|
دعواتكم لزميلنا المفكر د.الباقر العفيف بالشفاء العاجل
|
|
 Re: مقتطفـات هارمونيـة ... (Re: Alsa7afa_30)
|
العزيز صحافة
نكرر الشكر علي اطلاعنا علي جماليات لا نجد سبيل للاستماع و الاستمتاع
جمل انه القنوات الجديدة تكون وعاء لكل الفنون و الثقافات السودانية
و اتمني انها تتبع التمييز الايجابي بالتركيز اكثر علي الثقافات المغيبة في المنابر الاعلامية الرسمية.
دكتور عوض ابراهيم عوض (بعد الهجرة و التكتوراه) اداءه الاعلامي انحدر انحدار مريع لدرجة محزنة. فأصبح كثير السرسرة و مقاطعة ديوفه بما يعتقد انه خفة ظل. تمنيت انه هارموني عبر الاداء المهني المنضبط تقوم بالزامه بتقديم المادة الموكولة له حسب الخط المرسوم من الاتيام المسؤولة عن البحوث و الاعداد و التحرير و ادارة الاستديو و الاخراج و بقية الجوانب المهنة.. مقاطتين ليهو علي الطاهر ساتي مسخن علي الابداعات الجميلة التي اقتطفها لنا المبدع صحافة.. الرجاء ان تحرص الفضائيات الجديدة علي الاداء المهني و مفارقة الهرجلة و عدم الانضباط. هل شاهد احدكم تلطيشات عوض ابراهم عوض بدعوي الترجمة الفورية في احتفال القصر بتوقيع مراسيم تعيين نائبي رئيس الجمهورية?? يبدو ان المكسب الاكاديمي قد اضر بعوض و ظن انه اصبح علي كل شئ قدير..
| |
 
|
|
|
|
|
|
|
|
Re: مقتطفـات هارمونيـة ... (Re: نصار)
|
الأخ العزيز نصار:
أنا معاك انو د.عوض مرات بزيدا حبتين 
لكن ما الحل في غياب التأهيل الأكاديمي و الخبرة لدى بقية المذيعين ؟!
من تتوقع أن يقدم مثل تلك السهرة ؟؟
أحترم طارق جويلي في طريقة تقديمه لسهرة ليالي النغم على الفضائية السودانية .. رغم بعض البرود الحاصل و كأنه أداء واجب و السلام,, لكنه بعيد عن (الثرثرة) و كثرة التصفيق
تحياتي ..
| |
|
|
|
|
|
|
|
|
|
Re: مقتطفـات هارمونيـة ... (Re: غباشي)
|
الصحافة
ابداع ابداع
كل الاعمال جميله وفيها جديد
خاصة فيديو الفنان محمد تبيدى
فى غاية الروعة
المخرج معتصم الجعيلى
متمكن وقناة هارمونى
ما بتصلنا لكن بى الشايفنو ده
ما ساهلة والمهم الاستمرارية
بى نفس القوة .
ومزيدا من الابداع
احمــد خضــر
| |
|
|
|
|
|
|
|
|
|
Re: مقتطفـات هارمونيـة ... (Re: Alsa7afa_30)
|
العزيز الصحافة
المشكلة في حالة دكتور عوض انه قبل الدكتوراة كان اداءه افضل
و كان من الاعلاميين المحبوبين لكن الظاهر الدكتوراه طلعت ليهو في
راسه بقي مزعجة و بكرهك البرنامج البقدمه. و دي فوضة مفروض
تيم العمل بقيادة المخرج يحسموها. لو كل فرد في الطاقم واثق
من نفسه ما بيتهيب من المذيعين مهما كان شأنهم.. في كوادر سودانية
اعلامية مؤهلة جدا مفروض الاستفادة من علمهم و خبراتهم.. الواحد بقدر
حداثة عهد القنوات دي و بنستبشر خير من البدايات الكويسة خاصة
الجهد الواضح الساعي لتقديم كل الثقافات السودانية بدون حجر
و دا كله في ظرف مالي بالتأكيد ما مريح.. اتصور انه بشئ من الابداع ممكن توفير تمويل معتبر يمنح القناة قدرة علي التجويد و تدريب كوادرها و الانفاق علي انتاج بمقاييس جيدة.. مثلا ممكن تسويق المواد البتقدمها القناة و التوسع في خدمات الملتيميديا عبر الانترنت و انتاج وتسويق ما اصبح يعرف بالكتاب المسموع و المرئي. و لدي امنية عزيزة جدا ليتها تروق للقائمين علي امر الفضائيات و هي الانفتاح علي الاقاليم و كسر عادة اختزال السودان في العاصمة.. و هنا ايضا يبرز جانب الكاليف لكن برضو مفروض تتوجد حلول مثلا بانشاء شركات انتاج تلبي احتياج القناة او القنوات البتأسها و باقي نشاطها يسوف لبقية المنابر الاعلامية المحلية و الاجنبية و الان في تقليعة تتبعها صحف و قنوات عالمية بفتح مجال النشر امام القراء و المشاهدين بان يرسلوا صور ثابته او متحركة لحدث له اهمية اعلامية لكن لم تتم تغطيته و يحفذ اصحاب المواد المهمة و الصالحة للنشر بمبالغ مالية.. اكيد الافكار كتيرة و يمكن تنفيذها اذا وجدت الجدية الكافية..
