( العند سروال بشنقل ) نائب أول لرئيس الجمهورية ؟! صور
يقول ( تليس ) مكونات دارفور العظمى هى ( الحواكير ) أدناه لذلك فى كيفية إختيار الشخص المناسب للمنصب اعلاه ينبغى التركيز على تراث دارفور الوفاقى الإرث ( أم عويداتى ) لمسح الخلاف بأن تقدم كل حاكورة من تأنس فيه الكفاءة من ابنائها ومعه عوده للتنافس الشريف وحتى لا تكون الجهة المحايدة فى حكم الماموثوق فيه ينبغى الرجوع الى التكنلوجيا وتحكيم الكمبيوتر لفرز الفائز وجهة نظر ليس إلا يعتقد (تليس ) إنها فاعلة ومؤثرة توصلنا إلى الغاية المنشودة يقول ( تليس ) ولكن ما يؤسف له أن هنالك أقليات وافدة من غرب أفريقيا فى طريقها للحج وطاب لها المقام الآمن بعدما حظيت بالترحاب وحسن الوفادة من هذا الحوكير الأمن والأمان ومع إندلاع الحرب فى دارفور فبدلا من أن تكون هذه الأقليات الوافدة واسطة خير مباركة صارت مخلب قط فلا الى حجة وصلت ولا لنار أخمدت لكن بدأت فى تأجيج النيران ونشر الفتن فيما يعرف ( بعرب وأفارقة ) و ( وزرقة وعرب ) تحدوها أمال حالمة واهمة قرمزية أشبه ماتكون بالوان قوز قزح عبثا باحثة لهاعن موضع قدم بإزاحة الحواكير العربية على حد ظنهم فى ذلك يحلون محلها عشم إبليس فى الجنة آن الآوان للمكاشفة ؟!......................يتبع .. (عدل بواسطة ادم الهلباوى on 06-29-2011, 01:46 PM)

06-29-2011, 01:27 PM

Mohammed Haroun

Mohammed Haroun
تاريخ التسجيل: 12-21-2005
مجموع المشاركات: 4836

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( العند سروال بشنقل ) نائب أول لرئيس الجمهورية ؟! صور (Re: ادم الهلباوى)
يا هلباوي حبابك يا أخي أي رئيس أو نائب رئيس من أبناء دارفور كويس معانا .... وطبعاً إذا شد وركب بطريقة ديمقراطية ممكن يشنقل لأنه بكون عنده سروال وعراقي كمان .. بس خلينا نطعن كتف في الحيكومة دي ... تحيات أخوك البقاري ودهارون

06-29-2011, 02:53 PM

الغالى شقيفات

الغالى شقيفات
تاريخ التسجيل: 08-15-2009
مجموع المشاركات: 3664

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( العند سروال بشنقل ) نائب أول لرئيس الجمهورية ؟! صور (Re: Mohammed Haroun)
سلامات يا الهلباوى ذكرت من قبل ان الخريطة غير دقيقة وهى على ما اظن منقولة من كتاب الصراع القبلى السياسى فى دارفور ؟؟؟؟؟؟؟؟؟؟؟؟؟؟؟ وياخى قصة البحواكير دى عبد الواحد ذاتو غير خطابو منها انت لسع لسع فيها لانها وهم من الاوهام وحكاوى من حكاوى الحبوبات تقدر تقول لى الفاشر دى هسى يجينا زول يقول دى حاكورتى ولا بتاعة قبيلتنا بالواقع والمنطق ما ممكن وكذلك الجنينة والسلام ونيالا اصبح تاربخ قديم نيالا الداجو وفاشر السلطان ودار اندوكة كلو كلام من مخلفات الماضى عد الفرسان حتبقى اربعة محليات او خمسة اثنين ليكم وثلاثة للاخرين منصب النائب اى زول يقدمو تنظيمو لانو اذا بقت بالحواكير والاوهامات القبلية تعقد المسالة وناس كتار ما باكلو عيش الطينة وعد الفرسان وزالنجى كلهم خمسة دوائر قومية

