|
|
 من هـو أكبر أعضاء المنبر (في السِن)....... أكبر زول/ة في المنبر دة منو؟
|
 >>>>>>>>>>>>>>>
أقدم زول مسجل و أول الأعضاء المسجلين طبعاً باشمهندس/ بكري أبوكر.
بس أكبر زول/ة في العمر منو؟
مين فيكم طويل العُمر ..؟
"ربنا يطول عمره"
طويل العمر ممكن يرسل لي في المسنجر الداخلي أو إيميلاتي الفي البروفايل ..... *و أكيد أكبر زول/ة فينا حيلقي إحترام خاص مِـننا كأعضاء أصغر منه , بعد ثبوت نيله للقب "طويل العمر" أو لقب كبر المنبر أو اي لقب تختاروه أنتم.
|
|
  
|
|
|
|
|
|
|
 Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: محمد الامين محمد)
|
Quote: اسماء في المنبر
طيب ياعمر الجزلي |
هلا بيك يا محمد الامين ..
عمر الجزلي بيطلب منك إنو تورينا من هو أكبر البورداب بطرفكم في الخرطوم .
تعرف يا محمد الامين ‘‘ أنا لو كنت مرشح طوالي كنت حجي انافس و أعلن عمري كم.
سبحان الله في إتنين من المرشحين دخلوا البوست ..
ويشهد الله لم أختلف معهم يوماً في البورد .... وفي نفس اللحظة ما كنت عارف أعمارهم كم!!
فعلا ‘‘ كل ما العمر يتدقدم بالإنسان بيكون أكثر حِـكمة في مسألة التعامل مع الاخرين.
| |
|
|
|
|
|
|
|
|
 Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: doma)
|
Quote: غايتو انا الاكبر سنا
اها لازم ترسل لي الهديه
توب بنقالي
وجوز مراكيب قطع الفاشر
وما تنسي حق البن و الصعوط |
شرفتيني كتيييير و الله يا خالة دومة في البوست .
وزي مداخلاتك دي هي المطلوبة في البوست
المرشحين للقب يجو يرشحو نفسهم براهم في البوست .
وكبيرنا و كذلك كبيرتنا حيكون لهم وضع خاص في البورد .
وليكي علي يا خالة دومة أجيك و أزورك في الصين ولو ربنا سهل.
الصين دي بعرفها ركن ركن من ساحة "تيان مين" العظيمة و إستاد الاولمبياد
لي حي السليتون و إلي سور الصين و المعبد السماوي.
بس وريني إنتي ساكنة وين و إنشاء الله بجيك ومعاي الهدايا الإنتي طلبتيها
و إذا كنتي مُطولة شديد في الصين فأكيد بيكون إتقابلنا زمان.
تسلمي يا خالة و منتظرين الباقين ‘‘ انا عارف البورد مليان و كلهم بنجيبهم هنا إنشاء الله.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عبدالحميد نورين الطاهر)
|
عملياً طبعاً الحصر صعب، لكن الموضوع الإنت سميتو مخستك، بينبّه لشئ هام جداً. هو إننا تربينا على احترام الكبير، ونسبة لأنو هنا في المنبر الشخصيات هي مجرّد (إسم مستخدم)، رأينا الكثير من تطاول صغار السن على من هم أكبر منهم، بل يصل الأمر في بعض الأحيان إلى إساءة الأدب.
كما أسلفت، فإن الحصر على أساس العُمر، شئ صعب، لذا، ما يمكن أن يكون هو، تأدّب الأعضاء مع بعضهم البعض، غض النظر عن السن والنوع، وليتصوّر كل منا أننا نجلس في مكان واحد (جسدياً) ونتعامل على هذا الأساس.
عفواً، قد تكون مداخلة خارج موضوع البوست، ولكن يمر البورد كثيراً بأيام يأسف لها المرء.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: صديق مهدى على)
|
| Quote: الاخ احمد سلامات انا بعتقد المعمر الوحيد هنا هو نا صر الخطيب لا نو انقاذى و مداخلاته عقلانية . |
إذيك يا صديق ود المهدي .. وين بوستاتك و هجومك علي الجماعة؟!!
إنت قصدك ناصر الخطيب "الحبشي" ولا منو ؟
ناصر الخطيب دة مرة كان مجنني في البورد بس ما افتح ليك بوست إلا و يجي يديني محاضرات
بتذكر ناصر مرات كان بيهاجم د/ القدير ‘‘ مصطفي محمود عضو البورد الغائب
د/ مصطفي متواصل معي ومعرفتي بيهو إنو أكبر من ناصر الحبشي دة بي كتتتتير.