| |
|
|
|
|
|
|
|
|
|
Re: مقتطفـات هارمونيـة ... (Re: نصار)
|
| Quote: مفروض تتوجد حلول مثلا بانشاء شركات انتاج تلبي احتياج القناة او القنوات |
والله يانصار شركات الانتاج الموجودة في البلد دى قربت تصل عدد طبليات سوق ليبيا ..
لكن كم في الفاضي والكيف ضعيف جدا
غير تلاتة اربعة شركات الباقية كلها شغالة اعلانات ولافتات بس ..
وسياسة القناة ذاتها هنا مابتشجع الشركات على الانتاج
مثلا الشركة تخسر في عمل ابداعى 20 مليون ج تجى الفضائية تقول ليها بنشترى ب 5 مليون ج ..
وعشان مافى منافسة الشركة تضطر تخسر او تبيع بسعر التكلفة وتواصل في انتاج الاعلانات ..
والغريب فى الامر فضائتنا بتدفع بالدولار في شراء الاعمال العربية مسلالات وافلام وبرامج
لكن فى الاعمال السودانية بتدفع بالملاليم ... شفت الرق النفسي ده كيف ..؟؟
مودتى
| |
|
|
|
|
|
|
|
|
|
Re: مقتطفـات هارمونيـة ... (Re: الطاهر ساتي)
|
Quote: والغريب فى الامر فضائتنا بتدفع بالدولار في شراء الاعمال العربية مسلالات وافلام وبرامج
لكن فى الاعمال السودانية بتدفع بالملاليم |
المشكلة يا قريبي انو المسلسلات و الأفلام العربية سوقها مضمون مع الكم الهائل من الفضائيات .. لكن حاجاتنا السودانية نوزعا وين ؟؟ و منو البشتري ؟؟ و الموضوع في النهاية (بزينس) و ما في حد بيعرض نفسو للخسارة ..الذي يجب عليه المساهمة في هذا الأمر هو التلفزيون القومي (الدولة), بتحمل تكاليف الأنتاج أو المساهمة في التكاليف مع شركات الإنتاج ..
| |
|
|
|
|
|
|
|
|
|
Re: مقتطفـات هارمونيـة ... (Re: Alsa7afa_30)
|
فى السهرة دى البروف ابنعوف فك ليهو قنبلة
قال القرآن الكريم فيهو كلمات نوبية ...!!
ومنها :
(أفرأيتم النار التي تورون ءأنتم انشاءتم شجرتها أم نحن المنشؤن )
لو مسجلها حقو تنزلها ياصحافة
عشان الامة الاسلامية دى تعرف انها بتتلو وبتصلي بال ( انداندى ) ......
| |
|
|
|
|
|
|
|
|
|
Re: مقتطفـات هارمونيـة ... (Re: Alsa7afa_30)
|
يا للرووووووووعة........
هذا ليس بغريب عليك أخ حسام....
في طلب صغيروني...في قناة هارموني في مادح والله لا أذكر اسمه يشدو بمدحة البرعي التي تطيب النفس لسماعها...ومدائح أخرى.
