفرة بقدر ما إبدع
| |
|
|
|
|
|
|
| |
Alsa7afa_30
انعام عبد الحفيظ
طارق جبريل
abdulhalim altilib
بدر الدين الأمير
AmroKamal
نهال الطيب
فيس بوك
تويتر
انستقرام
يوتيوب
بنتيريست