السبت 10 ديسمبر وقفة امام السفارة السودانية بمناسبة اليوم العالمي لحقوق الانسان
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-10-2016, 04:36 PM الصفحة الرئيسية

مدخل أرشيف الربع الثاني للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أغنية الحقيبه .. ليست عبقرية أم درمان.

06-24-2011, 01:29 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

أغنية الحقيبه .. ليست عبقرية أم درمان.

    الشئ الذي لا جدال فيه أنّ أم درمان تاريخياً لا يتعدى عمرها المائة عام، إذْ لم تكن شيئاً مذكوراً قبل الثورة المهدية التي انطلقت في ثمانينات القرن التاسع عشر، وهي مدة بحسابات العراقة لا تكفي لوصف مدينة بأنها تاريخية، ورغم هذا فأهل أم درمان يُصّرون على زعامتها وريادتها وجعلها (حالة خاصة) وخصوصاً في مجال الفعل الثقافي والثقافة عموما. وبغض النظر عن مقومات الثقافات الرائدة من آثار قديمة وأصالة ضاربة الأطناب و.. و.. الخ. فإننا نأمل أن نقصر الحديث على أغنية الحقيبة.. منشأها الأساسي كإرث ثقافي وكضرب ثقافي متميز والتي يعتبرها الأمدرمانيون عبقرية متفردة جادت بها أم درمان وليس سواها.
    وقبل كل شئ لا مناص من الإقرار بأن الحقيبة كأغنية لها تأثير واسع المدى على الأقل وجدانياً ناهيك عن شكل الأداء التقليدي أو الحديث.

    إنّ أم درمان تتعدد فيها الأجناس والأعراق، ومع قِصَر مدة الإقامة فيها آنذاك قبل مائة عام تقريباً في أرض واحدة في أم درمان ربما يدعونا هذا للقول إنها غير منصهرة فى بوتقة ثقافية واحدة، والتباين هذا لأنّ بداية تكوين أم درمان كان بدافع دينى وهو فكرة المهدى المنتظر ولذلك كان النزوح لأعراق مختلفة بحثاً عن هذا المعتقد.. وعلى ذلك فحداثة عهد المدينة ينعكس بالضرورة على شكل المجتمع وممارساته. ولو كان المجتمع قديم التكوين منصهراً له ثقافته الواحدة الموحّدة فسيبرز هذا عبر سلوكيات أفراده وممارساتهم على اختلافها ومنها الفن وهو إنعكاس لمستوى الثقافة والموروث الحضارى.
    وفى مطلع القرن الفائت بدأت ما أسموها فيما بعد بأغنية الحقيبة "موضوع حديثنا" ومن المعروف أنّه فى حوالى العام 1900م قدِم الى أم درمان شاب اسمه محمد ود الفكى وأدخل وأرسى اللبنات الأولى لما عّرف في ما بعد بأغنية الحقيبة ولم تكن أم درمان قبل ود الفكى على دراية بهذا الضرب من الغناء.
    يقول الباحث الكبير حسن نجيله في كتابه (ملامح من المجتمع السودانى) : (كانت أم درمان لا تعرف حفلات الأعراس فيها غير نغمات الطنبور منبعثة من حناجر فنّانين تخصصوا في هذا النوع من الأداء، يُدْعَوْن إلى كل حفل عرس، ترقص البنات على كرير حناجرهم الذي يبعث أصواتاً من الصدر منغَّمة ولا تحتوى على أى نوع من الكلمات)
    ويضيف الباحث فى نفس الكتاب: «عهدي بالعاصمة المثلثة أن تكون دائماً مبعث كل نهضة جديدة ولكن اليوم أعلم أنّ أُسس النهضة الفنّية جاءت العاصمة من الأقاليم». انتهى.
    إذن فأهل أم درمان لم يكن لهم فضل بداية أغنيات الحقيبة فقد تلقَّفوا الفكرة ممن أتى من خارج أم درمان ولعلّ هذا مما يدفع للقول إنه لم يكن مستوى الثقافة آنذاك عند الامدرمانيين يؤهل لإحداث مثل هذه الطفرة، ويعود هذا لأنّ القوم كانوا في بداية حياة إستقرارهم فى أم درمان بمعنى أن الإرث على إطلاقه كما أسلفنا لم يكن تالداً.
    ولو لم يأت ود الفكى من كبوشية لبقيت كركرات الحلق تلك هى كل فن أم درمان وقد كان ما جاء به ود الفكى من كبوشية جديداً على مجتمع ام درمان، وود الفكى من أرض الشمال وهى أرض حضارة وإرث تاريخى وثقافى ملحوظ وموثق، ولذلك فليس بمستغرب أن تكون مبعثاً للفن دون أم درمان.
    وعلى قول الدكتور عبد الله حمدنا الله فأغنية الحقيبة مصنوعة فنياً مثلما أم درمان نفسها مصنوعة. وقد صدق.
    إنّ شعراء تلك الفترة كانوا يتهافتون على ود الفكى يأخذون منه تقنيته الجديدة_ إن جاز التعبير_ منهم العبادى وود الرضى، والذين صاروا فيما بعد أعمدة للفن، وود الرضى نفسه مثل كثيرين غيره من الذين انسكبوا فناً لم تكن أم درمان هى الملهمة قلنا إن إرثها لم يكن كافياً لأثارة وجدان الشعراء فى تلك الحقبة، ومعظم هؤلاء وفدوها فى مرحلة عمرية متقدمة نسبياً.. كانوا مشبعين بروح غير روح أم درمان، فود الرضى هذا مثلاِ جاءها من العيلفون بعد ما رضع من ثدى البادية كل معانى الشهامة والتآلف والعفة والالفة مثلما سبقه ود الفكى. وحينما أعجب الناس بقول ود الرضى:

    الحشمة فى توب الزَّراق

    حرقتْ قلوب الناس حَرَاق
    فإنه تعلّم هذا من أستاذه ود الفكى عندما كان يُردد فى حفلاته فى ليالى أم درمان المشدوهة بهذا القادم المُجَدِّد:

    رُوحى ملهوفه

    أسمعوا وُصُوفا

    بالنظر خِلاى سِتَّى كيُّوفه

    نفسى يا نفسى إنتِ مشغوفه

    وامتدت الأيام بمحمد ود الفكى وتجاوز الأمدرمانيون حواجز الدهشة والانبهار وكركرات الحلق وصاروا يُحاكون كلمات ود الفكى ولم يتوانَ هذا فى الغناء لهم.. العبادى وود الرضى وغيرهما. حتى ظهر سرور فى ما بعد وتلقَّفه العبادى ثُمّّ حذوا حذو ود الفكى مع بعض الإضافات المصنوعة أو التي أوجدتها الصدفة وليست العبقرية.
    نعم إنّ أغنية الحقيبة ليست عبقرية أم درمان وهى ليست أمد رمانية الصنع، قد تكون تطورت لاحقاً أو بالأحرى حُوِّرت لتناسب واقع أم درمان دون ذكر الفضل لأولى الفضل وهذا فيه إجحاف بحق الثقافة السودانية فى المقام الأول.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-25-2011, 05:57 AM

