|
دعواتكم لزميلنا المفكر د.الباقر العفيف بالشفاء العاجل
|
|
 Re: باب السنط (عقد الجلاد) أغنية جديدة (Re: ملكة سبأ)
|
الله يديكي العافية يا الملكي ..
والقلوب عند بعضيها كنت بكتب في القصيدة
وعندي فيما يبدو غلطة واحدة (الريكة) ويظهر إني محتاج أجازة في البركل بسرعة.
والتحية لي أستاذنا محجوب شريف الله لا حرمنا من نفحاتو.
| |
 
|
|
|
|
|
|
|
|
Re: باب السنط (عقد الجلاد) أغنية جديدة (Re: ابو مهند)
|
العزيز طارق..
تشكر للكلام الطيب ..
وآمين يا طارق آمين..
وليد 399
تقول شنو ليتها تعود...
طبعا خالك عاش الأيام دي بحق وحقيقة..
أبو مهند..
الشكية فوق كم داير تفتني مع عزيز
عموما الشريط أنا ما عندي كل ما أمتلكه
عدد ثلاثة أغاني أهداهم لي أخونا حمزة سليمان
الله يديهو العافية .
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: WaD OmI)
|
نوف..
سلامات..
ما شاء الله يا بت أختي ما عندك عوجة
كنت متخيل الكلمات زي (الدكة والريكة النفاج) إلا ملكة سبأ
من جيلكم تكون علي دراية بيها لعشقها الكبير بالكلمات التراثية
ولا أملك إلا أن أحييك..
وأهديك الغنية كمان.
| |
|
|
|
|
|
|
|
|
 Re: باب السنط (عقد الجلاد) أغنية جديدة (Re: Alia awadelkareem)
|
يا ود الحاج الله اديك العافيه
لقد ابكيتنى ثانية؟؟
الصيف المنصرم ذهبنا انا وام غيداء فى اجازة
الى بلدنا وكان ان رجعت الى ميسى وحوشى الوسيع عقد الجلاد
تقالدنا وتحاننا وغنينا كما لم نغنى من قبل
وكانت هذه الاغنيه التى اغرورقت عيناى منها دموعا وحنانا
انها ممتلئه بكل ما هو نبيل
وحمزه صديقنا الفنان هو احد مراكز القوى اللحنيه فى عقد الجلاد
وله قدر فى مزج ما هو تاريخى بالحديث
حتى يكسبه لون عصرى
وله فىرائعة المرحوم صلاح احمد ابراهيم ما شين ودشن برهان كبير
ليك الود وكثير المحبه
وكتر من المكاواه؟؟؟
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: mustadam)
|
خالد الحاج سيد المسيد و القبة برضو
هو الشريط دا مرقا في هولندا؟ لا حولا ولا قوة الا بالله.
المعني يعني جا طاير بي فوقنا وما ركا
مرة واحد صاحبي قال
اقسم بالله العظيم - دا قسم عديييل - واخد بال حضرتك؟
اقسم بالله العظيم مافي غني بوقف لي شعرة جلدي غير غني عقدالجلاد.
انا ماسمعتها لسة الغنية دي لسة -علاكين- للضمان كدي اول ما قريت الفينا مشهودة دي مسكتني ليك ام هلا هلا.
اخوك تحت تحت كدة مااا سودااااني ... انت قايل شنو؟
المهم..
اجمل حاجة في الدنيا انو الواحد ما يكون بعرف يكتب كلام جميل زي ناس القدال و محجوب شريف و البورداب ناس تماضر والطيب ريمو و قرمبوز و نجلاء و الفاضلابي و الجماعة ديل .. عارف لية؟؟؟
عشان يتخلع بالشعر السمح متل خلعتي الهسع دي.
________________
________________
الفينا مشهودة ... و جوة الغنية دي بالذاااات ... دايرين يقتلونا الناس ديل ولا شنو
عليك الله عقد الجلاد دي ما بالغت؟؟؟
عمر
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: omer ibrahim)
|
مانديلا ..
أها يا مانديلا حمزة ختاها ليك في حوشك
وذاد ليك الجرعة أبقي مارق وخالك يمتنع مؤقتا.
حمزة سليمان..
هلا بالناس الحلا..
واللحن رائع يا حمزة، الله يديك العافية..
وبعد ده كلو منتظر لجنة نصوص تجيز ليك غناك
كدي شوف الناس دي بتقول في شنو..
عالية..
الحمد لله..أها بعد كدة نومي قفا وأسمعي.
أنور عبد الرحمن..
أيوة أبكي شوية ما قاعد تبكي فينا عمرك كلو
يعني فرد بكية بتسوي ليك شنو..
الله يديك العافية لتزرع فينا الفرح البقي ضنين.