دي مناشدة لي ناصر الحبشي بتاع السعودية ومجموعته ‘‘ إنهم يخلوا الراجل في حالو و يعبر كما يشاء.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: محمد أبوالعزائم أبوالريش)
|
يابني انا ودوما اختي (زي انا والكاشف) بس انا اكبر منها بكاميين شهر وهي مستعربة وانا رطاني ... ووفقا لذك فهي اصغر مني واجمل مني بفراسخ زمانية ومكانية....
وفي هذاالمنبر هنالك من اعلن عمره اليوم حيث ان عيد ميلاده ال 64 هو اليوم ..جميل ان نوضح اعمارنا فكل منا يعيش عمره وليس هنالك ما يستوجب ان نخفي ذلك ...لن يزيدنا اخفاء اعمارنا الحقيقة عمرا اخر ..وفي ذات الوقت الاستفادة من تراكمات تجارب وتبادل لمعرفة ستساعد الكبير والصغير في تناول قضايا امورنا الحياتية التي تزداد تعقيدا ...
انا من مواليد السبت15 مايو 1948 كما هو موضح في ملفي ...
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: محمد أبوالعزائم أبوالريش)
|
| Quote: كن الموضوع الإنت سميتو مخستك، بينبّه لشئ هام جداً. هو إننا تربينا على احترام الكبير |
شكرا ليك يا محمد أبو العزائم ..
بس في شي قد تكون إنت ما إنتبهت ليهو في مداخلتي الثانية هنا ..
أنا نبهت الاخوة أنو ما يعرف ب "خستكة" المواضيع و إخراجها عن مضمونها غير مرغوب فيه ..
بالنسبة لمن هم أكبر مننا يشهد الله اني لم أكتب لهم شي غير كريم في هذا البورد‘‘
ما عدي عمنا عبد الوهاب علي اكرمه الله و عمنا ود الباوقة كنا بنتناقش بصرامة شوية
و هما عارفين سبب الخلاف كان " المؤتمر الوطني بتاعهم دة"‘‘ تركتهم في حالهم منذ حوالي العام.
لا احمل في نفسي الإ الخير للجميع ولولا مكانتكم في نفسي لما تواجدت أبداً في هذا البورد.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
Quote:
يابني انا ودوما اختي (زي انا والكاشف) بس انا اكبر منها بكاميين شهر وهي مستعربة وانا رطاني ... ووفقا لذك فهي اصغر مني واجمل مني بفراسخ زمانية ومكانية....
وفي هذاالمنبر هنالك من اعلن عمره اليوم حيث ان عيد ميلاده ال 64 هو اليوم ..جميل ان نوضح اعمارنا فكل منا يعيش عمره وليس هنالك ما يستوجب ان نخفي ذلك ...لن يزيدنا اخفاء اعمارنا الحقيقة عمرا اخر ..وفي ذات الوقت الاستفادة من تراكمات تجارب وتبادل لمعرفة ستساعد الكبير والصغير في تناول قضايا امورنا الحياتية التي تزداد تعقيدا ...
انا من مواليد السبت15 مايو 1948 كما هو موضح في ملفي ... |
يا سلام عليك يا أبو بكر سيد أحمد ‘‘ "الرطاني" كما يناديك عمنا الطيب شيقوق ربنا يطراهو بالخير .... سررت جدا بمداخلاتكم أنت و الخالة دومة..... فعلا لا يوجد ما نخفيه عمري الان 26 سنة ‘‘ و يشهد الله كما أسلفت في ردودي السابقة للإخوة أعلاه انني لم اختلف معك يوماً نسبة للحكمة التي أجدها في ردودكم و المواضيع المفيدة التي تطرحونها هنا ‘‘ أعتقد أنه لوسادة هنا في المنبر ثقافة إحترام الأكبر منا سناً كما يفعل السودانيين علي أرض الواقع لتحقق الكثير مما نرجوه من هذا المنبر ....أذكر انني إختلفت في هذا البورد من هم اكبر مني سناً , مع عمنا عبد الوهاب و عمنا عمر ود الباوقة وتركتهم لمدة طويل قاربة العام ‘‘ذلك بعدما تعرفت عليهم من خلال الصور و الإحتفالات التي جمعت البورداب علي ارض الواقع .... سبحان الله لم أختلف كذلك مع الرجل الذي أحترمه جدا في هذا البورد وهو العم طلحة السيد ‘لم يتعرف البورداب انه يكبرهم من ناحية السن إلا من خلال بوست الشِجار الذي نشب بينه وبين الاخوة تمبس و وود الصايم وحميد و اخرون.