ياسر السر
<aياسر السر
تاريخ التسجيل: 08-06-2010
مجموع المشاركات: 2396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    لك الشكر الاخ محمد على هذا المقال التاريخي الجميل فأم درمان فعلا مدينة صنعها رجال اتو من خارجها سوى في الفن او في غيره من المجالات وأتمنى أن لا ينكر هذه الحقائق اخوتي أبناء امدرمان وهذه حقيقة معروفة إذا رجع أخوتنا من ابناء امدرمان للتاريخ وقرأو مابين سطوره ,, فعندما أقول ذلك لأصدقائي من ابناء امدرمان يزمجرون في وجهي ولكن هي حقيقة تاريخية ثابته فام درمان عمرها 100 عام أو ما يربو عن ذلك ولكن العيلفون عمرها الآن 607 سنة أو ما يربو عن ذلك ولكن نسبة لأحداث تاريخية وفنية وإقتصادية وتجارية فقد جعلت من أمدرمان مدينة يشار إليها بالبنان ونحن لا ننكر ذلك ولكن لابد أن يعترف أبناء أمدرمان بأن أم درمان مدينة صنعها أناس اتو إليها من خارجها .. وآسف إذا أثقلت على أحبتي وأهلي وأصدقائي من سكان أم درمان ..
    تحياتي : ياسر العيلفون
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 01:18 PM

ياسر السر
<aياسر السر
تاريخ التسجيل: 08-06-2010
مجموع المشاركات: 2396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: ياسر السر)

    ؟؟؟؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 03:39 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: ياسر السر)

    الأخ ياسر
    أشكرك علي المرور والإضافه..
    في العام 1998 وكنتُ حينها لا أزال طالباً بجامعة الخرطوم كتبتُ مقالاً عنوانه :
    أم درمان مدينه بلا تاريخ ..
    نشره الشهيد محمد طه محمد أحمد في أخيرة الوفاق..
    توالت ردود عنيفه جداً من أبناء أم درمان نشرتها الوفاق حينها..
    ورد عي الأستاذ الشاعر سيف الدين الدسوقي في حلقه في التلفزيون..
    المهم .. الحماعه ردموني ردم جد..
    ورددتُ في الوفاق أيضاً بمقال طويل جداً علي مساحة صفحه كامله عنوانه:
    بشهادة التاريخ .. أم درمان مدينه بلا تاريخ.
    الشاهد أنّ أبناء أم درمان والأمدرمانيون عموماً _بالميلادج أو بالتجنس_ لا يقبلون ولا كلمه أعوج وللا عديل..
    وليس علينا إلا أن نبصم بالعشره..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 04:09 PM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 1162

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    مقال رائع ..
    فعلا الثابت تاريخيا ان اغنية الحقيبة لم يتم انتاجها في امدرمان و قصة محمد ود الفكي (تنسب له اغنية نوم عيني البقى لي سهر التى يؤديها كابلي و ربما تكون اقدم اغنية سودانية حية بخلاف اغاني الفلكلور التي لا يعرف مصدرها ) وقدومه من كبوشيه و من بعده عبدالله الماحى من كبوشية نفسها بالقرب من شندي ومن ثم تطورت اغنية الحقيبة شيئا فشيئا حتى قامت الثورة الثانية التي قادها ابراهيم الكاشف والتي اوصلتنا لما يعرف باغنية امدرمان المعروفة اليوم والمسيطرة ، ابراهيم الكاشف كان من مدني وهو مع محمد ود الفكي يمثل ربما اهم الشخصيات التي اثرت على الاغنية بشكل ثوري طاغي .
    لكن يااخي محمد امدرمان هي المدينة السودانية الوحيدة التي تمكنت من صنع هوية خاصة بها بغض النظر عن المكون العرقي واتحدث هنا عن امدرمان بحدودها القديمة ، كل هولاء الامدرمانيون الذين غضبوا من مقالك وغيرهم لديهم جذور في كل اقاليم السودان وهم يعرفونها جيدا لكنهم يميلون الى تبني الهوية الامدرمانية ولا ضير في ذلك و الانتماء شيء وجداني وعقلي ، امدرمان ليس لديها تاريخ قديم لكنها مثل امريكا استطاعت ان تخلق لنفسها هوية خاصة وثقافة مميزة نتجت من تلاقح سودانيين من كل اقاليم السودان واجانب تسودنوا وغيرهم ..
    ووردوا وشدوا فوقي الناس
    ونادوا بقية الاجناس ...
    عندما اتى محمد ود الفكي كانت امدرمان عروسا بكرا تنتظر .. كان من الممكن ان يأتي شخص اخر من منطقة اخرى من مناطق السودان وفي الغالب كان سيحصد نفس النجاح ، التربة هي التي تحتضن البذور وليس العكس ، اغنية كبوشية كانت معروفة في مناطق الجعليين لكنها لم تصبح اغنية قومية الا بعد ان دخلت في امدرمان .
    تحياتي جميعا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 05:05 PM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3216

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: Abdullah Idrees)

    الاخ محمد سالت عن ناهد ما قلنا حاجه سالت عن الهندي برضو عادي جدا

    لكن تهبش امدرمان؟

    كتيره منك

    قلت لي امدرمان مدينه مصنوعه؟

    المهدي لمن جا امدرمان عسكر وين ؟

    في ديم الفتحاب فاهل امدرمان الاصليين الاوائل هم الجموعيه في ريف امدرمان الشمالي والجنوبي

    اما عن صناعه امدرمان ففعلا امدرمان القديمه بوضعها الذي حددهها خليل فرح

    من علايل ابروف للمزالق من فتيح للخور للمغالق

    قدله يا مولاي حافي حالق بالطريق الشاقيه الترام

    فهذه الحدود والاحياء القديمه تاريخها ليس بالقدم فقد انشئت بعد دخول المهدي فعمرها لم يتعد 120 عام

    وما العيب في ذلك ؟

    يعني تاريخ العيلفون الذكرو الاخ ياسر قبل 607 سنه لم تكن موجوده

    يعني لو طرحنا منها ال 120 حقتنا دي بفضل ليهم 487 سنه

    يعني قبل 487 سنه نقدر نقول العليفون كانت مدينة مصنوعه من باب اولى؟

    نجي لي سؤال مهم جدا الصنع امدرمان دي منو؟؟

    مافي جنس ولا قبيله واحده لهم الفضل في ذلك ولكن جموع السودانيين جاؤوا لنصرة المهدي في البقعه

    واستطاعت المدينه من خلال عبقريتها في هضم هذه الثقافات المتباينه وتقديم نموذج امدرماني خالص

    وبعض المدن السودانيه استطاعت ان تخلق مثل هذا النموذج مثل مدني وكوستي وغيرها

    احيلك لبوست طريف عن ذلك تسائل فيه اخ كريم اسطورة ان اولاد الوسط تفاتيح( امدرمان.مدنى.كوستى)

    نجي لي موضوع البوست

    فاغنية الحقيبه بوضعها المعروف بدأ بعد ود الفكي بفتره عند اضراب الطنابره في حدود العام 1918 وقد وثق

    لذلك العبادي
    جزاهم الله خير كل الحساب حسبولنا
    جابو لنا الكراسي و في الوساع نصبولنا
    من جاه الكرم كادوا ان يحبولنا
    ما خلو لناشي الا الطنابرة ابولنا

    وكانت بداية لما يعرف بالحقيبه على يد الحاج محمد احمد سرور

    شئ طبيعي ان يكون ابتداء هذا الفن على ابناء امدرمان اللذين قدموا اليها واسسوها

    عمر البنا العبادي خليل فرح وتنبيه الغافلين الشيخ ود الرضي وغيرهم

    وان كان بعضهم لم يولد في امدرمان اصبحوا جزءا من هذه المدينه بعبقريتهم وعبقرية المكان

    طيب ما كان يقعد اي ول في منطقتو ويخلوا امدرمان فاااضيه زي ما كانت؟

    الجذب الناس ديل شنو لي امدرمان وصنعوها؟

    سؤال

    اللخو من وين؟

    يتبع كان في رجعه

    ــــــــــــــــ
    لي اضافه على اغنيه نوم عيني لمحمد ود الفكي

    فقد نفض عنها الغبار كابلي وشيخ ود الرضي

    فلم يكونا يحفظان منها غير بدايتها

    فتم ود الرضي الاغنيه على نفس النسق وغناها كابلي
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 07:30 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: ود الخليفه)

    ود الخليفه ..
    ألمي الحار ولا لعب قعوي ..
    أرح واحده واحده ..

