|
|
 ارشفوه من عيني و ما قدروا حجبوه
|
يا اخونا ما قادر ادخل البوستات
حالة كوني جديد .. الحاجة دي عامة؟
و لّ عشان انا يتيم؟
كل ارشفة و انتم بخير
----------
التحية يا ريس
و ربنا يعينك ياخ
كل ارشفة و انت بخير ياخ
|
|
 
|
|
|
|
|
|
|
 Re: ارشفوه من عيني و ما قدروا حجبوه (Re: قيقراوي)
|
كل أرشفة و انت بخير
و ربع جديد و سعيد عليك
لا كرفسة مشاعر لا أم دلدوم طاير..
لا تلبس طواقي لا يجدعوا ليك البواقي..
تتعلى ما تتدلى.. و من قيد السرايا ما تنحلا
و يشيل فيك الحنان و تغيظ بيهو قمر القال (يع) و ود جبريل و ناصر و أيمن الطيب كمان..
..
و بس..
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: مها عبد الله)
|
مها يا رفاعة
Quote:
يا الأرشفوك وفي الدولاب ختوك
كل أرشفة و إنت بخير وعافية العزيز قيقراوي
|
مشتاقين يا صديقة
العنوان فيهو غلط. كان مفروض يكون كدا :
ارشفوه .. و من عينيّ ما قدروا حجبوهوووووو!!
ما تجيب سيرة الرفوف ياخ .. اسي تهيجي علي اشجان المكتبة ساي 
الموضوع دا انا نسيتو .. لكن بتاور كل ما تجي سيرة رف و لّ اي شئ يذكرني المكتبة.
بكري ذاتو قدر ما حنسناهو .. يتيم .. مهمش ( مزدوجة من المركز الجغرافي/الادري و من المسغفين و الادارة هنا ) .. اصلو ما حنّ كلو كلو .. التقول داير يديني المكتبة المين اتسلف هو!!
تتذكري الزول - زميلنا في السرايا البمبية - القال هو ح يحفظ المكتبة كلها عشان لمن تحرق يكون هو المرجع الوحيد!!
اها اخوك قرر - قرارن خطير لا رجعة فيه - انو يحفظ بوستاتو في دقنوسو المكودص دا .. و يبقى المرجع الوحيد .. و يبقى المجد ذاتو ياخ!
اييييييه!!
حلينا فيها .. و حليل زمن المكتبة المين و مكتبة بزنس .. و حليل التجمع الوطني الديموقراطي
اخبارو شنو بالله .. لسه ديموقراطي؟
--------
يا عزيزة
متابعك و مواصلك بالحرف ..
و قديمن قيل* في الاثر : البودك ببقى فاكرك رغم حرمان الظروف .. و البعزك دا البواصلك حتى لو كان بالحروف
فما تنقطعي ياخ .. و عافي منك و رضيان عليك يا برلومة
دي من أثر احاديث القول SMSاٍ و تأثرو المباشر على ذاكرة واحد قيقا .. بس يا حرااااام
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: حبيب نورة)
|
Quote:
قيقررررررررة
أرشفوهو ورشوهو بالجمكسين ياخ
أبقي طيب
|
و الله يا حب لقد هرمنا عديل في انتظار هذه اللحظة التاريخية
لأول مرة احضر الارشفة لايف و اشوف كيف بختوا كل جركانة في مكانا .. المنبر برا .. و الارشيف براهو!
ياخ كل مرة ادقس القى ليك الشغلة كلو ستة في حتة .. و اعضي بنان الندم الاسفيري ببوست
اما دا .. فحاجة تانية خالص ..
تعبير عن فرحة اللحظة التاريخية دي ..
زي ما قال ناذر ..
كنا قاعدين في امان الله ..
فجاة كدا نلقى ليك زول طفى النور و بقى يلكز فينا نتخارج
تعفص محل بعملوا المداخلة .. يقول ليك : ووووووووووين يا فردة!!
الكلام دا هناك .. عندكم في البلد!! .. وبسسسسس اقصد في المنبر العام .. ابتسم انت في الارشيف
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: Sana Khalid)
|
| Quote: و يشيل فيك الحنان و تغيظ بيهو قمر القال (يع) و ود جبريل و ناصر و أيمن الطيب كمان.. |
هاهاهاها .. دي كلها تطمينات ساكت من سناء
يا الارشفوك!
ارجع العنبر ... باقي ليك تلاته جلسات جمكسين بالحليب .. تاخدهم زي الترتيب و بعدين نشوف مؤشر الحنان.
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: الشفيع عوض شوشتا)
|
شوشتا يا شوشتا
Quote:
يا صحبي
بعيد عن موضوع الأرشفة
مشتاقين ياخ
|
مسكين الشوق لو زي شوقك!