ننتظر من ينافسكم يا اعزائي , أبوبكر و الخالة دومة ...... وعملية الترشيح مستمرة.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
يا عزيزي احمد .... العمر ليس مقياسا للمعرفة وانما تجربة من عاش وراي وعايش اكثر من الاخر وفي امور مشتركة ... المعرفة هي لمن يريدها ويسعي اليها جاهدا وليس للعمر فيها سلطان كبير ولا وصاية ...الراي ملك للصغير والكبير وليس لكبير سلطة حجر علي راي الصغير .. وانا لدي بنت في عمرك الا قليلا تحاضر في جامعة وتعرف اكثر مني في امور وانا اعرف اكثر منها في امور اخري واستعيين برايها وهي كذلك .وبراي اختها الاصغر منها ...وفي العمل استعين بمعرفة وراي كل الذين معي دون تهميش واقصاء بسبب الدرجات الوظيفية .. انها منفعة متبادلة ..الاحترام المتبادل وبحب كثير هو الذي يخفف من حدة اختلاف في الراي وتباين في المواقف ويساهم في تفاهم وتعايش ....
واصل التعبير عن رايك والدفاع عنه بحب واحترام طالما انت مقتنع به والعمل كذلك لتحقيقه ان رايت فيه منفعة لك وللجميع ....
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: المكاشفي الخضر الطاهر)
|
المناضلة / د. سعاد ابراهيم احمد.
أختلف معها سياسيا لكني لا أملك إلا أن أحترمها و أوقرها فهي قامة سامقة من رموز بلادنا
.. و أدعو الله تعالى أن يمنن عليها بالصحة و العافية و أن يطول في عمرها ..
و هي دعوة صادقة أوجهها عبر هذا المنبر و للاخ طارق الأمين وأسرة بيت الفنون و بورداب الداخل للإحتفاء بهي و تكريمها نيابة عن أعضاء سودانيز أون لاين بمختلف ميولهم و إنتماءاتهم .. فليس منا من لم يوقر كبيرنا ..
د. سعاد كبيرتنا سنا و مقاما ..
لها التجلة و كل الأمنيات الطيبات
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عصام دهب)
|
Quote: المناضلة / د. سعاد ابراهيم احمد.
أختلف معها سياسيا لكني لا أملك إلا أن أحترمها و أوقرها فهي قامة سامقة من رموز بلادنا
.. و أدعو الله تعالى أن يمنن عليها بالصحة و العافية و أن يطول في عمرها ..
و هي دعوة صادقة أوجهها عبر هذا المنبر و للاخ طارق الأمين وأسرة بيت الفنون و بورداب الداخل للإحتفاء بهي و تكريمها نيابة عن أعضاء سودانيز أون لاين بمختلف ميولهم و إنتماءاتهم .. فليس منا من لم يوقر كبيرنا ..
د. سعاد كبيرتنا سنا و مقاما ..
لها التجلة و كل الأمنيات الطيبات |
شكرآ استاذ عصام على هذه اللفته البارعه
والتى تؤكد على احترامك للآخر
اثنى اقتراح تكريمها
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عصام دهب)
|
Quote: المناضلة / د. سعاد ابراهيم احمد.
أختلف معها سياسيا لكني لا أملك إلا أن أحترمها و أوقرها فهي قامة سامقة من رموز بلادنا
.. و أدعو الله تعالى أن يمنن عليها بالصحة و العافية و أن يطول في عمرها ..
و هي دعوة صادقة أوجهها عبر هذا المنبر و للاخ طارق الأمين وأسرة بيت الفنون و بورداب الداخل للإحتفاء بهي و تكريمها نيابة عن أعضاء سودانيز أون لاين بمختلف ميولهم و إنتماءاتهم .. فليس منا من لم يوقر كبيرنا ..
د. سعاد كبيرتنا سنا و مقاما ..
لها التجلة و كل الأمنيات الطيبات |
الأستاذ عصام دهب .. شرفتنا كتير
و إقتراحك و ترشيحك كان فايت علينا ‘‘ فعلا الوالدة د. سعاد إبراهيم تستحق التكريم وكل ما هو جميل ‘‘لابد من مخاطبة السيد طارق الامين للتخطيط لتكريمها كما إقترحت أنت ‘ و سنتبين إن كانت تنافس لنيل لقب كبيرة المنبر عبر البوست.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: المكاشفي الخضر الطاهر)
|
Quote: غايتو انا الاكبر سنا
اها لازم ترسل لي الهديه توب بنقالي وجوز مراكيب قطع الفاشروما تنسي حق البن و الصعوط |
الاخت دوما تستحق الهدية لانها الوحيدة من بنات حواء التي تقدمت الصف واعلنت بصراحة عن عمر قالت انه مسنود بشهادة ميلاد صادرة من مكان
لو ثبت ان لاهله معرفة بتسجيل المواليد في ذلك الزمان فاننا يجب ان نفخر باننا بلد متقدم .. ومن اجل (المجاملة) لهذه السيدة العظيمة فانني (اكرمها)
بتخفيض عمرها للحد الذي ذكرة (اخوها الكاشف) .. وبذلك نحفظ لها سلطانها كامرأة في متوسط العمر ..
| Quote: لعمر 72 سنهمن مواليد بير التوروك لبرهان على مداخلتي أعلاه موجود في هذا البوست |
وحتي لو كان عمرك 72 سنه يا اخت دوما فانني اكبر سنا .. وساعو د لسني في محال المقارنة مع آخرين اعترف في وجودهم باني (وليد صغير) ..