    Quote: الاخ محمد سالت عن ناهد ما قلنا حاجه سالت عن الهندي برضو عادي جدا

    لكن تهبش امدرمان؟

    كتيره منك

    مسعتلتا شنو أم درمان ما تنهبش ؟؟
    قلابة فيران !! وللا قلابة فيران!!! وللايعني قلابة فيران!!
    نهبشا ونص وخمسه..
    بالمنطق ومن مرجعيات متوافره في المكتبه السودانيه.

    Quote: قلت لي امدرمان مدينه مصنوعه؟

    آآآآآآآآآآآآآآآآآآآآآآآآآآآآآآآآآآآي مصنوعه وللصباح مصنوعه ..
    قالها الدكتور عبد الله حمدنا الله ولم أقلها أنا العبد الفقير إلي ربه كاتب هذه السطور
    وكان رأي الدكتور حمدنا الله رأياً مشهوراً ويمكنك الرجوع لذلك.
    Quote: يعني تاريخ العيلفون الذكرو الاخ ياسر قبل 607 سنه لم تكن موجوده

    يعني لو طرحنا منها ال 120 حقتنا دي بفضل ليهم 487 سنه

    يعني قبل 487 سنه نقدر نقول العليفون كانت مدينة مصنوعه من باب اولى؟

    لا نستطيع أن نقول أن العيلفون مدينه مصنوعه لسبب بسيط انها لم تدعي الرياده ولم تنصب نفسها قائده علي المدن والثقافات لكن تاريخ أم درمان وموروثها الثقافي خلال المائة عام ليس كافياً لبلورة إطار ثقافي رائد لولا السمكره والصناعه.بمعني أنّه لولا تدخلات أطراف أخري شعراء وفنانين من خارج أم درمان ما كانت فنون أم درمان وصلت لما وصلت إليه الآن ولبقيت أم درما في دائرة الطنابره حتي أوقات متأخره.
    Quote: الجذب الناس ديل شنو لي امدرمان وصنعوها؟

    قطعاً ما جو بفتشو للدهب ..
    إنما جاءوا كما أسلفنا في المقال تبعاً للفكره المهديه التي كان يمكنها أن تنهض في أبو كرشولا لو أن المهدي إتجه إليها
    .
    Quote: اللخو من وين؟

    اللخو من أم درمان .. إلا كايس الجواز اللمدرماني..
    كل ما قصدته أنّ الفضل يجب أن يُنسب لأهل الفضل فلولا ود الفكي وكبوشيه ما كانت الحقيبه ولا ود الرضي ( ودالرضي بصبص من ود الفكي)
    مع إدمان يستخوذني لأغنية الحقيبه .. كأغنيه ..
    ود الخليفه يا أخي والله أشكرك شديد لطرحك الراقي..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 07:01 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: Abdullah Idrees)

    الأخ عبد الله إدريس..
    لك كل الشكر..

    Quote: لكن يااخي محمد امدرمان هي المدينة السودانية الوحيدة التي تمكنت من صنع هوية خاصة بها بغض النظر عن المكون العرقي واتحدث هنا عن امدرمان بحدودها القديمة

    لم تكن أم درمان هي النموذج الوحيد لصنع هويه خاصه وبالرغم من كون أم درمان مدينه صغيره بغض النظر عن مكونها الثقافي لكن الجزيره كبقعه جغرافيه واسعه إستضافت عبر عشرات السنين مختلف الأعراق وانصهرت كلها في وجهه واحده هي الجزيره ولذلك لا أزال أعتبر الجزيره نموذجاً لا يستهان به ويجب أن يُرعي لإمكانية التعايش بين أعراق متباينه..
    المهم .. منتدي أبناء أم درمان كان يفترض شروطاً لمنح (الجنسيه الأمدرمانيه) هي الإقامه ما قبل العام 1956 وكأنّ أمدر مان إمبراطوريه رومانيه,
    وهنا لا أنكر بأي حال ريادتها ولكنها رياده مصنوعه ساهمت فيها الفكره المهديه كمعتقد ديني بشكل أساسي بإعتبار أنّ الإمام المهدي لولم يُهاجر لأم درمان لظلت أم درمان مدينه صغيره يقوم سوقها (بالاتنين والخميس).
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 04:30 PM

Haitham Labib

تاريخ التسجيل: 12-27-2007
مجموع المشاركات: 386

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    أول شي يامحمد شكراً على السرد الرائع ..
    تاني شي أنا من بحري علشان ماتقول متعصب لأمدرمان برغم مولدي ونشأتي في أم درمان ..
    المهم ياسيدي ماعلينا ..

    محمد ود الفكي لم يكن شاعراً كان طنباري .. وكان يردد كلمات الحسن ود سالم .. وهو من أدخل الكركرات التي ذكرتها إلى أم درمان .. والعباي وسرور هم من طوروا الأغنية في ذلك الوقت من مرحلة الطنبرة إلى أغنية الحقيبة المعروفة حالياً والقصة معروفة في إضراب الطنابرة المشهور في عام 1919م في زواج التاجر بشير الشيخ .. وغنيت فيه أغنية ببكي وبنوح وبصيح وأغنية حفلة بشير ما أعجبه .. وأرخو ( على قولة الدكتور / أحمد القرشي ) العبادي بالأبيت التي تقول:

    جزأهم الله خيركل الحساب حسبو لنا
    جابو لنا الكراسي وفى الوساع نصبولنا
    من جهة التكرم كادوا أن يحبولنا
    ما خلو لنا شئ إلا الطنابرة ابولنا

    أغنية الحقيبة ليست بالأغنية المصنوعة وأم درمان كلها عبقرية .. الأشعار تنم عن ذلك الكلمات تنم عن ذلك والألحان كذلك .. كدي شوف لي أبوصلاح في جوهر صدر المحافل دي ..والمقطع ده .. وين الصناعة هنا ... دي عبقرية أم درمان والحقيبة ..

    يوقد جمري ودمعي باهل كيف نار تشعل في مناهل
    ضاق بى الكون مع انه ماهل نومي تصعب ووجدي ساهل
    لو بى حالة سهري جاهل دى الأنجم فأسال سهيلا

    وغير الأمثلة كتير .. يعني واحد يشوف ليهو نسمة يكتب قصيدة ويلحنوها ويغنوها في نفس اليوم يعني أقل من ستة سبعة ساعات ممكن .. وين الصناعة هنا .. هنا في عبقرية أم درمان شعر ولحن وغناء ..
    وبجيك راجع ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 05:07 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26299

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: Haitham Labib)

    Quote: وفى مطلع القرن الفائت بدأت ما أسموها فيما بعد بأغنية الحقيبة "موضوع حديثنا" ومن المعروف أنّه فى حوالى العام 1900م قدِم الى أم درمان شاب اسمه محمد ود الفكى وأدخل وأرسى اللبنات الأولى لما عّرف في ما بعد بأغنية الحقيبة ولم تكن أم درمان قبل ود الفكى على دراية بهذا الضرب من الغناء.