وينك يا مان؟
صليت عليك صلاة الشوق .. نافلة و مسبوق بركعة حب
قريباً من موضوع الارشفة بعيداً عن الشوق
قصة التهكير شنو مع الراكوبة!؟
القصة ما صحيحة مش؟
و شنو ياخي غاسل يدك من دعم مطلب اخوك العادل بمكتبة تخصه تماماً هنا
شنو ياخ ما دفناهو سوا بهناك .. قول لبكري دا كلنا كنا نوزع الظلم باسم ( الادارة ) في المنبر العام من الغرف الدمار ( دي منتدى الادارة )
لووووووووول
كانت لنا ايام .. لها ايقاع و بنقز و ربابة .. لكن لي اسي كمنجات ضائعة.
الله يعينكم
بالجد البوست دا كان فكرتو انو يلجم شهوة المناقرة الاتلبستني في الارباع الفاتت ( كلو من أمين خال حمور - انا بحملو المسئولية كاملة ) ياخ قبل ما اعرفو كنت مواطن اسفيري صالح لساني يلهج بالشكر و الدعاء للريس و انا اردد : الرغيفة كبيييييييييرة و المواصلات الاسفيرية فااااااااضية " قبل و بعد العرض " ) اها صاحبتو و عاديت الشرعية الدستورية، و غرر بي بثورتو المزعومة دي، حيث لا ثورة هناك .. لا قامت ثورة لا خلانا نبقى مواطنين اسفيرين صالحين.
قريباً للانصاف .. بعيداً عن كسير التلج
طوبى للإداريين .. في كل مكان
لن ترضى عنك جموع البورداب في كل الاحوال
فواصلو كشجرة الصندل و عطروا فئوسنا ما تشتغلوا بينا كتير
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: عاطف عمر)
|
Quote:
إنت متأكد أنو ود البشرى دا صاحبك ؟؟؟
|
انا ما متأكد انا منو ذاتو!* خليك لمن اتاكد من اصحابي
لكن للضمان كدا : اللهم عليك باصحابي .. اما اعدائي فانا بباصر لي سكة اخارج بيها نفسي من شرهم طالما لسان حالهم [ شهوة ان تكون الخصومة في عزها واااااااضحة ] و بعملوها ظااااهرة.
اللهم من عاداني فامسخه ######اً و اكفني حرباً .. هذا الدعاء و سنساعده بالجكة ( اللهم زيّت تروس كرونة الكــلب الح نركبا عشان تساعدنا برضو في الجكة )
لكن الاولانين ديل ما مضمونين كلو كلو فتكفل بهم. و لا تكلني على نفسي طرفة عين، ديل بطاعنو ساي
اها جيهتم ليك يا عاطف؟
------
Quote:
ياتو واحد فيهم يا عمك
عشان نعرف نعزي ؟؟؟
ما تقول لى البوست الفيهو ( فيصل نوبي ) ؟؟؟
وشوتته الضفارية
|
هي داب شوت ضفاري؟
دا ضفرو خش جووووة الكورة و نفسا تسسسسسسسسسس
لكن تقول شنو التحكيم فاااااشل .. نطوا في راس اليتيم دا حلاقة سااااااي
شئ اجندات خارجية ( خارج البوست ) .. و شئ عمالة لقوى اسماءها اجنبية ( الانسة منشن، و محاميها شرشبيل الشرير )
في تهمة تانية كمان - سرية دي ما تكلم زول سمح - ( التخابر مع قوى استعمارية .. و لاحقاً - دا السر - التخابر مع العدو ذات نفسو!!