[QUOTE يابني انا ودوما اختي (زي انا والكاشف) بس انا اكبر منها بكاميين شهر وهي مستعربة وانا رطاني
|
اما اخونا الباشمهنس ابوبكر الذي يريد الاعتماد علي كونه رطاني ليجر الاخت دوما وراءه باشهر قليلة فسوف (يجدها عند الغافل) .. وهو مولود
بالصلاة علي النبي في عام 1948 ولذلك نعمده (شلبا) كما عمدنا اخاه الكاشف (دوما) ونطالب باخراجه من المنافسة مع الابقاء علي اخيه الكاشف
لاعتبارات الشجاعة التي اشرت اليها اعلاه .
ونؤيد ابوبكر في رأيه الصحيح القائل
| Quote: يا عزيزي احمد .... العمر ليس مقياسا للمعرفة |
ولاشك ان المجال في المنبر مجال فكر وابداع ورأي وتعبير وهذه كلها لا تتطلب سنا .. ولكن لاينبغي الانتقاص من قيمة هذا البوست الهادف لارساء
قاعدة احترام شرفي قائمة في مجتمعنا السوداني لكبار السن .. وقد خصني شخصيا كثير من المتداخلين معي بهذا الاحترام للسن واصبح حافزا لي لاكتب
وارد واتداخل .. ولست انكر علي الذي وصف مبار السن بانهم (ديناصورات) ولكنني اسال الله له ان يعمر حتي يقال له مثلما قال ويري ان كان ذلك الوصف
سيعجبه ..
اخيرا فانني اكبر من الاخت دوما والاخ المهندس العظيم ابوبكر سواء كان ذلك بحسابها او بحسابه .. لكنني بالقطع اصغر كثيرا من الدكتور منصور خالد
والاستاذ خالد العبيد ان كانا يحتفظان بعضويتهما بالمنبر وادعوا لهما بطول العمر ..
| Quote: اليوم عيد ميلادي ال 64 إحتفلوا م |
واقول للاخ محمد ابو العزائم ابو الريش كل سنة وانت طيب .. ولي قدام .. وانت شباب دائم انشاء الله ..
عمر علي حسن
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: عمر علي حسن)
|
ياجنابو عمر .. تقبل الله صيامك وقيامك ....
يو اشا هي كبيرتنا من زماااان وقبل ما تكبر عمرا وانا اذكر انها كانت كبيرتنا ونحن تلاميذ في الوسطي علمتنا كيف نتظاهر رافضيين اغراق وادي حلفا وحينها هي ذاتها كانت طالبة علم ... اما دوما فالعمر يزيدها شبابا واحترمها لجمال روحها وجمالها وثقتها فيهما بحيث كانت اولي اخواتنا هنا ممن اعلن عن عمرهن ولا انسي هنا صحبي الجميل سلمي سلامة التي تعلن عن عمرها بانتظام عند كل عيد ميلاد لها وهي الاخري يزيد عمرها فتصغر .. اما انا فاستفيد من الديسكاونت الذي يوفره هذا الجمع الجميل فازداد شبابا ولو ان الحلاوة الزايدة (السكري) لديها علاوات اجبارية .....
اما جنابكم فالمنضبطون والرياضيون روحا وبدنا امثالكم لديهم ديسكاونت خاص جدا .....
اتمني للجميع صحة وسعادة فهما العمر الحقيقي...
