دعواتكم لزميلنا المفكر د.الباقر العفيف بالشفاء العاجل
|
|
 حتى لو خليتو ريدنا ,,, باقي ريدك في محلو
|
 قبل ما نعرف قليبك
يرضى ريدنا ولا يابا
جينا بفرح الطفولة
زي شتل راجي السحابة
من زمن و الدمعة قبلك
مابية من ديارنا ترحل
لما طليت دنيا ريدنا
زي حزن في عيونا طول
الخريف من غير ميعادو
جانا بغيماتو ضلل
و انت لما تكون معانا
ما أظن في الدنيا نسأل
ده الفرح قبال تجينا
كسنا ما خلينا وادي
زي عصافير في الهجير
قاصدة عشها قايلا هادي
جاري جات الريح وراها
و روحت بصغارها غادي
نحن بعدك ياهو حالنا
جينا للأفراح نناجي
نبقي زي أحزان غريب
في الشمس مستني ضلو
انت لو خليتو ريدنا
باقي ريدك في محلو
برضو نغرق في انتظارك
و الدموع في رجاك كملو
حتى لو خليتو ريدنا
باقي ريدك في محلو
|
|
 
|
|
|
|
|
|
|
 Re: حتى لو خليتو ريدنا ,,, باقي ريدك في محلو (Re: Alsa7afa_30)
|
يا صحافة ازيك حبيبى ، اول حاجة من امس بفتش على دراسة كتبتها عن خوجلى عثمان وقلت ما بجيك اصلا لو ما لقيتا لكنى ما لقيتا للاسف ، بلقاها، الورق كتير بتكون اندست وسط بعض الاوراق
المهم انى احب هذا الرجل قبل ان تكون انت موجودا ، بمعنى انه غنى اول مرة ( اسمعنا مرة) من الحان ود الحاوى فى اوائل الثمانينات وشهقنا بها فى تلك المرحلة
لكن خوجلى عثمان فنان لا يعلى عليه
مرة كنت فى مدينة واشنطن صحبة عدد من الاصدقاء بينهم عبد الهادى عثمان الذى يغنى فى نايت clubفى المدينة ، كان قبله يغنى فنان اثيوبى ، حين انتهت الليلة خرجنا ، صادفت ذلك المغنى الاثيوبى ، قلت له من باب المجاملة عن انه مغنى جميل
سالنى
ـ انتى سودانية ؟
اجبته ، نعم
قال ـ تعرفى الفنان خوجلى عثمان
قلت ـ طبعا
قال ـ حين قتلوه اعلنت الدولة الحداد لثلاثة ايام ونكسوا العلم رسميا !!!!!!!
| |
|
|
|
|
|
|
|
|
|
Re: حتى لو خليتو ريدنا ,,, باقي ريدك في محلو (Re: سلمى الشيخ سلامة)
|
أستاذة سلـمى :
سلام و تحايا..
البوست نور 
الراحل خوجلي عثمان فنان مرهف جداً و أغانيه تدخل القلب بلا استئذان..استمعت إليه منذ أيام الطفولة و كنت أرددأغانيه عندما تعرض على التلفزيون و موجات الإذاعة..شهدت مناسبة زواج أحياها الراحل عام 94 تقريباً..كنت حينها في منتهى النشوة..
أحزننـي كثيراً موتـه بتلك الطريقة البشعة,, و ما أحزنني أكثر (تعويم) قضية قتله و اسنادها إلى شخص ادعوا أنه مختل عقلياً!!
| Quote: اول حاجة من امس بفتش على دراسة كتبتها عن خوجلى عثمان وقلت ما بجيك اصلا لو ما لقيتا لكنى ما لقيتا للاسف ، بلقاها، الورق كتير بتكون اندست وسط بعض الاوراق |
يا ريت و في الإنتظار..
| Quote: قال ـ حين قتلوه اعلنت الدولة الحداد لثلاثة ايام ونكسوا العلم رسميا !!!!!!! |
جميل هذا الوفاء!!
ترى أين نحن منهم؟؟
تشكري أستاذة سلمى و في انتظار دراستك عن الراحل..
تحياتي..
| |
|
|
|
|
|
|
|
|
|
Re: حتى لو خليتو ريدنا ,,, باقي ريدك في محلو (Re: Alsa7afa_30)
|
الصحافة 30
وإنت عليك الله أوعك تخلينا...
عندما تتمدد لحظات الأحباط وتنسدل خيوط الكدر ويتسلل الضجر الكئيب معشعشا في أغصان هذا المنبر ... نشرع فورا في البحث عن أسماء بعينها تنتشلنا من أجواء الكآبة والسأم ... أنت منهم لصحافة 30 - تمتعنا دائما بما يريح الأنفس ونستعيد بك بعض الرونق وكل البريق ..
أمضي بنا دوما في دروب الريدة فستظل مبدعا شئت أم أبيت ..
لك التحايا والود ،،،
عادل جبارة
| |
|
|
|
|
|
|
|
|
|
Re: حتى لو خليتو ريدنا ,,, باقي ريدك في محلو (Re: Alsa7afa_30)
|
أخى الكريم/ الصحافة30
السلام عليكم ورحمة الله وبركاته
أقسم لك بربى العظيم جيت جارى من الشغل دايرأنزل الأغنية دى وكان معاى سيدة أمريكية لاحظت بأنى أعيد مقطع عدة مرات
زي عصافير في الهجير
قاصدة عشها قايلا هادي
جاري جات الريح وراها
و روحت بصغارها غادي
آصرت تعرف معنى الكلمات دى
ليك تقديرى الخاص
ألحقنا برابط الحفظ لأنوالأغنية عندى أوركسترا فى كاسيت
تقديرى وودى
| |
|
|
|
|
|
|
|
|
|
Re: حتى لو خليتو ريدنا ,,, باقي ريدك في محلو (Re: يسرى معتصم)
|
Quote: أقسم لك بربى العظيم جيت جارى من الشغل دايرأنزل الأغنية دى وكان معاى سيدة أمريكية لاحظت بأنى أعيد مقطع عدة مرات
زي عصافير في الهجير
قاصدة عشها قايلا هادي
جاري جات الريح وراها
و روحت بصغارها غادي
آصرت تعرف معنى الكلمات دى |
مهما الواحد كان ضليع في الانجليزية ما أظن يقدر يوصل نفس الإحساس ,,ولا شنو ؟
| |
|
|
|
|
|
|
| |
Alsa7afa_30
انعام عبد الحفيظ
ناذر محمد الخليفة
سلمى الشيخ سلامة
يسرى معتصم
غباشي
salma subhi
هاشم أحمد خلف الله
عبد الدائم سيد أحمد
فيس بوك
تويتر
انستقرام
يوتيوب
بنتيريست