مستدام..
صدقت والله محجوب شريف ثروة قومية لا تؤطر
ولا تقبل التقسيم..ورحم الله ود المك فقد كان يعرف قدر الرجال.
الجندرية..
أضغطي هنا في إسمك وقولي لي الله يرحم والديك.
جندرية
عمر أبراهيم..
يا أخي إنت زول حلو
وبيني وبينك خالك من أمس (شعرت جلدو مكلّبة)../
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: خالد الحاج)
|
خالص التحايا
الزول السمح خالدماعارفين نجازيك كيف الا نكتلك.. اصبتنا فى مقتل لانو عقد الجلاد ديل جايين من البعدالعاشرعموماابقىليناوصلةونحنى البلدالبعيددى ربنا يديك العافية وماتنسى تسلم على الوليدات
وسلامات وعوافى..
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: معتز تروتسكى)
|
كويس....
باب السنط...
باب من خشب السنط في الغالب بكون قصير كده و بكون بين الحيشان بعني ده بدخلك من بيت لي بيت و هم في الغالي بكونو أهل أو اسرة واحدة,,ده أنا عارفو كويس لانو في زيلراتنا حوش جدنا كل ما أجي مارق الشارع أفتح الباب ألقى نفسي في حوش جديد و ناس قاعده تشرب شاي الصباح...يهجموا علي طلاق تقعد تشرب شاي باللقيمات...انا بشرب شاي الصباح زي ستة مرات كده حى اصل الشارع...و في الرجعه تكون الحليفة على صينية الفطور...
النفاج..شباك صغير كذلك بين البيوت...
الصاج...الصاج
الطرماج...يا ربي tram؟؟؟؟؟ أيوا الطرماي زي ما قالو أهلنا...
يا خوانا نحنا صحي أولاد مغتربين لكن ما للدرجة دي....؟؟؟!؟!؟
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: Mandela)
|
العزيز معتز..
يكفيني كلاامك الطيب ده يا معتز
ولك تحايا الأسرة هنا ..
مانديلا..
ماشي كويس لكن باب السنط ممكن يكون باب كبير وما يميزه أنه لا قفل له يعني متاكا وهو دليل علي أن البيت مفتوح للضيوف علي الدوام.
الصاج : هو الصاج أو (الدوكة) في رواية أخري
النفاج : شباك صغير في المطبخ أو التكل في الغالب ولكن المقصود هنا فتحة في السور بين منزلين
دليل علي أنو الحالة واحدة والجار أهل.
الطرماج : الترماي ورغم إنو خالك ما حضر الترماي إلا أني شاهدت قضبان السكة حديد التي كان يسير عليها وأظنها دفنت أسه بكميات من الأسفلت..ويبقي أثره ظاهر في كبري أمدرمان القديم.
ويلا شوف الباقي...
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: HAMZA SULIMAN)
|
العزيز حمزة..
صباحتك ورود..
الدوكة : تعني صاج يا حمزة بلغة بعض أهل الشمال
والودكة هي (الطايوق)وناس البندر بقولو مخ
وعندك كمان (المعراكة) وهي قطعة القماش لمسح الصاج
وعندك كمان (القرقريبة) وهي لبسط العجين علي الصاج.
ومنتظرين مانديلا للدكة والريكة..
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: خالد الحاج)
|
والله يا حمزه سليمان كان ما بتعرف المعراكه والقرقريبه تبقى عووووووووووووووجه
وحالتي انا كنته دايره اخليك مساعد لخالد الحج في الدروس الخصوصيه لتعليم اللغه السودانيه ..............
لكن بعد ده الا اعمل ليك انترفيو
نوف
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: HAMZA SULIMAN)
|
الدكة:حفرة دخان الطلح والشاف والكليت يا حمزة...الكليت شنو؟
كل سنة وانت طيب...يا حمزة...قدر ما اتشابيت في ارفف محلات الكاسيت
كان في المطارات او الخرطوم عموم ما لقيت شريط نزار الماحي...
يا اخي ما ترسلو لي وتريحني من شحتفة الروح...
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: خالد الحاج)
|
خالد الحاج
نسيت اهنيك انت والاسرة بالعيد فكل سنة وانتم بالف خير وعافية
والسهو جا من الغنية ما مني انا... يا اخي الكلام لما يكون جميل
ومفرداته اصيلة...يجبر الملحن والمغني علي الابداع....ولله درك يا حمزة...
اما قناديل عيش الريف فهي القنقر عندنا...والريكة كذلك احيانا تقوم مقام الهبابة....وفندر دي حمزة ما بعرفها.....
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: nazar hussien)
|
وإنت طيب يا نزار..
وتتحقق أمانيك..