مودتي
ابوبكر
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
| Quote: يو اشا هي كبيرتنا من زماااان وقبل ما تكبر عمرا وانا اذكر انها كانت كبيرتنا ونحن تلاميذ في الوسطي علمتنا كيف نتظاهر رافضيين اغراق وادي حلفا وحينها هي ذاتها كانت طالبة علم ... اما دوما فالعمر يزيدها شبابا واحترمها لجمال روحها وجمالها وثقتها فيهما بحيث كانت اولي اخواتنا هنا ممن اعلن عن عمرهن ولا انسي هنا صحبي الجميل سلمي سلامة التي تعلن عن عمرها بانتظام عند كل عيد ميلاد لها وهي الاخري يزيد عمرها فتصغر .. اما انا فاستفيد من الديسكاونت الذي يوفره هذا الجمع الجميل فازداد شبابا ولو ان الحلاوة الزايدة (السكري) لديها علاوات اجبارية ..... |
كتير يا عزيزي من الذكريات عشان نعرف صاحب اللقب ‘‘ و التحية للإنسانة التي أحترمها جدا "سلمي الشيخ سلامة" عيد ميلادها السابق كان قبل شهر و سعدنا و فرحنا معها ‘‘ إنشاء الله الايام كلها أفراح بدون احزان واسأل الله أن يديم علي الجميع نعمة الافراح ‘‘‘ و يوم وراء يوم سنحتفل بي بكل من نحب ففي هذا السودان الصغير‘‘
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: abubakr)
|
| Quote: يا عزيزي احمد .... العمر ليس مقياسا للمعرفة وانما تجربة من عاش وراي وعايش اكثر من الاخر وفي امور مشتركة ... المعرفة هي لمن يريدها ويسعي اليها جاهدا وليس للعمر فيها سلطان كبير ولا وصاية |
بلا شك يا قريبي أبوبكر سيد احمد ...
العمر ليس مقياس للمعرفة ...... ولكن الذي أقصده هنا أن الإنسان كل ما العمر يتقدم بيهو بيصبح أكثر خبرة للتعامل مع الامور ..... وبالتأكيد مسألة تثقيف النفس و التعلم لا يتوصل إلي الانسان إلا بالسعي إليها.... اما الخبرة فتكتسب من خلال إحتكاك الفرد في مجتمعه لسنوات طويلة.
| |
|
|
|
|
|
|
|
|
 Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
***- انا مابقول لك كم عمري، ولكن...
1- عاصرت زمن الانجليز، وشفت الحاكم العام البريطاني راكب حصانه الابيض وبتفقد الاسواق،
2- درست في مدرسة وحفظت ( في القولد التقيت بالصديق انعم به من فاضل صديقي)،
3- ركبت الحنطور من الطابية لحد بيوت الحرس،
4- ركبت الترمواي من شارع الدوران لحد سينما برامبل بامدمان ودفت "فرينـي"،
5- كنت بحب اغاني زنقار وعائشة الفلاتية، ويجوا عائدين ان شاء الله عائدين،
6- كان عندنا في البيت راديو كبير بشتغل بالبطارية، زي بطارية العربات،
7- ركبت القطر من الخرطوم لمدني وشاقي الحصاحيصا،
8- عاصرت زمن صديق منزول ( المايسترو)...وقرعم ( خالقها)!!
9- شربت البزيانوس والكيتي كولا، والمشروب كان تمنه قرش صاغ مصري،
10- قعدت مع الشيوعيين ورموز السياسة الكبار في قهوة عم دهب بميدان عبدالمنعم،حاليآ نادي الاسرة،
11- كنا نبعرف الممثلين الاميريكان ونبحب بصورة خاصة افلام: جاري كوبر، استيف، كيرك دوجلاس، جيمس دين، شارلي شابلن، جون واين، هيدي لامار، جاك بلانس، فرانك سيناترا، سامي ديفيز، ايرول فلين، فكتور ماتيور، مارلين مونرو،وصوفيا لورين،
12- اشهر الافلام المصرية في زمنا كانت: سجين ابوزعبل، جعلوني مجرمآ، غزل البنات،
13- سعر تذكرة السينما كانت ب 3 قروش ونص،
14- تذكرة الطيارة من الخرطوم للقاهرة ذهاب واياب ب30 جنيه مصري(ماطلعت وقتها قروش سودانية)،
15- اشهر قهوة في الخرطوم كانت قهوة المحطة الوسطي، ملتقي المثقفيين وناس السياسة، قام نميري بالغاءها بعد احداث 19 يوليو 1971، كانت وقتها محل لقاء الشباب والونسة لحد الساعة 11 ليلآ،
15- الدنيا صيام ورمضان، ماعاوز اكتب لك عن زمنا الجميل، والحرية الشخصية المصانة، تشرب بيرة ولاكورية مريسة ولابيرة ستلا مافي زول شغال بك شغلة،، والغني يشرب المستورد وماادراك ماالمستورد ( 29 نوع ) من لعن الله حاملها وشربها!!
