|
|
 قالو ان هذا عالم خيالى.......
|
قالو ان هذا عالم خيالى...
مجنون من يكتب فيه
الشوك يحف على جانبيه...
كتابه واهمون, ساهرون,ضائعون, ومشردون
وان صاحبه مجنون
مسكينه انا
واهمه انا
تعيسه انا
انا؟؟؟
حقا ومن يكون غيرى انا
فى زاويه بعيده جلست
حزينه انا
فهذا يطلق الكلمات كالرصاص فى قلب جريح
واخر ينشد انشوده حزينه كالغصن المليح
مليحه انا؟
حقا ومن يكون غيرى انا
بعيده انا, اغصانى فروعى كطائر جريح
لملمت أشلائيا المبعثره فى الريح
كقطه شقيه تنام فى الضريح
حزينه انا
حقا ومن يكون غيرى انا
ذهبت فى جفاء ودموع وحنين
عاودنى الحنين
وطائر حزين يستحلفنى البقاء
يقول فى أباء
عودى ففى عودتك الضياء
مسكينه انا
حقا ومن يكون غيرى انا
شكوت للطبيب
عن عالمى المجنون
رجوته ان يجيب
قلت ان هناك
بردا ومطرا
وشعله تضئ
فى قمه البكاء ابتسامه تضئ
أمريضه انا؟
حقا ومن يكون غيرى انا
طلب المذيد
ودعته وغادرت فى سكون
وكلى ظنون
وصمته يذيدنى شجون
شقيه انا
حقا ومن يكون غيرى انا
عاودنى الحنين
أرقنى الأنين
وقفت خلف الباب بأستحياء
يلفنى غطاء
نظراتى شارده
تبحث فى رجاء
عن نقطه بيضاء
حالمه انا؟
حقا ومن يكون غيرى انا
Bint_alahfad, 5/07/2004, UK
وفى امان الله
لا اله الا الله
|
|
 
|
|
|
|
|
|
|
 Re: قالو ان هذا عالم خيالى....... (Re: bint_alahfad)
|
Al-salam alikukum brother elhilayla
Hope u & the family doing well
Actually I don’t write poem frequently, I only write some time (poem, article or even a story) when I am a bit sad, and only a few times when I am very happy.
Yep, indeed u can notice that I am a bit frustrated in my poem (if what I have written is called a poem). But u certainly would give me some excuse for that, I knew we should always try to be positive, but when I have written that, the board was passing (and still) under difficult circumstance, I didn’t mean by any way to assault the board owner or other contributors, and I am deeply sorry if my word hurt any one there including the board owners.
U welcome back at any time
ولكم العتبى حتى ترضو
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: AnwarKing)
|
بت الاحفاد
عندنا اهلنا في قرية برة في احد الاقاليم ..مرة مشيت ليهم زيارة ..عندهم بتهم عمر اطناشر سنة ...البت دي الشفتها عملتو في يوم واحد انا ما بعملوا في اسبوعين ...قامت من الدغش وبالمناسبة الدغش دي بعد صلاة الصبح مباشرة مشت حلبت الغنم والبقر وجات لمت حطب وولعت النار وخلت الللبن في النار ومشت جابت العدة وقعدت فيها والشاي في النار ولعت صاح اللقيمات وكان في عجين في حلة من امس عشان يقوم وبلغة البندر يخمر والبندر دا يعني المدينة الثلاثة حاجات دي عملتها والبيت كله شرب الشاي ولمت الكبابي وغسلت عدتها وعدة الشاي والشمس لسع (ابسنت) او ما اشرقت انتهت من الموضوع دا مشت للبهايم فكتها تسرح او بلغة الكتب (غنمي ترعي فوق المرعي) وجات راجعة مسكت المقشاشة ووقعت في حوش الله يعلم مافي فرق بينه وبين دار الرياضة غير العراضات والسلك الشايك وجابتو للنهاية وبعد داك ردموا ليها غسيل يفتح (محل مكوجي) وبسم الله قعدت فيهو لحدي عشرة وبعد داك
