عشقتك نغم .. وضعتك رقم لقيتك وهم !! وهم كبير .. وإحساس مرير كان العشم إن تكون كل الجمال في سكتي !! إنك تآنسني وتونس وحدتي !! إنك تكون زولي الأمير قلبك كبير .. تبقى الوزير في كل المحافل .. والمحاضر .. وفي السفر !! دوزنت بيك كل الجمال في دنيتي !! ووزنت بيك همس الوتر .. وكان الخطر !! إنك تسافر ماتجي أفضل أأمل وأرتجي إنك تجي !! من غير ميعاد ... كان القدر إنك تغير خطتك تسجل غيابك في الحضور واعيش على الأمل الكبير إنك تجي .. ونطلق الأفراح عبير وتفرح معاي كل الخلائق حتى العصافير والطيور والرياحين والزهور والجمادات والشجر لكن خلاص .. فات الميعاد !!! إحساس مرير .. ووهم كبير وضياع وقت !! وطال البعاد ..
Quote: دوزنت بيك كل الجمال في دنيتي !! ووزنت بيك همس الوتر .. وكان الخطر !! إنك تسافر ماتجي أفضل أأمل وأرتجي إنك تجي !! من غير ميعاد ... كان القدر إنك تغير خطتك تسجل غيابك في الحضور واعيش على الأمل الكبير إنك تجي ..
جيتك انا و اشتقتى ليك والله جد اشتقتى ليك شوق المطر وقت الحراز للطل حسد والريح تنقّر في القلوب غطت مسامات الجسد واشتقتى ليك شايلك معاى كل المحطات العذاب و فرحتى بيك والله جد حبك سند خاطري القبيل وسط الطريق صنقر لبد وبديت افتش في خطاك لفيت شبابيك الخلاص حتى الخواص احد احد و جريت اساسك في الطريق امكن اصادف مشيتك او حتى القالك امد لا غيمة بلّت ريق حشاي انا لا رجاي هدّى الزبد لا وصلتى ليك وسط السراب لا عيني شافت ليكي حد و رجعتى لي بداية الطريق و بديت افتش لي خطاك لفيت شبابيك الخلاص حتى الخواص احد احد
مديت مراكب الالفة شوق و نسجته ليك عطر الوعد امكن تجي امكن مسارب الليل تفك وجع النهار و يشرّف الحس الشجي يعتر حلم ضلك يقيف و تشرّي ضعفك تنسجي في ضعفي في الخوف العلي للنشوه للما بنرجي وبستطه شريان الشجن و اتحكّر الجوف الامل راجيك تجي ما تقولي لي هسسسسسسسسسسسسسسسسع بجي
حروف اسمك عقد منضوم بخيط النور و طلة وردة من السور و نغمة تنادى من طمبور و شعلة فرحة فى الوادى تشع جذلااانة ليها شهور
شجو جميل يحكى عن رهفة الحس و خفق النبض..ليسرى فى دوااخلنا رنين النغم...و هو يحكى عن صراخ عشق كان...!!! و انت ادرى به يا عااشقة الجماال...! لتبقى الذكرياات فينا بعدا و اشااراات..!! و تبقين انت بريق لم و لن يصدأ..عااالم من....معاالم و ازمنة و اياااااااااااااام.....!! و نجمة بعيدة فى الاعاالى اقرأ على ضؤهااا حكااايااتى القديمة..و اتأمل بها صوراا اخفيتها منذ زمن طويل...! و صوت المغنى يشدو: نتناااجى لي ماااضي العهود اه العهود لو كان تعود اتلاااشى فيك وانسى الوجود انسى الااالم وانسى الكلااام في لحظه من عمر الزمااان..!!
شكرا لك و انت تسكبين كل هذا الرحيق و تمنحينا بريق الضؤ و بعضا من امل و منى ليس يفنيه الدلااال... و قلبك عارفو ابيض و كلك حسن نية..
مودتى...
08-13-2007, 07:40 AM
وصال عالم وصال عالم
تاريخ التسجيل: 01-31-2007
مجموع المشاركات: 1940
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
وصال عالم
salma subhi
مجدي عبدالرحيم فضل
فيس بوك
تويتر
انستقرام
يوتيوب
بنتيريست