يا عزيزي و الله مؤشر النفسيات كان ما دون الاحمر و ما فوق البنفسجي
فكنت محتاج لي سرير سريييييييع و لون ( اصفر ) فاقع
و صيحة ( نادوا لي الطبيب )
بس لقينا الكهرباء قطعت
مشتاقين يا فردة
وينك ياخ!؟
| |
|
|
|
|
|
|
|
|
 Re: ارشفوه من عيني و ما قدروا حجبوه (Re: قيقراوي)
|
| Quote: و لّ عشان انا يتيم؟ |
مالك علي يا قيقراوي ياخ
عامل إسمك ود عم القرضابي ده
كيفنك واريتك طيب
انا زاتي يتيمة اب , لكن اي يتيم بقطع قلبي حتى كان راجل طول بعرض ولا مرا مشلخة مطارق
بس ما يقولوا لي فلان اليتيم , دمعي بتشتت ويغلب اللقاط . دحن سلاحك ده تاني ما تختو في حوش بكري ده
انا لافحة توبي وحايمة , اقوم اسمعك اقعد اجوعر , خسووووووسا اليومين ديل مارقالي من بعيج بطون اجارك الله لوووووولز
اها نجي للأرشفة ولي بكري اب صلعة
عارف لما تكون مقروض في بكري ده , ولا يكون أرشفلك شيء
ما تجيهو في حوشو الوسيع ده , خلق الله كتااااااااااار بطنشك ,
والله صحي
اسعلني انا بعرفلو كويس
اها عمنول لفحت بوستاتي في كرتونة شيء جر وشيء سويتلو وقاية في صنقوري وعتلتو لي بوستيه الليل الأرشفة
وفي باقي بوستين تلاتة لحقوني ليهن الشفع بي عجلة
اها بعد ده كلوووووووو قووووووم يا بكري انسا لي هتشي ده كلو والفحوا مع الأرشفة
بعد التعب ده كلو ,و وحالتي كاتبة ليهو جواب طويل عريض وسلام ومطايبة شديدة , حتى فرشت بوستاتي
وبعدها شكر شديد وما خليتلو شيء
وحاتك ولا جاب خبر. وسفرهن لي بالمحلي لي الأرشفة , خمسة بوستات خمــــــــــــسة في عين العدو,
اها عاد ما كضبت ..طوااااااالي كراتيني الجبت فيهن البوستات ديل طرحتهن وفرشتهن قداااااااام خشم باب بيتو الجووووووة
ما الحوش اللامي دة ,,,, , عنده طاقة في بطن بيتو إسمها المسنجر ,, فرشت كراتيني فيها وحرستلو الباب
وملخت لي فرع من شدرة النيمة القدام البيت واشتغلت اكوكو
النهار ما طال والليل ما طال كو كو ,, كو كو ,, سويتلو سافوتة
ناس البيت زااااتهم بكونوا كجنوني , قلقت منامو , ده غير دعواتي ,, كشفت راسي ونهمت جدودي التسعة وتسعين
واشتغلت انده واناغم وفيهو واقولهم عليكم بي بكري ود ام بكري , الله يهديه ويرضي عليه ويجعل البركة فيه
ويرجعلي بوستاتي ’’ وإن ما قدرتو عليهو اقلبو النهيمه والدعوات , ولحقولو البورد امات طه, سلطوا هكوري لي بكوري
يخمج ويعوس ويخلي بكري بالليل يكوس لووووووووووولز
اها يا قيقراوي ود عمي ابقى عشرة على الوصية
بكري ده في عضمو حنين وحات الله علا مشغول ألف , ات ما عليك إلا تتلحوا ,,
إن رجعلك بوستاتك ناولني البياض ,,, آآآآآآىي البياض الواحد ده , خشمي وجعنى من النضمي والوصف من قبيل
والله صحي
ودعتك الله
التعديل من العجلة ولفح الحروف لووولز
(عدل بواسطة اسماء الجنيد on 04-02-2011, 11:24 AM)
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: اسماء الجنيد)
|
ستنا سوما
Quote:
النهار ما طال والليل ما طال كو كو ,, كو كو ,, سويتلو سافوتة
ناس البيت زااااتهم بكونوا كجنوني , قلقت منامو , ده غير دعواتي ,, كشفت راس ونهمت جدودي التسعة وتسعين
|
اولن ألف لا بأس عليك .. حمد ألف على السلامة .. كفارة و أجر ان شاء الله
ما تشوفي شر يا ستي
اما بعد
موضوع " اليتم " البركة فيكم ان شاء الله
تعرفي في الجامعة مرة بطاقتي وقعت لمّ فيها صاحبن لينا مطوفش، لقيتو ليك مستغرب جداً جدن حتى آدم همسلف!!
سألتو من سبب العجب؟ .. قال لي اسمك فتح الرحمن خلف الله و ومكان ولي الامر كاتب عبد الكريم خلف الله!!
تيب دي فيها شنو!؟
عارف مطوفش لكن ما كنت قايلا للدرجة دي! .. قلت ياخ اديو السبب الببطل العجب : قلت ليو لأنو ابوي ميت
انقري عمل شنو؟
رما البطاقة زي الماسيهو جن و اداني الفاتحة في امان الله!!
و ديك يا القلدة
هو يا الغبيان ميت الليلة!؟
ربع قرن من اليتم المتواصل .. و الدنيا دي تدقش فيني يا ستنا
السنة دي اليوبيل الفضي عديييييييييل
الغريبة المكنة دي شغالة معاي الزمن دا كووووووولو .. اصلو ما احتاجت تزييت كلو كلو!