امها كان جابت الخضار دخلت المطبخ معاها اقول ليك يا زولة بالطريقة دي لحدي ما اليوم عمل (قيم اوفر) والبت دي عمرها اطناشر سنة بس
وعادي جدا في السودان
انا ما عارف انت كان حزينة دي مؤدة ولا نظامها كيف
ما تختي الرحمن في قلبك يا بت
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
الأخ الكريم أساسى
شكرا للمداخله, قريت كلامك مرتين وفهمت نص نص, ما فاهمه البت ده عملت كده من الزعل؟ بعدين انت شوفت البت الصغيره تعمل كل ده لوحدها وما ادخلت؟ولا حاولت تساعدها؟ ولا قلت لأهلها البت بتموت بالطريقه ده؟ وهل عادى فى السودان بت الاطناشر سنه تعمل كل ده؟ انا العمرى بيقيساها مرتين لو عملت ربع ده بشيلونى جنازه اليوم التانى
بعدين الجمله ده بالزات ما فهمتها, ممكن تشرحها لى اكتر
| Quote: انا ما عارف انت كان حزينة دي مؤدة ولا نظامها كيف |
ومعليش طلعنا بره الموضوع
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
لالالالا
دي نظامها عادي كدا
يعني دي واجبات يومية اي بت في عمرها بتعملها
دي حياتهم كدا ...امهاتنا كلهم كانوا كدا
الجملة الما فهمتيها يا ستي
انه انت بتتكلمي بحزن وكآبة عن الواقع في خاطرتك عاليه
فاقلت ليك اذا كنت انت المقيمة في دولة اوربية والانا متاكد
انك ما عندك (واجبات) قدر البت دي حزينة وكئيبة ومدبرسة
البت دي بنفس المقياس مفروض تكون مؤودة ...لكن ما سمعناهم
يوم واحد اشتكوا ولا بكوا وبيمارسوا الحياة بكل حدتها ولينها
بيفرحوا وبتسامروا مع زميلاتهم وكل براءة الدنيا في عيونهم
والامل في باكر
هو الحقيقة انا الطلعت برة الموضوع
بالمناسبة الموضوع شنو..؟
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
للمرة المليون حرف الزاي تاني حرف بعد الشفت بالجهة المقبلة على الحيطة
| Quote: بعدين الجمله ده بالزات ما فهمتها |
حرف الذال
اول واحد ركاني بالجهة البعيدة عن الحيطة تحت مفتاح الهروب
انتي يا بتي الخلوة القريتيها دي في ياتو فجة؟؟
| Quote: انا العمرى بيقيساها مرتين لو عملت ربع ده بشيلونى جنازه اليوم التانى |
لو الشرك بتاعي كان قبض تلك الايام ...كانت جنازتك شالوها من ضهر بيتنا..
احمدي الله ربنا مرقك ساي..
وخلي بالك
اساسي ده رايحة ليهو الايام دي عروسة ...
اساسي
قرايبك ديل انتا مشيت ليهم زيارة في البيت داك ولا برج مراقبة؟؟
ما بتخجل قاعد مباري البنية من الفجر ..
حرم لو كنتا اخوها كنتا ضبحتك ...
بعدين خت الكورة في الوضة
غنم شنو البتحلبا ليك بت الاحفاد؟؟
بت الاحفاد دي ما شافت غنم إلا في البورد ده ...