رسالة إلي حمزة سليمان وأنور عبد الرحمن من أستراليا..
Quote: حباااابك وليد الحاج كيفنك يا وليدى ولعلك طيب والوليدات تمرات الفؤاد لعلهم عوافى ومبسوطين دحين يا وليدى حمزه ودسليمان بيعرف اللدايات ولا الخماره ولا البصاره وال ام شعوفة ولاالطقطاقه المهم الكلام حلو لكن نحنا بقينا بعيدين ومانا فايقين للوليدات المن صلبنا وما عارفين الا البسيط بس انا وليدى بيعرف العصيده والشرموط بس ما بيعرف // تر كدى/// التاء بالضمه//حليننا من الزمن الخلا الناس طاشه وفى بلاد الله الواسعه مشتته وما اظن اجى زمن يخلى انور وحمزه والنو وشمت اتلمو ونحنا ننبسط ونضحك ونبكى من غناهم بس دحين يا جنيي انور ما من الحلاوين؟ ومعاك بلغو سلامى وقول ليهو الشوق لسماع صوتك كتلنى عديل كدى وسلا م ليك يا وليد الحاج واتمنى اللمه فى ضل النيمه ونسمع فى حقيبه الفن وام در يا ربوع سودانا
وفتك عافيه
هنداوى الضقالى
استراليا ميلبورن |
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: خالد الحاج)
|
اصلـــــــــــــــــــــي اصلي والله يا ود الحاج بالحيل
حصل خير يا حمزه يا اخوي اللخبطه حاااااااااصله والله لكن طول بالك خليهو سلبه بس ...
بمناسبة سلبه دي عارف سلبه معناها شنو مانديلا السؤال ده ليك برضو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نوف
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: WaD OmI)
|
معقول يا نوف نحن بعدنا من ذاتنا لي درجة السلبة...بعد شوية
بالطريقة دي حا نسأل عن القراصة والكسرة والتكل واللدايات والكمشة والمفراك والعنقريب والآشميق او العشميق بقراءة حفص...
طولوا بالكم سلبة واتربطوا بالباقي
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: Giwey)
|
شكراً ياخالد ياجميل
اولاً نريد ان نعرف مصدر حصولك على ألأغنية . هل هو من السهرة التلفزيونية التي تمت مع (عقد الجلاد) في عيد الفطر السابق . ام من شريطهم الأخير الذي لم يصلنا بعد .
عرفنا ان كاتب الكلمات هم محجوب شريف ، ولكن لم نعرف من هو الملحن ، ومن هو الموزع اذا كان غير الملحن ؟
واضح ان القصيدة مقطعة ، اي ان الأغنية اختارت مقاطع من قصيدة اطول ، هل يسعفنا احدكم بنص القصيدة كاملة .
وللذين حصلوا على شريط عقد الجلاد الجديد ارجو ألا تبخلوا علينا ببعض اغنياته ، وخاصة منها مسدار ابو السرة ، حتى نستطيع الحصول عليه .
اكرر شكري للعزيز اللذيذ خالد .
| |
|
|
|
|
|
|
|
|
|
Re: باب السنط (عقد الجلاد) أغنية جديدة (Re: Ehab Eltayeb)
|
العزيز عبد الرحمن قوي..
سلامات وحمدا لله علي السلامة ليك زمن مسجل غياب..
والله يديك العافية..
تراث الجميل..
الأغنية يا تراث أرسلها لي ضمن ثلاثة أغنيات
الأستاذ حمزة سليمان..
الكلمات : محجوب شريف
اللحن : حمزة سليمان
وشارك في الأداء بعد غيبة الأستاذ أنور عبد الرحمن
أما مسدار أبو السرة فطول بالك جاي في السكة..
كفارة ليك وحمدا لله علي السلامة..قالوا متألم شوية.
إيهاب الطيب..
سلامات يا زول يا زين..
قلنا نفتحها مدرسة للمستشرقيين
وبيني وبينك لو قريت الرسالة الفوق المرسلها أخونا هنداوي الضقالي
من أستراليا وفهمت الكلمات الفيها ألحق خالك والله فيها حاجات أنا ما عرفتها..
| |
|
|
|
|
|
|
| |
ودالعباسية
ملكة سبأ
almohndis
طارق اسماعيل
waleedi399
Wad Ballal
Rawia
WaD OmI
Raja
kamalabas
HAMZA SULIMAN
mustadam
الجندرية
Tumadir
samo
معتز تروتسكى
Abir Abdulla
أحمد أمين
nazar hussien
Giwey
تراث
Ehab Eltayeb
falcon
mohammed alfadla
فيس بوك
تويتر
انستقرام
يوتيوب
بنتيريست