|
|
|
 Re: تاني جيتي تسلمي ... (Re: هاشم أحمد خلف الله)
|
Quote: هـل ممكن الأحــلام تعود
يتوارى همي و طول أســـاي؟
تصبح حقيقة.. نعيش فصولا
بالفرح تـمطر سمــاي؟
تتهــادى أزهاري و تفوح
و املّي بشوفتـــك رؤاي؟
و ترفــرف الأطيــار تغرّد
تسمع الأنجم غنـــاي؟ |
جيتك تاني اسالم فيك احساسك براك
| |
 
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
يا ســـلام
إنت عارف انا فتحت الكلام
السمــح دا وكنت فاكرك جايب لى غنوه بعنوان
"تانى جيتى تســلمى "
بس فعلاً زى ما قال ليك هاشم
واصل نثرك للشذى
ومتعْ جموع الناظرين
كلامك سمح حيل
مودتى
| |
|
|
|
|
|
|
|
|
|
Re: تاني جيتي تسلمي ... (Re: تماضر الخنساء حمزه)
|
Quote: قلتا ليك الريد حقيقة..
غطَّى المساحات اليباب..
وقلتا ليك قلبي الوهبتو..
عمرو مابهدي العذاب..
لاهو خان زولو البريدو..
ولاهو من تشواقو تاب. |
عارفو قلبك كيف رهيف
أصلو ما بيعرف يخون
ده القدر مكتوب علينا
نعيش فصولو ضنا و شجون
لا اعتراض أبداً في أمره
ربي عالم بالشؤون
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
وعارفو قلبك فيو غرامك
أقوى من كل الظنون
لو مرَّة جافيتنا وبعدتا
قلبي بيعيش السكون
والمحبّة..الفي..عيونك..
حيَّرت فيني العيون
رتَّبت نبض المشاعر
ووزعت فيها الشجون
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
اول حاجة تشيل القصيدة دى وعلى اى مطرب وتتلحن لانك شاعر غنائى ماك هين
لانه كل عوامل القصيدة الغنائية متوفرة
الايقاع
وحدة الموضوع
التسلل المنطقى
الكلمات البسيطة العميقة
الاسئلة والاجابات
كل ما يعتبر غنائيا ماثلا فى هذه القصيدة
فقط عليك ان تحملها لملحن
وستكون شاعرا غنايئا لا يستهان به
كل المنى لك بالتوفيق
حاجة اخيرة
احييك انك تخاطب الانثى بخطاب مباشر
لانك لم تستخدم خطاب المذكر فيما المعنى او المشار اليه او المتحدث اليه انثى
وهذه احدة من علامات الانفلات الشعرى لديك نحمد لك انك خرجت بنسقك من دائرة المخاطب الذكورى
وهو امر نجده فى الخطاب الغنائى السودان والعربى
| |
|
|
|
|
|
|
|
|
|
Re: تاني جيتي تسلمي ... (Re: سلمى الشيخ سلامة)
|
قريبي
صباحك ابيض
اول حاجة الحاجات الجميلة دي كنت داسيها وين .
بعدين اوعك تكون جاينا مشوكش من الهند.
Quote: اول حاجة تشيل القصيدة دى وعلى اى مطرب وتتلحن لانك شاعر غنائى ماك هين
لانه كل عوامل القصيدة الغنائية متوفرة
الايقاع
وحدة الموضوع
التسلل المنطقى
الكلمات البسيطة العميقة
الاسئلة والاجابات
كل ما يعتبر غنائيا ماثلا فى هذه القصيدة
فقط عليك ان تحملها لملحن
وستكون شاعرا غنايئا لا يستهان به
كل المنى لك بالتوفيق
حاجة اخيرة
احييك انك تخاطب الانثى بخطاب مباشر
لانك لم تستخدم خطاب المذكر فيما المعنى او المشار اليه او المتحدث اليه انثى
وهذه احدة من علامات الانفلات الشعرى لديك نحمد لك انك خرجت بنسقك من دائرة المخاطب الذكورى
وهو امر نجده فى الخطاب الغنائى السودان والعربى |
طبعادي شهادة مرور الي عالم الشعر المغني من استاذة الجميع الرائعة / سلمي الشيخ سلامة.