دكين صياد المانش الفاشل
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
غايتو يا اساسى اتلومت مع البت, كان ممكن تساعدها فى غسل الملابس والعده, او على الاقل تحرد الاكل, الرسول صلى الله عليه وسلم قال رفقا بالقوارير, اين الرفق هنا؟
بعدين اخ اساسى يعتقد الكثيرين ان المقيمين فى اوروبا ليس لديهم هم وبالهم فاضى, مع ان العكس هو الصحيح, اى نعم ليس لدينا مسؤليات هذه الفتاه لكن
لدينا هموم اخرى اقلها هموم الغربه, وتحرى الحلال وتجنب المعاصى الكثيره واشياء اخرى كثيره
بعدين فى كلماتى عكست حاله حزن مررت بها لواقع البورد وليس لهموم شخصيه, وفعلا املنا فى غد اجمل وانضر, لكن كيف عرفت ان هذه الصغيره عندما تأوى لفراشها لا تكتب بعض من خواطرها فى كراستها الصغيره, كيف تدرى انها لا تشكيهاهمومها؟
وبكره احلى بأذن الله
p.s
حمد لله على السلامه وبركه الشفناك طيب, وعزرا جات متأخره
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
بت الاحفاد
اساعد منو ؟؟؟ بت الاحفاد اساعدها كيف بس ..؟ انت جادة بتقولي لي كدا ...كان ممكن جدا اساعدها باني اغير ليها الواقع الهي عايشاهو
بس ما بيدي دي الحياة الطبيعية حقتها الواجبات دي ما شكت ولا بكت منها كل يوم بتعملها عادي جدا ... بعدين انا ضيف ساكت امشي اقعد لي في طشت عدة ولا اشيل مقشاشة اسرح بيها في الحوش ..؟؟؟
انت البت امشي اعملي كدا وشوفي البيحصل ليك شنو ..؟
الناس ديل طيبين لمن كعبين ممكن يخسروك فيها عادي
بيعتبروا انه دا استفذاذ ليهم ... يا بت الاحفاد قلنا قرية في الاقاليم ما ضواحي مانشستر ؟؟؟
والله فعلا همومكم كبيرة في الغربة ..؟؟ تحري الحلال دا بيكسروا ليهو حطب ولا بدقوا ليهو طورية ..؟ موش سوال بتاع البقالة عن اللحمة دي بالطريقة الاسلامية ..؟ وهموم الغربة دي بالجد تقيلة خالص لدرجة انه الزول بيحتاج يقعد ليها في كرسي من حجمها الكبير..؟
وتجنب المعاصي دا طبعا ما بقدر اغالط فيهو لانه حكر المعاصي دي علي اوربا
يازولة فعلا حال المنبر ما بسر واحزني قدر ما تقدري وارجعي لينا صافية من غير كدا
دكين ضحوي طبعا قصة عشا البايتات دي ما جاية معاك كله كله ...؟
بالجد الانت عشاهم ديل انا بشفق عليهم ...قرضتهن بالجوع ياخي
بعدين منو القال انا رايحة لي عروس
يا حبيب بي غاليتي بس انت خليك مباري اوهامك
ومصدقها
بتعرف البزيانوس بالرطل ؟؟؟
بت الاحفاد دي اكثر براءة من ترهاتك دي ... ما تمشي لي ناس خنقوا رماه يوروك المكشن بلا بصل
اسمع ما تشوف لينا زول يلحقنا بالف ريال زي زولك داك
اخوك ماشي بعجل الحديد الايام دي
ان شاء الله ورقة برسم عبد العزيز الشيبة
اسمع يا دكين شيل كفتيرتك دي وشتت من بوست البت
البوست دا اندياح ..؟؟ ما قالت بتفتش ليها ضباح
بعدين البت شافعة ياخي وانا خالها وبيني وبينك الكلام دا كان قدامي ما محتاج تلصص ..الناس عايشة لسع بالنية السليمة يا دكين انت قايلها شقة في الملز يا دكين
يا اخوانا انتو نسيتو السودان ولا شنو
| |
|
|
|
|
|
|
|
|
|
Re: قالو ان هذا عالم خيالى....... (Re: اساسي)
|
| Quote: بتعرف البزيانوس بالرطل ؟؟؟ |
لا بعرف الاوقيانوس بالدكوة..
| Quote: اسمع ما تشوف لينا زول يلحقنا بالف ريال زي زولك داك |
الكابلي قال
النسيب حبيبو البريد اب غره فوق مسيدو الشيخ سيرو...
