|
|
|
 Re: ***ومن صحـية جـروف النيـل مـع الموجـة الصباحيـة*** (Re: Alsa7afa_30)
|
تحياتي الفنان Alsa7afa_30
طبعا دي ما بختلفوا فيها إتنين إنو المبدعين في المنبر زادوا واحد بقدومك ..
ياخي الغنية دي عندها ذكريات غريبة معاي الله يرحم شاعرنا المبدع عمر الدوش ..
آمال النور صوت متميز وما كنت بفتكر إنو غير وردي في فنان يقدر يأديها بس آمال النور فنااااااااااانة الله يديها العافية ..
ويديك العافية إنت كمان وتبدع لينا كل يوم بأختياراتك الموفقة دائما ..
ودي
| |
 
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: محمد عبد الله شريف)
|
محمد عبد الله شريف:
Quote: الصحافه 30 ألف مليون داهيه تاخدك
|
ليــــــه كدا يــــاخ؟؟ 
Quote: نحن لسه ما فقنا من سكرة المصير وعقد الجلاد البقي لينا إفتتاحية
الصباح وختمة الليل
|
كان كده ان شاء الله ما توعى ابدا!!!
Quote: تاني جالب لينا حزن الدوش كلو ,,,,يا لروعة آمال النور وعظمة الديناصور الذي لا ينقرض ابو الورود
اهــا نعمل شنو هسسع مادام المصير بقي حزن |
كلو زي بعضو يا محمد..المصير المحزن و الحزن القديم و الشجن الأليم وووو...
ان شاء الله أيامك كلها أفراح قول آميــن..
لك الود..
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: Alsa7afa_30)
|
Alsa7afa_30 سلام و كلام,
ياخي إنت راجل مفرح, شـافي, و مدهش..
أطربت و دغدغت أحزان ليل غربتنا و الله..
هل ده جزء من شريط كاسيت, سهرة تلفزيونية أم ماذا !
بعدين البيانو المصاحب منو ?
بالله لو في أغنية تانية من نفس التسجيل ده ما تبخل بيها علينا..
لو كنت أشرت في عنوان البوست لأمال النور تغني الحزن القديم مثلا, لما ضاعت فرصة الإستماع هنا
علي الكثيرين !
لك الشكر و الإمتنان.
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: Elmuez)
|
Elmuez:
أولا تشكر على كلماتك الراقية..
و الله ما عارف نوع التسجيل لكن غالبا يكون من ألبوم بسبب جودة التسجيل..
Quote: بعدين البيانو المصاحب منو ?
|
أنا برضو محيرني بتاع البيانو ده!!
احتمال يكون سعد الدين الطيب..
Quote: بالله لو في أغنية تانية من نفس التسجيل ده ما تبخل بيها علينا..
|
اكيـــد..
تسلم على المشاركة..
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: Alsa7afa_30)
|
وانا ايضا لي زكريات معها زكريات قديمة جدا ....
احبها ودائماً أسمعها ...
اضفت عليها المبدعة آمال النور لون خاص
لكن يا 30 الله يديك الافية
و سنحتكر جميع اجتهاداتك المبدعة في بوست الصحافة ونعمل اعلان العايز يسمع كلو يجينا بي هناك
رايك شنو تعمل بوست فيه اشارة بس وتقول ليهم على الصحافة مربع 30
(29) انعام حيمورة يعني بينا (قالب الحلو).
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: Alsa7afa_30)
|
اول احي فيك روح الفن الاصيلة هذه و شكرا لتلبية النداء ..
شديدة ولضيضة
امبارح دي متعشين كوارع
وبالمناسبة احكي ليك حكوة لذيذة
حكى لي اخ عزيز (؟؟؟)
انو نسوان العشاء بالليل لما تجي تحاسبهم بالطلبات يحسبوا ليك ( واحد طلب شية - واحد طلب كوارع - واحد طلب فول بالشطة - واحد طلب شطةبالفول . وهم يدفعوا ساي .....
يجيني معاك زمن امتع نفسي بالدهشة
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: Alsa7afa_30)
|
امتع نفسي بالدهشة!
ياخي ربنا ما يحرمك متعة الدهشة و لا يحرمنا
بعدين دا (شدو) نصاح  ..
آمال دي بتوديك اماكن و ازمنة عجيبة..
فاكر لما غنت (ليه بتسأل) مع سامي المغربي زمان..?
و لما غنت مع مصطفى (والله نحن مع الطيور)...عجيييييييبة ياخي!!
وردي زاتو آاامن! .. خليك مننا !
| Quote: احتمال يكون سعد الدين |
لا لا دا ما أنا   
طبعا عجبتني السكة بتاعت دكتور مصطفى ليك عشان الرابط..
لما جينا لقيناها مملحة و ياسلام عليكم..
شكرا انعام اديتينا فرصة نشوف و نسمع
( هو سمع نصاح لكن!)
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: elham ahmed)
|
الحزن القديم
ولا الـحــزن الـقـديـم
إنــــــــــــتِ
ولا لـــون الــفــرح
إنــــــــــــتِ
ولا الشوق المشيـتْ بيهـو
وغلـبْـنـى أقــيــف
ومـــــا بِــنْـــتِ
ولا التـذكـار ولا كُـنْـتِ
بتطْلَعِى إنتِ مـن غابـات
ومـــن وديــــان...
ومــنــى أنــــا..
ومِن صحْيَة جروف النيـل
مـع الموجَـهْ الصباحيَّـه
ومن شهقَة زهور عطشانَـهْ
فــــوق أحـزانـهْــا
مــتْـــكَّـــيـــهْ
بتَطْلَعى إنتِ من صوت طِفلَهْ
وسـط اللـمَّـهْ منْسـيَّـهْ
تَــجـــيـــنـــى
معـاكْ يجيـنـى زمــن
أمتِّـع نفسـى بالدهـشَـهْ
طــبــول بــتْــدُق
وساحات لـى فـرح نَـوّر
وجمّـل للحُزن..ممْـشـى
وتـمـشـي مــعــاي
خُطانـا الإلفَـهْ والوحشَـهْ
وتمشى معاي... وتْرُوحـى
وتمشى معاي وسط روحـى
ولا البلْقـاهـو بِعْرِفـنـى
ولا بعرِف معاكْ ..روحـى
up
ya zool ya raghee
dr mustafa
| |
|
|
|
|
|
|
|
|
|
Re: ***ومن صحـية جـروف النيـل مـع الموجـة الصباحيـة*** (Re: فيصل محمد خليل)
|
يا ســــــــــلام..
رغم اني من عشاق ابداع الاستاذ وردي.. واجد صعوبه في تقبل غناء الاخرين لاغانيه (وخصوصا اغنيه بهذا الوزن).. الا اني اسجل اعجابي بأداء امال النور والتي تفوقت على نفسها.. في زمن صار الغناء النسائي في السودان عدادات فقط.. وحنن وتياب...لا صوت ولا محتوى..
وكتّر خيرك الصحافه 30 على الاختيار الرائع ونشر كل هذا الجمال... انت من زمان كنت ويــــــن؟؟
مشكور اخ المعز على رفع هذا البوست..
| |
|
|
|
|
|
|
| |
Alsa7afa_30
الفاتح وديدي
Mustafa Mahmoud
خالد عبد الله محمود
لؤى
انعام حيمورة
فرح
انعام عبد الحفيظ
saadeldin abdelrahman
elham ahmed
Safa Fagiri
mulhim
فيصل محمد خليل
نجوان
الزاكى عبد الحميد
فيس بوك
تويتر
انستقرام
يوتيوب
بنتيريست