عشان خاطرك بس يا ستي بنخردا .. و نشوف لينا مكنة جديدة
اليتم حااااار .. صعب جداً في الدنيا الظالم اهلها دي تفقد ابوك!! .. تفقد الستر و الغطاء و السند
--------
Quote:
بكري ده في عضمو حنين وحات الله علا مشغول ألف , ات ما عليك إلا تتلحوا ,,
إن رجعلك بوستاتك ناولني البياض ,,, آآآآآآىي البياض الواحد ده , خشمي وجعنى من النضمي والوصف من قبيل
والله صحي
ودعتك الله
|
جيتي تبيعي الموية في حاااااارة السقايين؟
ما اتاك حديث الكوكب النضاح انتي؟
قيقا فكي ديغيتال فضلة خيرك ( يجيب المافي و يروح الفي )
و البياض وون لاين .. اديك رقم الحساب؟ [/IMG]
ياخ ما تشرفينا بجاي لو سمحت ظروفك
السراي الصفراء ..
دا البوست الكنت بحاول اشارك فيو
بكري بكرهني ياخ .. عشان كدا تاني ما بعمل لي بوست براي .. بس مع الاخوان بس
الا كان قرر يحن و يدني مكتبة .. وكتها لكل حادثة حديث
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: قيقراوي)
|
| Quote: الا كان قرر يحن و يدني مكتبة .. وكتها لكل حادثة حديث |
بكري بكجني انا المرة دي
شايلة عصاتي واباري فيك اعدلك راسك
والله صحي
اها المكتبة دي تصنقع هسسسسسسه لا فوق
شايف الرفوف الفوق دي التحت علاوينو الماكنة دي
اها خاتيلو رف كاتب فيهو بوستات لمكتبتي
تدخل طوالي تلقى الناس الفااااااااااالحة وعارفة وغتيتة لوولز ما بتنضم آآي
تلقاها كلها عندها مكتبات
اها طوالي تقيف في الصف وتفتحلك صفحة وترص فيها الكتبتو من جيت السهلة دي
اها وتقولو حررررررررم تديني مكتبة ومافيش حد اسحن من حد ,, آآي اسحن حبوبتي الله يرحمها بتقول اسحن
ودعتك الله
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: اسماء الجنيد)
|
Quote:
اها وتقولو حررررررررم تديني مكتبة ومافيش حد اسحن من حد ,, آآي اسحن حبوبتي الله يرحمها بتقول اسحن
ودعتك الله
|
سوري ياخ
ياخ انا و الله مكيفاني حكاية ودعتك الله دي
لو واصلتي في الدرب دا بتشيلي اللقب انت دي ..
و ما عندي مانع اسلم راية : " مرقة ليست كمرقة سوما "
اها دا ما ضنب كوكو اسي؟
------
السطر الاخير دا بكري رايو فيو شنو؟
ياخ ما يدني مكتبة دي مفهومة .. لكن كمان البزار شنو؟
اسي في ي ي ذمتك مكتبة لامين ياسمين يسوي بيها شنو ذاتو!؟
دا البكسر مؤشر النفسيات ذاتو!! .. و بجنن بوبي
يا للظلم
ظلم الحسن و الحسين بس!
لووووووول
عندنا جارتنا شابكانا ليك " ظلم الحسن لي الحسين "
لووووووول
الحسن ما بظلم اخوه يا حاجة! .. حاشهو سليل العترة الفاطمية
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: قيقراوي)
|
Quote:
كل أرشفة و انت بخير
و ربع جديد و سعيد عليك
لا كرفسة مشاعر لا أم دلدوم طاير..
لا تلبس طواقي لا يجدعوا ليك البواقي..
تتعلى ما تتدلى.. و من قيد السرايا ما تنحلا
|
آمين يا دكتورة .. آمين شديد
دنا غلباااااااااااان
| |
|
|
|
|
|
|
|
|
|
Re: ارشفوه من عيني و ما قدروا حجبوه (Re: حافظ حسن ابراهيم)
|
Quote:
و الله جينا نرمي السلام و نسأل من أخبار المكتبة يا صديق
|
حافظ يا قلب
كيفك يا حبيب؟
امس كنت نائمن ياخ .. حاولت الحق لكن مفيش حظ كالعادة.
زي موضوع المكتبة دا بالظبط
---------
المكتبة ذاتو خليناها ياخ.
اسي بقينا دايرين بكري دا يرجع لينا باسووردات :
شاعرنا د. تاج السر جعفر، و العزيزة لنا جعفر
فواحد يتبنى لينا الخط دا لو ممكن ياخ
او بكري يتكرم و يتم جمايلو ..
خسارة الناس ديل يكونوا برّة.
بالمناسبة دي ذاتا :
ياخ حمد لله على سلامة الباسوورد
منور ياخ
| |
|
|
|
|
|
|
| |
قيقراوي
حبيب نورة
مها عبد الله
ناصر احمد الامين
عاطف عمر
اسماء الجنيد
حافظ حسن ابراهيم
فيس بوك
تويتر
انستقرام
يوتيوب
بنتيريست