الزول نسيبنا وادانا الف ريال ...
الالف حقتي انا برااااااااااااااي...
انتا شوف نسيبك بديك كم ، وتاكد البديك ليهو ده انا عندي فيهو التلت ...
| |
|
|
|
|
|
|
|
|
|
Re: قالو ان هذا عالم خيالى....... (Re: اساسي)
|
أساسى اخوى
انا جاده جدا فى كلامى ده, انا ما طلبت منك تغير واقع الفتاه, كل القلتو ممكن كان تساعدهاولو عندك كلوز فريند هناك تكلمو انو يخففو عنها شويه, ما معنى البت ما اشتكت ليك انها هابى فى البحصل ده
انا ما قلت ليك غسل العده ونضف البيت, يمكن ان تختار الاشياء الاكثر ملائمه, بعدين ليه يزعلو انت ماقلت هم اقرباءك
يعنى انا حسى لو مشيت عند ناس ما بقعد زى الضيفه, بحاول اساعدهم,عارفه انو الرجل وضعو اكثر حساسيه, لكن لو كانو قريبن وماعندهم غير الطفله ده ما اعتقد فيها حاجه لو ساعدتهم, الرسول صلى الله عليه وسلم كان بساعد زوجاته فى البيت
موضوع هموم العايشين فى اوروبا ده موضوع متشعب وعايذ ليه بوست براهو لكن صدقنى هموهم ما بالبساطه البتتخيلها دى, اساسى عليك الله ابتعد من الالغاز واتكلم عربى عشان اقدر افهم
وفى امان الله
لا اله الاالله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
دكين اخوى
ذا وزا ما كلها واحد مالك بتدقق شديد كده؟ بعدين الخلوه الدرست فيها قريبه من بيتكم, عرفتها؟ 
لو ما علمتنى كويس ده ما ذنبى
بعدين البت ده اساسى ابوها كيف يعنى يكون قصدو حاجه من متابعتها؟
حكايه الغنم ده ضحكتنى شديد, الغنم ده مش اخو الخروف؟ شد حيلك مع ناس البورد حسى حيجوك فى مسأله الغنم وكده
بعدين يا دكين ليه بتسنكر انو البت ده ما بتكتب خواطرها فى كراستها الصغيره بالليل؟
برجع ليك تانى وشكرا لأضفاء روح المرح فى البورد
بالمناسبه عليك الله انت واساسى اتكلمو عربى, انا استعنت بمترجم عشان يترجم لى كلامكم
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
اها يا اساسي بت الاخفاد خننا ليك بالقرباوي..
عسى بس تفهم
بت الاحفاد
يعني انتي افترضتي انو عندها كراسة ..واوغلتي في الخيال وعملتيها كمان كراسة سغيرة..
اهو ده يا خوانا ما يسمى بالعز الغارق في عز خيال العز
العز لا يتخيل ابدا ان هذا العالم لايخلو من كراسة وردية لتسجيل الخواطر ..
موش في واحدة اسمها منو كده من ملكات اروبا ديل لامن قالو ليها:
الشعب بالخارج يصرخ من الجوع
قالت :
طيب ليه ماياكلو جاتوه..
بت الاحفاد النبي كان تجي اتعرف عليكي اكتر
انا حاسي باني حالقى افكار استراتيجية مدهشة خلف عزك النموذجي ده ..