06-29-2011, 05:16 PM

ادم الهلباوى

ادم الهلباوى
تاريخ التسجيل: 06-27-2004
مجموع المشاركات: 9291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( العند سروال بشنقل ) نائب أول لرئيس الجمهورية ؟! صور (Re: الغالى شقيفات)
من تراث ( دارفور ) ما هى ( أم عويداتى ) ؟! هى نهج وفاقى ديمقراطى للتحكم فى فض النزاعات والخلافات بالتراضى يقول ( تليس ) معلوم سلفا ان دارفور العظمى تقوم على (حواكير) مكوناتها الأساسية وكثيرا ما ترددإلى مسامعناإرجاع دارفور إلى سيرتهاالأولى التى تكمن فى التآلف والتعاضد والمودة حيث تحكمها عهود ومواثيق ووشائج رحمية أساسها البرش وقعر الشجرة والضرا كلها ضوابط للتحكم على الخلافات التى قد تنجم وأيضا المصالحات ولإصلاح ذات البين على سبيل المثال ( أم عويداتى ) وهذا نهج وفاقى ديمقراطى للتراضى متى ما كان هنالك شيئا لا يقبل القسمة الى إثنين والكل يرغب فيه عليه يطلب من الكل ان يحضر عودا وعندما تجمع كل أعواد المتنافسين فى ذلك الشئ ، وتكون هنالك جهة محايدة مهمتها أن تختار العود صاحب الحظ السعيد والذى سوف يحظى بذلك الشئ ، واليوم مع الحداثة فى دنياالمتغيرات هنالك كمبيوتر مع صدى التكنلوجيا يمكنه فرز المتنافس الفائز بكل أريحية حتى لا يكون هنالك شكك ولقط وتخوين للجهة التى سوف تقوم بالفرز، لذلك ينبغى على القبائل ذات الحواكير أن تقدم من أبنائها من تأنس فيه الكفاءة للمنافسة ، ومن ثم تجرى المنافسة لذلك المنصب وبحكمة ( أم عويداتى ) نكون قد وفرنا الكثير من الجهد والوقت والقيل والقال ويا دار مادخلك شر وجهة نظر ليس إلا .. فهل ياترى هنالك من مخالف ؟ّ! أشك فى ذلك ...... تخريمة: يعنى الكمبيوتر فررررررررررررر جكك. طوالى حنرضى به ومافى (تكس ) يرجع !! .. (عدل بواسطة ادم الهلباوى on 06-29-2011, 05:20 PM)

06-29-2011, 07:05 PM

ادم الهلباوى

ادم الهلباوى
تاريخ التسجيل: 06-27-2004
مجموع المشاركات: 9291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( العند سروال بشنقل ) نائب أول لرئيس الجمهورية ؟! صور (Re: ادم الهلباوى)

الأخ الكريم / محمد هارون تحياتى ياغالى

Quote: يا هلباوي حبابك

يا أخي أي رئيس أو نائب رئيس من أبناء دارفور كويس معانا
وطبعاً إذا شد وركب بطريقة ديمقراطية ممكن يشنقل لأنه بكون عنده سروال وعراقي كمان ..

بس خلينا نطعن كتف في الحيكومة دي ...

تحيات أخوك البقاري ودهارون

عليكم السلام ورحمة الله وبركاته يا ود أبوك

إنت بس قول يا لطيف .... وخليك متابع

رايك شنو فى حكمة ( أم عويداتى ) دى ؟!

تخريمة:
صدقنى أخوك الهلباوى لوأدوه فرصة
يحلها لهم بأريحيةلكن تقول شنو بس !!
هسع بكرة ( أم عويداتى ) دى تاخذها
أمريكا وتطورها وتدعى إنها أبدعت
وأخوك يبقى فى خشمه تراب دراب

(عدل بواسطة ادم الهلباوى on 06-29-2011, 07:08 PM)

06-30-2011, 07:09 AM

ادم الهلباوى

ادم الهلباوى
تاريخ التسجيل: 06-27-2004
مجموع المشاركات: 9291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( العند سروال بشنقل ) نائب أول لرئيس الجمهورية ؟! صور (Re: ادم الهلباوى)

Quote: سلامات يا الهلباوى

وياخى قصة الحواكير دى عبد الواحد ذاتو غير خطابو منها انت لسع لسع فيها لانها وهم من الاوهام وحكاوى من حكاوى الحبوبات

يا أخوى إنت بس خليل لافى كدا لكن نحن عيال حبوباتنا والنسى قديمه تاه حكمة ماثورة !!
يمكن صحيح عبدالواحد غير خطابه لكن بس معلق فى حكاية ( جنجويد جنجويد ) دى !!

