|
|
 أبطال الدجتال ....
|
قررت أن أقضي بعض أيام مع أختي والتي لها بنت صغيرة تسعد أيما سعادة حين أقرر المبيت عندهم .. ولكن
الذي يزعجني أنه حينما نبدأ في إطفاء الإضاءة وإصدار قرار النوم
تراجع الطفلة كل مشاكلها في الروضة وترد على كل الذين لم تستطع أن ترد عليهم هناك وبصوت عالي ... John you are stupid ,
I will hit you >> Now
you r so, and so <
وأبدا أنا في رحلة اسكاتها ..
يابت اسكتي ..
وتستمر
حتى يجي أبوها ويحكي لها أنها أميرة ومهذبة ولا ترد بالطريقة دي ...
وأحكي لكم عن إبن صديقتي الذي يسابق شوماخر ويضرب زيدان
ويحاور اشهر لا عبي الكورة ويهزمهم
ولكن في البلر اشتيشن وهو لم يتحرك من مقعده أمام الشاشة الصغيرة
ويصيح بأعلى صوته ..
بابا لقد هزمته
لقد هزمته
لقد انتصرت عليه ..
ويمكنني أكسر عربته ...
وصياح وصياح ...
الله يعين أمهاتهم
رأيكم شنو في هؤلاء الأطفال
وأسميهم أنا وأمهاتهم أبطال الدجتال..
بس بنحكي عنهم
|
|
 
|
|
|
|
|
|
|
|
Re: أبطال الدجتال .... (Re: حمد فتح الرحمن)
|
شوف عيني يا حمد النمتي في لندن هذا الصيف
ما تقول برانا البقرصنا النمتي*
ــــــــــــــــــــــــ
* النتمتي حشرة صغيرة تقصد العينين بالقرص .. وبتزهج شديد .. بوتجي بكميات كبيرة
ما عارفة اذا كان عندها علاقة بالبقر ولا لا
| |
|
|
|
|
|
|
|
|
 Re: أبطال الدجتال .... (Re: القلب النابض)
|
Quote: النتمتي حشرة صغيرة تقصد العينين بالقرص .. وبتزهج شديد .. بوتجي بكميات كبيرة
ما عارفة اذا كان عندها علاقة بالبقر ولا لا |
نمنتي شنو في لندن كمان بالله حتي النمتة هاجرت من السودان ؟ تاني الفضل منو طيب ؟
نمنتة السودان عندها علاقة بي لقاح التمر و بتاكل تحت الاضنيين و اطراف العيون ، و ما بتطير الا تولع ليها دخان بعر الحمير ، اها يا قلب نحنا طفولتنا معلقة بين التحلق حول دخان بعر الحمير المعفن اتقاء شر النمنتة و قلبة البهايم البعيدة و اعادتها مرة تانية .
خلينا من النمنتة كدا و احكي لينا عن ابطال الدجتل
| |
|
|
|
|
|
|
|
|
|
Re: أبطال الدجتال .... (Re: حمد فتح الرحمن)
|
عاد يا حمد تفتكر النمتي دي كان لقت طريقة من التمر دا ما بتغير .. قطعت تذكرة لي لندن ..
خليني أبطال الدجتال ديل مواهيم في راسهم ..
بت اختى اصغيرة دي .. نقناقة نقة شديدة وبالانجليزي ..
يدوها هرشة تقلب عربي شوية كدة ولا إرادياً ترجع تاني..
وما بتتستحمل الحقارة وفي نفس الوقت ما بتاخد حقها بي يدها بسرعة ..
دا البيخليها تنهي يومها بالإنتقام الشفهي من أصدقاءها في المدرسة ....
وتتصور نفسها بطلة انتقمت منهم كلهم ونامت ..
بس أنا ما بستحمل الفيلم دا وانا انوم جنبها هذه الأيام ..
والشلكة تدور بيني وبينها ..