اهوده ايميلي :
[email protected]
اشهد ان محمدا رسول الله
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
| Quote: اها يا اساسي بت الاخفاد خننا ليك بالقرباوي.. |
دكين اخوى, مش قلنا نتكلم عربى؟
بعدين اساسى ما غلط لما قال انت زى عادل امام
يعنى البت عمرها 12 سنه ببساطه لو اساسى فوق العشرين ممكن يكون ابوها مافيها حاجه ده
انا برضو فى مقام امها, يعنى لو كنت اتزوجت وعمرى 11 سنه ببساطه ممكن تكون عندى بت قدرها
فما تاخد الكلام معنى تانى
بعدين بجد انت واساسى ممكن تشكلو فرقه مسرحيه رائعه
لأنكم بتشيعو جو من البهجه فى المكان
بخصوص الايميل اعتزر انى لن اخده, لأنى لا احب ان ادخل فى ماستنجرات مع الشباب خصوصا لو مافى سبب قوى يستدعى زلك
ومافيناش زعل
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
| Quote: يعنى البت عمرها 12 سنه ببساطه لو اساسى فوق العشرين ممكن يكون ابوها مافيها حاجه ده |
| Quote: بخصوص الايميل اعتزر انى لن اخده, لأنى لا احب ان ادخل فى ماستنجرات مع الشباب |
Quote: خصوصا لو مافى سبب قوى يستدعى زلك
|
Quote: انا برضو فى مقام امها, يعنى لو كنت اتزوجت وعمرى 11 سنه ببساطه ممكن تكون عندى بت قدرها
|
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
في واحد انصار سنة قالو كان بصلي جنب واحد سوداني اها السوداني
بعدما انتهى من الصلاة وسلم مدا يدو يسلم على الجنبو كعادة المصلين السودانيين في الحلة
قام انصار السنة بي كل برود عاين ليهو وقال ليهو :
دي ما من السنة..
قام صاحبنا المحرج قال ليهو :
هسي مساختك دي من السنة..
ـــــــــــــــــ
هسي يا بت الاحفاد في ذمتك حركتك دي من السنة؟؟
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
Quote: في واحد انصار سنة قالو كان بصلي جنب واحد سوداني اها السوداني
بعدما انتهى من الصلاة وسلم مدا يدو يسلم على الجنبو كعادة المصلين السودانيين في الحلة
قام انصار السنة بي كل برود عاين ليهو وقال ليهو :
دي ما من السنة..
قام صاحبنا المحرج قال ليهو :
هسي مساختك دي من السنة..
ـــــــــــــــــ
هسي يا بت الاحفاد في ذمتك حركتك دي من السنة؟؟ |
[B]
دكين اخوىابدا ما من السنه
ومعليش لو خلييت اساسى ياخد راحتو فيك
ما تنسى انك بديت الاول
والعين بالعين..والبادى اظلم
وانتو كده متعادلين
أساسى اخوى
كفايه لحدى كده والا......
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
ولا شنو يا بت الاحفاد ....؟
يا بت الاحفاد ضحكتيني والله ..؟ ياخي انا امي ما حصل قالت لي والا ..
تجي ساكت كدا تقوليها لي ..كان ما دا عالم خيالي..؟؟
عليك الله يا بت الاحفاد وريني بعد والا دي في شنو ...؟
الا غايتو كان الجملة التالية (حاضيف دكين في ماسنجري)
لكن غير كدا ...
امسحيها براحة وانا بعمل زي الماشايفها...
يعني رودا بي الكورجة المعاها وكل المنورين (عكس الظلامين ) ما حصل
قالوا لي والا ...
زي ما قال ليك دكين
الدفار خطب المارسيدس البنز ويوم العرس جو العربات كلهم عمك البيجو وجدك الهنتر والهيلمن وخالك الهينو وصحبات العروش ناس المازدا والكريسيدا والكوريلا الرقشات لبسوها الشرابات وربطوا ليها شعرها بالشرايط وقبل الحفلة ما تبدأ اتعشت ونامت
وتقولي لي والا..
عليك الله والا شنو ..؟؟
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
الأخت الكريمه بنت الأحفاد
معك ندعو أن يسود شئ من الوئام
وان تنتهي اسباب حزنك علي ما آل اليه البورد هذه
وتعبيرك جاء جميلاً وصادقاً
يبشر بأن وراءه كاتبة قادمه
ارجو أن تتحفينا بالمزيد من الكتابات والمحاولات كهذه.