16- جامعة القاهرة فرع الخرطوم سابقآ كان اسـمها "مدرسة الملك فاروق" وقتها،
17- الدولار كان في زمنا كان بساوي 3 جنيهات سودانية و66 سنت،
18- اول عدد من جريدة (صوت السودان) طلع في مايو 1940،
19- اول عدد طلع من جريدة ( العلم) بتاعت ناس الازهري في عام 1953،
20- اول عدد طلع من جريدة (الرأي العام) كان في منتصف مارس 1945،
21- اول عدد طلع من جريدة (الميدان) كان في 2 سبتمبر 1954،
22- اول عدد من جريدة الاخوان المسلمين ( الميثاق الاسلامي) كان في عام 1964،
23- عاصرت كمان زمن ظهور حزب الامة لاول مرة في 28 يناير 1945،
24- الحزب الاتحادي اتكون في نوفمبر 1952،
25- حزب الشعب الديمقراطي في 27 يونيو 1956،
26- الحزب الشيوعي ظهر لاول مرة فياغسطس 1945،
27- حزب الاحرار الجنوبي ظهر في اواخر عام 1953،
28- عاصرت قيام الجمعية التشريعية عام 1948،
29- وحضرت زمن اول تمرد عسكري في الجيش السوداني في 18 اغسطس 1955،
30- وحضرت زمن الحاكم البريطاني الكان عنده هيبة وحضور،وله احترام وكلمته ماتنزل الواطة، وقوانينه مطاعة وسلطاته نافذة وقوية،
***- رحم الله تلك الايام الخوالي....
***- اها قدر عـمري كم سـنة?!!
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: talha alsayed)
|
الاستاذ بكري الصائغ
تحياتي
والله قد عشت في القديم الجميل والان تشهد عهد القهر والظلم والسرقه والاستهبال والدعوة لاسلمة المجتمع
يا سلام علي مانفيستو الحياة التي عشتها ترماج وترام وقطارات وسكه حديد وبوسطة ومدرسة اسطي
وحدائق وغناء وسكر وبوح بمحبة من تسكر به ان بفضل خمرة الدنيا او خمرة العشق الالهي ومدد يا سيدي مدد
مدارس تنشر التعليم ومدارس الان خاوية علي عدم العلم والمقاعد والغش
وصحة جيدة وناس مبسوطه
الان علامات صلاة ان جد جد او بفعل المصريين تدفع لهم نظير وضع علامة صلاة وعمة وشوية ارزقية منتشرين علي الطرقات
تكفير وارهاب مثل مسجد الطائف وداعيته للارهاب والاكراه محمد عبد الكريم
وشيخ عبد الحي يوسف اول من دعا الي حرق معرض النصاري بجامعة الخرطوم وهو مسئؤل تعليم الثقافة الاسلامية تصدق
انت عشت زمن رائع وجميل وتعلمت خير التعليم
قاتل الله الهوس الديني نشر الفساد والارهاب والذل والهوان والان يقسم البلاد بعدما عذب العباد
لك الحب والسلام
نعم الجنيه يساوي 3 دولار وتلت الي ان بدا التخفيض المجرم رحمه الله النميري علي يد بدر الدين سليمان
في مايو قد خفض الجنيه اربعتاشر مرة بداية من 1978 والي 1985
وعينك ما تشوف الا النور بعد ان اتت عصابة الدولة الاسلامية
ونشروا شعار
لا لدنيا قد عملنا ....................................
وووووب علينا لغف في اي حته مجرم او صعلوك باسم الاسلام يزمجر ويسرق في خيرات البلاد
ويوصف بالقوي الامين ويستبدل باحسن مما كان يعمل وغلمان ونشر الرذيلة والفساد وانت لك ملف كبير في فضحه
المقام مقام ناس كبار اتعلم منهم منهن لذا اتاسف لهذه الاطالة
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
الأخ الـحـبيـب الـحـبـوب،
talha alsayed
تـحياتي ومودتي،
وألف شكر علي دعواتك الطيبة في حقي، وعليها ألف شكر اخري علي تصيـحيح المعلومة، وجزاك الله عني كل خيـر وسؤدد.
***- لما قامت الشكلة المشهورة بين الفنان الراحل ابراهيم عوض والفنان الكبير محمد وردي سنة 1957، كنا كبار وواعيين، ناس امدرمان انحازوا لابراهيم وناس قبيلة من( اندينا) ومعاهم ناس الخرطوم انحازوا لوردي. سبب الشكلة انو ابراهيم عوض كان وقتها فنان السودان الاول وخاصة سط الشباب والبنات (بالمناسبة :الفتيات في زمنا كنا بنسميهم حمام او قماري، وعشان كده طلعت لهم اغنية اي سرب يتهادي للمرحوم الفنان سيدخليفة)،
***- وكان ابراهيم عوض هو سيد الساحة الغنائية، قام الفنان محمد وردي مشي له بغرض مساعدته في سماع اغانيه للمسؤولين بالاذاعة، ابراهيم عوض طلب من وردي ان يسمعه اغانيه، فغني وردي اربعة اغنيات ولكن ابراهيم عوض ابدي عدم اعجابه بالاغاني ونصـح وردي يشوف له اي شغلانية غير الغناء،