    هذا كذب صراح

    في الاذاعة تسجيل صوتي لدمتري يحكي فيه نشأة غنا الحقيبة وكيف بدا

    غنا الحقيبة بدا عام 1926
    واول من ابتدعه سرور لا احد غيره

    هذه الفقرة بالتحديد يفصل فيها دمتري تفصيلا وبتسجيل صوتي ..
    وانه كيف تم التحول من الطمبرة الى الغنا بصورته الاولى


    اما عن نشأة امدرمان
    فهذا ايضا تحريف وتلفيق
    امدرمان كانت ممتدة ومتشتته من ابشعد جنوبا مرورا بالموردة ثم منطقة الدباغة بابروق وحتى كرري العجيجة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 05:12 PM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26299

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: وليد محمد المبارك)

    بالمناسبة

    سرور كان طمباري ايضا
    حتى نجر وطوح وعرج بطرية اداؤ الاغنيات
    وعرض هذا الامر في منزل دمترى على بقية الطمبارة
    واستحسنوه

    ومن ديك وعيك
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 10:31 PM

نادر الفضلى
<aنادر الفضلى
تاريخ التسجيل: 09-19-2006
مجموع المشاركات: 4938

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: وليد محمد المبارك)


    الأخ محمد قسم وضيوفه الكرام
    سلام

    كما أفاد بعض الأخوان أم درمان قبل المهدية وحتى تاريخه المنطقة يسكنها الجموعيين بالفتيحاب
    وأم درمان القديمة كقرية كانت معروفة بالإسم (أرجع للإقتباس أدناه). وفى الضفة الأخرى للنيل هنالك الحلفايا،
    ومملكة علوة كانت عاصمتها سوبا. هى منطقة كبرى تتأثر ببعضها ثقافة وحضارة وإختلاطاً
    ومن ناحية جغرافية ملتقى النيلين لا يعقل أنها كان خالياً من سكان وزراع، فمنطقة المقرن بالخرطوم
    وتوتى .. والخرطوم التى عمرت وتوسعت مع التركية فى 1821 وقفزت حضارياً بالمنطقة مقارنة بمناطق
    السودان الأخرى .. والمهدية جعلت من أم ردمان القرية مدينة كبرى إنصهر فيها من كانوا بالمنطقة
    وبالوافدين إبان المهدية وبعدها. والإستعمار الإنجليزى منذ 1898 أيضاً أضاف للعاصمة المثلثة طفرة تعليمية
    وثقافيه وأدبية لم تحظ بها بقاع كثيرة من السودان، ومنها شمال السودان المذكور فى المقال موضوع البوست كمصدر
    لأغانى الطنبور وتلبيسه فن أغانى الحقيبة.

    الحديث عن ثقافات قديمة كشرط لتطوير الغناء حديثاً لا أجد له سند أو منطق. والحضارات القديمة إزدهرت وسادت ثم بادت،
    وأصبحت أثراً بعد عين. فمناطقها بدون أن تتأثر بحضارة حديثة وافدة والتعليم والثقافة والمعلومات العامة،
    ستظل تجتر لعقود وقرون المتوارث والمتناقل من عهد سحيق. هذا ينطبق على الفن والغناء والأدب والشعر، والسياسة
    ونظم الحكم، والعادات الإجتماعية.

    أمريكا شعب ودولة حديثة فتية، أسسها مهاجرون من أوربا، فى مجال الفن الغنائى قدمت فنوناً جديدة
    لا تنسب للبلاد التى أتى منها المهاجرون، فهى فنون تنسب لناس أمريكا، مثلما تنسب الحقيبة لناس أم درمان

    أغنية الحقيبة أساسها ليس اللحن أو الآلة الموسيقية بل الكلمات، وهذه الكلمات نتاج للثقافة والتعليم
    والمعلومات التى إكتسبتها منطقة أم درمان. ذاك الإعرابى البدوى الشاعر علي بن الجهم جاء من الصحراء وحياة البدو،
    مدح الخليفة المتوكل بأبيات شعر قال فيها:

    أنت كال###### في حفظك للود وكالتيس في قروع الخطوب

    فأمر الأمير بأن يقيم بمدينة الرصافة ببفداد، فعاش فترة فى تلك الحضارة الراقية وتشبع بها، فأنشد للخليفة:

    عيون المها بين الرصافة والجسر
    جلبنَ الهوى من حيث أدري ولا أدري

    الأدب الجديد للعربى المتمدن يعود لأثر وثقافة وأدب المدينة، وليست لقرية البدوى، للرصافة وبغداد وليس للصحراء
    وقس على ذلك تطور الموسيقى. فأدب الحقيبة وفن الحقيبة وبعده الفن الحديث وموسيقاه يعود لحضارة وثقافة وأدب أم درمان،
    وليس من أين أتى الشعراء والفنانين، وليس من أين اتى العود والكمنجة والإكورديون والبنقز والجيتار. وإنتشر هذا الفن
    خارج أم درمان فأصبح أدباً وفناً مشاعاًمصدره أم درمان.

    أما عن أم درمان مدينة بلا تاريخ فهود حديث أيضاً لا يسنده مرجع. والتاريخ ليس مقصوراً لعصور ما قبل الميلاد، فالمهدية تاريخ
    وسقوط أم درمان فى 1998 ودخول الإستعمار تاريخ، حركة وثورة 24 تاريخ والحركة الوطنية تاريخ.
    فأم درمان كان لها الريادة فى صناعة التاريخ الحديث. نادى الخريجين بأم درمان عرف بشيخ الأندية ما قام به من دور ريادى
    فى الحركةالوطنية لم تقم به أندية الخريجين بالمدن الأخرى ومنها الخرطوم، فى مجال الأدب والثقافة والفن كانت أم درمان ،
    فى مجال الرياضة المريخ والهلال والموردة من أم درمان، يشجعهم عموم اهل السودان...
    فهنالك عوامل وظروف تجعل من مدينة أو منطقة دون غيرها باعثة للنهضة والحضارة فى تاريخ الأمم .. أم درمان توفر فيها ذلك ..

    المقال موضوع هذا البوست وبدون أن يقدم تحليلاً علمياً مقنع وبتواريخ لتسلسل الأدب الشعرى الغنائى وفن الغناء والموسيقى ،
    أطلق أحكاماً أم درمان بلا تاريخ ، ونسب طنبور فلان للحقيبة بل ورائداً لها! والحقيبة لها تعريف تاريخى وضعوه من أسموا حقيبة الفن
    البرنامج الإذاعى الشهير. لا يمكن أن يأتى احد اليوم بتعريف جديد وبمعلومات مغلوطة عن ماهى أغانى الحقيبة، لغرض التقليل من دور أم درمان.

    إليكم رابط عن معلومات مقتضبة عن تاريخ أن درمان القديمة


    http://dibebaonline.akbarmontada.com/t4830-topic[/B]
    Quote: موضوع: تاريخ مدينة ام درمان الإثنين فبراير 02, 2009 4:52 am

    --------------------------------------------------------------------------------

    أم درمــان


    جاء في كتاب البروفسير/ أحمد إبراهيم دياب ( أم درمان )



    أم درمان كموقع قديم أسمها أمتداد من حضارة الشهيناب،

    أما كأسم فالأسم نوبي عنجي علوي نسبة لمملكة علوة

    وعاصمتهم سوبا وقد كان أسم درمان Derman منتشر بينهم.

