دعواتكم لزميلنا المفكر د.الباقر العفيف بالشفاء العاجل
|
|
 قزازة عادل عبد العاطي
|
حاولت النظر لصورة البروفايل الخاصة بالأخ عادل عبد العاطي من جهات عديدة وكل مرة يرفض عقلي قبول فكرة انه المربوطة دي كرفته وما قزازة ..
يا جماعة كدي ورونا رايكم، يمكن انا نظري ضعيف ..
الصاوي
|
|
 
|
|
|
|
|
|
|
|
Re: قزازة عادل عبد العاطي (Re: محمد حسن العمدة)
|
تحياتي يا عريس
Quote:
ياخي بالغت يمكن قزازة خمرة حسع
|
الخمرة بضم الخاء خليناها ليك برطع فيها زي ما عايز اليومين دي
Quote:
بوردابي من السعودية يا الصاوي |
تحيلك لكلام معروف اعلاه
يا زول متين لحقت تقفل معاك قبال الملايكة يمشوا؟
| |
|
|
|
|
|
|
|
|
|
Re: قزازة عادل عبد العاطي (Re: حيدر حسن ميرغني)
|
الأخ حيدر تحياتي
Quote:
الصاوي مالك على ولدنا ده
نحن ناس عطبرة
مرات بنتصور رابطين شراب عديل كده وبرضو بتطلع تمام
انت بس قول حاسد عادل على القشرة دي .... بنعذرك |
القشرة ما فيها كلام، و القزازة النديانة دي ما فيها كلام برضو
ولك عشرة امثالها
| |
|
|
|
|
|
|
|
|
|
Re: قزازة عادل عبد العاطي (Re: jini)
|
الصاوي سلامات
والله الكرفتات دي ما عارف مشكلتي معاها قدر كيف
لفترة طويلة في الجامعة في بولندا كنت مقاطعها وادخل على الامتحانات بالجاكيت دون الكرفتة ؛
فكان البروفيسورات ينظرون الى شذرا اذ جرى العرف انه في الامتحان لا بد من شنق العنق بالكرفتة .
عموما القزازة ظبطت وفي ناس كتيرين مغشوشين فيها قايلنها كرفتة .
| |
|
|
|
|
|
|
|
|
|
Re: قزازة عادل عبد العاطي (Re: غباشي)
|
الأخ غباشي
تحياتي لك وشكرا لمرورك
كدي اعيد النظر مرتين، يا زول دي قزازة شمبانيا بااااااردة ونديانة بي قصديرتها وعادل ماسكها من تحت بي يده اليمين ورافعها علي رقبتة بس الصورة مقطوعة ..
| |
|
|
|
|
|
|
|
|
|
Re: قزازة عادل عبد العاطي (Re: Abdel Aati)
|
الأخ عادل سلامات
Quote:
والله الكرفتات دي ما عارف مشكلتي معاها قدر كيف |
تعرف فكرة الكرفته دي فكرة غريبة جدا، غايتو الزول الصمم اول كرفته وصاحب الإختراع ده عذب خلق الله عذاب شديد ومفروض يشنقوه بالكرفته بتاعته .. انا ايضا اعاني منها بشكل مستمر حيث يجب علينا لبسها بصورة دائمة في الشركة التي اعمل بها، ولكن في الشهور الماضية اصبحت اتمرد عليها بحجة حرارة الطقس ويبدو ان الصيف سيستمر لسنوات هنا ..
Quote:
لفترة طويلة في الجامعة في بولندا كنت مقاطعها وادخل على الامتحانات بالجاكيت دون الكرفتة ؛
فكان البروفيسورات ينظرون الى شذرا اذ جرى العرف انه في الامتحان لا بد من شنق العنق بالكرفتة . |
يازول ما عندك مشكلة، البس قميصك وشيل قزازتك معاك وزول بجيب خبرك مافي ..