***- وطارت الشكلة بينهم طويلآ ولم يتصالحا الا في السبعينيات!!!
***- اها قـدر عـمري كم سـنة?!!
***- لك مودتي اخـي طلـحة.
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: بكري الصايغ)
|
B]لاسباب يبدو انها فنية نزلت مدااخلتي مع مداخلة اخري لذلك فانني اعيد ارسالها علي جزئين لعلها تصلح للقراءة
الجزء الاول
Quote: غايتو انا الاكبر سنا
اها لازم ترسل لي الهديه توب بنقالي وجوز مراكيب قطع الفاشروما تنسي حق البن و الصعوط |
الاخت دوما تستحق الهدية لانها الوحيدة من بنات حواء التي تقدمت الصف واعلنت بصراحة عن عمر قالت انه مسنود بشهادة ميلاد صادرة من مكان
لو ثبت ان لاهله معرفة بتسجيل المواليد في ذلك الزمان فاننا يجب ان نفخر باننا بلد متقدم .. ومن اجل (المجاملة) لهذه السيدة العظيمة فانني (اكرمها)
بتخفيض عمرها للحد الذي ذكرة (اخوها الكاشف) .. وبذلك نحفظ لها سلطانها كامرأة في متوسط العمر ..
| Quote: لعمر 72 سنهمن مواليد بير التوروك لبرهان على مداخلتي أعلاه موجود في هذا البوست |
وحتي لو كان عمرك 72 سنه يا اخت دوما فانني اكبر سنا .. وساعو د لسني في محال المقارنة مع آخرين اعترف في وجودهم باني (وليد صغير) ..
عمر علي حسن
| |
|
|
|
|
|
|
|
|
|
Re: من هـو أكبر أعضاء المنبر (في السِن)....... أكبر زول/ة في المنبر دة منو؟ (Re: احمد محمد بشير)
|
الأخ الـحـبيـب الـحـبـوب،
Sabri Elshareef
تحياتي ومودتي،
وسررت بزيارتك المقدرة، وجزاك الله كل خير علي دعواتك الكريـمة في شخصي الضعيف.
***- تعرف ياألشريف، زمان كنا بنسمع بحاجة اسمها زمن "الجاهلية الاولي"،وكان شيخ الخلوة يشرح لنا شنو الكان حاصل وقتها، وكيف عرب زمان بعيشوا وكيف كانت سلوكياتهم!!، ومرت السنيين الطوال ونسيت الحكاية مع مشاغل الدنيا لحد ماطبق نميري مااسماها وقتها ب"الشريعة الاسلامية" في سبتمبر 1983، ولقيت الناس بقت تتكلم عن عودة الجاهلية الاولي، التي طورها الحزب الحاكم لنعيش زمن "الجاهلية الاولي برئاسة طالبان السودان"!!
***- السودان الجميل بتاع زمان ضاع بسبب النميري والبشير، واحال النظام الحالي البلاد الي قطعة من جهنم!!، ياأخي ألشريف، لايمكن باي حال من الاحوال تقارن الوضع الجميل والحياة السهلة ايام حكم الحاكم العام في سنوات الاربعينيات والخمسينيات بالوضع الاسلامي الردئ الحالي?!!، زمان كان للسوداني هيبة ومكانة في كل مكان، والرؤساء الانجليز كانوا دائمآ يصرون احترام السوداني فسـمحوا بفتح الخلاوي والمدارس وبنوا كلية غردون التذكارية لتخريج كوادر تدير الدولة، وكان التعليم مجانآ، والطالب مابدفع مصاريف في المدارس او بكلية غردون، كانوا طلاب الاقاليم يسكنون مجانآ في الداخليات " البركس" ويتعالج مجانآ والوجبات الثلاثة مجانآ علي حساب الجامعة،
***- قبل ايام قليلة نشرت الصحف المحلية بهجـرة 1800 طبيب سوداني فروا بجلودهم من نظام طالبان السوداني، وقبلها كتبت الصـحفرب وجود ازمة بين الطلاب الفقراء بسبب عدم سـداد الرسوم الجامعية?!!، طيب الطالب بتاع دارفور يجيب من وين الرسوم واغلبهم ماعندهم اولياء امور?!!، قبل ايام قليلة برضو وقعت مشكلة للطلاب البدرسو علي حسابهم الخاص بالعملات الاجنبية بسبب ارتفاع اسعار الدولار!!! واحدة طالبة صرحت عديل وقالت ( لو البشير كان عنده اولاد او بنات بالجامعة كان الحال بكون غير حالنا حسه..لكن لانه محروم من الخلفة وماعنده اولاد ولابنات عشان كده مامهتم بنا ولابمستقبلنا)!!، حكاية زي دي لايمكن وتلقاها في زمنا الجميل الولي وفات، يعني الحاكم البريطاني لو عنده اولاد او ماعنده كان بهتم بالطلاب السودانيين زي اولاده!!