    وقد كانت هناك سيدة من نوبية علوية تسكن في المشرع التجاري

    أو الموردة ولديها أبن يدعى درمان فكان الذين يفيدون للتجارة

    في هذة المنطقة يطلقون عليها أسم أم درمان أي والدة درمان تأدبا

    وتقديرا لها، وقد كانت أم درمان في تلك الفترة سوق صغير وملتقى

    لسكان غرب النيل الذين يأتون لبيع وتبادل بضائعهم مع سكان

    شواطئ النيل

    وجاءت دولة الفونج ''مملكة سنار'' على أنقاض مملكة علوة وأصبحت

    أم درمان سوقا تجاريا تمر به القوافل القادمة من سنار في طريقها

    لدنقلا شمالا لتلتقي بدرب الأربعين وكانت تأتي بشارع الشنقيطي

    حاليا شارع دنقلا سابقا وهو إمتداد لشارع الأربعين والذي يمتد

    ليصل للفتيحاب ويستمر جنوبا حتى سنار وأستمرت أم درمان طوال

    الفترة الفونجية ملتقى تجاريا

    ويروي التونسي محمد بن عمر في كتابه ''تشحيذ الأذهان في سيرة بلاد

    العرب والسودان'' صفحة 379: '' أن السلطان تيراب بعد أنتصاره

    على العبدلاب نزل في أم درمان وأخذ يستعد للزحف على سنار فوجد

    النيل في طريقه وعرضه 600 متر ولم يكن لديه من المراكب والمعدات

    اللازمة لأجتياز النيل فبقى هناك أشهر يدبر الوسائل لأجتيازه فلم

    يفلح وبقي في أم درمان حتى مرض فحملوه وعادوا به لدارفور إلا أنه

    مات في الطريق

    وقد كانت كل من أم درمان والخرطوم قرى موجودة ومعروفة لدى أهل

    السودان قبل دخول الجيش التركي - المصري، ولكن أم درمان الفكرة

    والتاريخ ولدت مع المهدي والمهدية؛ فبدلا من مرسى وسوق وموردة

    وورش لصناعة المراكب .. قامت أم درمان البقعة المباركة التي

    أقامها الأمام المهدي والتي أنصهرت فيها القبائل والأجناس السودانية

    لتخلق الهوية والقومية والأصالة السودانية.

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 07:49 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: وليد محمد المبارك)

    Quote: هذا كذب صراح

    أخونا وليد محمد المبارك ..
    ما تنضم ساي ..
    الكلام ده الإنتا مقتبسو من المقال موجود في كتاب ملامح من المجتمع السوداني للباحث حسن نجيله
    وموجود في أكثر من كتاب تحدث عن تاريخ شعراء الحقيبه..
    Quote: غنا الحقيبة بدا عام 1926
    واول من ابتدعه سرور لا احد غيره

    لم نقل غير هذا ..
    فلماذا تناقض نفسك بنفسك..
    أرجع للمقال أعلاه.
    Quote: ما عن نشأة امدرمان
    فهذا ايضا تحريف وتلفيق
    امدرمان كانت ممتدة ومتشتته من ابشعد جنوبا مرورا بالموردة ثم منطقة الدباغة بابروق وحتى كرري العجيجة


    برضو ما تنضم ساي..
    أرجع لكتاب طبقات ود ضيف الله تلقي فيهو تاريخ أم درمان وما ذكره ود ضيف الله بالنص وأنها أي ام درمان لولا الثوره المهديه لم تكن شيئاً مذكوراً..
    كتاب الطبقات لود ضيف الله حققه البروفيسوريوسف فضل حسن المدير الأسبق لجامعة الخرطوم.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-28-2011, 09:29 AM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26299

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    يا محمد قسم الله

    مافي زول نضميه في البوست ده سااااااااااااي غيرك انت

    انا اشرت ليك الى مصدري
    وهو مصدر سماعي من الموثق الاول ومبتدع التوثيق للفن الغنائي دمتري


    عندما كان يسرد ويحكي
    كان يقول حدث في منزلنا


    يعني حاضر ما حكو ليه
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 07:39 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: Haitham Labib)