وبديت ليها قصة فاطنة السمحة
ومحمد البطل واشيائ اخرى
لكن حأحكي ليها قصة حمد والنمتي
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
القلب النابض
انا كنت فاكرك حنكوشة ..
ما احلي اللعب علي انغام حبيبات المطر ومن ثم موية الخريف ...
يا ريت تعود ايامنا ..
طبعا افتخر ان عندي فاقد من فترة الطفولة لم اخذ نصيبي منه بعد...
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
القلب النابض
انا كنت فاكرك حنكوشة ..
ما احلي اللعب علي انغام حبيبات المطر ومن ثم موية الخريف ...
يا ريت تعود ايامنا ..
طبعا افتخر ان عندي فاقد من فترة الطفولة لم اخذ نصيبي منه بعد...
| |
|
|
|
|
|
|
|
|
|
Re: أبطال الدجتال .... (Re: تولوس)
|
العزيز تولوس
لا لست كذلك فقد لعبت كثيراً جداً وأنا مقتعو بشدة أن لعبنا كان أكثر فائدة من المشاهدة ومصارعة أبطال الدجتال هؤلاء ..
فقد حرموا الأمان
تصدق هؤلاء الأطفال لا يستطيعون فتح باب الشارع دون إذن الوالدين ومعرفة من الطارق ..
ليسو مثلنا..
لهذا ينقصهم التواصل الإجتماعي .. والخبرة في التعامل ..
كنت أنام أمام التلفاز وكني أقرأ كثيراً
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
ياقلب
تعرفي لوعايزاهها تنوم بس مدي يدك في شكل مسدس وقولي ليها:
اخلدي الى النوم وإلا ارسلت لك وحش الماء..
لو مانامت تعالي اساليني
نحنا عندنا هنا بنية بنومها بالطريقة دي..
اخر الليل بس تجي تقيف قدامها طرف السرير وتقول ليها:
إن الاخطبوط الهوائي سيلتهم كل المستيغظين..
دقيتين بس تلقاها نامت..
حبا وكرامة..
| |
|
|
|
|
|
|
|
|
|
Re: أبطال الدجتال .... (Re: DKEEN)
|
وحش الماء يا دكين
وكمان
إن الاخطبوط الهوائي سيلتهم كل المستيغظين..
يا لك من مرعب يا دكين..
نحن دايرنهم ينوموا بسلام وأمان
تصدق ذهبت الى الى متحف الطبيعة مع صديقتي وأولادها كل شئ حميل من طيور وفراش كان موجود فلم يعجبهم غير الديناصور
وحينما عدنا الى البيت لم يكونوا يتحدثوا عن شئ سوعى الديناصور وعيونوا ورجلينو .. الخ
واصبحوا ينسجون القصص حوله..
المرة الجاية بغني ليها النوم النوم ..
| |
|
|
|
|
|
|
|
|
|
Re: أبطال الدجتال .... (Re: WadAker)
|
السلام عليكم
الأخت القلب النابض
أكاد أجزم..
معظم الناس الدخلت البوست ده فاهمة العنوان غلط
وبتاعين الشمار أكيد التقطوه التقاط ..كمقدمة لمعركة حامية على البورد
السبب هو
( أبطال الديجتال دي صفة تنطبق على عدد كبير من كتاب البورد المحترمين)
واكيد حا يفتكروا انهم مقصودين
.........
لومك علي كان ما وصل عدد Mouse Click الف
................................................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: أبطال الدجتال .... (Re: الزوول)
|
Quote: تعرفي لوعايزاهها تنوم بس مدي يدك في شكل مسدس وقولي ليها:
اخلدي الى النوم وإلا ارسلت لك وحش الماء..
لو مانامت تعالي اساليني |
دكين،
هى فعلا بتنوم بالطريقـة دى.. لو أصلو النوم مطلوب (بأى طريقـة)..
لكن بعـد ما يكبروا ديل، يعملوا إنقلابات وينومـوا الشعب كلو بالمسـدس الجـد جـد.