Quote:
عموما القزازة ظبطت وفي ناس كتيرين مغشوشين فيها قايلنها كرفتة . |
لا ظبطت ظبطة تمام، لكن عليك الله وريني دي ياتو نوع من انواع الشمبانيا؟
| |
|
|
|
|
|
|
|
|
|
Re: قزازة عادل عبد العاطي (Re: jini)
|
العزيز جني
وانا من قبيل اقول القزازة دي شايفا وين، يبدو انها من النوع الفاخر ..
Quote:
موش أخير من المذيع حمزة عوض الله البربط الشراب كرفتة والكرافتة شراب! |
كان الله في عون المشاهدين
| |
|
|
|
|
|
|
|
|
|
Re: قزازة عادل عبد العاطي (Re: Ahmed musa)
|
الأخ احمد موسى
تحياتي لك
Quote:
كسرت لي الدُش في يدي يا عادل وبوّظت لي المرافعة |
يازول قضيتك خسرانة بعد إعتراف عادل التحت ده والإعتراف سيد الأدلة| Quote: ناس كتيرين مغشوشين فيها قايلنها كرفتة |
| |
|
|
|
|
|
|
|
|
|
Re: قزازة عادل عبد العاطي (Re: Gaafar Ismail)
|
والله انا ما ضحكت زى الليلة دى الله ....يفرحك
قدر ما تقلبا ياها قزازة
ود عبد العاطى لازمو شرح..دى حركة جديدة ( فاشون) و فيها لمسة
ابداعية...كان طلع شايقى القصة وضحت
لكما التحية
| |
|
|
|
|
|
|
|
|
|
Re: قزازة عادل عبد العاطي (Re: نزار محمد عثمان)
|
الأخ نزار
تحياتي لك وشكري على كلماتك البليغة، فالحكمة انت أهل لها
Quote:
(هو قائد جيد، ذاك الذي يخرج من عنق الزجاجة،
وأجود منه من يخرج من عنقه زجاجة،
وأجود منهما من يخرج من عنق غيره زجاجة)
حكمة بوردية |
كلام جميل بس ما وريتنا حكم الذي يربط في عنقه زجاجة ..
وبعدين يا اخوي انت بتغيب فترات طويلة كده و تظهر فجأه وتغيب تاني، بيمشي وين؟
| |
|
|
|
|
|
|
|
|
|
Re: قزازة عادل عبد العاطي (Re: Tagelsir Elmelik)
|
الأخ الفنان تاج السر
Quote:
والله انا ما ضحكت زى الليلة دى الله ....يفرحك |
اضحك الله كل ايامك وغمسك في بحر السعادة
Quote:
قدر ما تقلبا ياها قزازة |
يا زول انا قلبتها جنس قليب، والله قربت افتحها
Quote:
دى حركة جديدة ( فاشون) و فيها لمسة ابداعية |
جديدة ساي؟ يا اخوي القزاز بقى شراب ولبس
| |
|
|
|
|
|
|
|
|
|
Re: قزازة عادل عبد العاطي (Re: elsawi)
|
الصاوى
خليتنا نفرح ساكت .. قلت عادل بقي بتاع قزاز ... يمكن الراس الناشف ده يلين شوية ، الزول ده فارقا معاهو عدم القزازة ... تطلع كرفتة!!!!!!!
هسة كان الواحد ختف رجلو لى صوفيا يسلم عليك يا عادل و على قزازتك... طلعت اشاعة ساكت...
غايتو نصبر بس.... الله يجيب يوم قزازتو ...
الدعاء ده ذكرنى نكتة الطشمنجى القال: يوم تشرب كباية تقيف لط ... يوم تشرب قزازتين ما يعملو ليك اى حاجة ... السكر ده غايتو توفيق من ربنا سالت!!!!!!!!!!