Quote: تقدر تقول لى الفاشر دى هسى يجينا زول يقول دى حاكورتى ولا بتاعة قبيلتنا بالواقع والمنطق ما ممكن وكذلك الجنينة والسلام ونيالا اصبح تاربخ قديم نيالا الداجو وفاشر السلطان ودار اندوكة كلو كلام من مخلفات الماضى

نعم بالنسبة لك تاريخ قديم ومن مخلفات الماضى
أما بالنسبة لى عدالفرسان هى بنى هلبة !!

Quote: عد الفرسان حتبقى اربعة محليات او خمسة اثنين ليكم وثلاثة للاخرين

بعدين يا صاحبى تقصد مين فى عد الفرسان لنا إثنين
وثلاثة للآخرين أوع دا يكون تصنيف تنظيمكم والثلاثة ديل
أوع يكونوا من أؤلئك الموهمين الذين يدفون النار بأرجلهم
هاى ووووووووا إنقرع !! نحن لا نعرف ولا نعترف بأى تنظيم
آخر خلاف الله وحواكيرنا دى والعند بطحا يتحسس عليها؟!

Quote: منصب النائب اى زول يقدمو تنظيمو لانو اذا بقت بالحواكير والاوهامات القبلية تعقد المسالة وناس كتار ما باكلو عيش الطينة وعد الفرسان وزالنجى كلهم خمسة دوائر قومية

الاخ الكريم / الغالى شقيفات تحياتى ياغالى
زمان لما كانت الصيحات والصجة والعوة على أشدها حتى نطت جدران الأمم المتحدة جنجويد جنجويد وقتها قلنا العرب فى دارفور يمثلون 60% والجنجويدى يرفع يده جاتنا ردود بعجرفة قالوا ( أكالة ) وبس لكن يا شقيفات طال ماطلعت لنابخمسةدوائر جغرافية أبدا ما شطح خيالنا بأن العرب فى دارفور يمثلون 99,9% وعشان لغبينة ما تقد حلق سيدا قلنا من الأفضل للناس أن تدخل فى ( أم عويداتى ) حل ديموقراطى وفاقى مرضى و مريح أفضل بكثير من التصويت والرجة..المؤتمر فعل والناس تآمروا وما شابه ذلك وقتها يا ستة جابت ستين يا كمان غرقا فى الطين أصلا كدا كدا خربانة أم بناية قش !! قالوا ( المى حامى ولا لعب قعونج ) اليس كذلك ؟!

تخريمة :
أهو إجتهاد إذا لم نصب
لنا أجر وإن أصبنا لنا
أجران ويا صحبى إنت عيش
اللحظة وجهة نظر ليس إلا

..

(عدل بواسطة ادم الهلباوى on 06-30-2011, 07:18 AM)
(عدل بواسطة ادم الهلباوى on 06-30-2011, 07:42 AM)

06-30-2011, 07:40 AM

ادم الهلباوى

ادم الهلباوى
تاريخ التسجيل: 06-27-2004
مجموع المشاركات: 9291

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: ( العند سروال بشنقل ) نائب أول لرئيس الجمهورية ؟! صور (Re: ادم الهلباوى)
زمان دارفور الكبرى بطولها وعرضها أختزلت فى ثلاث قبائل وأنتم باركتم المسالة ماقلنا شئ لكن قلنا كراع البقر جيابة؟! وقتها إستمعنا لكم وبتركيز آن الآون لتستمعوا إلينا وبتركيز!! ..

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]