    Quote: أول شي يامحمد شكراً على السرد الرائع .
    هيثم لبيب
    أنا كمان بشكرك جداً علي إضافاتك التاريخيه والموضوعيه وأسلوبك الجميل.
                       |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 08:18 PM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    اما في فترة المهديه فهنالك اعتقاد راسخ بانها حظرت الغناء وكان الشاعر الكبير الحاردلو من كبار معارضيها وقال فيها:
    بالغات النصاب انصاري ما زكاهن من ود البصير جايب اذن بغناهن
    اما الشوايقه فقالوا ما يثبت ان المهدية بالفعل قد حظرت الغناء:
    لا مريسي ولا طنيبير ولا تمباك ولا سجير
    ودا كلوا من مهديك الكبير وعقربن تطقك يا محمد خير
    والاخير هو استاذ الامام المهدي .
    الاستاذ معاويه حسن يسن يقول في كتابه الوافي عن تاريخ الاغنية السودانية عن اغنية امدرمان:
    لا ينبغي ان يغفل الباحث دور مدينة ام درمان عاصمة الدولة المهدية والتي كانت مركز الثقافة والفنون ابان المهدية علي رغم التزمت الذي اتسمت به السياسات الثقافية للحكم المهدوي ولعل اهم ما رفدت به المدينة الغناء والفنون اتساعها للقبائل الغربية والبحرية التي استقدمها الخليفه عبد الله فقد نشرت بحكم الاختلاط فنونها الشعبية ووحدت امزجة السكان وانسجم فيها الغناء بميلودياته المختلفة من غربي السودان واواسطه وشماله.
    لهذا السبب يري كثيرون ان الاغنية السودانية الحديثة ( الحقيبة) نبعت من ام درمان ومنهم من سماها الاغنية الامدرمانية وعلي رغم من ان الاسباب التي سيقت في تبرير تلك المذاهب تبدو وجيهه وحقيقية الا ان ذلك لا يمنع القول إن الاغنية السودانية الحديثة والمعاصرة انما هي سودانية اذ ان ام درمان نفسها كانت مجموعة سكنية مختلطة الاعراق ومتنوعاتها الي درجة كبيرة.
    وفي حديث موزون يقول الدكتور جعفر ميرغني:
    ان الشعر الغنائي الذي ينسب الي ام درمان هو في الحقيقة شعر الوسط المدني اينما كان موقع المدينة من السودان الواسع وقد ينسي كثير من متناولي الثقافة الشعبية بالدرس مجتمعات المدن ويسقطونها من حسابهم جملة فاللهجة التي يتخاطب بها الناس في ام درمان اليوم هي ذات اللهجة التي تسمعها في سنار او بورتسودان او الابيض وان ما درج الناس علي تسميته الاغنية الامدرمانية اواغنية الوسط هي في حقيقة الامر اغنية المجتمعات المدنية اينما وجد في السودان ويخلص الي ان ام درمان تركت للسودانيين ابان العهد المهدوي تراثا ثريا جزل الكلمة متين البنية الشعرية قوي التعبير حلو اللحن وكان لهذا التراث اثر كبير في اغاني امدرمان بعد المهدية من كل تلك الجهات اعني حلاوة اللحن وقوة التعبير وجزالة اللفظ وهذا النوع من الشعر كان هو المقدمة للاشعار التي عرفت فيما بعد باسم الحقيبة.
    محمد بابكر " الشهير بود الفكي"
    فيما كان مجتمع العاصمة غارقا في فن الدوبيت غزا فن الطمبور المدن الثلاث عام 1900 م فقد قدم شاب من منطقة كبوشيه فأخذ الناس علي حين غره بما سمعوه منه من انغام لم تألفها مسامعهم من ذي قبل وهو ود الفكي – فتي انيقا وسيما ملفت للنظر علي خديه درب الطير والده فقيها يقصده طلاب العلم كان يمدح قبل حضوره الخرطوم.
    عندما شعر اساطين الغناء في كبوشيه ان ود الفكي يملك موهبة يرجي منها دبروا له السفر للعاصمة للغناء والعمل الكريم بعيد عن اعين والده الفقيه فحل ضيفا علي شيخ الجعليين بالخرطوم " شيخ اريزونا" فارجعه الي كبوشيه بناءا علي طلب والده . عاد ود الفكي الي العاصمة مرة اخري 1915 م واستقر في حي العرضه بامدرمان واستأجر محلا صغيرا في سوق الخرطوم لبيع الخضروات.
    جاء ود الفكي هذه المرة للعاصمة ليجد شعراءها وطنابرتها مفتونين باسلوب غنائه . كثرت الطلبات علي سهراته الغنائية وتباري كبار الشعراء علي تزويده الكلمات مثل يوسف حسب الله " سلطان العاشقين".
    كان اكبر تحول احدثه غناء ود الفكي في الساحة الثقافية السودانية.
    اقبل كبار الشعراء علي نظم قصائد علي روي القصائد التي اتي بها من منطقته مثل العبادي . حقق ود الفكي شهرة فاقت ما تعارف عليه مجتمع العاصمة انذاك.
    ابرز دليل علي تاثير اسلوب ود الفكي الجديد ان مؤسس الاغنية الحديثة في البلاد محمد احمد سرور تتلمذ عليه ، حضره وعاصره وغني معه وبدأ بتقليده حتي اكتشافه الاسلوب السائد حاليا.
    بدا نجم ود الفكي يافل في واخرالعشرينيات فاعتزل الغناء وكان يرفض الغناء مقابل اجر.
    نافست اغنية الحقيبة اغنية التم تم التي كانت ترددها اصوات نسائية ولكن اغنية التمتم استمرت قرابة العقدين من الزمان بعد ذاك فكانت في الاسواق اسطوانات التمتم حتي عام 1939 م للمطربات فاطمه خميس وام الحسن الشايقيه والمطربه ماريا ومهله العباديه وعائشه الفلاتيه.
    ابتدعت ايقاع التمتم التوامتان " ام بشاير" و ام زوايد" من مدينة كوستي وربما استجلب من دول المغرب العربي الموجود ايقاع مطابق له هناك.
    الليلة الخالده العام - 1920 م
    دعي المطربان الحاج محمد احمد سرور والفنان الامين برهان الي احياء حفل زواج التاجر الامدرماني بشير الشيخ عام 1920 م . كان هناك صراع حاد بين سرور وفرقته قيل بسبب انه يحب التجديد وهم يريدون ان يلتزم بالمتعارف انذاك او انهم ضاقوا ذرعا بقوة صوته الذي كان يحجب اصواتهم تماما أو كانت معجباته كثر فحدث في الحفل خلاف بينه والطمباره ممن يرون ان سرور بقوة حضوره يضعهم دائما علي الرف.
    القصة انه عندما هم سرور بالوقوف امام حضور الحفل كان الطنابرة قد حزموا امرهم بالاضراب عن الغناء خلفه . مرت لحظات عصيبه طلب المجتمعون من سرور ان يغني لهم دون طنباره . سرور بعناده وحضوره وثقته في نفسه استدعي اقرب المعجبين وقال له تعال وقف معي . قال : لكن انا ما بعرف الكرير فقال له سرور " اسمع وردد اخر شطر في بيت الدوبيت حتي استرد انفاس واقول بيتا اخر فتردد آخره " وهكذا كان ممكن ان تموت طريقة الاداء الجديدة لولا ان الحفلات كانت تستمر اربعين يوما تبعه في الايام التالية الامين برهان . كان ذلك خير سبب لترسيخ النمط الغنائي الجديد .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-26-2011, 10:52 PM

Safia Mohamed

تاريخ التسجيل: 07-21-2007
مجموع المشاركات: 2357

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: طارق ميرغني)

    شكرا يا ود بحري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 00:16 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 12-03-2006
مجموع المشاركات: 13872

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: Safia Mohamed)

    الحقيبة غنا مستورد ...

    استلاب امدرماني بمركزية القاهرة حينها ...

    استلاب بنكهة محلية ...

    ما تنجضونا ... وامدرمان انتجت الحقيبة وليس العكس ... ما تعمل لينا فيها "مدينة بلا تاريخ" ... و شوقي بدري ...








    ... المهم ....
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 09:29 AM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3216

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: تبارك شيخ الدين جبريل)

    Quote: منتدي أبناء أم درمان كان يفترض شروطاً لمنح (الجنسيه الأمدرمانيه) هي الإقامه ما قبل العام 1956 وكأنّ أمدر مان إمبراطوريه رومانيه,


    دي زي السفاره السودانيه بشارع النيل

    وقد تسائل حسين خوجلي هل اصبح ابناء امدرمان غرباء عن مدينتهم حتى يكونوا منتدى لهم؟

    انتابني هذا الاحساس في نهاية التسعينات وانا في زيارة لجامعة الجزيره

    وجدت ملصق كبير عباره عن اعلان لتكوين رابطة ابناء امدرمان بجامعة الجزيره

    اتخيلت نفسي جيت من السوق الشعبي بي شنطة حديد واحسست ببعض الغبن الذي يتولد في الغربه

    والحمد لله لم يتكرر ذلك الاحساس حتى الان

    الاخ محمد بجيك بي مهله
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 04:44 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: تبارك شيخ الدين جبريل)

    Quote: الحقيبة غنا مستورد ...

    استلاب امدرماني بمركزية القاهرة حينها ...

    استلاب بنكهة محلية ...


    ود جبرين ده شايت علي وين؟؟؟؟

    ما تخرمج ساي

    وتفتعل ليك معركه في غير معترك...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 07:13 PM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3216

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    Quote: أم درمان مدينه صغيره يقوم سوقها (بالاتنين والخميس).


    اسقاط نفسي موفق

    احد الاصدقاء الامدرمانيين يعمل في سوق امدرمان ودار خلاف بينه وبين احد السابله

    اها السابله دا قال ليه كرهتونا البلد دي انت جيت متين؟

    فاراد صديقي ان يلهو بلحية احمق قال ليه انا لي في البلد دي سته سنين انت جيت متين؟

    فرد السابل مزهوا انا في امدرمان دي من سنه 86

    فتامل يا قول ملاسي

    Quote: السمكره والصناعه


    سمكرة شنو و صناعه شنو ؟

    انت قايلا المنطقه الصناعيه



    Quote: ورد عي الأستاذ الشاعر سيف الدين الدسوقي في حلقه في التلفزيون.


    بختك

    اليوم داك تلقاك نمت بي جزمك
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 07:55 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: ود الخليفه)

    Quote: سمكرة شنو و صناعه شنو ؟

    انت قايلا المنطقه الصناعيه


    زماااااان في الثانوي كان عندنا أستاذ لغه عربيه لما يلقي زول مخو تخين وما بيفهم بلاغه يقوم يقول ليهو :
    الما عندو خيال يشوف ليهو خيال .. يللا أمشي السوق أشتري ليك ربع كيلو خيال..
    أخونا ود الخليفه عايز ليهو كيلو كامل خيال مصلح حسب النصيحه أعلاه.