التحايا لهنودي
| |
|
|
|
|
|
|
|
|
|
Re: تاني جيتي تسلمي ... (Re: haroon diyab)
|
الصحافة صباحك خير
يازول انت جميل الدواخل وفنان يبقى لازم
البيجي من جانبك يكون حلو وتلقائي الانسياب
بعدين الكلام الكتبته الجميلة سلمى الشيخ
ده ما تخليه يمشي ساكت بصراحة عملت تشريح
عالي للمكتوب وفعلاً ينفع غناء وحيكون جميل
بالتأكيد لانه بكل بساطة يمتلك المقومات اللازمة
وبقول ليك واصل سعيك انت قريب جداً
مودتي ياجميل الدواخل
| |
|
|
|
|
|
|
|
|
|
Re: تاني جيتي تسلمي ... (Re: الشيخ إبراهيم الشيخ)
|
الشيـخ ابراهيم الشيخ ..
يا أخي و الله أخجلت تواضعي بكلامك اللطيف الظريف ..
Quote: بعدين الكلام الكتبته الجميلة سلمى الشيخ
ده ما تخليه يمشي ساكت بصراحة عملت تشريح
عالي للمكتوب وفعلاً ينفع غناء وحيكون جميل |
إن شاء الله سأحاول العمل بتوصيات الأستاذة سلمى و ربنا يسهل الأمور ..
عارف ... كم أفتقد صديقي ابن رفاعة الفنان متوكل الأمين زميلي بالهند ..لطالما (خرمجنا) أشعار و ألحان في تلك البلاد .. لكن الضغوط الأكاديمية كانت كثيراً ما تعيق مساعينا ..
بالمناسبة هو فنان الهند الأول لسنين عديدة ..كما أنه يكتب الشعر أيضاً ..
له و لك أجمل تحية ..
سلمت يا جميل..
| |
|
|
|
|
|
|
|
|
|
Re: تاني جيتي تسلمي ... (Re: haroon diyab)
|
أبو أمنية سلام ..
بلا شك شهادة الأستاذة سلمى وسام على صدري ..
تخيل التحليل ده أنا زاتي ما كنت عارفو ؟؟ 
لقاؤنا مساءاً ان شاء الله في ليلة السمر الصيفية
لك الود ..
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
سلا وتحية أخ حسام الدين
والقصيدة جميلة جداً...فلا تتوقف عن الكتابة الشعرية
Quote: هـل ممكن الأحــلام تعود
يتوارى همي و طول أســـاي؟
تصبح حقيقة.. نعيش فصولا
بالفرح تـمطر سمــاي؟
تتهــادى أزهاري و تفوح
و املّي بشوفتـــك رؤاي؟
و ترفــرف الأطيــار تغرّد
تسمع الأنجم غنـــاي؟ |
ممكن شدييييييد 
كل الود والتقدير
| |
|
|
|
|
|
|
|
|
 Re: تاني جيتي تسلمي ... (Re: Alsa7afa_30)
|
Quote: لسه القلوب مليانة شوق
بالهجر ما اتبدل هــواي |
دا شوق شنو ياخ اللسه موجود دا
شوق أصيل لكن!!!!
الصحافة القصيدة معبّرة بسيطة سهلة
يا ريت تواصل كتابات زي دي
| |
|
|
|
|
|
|
|
|
|
Re: تاني جيتي تسلمي ... (Re: انعام عبد الحفيظ)
|
إنعام عبد الحفيظ :
| Quote: دا شوق شنو ياخ اللسه موجود دا |
ده شوق الزهر للشمسة
يعانق بيها وهج النور
و شوق الطفل لي لمسة
حنونة وهادية زي عصفور
بلاها حياتي كيف تمسى؟
و كيف تضوي الليالي بدور؟
صبرت و راجي بس همسة
تعطرأمسياتي بخور
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
Quote: عارفو قلبك كيف رهيف
أصلو ما بيعرف يخون
ده القدر مكتوب علينا
نعيش فصولو ضنا و شجون
لا اعتراض أبداً في أمره
ربي عالم بالشؤون |
الصحافة 30
تخصص أحياء دقبقة 00 قلنا كويس
بتاع أورغن 00 ماشي 00
كمان شاعر ؟ وبالطريقة دي !!
يا أخي والله أكثر من رائع وكما قالت الأستاذة سلمى الشيخ
هذه القصيدة تذهب بها إلى أقرب ملحن وستتغنى كما يجب أن تغنى
وكمان كانت المجادعات مع تماضر الخنساء رائعة وسلسة ومدهشة
في انتظار المزيد 00 راجينك 00
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
حسام الدين دخول اخر من اجل ( جيتي تسلمي .... ) وبصراحة انا جيت اسلم واطمئن عليك والحمد لله زاد
عدد المشاركين وهذه من البشارات وزي ما وصيتك في بداية البوست واصل واغلط والناس بتصلحك وتتعاطف
معاك عارف ليه ؟؟؟ لانك حبيب الكل يا حسام وربي يحفظك ويغطيك فأنت زول سمح في زمن شين وصعب .