أحسن نخت راحتنـا دى ورا شـويـة ونعصــر، وننومهـم بغنـا واللا قصص.
| |
|
|
|
|
|
|
|
|
|
Re: أبطال الدجتال .... (Re: غادة عبدالعزيز خالد)
|
العزيزة غادة
كورة الشراب دي ولدك ما بيعترف بيها ..
كما لا تعترف بنت أختي أن المفراكة وسيلة للضرب والتأديب ..
ففي الصباح زهجتني وأنا في المطبخ .. رفعت ليها المفراكة قلت ليها عارفة دي بيعملوا بيها شنو ..
قالت لي ياخالتو دي بيعملوا بيها الملاح ..
قلت ليها يا حلوة دي عندها مهمة تانية لازم تعرفيها بيضربوا بيها الشفع الكلامهم كتير ..
عارفة قالت لي شنو ..؟
لكن البوليس ما بيجي ياخدك أوعة تعملي كدة خالتو!! بيدخلوك السجن وانا عايزاك تلعبي معاي ..
اتغظت واتهريت منها لأني ما اتفشيت والكلام اتحول للمنطق بس ..نسوي شنو بس مع ايطال الدجتال ديل ..
| |
|
|
|
|
|
|
|
|
|
Re: أبطال الدجتال .... (Re: Muna Khugali)
|
العزيزة منى خوجلي..
تحياتي ليك
| Quote: والعجـب لمـا يقرب الكريسـماس وتكـتر اللعب الـديجيتال |
ياحلينا شم النسيم كان عندنا رحلة في خلا الله والرسول دا..
طلتك فرح
| |
|
|
|
|
|
|
|
|
|
Re: أبطال الدجتال .... (Re: Muna Khugali)
|
العزيزة منى خوجلي..
تحياتي ليك
| Quote: والعجـب لمـا يقرب الكريسـماس وتكـتر اللعب الـديجيتال |
ياحلينا شم النسيم كان عندنا رحلة في خلا الله والرسول دا..
طلتك فرح
| |
|
|
|
|
|
|
|
|
|
Re: أبطال الدجتال .... (Re: نادية عثمان)
|
كيف يانادية؟
وفي الشعبية جنبكم كمان ... تصدقي !!
حية المساكين ديل ما عندهم مهارات طبيعية أي شئ إلا تخططوا ليهم وزارة التعليم ويعلموهم كل شئ بمقدار .. يا حليلهم ... مساكين يا نادية ..
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
Quote: يا حليل كورة الشراب
|
| Quote: ياحليل الكومبليتة !! |
| Quote: واصرخ وأقول كمبليتة وبي شخيتها |
| Quote: ام الحفر لعبتيها ياقلب ؟!! |
لااااااااا حولاااااااا!!
انتو من الزمن داك؟؟
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
حمد فتح الرحمن ..
حكيت سمعتها الغنية .. عجبتها جداً وقالت لي قولي لي خالو حمد شكراً ...
تصدق حكيت ليها قصة حمد وانتمتي قالت لي بكرة احكيها لي تاني ..
خايفة عليك انا ..
لكن المشكلة اني اضطريت اقول النمتي هو "الفلاي" لأنها ما عرفتها بحاول اشوف المقابل هنا شنو ..
أوعة تقول لي احكي لي الحكاية ...
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
الاميرة القلب النابض
هل تصدقى الى يومى هذا وانا فى الجامعة بلعب البلى ستيشن دا
واية رايك بحضر قناة اسبيس تون طوالى
ومتابع كابتن ماجد والمحقق كونان شديد
| |
|
|
|
|
|
|
|
|
|
Re: أبطال الدجتال .... (Re: محمد عادل)
|
Quote: الاميرة القلب النابض
هل تصدقى الى يومى هذا وانا فى الجامعة بلعب البلى ستيشن دا
واية رايك بحضر قناة اسبيس تون طوالى
ومتابع كابتن ماجد والمحقق كونان شديد |
ووب علي يا محمد عادل ما عقلت لسة ...