ممكن تنزلها لينا هنا لو عندك
| |
|
|
|
|
|
|
|
|
|
Re: مقتطفـات هارمونيـة ... (Re: ماجدة عوض خوجلى)
|
الطاهر ساتى
وصاحب البوست
ســــــــــلامات
الارسال اكيد فى الخليج
واحتمال اوربا
لكن نحنا عيييييييييييييييييييك
فى اخر الدنيا
لكن نحمد الله عندنا
تلفزيون السودان
والشكيه لغير الله مزله.
احمــد خضــر
| |
|
|
|
|
|
|
|
|
 Re: مقتطفـات هارمونيـة ... (Re: تماضر الخنساء حمزه)
|
أعذريني محال أعاود
تاني ريدتك و امشي ليها
ولا أرحل في عيونك
و الطفولة الضاجة فيها
ليه أريدك و انتي أصلك
ريدتي ما حسيتي بيها
بالبعاد ما تعذبيني
أعذريني
ما قدرت مرة واحدة
بالغلط أغلط عليكِ
و انتي ظالمة
و الدليل غفراني ليكِ
عارفو قلبِك ما معايا
و برضي شاغل قلبي بيكِ
بالحنان ما تعشميني
أعذريني
من زمان و أنا راجي منِّك
كلمة بيها تفرِّحيني
انتِ ما فرَّحتي قلبي
و كنتِ ديمة تجرحيني
قسمة الزول ما بتفوتو
و البجيني معاكِ يجيني
لو بكت منك عيوني
سامحيها ..
.
.
.
و أعذريني ..
.
.
.
| |
|
|
|
|
|
|
|
|
|
Re: مقتطفـات هارمونيـة ... (Re: Alsa7afa_30)
|
object width="425" height="355">
الصحافة اهديتكم انت و تمبس الاغنية دي في بوست منفصل و ما عبرتوني ... قلنا نجي بجاي لانو فيها ابداع ما عادي و انت و تمبس بتعرفو الابداع و تقدروا. الاغنية سودانية اداء الفنان الاثيوبي الفلتة علي برا او برة انطقها كما تشاء. الفنان ده مبدع جدا يغني بالامهرة و بالهجة اهله الارمو الما افقه فيهم شئ لكن استمتع بادء هذا المبدع. اضيف اليه من الاثيوبين محمود احمد و استير وطلاهون. اذا بتسمح لي اضيف اغنية لكل من ذكر من المبدعين الاثيوبين الفوق ديل
| |
|
|
|
|
|
|
|
|
|
Re: مقتطفـات هارمونيـة ... (Re: Alfarwq)
|
تشكـر يا عزيزي على الأغنية و الجميلة و الإهداء ..
و آٍسف لتأخّر الرد,,بصراحة لم أنتبه للبوست في حينه .. العتب على النظـر ..
في انتظار بقية الأغاني ..
و لك التحية و التقدير ..
| |
|
|
|
|
|
|
|
|
|
Re: مقتطفـات هارمونيـة ... (Re: Alsa7afa_30)
|
| Quote: مقتطفـات هارمونيـة ... |
غايتو يا ناس سودانيزونلاين بقى جنكم هرمونات
انت يا جنا ما قلت نخلي العناويل الكعبة
حسي عنوالك دا كيفنو ليك؟
دا لو كاتبو انا القيامة تقوم
قادر الله حتى في الهرمونات بقى في خيار وفقوس
| |
|
|
|
|
|
|
|
|
|
Re: مقتطفـات هارمونيـة ... (Re: Alsa7afa_30)
|
الصحافة 30 تود امبس
Quote: كدي سودان نري سكَّي ,, يمكن تلقي زول عندو فكرة ..
|
وارا ..وارا ..اى بسكى منو سودان نرى .. بكوز اى دسن زعلانرى من الطاهر ساتن تود اهن ار سكّى !!
| |
|
|
|
|
|
|
| |
Alsa7afa_30
سمندلاوى
الطاهر ساتي
abubakr
غباشي
علاء الدين حيموره
Elmosley
نصار
Mustafa Mahmoud
محمد الطيب حسن
هاشم أحمد خلف الله
ahmed khidir
salma subhi
ماجدة عوض خوجلى
Alfarwq
سجيمان
Abd Alla Elhabib
فيس بوك
تويتر
انستقرام
يوتيوب
بنتيريست