|
Re: وفروا الماء والكهرباء وغيرها.. لسد كافة المنافذ التي يتسلل منها المبربرين..... (Re: ود الباوقة)
|
بالله عليك يا ود الباوقة ...ضيف للماء والكهرباء كمان ..الطعام وقوت اليوم للمحتاجين ..والتعليم + الصحة...كمان.... ولو لقيت لينا طريقة كمان للمسكن يكون ما بطال ..وما تخاف ما دايرين في قاردن سيتي ولا المنشية ...وهي كلها طلبات مشروعة ... للحياة...
وشايفك بتتحدث عن جالونين البنزين لي هسع ... وبما انو لدينا بترول الان فبكم يباع جالون البنزين ؟؟؟ هل سالت نفسك قبل ذلك ..
وبنفس منطقك ..دايرين مقارنة بسيطة بين ميزانية السودان ..في عهد جالونين البنزين ... والميزانية الحالية ... ؟؟؟
فالدول لا تخنع للسكون ...!!!
| |
|
|
|
|
|
|
Re: وفروا الماء والكهرباء وغيرها.. لسد كافة المنافذ التي يتسلل منها المبربرين..... (Re: ود الباوقة)
|
Quote: الابتلاء الاول
الحصار الجائر الذي مارسته الدول المستكبرة ضد الانقاذ
من اول يوم لحكمها..... |
دي حرقتني جدا. إذا إنت ببتكلم عن جهل، فمعك العذر. وإن كنت تنافق، فإن الله سيسألك. لماذا هذا الابتلاء يقع على المساكين فقط؟ لماذا لا يقع على البشير ونسوته وإخوانه ووزرائه ووو....... وتعرف القاائمة وهل هذه القائمة الغير مبتلاه هل أنت داخلعا أم خارجها. أكان جهل، تُحسد عليه وكان نفاق، ما سبقك واحد عليه. ابتلاء قال..... دا قولو للدبابين أبًان قنابير.
| |
|
|
|
|
|
|
Re: وفروا الماء والكهرباء وغيرها.. لسد كافة المنافذ التي يتسلل منها المبربرين..... (Re: ود الباوقة)
|
مورتا يا جن
Quote: يعني لو مافي مبربرين بتسللو ما فارق معاكم شي !!! يا مبربرين لو سمحتم بعد توفير الماء والكهرباء تسللو عبر القائمة أدناة ليقوم المؤتمر الوطني بحلها : 1- مجانية الصحة والتعليم 2- الغلاء في أسعار السلع الضرورية 3- إستشراء الفساد وإستغلال المناصب والمحسوبية والله لا يضيع أجر من أحسن عملا |
أولا بالتبادي تعلم فنون التفاوض مع الاخ باوقة ياخي ما ممكن تطلب 3 حاجات مرة واحدة كدة ثانيا شوف الزول ده طششته الشبكة طوالي عين ردا قال ليك شنو
Quote: حيث فاق العرض الطلب وتوفرت السلع اللاستهلاكية |
شوف عيني في بوست للاخت نجلاء قرافي قالت رطل الزيت عند الجملة 4.5 جنيه..تاني المبربرين يشتغلوا سلق ...سلايق بالموية يا عمك. ودي يادوب الحركات الفلم ما بدا ..ح يبدا بعد تقط قروش البترول...لو ربنا مد في الآجال لن تجد الا كل هذا الشعب يبربر.. والشعب يريد البربرة
| |
|
|
|
|
|
|
Re: وفروا الماء والكهرباء وغيرها.. لسد كافة المنافذ التي يتسلل منها المبربرين..... (Re: معاوية عبيد الصائم)
|
