امبارح بالليل كنت بشاهد في مباراة بين فريق كرمة والجزيرة في ميدان رابطة الصالحية والجو جميل مع رشات من مطر صيفي في مدينة الرياض والمباراة مولعة وقبل نهاية المباراة بربع ساعة لقيت اخونا صديق الموج واقف عند المنصة الرئيسية وبنفس اسلوبه وخفة دمة يرمي في القفشات فصرف الحضور عن المباراة وحرارتها فصحت فيه يا ود الموج ولدك دا ما يمسك برميل مش الكورة ( ولد صديق الموج كان حارس مرمي فريق الجزيرة) بس قال تعال ومسكني من يدي وقال سلم على الزول دا وكان جالس في المنصة الرئيسية . تعرفوا يا اخوان انا لمن عاينت في الزول شعرت بان الزول دا بعرفوا وصديقي كمان وبدون ما اشعر قمت اعانقه بحرارة وقلت انت اخوي وشقيقي د . عادل سجيمان ( القلوب شواهد ) حتى استغرب الحضور نوع السلام والمعانقة الطويلة . د . عادل سيجمان شخص تحبه من دون تراه وعندما أن تراه يزداد حبك له بشوش مرح وعندما بدأ الكلام والتعارف مع المتواجدين حوله غطي علي ود الموج في قفشاته ، اخذنا مع بعض وقت طويل ولم يكفي لهفتي علي زيادة معرفتي به . ساحكي لكم المزيد لاني سوف استمتع بلقاءه الليلة في دار مدني لان الاخ صديق الموج بيكون متواجد يوماً في دار مدني برابطة الصالحية بعد صلاة العشاء ووعدني بانه سوف يحضر معه سجيمان وحنتعشى مع بعض ودي فرصة لبورداب الرياض عشان نتلاقى هناك . ساحكي لكم عن العشاء ومفاجأته ( تركين بقراصة مولعة نار )
على فكرة المباراة انتهت تعادل 1/1 ودا عشان بس ما نفضح ولد صديق الموج بس المباريات القادمة كرمة حديد نواصل غداً ان شاء الله .
أيوة والله ، سجيمان في الرياض من أمس العصر ، وحضر معانا تأبين الفقيد الخاتم ، وحضر جزءا من ندوة تعليم أبناء المغتربين ، ثم اختطفه صديق الموج ،،، سنلتقيه الليلة في رحاب الصالحية ...
04-30-2005, 05:39 AM
حمزاوي حمزاوي
تاريخ التسجيل: 10-10-2002
مجموع المشاركات: 11622
أخوي معتز تروتسكى كيفنك نلزوا ليك ما بنقدر لانه لسع ما شبعنا منو ولكن ممكن نلز ليكم صلاح شتات . . . ينفع ومعاه صديق الموج كمان . . زيادة دا بس عشان خاطرك فعلاً قالوا علي شقي ومجنون وانتو جنوني يا اهل البورد وياريت نسعد بلقاك يا ود تروتسكي
04-30-2005, 08:06 AM
معتز تروتسكى معتز تروتسكى
تاريخ التسجيل: 01-14-2004
مجموع المشاركات: 9839
سعيد انا مع انو الزول البوم ده سوف يختف منى الانظار،لكن انا اسمح منو وظبطت عدد واحد بدلة طبعا حا يقولو صديق مستلفا وكده ولا يهمكم المهم سوف ياكلنى نضم وظرافة لكن بغلبوا ليكم هدوم ووجاهة ساكت البورداب بالله ما تتاخروا،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معتز تروتسكى
!
.
ودقاسم
ست البنات
صديق الموج
فيس بوك
تويتر
انستقرام
يوتيوب
بنتيريست