    وعندما ذكرت رد الأستاذ سيف الدسوقي قصدتُ الإشاره لرود الفعل ليس إلا..

    أها يا ود الخليفه ناقش بمنطق وللا شوف ليك دافوري بعيد بعيد ..
    ما تعمل فيها ألفه برضو..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 08:28 PM

ود الخليفه
<aود الخليفه
تاريخ التسجيل: 07-21-2002
مجموع المشاركات: 3216

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    Quote: كيلو كامل خيال


    هو بالله بالكيلو؟

    انا زمني دا كلو قايلو ببيعوهو بالدسته
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 08:33 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: ود الخليفه)

    Quote: انا زمني دا كلو قايلو ببيعوهو بالدسته


    لا بالكيله.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 08:23 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: طارق ميرغني)

    Quote: اما في فترة المهديه فهنالك اعتقاد راسخ بانها حظرت الغناء وكان الشاعر الكبير الحاردلو من كبار معارضيها وقال فيها:
    بالغات النصاب انصاري ما زكاهن من ود البصير جايب اذن بغناهن
    اما الشوايقه فقالوا ما يثبت ان المهدية بالفعل قد حظرت الغناء:
    لا مريسي ولا طنيبير ولا تمباك ولا سجير
    ودا كلوا من مهديك الكبير وعقربن تطقك يا محمد خير
    والاخير هو استاذ الامام المهدي .
    الاستاذ معاويه حسن يسن يقول في كتابه الوافي عن تاريخ الاغنية السودانية عن اغنية امدرمان:
    لا ينبغي ان يغفل الباحث دور مدينة ام درمان عاصمة الدولة المهدية والتي كانت مركز الثقافة والفنون ابان المهدية علي رغم التزمت الذي اتسمت به السياسات الثقافية للحكم المهدوي ولعل اهم ما رفدت به المدينة الغناء والفنون اتساعها للقبائل الغربية والبحرية التي استقدمها الخليفه عبد الله فقد نشرت بحكم الاختلاط فنونها الشعبية ووحدت امزجة السكان وانسجم فيها الغناء بميلودياته المختلفة من غربي السودان واواسطه وشماله.
    لهذا السبب يري كثيرون ان الاغنية السودانية الحديثة ( الحقيبة) نبعت من ام درمان ومنهم من سماها الاغنية الامدرمانية وعلي رغم من ان الاسباب التي سيقت في تبرير تلك المذاهب تبدو وجيهه وحقيقية الا ان ذلك لا يمنع القول إن الاغنية السودانية الحديثة والمعاصرة انما هي سودانية اذ ان ام درمان نفسها كانت مجموعة سكنية مختلطة الاعراق ومتنوعاتها الي درجة كبيرة.
    وفي حديث موزون يقول الدكتور جعفر ميرغني:
    ان الشعر الغنائي الذي ينسب الي ام درمان هو في الحقيقة شعر الوسط المدني اينما كان موقع المدينة من السودان الواسع وقد ينسي كثير من متناولي الثقافة الشعبية بالدرس مجتمعات المدن ويسقطونها من حسابهم جملة فاللهجة التي يتخاطب بها الناس في ام درمان اليوم هي ذات اللهجة التي تسمعها في سنار او بورتسودان او الابيض وان ما درج الناس علي تسميته الاغنية الامدرمانية اواغنية الوسط هي في حقيقة الامر اغنية المجتمعات المدنية اينما وجد في السودان ويخلص الي ان ام درمان تركت للسودانيين ابان العهد المهدوي تراثا ثريا جزل الكلمة متين البنية الشعرية قوي التعبير حلو اللحن وكان لهذا التراث اثر كبير في اغاني امدرمان بعد المهدية من كل تلك الجهات اعني حلاوة اللحن وقوة التعبير وجزالة اللفظ وهذا النوع من الشعر كان هو المقدمة للاشعار التي عرفت فيما بعد باسم الحقيبة.
    محمد بابكر " الشهير بود الفكي"
    فيما كان مجتمع العاصمة غارقا في فن الدوبيت غزا فن الطمبور المدن الثلاث عام 1900 م فقد قدم شاب من منطقة كبوشيه فأخذ الناس علي حين غره بما سمعوه منه من انغام لم تألفها مسامعهم من ذي قبل وهو ود الفكي – فتي انيقا وسيما ملفت للنظر علي خديه درب الطير والده فقيها يقصده طلاب العلم كان يمدح قبل حضوره الخرطوم.
    عندما شعر اساطين الغناء في كبوشيه ان ود الفكي يملك موهبة يرجي منها دبروا له السفر للعاصمة للغناء والعمل الكريم بعيد عن اعين والده الفقيه فحل ضيفا علي شيخ الجعليين بالخرطوم " شيخ اريزونا" فارجعه الي كبوشيه بناءا علي طلب والده . عاد ود الفكي الي العاصمة مرة اخري 1915 م واستقر في حي العرضه بامدرمان واستأجر محلا صغيرا في سوق الخرطوم لبيع الخضروات.
    جاء ود الفكي هذه المرة للعاصمة ليجد شعراءها وطنابرتها مفتونين باسلوب غنائه . كثرت الطلبات علي سهراته الغنائية وتباري كبار الشعراء علي تزويده الكلمات مثل يوسف حسب الله " سلطان العاشقين".
    كان اكبر تحول احدثه غناء ود الفكي في الساحة الثقافية السودانية.
    اقبل كبار الشعراء علي نظم قصائد علي روي القصائد التي اتي بها من منطقته مثل العبادي . حقق ود الفكي شهرة فاقت ما تعارف عليه مجتمع العاصمة انذاك.
    ابرز دليل علي تاثير اسلوب ود الفكي الجديد ان مؤسس الاغنية الحديثة في البلاد محمد احمد سرور تتلمذ عليه ، حضره وعاصره وغني معه وبدأ بتقليده حتي اكتشافه الاسلوب السائد حاليا.
    بدا نجم ود الفكي يافل في واخرالعشرينيات فاعتزل الغناء وكان يرفض الغناء مقابل اجر.
    نافست اغنية الحقيبة اغنية التم تم التي كانت ترددها اصوات نسائية ولكن اغنية التمتم استمرت قرابة العقدين من الزمان بعد ذاك فكانت في الاسواق اسطوانات التمتم حتي عام 1939 م للمطربات فاطمه خميس وام الحسن الشايقيه والمطربه ماريا ومهله العباديه وعائشه الفلاتيه.
    ابتدعت ايقاع التمتم التوامتان " ام بشاير" و ام زوايد" من مدينة كوستي وربما استجلب من دول المغرب العربي الموجود ايقاع مطابق له هناك.
    الليلة الخالده العام - 1920 م
    دعي المطربان الحاج محمد احمد سرور والفنان الامين برهان الي احياء حفل زواج التاجر الامدرماني بشير الشيخ عام 1920 م . كان هناك صراع حاد بين سرور وفرقته قيل بسبب انه يحب التجديد وهم يريدون ان يلتزم بالمتعارف انذاك او انهم ضاقوا ذرعا بقوة صوته الذي كان يحجب اصواتهم تماما أو كانت معجباته كثر فحدث في الحفل خلاف بينه والطمباره ممن يرون ان سرور بقوة حضوره يضعهم دائما علي الرف.
    القصة انه عندما هم سرور بالوقوف امام حضور الحفل كان الطنابرة قد حزموا امرهم بالاضراب عن الغناء خلفه . مرت لحظات عصيبه طلب المجتمعون من سرور ان يغني لهم دون طنباره . سرور بعناده وحضوره وثقته في نفسه استدعي اقرب المعجبين وقال له تعال وقف معي . قال : لكن انا ما بعرف الكرير فقال له سرور " اسمع وردد اخر شطر في بيت الدوبيت حتي استرد انفاس واقول بيتا اخر فتردد آخره " وهكذا كان ممكن ان تموت طريقة الاداء الجديدة لولا ان الحفلات كانت تستمر اربعين يوما تبعه في الايام التالية الامين برهان . كان ذلك خير سبب لترسيخ النمط الغنائي الجديد .