-------
دكين
| Quote: بلاي في ذمتك يا بت الاحفاد ده لو ما عالم خيالي انحنا البلمنا معاكي شنو بس؟؟ |
أهو فرصة تشوف ناس فوق
| |
|
|
|
|
|
|
|
|
|
Re: قالو ان هذا عالم خيالى....... (Re: HOPEFUL)
|
الاخ الكريم هوبفل
ندعو معك الله ان يسود الحب والويئام جميع انحاء البورد وان يكشف الله الغمه التى نعيشها جميعا
فى البورد الان وان تعود جميع اخواتنا للكتابه مره اخرى, وبرضو بكره احلى بأذن الله
وشكرا للتشجيع, سأكتب كلما سنحت لى الظروف بأذن الله
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
| Quote: بلاي في ذمتك يا بت الاحفاد ده لو ما عالم خيالي انحنا البلمنا معاكي شنو بس؟؟ |
بلمنا بورد بكرى يادكين
بعدين انا لا بت عز ولاحاجه
ولا حنكوشه ولا حاجه
انتو بس ما قدرتو تفهمونى
انا كل القلتو انو البت بالليل ربما تلجأ لكراستها الصغيره تبثها همومها وما قلت تلجأ للباربى بتاعتعها ولا عروستها,كلامى ده فيهو حاجه؟
وفى امان الله
لا اله الا الله
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
يا دكين
في اختراع اسمه الجملة الشرطية وفي حاجة اسمها جواب الشرط
يشرط بطنك يا دكين
بعدين ما لكناها تحت وقلنا لو
نسيبك دينك الف ريال ..؟
يا دكين الزول دا بصراحة شكله ظروفه زي الزفت .... لكني المخارجة من بتهم دي يظهر ازفت من ظروفهم ....
اسمع طيب ان شاء الله بطاقة سوا من الالف ريال دي
| |
|
|
|
|
|
|
|
|
|
Re: قالو ان هذا عالم خيالى....... (Re: اساسي)
|
Quote: ذهبت فى جفاء ودموع وحنين
عاودنى الحنين
وطائر حزين يستحلفنى البقاء
يقول فى أباء
عودى ففى عودتك الضياء
|
الف فحمد لله على السلامة
ويا دكين واساسي شيلو حيطتطك دي شويه خلوني نتابع بت الاحفاد
اها قريبتك دي ما اساسي بترد الموية برضو وتجيب الواقوووود
والله مسكينات بنات البلد الواحدة رجلا تنظف من الطين تخش في العجين يسو شنو الا الظروف عذيبي
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
Quote: ذهبت فى جفاء ودموع وحنين
عاودنى الحنين
وطائر حزين يستحلفنى البقاء
يقول فى أباء
عودى ففى عودتك الضياء |
الغالية جدا بنت الاحفاد
حقا .. عودي ففي عودتك الضياء..
ورجاء لاتكثري الغياب فلقد ادمانا الشوق
تمنياتي ان تكوني بخير
ويحفظك ربي بما حفظ به القران..
| |
|
|
|
|
|
|
|
|
|
Re: قالو ان هذا عالم خيالى....... (Re: tiger18)
|
سلام بت الاحفاد
كفاره وسلامتك الحاجه الجاتك دي اسمهاBREIF DEPRESSIVE EPISODE وبالمناسبه دى اعراض شائعه جدا وعلامه صحه .وانا لامن تجينى بمشى ازور صحبانى واتونس شويه او اقرا سورة البقره كامله من غير توقف.
وعلبك انك ماتوقفى الاكل وخصوصا ملاح الباميه دا اذا بتعرفى تطبخى اصلا انا شخصيا بملونى الوصفه بالتلفون.
بالمناسبه انا ما بفهم فى الشعر لكن الكلام جميل جدا.