اسبيس تون حلوة ومفيدة لكن هادي سجم الرماد البلي استيشن دا الله يقصفوا ما فيهو أي فايدة غير التوتر ...
الله يهديك منو ...
تحياتي
| |
|
|
|
|
|
|
|
|
|
Re: أبطال الدجتال .... (Re: Alsa7afa_30)
|
Quote: يا ناس السودان,, الحاجات دي لسه موجـودة ولا خلاص اندثرت؟؟؟
يمكن نكون آخر جيل لعب الحاجات دي!! |
ما اندثرت والله لكنها ما عادت الوسيلة الوحيدة للترفيه... الغزو من الألعاب الإلكترونية سريع شديد ..
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
| Quote: الغزو من الألعاب الإلكترونية سريع شديد .. |
و الله الغزو على السودن أصبح من جميع الجهات...يا ريت لو بقت على الألعاب الالكترونية و بـس..
ربك يستـر..
| |
|
|
|
|
|
|
|
|
|
Re: أبطال الدجتال .... (Re: القلب النابض)
|
القلب النابض
اللعب الزمان ليهو طعم عشان الأمان
كنا بنرجع من شليل بعد نص الليل
خاصة الليالي المقمرة
هسي الشافع مايقدر يطلع من البيت
كل زمن وليهو أحكام
ديل طلع ليهم أبطال الديجتيل .. مفروض نقبل بي كده
لكن
نعمل حسابنا ما يجيهم إســتلاب حضاري
الإستلاب الحضاري أخطر كتير من النّمتي
خوالص المودة
| |
|
|
|
|
|
|
|
|
|
Re: أبطال الدجتال .... (Re: ثابت محمد)
|
Quote: نعمل حسابنا ما يجيهم إســتلاب حضاري
الإستلاب الحضاري أخطر كتير من النّمتي |
ما دا الخايفين منو يا ثابت أخوي ..
وهنالك درجة عالية من العنف ..
ودرجة عالية من عدم تنوع خبرة الطفل ..
والواحد كان جاء ضيف ما بيجي يسلم ولا بيعرف زاتو انو دا واجب .. مشغووووول ..
الله يستر
| |
|
|
|
|
|
|
|
|
|
Re: أبطال الدجتال .... (Re: فيصل نوبي)
|
كيف؟؟ ومشينا السيرة كمان ..
بت اختي بعد عودتها من السودان ما حفظت من الأغاني إلا ..اغاني العروس ..
وكلو زو بي زوجة بتاعو إلا أنا ما عندي مرة
ليي بس كدة بس كدة بس ..
وبتغنيها رهيبة وبي جدية شدية ..
لكن الله يقدرك ما تسمع بي انتباه..
| |
|
|
|
|
|
|
|
|
|
Re: أبطال الدجتال .... (Re: نادية عثمان)
|
Quote: ياقلب
اندثرت طبعا .. هسى شفتى ليك زول غيرنا بلعب ام الحفر والكومبليتة ياخ ؟! |
لا لا
عارفة يا نادية اسة انا لو لقيت طريقة بتفشى وبلعبها..
يازولة عيال الزمن دا مادايرين يتوسخوا ...
عارفة الشفع هنا بيجيبوا ليهم التراب بي حوض كبير عشان يلعبو بيه واقفين على حيلهم في الروضة والمدرسة ودا يوم الهنا عندهم..دا هنا ..
لكن ما شايفة لي سبب يخلينا في السودان نخلي النوع دا من الرياضات التي تزيد من مهارات كتيرة ..
حمد فتح الرحمن راجي القصة
بحكي ليك المقدمة بس لكن ما اسة
| |
|
|
|
|
|
|
| |
القلب النابض
حمد فتح الرحمن
Mohamed E. Seliaman
تولوس
nadus2000
الزوول
Abureesh
غادة عبدالعزيز خالد
Muna Khugali
Alsa7afa_30
محمد عادل
ثابت محمد
فيصل نوبي
khaleel
فيس بوك
تويتر
انستقرام
يوتيوب
بنتيريست