    الأخ الأستاذ طارق ميرغني..
    السلام عليكم..
    أولاً أشكرك علي المرور..
    كما أشكرك علي الإضافات الموضوعيه الهامه ..
    دمتَ بخير.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-27-2011, 10:00 PM

محمد قسم الله محمد
<aمحمد قسم الله محمد
تاريخ التسجيل: 06-13-2011
مجموع المشاركات: 2172

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    ياسر ود العيلفون ..
    أين أنت يارجل؟؟؟؟؟؟؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-28-2011, 05:49 AM

ياسر السر
<aياسر السر
تاريخ التسجيل: 08-06-2010
مجموع المشاركات: 2396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: محمد قسم الله محمد)

    محمد أنا موجود لكن والله مشغول شوية علشان كده بدخل أتاوق وأطلع وكمان انا عارف ناس امدرمان ديل نقاشنا معاهم حول هذه المسألة ما حا يخلص لاننا بنناقش فيهم من زمن أنا طالب في جامعة ام درمان الاهلية ولي هسة مافي واحد إقتنع بي كلامي البقول فيه ده والذكروه الاخوان المتداخلين في هذا البوست علشان كده الواحد بيفضل الصمت لانو الصمت قد يكون أبلغ في بعض الأحيان ،،
    واشكر كل الاخوه المتداخيلن على ما سردوه من معلومات تاريخيه ثرة أثرة البوست وذادته ألقاً ،، وأتمنى إنها ما تزيدو خلافاً وتشتيتاً ..
    وأقول للاخوه أنا لم اقارن ام درمان بالعيلفون ولكن أنا قلت إن عمر العيلفون أكبر من ام درمان بكتير ولكن هناك ظروف واحداث جعلت أم درمان تتبؤأ هذه المكانه العظيمة والكل يعرفها ولا داعي لتكرارهامرة اخرى ، وهناك معلومة اود ان اضيفها للبوست وقد لا يعرفها الكثيرين وهي ان الإمام المهدي عندما ارسل رسالة لغردون يطلب منه التسليم دعي جدنا الشيخ مضوي عبد الرحمن لكتابة هذه الرسالة وقام جدنا الشيخ مضوي عبد الرحمن بكتابة تلك الرسالة التاريخيه لغردون والتي كان فحواها سلم تسلم فكير منا لا يعرف من هو مضوي عبد الرحمن كاتب تلك الرسالة جدنا مضوي عبد الرحمن احد أبناء العيلفون وكان في ذاك الزمان من أوائل الدارسين الذين قد تخرجو من الازهر الشريف وهو جد الأستاذ الشاعر والسياسي المعروف عثمان خالد ، وهذا يدل على أن العيلفون من أقدم المدن في السودان عامه وأنا لا اقصد المقارنه بينا وبين ام درمان ولكن ذي ما بيقولو الكلام جاب الكلام ليس إلا ..
    تحياتي : ياسر العيلفون
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-28-2011, 01:38 PM

نوفل عبد الرحيم حسن
<aنوفل عبد الرحيم حسن
تاريخ التسجيل: 02-27-2009
مجموع المشاركات: 2361

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: ياسر السر)

    سلام لصاحب البوست وضيوفه
    بعيدا عن العصبيه .. خلوني اتخطي حتة الحقيبه دي ونتكلم عن تاريخ ام درمان .. ونشوف كيف يعني مدينة بدون تاريخ ؟ ولا كلام ساكت قلتوهو والسلام ؟
    اولا ..
    ام درمان سكنت بها قبيلة الجموعيه في وسطها وشمالها وجنوبها قبل ألف عام وهي من احدي الفروع الكبري لقبيلة الجعليين
    الامام المهدي ذاتو لما جاء طفل مع ابوه صانع المراكب الماهر نزل في ارض الجموعيه في ام درمان
    استقبلوه خير استقبال وتعلم القرآن علي يد اهل ام درمان في أم مرحي ( الشيخ الطيب ود البشير ) واستاذه درس الفقه بمكه ومصر وغيرها
    يعني المهدي لما جاء ما لقاها خلا .. لقي فيها التمدن والعلم والدين ... فنهل من معين علمائها الذي لا ينضب
    وكما قيل .. شمال ام درمان اهل كتاب وجنوب ام درمان اهل ركاب .. وللعلم المك المحينه مك الجموعية هو اول من حارب الاتراك قبل المهديه حتي قتل
    طيب نطلع من الحته دي لحته اوسع وأقدم ...
    وجدت آثار في منطقة خور ابو عنجة تؤرخ للعصر الحجري
    وجدت آثار في النوفلاب ترجع ل 400 عام قبل الميلاد وهي تؤرخ لعصر مملكة مروي
    وجدت آثار في السروراب تؤرخ لنفس الفترة السابقه
    وجدت آثار في الشهيناب كذلك تؤرخ لهذه الحقبه
    للعلم الاثار دي كانت أثار حضاره كبيره ووممالك حضرية مستقره
    ام درمان مدينة استراتيجية بحكم الموقع والجغرافيا ولقربها من النيل وتلاقي النيلين والمدن الكبري المكونه للخرطوم
    يحج اليها الناس منذ اقدم العصور ولا زالوا حتي الان ... هي بوتقة جمعت كل اعراق واجناس السودان حتي تكاد تحسبها السودان مضغوط في كبسولة
    ولكم الشكر الجزيل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-30-2011, 10:36 AM

وليد محمد المبارك
<aوليد محمد المبارك
تاريخ التسجيل: 12-04-2004
مجموع المشاركات: 26299

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: نوفل عبد الرحيم حسن)

    رشو
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

06-30-2011, 12:23 PM

وليد عبد اللطيف
<aوليد عبد اللطيف
تاريخ التسجيل: 08-09-2009
مجموع المشاركات: 6732

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: أغنية الحقيبه .. ليست عبقرية أم درمان. (Re: وليد محمد المبارك)

    Quote: سلم تسلم فكير منا لا يعرف من هو مضوي عبد الرحمن كاتب تلك الرسالة جدنا مضوي عبد الرحمن احد أبناء العيلفون وكان في ذاك الزمان من أوائل الدارسين الذين قد تخرجو من الازهر الشريف وهو جد الأستاذ الشاعر والسياسي المعروف عثمان خالد ، وهذا يدل على أن العيلفون من أقدم المدن في السودان عامه وأنا لا اقصد المقارنه بينا وبين ام درمان ولكن ذي ما بيقولو الكلام جاب الكلام ليس إلا ..

    طال ما الكلام جاب كلام
    عايز اقول
    العيلفون جنات عدن
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de