ايمن
| |
|
|
|
|
|
|
|
|
|
Re: قالو ان هذا عالم خيالى....... (Re: Ayman Gaafar)
|
| Quote: بالمناسبه عليك الله انت واساسى اتكلمو عربى, انا استعنت بمترجم عشان يترجم لى كلامكم |
اساسي ودكين والله قدامي كباية الشاي لمن
قريت الكلام ده الكباية طارت في جهة
والكرسي زاتو طار في جهة
واخوكم بقي في واطة الله.
اها يااساسي شوفت الحنكشة هنا كيف
باصولها ولا لا ؟
تاني ما اسمعك تقول لي حناكيش الخليج.
وبالله اتكلم عربي زي ما قالت الاخت
الله يديك العافيه يابت الاحفاد .
| |
|
|
|
|
|
|
|
|
 Re: قالو ان هذا عالم خيالى....... (Re: Bakhaf)
|
السلام عليكم
حبيبتي الغالية.....عسولتي الندية .....ستو
كلامك حلو ...و ينم عن حس مرهف ...و روح شفافة ...ولغة سليمة...الملكة الشعرية عندك رهيبة ..ارجو تنميتها...والحزن يملا المكان رغم شقاوة اساسي ....انت شن جابك هنا...ما قلنا ليك جبص مافي ...في المملكة ...
لما الحزن ايتها الغالية...انا طبيعي مدبرسة ...من ما اري و أجد امامي من هموم ...ماذا عنك ايتها البيضاء قلبا و سريرة ...
...عليك بكلام ايمون دا بس و بعد تتمي البقرة فاتحتي في الذمة...
دكين ...تيك كير ....اللغة عليها صعبة ....لوووووووول
بخاف ....الشاي بالهناء مشتاقين و الله ...مجافينا مالك ؟؟
العمدة ....شكرا علي الالو...
مقولة للاساسي ....الظريف...صحبة البورد حدها الكي بورد...وناس البورد حالات نفسية و سواقط تعليم ....الخ و لكن الواقع غير ذلك ...انا مفتونة بكثير من الشخصيات هنا ...ولا يمكن قطع القول في ذلك ....وامة محمد بخير و الحمد لله
غايتو انا الايام دي لاقيت بوردابي ...خلاني اصدق انو الناس الحلوة كتيرة ....وبفول ليهو ما شاء الله عليك الاصل و الواقع تتطابف 1000 و الشباب السوداني بخير و الحمد لله...
و حقيقي يا ستو هو عالم خيالي ....بس الخيال دائما جميل و أجمل من الواقع ...لذا نلجأ اليه حين تشتد العواصف الثلجية بدواخلنا المرهقة ...و المرهفة ...حزنا و الما....
و
في امان الله
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
هوي
السادة الجوني ناطين في الايمل بلا خجلة ديل ..
ياخوانا انا قتا بت الاحفاد ..
انتو طارحين نفسكم بنات الاحفاد الايام دي ولا كيف؟؟
ياخوانا منذ مدة توقفت عن معرفة مزيد من الرجال فقد اكتفيت بالذي عندي منهم....
اساسي
بشاشا الكوز ده كن جاني بي جاي بضيفو تب ..ولا خلاف على وجوده في لستتي ..
ـــــــــــــــــــــــــــــــــــــــــــــــــــــــــ
منتظرين يا سيد الاسم
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
| Quote: منتظرين يا سيد الاسم |
واقف براك والهم عصف
ريحا كسح زهرة صباي
ليلا فتح شرفة وجع
قمرا رحل فارق سماء
مطر الحزن عاود هطل
جدد عذاب الأرصفة
ضـئ المصابيح البعيد
اتعب عيونك وانطفى
لمتين مواعيدك سراب
والريد شقى حرقة وجفا
| |
|
|
|
|
|
|
|
|
|
Re: قالو ان هذا عالم خيالى....... (Re: DKEEN)
|
سلامات
وعوافي
شكرا بت الاحفاد علي الكلمات الرهيفات
دكيييييييييييييييييييين
اقسم بالله العظيم ثلاثة انت العسل زاتو
زعل جميل
وفرحك جميل
وبياختك جميلة
ومساختك اجمل
تسلم ياخي ودي من زول بريدك في الله سااااكت
لكن بيني بينك بالغتا في طارحين نفسكم بت الاحفاد دي
ياخي انشاء الله ماتشوف شينة طول ماانت عايش يارب ياكريم
وربنا يحفظك ياطيب
سلام
| |
|
|
|
|
|
|
|
|
|
Re: قالو ان هذا عالم خيالى....... (Re: ودرملية)
|
ود رملية
Quote: اقسم بالله العظيم ثلاثة انت العسل زاتو
زعل جميل
وفرحك جميل
وبياختك جميلة
ومساختك اجمل
|
البقنع الديك منو؟؟؟
Quote: ياخي انشاء الله ماتشوف شينة طول ماانت عايش يارب ياكريم
وربنا يحفظك ياطيب |
عميق امتناني لهذه الدعوات الطيبات ياسمح يا ذوق ...