كل الوارد اعلاه لا دخل له بالسياسة او الاديان ... البوست ده ملغم ... او كمين
| |
|
|
|
|
|
|
|
|
|
Re: قزازة عادل عبد العاطي (Re: esam gabralla)
|
سلامات يا عصام
Quote:
غايتو نصبر بس.... الله يجيب يوم قزازتو ... |
يا عصام يا خوي الزول حرييييييف، يخلينا نحن نشرب القزاز وهو يلبسه
Quote:
كل الوارد اعلاه لا دخل له بالسياسة او الاديان ... البوست ده ملغم ... او كمين |
لغم شنو كمين شنو؟ البوست محاولة لكسر القزازة اقصد الروتين والمواضيع الجادة والمملة احيانا ..
تحياتي لك وللإبن خالد ولأمه
| |
|
|
|
|
|
|
|
|
|
Re: قزازة عادل عبد العاطي (Re: Kostawi)
|
الأخ العزيز كوستاوي
Quote:
الصاوي
أديني دقائق أجيب ليكم خبرو
أنا عندي باقي الصورة |
و الله انا كنت قايلك بتكضب ساي ..
ياخ انت زول مبدع عديييييل كده ..
بعد يادوب القعدة اكتملت اقصد القزازة اكتملت ..
اها من يوم الليلة تاني الفاضي ما بنرميهو بنقشر بيهو ..
تحياتي لنايلة و الأولاد
| |
|
|
|
|
|
|
|
|
|
Re: قزازة عادل عبد العاطي (Re: SAIF MUstafa)
|
اخي العزيز سيف مصطفى
تحياتي لك و شكراً على كلماتك الطيبة
و شكراً على الوصلة المفيدة، لكن ما اظن بعد ده الناس حاتحاول تتعلم تربط الكرفتة كيف، ديل حا يبقوا ناس قزاز سااااااااي ..
تعرف الجماعة بتاعين القزاز البجوا راكبين الحمير مارين بالحلة و بشتروا القزاز، بعد كده يكنكشوا في الشولات و الصفايح لانو الناس بعد عملة عادل دي ما حا تبيع القزاز حا تربطة ..
| |
|
|
|
|
|
|
|
|
|
Re: قزازة عادل عبد العاطي (Re: elsawi)
|
| Quote: تعرف الجماعة بتاعين القزاز البجوا راكبين الحمير مارين بالحلة و بشتروا القزاز، |
وأنا صغير، كنت لا اتبين ما يقول عمنا الراكب الحمار، ولكن مجرد سماع "قزااااااز" نهرع لبيع القزاز الموجود، وكان معظمه لونه أخضر "ابو جمل"، وكانت للون وشكل "قعر" الزجاجة اهمية خاصة في السعر؛ فللون الشفاف والـ "قعر" شديد الانحناء للداخل قيمة اكبر...
طبعاً لما كبرنا شويه، عرفت ان صاحب الحمار كان ينادي "ال معا قزاااز"...
هسع كلما امر بمكان فيه قزاز اتذكر "ال معا قزاااااز"... اما عند ذهابي لصناديق الـ "ري سايكلينج" تصيبني غصة وأردد أين انت يا عمنا راكب الحمار ...
"وينك يا الصاوي ومالك منقطع النظير كدا؟"
تعرف يا عصام، كنت متوقع انو ما القى اي كلام عن وصية عبدالخالق!!
| |
|
|
|
|
|
|
|
|
|
Re: قزازة عادل عبد العاطي (Re: saif basheer)
|
الصاوي
الجاتك في قزازتك سامحتك .
تحية لعادل عبدالعاطي وكرافتته اقصد
قزازته.
وتخيل يا الصاوي ان لا بعرف اربط الكرافتة
ولا بعرف افتح القزازة.
والبوست لا عنده علاقة بوصية عبدالخالق
ولا سفر نقد لجنوب افريقية
او كما قال عصام جبرالله رضي الله عنه.
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
elsawi
Marouf Sanad
حيدر حسن ميرغني
jini
Abdel Aati
غباشي
Ahmed musa
Gaafar Ismail
Tagelsir Elmelik
نزار محمد عثمان
Kostawi
SAIF MUstafa
Nader Abu Kadouk
saif basheer
salah elamin
كمال حسن
Hassan M Saeed
فيس بوك
تويتر
انستقرام
يوتيوب
بنتيريست