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
حسام
سيد الأنغام
حياك الحيا
وسقاك الغمام
Quote: يا ســـلام
إنت عارف انا فتحت الكلام
السمــح دا وكنت فاكرك جايب لى غنوه بعنوان
"تانى جيتى تســلمى "
|
والله ده بالضبط الكنت حأقوله ليك
زى ما قال صاحبنا داش الدعاش
لقيت الموضوع شعر
لا، وشعر طاعم كمان ومليان موسيقى ومعنى
لما لقيت الموضوع كده يا حسام
وبما أنه ده يعتبر "إنتهاك حلو وجميل لمجالنا الجوى"
طوالى قعدت أتابع وأرصد "الوزن" والإيقاع الداخلى
لأنه ده أهم عنصر فى كتابة الشعر عموما، خاصة الشعر المقفى
ولو ما اتوجد العنصر ده، يبقى الكلام ممكن يكون أى شى غير الشعر
وكانت النتيجة المفرحة
إنك زول شاعر
شاعر جد جد والله
وبالمناسبة يا حسام الدين
نحن اصله ما قاعد نجامل فى الجمال
كل شى إلا الجمال
واصل يا فنان
وما دام الملكة موجودة وقوية كمان
ما باقى ليك غير تزيد حصيلتك من اللغة والمفردات وقراية الشعر كتير
مع إنه شى متعب، لكن أكيد حتنمى ذخيرتك ومحصولك حيكون كتير وجميل زيك
"أهو واحد تانى كمان حيداقرنا فى أرزاقنا"
شكرا يا حلو
| |
|
|
|
|
|
|
|
|
|
Re: تاني جيتي تسلمي ... (Re: أبوذر بابكر)
|
أستاذنا أبوذر..
أكيد شهادتك و نصائحك ستكون دافعاً للمزيد (مع التجويد) .. خصوصاً و أنها أتت من شاعر محترف مثلك ..
Quote: ما باقى ليك غير تزيد حصيلتك من اللغة والمفردات وقراية الشعر كتير
مع إنه شى متعب، لكن أكيد حتنمى ذخيرتك ومحصولك حيكون كتير وجميل زيك |
فعلاً هذا ما أنوي القيام به منذ فترة ..
رغم إني كسول بعض الشئ في هذه الأمور , لكن إشادتك بلا شك ستكون محرضاً على الإجتهاد في هذا المنحى..
آلآف التحايا..
| |
|
|
|
|
|
|
|
|
 Re: تاني جيتي تسلمي ... (Re: Alsa7afa_30)
|
و شهد شاهد من أهل الفن كما قالت الأستاذة سلمى أدناه يا حسام:
Quote: اول حاجة تشيل القصيدة دى وعلى اى مطرب وتتلحن لانك شاعر غنائى ماك هين
لانه كل عوامل القصيدة الغنائية متوفرة |
تعرف يا حسام زي ما قال ليك داش .. انا زااااتي قايل دي أغنية و جيت داشي توش و كمان الكاشف أختي قايلاها غنية ... و جات داشة تسلم و تفتش لينك الحفظ ... بالمناسبة ما فيها لينك الحفظ  الله يقويك يا ولدنا و أسمع كلام سلمى دة و إلى الأمام سر و واصل...
| |
|
|
|
|
|
|
|
|
|
Re: تاني جيتي تسلمي ... (Re: Alsa7afa_30)
|
حزينه لانى لم ادخل هذا البوست الا اليوم .. كنت فاكراها غنية ..
حقيقى ابداع استاذ الصحافه ..نص شعرى مدوزن وموسيقى وجميل جدا والمعانى رائعة..
واصل بداية قوية وطريقك مفروش بالورود بعون الله .. كل الامانى الطيبة لك بالتوفيق ..
مودة وتقدير ..
| |
|
|
|
|
|
|
|
|
 Re: تاني جيتي تسلمي ... (Re: هند محمد)
|
العزيزة هند:
أولاً آسف جداً لتأخري في الرد
بحضورك اكتملت الصورة و زادت بهاءاً بوصفك (لخطرفاتي) المتواضعة ..
تنبؤك مفرح جداً و دوماً في انتظار آرائكم و ملاحظاتكم ..
شكري الجزيل ..
| |
|
|
|
|
|
|
| |
Alsa7afa_30
هاشم أحمد خلف الله
غباشي
محمد عبدالرحمن
سلمى الشيخ سلامة
haroon diyab
الشيخ إبراهيم الشيخ
salma subhi
انعام عبد الحفيظ
أبوذر بابكر
Haytham Abdulaziz
هند محمد
فيس بوك
تويتر
انستقرام
يوتيوب
بنتيريست