بس دعوات البورداباب ديل مهما علت ما اظنهاتتجاوز دعاية ادم للسفر والسياحة البتنطط فوق دي
مع استثناء الفي بالي وبالك .. دي دعواتا بتقد السما..
ـــــــــــــــــــــــــــــــــــ
للاسف مساختا برضو بتقد السما...
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
العذيذة بت الاحفاد
الذهجة فكت ولا لسة؟
طبعا اسجل اعجابي بما سطرت
وكنت في انتظار وقت احسن لزالك لم اكتب لك حين قرائتي النص
وانشاء الله نسمع بوحك في لحظات فرح وسعادة
والله يذيدك من نعمه
تحياتي
ذولة123
ملاحظة! ال ذ وال ز لخبطهم باكاوي فيكي ساي
اوع تذعلي
| |
|
|
|
|
|
|
|
|
|
Re: قالو ان هذا عالم خيالى....... (Re: zola123)
|
الاخت العزيزة / بنت الاحفاد - السلام عليكم ورحمة الله وبركاته
المعزرة اولا على تاخر الرد هنا - وثانيا عدم متابعتى لكم فى ما يخص جانب المشروع الخيرى
وذلك لانشغالى بامور عدة لا استطيع فيها التواصل مع البورد كثيرا-الا لوقت قصير يادوب ارفع البوست الاتى لاهميتة الخاصة عندى
تكوين رابطة ابناء كردفـــــــــــــــــان - دولة الامارات العربية المتحدة
واحيانا يكون الكمبيوتر مفتوح ويحسب اننى على اللاين ولكن لم اكن كذلك - لان صفحة المنبر هى الرئيسية عندى وكثيرا اجد مداخلات من بعض الاصدقاء وحين الرجوع اليهم اجدهم غادروا الكمبيوتر - فيحسبون اننى تجاهلتهم ولكن لم يكن ولن يكن انشاء الله - فاكرر اعتزارى لكم جميعا -
اما ما يخص البوست فلا تهتمى كثيرا بما يجرى من حولك ولا تكدرى نفسك ما يجرى هنا بلاء نسأل الله ان يرفعه وشكرا جزيلا .
| |
|
|
|
|
|
|
|
|
|
Re: قالو ان هذا عالم خيالى....... (Re: bint_alahfad)
|
الاخت العزيزة بنت الاحفاد
سلامات و اهلا بعودتك. اعجبتنى قراءتك لواقع البورد و تعبيرك بجمال عنه، كمااعجبتنى قصيدتك الاخرى و اتمنى ان تستمرى فى الكتابةفى البورد.
لك التحية و اشكرك كثيرا على التهنئة و المكالمة الجميلة. سعدت كثيرا بالحديث اليك.
ندى
| |
|
|
|
|
|
|
| |
bint_alahfad
elhilayla
AnwarKing
اساسي
HOPEFUL
قرشـــو
Bakhaf
ودرملية
alsngaq
zola123
معتصم دفع الله
nada ali
فيس بوك
تويتر
انستقرام
يوتيوب
بنتيريست