تعرف يا باوقة الجمعة الفاتت طلعت لي مشوار السوق المحلي..احتجت لكباية قهوة..نزلت عند ست شاي طلبت القهوة ست الشاي عشان تقوم من الكرسي عانت شديد قلت ليها لا خليك انا بشرب براي قالت لي انا اتدلقت فيني كفتيرة سخنة وحرقت جزء مقدر من جسمي المهم قلت ربنا يكتب الشفا وواسيتها..وليتني سكت قالت راجلها من هجا ليه عشرة سنة وهي في نفس الحالة..بتدفع رسوم بتها في الجامعة مليون القسط الاول 400 وحموها نتيجة السمستر ومصاريف البت سبعة الف في اليوم والليلة دي بالذات خليت الصغار بدون اكل وجاية قاعدة هنا طارت لي القهوة وطار لي اي شي..جيت في البال والله قلت ود الباوقة لو لمّا فيها حيقول ليها بطلي بربرة...ورانا صقرية مع الريس
| |
|
|
|
|
|
|
Re: وفروا الماء والكهرباء وغيرها.. لسد كافة المنافذ التي يتسلل منها المبربرين..... (Re: الطيب رحمه قريمان)
|
Quote: والليلة دي بالذات خليت الصغار بدون اكل وجاية قاعدة هنا
|
سلام يا سيد البوست،
ياقمر بوبا،الحجات المتوفرة فى عهد الأنقاذ البتكلم عنها صاحب البوست بتوازى أشياء أخرى برضو حصلت فى عهد الانقاذ وشاذة جدآ مثلآ:
1) الشفع المجدعين فى الشوارع ديل زمان كانوا بالكميات دى ؟؟؟( الكبت بولد مصائب)
2)أم تبيع عيالة فى سوق الله أكبر عشان تعيش الباقين دى ما حصلت كلو كلو فى الدنيا.
2)السرقات عينك يا تاجر وتشيد العمارات بالولاء للحكومة ،عشان من عاشر قوم أربعين يوم سار مثلهم (يعنى مافى حد اخير من التانى والمال السايب بعلم السرقة ومافى حرامى أشرف من التانى.
3) زواج المثليين دا فى أمريكا ما حصل ،حصل هنا فى قصر سولارا بالمهندسين والغريبة أنو كانوا 19 زيجة لما جا يوم المحاكمة طلعوا ذى سبعة وبس عشان الباقين عندهم ضهر( أهلم شغالين فى الحكومة ، خلى واحد يجى يقول كذابين عشان ننزل الصور)
عاوزين زيادة ولا كفاية.
| |
|
|
|
|
|
|
Re: وفروا الماء والكهرباء وغيرها.. لسد كافة المنافذ التي يتسلل منها المبربرين..... (Re: فيصل محمد خليل)
|
ياودالباوقة تعرف كم ادنى تسعيرة شهرية لفاتورة الموية في القرى البعيدة ناهيك عن الخرطوم ؟ في حلتنا الماسورة ب 14 ج ... ويوم 7 في الشهر ما دفعت النقطة والبوليس .... تعرف كم خسائر ونفقات ومرتبات ورشى منسوبي مصلحة الموية بالخرطوم بالمقارنة مع دخل هذه المصلحة ؟ تعرف تأريخ أقرب صيانة تمت على أي خط قديم بالعاصمة ؟ المؤسف أن اقول لك ولا متر ولا بلف في بعض الأحياء القديمة شيء من الأنجليز وشيء عبود وشيء الأزهري وحتى نميري عليهم الرحمة ... والله العظيم ... القروش البتدخل من الموية والكهرباء ... لو ناس التمكين رضوا وبقبلوا نصيحة لله ... يتخارجوا ويسلموها 3 هنود مدراء ومهندسين ومعاهم 100 عامل من بتغلاديش أو الهند... وتعال شوف كيف الموية تمشي وتتوفر ... ما مكن عامل الموية شايل (طورية وكوريق) وحايم على (عجلة) .. والكوز المهندس بالمكتب المكيف وما فارز البلف من الكوع يأخذ بلا عدد .. أستحوا ياناس .. وبعدين قصة شيوعين وبلوف دي مضحكة شديد ... يازول البلف لما (يطرشق) لو مويتو كانت نافورة ممكن يحفروا كيلو طول بعمق 3 أمتار عشان يطلعوه.. منو الفايق ورايق وعندو الوقت عشان يحفر 5 أمتار على مرأى ومسمع المارة ويقوم يقفل البلف ؟؟؟ الشفيع
| |
|
|
|
|
|
|
|