***- في زمنا الجميل داك كنت تلقي القانون مطبق علي الجميع لافرق بين سوداني وغير سـوداني والقوانين عندها مهابة واحترام. الليلة بكل سهولة تسمع باختفاء 300 طفل من دار المايقوما ولاواحد بسأل وين الاطفال ديل راحوا ولاكيف طلعوا من الدار?..تقرأ خبر اختفاء 10 مليار جنيه من خزينة وزارة الشئون الانسانية . .افلاس بنك النيليين، افلاس بنك نيما، افلاس خزينة ولاية الجزيرة وماتلقي تحقيقات ولااجراءات قانونية، وتقرأ بدل الاخبار تطبيق القوانيين الصارمة علي بائعات الشاي واللقيمات!!
***- في زمنا الجميل داك، ماكانت في مخدرات، الليلة الحكومة بتحارب الشيشـة وسكتت عن البنقو والافيون الدخل المدارس والجامعات!! كنا بنسكر ونعربد ونعمل السبعة وذمتها ولكن ماكان في زمنا دار "مايقوما"،، الليلة تسمع بالسودان الاسلامي الحضاري وكيف ان الحكومة تطبق الاسلام وعندها دار" مايقوما" بستقبل" كل سنة نحو 700 لقيط....... وبعترف بوجود مافيات لتجارة المخدرات والادوية الفاسدة والعملات المزيفة وعصابات تستورد السلع المسرطنة!!!
***- ياحليييييل زمنا الجـميل ياألشريف...وياليت ايام الشباب تعود يومآ...فاحكي لها مافعل...الـمشــيـر!!
***- لك مودتي اخي صـبـري.
| |
|
|
|
|
|
|
|
|
ما اخونا الباشمهنس ابوبكر الذي يريد الاعتماد علي كونه رطاني ليجر الاخت دوما وراءه باشهر قليلة فسوف (يجدها عند الغافل) .. وهو مولود
بالصلاة علي النبي في عام 1948 ولذلك نعمده (شلبا) كما عمدنا اخاه الكاشف (دوما) ونطالب باخراجه من المنافسة مع الابقاء علي اخيه الكاشف
لاعتبارات الشجاعة التي اشرت اليها اعلاه .
ونؤيد ابوبكر في رأيه الصحيح القائل
Quote: يا عزيزي احمد .... العمر ليس مقياسا للمعرفة
ولاشك ان المجال في المنبر مجال فكر وابداع ورأي وتعبير وهذه كلها لا تتطلب سنا .. ولكن لاينبغي الانتقاص من قيمة هذا البوست الهادف لارساء قاعدة احترام شرفي قائمة في مجتمعنا السوداني لكبار السن .. وقد خصني شخصيا كثير من المتداخلين معي بهذا الاحترام للسن واصبح حافزا لي لاكتب وارد واتداخل .. ولست انكر علي الذي وصف مبار السن بانهم (ديناصورات) ولكنني اسال الله له ان يعمر حتي يقال له مثلما قال ويري ان كان ذلك الوصف
سيعجبه ..
اخيرا فانني اكبر من الاخت دوما والاخ المهندس العظيم ابوبكر سواء كان ذلك بحسابها او بحسابه .. لكنني بالقطع اصغر كثيرا من الدكتور منصور خالدوالاستاذ خالد العبيد ان كانا يحتفظان بعضويتهما بالمنبر وادعوا لهما بطول العمر ..
Quote: اليوم عيد ميلادي ال 64 إحتفلوا معي
كل سنة وانت طيب .. وانت ياخي شباب دائم انشاءالله
عمر علي حسن
| |
|
|
|
|
|
|
احمد محمد بشير
Mohamad Shamseldin
محمد عبد الماجد الصايم
معاوية عبيد الصائم
ذواليد سليمان مصطفى
عبدالله كع
doma
محمد الامين محمد
Al-Shaygi
محمد أبوالعزائم أبوالريش
صديق مهدى على
abubakr
المكاشفي الخضر الطاهر
talha alsayed
Adil Hamza
يوسف محمد يوسف
HOPEFUL
عبد اللطيف عبد الحفيظ حمد
salah awad allah
صلاح غريبة
Deng
خالد العبيد
Gaafar Ismail
فيس بوك
تويتر
انستقرام
يوتيوب
بنتيريست