الآن مظاهرات ضد جهاز المغتربين بالسودان

Quote: يبدو أن هنالك مسئولين (كبار) أكلوا قروش هؤلاء الغلابة، كما هو الحال دائماً تحت ظل هذا النظام

Quote: لو ما نهبوا وسرقوا ما بسعدوا سعادتهم في شقا المطحونيين والغلابة من الشعب الطيب المسالم

Quote: ديل ياكلو ناقة سيدنا صالح خليك من اموالنا احنا المساكين ديل... واعيدو للانسان السوداني حقوقه ايها اللصوص

Quote: عاوزين يلهطو باقي الفضل بكرة ما معروف يكون في شنو

Quote: هذه لجنة خاصة يتعويضات الكويت وتجتمع دائما في مقر جهاز المعتربين

Quote: بركه الأكلو حقوقهم لأن المغتربين لا يجيدون العمل الجماعي وإن كان هناك نجاحات فهي روابط أهل الشمالية ناس بدين وأرقو وبقية المناطق وهي إن كانت ذاتية لكنها كانت ولازالت تقف خلف الكثير من الحلول لأبناء تلك المناطق في مهاجرهم. يا أخي عشان المسألة تأتي أكلها ويستفيد منها كل مغترب لابد من اللجوء للعمل الأهلي أنسوا الجهاز والبتوجاز ديل ما فيهم خير وما حا تلقوا منهم أكثر من الإستفزاز وحرق الأعصاب والمعاكسات حتى الحارس بتاع شركة الحراسة الموجود في مباني جهاز شئون العاملين المساكين بالخارج - بحسب رواية قريبي المغترب - يستفزك ويفتش جواز سفرك تقول هو مدير الجوازات. أعملوا نقابة نزيهة بعيده عن المؤتمرين الوطني والشعبي يكون هدفها حماية ورعاية مصالحكم في المهاجر فالقنصليات والسفارات وبخاصة في دول الخليج ما هي إلا وكالات للشحن وجل إهتمامها ينحصر في الشأن الإقتصادي الخاص بكل فرد من هؤلاء الدبلوماسيين الذي تحولوا وتحوروا وتبدلوا فأصبحوا تجار عملات وتسهيلات وهاك يا كوميشن صعوداً وهبوطاً. والله لو ما إتحدتوا ما تقدروا على تجار الدين ناس تمكنا وتنحنحنا وتصلحنا ديل خطر ما بقي الخصم يعمل منفرداً وهم أشبه بالذئاب مش قالوا "إنما يأكل الذئب من الغنم القاصية" أها كبروا مراحكم تفوزوا على الجبهجية وتخوفوهم وتأخذوا حقكم. == شدوا حيلكم وأحذو حذو جمعيات ناس الشمالية ، فأن تبدأو تنظيم صفوفكم متأخرين أفضل مليون مرة من أن لا تفعلوا فالعالم لم يعد أمناً وبخاصة مهاجركم والخوف كل الخوف أن يأتي الغد بشئ من الضيق أها ترجعوا البلد والله تقعدوا أباطكم والنجم وعشان تتأقلموا وتفهموا الحاصل إنتوا الكبار ديل ناهيك عن أبناءكم مواليد المهاجر على الوضع في البلد عاوزين ليكم سبعين خريفاً وما أظن تبقي في العمر كل هذه المدة.