يوم لقيتك صدفة جيتي وانكشف سرّ العيون و لمع بريق اللهفة بان في مقلتيك لفت السكون نادني قرّب كون حداي أنا راجي حنّك يا حنون نمرح نتوه نضرب طبول نرقص طرب حدّ الجنون حبّك ملا الأكوان عبير كل العذاب فيهو بيهون ريدك شتل فيني الأمل نسّاني لحظات الغبون ****** أنا حبي ليك يا غالية قوة تكسر أبواب السجون تتحدّى أمواج البعاد و تبني من حولك حصون عطّر أريجك دنيتي بلل نداك عطش الغصون دي النفحة من نَفَسِك بخور و الرسمة من محيك فنون الدمعة من عينيكِ سايلة حرّقت فيني الجفون ****** الومضة من نورِك شعاع في سحرو فاق كل الظنون تسلب عقول الناس رموشِك تجهر ألحاظي السنون يا سحابة صيف ظليلة يا مطر نازل هتون يا ربيع في حسنو زاهي يا فراش في أبهى لون ****** بعدك شقاني و في هواك تهت و علي زادت شجون أنا في رجى الزمن الشّقي يعطف علي قبل المنون عشمي جود ربّ العباد سبحانو عالم بالشؤون يهدينا عش هادي و فسيح مليان هنا و أفراح يكون تتحقق أحلامنا القبيل نتجاوز الزمن الرّعون ****** دنيانا تنبض أغنيات ما العش خلاص صار أحلى الكون واسع براح زي قلبنا نرعى الغرام فيهو و نصون
Quote: أنا حبي ليك يا غالية قوة تكسر أبواب السجون تتحدّى أمواج البعاد و تبني من حولك حصون عطّر أريجك دنيتي بلل نداك عطش الغصون دي النفحة من نَفَسِك بخور و الرسمة من محيك فنون
حقيقى إبداع ..قصيدة حنينة وفى غاية الجمال والروعه استاذ الصحافة ..
واصل .. وامنياتى بمزيد من التآلق والابداع .. تقديرى ..
الومضة من نورِك شعاع في سحرو فاق كل الظنون تسلب عقول الناس رموشِك تجهر ألحاظي السنون يا سحابة صيف ظليلة يا مطر نازل هتون يا ربيع في حسنو زاهي يا فراش في أبهى لون
ده كلام حنين شديد
اهنيك على التكسير الممنهج
08-11-2007, 03:44 PM
Alsa7afa_30 Alsa7afa_30
تاريخ التسجيل: 02-06-2003
مجموع المشاركات: 6618
Quote: بعدك شقاني و في هواك تهت و علي زادت شجون أنا في رجى الزمن الشّقي يعطف علي قبل المنون عشمي جود ربّ العباد سبحانو عالم بالشؤون يهدينا عش هادي و فسيح مليان هنا و أفراح يكون تتحقق أحلامنا القبيل نتجاوز الزمن الرّعون
دا الكلام ... يا حســـام ... و كمان بقول ليها:
ذكراك دوام في بالي *** سايلــة الدموع طوالي
في دربك ياما تهتة *** و ياما ساهرت الليالي
كم قليباً هام فيك *** و كم قليباً ليك مــال
و مزيداً من التوفيق يا ولدنـا....
08-13-2007, 03:13 AM
Alsa7afa_30 Alsa7afa_30
تاريخ التسجيل: 02-06-2003
مجموع المشاركات: 6618
Quote: بعدك شقاني و في هواك تهت و علي زادت شجون أنا في رجى الزمن الشّقي يعطف علي قبل المنون عشمي جود ربّ العباد سبحانو عالم بالشؤون يهدينا عش هادي و فسيح مليان هنا و أفراح يكون تتحقق أحلامنا القبيل نتجاوز الزمن الرّعون
انت بتجيب الكلام السمح من وين ؟ برااحة علينا يا حبيب انت براك شايف الجرسة بيغادي كيف؟ تسلم يا راقي
08-13-2007, 06:02 AM
salma subhi salma subhi
تاريخ التسجيل: 06-29-2006
مجموع المشاركات: 4817
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Alsa7afa_30
هند محمد
tarig almakki
!!!
عبد الدائم سيد أحمد
د.محمد حسن
نها محسن أبورأس
omar altom
مجدي عبدالرحيم فضل
أبوذر بابكر
عبد المنعم سيد احمد
Haytham Abdulaziz
غباشي
salma subhi
abd alsamie alhussein
فيس بوك
تويتر
انستقرام
يوتيوب
بنتيريست